শ্রীশুক উবাচ
বৃষ্ণীনাং প্রবরো মন্ত্রী কৃষ্ণস্য দযিতঃ সখা ।
শিষ্যো বৃহস্পতেঃ
সাক্ষাদুদ্ধবো বুদ্ধিসত্তমঃ ॥ ১ ॥
বৃষ্ণীনাং প্রবরো মন্ত্রী কৃষ্ণস্য দযিতঃ সখা ।
শিষ্যো বৃহস্পতেঃ
সাক্ষাদুদ্ধবো বুদ্ধিসত্তমঃ ॥ ১ ॥
তমাহ ভগবান্প্রেষ্ঠং ভক্তমেকান্তিনং ক্বচিত্ ।
গৃহীত্বা পাণিনা পাণিং প্রপন্নার্তিহরো হরিঃ ॥ ২ ॥
গৃহীত্বা পাণিনা পাণিং প্রপন্নার্তিহরো হরিঃ ॥ ২ ॥
গচ্ছোদ্ধব ব্রজং সৌম্য পিত্রোর্নৌ প্রীতিমাবহ ।
গোপীনাং মদ্বিযোগাধিং মত্সন্দেশৈর্বিমোচয ॥ ৩ ॥
গোপীনাং মদ্বিযোগাধিং মত্সন্দেশৈর্বিমোচয ॥ ৩ ॥
তা মন্মনস্কা মত্প্রাণা মতর্থে ত্যক্তদৈহিকাঃ ।
মামেব দযিতং প্রেষ্ঠমাত্মানং মনসা গতাঃ ।
যে ত্যক্তলোকধর্মাশ্চ মদর্থে তান্বিভর্ম্যহম্ ॥ ৪ ॥
মামেব দযিতং প্রেষ্ঠমাত্মানং মনসা গতাঃ ।
যে ত্যক্তলোকধর্মাশ্চ মদর্থে তান্বিভর্ম্যহম্ ॥ ৪ ॥
মযি তাঃ প্রেযসাং প্রেষ্ঠে দূরস্থে গোকুলস্ত্রিযঃ ।
স্মরন্ত্যোঽঙ্গ বিমুহ্যন্তি বিরহৌত্কণ্ঠ্যবিহ্বলাঃ ॥ ৫ ॥
স্মরন্ত্যোঽঙ্গ বিমুহ্যন্তি বিরহৌত্কণ্ঠ্যবিহ্বলাঃ ॥ ৫ ॥
ধারযন্ত্যতিকৃচ্ছ্রেণ প্রাযঃ প্রাণান্ কথঞ্চন ।
প্রত্যাগমনসন্দেশৈর্বল্লব্যো মে মদাত্মিকাঃ ॥ ৬ ॥
প্রত্যাগমনসন্দেশৈর্বল্লব্যো মে মদাত্মিকাঃ ॥ ৬ ॥
শ্রীশুক উবাচ
ইত্যুক্ত উদ্ধবো রাজন্সন্দেশং ভর্তুরাদৃতঃ ।
আদায রথমারুহ্য প্রযযৌ নন্দগোকুলম্ ॥ ৭ ॥
ইত্যুক্ত উদ্ধবো রাজন্সন্দেশং ভর্তুরাদৃতঃ ।
আদায রথমারুহ্য প্রযযৌ নন্দগোকুলম্ ॥ ৭ ॥
প্রাপ্তো নন্দব্রজং শ্রীমান্ নিম্লোচতি বিভাবসৌ ।
ছন্নযানঃ প্রবিশতাং পশূনাং খুররেণুভিঃ ॥ ৮ ॥
ছন্নযানঃ প্রবিশতাং পশূনাং খুররেণুভিঃ ॥ ৮ ॥
বাসিতার্থেঽভিযুধ্যদ্ভির্নাদিতং শুশ্মিভির্বৃষৈঃ ।
ধাবন্তীভিশ্চ বাস্রাভিরুধোভারৈঃ স্ববত্সকান্ ॥ ৯ ॥
ধাবন্তীভিশ্চ বাস্রাভিরুধোভারৈঃ স্ববত্সকান্ ॥ ৯ ॥
ইতস্ততো বিলঙ্ঘদ্ভির্গোবত্সৈর্মণ্ডিতং সিতৈঃ ।
গোদোহশব্দাভিরবং বেণূনাং নিঃস্বনেন চ ॥ ১০ ॥
গোদোহশব্দাভিরবং বেণূনাং নিঃস্বনেন চ ॥ ১০ ॥
গাযন্তীভিশ্চ কর্মাণি শুভানি বলকৃষ্ণযোঃ ।
স্বলঙ্কৃতাভির্গোপীভির্গোপৈশ্চ সুবিরাজিতম্ ॥ ১১ ॥
স্বলঙ্কৃতাভির্গোপীভির্গোপৈশ্চ সুবিরাজিতম্ ॥ ১১ ॥
অগ্ন্যর্কাতিথিগোবিপ্রপিতৃদেবার্চনান্বিতৈঃ ।
ধূপদীপৈশ্চ মাল্যৈশ্চ গোপাবাসৈর্মনোরমম্ ॥ ১২ ॥
ধূপদীপৈশ্চ মাল্যৈশ্চ গোপাবাসৈর্মনোরমম্ ॥ ১২ ॥
সর্বতঃ পুষ্পিতবনং দ্বিজালিকুলনাদিতম্ ।
হংসকারণ্ডবাকীর্ণৈঃ পদ্মষণ্ডৈশ্চ মণ্ডিতম্ ॥ ১৩ ॥
হংসকারণ্ডবাকীর্ণৈঃ পদ্মষণ্ডৈশ্চ মণ্ডিতম্ ॥ ১৩ ॥
তমাগতং সমাগম্য কৃষ্ণস্যানুচরং প্রিযম্ ।
নন্দঃ প্রীতঃ পরিষ্বজ্য বাসুদেবধিযার্চযত্ ॥ ১৪ ॥
নন্দঃ প্রীতঃ পরিষ্বজ্য বাসুদেবধিযার্চযত্ ॥ ১৪ ॥
ভোজিতং পরমান্নেন সংবিষ্টং কশিপৌ সুখম্ ।
গতশ্রমং পর্যপৃচ্ছত্ পাদসংবাহনাদিভিঃ ॥ ১৫ ॥
গতশ্রমং পর্যপৃচ্ছত্ পাদসংবাহনাদিভিঃ ॥ ১৫ ॥
কচ্চিদঙ্গ মহাভাগ সখা নঃ শূরনন্দনঃ ।
আস্তে কুশল্যপত্যাদ্যৈর্যুক্তো মুক্তঃ সুহৃদ্ব্রতঃ ॥ ১৬ ॥
আস্তে কুশল্যপত্যাদ্যৈর্যুক্তো মুক্তঃ সুহৃদ্ব্রতঃ ॥ ১৬ ॥
দিষ্ট্যা কংসো হতঃ পাপঃ সানুগঃ স্বেন পাপ্মনা ।
সাধূনাং ধর্মশীলানাং যদূনাং দ্বেষ্টি যঃ সদা ॥ ১৭ ॥
সাধূনাং ধর্মশীলানাং যদূনাং দ্বেষ্টি যঃ সদা ॥ ১৭ ॥
অপি স্মরতি নঃ কৃষ্ণো মাতরং সুহৃদঃ সখীন্ ।
গোপান্ ব্রজং চাত্মনাথং গাবো বৃন্দাবনং গিরিম্ ॥ ১৮ ॥
গোপান্ ব্রজং চাত্মনাথং গাবো বৃন্দাবনং গিরিম্ ॥ ১৮ ॥
অপ্যাযাস্যতি গোবিন্দঃ স্বজনান্সকৃদীক্ষিতুম্ ।
তর্হি দ্রক্ষ্যাম তদ্বক্ত্রং সুনসং সুস্মিতেক্ষণম্ ॥ ১৯ ॥
তর্হি দ্রক্ষ্যাম তদ্বক্ত্রং সুনসং সুস্মিতেক্ষণম্ ॥ ১৯ ॥
দাবাগ্নের্বাতবর্ষাচ্চ বৃষসর্পাচ্চ রক্ষিতাঃ ।
দুরত্যযেভ্যো মৃত্যুভ্যঃ কৃষ্ণেন সুমহাত্মনা ॥ ২০ ॥
দুরত্যযেভ্যো মৃত্যুভ্যঃ কৃষ্ণেন সুমহাত্মনা ॥ ২০ ॥
স্মরতাং কৃষ্ণবীর্যাণি লীলাপাঙ্গনিরীক্ষিতম্ ।
হসিতং ভাষিতং চাঙ্গ সর্বা নঃ শিথিলাঃ ক্রিযাঃ ॥ ২১ ॥
হসিতং ভাষিতং চাঙ্গ সর্বা নঃ শিথিলাঃ ক্রিযাঃ ॥ ২১ ॥
সরিচ্ছৈলবনোদ্দেশান্ মুকুন্দপদভূষিতান্ ।
আক্রীডানীক্ষ্যমাণানাং মনো যাতি তদাত্মতাম্ ॥ ২২ ॥
আক্রীডানীক্ষ্যমাণানাং মনো যাতি তদাত্মতাম্ ॥ ২২ ॥
মন্যে কৃষ্ণং চ রামং চ প্রাপ্তাবিহ সুরোত্তমৌ ।
সুরাণাং মহদর্থায গর্গস্য বচনং যথা ॥ ২৩ ॥
সুরাণাং মহদর্থায গর্গস্য বচনং যথা ॥ ২৩ ॥
কংসং নাগাযুতপ্রাণং মল্লৌ গজপতিং যথা ।
অবধিষ্টাং লীলযৈব পশূনিব মৃগাধিপঃ ॥ ২৪ ॥
অবধিষ্টাং লীলযৈব পশূনিব মৃগাধিপঃ ॥ ২৪ ॥
তালত্রযং মহাসারং ধনুর্যষ্টিমিবেভরাট্ ।
বভঞ্জৈকেন হস্তেন সপ্তাহমদধাদ্ গিরিম্ ॥ ২৫ ॥
বভঞ্জৈকেন হস্তেন সপ্তাহমদধাদ্ গিরিম্ ॥ ২৫ ॥
প্রলম্বো ধেনুকোঽরিষ্টস্তৃণাবর্তো বকাদযঃ ।
দৈত্যাঃ সুরাসুরজিতো হতা যেনেহ লীলযা ॥ ২৬ ॥
দৈত্যাঃ সুরাসুরজিতো হতা যেনেহ লীলযা ॥ ২৬ ॥
শ্রীশুক উবাচ
ইতি সংস্মৃত্য সংস্মৃত্য নন্দঃ কৃষ্ণানুরক্তধীঃ ।
অত্যুত্কণ্ঠোঽভবত্তূষ্ণীং প্রেমপ্রসরবিহ্বলঃ ॥ ২৭ ॥
ইতি সংস্মৃত্য সংস্মৃত্য নন্দঃ কৃষ্ণানুরক্তধীঃ ।
অত্যুত্কণ্ঠোঽভবত্তূষ্ণীং প্রেমপ্রসরবিহ্বলঃ ॥ ২৭ ॥
যশোদা বর্ণ্যমানানি পুত্রস্য চরিতানি চ ।
শৃণ্বন্ত্যশ্রূণ্যবাস্রাক্ষীত্ স্নেহস্নুতপযোধরা ॥ ২৮ ॥
শৃণ্বন্ত্যশ্রূণ্যবাস্রাক্ষীত্ স্নেহস্নুতপযোধরা ॥ ২৮ ॥
তযোরিত্থং ভগবতি কৃষ্ণে নন্দযশোদযোঃ ।
বীক্ষ্যানুরাগং পরমং নন্দমাহোদ্ধবো মুদা ॥ ২৯ ॥
বীক্ষ্যানুরাগং পরমং নন্দমাহোদ্ধবো মুদা ॥ ২৯ ॥
শ্রীউদ্ধব উবাচ
যুবাং শ্লাঘ্যতমৌ নূনং দেহিনামিহ মানদ ।
নারাযণেঽখিলগুরৌ যত্কৃতা মতিরীদৃশী ॥ ৩০ ॥
যুবাং শ্লাঘ্যতমৌ নূনং দেহিনামিহ মানদ ।
নারাযণেঽখিলগুরৌ যত্কৃতা মতিরীদৃশী ॥ ৩০ ॥
এতৌ হি বিশ্বস্য চ বীজযোনী
রামো মুকুন্দঃ পুরুষঃ প্রধানম্ ।
অন্বীয ভূতেষু বিলক্ষণস্য
জ্ঞানস্য চেশাত ইমৌ পুরাণৌ ॥ ৩১ ॥
রামো মুকুন্দঃ পুরুষঃ প্রধানম্ ।
অন্বীয ভূতেষু বিলক্ষণস্য
জ্ঞানস্য চেশাত ইমৌ পুরাণৌ ॥ ৩১ ॥
যস্মিন্ জনঃ প্রাণবিযোগকালে
ক্ষণং সমাবেশ্য মনোঽবিশুদ্ধম্ ।
নির্হৃত্য কর্মাশযমাশু যাতি
পরাং গতিং ব্রহ্মমযোঽর্কবর্ণঃ ॥ ৩২ ॥
ক্ষণং সমাবেশ্য মনোঽবিশুদ্ধম্ ।
নির্হৃত্য কর্মাশযমাশু যাতি
পরাং গতিং ব্রহ্মমযোঽর্কবর্ণঃ ॥ ৩২ ॥
তস্মিন্ ভবন্তাবখিলাত্মহেতৌ
নারাযণে কারণমর্ত্যমূর্তৌ ।
ভাবং বিধত্তাং নিতরাং মহাত্মন্
কিং বাবশিষ্টং যুবযোঃ সুকৃত্যম্ ॥ ৩৩ ॥
নারাযণে কারণমর্ত্যমূর্তৌ ।
ভাবং বিধত্তাং নিতরাং মহাত্মন্
কিং বাবশিষ্টং যুবযোঃ সুকৃত্যম্ ॥ ৩৩ ॥
আগমিষ্যত্যদীর্ঘেণ কালেন ব্রজমচ্যুতঃ ।
প্রিযং বিধাস্যতে পিত্রোর্ভগবান্ সাত্বতাং পতিঃ ॥ ৩৪ ॥
প্রিযং বিধাস্যতে পিত্রোর্ভগবান্ সাত্বতাং পতিঃ ॥ ৩৪ ॥
হত্বা কংসং রঙ্গমধ্যে প্রতীপং সর্বসাত্বতাম্ ।
যদাহ বঃ সমাগত্য কৃষ্ণঃ সত্যং করোতি তত্ ॥ ৩৫ ॥
যদাহ বঃ সমাগত্য কৃষ্ণঃ সত্যং করোতি তত্ ॥ ৩৫ ॥
মা খিদ্যতং মহাভাগৌ দ্রক্ষ্যথঃ কৃষ্ণমন্তিকে ।
অন্তর্হৃদি স ভূতানামাস্তে জ্যোতিরিবৈধসি ॥ ৩৬ ॥
অন্তর্হৃদি স ভূতানামাস্তে জ্যোতিরিবৈধসি ॥ ৩৬ ॥
ন হ্যস্যাস্তি প্রিযঃ কশ্চিন্নাপ্রিযো বাস্ত্যমানিনঃ ।
নোত্তমো নাধমো বাপি সমানস্যাসমোঽপি বা ॥ ৩৭ ॥
নোত্তমো নাধমো বাপি সমানস্যাসমোঽপি বা ॥ ৩৭ ॥
ন মাতা ন পিতা তস্য ন ভার্যা ন সুতাদযঃ ।
নাত্মীযো ন পরশ্চাপি ন দেহো জন্ম এব চ ॥ ৩৮ ॥
নাত্মীযো ন পরশ্চাপি ন দেহো জন্ম এব চ ॥ ৩৮ ॥
ন চাস্য কর্ম বা লোকে সদসন্মিশ্রযোনিষু ।
ক্রীডার্থং সোঽপি সাধূনাং পরিত্রাণায কল্পতে ॥ ৩৯ ॥
ক্রীডার্থং সোঽপি সাধূনাং পরিত্রাণায কল্পতে ॥ ৩৯ ॥
সত্ত্বং রজস্তম ইতি ভজতে নির্গুণো গুণান্ ।
ক্রীডন্নতীতোঽপি গুণৈঃ সৃজত্যবতি হন্ত্যজঃ ॥ ৪০ ॥
ক্রীডন্নতীতোঽপি গুণৈঃ সৃজত্যবতি হন্ত্যজঃ ॥ ৪০ ॥
যথা ভ্রমরিকাদৃষ্ট্যা ভ্রাম্যতীব মহীযতে ।
চিত্তে কর্তরি তত্রাত্মা কর্তেবাহংধিযা স্মৃতঃ ॥ ৪১ ॥
চিত্তে কর্তরি তত্রাত্মা কর্তেবাহংধিযা স্মৃতঃ ॥ ৪১ ॥
যুবযোরেব নৈবাযমাত্মজো ভগবান্ হরিঃ ।
সর্বেষামাত্মজো হ্যাত্মা পিতা মাতা স ঈশ্বরঃ ॥ ৪২ ॥
সর্বেষামাত্মজো হ্যাত্মা পিতা মাতা স ঈশ্বরঃ ॥ ৪২ ॥
দৃষ্টং শ্রুতং ভূতভবদ্ ভবিষ্যত্
স্থাস্নুশ্চরিষ্ণুর্মহদল্পকং চ ।
বিনাচ্যুতাদ্ বস্তু তরাং ন বাচ্যং
স এব সর্বং পরমাত্মভূতঃ ॥ ৪৩ ॥
স্থাস্নুশ্চরিষ্ণুর্মহদল্পকং চ ।
বিনাচ্যুতাদ্ বস্তু তরাং ন বাচ্যং
স এব সর্বং পরমাত্মভূতঃ ॥ ৪৩ ॥
এবং নিশা সা ব্রুবতোর্ব্যতীতা
নন্দস্য কৃষ্ণানুচরস্য রাজন্ ।
গোপ্যঃ সমুত্থায নিরূপ্য দীপান্
বাস্তূন্ সমভ্যর্চ্য দধীন্যমন্থন্ ॥ ৪৪ ॥
নন্দস্য কৃষ্ণানুচরস্য রাজন্ ।
গোপ্যঃ সমুত্থায নিরূপ্য দীপান্
বাস্তূন্ সমভ্যর্চ্য দধীন্যমন্থন্ ॥ ৪৪ ॥
তা দীপদীপ্তৈর্মণিভির্বিরেজূ
রজ্জূর্বিকর্ষদ্ভুজকঙ্কণস্রজঃ ।
চলন্নিতম্বস্তনহারকুণ্ডল-
ত্বিষত্কপোলারুণকুঙ্কুমাননাঃ ॥ ৪৫ ॥
রজ্জূর্বিকর্ষদ্ভুজকঙ্কণস্রজঃ ।
চলন্নিতম্বস্তনহারকুণ্ডল-
ত্বিষত্কপোলারুণকুঙ্কুমাননাঃ ॥ ৪৫ ॥
উদ্গাযতীনামরবিন্দলোচনং
ব্রজাঙ্গনানাং দিবমস্পৃশদ্ ধ্বনিঃ ।
দধ্নশ্চ নির্মন্থনশব্দমিশ্রিতো
নিরস্যতে যেন দিশামমঙ্গলম্ ॥ ৪৬ ॥
ব্রজাঙ্গনানাং দিবমস্পৃশদ্ ধ্বনিঃ ।
দধ্নশ্চ নির্মন্থনশব্দমিশ্রিতো
নিরস্যতে যেন দিশামমঙ্গলম্ ॥ ৪৬ ॥
ভগবত্যুদিতে সূর্যে নন্দদ্বারি ব্রজৌকসঃ ।
দৃষ্ট্বা রথং শাতকৌম্ভং কস্যাযমিতি চাব্রুবন্ ॥ ৪৭ ॥
দৃষ্ট্বা রথং শাতকৌম্ভং কস্যাযমিতি চাব্রুবন্ ॥ ৪৭ ॥
অক্রূর আগতঃ কিং বা যঃ কংসস্যার্থসাধকঃ ।
যেন নীতো মধুপুরীং কৃষ্ণঃ কমললোচনঃ ॥ ৪৮ ॥
যেন নীতো মধুপুরীং কৃষ্ণঃ কমললোচনঃ ॥ ৪৮ ॥
কিং সাধযিষ্যত্যস্মাভির্ভর্তুঃ প্রীতস্য নিষ্কৃতিম্ ।
ততঃ স্ত্রীণাং বদন্তীনামুদ্ধবোঽগাত্ কৃতাহ্নিকঃ ॥ ৪৯ ॥
ততঃ স্ত্রীণাং বদন্তীনামুদ্ধবোঽগাত্ কৃতাহ্নিকঃ ॥ ৪৯ ॥