ଶ୍ରୀବାଦରାଯଣିରୁଵାଚ
ଭଗଵାନପି ତା ରାତ୍ରୀଃ ଶାରଦୋତ୍ଫୁଲ୍ଲମଲ୍ଲିକାଃ । ଵୀକ୍ଷ୍ଯ ରନ୍ତୁଂ ମନଶ୍ଚକ୍ରେ ଯୋଗମାଯାମୁପାଶ୍ରିତଃ ॥ ୧ ॥
ଭଗଵାନପି ତା ରାତ୍ରୀଃ ଶାରଦୋତ୍ଫୁଲ୍ଲମଲ୍ଲିକାଃ । ଵୀକ୍ଷ୍ଯ ରନ୍ତୁଂ ମନଶ୍ଚକ୍ରେ ଯୋଗମାଯାମୁପାଶ୍ରିତଃ ॥ ୧ ॥
ତଦୋଡୁରାଜଃ କକୁଭଃ କରୈର୍ମୁଖଂପ୍ରାଚ୍ଯା ଵିଲିମ୍ପନ୍ନରୁଣେନ ଶନ୍ତମୈଃ । ସ ଚର୍ଷଣୀନାମୁଦଗାଚ୍ଛୁଚୋ ମୃଜନ୍ପ୍ରିଯଃ ପ୍ରିଯାଯା ଇଵ ଦୀର୍ଘଦର୍ଶନଃ ॥ ୨ ॥
ଦୃଷ୍ଟ୍ଵା କୁମୁଦ୍ଵନ୍ତମଖଣ୍ଡମଣ୍ଡଲଂରମାନନାଭଂ ନଵକୁଙ୍କୁମାରୁଣମ୍ । ଵନଂ ଚ ତତ୍କୋମଲଗୋଭୀ ରଞ୍ଜିତଂଜଗୌ କଲଂ ଵାମଦୃଶାଂ ମନୋହରମ୍ ॥ ୩ ॥
ନିଶମ୍ଯ ଗୀତଂ ତଦନଙ୍ଗଵର୍ଧନଂଵ୍ରଜସ୍ତ୍ରିଯଃ କୃଷ୍ଣଗୃହୀତମାନସାଃ । ଆଜଗ୍ମୁରନ୍ଯୋନ୍ଯମଲକ୍ଷିତୋଦ୍ଯମାଃସ ଯତ୍ର କାନ୍ତୋ ଜଵଲୋଲକୁଣ୍ଡଲାଃ ॥ ୪ ॥
ଦୁହନ୍ତ୍ଯୋଽଭିଯଯୁଃ କାଶ୍ଚିଦ୍ ଦୋହଂ ହିତ୍ଵା ସମୁତ୍ସୁକାଃ । ପଯୋଽଧିଶ୍ରିତ୍ଯ ସଂଯାଵମନୁଦ୍ଵାସ୍ଯାପରା ଯଯୁଃ ॥ ୫ ॥
ପରିଵେଷଯନ୍ତ୍ଯସ୍ତଦ୍ଧିତ୍ଵା ପାଯଯନ୍ତ୍ଯଃ ଶିଶୂନ୍ ପଯଃ । ଶୁଶ୍ରୂଷନ୍ତ୍ଯଃ ପତୀନ୍ କାଶ୍ଚିଦଶ୍ନନ୍ତ୍ଯୋଽପାସ୍ଯ ଭୋଜନମ୍ ॥ ୬ ॥
ଲିମ୍ପନ୍ତ୍ଯଃ ପ୍ରମୃଜନ୍ତ୍ଯୋଽନ୍ଯା ଅଞ୍ଜନ୍ତ୍ଯଃ କାଶ୍ଚ ଲୋଚନେ । ଵ୍ଯତ୍ଯସ୍ତଵସ୍ତ୍ରାଭରଣାଃ କାଶ୍ଚିତ୍ କୃଷ୍ଣାନ୍ତିକଂ ଯଯୁଃ ॥ ୭ ॥
ତା ଵାର୍ଯମାଣାଃ ପତିଭିଃ ପିତୃଭିର୍ଭ୍ରାତୃବନ୍ଧୁଭିଃ । ଗୋଵିନ୍ଦାପହୃତାତ୍ମାନୋ ନ ନ୍ଯଵର୍ତନ୍ତ ମୋହିତାଃ ॥ ୮ ॥
ଅନ୍ତର୍ଗୃହଗତାଃ କାଶ୍ଚିଦ୍ ଗୋପ୍ଯୋଽଲବ୍ଧଵିନିର୍ଗମାଃ । କୃଷ୍ଣଂ ତଦ୍ଭାଵନାଯୁକ୍ତା ଦଧ୍ଯୁର୍ମୀଲିତଲୋଚନାଃ ॥ ୯ ॥
ଦୁଃସହପ୍ରେଷ୍ଠଵିରହତୀଵ୍ରତାପଧୁତାଶୁଭାଃ । ଧ୍ଯାନପ୍ରାପ୍ତାଚ୍ଯୁତାଶ୍ଲେଷନିର୍ଵୃତ୍ଯା କ୍ଷୀଣମଙ୍ଗଲାଃ ॥ ୧୦ ॥
ତମେଵ ପରମାତ୍ମାନଂ ଜାରବୁଦ୍ଧ୍ଯାପି ସଙ୍ଗତାଃ । ଜହୁର୍ଗୁଣମଯଂ ଦେହଂ ସଦ୍ଯଃ ପ୍ରକ୍ଷୀଣବନ୍ଧନାଃ ॥ ୧୧ ॥
ଶ୍ରୀପରୀକ୍ଷିଦୁଵାଚ
କୃଷ୍ଣଂ ଵିଦୁଃ ପରଂ କାନ୍ତଂ ନ ତୁ ବ୍ରହ୍ମତଯା ମୁନେ । ଗୁଣପ୍ରଵାହୋପରମସ୍ତାସାଂ ଗୁଣଧିଯାଂ କଥମ୍ ॥ ୧୨ ॥
କୃଷ୍ଣଂ ଵିଦୁଃ ପରଂ କାନ୍ତଂ ନ ତୁ ବ୍ରହ୍ମତଯା ମୁନେ । ଗୁଣପ୍ରଵାହୋପରମସ୍ତାସାଂ ଗୁଣଧିଯାଂ କଥମ୍ ॥ ୧୨ ॥
ଶ୍ରୀଶୁକ ଉଵାଚ
ଉକ୍ତଂ ପୁରସ୍ତାଦେତତ୍ତେ ଚୈଦ୍ଯଃ ସିଦ୍ଧିଂ ଯଥା ଗତଃ । ଦ୍ଵିଷନ୍ନପି ହୃଷୀକେଶଂ କିମୁତାଧୋକ୍ଷଜପ୍ରିଯାଃ ॥ ୧୩ ॥
ଉକ୍ତଂ ପୁରସ୍ତାଦେତତ୍ତେ ଚୈଦ୍ଯଃ ସିଦ୍ଧିଂ ଯଥା ଗତଃ । ଦ୍ଵିଷନ୍ନପି ହୃଷୀକେଶଂ କିମୁତାଧୋକ୍ଷଜପ୍ରିଯାଃ ॥ ୧୩ ॥
ନୃଣାଂ ନିଃଶ୍ରେଯସାର୍ଥାଯ ଵ୍ଯକ୍ତିର୍ଭଗଵତୋ ନୃପ । ଅଵ୍ଯଯସ୍ଯାପ୍ରମେଯସ୍ଯ ନିର୍ଗୁଣସ୍ଯ ଗୁଣାତ୍ମନଃ ॥ ୧୪ ॥
କାମଂ କ୍ରୋଧଂ ଭଯଂ ସ୍ନେହମୈକ୍ଯଂ ସୌହୃଦମେଵ ଚ । ନିତ୍ଯଂ ହରୌ ଵିଦଧତୋ ଯାନ୍ତି ତନ୍ମଯତାଂ ହି ତେ ॥ ୧୫ ॥
ନ ଚୈଵଂ ଵିସ୍ମଯଃ କାର୍ଯୋ ଭଵତା ଭଗଵତ୍ଯଜେ । ଯୋଗେଶ୍ଵରେଶ୍ଵରେ କୃଷ୍ଣେ ଯତ ଏତଦ୍ ଵିମୁଚ୍ଯତେ ॥ ୧୬ ॥
ତା ଦୃଷ୍ଟ୍ଵାନ୍ତିକମାଯାତା ଭଗଵାନ୍ ଵ୍ରଜଯୋଷିତଃ । ଅଵଦଦ୍ ଵଦତାଂ ଶ୍ରେଷ୍ଠୋ ଵାଚଃ ପେଶୈର୍ଵିମୋହଯନ୍ ॥ ୧୭ ॥
ଶ୍ରୀଭଗଵାନୁଵାଚ
ସ୍ଵାଗତଂ ଵୋ ମହାଭାଗାଃ ପ୍ରିଯଂ କିଂ କରଵାଣି ଵଃ । ଵ୍ରଜସ୍ଯାନାମଯଂ କଚ୍ଚିଦ୍ ବ୍ରୂତାଗମନକାରଣମ୍ ॥ ୧୮ ॥
ସ୍ଵାଗତଂ ଵୋ ମହାଭାଗାଃ ପ୍ରିଯଂ କିଂ କରଵାଣି ଵଃ । ଵ୍ରଜସ୍ଯାନାମଯଂ କଚ୍ଚିଦ୍ ବ୍ରୂତାଗମନକାରଣମ୍ ॥ ୧୮ ॥
ରଜନ୍ଯେଷା ଘୋରରୂପା ଘୋରସତ୍ତ୍ଵନିଷେଵିତା । ପ୍ରତିଯାତ ଵ୍ରଜଂ ନେହ ସ୍ଥେଯଂ ସ୍ତ୍ରୀଭିଃ ସୁମଧ୍ଯମାଃ ॥ ୧୯ ॥
ମାତରଃ ପିତରଃ ପୁତ୍ରା ଭ୍ରାତରଃ ପତଯଶ୍ଚ ଵଃ । ଵିଚିନ୍ଵନ୍ତି ହ୍ଯପଶ୍ଯନ୍ତୋ ମା କୃଢ୍ଵଂ ବନ୍ଧୁସାଧ୍ଵସମ୍ ॥ ୨୦ ॥
ଦୃଷ୍ଟଂ ଵନଂ କୁସୁମିତଂ ରାକେଶକରରଞ୍ଜିତମ୍ । ଯମୁନାନିଲଲୀଲୈଜତ୍ତରୁପଲ୍ଲଵଶୋଭିତମ୍ ॥ ୨୧ ॥
ତଦ୍ ଯାତ ମା ଚିରଂ ଗୋଷ୍ଠଂ ଶୁଶ୍ରୂଷଧ୍ଵଂ ପତୀନ୍ ସତୀଃ । କ୍ରନ୍ଦନ୍ତି ଵତ୍ସା ବାଲାଶ୍ଚ ତାନ୍ ପାଯଯତ ଦୁହ୍ଯତ ॥ ୨୨ ॥
ଅଥ ଵା ମଦଭିସ୍ନେହାଦ୍ ଭଵତ୍ଯୋ ଯନ୍ତ୍ରିତାଶଯାଃ । ଆଗତା ହ୍ଯୁପପନ୍ନଂ ଵଃ ପ୍ରୀଯନ୍ତେ ମଯି ଜନ୍ତଵଃ ॥ ୨୩ ॥
ଭର୍ତୁଃ ଶୁଶ୍ରୂଷଣଂ ସ୍ତ୍ରୀଣାଂ ପରୋ ଧର୍ମୋ ହ୍ଯମାଯଯା ।
ତଦ୍ବନ୍ଧୂନାଂ ଚ କଲ୍ଯାଣଃ ପ୍ରଜାନାଂ ଚାନୁପୋଷଣମ୍ ॥ ୨୪ ॥
ତଦ୍ବନ୍ଧୂନାଂ ଚ କଲ୍ଯାଣଃ ପ୍ରଜାନାଂ ଚାନୁପୋଷଣମ୍ ॥ ୨୪ ॥
ଦୁଃଶୀଲୋ ଦୁର୍ଭଗୋ ଵୃଦ୍ଧୋ ଜଡୋ ରୋଗ୍ଯଧନୋଽପି ଵା ।
ପତିଃ ସ୍ତ୍ରୀଭିର୍ନ ହାତଵ୍ଯୋ ଲୋକେପ୍ସୁଭିରପାତକୀ ॥ ୨୫ ॥
ପତିଃ ସ୍ତ୍ରୀଭିର୍ନ ହାତଵ୍ଯୋ ଲୋକେପ୍ସୁଭିରପାତକୀ ॥ ୨୫ ॥
ଅସ୍ଵର୍ଗ୍ଯମଯଶସ୍ଯଂ ଚ ଫଲ୍ଗୁ କୃଚ୍ଛ୍ରଂ ଭଯାଵହମ୍ ।
ଜୁଗୁପ୍ସିତଂ ଚ ସର୍ଵତ୍ର ହ୍ଯୌପପତ୍ଯଂ କୁଲସ୍ତ୍ରିଯଃ ॥ ୨୬ ॥
ଜୁଗୁପ୍ସିତଂ ଚ ସର୍ଵତ୍ର ହ୍ଯୌପପତ୍ଯଂ କୁଲସ୍ତ୍ରିଯଃ ॥ ୨୬ ॥
ଶ୍ରଵଣାଦ୍ ଦର୍ଶନାଦ୍ଧ୍ଯାନାନ୍ମଯି ଭାଵୋଽନୁକୀର୍ତନାତ୍ ।
ନ ତଥା ସନ୍ନିକର୍ଷେଣ ପ୍ରତିଯାତ ତତୋ ଗୃହାନ୍ ॥ ୨୭ ॥
ନ ତଥା ସନ୍ନିକର୍ଷେଣ ପ୍ରତିଯାତ ତତୋ ଗୃହାନ୍ ॥ ୨୭ ॥
ଶ୍ରୀଶୁକ ଉଵାଚ
ଇତି ଵିପ୍ରିଯମାକର୍ଣ୍ଯ ଗୋପ୍ଯୋ ଗୋଵିନ୍ଦଭାଷିତମ୍ ।
ଵିଷଣ୍ଣା ଭଗ୍ନସଙ୍କଲ୍ପାଶ୍ଚିନ୍ତାମାପୁର୍ଦୁରତ୍ଯଯାମ୍ ॥ ୨୮ ॥
ଇତି ଵିପ୍ରିଯମାକର୍ଣ୍ଯ ଗୋପ୍ଯୋ ଗୋଵିନ୍ଦଭାଷିତମ୍ ।
ଵିଷଣ୍ଣା ଭଗ୍ନସଙ୍କଲ୍ପାଶ୍ଚିନ୍ତାମାପୁର୍ଦୁରତ୍ଯଯାମ୍ ॥ ୨୮ ॥
କୃତ୍ଵା ମୁଖାନ୍ଯଵ ଶୁଚଃ ଶ୍ଵସନେନ ଶୁଷ୍ଯଦ୍-
ବିମ୍ବାଧରାଣି ଚରଣେନ ଭୁଵଃ ଲିଖନ୍ତ୍ଯଃ ।
ଅସ୍ରୈରୁପାତ୍ତମସିଭିଃ କୁଚକୁଙ୍କୁମାନି
ତସ୍ଥୁର୍ମୃଜନ୍ତ୍ଯ ଉରୁଦୁଃଖଭରାଃ ସ୍ମ ତୂଷ୍ଣୀମ୍ ॥ ୨୯ ॥
ବିମ୍ବାଧରାଣି ଚରଣେନ ଭୁଵଃ ଲିଖନ୍ତ୍ଯଃ ।
ଅସ୍ରୈରୁପାତ୍ତମସିଭିଃ କୁଚକୁଙ୍କୁମାନି
ତସ୍ଥୁର୍ମୃଜନ୍ତ୍ଯ ଉରୁଦୁଃଖଭରାଃ ସ୍ମ ତୂଷ୍ଣୀମ୍ ॥ ୨୯ ॥
ପ୍ରେଷ୍ଠଂ ପ୍ରିଯେତରମିଵ ପ୍ରତିଭାଷମାଣଂ
କୃଷ୍ଣଂ ତଦର୍ଥଵିନିଵର୍ତିତସର୍ଵକାମାଃ ।
ନେତ୍ରେ ଵିମୃଜ୍ଯ ରୁଦିତୋପହତେ ସ୍ମ କିଞ୍ଚିତ୍-
ସଂରମ୍ଭଗଦ୍ଗଦଗିରୋଽବ୍ରୁଵତାନୁରକ୍ତାଃ ॥ ୩୦ ॥
କୃଷ୍ଣଂ ତଦର୍ଥଵିନିଵର୍ତିତସର୍ଵକାମାଃ ।
ନେତ୍ରେ ଵିମୃଜ୍ଯ ରୁଦିତୋପହତେ ସ୍ମ କିଞ୍ଚିତ୍-
ସଂରମ୍ଭଗଦ୍ଗଦଗିରୋଽବ୍ରୁଵତାନୁରକ୍ତାଃ ॥ ୩୦ ॥
ଗୋପ୍ଯ ଊଚୁଃ
ମୈଵଂ ଵିଭୋଽର୍ହତି ଭଵାନ୍ ଗଦିତୁଂ ନୃଶଂସଂ
ସନ୍ତ୍ଯଜ୍ଯ ସର୍ଵଵିଷଯାଂସ୍ତଵ ପାଦମୂଲମ୍ ।
ଭକ୍ତା ଭଜସ୍ଵ ଦୁରଵଗ୍ରହ ମା ତ୍ଯଜାସ୍ମାନ୍
ଦେଵୋ ଯଥାଦିପୁରୁଷୋ ଭଜତେ ମୁମୁକ୍ଷୂନ୍ ॥ ୩୧ ॥
ମୈଵଂ ଵିଭୋଽର୍ହତି ଭଵାନ୍ ଗଦିତୁଂ ନୃଶଂସଂ
ସନ୍ତ୍ଯଜ୍ଯ ସର୍ଵଵିଷଯାଂସ୍ତଵ ପାଦମୂଲମ୍ ।
ଭକ୍ତା ଭଜସ୍ଵ ଦୁରଵଗ୍ରହ ମା ତ୍ଯଜାସ୍ମାନ୍
ଦେଵୋ ଯଥାଦିପୁରୁଷୋ ଭଜତେ ମୁମୁକ୍ଷୂନ୍ ॥ ୩୧ ॥
ଯତ୍ପତ୍ଯପତ୍ଯସୁହୃଦାମନୁଵୃତ୍ତିରଙ୍ଗ
ସ୍ତ୍ରୀଣାଂ ସ୍ଵଧର୍ମ ଇତି ଧର୍ମଵିଦା ତ୍ଵଯୋକ୍ତମ୍ ।
ଅସ୍ତ୍ଵେଵମେତଦୁପଦେଶପଦେ ତ୍ଵଯୀଶେ
ପ୍ରେଷ୍ଠୋ ଭଵାଂସ୍ତନୁଭୃତାଂ କିଲ ବନ୍ଧୁରାତ୍ମା ॥ ୩୨ ॥
ସ୍ତ୍ରୀଣାଂ ସ୍ଵଧର୍ମ ଇତି ଧର୍ମଵିଦା ତ୍ଵଯୋକ୍ତମ୍ ।
ଅସ୍ତ୍ଵେଵମେତଦୁପଦେଶପଦେ ତ୍ଵଯୀଶେ
ପ୍ରେଷ୍ଠୋ ଭଵାଂସ୍ତନୁଭୃତାଂ କିଲ ବନ୍ଧୁରାତ୍ମା ॥ ୩୨ ॥
କୁର୍ଵନ୍ତି ହି ତ୍ଵଯି ରତିଂ କୁଶଲାଃ ସ୍ଵ ଆତ୍ମନ୍
ନିତ୍ଯପ୍ରିଯେ ପତିସୁତାଦିଭିରାର୍ତିଦୈଃ କିମ୍ ।
ତନ୍ନଃ ପ୍ରସୀଦ ପରମେଶ୍ଵର ମା ସ୍ମ ଛିନ୍ଦ୍ଯା
ଆଶାଂ ଧୃତାଂ ତ୍ଵଯି ଚିରାଦରଵିନ୍ଦନେତ୍ର ॥ ୩୩ ॥
ନିତ୍ଯପ୍ରିଯେ ପତିସୁତାଦିଭିରାର୍ତିଦୈଃ କିମ୍ ।
ତନ୍ନଃ ପ୍ରସୀଦ ପରମେଶ୍ଵର ମା ସ୍ମ ଛିନ୍ଦ୍ଯା
ଆଶାଂ ଧୃତାଂ ତ୍ଵଯି ଚିରାଦରଵିନ୍ଦନେତ୍ର ॥ ୩୩ ॥
ଚିତ୍ତଂ ସୁଖେନ ଭଵତାପହୃତଂ ଗୃହେଷୁ
ଯନ୍ନିର୍ଵିଶତ୍ଯୁତ କରାଵପି ଗୃହ୍ଯକୃତ୍ଯେ ।
ପାଦୌ ପଦଂ ନ ଚଲତସ୍ତଵ ପାଦମୂଲାଦ୍
ଯାମଃ କଥଂ ଵ୍ରଜମଥୋ କରଵାମ କିଂ ଵା ॥ ୩୪ ॥
ଯନ୍ନିର୍ଵିଶତ୍ଯୁତ କରାଵପି ଗୃହ୍ଯକୃତ୍ଯେ ।
ପାଦୌ ପଦଂ ନ ଚଲତସ୍ତଵ ପାଦମୂଲାଦ୍
ଯାମଃ କଥଂ ଵ୍ରଜମଥୋ କରଵାମ କିଂ ଵା ॥ ୩୪ ॥
ସିଞ୍ଚାଙ୍ଗ ନସ୍ତ୍ଵଦଧରାମୃତପୂରକେଣ
ହାସାଵଲୋକକଲଗୀତଜହୃଚ୍ଛଯାଗ୍ନିମ୍ ।
ନୋ ଚେଦ୍ଵଯଂ ଵିରହଜାଗ୍ନ୍ଯୁପଯୁକ୍ତଦେହା
ଧ୍ଯାନେନ ଯାମ ପଦଯୋଃ ପଦଵୀଂ ସଖେ ତେ ॥ ୩୫ ॥
ହାସାଵଲୋକକଲଗୀତଜହୃଚ୍ଛଯାଗ୍ନିମ୍ ।
ନୋ ଚେଦ୍ଵଯଂ ଵିରହଜାଗ୍ନ୍ଯୁପଯୁକ୍ତଦେହା
ଧ୍ଯାନେନ ଯାମ ପଦଯୋଃ ପଦଵୀଂ ସଖେ ତେ ॥ ୩୫ ॥
ଯର୍ହ୍ଯମ୍ବୁଜାକ୍ଷ ତଵ ପାଦତଲଂ ରମାଯା
ଦତ୍ତକ୍ଷଣଂ କ୍ଵଚିଦରଣ୍ଯଜନପ୍ରିଯସ୍ଯ ।
ଅସ୍ପ୍ରାକ୍ଷ୍ମ ତତ୍ପ୍ରଭୃତି ନାନ୍ଯସମକ୍ଷମଞ୍ଜଃ
ସ୍ଥାତୁଂ ସ୍ତ୍ଵଯାଭିରମିତା ବତ ପାରଯାମଃ ॥ ୩୬ ॥
ଦତ୍ତକ୍ଷଣଂ କ୍ଵଚିଦରଣ୍ଯଜନପ୍ରିଯସ୍ଯ ।
ଅସ୍ପ୍ରାକ୍ଷ୍ମ ତତ୍ପ୍ରଭୃତି ନାନ୍ଯସମକ୍ଷମଞ୍ଜଃ
ସ୍ଥାତୁଂ ସ୍ତ୍ଵଯାଭିରମିତା ବତ ପାରଯାମଃ ॥ ୩୬ ॥
ଶ୍ରୀର୍ଯତ୍ପଦାମ୍ବୁଜରଜଶ୍ଚକମେ ତୁଲସ୍ଯା
ଲବ୍ଧ୍ଵାପି ଵକ୍ଷସି ପଦଂ କିଲ ଭୃତ୍ଯଜୁଷ୍ଟମ୍ ।
ଯସ୍ଯାଃ ସ୍ଵଵୀକ୍ଷଣ ଉତାନ୍ଯସୁରପ୍ରଯାସ-
ସ୍ତଦ୍ଵଦ୍ ଵଯଂ ଚ ତଵ ପାଦରଜଃ ପ୍ରପନ୍ନାଃ ॥ ୩୭ ॥
ଲବ୍ଧ୍ଵାପି ଵକ୍ଷସି ପଦଂ କିଲ ଭୃତ୍ଯଜୁଷ୍ଟମ୍ ।
ଯସ୍ଯାଃ ସ୍ଵଵୀକ୍ଷଣ ଉତାନ୍ଯସୁରପ୍ରଯାସ-
ସ୍ତଦ୍ଵଦ୍ ଵଯଂ ଚ ତଵ ପାଦରଜଃ ପ୍ରପନ୍ନାଃ ॥ ୩୭ ॥
ତନ୍ନଃ ପ୍ରସୀଦ ଵୃଜିନାର୍ଦନ ତେଽଙ୍ଘ୍ରିମୂଲଂ
ପ୍ରାପ୍ତା ଵିସୃଜ୍ଯ ଵସତୀସ୍ତ୍ଵଦୁପାସନାଶାଃ ।
ତ୍ଵତ୍ସୁନ୍ଦରସ୍ମିତନିରୀକ୍ଷଣତୀଵ୍ରକାମ-
ତପ୍ତାତ୍ମନାଂ ପୁରୁଷଭୂଷଣ ଦେହି ଦାସ୍ଯମ୍ ॥ ୩୮ ॥
ପ୍ରାପ୍ତା ଵିସୃଜ୍ଯ ଵସତୀସ୍ତ୍ଵଦୁପାସନାଶାଃ ।
ତ୍ଵତ୍ସୁନ୍ଦରସ୍ମିତନିରୀକ୍ଷଣତୀଵ୍ରକାମ-
ତପ୍ତାତ୍ମନାଂ ପୁରୁଷଭୂଷଣ ଦେହି ଦାସ୍ଯମ୍ ॥ ୩୮ ॥
ଵୀକ୍ଷ୍ଯାଲକାଵୃତମୁଖଂ ତଵ କୁଣ୍ଡଲଶ୍ରୀ-
ଗଣ୍ଡସ୍ଥଲାଧରସୁଧଂ ହସିତାଵଲୋକମ୍ ।
ଦତ୍ତାଭଯଂ ଚ ଭୁଜଦଣ୍ଡଯୁଗଂ ଵିଲୋକ୍ଯ
ଵକ୍ଷଃ ଶ୍ରିଯୈକରମଣଂ ଚ ଭଵାମ ଦାସ୍ଯଃ ॥ ୩୯ ॥
ଗଣ୍ଡସ୍ଥଲାଧରସୁଧଂ ହସିତାଵଲୋକମ୍ ।
ଦତ୍ତାଭଯଂ ଚ ଭୁଜଦଣ୍ଡଯୁଗଂ ଵିଲୋକ୍ଯ
ଵକ୍ଷଃ ଶ୍ରିଯୈକରମଣଂ ଚ ଭଵାମ ଦାସ୍ଯଃ ॥ ୩୯ ॥
କା ସ୍ତ୍ର୍ଯଙ୍ଗ ତେ କଲପଦାଯତଵେଣୁଗୀତ-
ସମ୍ମୋହିତାର୍ଯଚରିତାନ୍ନ ଚଲେତ୍ତ୍ରିଲୋକ୍ଯାମ୍ ।
ତ୍ରୈଲୋକ୍ଯସୌଭଗମିଦଂ ଚ ନିରୀକ୍ଷ୍ଯ ରୂପଂ
ଯଦ୍ ଗୋଦ୍ଵିଜଦ୍ରୁମମୃଗାଃ ପୁଲକାନ୍ଯବିଭ୍ରନ୍ ॥ ୪୦ ॥
ସମ୍ମୋହିତାର୍ଯଚରିତାନ୍ନ ଚଲେତ୍ତ୍ରିଲୋକ୍ଯାମ୍ ।
ତ୍ରୈଲୋକ୍ଯସୌଭଗମିଦଂ ଚ ନିରୀକ୍ଷ୍ଯ ରୂପଂ
ଯଦ୍ ଗୋଦ୍ଵିଜଦ୍ରୁମମୃଗାଃ ପୁଲକାନ୍ଯବିଭ୍ରନ୍ ॥ ୪୦ ॥
ଵ୍ଯକ୍ତଂ ଭଵାନ୍ ଵ୍ରଜଭଯାର୍ତିହରୋଽଭିଜାତୋ
ଦେଵୋ ଯଥାଦିପୁରୁଷଃ ସୁରଲୋକଗୋପ୍ତା ।
ତନ୍ନୋ ନିଧେହି କରପଙ୍କଜମାର୍ତବନ୍ଧୋ
ତପ୍ତସ୍ତନେଷୁ ଚ ଶିରଃସୁ ଚ କିଙ୍କରୀଣାମ୍ ॥ ୪୧ ॥
ଦେଵୋ ଯଥାଦିପୁରୁଷଃ ସୁରଲୋକଗୋପ୍ତା ।
ତନ୍ନୋ ନିଧେହି କରପଙ୍କଜମାର୍ତବନ୍ଧୋ
ତପ୍ତସ୍ତନେଷୁ ଚ ଶିରଃସୁ ଚ କିଙ୍କରୀଣାମ୍ ॥ ୪୧ ॥
ଶ୍ରୀଶୁକ ଉଵାଚ
ଇତି ଵିକ୍ଲଵିତଂ ତାସାଂ ଶ୍ରୁତ୍ଵା ଯୋଗେଶ୍ଵରେଶ୍ଵରଃ ।
ପ୍ରହସ୍ଯ ସଦଯଂ ଗୋପୀରାତ୍ମାରାମୋଽପ୍ଯରୀରମତ୍ ॥ ୪୨ ॥
ଇତି ଵିକ୍ଲଵିତଂ ତାସାଂ ଶ୍ରୁତ୍ଵା ଯୋଗେଶ୍ଵରେଶ୍ଵରଃ ।
ପ୍ରହସ୍ଯ ସଦଯଂ ଗୋପୀରାତ୍ମାରାମୋଽପ୍ଯରୀରମତ୍ ॥ ୪୨ ॥
ତାଭିଃ ସମେତାଭିରୁଦାରଚେଷ୍ଟିତଃ
ପ୍ରିଯେକ୍ଷଣୋତ୍ଫୁଲ୍ଲମୁଖୀଭିରଚ୍ଯୁତଃ ।
ଉଦାରହାସଦ୍ଵିଜକୁନ୍ଦଦୀଧତି-
ର୍ଵ୍ଯରୋଚତୈଣାଙ୍କ ଇଵୋଡୁଭିର୍ଵୃତଃ ॥ ୪୩ ॥
ପ୍ରିଯେକ୍ଷଣୋତ୍ଫୁଲ୍ଲମୁଖୀଭିରଚ୍ଯୁତଃ ।
ଉଦାରହାସଦ୍ଵିଜକୁନ୍ଦଦୀଧତି-
ର୍ଵ୍ଯରୋଚତୈଣାଙ୍କ ଇଵୋଡୁଭିର୍ଵୃତଃ ॥ ୪୩ ॥
ଉପଗୀଯମାନ ଉଦ୍ଗାଯନ୍ ଵନିତାଶତଯୂଥପଃ ।
ମାଲାଂ ବିଭ୍ରଦ୍ଵୈଜଯନ୍ତୀଂ ଵ୍ଯଚରନ୍ମଣ୍ଡଯନ୍ ଵନମ୍ ॥ ୪୪ ॥
ମାଲାଂ ବିଭ୍ରଦ୍ଵୈଜଯନ୍ତୀଂ ଵ୍ଯଚରନ୍ମଣ୍ଡଯନ୍ ଵନମ୍ ॥ ୪୪ ॥
ନଦ୍ଯାଃ ପୁଲିନମାଵିଶ୍ଯ ଗୋପୀଭିର୍ହିମଵାଲୁକମ୍ ।
ଜୁଷ୍ଟଂ ତତ୍ତରଲାନନ୍ଦିକୁମୁଦାମୋଦଵାଯୁନା ॥ ୪୫ ॥
ଜୁଷ୍ଟଂ ତତ୍ତରଲାନନ୍ଦିକୁମୁଦାମୋଦଵାଯୁନା ॥ ୪୫ ॥
ବାହୁପ୍ରସାରପରିରମ୍ଭକରାଲକୋରୁ-
ନୀଵୀସ୍ତନାଲଭନନର୍ମନଖାଗ୍ରପାତୈଃ ।
କ୍ଷ୍ଵେଲ୍ଯାଵଲୋକହସିତୈର୍ଵ୍ରଜସୁନ୍ଦରୀଣା-
ମୁତ୍ତମ୍ଭଯନ୍ ରତିପତିଂ ରମଯାଂ ଚକାର ॥ ୪୬ ॥
ନୀଵୀସ୍ତନାଲଭନନର୍ମନଖାଗ୍ରପାତୈଃ ।
କ୍ଷ୍ଵେଲ୍ଯାଵଲୋକହସିତୈର୍ଵ୍ରଜସୁନ୍ଦରୀଣା-
ମୁତ୍ତମ୍ଭଯନ୍ ରତିପତିଂ ରମଯାଂ ଚକାର ॥ ୪୬ ॥
ଏଵଂ ଭଗଵତଃ କୃଷ୍ଣାଲ୍ଲବ୍ଧମାନା ମହାତ୍ମନଃ ।
ଆତ୍ମାନଂ ମେନିରେ ସ୍ତ୍ରୀଣାଂ ମାନିନ୍ଯୋ ହ୍ଯଧିକଂ ଭୁଵି ॥ ୪୭ ॥
ଆତ୍ମାନଂ ମେନିରେ ସ୍ତ୍ରୀଣାଂ ମାନିନ୍ଯୋ ହ୍ଯଧିକଂ ଭୁଵି ॥ ୪୭ ॥
ତାସାଂ ତତ୍ ସୌଭଗମଦଂ ଵୀକ୍ଷ୍ଯ ମାନଂ ଚ କେଶଵଃ ।
ପ୍ରଶମାଯ ପ୍ରସାଦାଯ ତତ୍ରୈଵାନ୍ତରଧୀଯତ ॥ ୪୮ ॥
ପ୍ରଶମାଯ ପ୍ରସାଦାଯ ତତ୍ରୈଵାନ୍ତରଧୀଯତ ॥ ୪୮ ॥