শ্রীশুক উবাচ
পিতরাবুপলব্ধার্থৌ বিদিত্বা পুরুষোত্তমঃ ।
মা ভূদিতি নিজাং মাযাং ততান জনমোহিনীম্ ॥ ১ ॥
পিতরাবুপলব্ধার্থৌ বিদিত্বা পুরুষোত্তমঃ ।
মা ভূদিতি নিজাং মাযাং ততান জনমোহিনীম্ ॥ ১ ॥
উবাচপিতরাবেত্য সাগ্রজঃ সাত্বতর্ষভঃ ।
প্রশ্রযাবনতঃ প্রীণন্নম্ব তাতেতি সাদরম্ ॥ ২ ॥
প্রশ্রযাবনতঃ প্রীণন্নম্ব তাতেতি সাদরম্ ॥ ২ ॥
নাস্মত্তো যুবযোস্তাত নিত্যোত্কণ্ঠিতযোরপি ।
বাল্যপৌগণ্ডকৈশোরাঃ পুত্রাভ্যামভবন্ক্বচিত্ ॥ ৩ ॥
বাল্যপৌগণ্ডকৈশোরাঃ পুত্রাভ্যামভবন্ক্বচিত্ ॥ ৩ ॥
ন লব্ধো দৈবহতযোর্বাসো নৌ ভবদন্তিকে ।
যাং বালাঃ পিতৃগেহস্থা বিন্দন্তে লালিতা মুদম্ ॥ ৪ ॥
যাং বালাঃ পিতৃগেহস্থা বিন্দন্তে লালিতা মুদম্ ॥ ৪ ॥
সর্বার্থসম্ভবো দেহো জনিতঃ পোষিতো যতঃ ।
ন তযোর্যাতি নির্বেশং পিত্রোর্মর্ত্যঃ শতাযুষা ॥ ৫ ॥
ন তযোর্যাতি নির্বেশং পিত্রোর্মর্ত্যঃ শতাযুষা ॥ ৫ ॥
যস্তযোরাত্মজঃ কল্প আত্মনা চ ধনেন চ ।
বৃত্তিং ন দদ্যাত্তং প্রেত্য স্বমাংসং খাদযন্তি হি ॥ ৬ ॥
বৃত্তিং ন দদ্যাত্তং প্রেত্য স্বমাংসং খাদযন্তি হি ॥ ৬ ॥
মাতরং পিতরং বৃদ্ধং ভার্যাং সাধ্বীং সুতং শিশুম্ ।
গুরুং বিপ্রং প্রপন্নং চ কল্পোঽবিভ্রচ্ছ্বসন্ মৃতঃ ॥ ৭ ॥
গুরুং বিপ্রং প্রপন্নং চ কল্পোঽবিভ্রচ্ছ্বসন্ মৃতঃ ॥ ৭ ॥
তন্নাবকল্পযোঃ কংসান্নিত্যমুদ্বিগ্নচেতসোঃ ।
মোঘমেতে ব্যতিক্রান্তা দিবসা বামনর্চতোঃ ॥ ৮ ॥
মোঘমেতে ব্যতিক্রান্তা দিবসা বামনর্চতোঃ ॥ ৮ ॥
তত্ ক্ষন্তুমর্হথস্তাত মাতর্নৌ পরতন্ত্রযোঃ ।
অকুর্বতোর্বাং শুশ্রূষাং ক্লিষ্টযোর্দুর্হৃদা ভৃশম্ ॥ ৯ ॥
অকুর্বতোর্বাং শুশ্রূষাং ক্লিষ্টযোর্দুর্হৃদা ভৃশম্ ॥ ৯ ॥
শ্রীশুক উবাচ
ইতি মাযামনুষ্যস্য হরের্বিশ্বাত্মনো গিরা ।
মোহিতাবঙ্কমারোপ্য পরিষ্বজ্যাপতুর্মুদম্ ॥ ১০ ॥
ইতি মাযামনুষ্যস্য হরের্বিশ্বাত্মনো গিরা ।
মোহিতাবঙ্কমারোপ্য পরিষ্বজ্যাপতুর্মুদম্ ॥ ১০ ॥
সিঞ্চন্তাবশ্রুধারাভিঃ স্নেহপাশেন চাবৃতৌ ।
ন কিঞ্চিদূচতূ রাজন্বাষ্পকণ্ঠৌ বিমোহিতৌ ॥ ১১ ॥
ন কিঞ্চিদূচতূ রাজন্বাষ্পকণ্ঠৌ বিমোহিতৌ ॥ ১১ ॥
এবমাশ্বাস্য পিতরৌ ভগবান্দেবকীসুতঃ ।
মাতামহং তূগ্রসেনং যদূনামকরোন্নৃপম্ ॥ ১২ ॥
মাতামহং তূগ্রসেনং যদূনামকরোন্নৃপম্ ॥ ১২ ॥
আহ চাস্মান্ মহারাজ প্রজাশ্চাজ্ঞপ্তুমর্হসি ।
যযাতিশাপাদ্ যদুভির্নাসিতব্যং নৃপাসনে ॥ ১৩ ॥
যযাতিশাপাদ্ যদুভির্নাসিতব্যং নৃপাসনে ॥ ১৩ ॥
মযি ভৃত্য উপাসীনে ভবতো বিবুধাদযঃ ।
বলিং হরন্ত্যবনতাঃ কিমুতান্যে নরাধিপাঃ ॥ ১৪ ॥
বলিং হরন্ত্যবনতাঃ কিমুতান্যে নরাধিপাঃ ॥ ১৪ ॥
সর্বান্স্বান্জ্ঞতিসম্বন্ধান্দিগ্ভ্যঃ কংসভযাকুলান্ ।
যদুবৃষ্ণ্যন্ধকমধুদাশার্হকুকুরাদিকান্ ॥ ১৫ ॥
যদুবৃষ্ণ্যন্ধকমধুদাশার্হকুকুরাদিকান্ ॥ ১৫ ॥
সভাজিতান্ সমাশ্বাস্য বিদেশাবাসকর্শিতান্ ।
ন্যবাসযত্ স্বগেহেষু বিত্তৈঃ সন্তর্প্য বিশ্বকৃত্ ॥ ১৬ ॥
ন্যবাসযত্ স্বগেহেষু বিত্তৈঃ সন্তর্প্য বিশ্বকৃত্ ॥ ১৬ ॥
কৃষ্ণসঙ্কর্ষণভুজৈর্গুপ্তা লব্ধমনোরথাঃ ।
গৃহেষু রেমিরে সিদ্ধাঃ কৃষ্ণরামগতজ্বরাঃ ॥ ১৭ ॥
গৃহেষু রেমিরে সিদ্ধাঃ কৃষ্ণরামগতজ্বরাঃ ॥ ১৭ ॥
বীক্ষন্তোঽহরহঃ প্রীতা মুকুন্দবদনাম্বুজম্ ।
নিত্যং প্রমুদিতং শ্রীমত্সদযস্মিতবীক্ষণম্ ॥ ১৮ ॥
নিত্যং প্রমুদিতং শ্রীমত্সদযস্মিতবীক্ষণম্ ॥ ১৮ ॥
তত্র প্রবযসোঽপ্যাসন্ যুবানোঽতিবলৌজসঃ ।
পিবন্তোঽক্ষৈর্মুকুন্দস্য মুখাম্বুজসুধাং মুহুঃ ॥ ১৯ ॥
পিবন্তোঽক্ষৈর্মুকুন্দস্য মুখাম্বুজসুধাং মুহুঃ ॥ ১৯ ॥
অথ নন্দং সমসাদ্য ভগবান্ দেবকীসুতঃ ।
সঙ্কর্ষণশ্চ রাজেন্দ্র পরিষ্বজ্যেদমূচতুঃ ॥ ২০ ॥
সঙ্কর্ষণশ্চ রাজেন্দ্র পরিষ্বজ্যেদমূচতুঃ ॥ ২০ ॥
পিতর্যুবাভ্যাং স্নিগ্ধাভ্যাং পোষিতৌ লালিতৌ ভৃশম্ ।
পিত্রোরভ্যধিকা প্রীতিরাত্মজেষ্বাত্মনোঽপি হি ॥ ২১ ॥
পিত্রোরভ্যধিকা প্রীতিরাত্মজেষ্বাত্মনোঽপি হি ॥ ২১ ॥
স পিতা সা চ জননী যৌ পুষ্ণীতাং স্বপুত্রবত্ ।
শিশূন্ বন্ধুভিরুত্সৃষ্টানকল্পৈঃ পোষরক্ষণে ॥ ২২ ॥
শিশূন্ বন্ধুভিরুত্সৃষ্টানকল্পৈঃ পোষরক্ষণে ॥ ২২ ॥
যাত যূযং ব্রজং তাত বযং চ স্নেহদুঃখিতান্ ।
জ্ঞাতীন্ বো দ্রষ্টুমেষ্যামো বিধায সুহৃদাং সুখম্ ॥ ২৩ ॥
জ্ঞাতীন্ বো দ্রষ্টুমেষ্যামো বিধায সুহৃদাং সুখম্ ॥ ২৩ ॥
এবং সান্ত্বয্য ভগবান্ নন্দং সব্রজমচ্যুতঃ ।
বাসোঽলঙ্কারকুপ্যাদ্যৈরর্হযামাস সাদরম্ ॥ ২৪ ॥
বাসোঽলঙ্কারকুপ্যাদ্যৈরর্হযামাস সাদরম্ ॥ ২৪ ॥
ইত্যুক্তস্তৌ পরিষ্বজ্য নন্দঃ প্রণযবিহ্বলঃ ।
পূরযন্নশ্রুভির্নেত্রে সহ গোপৈর্ব্রজং যযৌ ॥ ২৫ ॥
পূরযন্নশ্রুভির্নেত্রে সহ গোপৈর্ব্রজং যযৌ ॥ ২৫ ॥
অথ শূরসুতো রাজন্ পুত্রযোঃ সমকারযত্ ।
পুরোধসা ব্রাহ্মণৈশ্চ যথাবদ্ দ্বিজসংস্কৃতিম্ ॥ ২৬ ॥
পুরোধসা ব্রাহ্মণৈশ্চ যথাবদ্ দ্বিজসংস্কৃতিম্ ॥ ২৬ ॥
তেভ্যোঽদাদ্দক্ষিণা গাবো রুক্মমালাঃ স্বলঙ্কৃতাঃ ।
স্বলঙ্কৃতেভ্যঃ সম্পূজ্য সবত্সাঃ ক্ষৌমমালিনীঃ ॥ ২৭ ॥
স্বলঙ্কৃতেভ্যঃ সম্পূজ্য সবত্সাঃ ক্ষৌমমালিনীঃ ॥ ২৭ ॥
যাঃ কৃষ্ণরামজন্মর্ক্ষে মনোদত্তা মহামতিঃ ।
তাশ্চাদদাদনুস্মৃত্য কংসেনাধর্মতো হৃতাঃ ॥ ২৮ ॥
তাশ্চাদদাদনুস্মৃত্য কংসেনাধর্মতো হৃতাঃ ॥ ২৮ ॥
ততশ্চ লব্ধসংস্কারৌ দ্বিজত্বং প্রাপ্য সুব্রতৌ ।
গর্গাদ্ যদুকুলাচার্যাদ্গাযত্রং ব্রতমাস্থিতৌ ॥ ২৯ ॥
গর্গাদ্ যদুকুলাচার্যাদ্গাযত্রং ব্রতমাস্থিতৌ ॥ ২৯ ॥
প্রভবৌ সর্ববিদ্যানাং সর্বজ্ঞৌ জগদীশ্বরৌ ।
নান্যসিদ্ধামলং জ্ঞানং গূহমানৌ নরেহিতৈঃ ॥ ৩০ ॥
নান্যসিদ্ধামলং জ্ঞানং গূহমানৌ নরেহিতৈঃ ॥ ৩০ ॥
অথো গুরুকুলে বাসমিচ্ছন্তাবুপজগ্মতুঃ ।
কাশ্যং সান্দীপনিং নাম হ্যবন্তিপুরবাসিনম্ ॥ ৩১ ॥
কাশ্যং সান্দীপনিং নাম হ্যবন্তিপুরবাসিনম্ ॥ ৩১ ॥
যথোপসাদ্য তৌ দান্তৌ গুরৌ বৃত্তিমনিন্দিতাম্ ।
গ্রাহযন্তাবুপেতৌ স্ম ভক্ত্যা দেবমিবাদৃতৌ ॥ ৩২ ॥
গ্রাহযন্তাবুপেতৌ স্ম ভক্ত্যা দেবমিবাদৃতৌ ॥ ৩২ ॥
তযোর্দ্বিজবরস্তুষ্টঃ শুদ্ধভাবানুবৃত্তিভিঃ ।
প্রোবাচ বেদানখিলান্সঙ্গোপনিষদো গুরুঃ ॥ ৩৩ ॥
প্রোবাচ বেদানখিলান্সঙ্গোপনিষদো গুরুঃ ॥ ৩৩ ॥
সরহস্যং ধনুর্বেদং ধর্মান্ ন্যাযপথাংস্তথা ।
তথা চান্বীক্ষিকীং বিদ্যাং রাজনীতিং চ ষড্বিধাম্ ॥ ৩৪ ॥
তথা চান্বীক্ষিকীং বিদ্যাং রাজনীতিং চ ষড্বিধাম্ ॥ ৩৪ ॥
সর্বং নরবরশ্রেষ্ঠৌ সর্ববিদ্যাপ্রবর্তকৌ ।
সকৃন্নিগদমাত্রেণ তৌ সঞ্জগৃহতুর্নৃপ ॥ ৩৫ ॥
সকৃন্নিগদমাত্রেণ তৌ সঞ্জগৃহতুর্নৃপ ॥ ৩৫ ॥
অহোরাত্রৈশ্চতুঃষষ্ট্যা সংযত্তৌ তাবতীঃ কলাঃ ।
গুরুদক্ষিণযাচার্যং ছন্দযামাসতুর্নৃপ ॥ ৩৬ ॥
গুরুদক্ষিণযাচার্যং ছন্দযামাসতুর্নৃপ ॥ ৩৬ ॥
দ্বিজস্তযোস্তং মহিমানমদ্ভুতং
সংলক্ষ্য রাজন্নতিমানুষীং মতিম্ ।
সম্মন্ত্র্য পত্ন্যা স মহার্ণবে মৃতং
বালং প্রভাসে বরযাং বভূব হ ॥ ৩৭ ॥
সংলক্ষ্য রাজন্নতিমানুষীং মতিম্ ।
সম্মন্ত্র্য পত্ন্যা স মহার্ণবে মৃতং
বালং প্রভাসে বরযাং বভূব হ ॥ ৩৭ ॥
তথেত্যথারুহ্য মহারথৌ রথং
প্রভাসমাসাদ্য দুরন্তবিক্রমৌ ।
বেলামুপব্রজ্য নিষীদতুঃ ক্ষণং
সিন্ধুর্বিদিত্বার্হণমাহরত্তযোঃ ॥ ৩৮ ॥
প্রভাসমাসাদ্য দুরন্তবিক্রমৌ ।
বেলামুপব্রজ্য নিষীদতুঃ ক্ষণং
সিন্ধুর্বিদিত্বার্হণমাহরত্তযোঃ ॥ ৩৮ ॥
তমাহ ভগবানাশু গুরুপুত্রঃ প্রদীযতাম্ ।
যোঽসাবিহ ত্বযা গ্রস্তো বালকো মহতোর্মিণা ॥ ৩৯ ॥
যোঽসাবিহ ত্বযা গ্রস্তো বালকো মহতোর্মিণা ॥ ৩৯ ॥
শ্রীসমুদ্র উবাচ
ন চাহার্ষমহং দেব দৈত্যঃ পঞ্চজনো মহান্ ।
অন্তর্জলচরঃ কৃষ্ণ শঙ্খরূপধরোঽসুরঃ ॥ ৪০ ॥
ন চাহার্ষমহং দেব দৈত্যঃ পঞ্চজনো মহান্ ।
অন্তর্জলচরঃ কৃষ্ণ শঙ্খরূপধরোঽসুরঃ ॥ ৪০ ॥
আস্তে তেনাহৃতো নূনং তচ্ছ্রুত্বা সত্বরং প্রভুঃ ।
জলমাবিশ্য তং হত্বা নাপশ্যদুদরেঽর্ভকম্ ॥ ৪১ ॥
জলমাবিশ্য তং হত্বা নাপশ্যদুদরেঽর্ভকম্ ॥ ৪১ ॥
তদঙ্গপ্রভবং শঙ্খমাদায রথমাগমত্ ।
ততঃ সংযমনীং নাম যমস্য দযিতাং পুরীম্ ॥ ৪২ ॥
ততঃ সংযমনীং নাম যমস্য দযিতাং পুরীম্ ॥ ৪২ ॥
গত্বা জনার্দনঃ শঙ্খং প্রদধ্মৌ সহলাযুধঃ ।
শঙ্খনির্হ্রাদমাকর্ণ্য প্রজাসংযমনো যমঃ ॥ ৪৩ ॥
শঙ্খনির্হ্রাদমাকর্ণ্য প্রজাসংযমনো যমঃ ॥ ৪৩ ॥
তযোঃ সপর্যাং মহতীং চক্রে ভক্ত্যুপবৃংহিতাম্ ।
উবাচাবনতঃ কৃষ্ণং সর্বভূতাশযালযম্ ।
লীলামনুষ্যযোর্বিষ্ণো যুবযোঃ করবাম কিম্ ॥ ৪৪ ॥
উবাচাবনতঃ কৃষ্ণং সর্বভূতাশযালযম্ ।
লীলামনুষ্যযোর্বিষ্ণো যুবযোঃ করবাম কিম্ ॥ ৪৪ ॥
শ্রীভগবানুবাচ
গুরুপুত্রমিহানীতং নিজকর্মনিবন্ধনম্ ।
আনযস্ব মহারাজ মচ্ছাসনপুরস্কৃতঃ ॥ ৪৫ ॥
গুরুপুত্রমিহানীতং নিজকর্মনিবন্ধনম্ ।
আনযস্ব মহারাজ মচ্ছাসনপুরস্কৃতঃ ॥ ৪৫ ॥
তথেতি তেনোপানীতং গুরুপুত্রং যদূত্তমৌ ।
দত্ত্বা স্বগুরবে ভূযো বৃণীষ্বেতি তমূচতুঃ ॥ ৪৬ ॥
দত্ত্বা স্বগুরবে ভূযো বৃণীষ্বেতি তমূচতুঃ ॥ ৪৬ ॥
শ্রীগুরুরুবাচ
সম্যক্ সম্পাদিতো বত্স ভবদ্ভযাং গুরুনিষ্ক্রযঃ ।
কো নু যুষ্মদ্বিধগুরোঃ কামানামবশিষ্যতে ॥ ৪৭ ॥
সম্যক্ সম্পাদিতো বত্স ভবদ্ভযাং গুরুনিষ্ক্রযঃ ।
কো নু যুষ্মদ্বিধগুরোঃ কামানামবশিষ্যতে ॥ ৪৭ ॥
গচ্ছতং স্বগৃহং বীরৌ কীর্তির্বামস্তু পাবনী ।
ছন্দাংস্যযাতযামানি ভবন্ত্বিহ পরত্র চ ॥ ৪৮ ॥
ছন্দাংস্যযাতযামানি ভবন্ত্বিহ পরত্র চ ॥ ৪৮ ॥
গুরুণৈবমনুজ্ঞাতৌ রথেনানিলরংহসা ।
আযাতৌ স্বপুরং তাত পর্জন্যনিনদেন বৈ ॥ ৪৯ ॥
আযাতৌ স্বপুরং তাত পর্জন্যনিনদেন বৈ ॥ ৪৯ ॥
সমনন্দন্ প্রজাঃ সর্বা দৃষ্ট্বা রামজনার্দনৌ ।
অপশ্যন্ত্যো বহ্বহানি নষ্টলব্ধধনা ইব ॥ ৫০ ॥
অপশ্যন্ত্যো বহ্বহানি নষ্টলব্ধধনা ইব ॥ ৫০ ॥