ଶ୍ରୀଶୁକ ଉଵାଚ
ପିତରାଵୁପଲବ୍ଧାର୍ଥୌ ଵିଦିତ୍ଵା ପୁରୁଷୋତ୍ତମଃ ।
ମା ଭୂଦିତି ନିଜାଂ ମାଯାଂ ତତାନ ଜନମୋହିନୀମ୍ ॥ ୧ ॥
ପିତରାଵୁପଲବ୍ଧାର୍ଥୌ ଵିଦିତ୍ଵା ପୁରୁଷୋତ୍ତମଃ ।
ମା ଭୂଦିତି ନିଜାଂ ମାଯାଂ ତତାନ ଜନମୋହିନୀମ୍ ॥ ୧ ॥
ଉଵାଚପିତରାଵେତ୍ଯ ସାଗ୍ରଜଃ ସାତ୍ଵତର୍ଷଭଃ ।
ପ୍ରଶ୍ରଯାଵନତଃ ପ୍ରୀଣନ୍ନମ୍ବ ତାତେତି ସାଦରମ୍ ॥ ୨ ॥
ପ୍ରଶ୍ରଯାଵନତଃ ପ୍ରୀଣନ୍ନମ୍ବ ତାତେତି ସାଦରମ୍ ॥ ୨ ॥
ନାସ୍ମତ୍ତୋ ଯୁଵଯୋସ୍ତାତ ନିତ୍ଯୋତ୍କଣ୍ଠିତଯୋରପି ।
ବାଲ୍ଯପୌଗଣ୍ଡକୈଶୋରାଃ ପୁତ୍ରାଭ୍ଯାମଭଵନ୍କ୍ଵଚିତ୍ ॥ ୩ ॥
ବାଲ୍ଯପୌଗଣ୍ଡକୈଶୋରାଃ ପୁତ୍ରାଭ୍ଯାମଭଵନ୍କ୍ଵଚିତ୍ ॥ ୩ ॥
ନ ଲବ୍ଧୋ ଦୈଵହତଯୋର୍ଵାସୋ ନୌ ଭଵଦନ୍ତିକେ ।
ଯାଂ ବାଲାଃ ପିତୃଗେହସ୍ଥା ଵିନ୍ଦନ୍ତେ ଲାଲିତା ମୁଦମ୍ ॥ ୪ ॥
ଯାଂ ବାଲାଃ ପିତୃଗେହସ୍ଥା ଵିନ୍ଦନ୍ତେ ଲାଲିତା ମୁଦମ୍ ॥ ୪ ॥
ସର୍ଵାର୍ଥସମ୍ଭଵୋ ଦେହୋ ଜନିତଃ ପୋଷିତୋ ଯତଃ ।
ନ ତଯୋର୍ଯାତି ନିର୍ଵେଶଂ ପିତ୍ରୋର୍ମର୍ତ୍ଯଃ ଶତାଯୁଷା ॥ ୫ ॥
ନ ତଯୋର୍ଯାତି ନିର୍ଵେଶଂ ପିତ୍ରୋର୍ମର୍ତ୍ଯଃ ଶତାଯୁଷା ॥ ୫ ॥
ଯସ୍ତଯୋରାତ୍ମଜଃ କଲ୍ପ ଆତ୍ମନା ଚ ଧନେନ ଚ ।
ଵୃତ୍ତିଂ ନ ଦଦ୍ଯାତ୍ତଂ ପ୍ରେତ୍ଯ ସ୍ଵମାଂସଂ ଖାଦଯନ୍ତି ହି ॥ ୬ ॥
ଵୃତ୍ତିଂ ନ ଦଦ୍ଯାତ୍ତଂ ପ୍ରେତ୍ଯ ସ୍ଵମାଂସଂ ଖାଦଯନ୍ତି ହି ॥ ୬ ॥
ମାତରଂ ପିତରଂ ଵୃଦ୍ଧଂ ଭାର୍ଯାଂ ସାଧ୍ଵୀଂ ସୁତଂ ଶିଶୁମ୍ ।
ଗୁରୁଂ ଵିପ୍ରଂ ପ୍ରପନ୍ନଂ ଚ କଲ୍ପୋଽବିଭ୍ରଚ୍ଛ୍ଵସନ୍ ମୃତଃ ॥ ୭ ॥
ଗୁରୁଂ ଵିପ୍ରଂ ପ୍ରପନ୍ନଂ ଚ କଲ୍ପୋଽବିଭ୍ରଚ୍ଛ୍ଵସନ୍ ମୃତଃ ॥ ୭ ॥
ତନ୍ନାଵକଲ୍ପଯୋଃ କଂସାନ୍ନିତ୍ଯମୁଦ୍ଵିଗ୍ନଚେତସୋଃ ।
ମୋଘମେତେ ଵ୍ଯତିକ୍ରାନ୍ତା ଦିଵସା ଵାମନର୍ଚତୋଃ ॥ ୮ ॥
ମୋଘମେତେ ଵ୍ଯତିକ୍ରାନ୍ତା ଦିଵସା ଵାମନର୍ଚତୋଃ ॥ ୮ ॥
ତତ୍ କ୍ଷନ୍ତୁମର୍ହଥସ୍ତାତ ମାତର୍ନୌ ପରତନ୍ତ୍ରଯୋଃ ।
ଅକୁର୍ଵତୋର୍ଵାଂ ଶୁଶ୍ରୂଷାଂ କ୍ଲିଷ୍ଟଯୋର୍ଦୁର୍ହୃଦା ଭୃଶମ୍ ॥ ୯ ॥
ଅକୁର୍ଵତୋର୍ଵାଂ ଶୁଶ୍ରୂଷାଂ କ୍ଲିଷ୍ଟଯୋର୍ଦୁର୍ହୃଦା ଭୃଶମ୍ ॥ ୯ ॥
ଶ୍ରୀଶୁକ ଉଵାଚ
ଇତି ମାଯାମନୁଷ୍ଯସ୍ଯ ହରେର୍ଵିଶ୍ଵାତ୍ମନୋ ଗିରା ।
ମୋହିତାଵଙ୍କମାରୋପ୍ଯ ପରିଷ୍ଵଜ୍ଯାପତୁର୍ମୁଦମ୍ ॥ ୧୦ ॥
ଇତି ମାଯାମନୁଷ୍ଯସ୍ଯ ହରେର୍ଵିଶ୍ଵାତ୍ମନୋ ଗିରା ।
ମୋହିତାଵଙ୍କମାରୋପ୍ଯ ପରିଷ୍ଵଜ୍ଯାପତୁର୍ମୁଦମ୍ ॥ ୧୦ ॥
ସିଞ୍ଚନ୍ତାଵଶ୍ରୁଧାରାଭିଃ ସ୍ନେହପାଶେନ ଚାଵୃତୌ ।
ନ କିଞ୍ଚିଦୂଚତୂ ରାଜନ୍ବାଷ୍ପକଣ୍ଠୌ ଵିମୋହିତୌ ॥ ୧୧ ॥
ନ କିଞ୍ଚିଦୂଚତୂ ରାଜନ୍ବାଷ୍ପକଣ୍ଠୌ ଵିମୋହିତୌ ॥ ୧୧ ॥
ଏଵମାଶ୍ଵାସ୍ଯ ପିତରୌ ଭଗଵାନ୍ଦେଵକୀସୁତଃ ।
ମାତାମହଂ ତୂଗ୍ରସେନଂ ଯଦୂନାମକରୋନ୍ନୃପମ୍ ॥ ୧୨ ॥
ମାତାମହଂ ତୂଗ୍ରସେନଂ ଯଦୂନାମକରୋନ୍ନୃପମ୍ ॥ ୧୨ ॥
ଆହ ଚାସ୍ମାନ୍ ମହାରାଜ ପ୍ରଜାଶ୍ଚାଜ୍ଞପ୍ତୁମର୍ହସି ।
ଯଯାତିଶାପାଦ୍ ଯଦୁଭିର୍ନାସିତଵ୍ଯଂ ନୃପାସନେ ॥ ୧୩ ॥
ଯଯାତିଶାପାଦ୍ ଯଦୁଭିର୍ନାସିତଵ୍ଯଂ ନୃପାସନେ ॥ ୧୩ ॥
ମଯି ଭୃତ୍ଯ ଉପାସୀନେ ଭଵତୋ ଵିବୁଧାଦଯଃ ।
ବଲିଂ ହରନ୍ତ୍ଯଵନତାଃ କିମୁତାନ୍ଯେ ନରାଧିପାଃ ॥ ୧୪ ॥
ବଲିଂ ହରନ୍ତ୍ଯଵନତାଃ କିମୁତାନ୍ଯେ ନରାଧିପାଃ ॥ ୧୪ ॥
ସର୍ଵାନ୍ସ୍ଵାନ୍ଜ୍ଞତିସମ୍ବନ୍ଧାନ୍ଦିଗ୍ଭ୍ଯଃ କଂସଭଯାକୁଲାନ୍ ।
ଯଦୁଵୃଷ୍ଣ୍ଯନ୍ଧକମଧୁଦାଶାର୍ହକୁକୁରାଦିକାନ୍ ॥ ୧୫ ॥
ଯଦୁଵୃଷ୍ଣ୍ଯନ୍ଧକମଧୁଦାଶାର୍ହକୁକୁରାଦିକାନ୍ ॥ ୧୫ ॥
ସଭାଜିତାନ୍ ସମାଶ୍ଵାସ୍ଯ ଵିଦେଶାଵାସକର୍ଶିତାନ୍ ।
ନ୍ଯଵାସଯତ୍ ସ୍ଵଗେହେଷୁ ଵିତ୍ତୈଃ ସନ୍ତର୍ପ୍ଯ ଵିଶ୍ଵକୃତ୍ ॥ ୧୬ ॥
ନ୍ଯଵାସଯତ୍ ସ୍ଵଗେହେଷୁ ଵିତ୍ତୈଃ ସନ୍ତର୍ପ୍ଯ ଵିଶ୍ଵକୃତ୍ ॥ ୧୬ ॥
କୃଷ୍ଣସଙ୍କର୍ଷଣଭୁଜୈର୍ଗୁପ୍ତା ଲବ୍ଧମନୋରଥାଃ ।
ଗୃହେଷୁ ରେମିରେ ସିଦ୍ଧାଃ କୃଷ୍ଣରାମଗତଜ୍ଵରାଃ ॥ ୧୭ ॥
ଗୃହେଷୁ ରେମିରେ ସିଦ୍ଧାଃ କୃଷ୍ଣରାମଗତଜ୍ଵରାଃ ॥ ୧୭ ॥
ଵୀକ୍ଷନ୍ତୋଽହରହଃ ପ୍ରୀତା ମୁକୁନ୍ଦଵଦନାମ୍ବୁଜମ୍ ।
ନିତ୍ଯଂ ପ୍ରମୁଦିତଂ ଶ୍ରୀମତ୍ସଦଯସ୍ମିତଵୀକ୍ଷଣମ୍ ॥ ୧୮ ॥
ନିତ୍ଯଂ ପ୍ରମୁଦିତଂ ଶ୍ରୀମତ୍ସଦଯସ୍ମିତଵୀକ୍ଷଣମ୍ ॥ ୧୮ ॥
ତତ୍ର ପ୍ରଵଯସୋଽପ୍ଯାସନ୍ ଯୁଵାନୋଽତିବଲୌଜସଃ ।
ପିବନ୍ତୋଽକ୍ଷୈର୍ମୁକୁନ୍ଦସ୍ଯ ମୁଖାମ୍ବୁଜସୁଧାଂ ମୁହୁଃ ॥ ୧୯ ॥
ପିବନ୍ତୋଽକ୍ଷୈର୍ମୁକୁନ୍ଦସ୍ଯ ମୁଖାମ୍ବୁଜସୁଧାଂ ମୁହୁଃ ॥ ୧୯ ॥
ଅଥ ନନ୍ଦଂ ସମସାଦ୍ଯ ଭଗଵାନ୍ ଦେଵକୀସୁତଃ ।
ସଙ୍କର୍ଷଣଶ୍ଚ ରାଜେନ୍ଦ୍ର ପରିଷ୍ଵଜ୍ଯେଦମୂଚତୁଃ ॥ ୨୦ ॥
ସଙ୍କର୍ଷଣଶ୍ଚ ରାଜେନ୍ଦ୍ର ପରିଷ୍ଵଜ୍ଯେଦମୂଚତୁଃ ॥ ୨୦ ॥
ପିତର୍ଯୁଵାଭ୍ଯାଂ ସ୍ନିଗ୍ଧାଭ୍ଯାଂ ପୋଷିତୌ ଲାଲିତୌ ଭୃଶମ୍ ।
ପିତ୍ରୋରଭ୍ଯଧିକା ପ୍ରୀତିରାତ୍ମଜେଷ୍ଵାତ୍ମନୋଽପି ହି ॥ ୨୧ ॥
ପିତ୍ରୋରଭ୍ଯଧିକା ପ୍ରୀତିରାତ୍ମଜେଷ୍ଵାତ୍ମନୋଽପି ହି ॥ ୨୧ ॥
ସ ପିତା ସା ଚ ଜନନୀ ଯୌ ପୁଷ୍ଣୀତାଂ ସ୍ଵପୁତ୍ରଵତ୍ ।
ଶିଶୂନ୍ ବନ୍ଧୁଭିରୁତ୍ସୃଷ୍ଟାନକଲ୍ପୈଃ ପୋଷରକ୍ଷଣେ ॥ ୨୨ ॥
ଶିଶୂନ୍ ବନ୍ଧୁଭିରୁତ୍ସୃଷ୍ଟାନକଲ୍ପୈଃ ପୋଷରକ୍ଷଣେ ॥ ୨୨ ॥
ଯାତ ଯୂଯଂ ଵ୍ରଜଂ ତାତ ଵଯଂ ଚ ସ୍ନେହଦୁଃଖିତାନ୍ ।
ଜ୍ଞାତୀନ୍ ଵୋ ଦ୍ରଷ୍ଟୁମେଷ୍ଯାମୋ ଵିଧାଯ ସୁହୃଦାଂ ସୁଖମ୍ ॥ ୨୩ ॥
ଜ୍ଞାତୀନ୍ ଵୋ ଦ୍ରଷ୍ଟୁମେଷ୍ଯାମୋ ଵିଧାଯ ସୁହୃଦାଂ ସୁଖମ୍ ॥ ୨୩ ॥
ଏଵଂ ସାନ୍ତ୍ଵଯ୍ଯ ଭଗଵାନ୍ ନନ୍ଦଂ ସଵ୍ରଜମଚ୍ଯୁତଃ ।
ଵାସୋଽଲଙ୍କାରକୁପ୍ଯାଦ୍ଯୈରର୍ହଯାମାସ ସାଦରମ୍ ॥ ୨୪ ॥
ଵାସୋଽଲଙ୍କାରକୁପ୍ଯାଦ୍ଯୈରର୍ହଯାମାସ ସାଦରମ୍ ॥ ୨୪ ॥
ଇତ୍ଯୁକ୍ତସ୍ତୌ ପରିଷ୍ଵଜ୍ଯ ନନ୍ଦଃ ପ୍ରଣଯଵିହ୍ଵଲଃ ।
ପୂରଯନ୍ନଶ୍ରୁଭିର୍ନେତ୍ରେ ସହ ଗୋପୈର୍ଵ୍ରଜଂ ଯଯୌ ॥ ୨୫ ॥
ପୂରଯନ୍ନଶ୍ରୁଭିର୍ନେତ୍ରେ ସହ ଗୋପୈର୍ଵ୍ରଜଂ ଯଯୌ ॥ ୨୫ ॥
ଅଥ ଶୂରସୁତୋ ରାଜନ୍ ପୁତ୍ରଯୋଃ ସମକାରଯତ୍ ।
ପୁରୋଧସା ବ୍ରାହ୍ମଣୈଶ୍ଚ ଯଥାଵଦ୍ ଦ୍ଵିଜସଂସ୍କୃତିମ୍ ॥ ୨୬ ॥
ପୁରୋଧସା ବ୍ରାହ୍ମଣୈଶ୍ଚ ଯଥାଵଦ୍ ଦ୍ଵିଜସଂସ୍କୃତିମ୍ ॥ ୨୬ ॥
ତେଭ୍ଯୋଽଦାଦ୍ଦକ୍ଷିଣା ଗାଵୋ ରୁକ୍ମମାଲାଃ ସ୍ଵଲଙ୍କୃତାଃ ।
ସ୍ଵଲଙ୍କୃତେଭ୍ଯଃ ସମ୍ପୂଜ୍ଯ ସଵତ୍ସାଃ କ୍ଷୌମମାଲିନୀଃ ॥ ୨୭ ॥
ସ୍ଵଲଙ୍କୃତେଭ୍ଯଃ ସମ୍ପୂଜ୍ଯ ସଵତ୍ସାଃ କ୍ଷୌମମାଲିନୀଃ ॥ ୨୭ ॥
ଯାଃ କୃଷ୍ଣରାମଜନ୍ମର୍କ୍ଷେ ମନୋଦତ୍ତା ମହାମତିଃ ।
ତାଶ୍ଚାଦଦାଦନୁସ୍ମୃତ୍ଯ କଂସେନାଧର୍ମତୋ ହୃତାଃ ॥ ୨୮ ॥
ତାଶ୍ଚାଦଦାଦନୁସ୍ମୃତ୍ଯ କଂସେନାଧର୍ମତୋ ହୃତାଃ ॥ ୨୮ ॥
ତତଶ୍ଚ ଲବ୍ଧସଂସ୍କାରୌ ଦ୍ଵିଜତ୍ଵଂ ପ୍ରାପ୍ଯ ସୁଵ୍ରତୌ ।
ଗର୍ଗାଦ୍ ଯଦୁକୁଲାଚାର୍ଯାଦ୍ଗାଯତ୍ରଂ ଵ୍ରତମାସ୍ଥିତୌ ॥ ୨୯ ॥
ଗର୍ଗାଦ୍ ଯଦୁକୁଲାଚାର୍ଯାଦ୍ଗାଯତ୍ରଂ ଵ୍ରତମାସ୍ଥିତୌ ॥ ୨୯ ॥
ପ୍ରଭଵୌ ସର୍ଵଵିଦ୍ଯାନାଂ ସର୍ଵଜ୍ଞୌ ଜଗଦୀଶ୍ଵରୌ ।
ନାନ୍ଯସିଦ୍ଧାମଲଂ ଜ୍ଞାନଂ ଗୂହମାନୌ ନରେହିତୈଃ ॥ ୩୦ ॥
ନାନ୍ଯସିଦ୍ଧାମଲଂ ଜ୍ଞାନଂ ଗୂହମାନୌ ନରେହିତୈଃ ॥ ୩୦ ॥
ଅଥୋ ଗୁରୁକୁଲେ ଵାସମିଚ୍ଛନ୍ତାଵୁପଜଗ୍ମତୁଃ ।
କାଶ୍ଯଂ ସାନ୍ଦୀପନିଂ ନାମ ହ୍ଯଵନ୍ତିପୁରଵାସିନମ୍ ॥ ୩୧ ॥
କାଶ୍ଯଂ ସାନ୍ଦୀପନିଂ ନାମ ହ୍ଯଵନ୍ତିପୁରଵାସିନମ୍ ॥ ୩୧ ॥
ଯଥୋପସାଦ୍ଯ ତୌ ଦାନ୍ତୌ ଗୁରୌ ଵୃତ୍ତିମନିନ୍ଦିତାମ୍ ।
ଗ୍ରାହଯନ୍ତାଵୁପେତୌ ସ୍ମ ଭକ୍ତ୍ଯା ଦେଵମିଵାଦୃତୌ ॥ ୩୨ ॥
ଗ୍ରାହଯନ୍ତାଵୁପେତୌ ସ୍ମ ଭକ୍ତ୍ଯା ଦେଵମିଵାଦୃତୌ ॥ ୩୨ ॥
ତଯୋର୍ଦ୍ଵିଜଵରସ୍ତୁଷ୍ଟଃ ଶୁଦ୍ଧଭାଵାନୁଵୃତ୍ତିଭିଃ ।
ପ୍ରୋଵାଚ ଵେଦାନଖିଲାନ୍ସଙ୍ଗୋପନିଷଦୋ ଗୁରୁଃ ॥ ୩୩ ॥
ପ୍ରୋଵାଚ ଵେଦାନଖିଲାନ୍ସଙ୍ଗୋପନିଷଦୋ ଗୁରୁଃ ॥ ୩୩ ॥
ସରହସ୍ଯଂ ଧନୁର୍ଵେଦଂ ଧର୍ମାନ୍ ନ୍ଯାଯପଥାଂସ୍ତଥା ।
ତଥା ଚାନ୍ଵୀକ୍ଷିକୀଂ ଵିଦ୍ଯାଂ ରାଜନୀତିଂ ଚ ଷଡ୍ଵିଧାମ୍ ॥ ୩୪ ॥
ତଥା ଚାନ୍ଵୀକ୍ଷିକୀଂ ଵିଦ୍ଯାଂ ରାଜନୀତିଂ ଚ ଷଡ୍ଵିଧାମ୍ ॥ ୩୪ ॥
ସର୍ଵଂ ନରଵରଶ୍ରେଷ୍ଠୌ ସର୍ଵଵିଦ୍ଯାପ୍ରଵର୍ତକୌ ।
ସକୃନ୍ନିଗଦମାତ୍ରେଣ ତୌ ସଞ୍ଜଗୃହତୁର୍ନୃପ ॥ ୩୫ ॥
ସକୃନ୍ନିଗଦମାତ୍ରେଣ ତୌ ସଞ୍ଜଗୃହତୁର୍ନୃପ ॥ ୩୫ ॥
ଅହୋରାତ୍ରୈଶ୍ଚତୁଃଷଷ୍ଟ୍ଯା ସଂଯତ୍ତୌ ତାଵତୀଃ କଲାଃ ।
ଗୁରୁଦକ୍ଷିଣଯାଚାର୍ଯଂ ଛନ୍ଦଯାମାସତୁର୍ନୃପ ॥ ୩୬ ॥
ଗୁରୁଦକ୍ଷିଣଯାଚାର୍ଯଂ ଛନ୍ଦଯାମାସତୁର୍ନୃପ ॥ ୩୬ ॥
ଦ୍ଵିଜସ୍ତଯୋସ୍ତଂ ମହିମାନମଦ୍ଭୁତଂ
ସଂଲକ୍ଷ୍ଯ ରାଜନ୍ନତିମାନୁଷୀଂ ମତିମ୍ ।
ସମ୍ମନ୍ତ୍ର୍ଯ ପତ୍ନ୍ଯା ସ ମହାର୍ଣଵେ ମୃତଂ
ବାଲଂ ପ୍ରଭାସେ ଵରଯାଂ ବଭୂଵ ହ ॥ ୩୭ ॥
ସଂଲକ୍ଷ୍ଯ ରାଜନ୍ନତିମାନୁଷୀଂ ମତିମ୍ ।
ସମ୍ମନ୍ତ୍ର୍ଯ ପତ୍ନ୍ଯା ସ ମହାର୍ଣଵେ ମୃତଂ
ବାଲଂ ପ୍ରଭାସେ ଵରଯାଂ ବଭୂଵ ହ ॥ ୩୭ ॥
ତଥେତ୍ଯଥାରୁହ୍ଯ ମହାରଥୌ ରଥଂ
ପ୍ରଭାସମାସାଦ୍ଯ ଦୁରନ୍ତଵିକ୍ରମୌ ।
ଵେଲାମୁପଵ୍ରଜ୍ଯ ନିଷୀଦତୁଃ କ୍ଷଣଂ
ସିନ୍ଧୁର୍ଵିଦିତ୍ଵାର୍ହଣମାହରତ୍ତଯୋଃ ॥ ୩୮ ॥
ପ୍ରଭାସମାସାଦ୍ଯ ଦୁରନ୍ତଵିକ୍ରମୌ ।
ଵେଲାମୁପଵ୍ରଜ୍ଯ ନିଷୀଦତୁଃ କ୍ଷଣଂ
ସିନ୍ଧୁର୍ଵିଦିତ୍ଵାର୍ହଣମାହରତ୍ତଯୋଃ ॥ ୩୮ ॥
ତମାହ ଭଗଵାନାଶୁ ଗୁରୁପୁତ୍ରଃ ପ୍ରଦୀଯତାମ୍ ।
ଯୋଽସାଵିହ ତ୍ଵଯା ଗ୍ରସ୍ତୋ ବାଲକୋ ମହତୋର୍ମିଣା ॥ ୩୯ ॥
ଯୋଽସାଵିହ ତ୍ଵଯା ଗ୍ରସ୍ତୋ ବାଲକୋ ମହତୋର୍ମିଣା ॥ ୩୯ ॥
ଶ୍ରୀସମୁଦ୍ର ଉଵାଚ
ନ ଚାହାର୍ଷମହଂ ଦେଵ ଦୈତ୍ଯଃ ପଞ୍ଚଜନୋ ମହାନ୍ ।
ଅନ୍ତର୍ଜଲଚରଃ କୃଷ୍ଣ ଶଙ୍ଖରୂପଧରୋଽସୁରଃ ॥ ୪୦ ॥
ନ ଚାହାର୍ଷମହଂ ଦେଵ ଦୈତ୍ଯଃ ପଞ୍ଚଜନୋ ମହାନ୍ ।
ଅନ୍ତର୍ଜଲଚରଃ କୃଷ୍ଣ ଶଙ୍ଖରୂପଧରୋଽସୁରଃ ॥ ୪୦ ॥
ଆସ୍ତେ ତେନାହୃତୋ ନୂନଂ ତଚ୍ଛ୍ରୁତ୍ଵା ସତ୍ଵରଂ ପ୍ରଭୁଃ ।
ଜଲମାଵିଶ୍ଯ ତଂ ହତ୍ଵା ନାପଶ୍ଯଦୁଦରେଽର୍ଭକମ୍ ॥ ୪୧ ॥
ଜଲମାଵିଶ୍ଯ ତଂ ହତ୍ଵା ନାପଶ୍ଯଦୁଦରେଽର୍ଭକମ୍ ॥ ୪୧ ॥
ତଦଙ୍ଗପ୍ରଭଵଂ ଶଙ୍ଖମାଦାଯ ରଥମାଗମତ୍ ।
ତତଃ ସଂଯମନୀଂ ନାମ ଯମସ୍ଯ ଦଯିତାଂ ପୁରୀମ୍ ॥ ୪୨ ॥
ତତଃ ସଂଯମନୀଂ ନାମ ଯମସ୍ଯ ଦଯିତାଂ ପୁରୀମ୍ ॥ ୪୨ ॥
ଗତ୍ଵା ଜନାର୍ଦନଃ ଶଙ୍ଖଂ ପ୍ରଦଧ୍ମୌ ସହଲାଯୁଧଃ ।
ଶଙ୍ଖନିର୍ହ୍ରାଦମାକର୍ଣ୍ଯ ପ୍ରଜାସଂଯମନୋ ଯମଃ ॥ ୪୩ ॥
ଶଙ୍ଖନିର୍ହ୍ରାଦମାକର୍ଣ୍ଯ ପ୍ରଜାସଂଯମନୋ ଯମଃ ॥ ୪୩ ॥
ତଯୋଃ ସପର୍ଯାଂ ମହତୀଂ ଚକ୍ରେ ଭକ୍ତ୍ଯୁପବୃଂହିତାମ୍ ।
ଉଵାଚାଵନତଃ କୃଷ୍ଣଂ ସର୍ଵଭୂତାଶଯାଲଯମ୍ ।
ଲୀଲାମନୁଷ୍ଯଯୋର୍ଵିଷ୍ଣୋ ଯୁଵଯୋଃ କରଵାମ କିମ୍ ॥ ୪୪ ॥
ଉଵାଚାଵନତଃ କୃଷ୍ଣଂ ସର୍ଵଭୂତାଶଯାଲଯମ୍ ।
ଲୀଲାମନୁଷ୍ଯଯୋର୍ଵିଷ୍ଣୋ ଯୁଵଯୋଃ କରଵାମ କିମ୍ ॥ ୪୪ ॥
ଶ୍ରୀଭଗଵାନୁଵାଚ
ଗୁରୁପୁତ୍ରମିହାନୀତଂ ନିଜକର୍ମନିବନ୍ଧନମ୍ ।
ଆନଯସ୍ଵ ମହାରାଜ ମଚ୍ଛାସନପୁରସ୍କୃତଃ ॥ ୪୫ ॥
ଗୁରୁପୁତ୍ରମିହାନୀତଂ ନିଜକର୍ମନିବନ୍ଧନମ୍ ।
ଆନଯସ୍ଵ ମହାରାଜ ମଚ୍ଛାସନପୁରସ୍କୃତଃ ॥ ୪୫ ॥
ତଥେତି ତେନୋପାନୀତଂ ଗୁରୁପୁତ୍ରଂ ଯଦୂତ୍ତମୌ ।
ଦତ୍ତ୍ଵା ସ୍ଵଗୁରଵେ ଭୂଯୋ ଵୃଣୀଷ୍ଵେତି ତମୂଚତୁଃ ॥ ୪୬ ॥
ଦତ୍ତ୍ଵା ସ୍ଵଗୁରଵେ ଭୂଯୋ ଵୃଣୀଷ୍ଵେତି ତମୂଚତୁଃ ॥ ୪୬ ॥
ଶ୍ରୀଗୁରୁରୁଵାଚ
ସମ୍ଯକ୍ ସମ୍ପାଦିତୋ ଵତ୍ସ ଭଵଦ୍ଭଯାଂ ଗୁରୁନିଷ୍କ୍ରଯଃ ।
କୋ ନୁ ଯୁଷ୍ମଦ୍ଵିଧଗୁରୋଃ କାମାନାମଵଶିଷ୍ଯତେ ॥ ୪୭ ॥
ସମ୍ଯକ୍ ସମ୍ପାଦିତୋ ଵତ୍ସ ଭଵଦ୍ଭଯାଂ ଗୁରୁନିଷ୍କ୍ରଯଃ ।
କୋ ନୁ ଯୁଷ୍ମଦ୍ଵିଧଗୁରୋଃ କାମାନାମଵଶିଷ୍ଯତେ ॥ ୪୭ ॥
ଗଚ୍ଛତଂ ସ୍ଵଗୃହଂ ଵୀରୌ କୀର୍ତିର୍ଵାମସ୍ତୁ ପାଵନୀ ।
ଛନ୍ଦାଂସ୍ଯଯାତଯାମାନି ଭଵନ୍ତ୍ଵିହ ପରତ୍ର ଚ ॥ ୪୮ ॥
ଛନ୍ଦାଂସ୍ଯଯାତଯାମାନି ଭଵନ୍ତ୍ଵିହ ପରତ୍ର ଚ ॥ ୪୮ ॥
ଗୁରୁଣୈଵମନୁଜ୍ଞାତୌ ରଥେନାନିଲରଂହସା ।
ଆଯାତୌ ସ୍ଵପୁରଂ ତାତ ପର୍ଜନ୍ଯନିନଦେନ ଵୈ ॥ ୪୯ ॥
ଆଯାତୌ ସ୍ଵପୁରଂ ତାତ ପର୍ଜନ୍ଯନିନଦେନ ଵୈ ॥ ୪୯ ॥
ସମନନ୍ଦନ୍ ପ୍ରଜାଃ ସର୍ଵା ଦୃଷ୍ଟ୍ଵା ରାମଜନାର୍ଦନୌ ।
ଅପଶ୍ଯନ୍ତ୍ଯୋ ବହ୍ଵହାନି ନଷ୍ଟଲବ୍ଧଧନା ଇଵ ॥ ୫୦ ॥
ଅପଶ୍ଯନ୍ତ୍ଯୋ ବହ୍ଵହାନି ନଷ୍ଟଲବ୍ଧଧନା ଇଵ ॥ ୫୦ ॥