ஶ்ரீமத்பாகவதம் ௧௦.௪௪

ஶ்ரீஶுக உவாச
ஏவம் சர்சிதஸங்கல்போ பகவாந் மதுஸூதநஃ । ஆஸஸாதாத சாணூரம் முஷ்டிகம் ரோஹிணீஸுதஃ ॥ ௧ ॥

ஹஸ்தாப்யாம் ஹஸ்தயோர்பத்த்வா பத்ப்யாமேவ ச பாதயோஃ । விசகர்ஷதுரந்யோந்யம் ப்ரஸஹ்ய விஜிகீஷயா ॥ ௨ ॥

அரத்நீ த்வே அரத்நிப்யாம் ஜாநுப்யாம் சைவ ஜாநுநீ । ஶிரஃ ஶீர்ஷ்ணோரஸோரஸ்தாவந்யோந்யமபிஜக்நதுஃ ॥ ௩ ॥

பரிப்ராமணவிக்ஷேபபரிரம்பாவபாதநைஃ । உத்ஸர்பணாபஸர்பணைஶ்சாந்யோந்யம் ப்ரத்யருந்ததாம் ॥ ௪ ॥

உத்தாபநைருந்நயநைஶ்சாலநைஃ ஸ்தாபநைரபி । பரஸ்பரம் ஜிகீஷந்தாவபசக்ரதுராத்மநஃ ॥ ௫ ॥

தத் பலாபலவத்யுத்தம் ஸமேதாஃ ஸர்வயோஷிதஃ । ஊசுஃ பரஸ்பரம் ராஜந் ஸாநுகம்பா வரூதஶஃ ॥ ௬ ॥

மஹாநயம் பதாதர்ம ஏஷாம் ராஜஸபாஸதாம் । யே பலாபலவத்யுத்தம் ராஜ்ஞோ'ந்விச்சந்தி பஶ்யதஃ ॥ ௭ ॥

க்வ வஜ்ரஸாரஸர்வாங்கௌ மல்லௌ ஶைலேந்த்ரஸந்நிபௌ । க்வ சாதிஸுகுமாராங்கௌ கிஶோரௌ நாப்தயௌவநௌ ॥ ௮ ॥

தர்மவ்யதிக்ரமோ ஹ்யஸ்ய ஸமாஜஸ்ய த்ருவம் பவேத் । யத்ராதர்மஃ ஸமுத்திஷ்டேந்ந ஸ்தேயம் தத்ர கர்ஹிசித் ॥ ௯ ॥

ந ஸபாம் ப்ரவிஶேத் ப்ராஜ்ஞஃ ஸப்யதோஷாநநுஸ்மரந் । அப்ருவந் விப்ருவந்நஜ்ஞோ நரஃ கில்பிஷமஶ்நுதே ॥ ௧௦ ॥

வல்கதஃ ஶத்ருமபிதஃ க்ரு'ஷ்ணஸ்ய வதநாம்புஜம் । வீக்ஷ்யதாம் ஶ்ரமவார்யுப்தம் பத்மகோஶமிவாம்புபிஃ ॥ ௧௧ ॥

கிம் ந பஶ்யத ராமஸ்ய முகமாதாம்ரலோசநம் । முஷ்டிகம் ப்ரதி ஸாமர்ஷம் ஹாஸஸம்ரம்பஶோபிதம் ॥ ௧௨ ॥

புண்யா பத வ்ரஜபுவோ யதயம் ந்ரு'லிங்க-கூடஃ புராணபுருஷோ வநசித்ரமால்யஃ । காஃ பாலயந் ஸஹபலஃ க்வணயம்ஶ்ச வேணும்விக்ரீடயாஞ்சதி கிரித்ரரமார்சிதாங்க்ரிஃ ॥ ௧௩ ॥

கோப்யஸ்தபஃ கிமசரந் யதமுஷ்ய ரூபம்லாவண்யஸாரமஸமோர்த்வமநந்யஸித்தம் । த்ரு'க்பிஃ பிபந்த்யநுஸவாபிநவம் துராப-மேகாந்ததாம யஶஸஃ ஶ்ரிய ஐஶ்வரஸ்ய ॥ ௧௪ ॥

யா தோஹநே'வஹநநே மதநோபலேப-ப்ரேங்கேங்கநார்பருதிதோக்ஷணமார்ஜநாதௌ । காயந்தி சைநமநுரக்ததியோ'ஶ்ருகண்ட்யோதந்யா வ்ரஜஸ்த்ரிய உருக்ரமசித்தயாநாஃ ॥ ௧௫ ॥

ப்ராதர்வ்ரஜாத் வ்ரஜத ஆவிஶதஶ்ச ஸாயம்கோபிஃ ஸமம் க்வணயதோ'ஸ்ய நிஶம்ய வேணும் । நிர்கம்ய தூர்ணமபலாஃ பதி பூரிபுண்யாஃபஶ்யந்தி ஸஸ்மிதமுகம் ஸதயாவலோகம் ॥ ௧௬ ॥

ஏவம் ப்ரபாஷமாணாஸு ஸ்த்ரீஷு யோகேஶ்வரோ ஹரிஃ । ஶத்ரும் ஹந்தும் மநஶ்சக்ரே பகவாந் பரதர்ஷப ॥ ௧௭ ॥

ஸபயாஃ ஸ்த்ரீகிரஃ ஶ்ருத்வா புத்ரஸ்நேஹஶுசாதுரௌ । பிதராவந்வதப்யேதாம் புத்ரயோரபுதௌ பலம் ॥ ௧௮ ॥

தைஸ்தைர்நியுத்தவிதிபிர்விவிதைரச்யுதேதரௌ । யுயுதாதே யதாந்யோந்யம் ததைவ பலமுஷ்டிகௌ ॥ ௧௯ ॥

பகவத்காத்ரநிஷ்பாதைர்வஜ்ரநீஷ்பேஷநிஷ்டுரைஃ । சாணூரோ பஜ்யமாநாங்கோ முஹுர்க்லாநிமவாப ஹ ॥ ௨௦ ॥

ஸ ஶ்யேநவேக உத்பத்ய முஷ்டீக்ரு'த்ய கராவுபௌ । பகவந்தம் வாஸுதேவம் க்ருத்தோ வக்ஷஸ்யபாதத ॥ ௨௧ ॥

நாசலத்தத்ப்ரஹாரேண மாலாஹத இவ த்விபஃ । பாஹ்வோர்நிக்ரு'ஹ்ய சாணூரம் பஹுஶோ ப்ராமயந் ஹரிஃ ॥ ௨௨ ॥

பூப்ரு'ஷ்டே போதயாமாஸ தரஸா க்ஷீணஜீவிதம் । விஸ்ரஸ்தாகல்பகேஶஸ்ரகிந்த்ரத்வஜ இவாபதத் ॥ ௨௩ ॥

ததைவ முஷ்டிகஃ பூர்வம் ஸ்வமுஷ்ட்யாபிஹதேந வை । பலபத்ரேண பலிநா தலேநாபிஹதோ ப்ரு'ஶம் ॥ ௨௪ ॥

ப்ரவேபிதஃ ஸ ருதிரமுத்வமந் முகதோ'ர்திதஃ । வ்யஸுஃ பபாதோர்வ்யுபஸ்தே வாதாஹத இவாங்க்ரிபஃ ॥ ௨௫ ॥

ததஃ கூடமநுப்ராப்தம் ராமஃ ப்ரஹரதாம் வரஃ । அவதீல்லீலயா ராஜந்ஸாவஜ்ஞம் வாமமுஷ்டிநா ॥ ௨௬ ॥

தர்ஹ்யேவ ஹி ஶலஃ க்ரு'ஷ்ணப்ரபதாஹதஶீர்ஷகஃ । த்விதா விதீர்ணஸ்தோஶலக உபாவபி நிபேததுஃ ॥ ௨௭ ॥

சாணூரே முஷ்டிகே கூடே ஶலே தோஶலகே ஹதே । ஶேஷாஃ ப்ரதுத்ருவுர்மல்லாஃ ஸர்வே ப்ராணபரீப்ஸவஃ ॥ ௨௮ ॥

கோபாந்வயஸ்யாநாக்ரு'ஷ்ய தைஃ ஸம்ஸ்ரு'ஜ்ய விஜஹ்ரதுஃ । வாத்யமாநேஷு தூர்யேஷு வல்கந்தௌ ருதநூபுரௌ ॥ ௨௯ ॥

ஜநாஃ ப்ரஜஹ்ரு'ஷுஃ ஸர்வே கர்மணா ராமக்ரு'ஷ்ணயோஃ । ரு'தே கம்ஸம் விப்ரமுக்யாஃ ஸாதவஃ ஸாது ஸாத்விதி ॥ ௩௦ ॥

ஹதேஷு மல்லவர்யேஷு வித்ருதேஷு ச போஜராட் । ந்யவாரயத் ஸ்வதூர்யாணி வாக்யம் சேதமுவாச ஹ ॥ ௩௧ ॥

நிஃஸாரயத துர்வ்ரு'த்தௌ வஸுதேவாத்மஜௌ புராத் । தநம் ஹரத கோபாநாம் நந்தம் பத்நீத துர்மதிம் ॥ ௩௨ ॥

வஸுதேவஸ்து துர்மேதா ஹந்யதாமாஶ்வஸத்தமஃ । உக்ரஸேநஃ பிதா சாபி ஸாநுகஃ பரபக்ஷகஃ ॥ ௩௩ ॥

ஏவம் விகத்தமாநே வை கம்ஸே ப்ரகுபிதோ'வ்யயஃ । லகிம்நோத்பத்ய தரஸா மஞ்சமுத்துங்கமாருஹத் ॥ ௩௪ ॥

தமாவிஶந்தமாலோக்ய ம்ரு'த்யுமாத்மந ஆஸநாத் । மநஸ்வீ ஸஹஸோத்தாய ஜக்ரு'ஹே ஸோ'ஸிசர்மணீ ॥ ௩௫ ॥

தம் கட்கபாணிம் விசரந்தமாஶுஶ்யேநம் யதா தக்ஷிணஸவ்யமம்பரே । ஸமக்ரஹீத் துர்விஷஹோக்ரதேஜாயதோரகம் தார்க்ஷ்யஸுதஃ ப்ரஸஹ்ய ॥ ௩௬ ॥

ப்ரக்ரு'ஹ்ய கேஶேஷு சலத்கிரீடம்நிபாத்ய ரங்கோபரி துங்கமஞ்சாத் । தஸ்யோபரிஷ்டாத் ஸ்வயமப்ஜநாபஃபபாத விஶ்வாஶ்ரய ஆத்மதந்த்ரஃ ॥ ௩௭ ॥

தம் ஸம்பரேதம் விசகர்ஷ பூமௌஹரிர்யதேபம் ஜகதோ விபஶ்யதஃ । ஹாஹேதி ஶப்தஃ ஸுமஹாம்ஸ்ததாபூ-துதீரிதஃ ஸர்வஜநைர்நரேந்த்ர ॥ ௩௮ ॥

ஸ நித்யதோத்விக்நதியா தமீஶ்வரம்பிபந்நதந்வா விசரந் ஸ்வபந் ஶ்வஸந் । ததர்ஶ சக்ராயுதமக்ரதோ யத-ஸ்ததேவ ரூபம் துரவாபமாப ॥ ௩௯ ॥

தஸ்யாநுஜா ப்ராதரோ'ஷ்டௌ கங்கந்யக்ரோதகாதயஃ । அப்யதாவந்நதிக்ருத்தா ப்ராதுர்நிர்வேஶகாரிணஃ ॥ ௪௦ ॥

ததாதிரபஸாம்ஸ்தாம்ஸ்து ஸம்யத்தாந்ரோஹிணீஸுதஃ । அஹந் பரிகமுத்யம்ய பஶூநிவ ம்ரு'காதிபஃ ॥ ௪௧ ॥

நேதுர்துந்துபயோ வ்யோம்நி ப்ரஹ்மேஶாத்யா விபூதயஃ । புஷ்பைஃ கிரந்தஸ்தம் ப்ரீதாஃ ஶஶம்ஸுர்நந்ரு'துஃ ஸ்த்ரியஃ ॥ ௪௨ ॥

தேஷாம் ஸ்த்ரியோ மஹாராஜ ஸுஹ்ரு'ந்மரணதுஃகிதாஃ । தத்ராபீயுர்விநிக்நந்த்யஃ ஶீர்ஷாண்யஶ்ருவிலோசநாஃ ॥ ௪௩ ॥

ஶயாநாந்வீரஶயாயாம் பதீநாலிங்க்ய ஶோசதீஃ । விலேபுஃ ஸுஸ்வரம் நார்யோ விஸ்ரு'ஜந்த்யோ முஹுஃ ஶுசஃ ॥ ௪௪ ॥

ஹா நாத ப்ரிய தர்மஜ்ஞ கருணாநாதவத்ஸல । த்வயா ஹதேந நிஹதா வயம் தே ஸக்ரு'ஹப்ரஜாஃ ॥ ௪௫ ॥

த்வயா விரஹிதா பத்யா புரீயம் புருஷர்ஷப । ந ஶோபதே வயமிவ நிவ்ரு'த்தோத்ஸவமங்கலா ॥ ௪௬ ॥

அநாகஸாம் த்வம் பூதாநாம் க்ரு'தவாந்த்ரோஹமுல்பணம் । தேநேமாம் போ தஶாம் நீதோ பூதத்ருக்கோ லபேத ஶம் ॥ ௪௭ ॥

ஸர்வேஷாமிஹ பூதாநாமேஷ ஹி ப்ரபவாப்யயஃ । கோப்தா ச ததவத்யாயீ ந க்வசித்ஸுகமேததே ॥ ௪௮ ॥

ஶ்ரீஶுக உவாச
ராஜயோஷித ஆஶ்வாஸ்ய பகவாஂல்லோகபாவநஃ । யாமாஹுர்லௌகிகீம் ஸம்ஸ்தாம் ஹதாநாம் ஸமகாரயத் ॥ ௪௯ ॥

மாதரம் பிதரம் சைவ மோசயித்வாத பந்தநாத் । க்ரு'ஷ்ணராமௌ வவந்தாதே ஶிரஸா ஸ்ப்ரு'ஶ்ய பாதயோஃ ॥ ௫௦ ॥

தேவகீ வஸுதேவஶ்ச விஜ்ஞாய ஜகதீஶ்வரௌ । க்ரு'தஸம்வந்தநௌ புத்ரௌ ஸஸ்வஜாதே ந ஶங்கிதௌ ॥ ௫௧ ॥
நாயம் ஶ்ரியோ'ங்க உ நிதாந்தரதேஃ ப்ரஸாதஃ
ஸ்வர்யோஷிதாம் நலிநகந்தருசாம் குதோ'ந்யாஃ ।
ராஸோத்ஸவே'ஸ்ய புஜதண்டக்ரு'ஹீதகண்ட-
லப்தாஶிஷாம் ய உதகாத்வ்ரஜவல்லபீநாம் ॥