ଶ୍ରୀଶୁକ ଉଵାଚ
ଵୃଷ୍ଣୀନାଂ ପ୍ରଵରୋ ମନ୍ତ୍ରୀ କୃଷ୍ଣସ୍ଯ ଦଯିତଃ ସଖା ।
ଶିଷ୍ଯୋ ବୃହସ୍ପତେଃ
ସାକ୍ଷାଦୁଦ୍ଧଵୋ ବୁଦ୍ଧିସତ୍ତମଃ ॥ ୧ ॥
ଵୃଷ୍ଣୀନାଂ ପ୍ରଵରୋ ମନ୍ତ୍ରୀ କୃଷ୍ଣସ୍ଯ ଦଯିତଃ ସଖା ।
ଶିଷ୍ଯୋ ବୃହସ୍ପତେଃ
ସାକ୍ଷାଦୁଦ୍ଧଵୋ ବୁଦ୍ଧିସତ୍ତମଃ ॥ ୧ ॥
ତମାହ ଭଗଵାନ୍ପ୍ରେଷ୍ଠଂ ଭକ୍ତମେକାନ୍ତିନଂ କ୍ଵଚିତ୍ ।
ଗୃହୀତ୍ଵା ପାଣିନା ପାଣିଂ ପ୍ରପନ୍ନାର୍ତିହରୋ ହରିଃ ॥ ୨ ॥
ଗୃହୀତ୍ଵା ପାଣିନା ପାଣିଂ ପ୍ରପନ୍ନାର୍ତିହରୋ ହରିଃ ॥ ୨ ॥
ଗଚ୍ଛୋଦ୍ଧଵ ଵ୍ରଜଂ ସୌମ୍ଯ ପିତ୍ରୋର୍ନୌ ପ୍ରୀତିମାଵହ ।
ଗୋପୀନାଂ ମଦ୍ଵିଯୋଗାଧିଂ ମତ୍ସନ୍ଦେଶୈର୍ଵିମୋଚଯ ॥ ୩ ॥
ଗୋପୀନାଂ ମଦ୍ଵିଯୋଗାଧିଂ ମତ୍ସନ୍ଦେଶୈର୍ଵିମୋଚଯ ॥ ୩ ॥
ତା ମନ୍ମନସ୍କା ମତ୍ପ୍ରାଣା ମତର୍ଥେ ତ୍ଯକ୍ତଦୈହିକାଃ ।
ମାମେଵ ଦଯିତଂ ପ୍ରେଷ୍ଠମାତ୍ମାନଂ ମନସା ଗତାଃ ।
ଯେ ତ୍ଯକ୍ତଲୋକଧର୍ମାଶ୍ଚ ମଦର୍ଥେ ତାନ୍ବିଭର୍ମ୍ଯହମ୍ ॥ ୪ ॥
ମାମେଵ ଦଯିତଂ ପ୍ରେଷ୍ଠମାତ୍ମାନଂ ମନସା ଗତାଃ ।
ଯେ ତ୍ଯକ୍ତଲୋକଧର୍ମାଶ୍ଚ ମଦର୍ଥେ ତାନ୍ବିଭର୍ମ୍ଯହମ୍ ॥ ୪ ॥
ମଯି ତାଃ ପ୍ରେଯସାଂ ପ୍ରେଷ୍ଠେ ଦୂରସ୍ଥେ ଗୋକୁଲସ୍ତ୍ରିଯଃ ।
ସ୍ମରନ୍ତ୍ଯୋଽଙ୍ଗ ଵିମୁହ୍ଯନ୍ତି ଵିରହୌତ୍କଣ୍ଠ୍ଯଵିହ୍ଵଲାଃ ॥ ୫ ॥
ସ୍ମରନ୍ତ୍ଯୋଽଙ୍ଗ ଵିମୁହ୍ଯନ୍ତି ଵିରହୌତ୍କଣ୍ଠ୍ଯଵିହ୍ଵଲାଃ ॥ ୫ ॥
ଧାରଯନ୍ତ୍ଯତିକୃଚ୍ଛ୍ରେଣ ପ୍ରାଯଃ ପ୍ରାଣାନ୍ କଥଞ୍ଚନ ।
ପ୍ରତ୍ଯାଗମନସନ୍ଦେଶୈର୍ବଲ୍ଲଵ୍ଯୋ ମେ ମଦାତ୍ମିକାଃ ॥ ୬ ॥
ପ୍ରତ୍ଯାଗମନସନ୍ଦେଶୈର୍ବଲ୍ଲଵ୍ଯୋ ମେ ମଦାତ୍ମିକାଃ ॥ ୬ ॥
ଶ୍ରୀଶୁକ ଉଵାଚ
ଇତ୍ଯୁକ୍ତ ଉଦ୍ଧଵୋ ରାଜନ୍ସନ୍ଦେଶଂ ଭର୍ତୁରାଦୃତଃ ।
ଆଦାଯ ରଥମାରୁହ୍ଯ ପ୍ରଯଯୌ ନନ୍ଦଗୋକୁଲମ୍ ॥ ୭ ॥
ଇତ୍ଯୁକ୍ତ ଉଦ୍ଧଵୋ ରାଜନ୍ସନ୍ଦେଶଂ ଭର୍ତୁରାଦୃତଃ ।
ଆଦାଯ ରଥମାରୁହ୍ଯ ପ୍ରଯଯୌ ନନ୍ଦଗୋକୁଲମ୍ ॥ ୭ ॥
ପ୍ରାପ୍ତୋ ନନ୍ଦଵ୍ରଜଂ ଶ୍ରୀମାନ୍ ନିମ୍ଲୋଚତି ଵିଭାଵସୌ ।
ଛନ୍ନଯାନଃ ପ୍ରଵିଶତାଂ ପଶୂନାଂ ଖୁରରେଣୁଭିଃ ॥ ୮ ॥
ଛନ୍ନଯାନଃ ପ୍ରଵିଶତାଂ ପଶୂନାଂ ଖୁରରେଣୁଭିଃ ॥ ୮ ॥
ଵାସିତାର୍ଥେଽଭିଯୁଧ୍ଯଦ୍ଭିର୍ନାଦିତଂ ଶୁଶ୍ମିଭିର୍ଵୃଷୈଃ ।
ଧାଵନ୍ତୀଭିଶ୍ଚ ଵାସ୍ରାଭିରୁଧୋଭାରୈଃ ସ୍ଵଵତ୍ସକାନ୍ ॥ ୯ ॥
ଧାଵନ୍ତୀଭିଶ୍ଚ ଵାସ୍ରାଭିରୁଧୋଭାରୈଃ ସ୍ଵଵତ୍ସକାନ୍ ॥ ୯ ॥
ଇତସ୍ତତୋ ଵିଲଙ୍ଘଦ୍ଭିର୍ଗୋଵତ୍ସୈର୍ମଣ୍ଡିତଂ ସିତୈଃ ।
ଗୋଦୋହଶବ୍ଦାଭିରଵଂ ଵେଣୂନାଂ ନିଃସ୍ଵନେନ ଚ ॥ ୧୦ ॥
ଗୋଦୋହଶବ୍ଦାଭିରଵଂ ଵେଣୂନାଂ ନିଃସ୍ଵନେନ ଚ ॥ ୧୦ ॥
ଗାଯନ୍ତୀଭିଶ୍ଚ କର୍ମାଣି ଶୁଭାନି ବଲକୃଷ୍ଣଯୋଃ ।
ସ୍ଵଲଙ୍କୃତାଭିର୍ଗୋପୀଭିର୍ଗୋପୈଶ୍ଚ ସୁଵିରାଜିତମ୍ ॥ ୧୧ ॥
ସ୍ଵଲଙ୍କୃତାଭିର୍ଗୋପୀଭିର୍ଗୋପୈଶ୍ଚ ସୁଵିରାଜିତମ୍ ॥ ୧୧ ॥
ଅଗ୍ନ୍ଯର୍କାତିଥିଗୋଵିପ୍ରପିତୃଦେଵାର୍ଚନାନ୍ଵିତୈଃ ।
ଧୂପଦୀପୈଶ୍ଚ ମାଲ୍ଯୈଶ୍ଚ ଗୋପାଵାସୈର୍ମନୋରମମ୍ ॥ ୧୨ ॥
ଧୂପଦୀପୈଶ୍ଚ ମାଲ୍ଯୈଶ୍ଚ ଗୋପାଵାସୈର୍ମନୋରମମ୍ ॥ ୧୨ ॥
ସର୍ଵତଃ ପୁଷ୍ପିତଵନଂ ଦ୍ଵିଜାଲିକୁଲନାଦିତମ୍ ।
ହଂସକାରଣ୍ଡଵାକୀର୍ଣୈଃ ପଦ୍ମଷଣ୍ଡୈଶ୍ଚ ମଣ୍ଡିତମ୍ ॥ ୧୩ ॥
ହଂସକାରଣ୍ଡଵାକୀର୍ଣୈଃ ପଦ୍ମଷଣ୍ଡୈଶ୍ଚ ମଣ୍ଡିତମ୍ ॥ ୧୩ ॥
ତମାଗତଂ ସମାଗମ୍ଯ କୃଷ୍ଣସ୍ଯାନୁଚରଂ ପ୍ରିଯମ୍ ।
ନନ୍ଦଃ ପ୍ରୀତଃ ପରିଷ୍ଵଜ୍ଯ ଵାସୁଦେଵଧିଯାର୍ଚଯତ୍ ॥ ୧୪ ॥
ନନ୍ଦଃ ପ୍ରୀତଃ ପରିଷ୍ଵଜ୍ଯ ଵାସୁଦେଵଧିଯାର୍ଚଯତ୍ ॥ ୧୪ ॥
ଭୋଜିତଂ ପରମାନ୍ନେନ ସଂଵିଷ୍ଟଂ କଶିପୌ ସୁଖମ୍ ।
ଗତଶ୍ରମଂ ପର୍ଯପୃଚ୍ଛତ୍ ପାଦସଂଵାହନାଦିଭିଃ ॥ ୧୫ ॥
ଗତଶ୍ରମଂ ପର୍ଯପୃଚ୍ଛତ୍ ପାଦସଂଵାହନାଦିଭିଃ ॥ ୧୫ ॥
କଚ୍ଚିଦଙ୍ଗ ମହାଭାଗ ସଖା ନଃ ଶୂରନନ୍ଦନଃ ।
ଆସ୍ତେ କୁଶଲ୍ଯପତ୍ଯାଦ୍ଯୈର୍ଯୁକ୍ତୋ ମୁକ୍ତଃ ସୁହୃଦ୍ଵ୍ରତଃ ॥ ୧୬ ॥
ଆସ୍ତେ କୁଶଲ୍ଯପତ୍ଯାଦ୍ଯୈର୍ଯୁକ୍ତୋ ମୁକ୍ତଃ ସୁହୃଦ୍ଵ୍ରତଃ ॥ ୧୬ ॥
ଦିଷ୍ଟ୍ଯା କଂସୋ ହତଃ ପାପଃ ସାନୁଗଃ ସ୍ଵେନ ପାପ୍ମନା ।
ସାଧୂନାଂ ଧର୍ମଶୀଲାନାଂ ଯଦୂନାଂ ଦ୍ଵେଷ୍ଟି ଯଃ ସଦା ॥ ୧୭ ॥
ସାଧୂନାଂ ଧର୍ମଶୀଲାନାଂ ଯଦୂନାଂ ଦ୍ଵେଷ୍ଟି ଯଃ ସଦା ॥ ୧୭ ॥
ଅପି ସ୍ମରତି ନଃ କୃଷ୍ଣୋ ମାତରଂ ସୁହୃଦଃ ସଖୀନ୍ ।
ଗୋପାନ୍ ଵ୍ରଜଂ ଚାତ୍ମନାଥଂ ଗାଵୋ ଵୃନ୍ଦାଵନଂ ଗିରିମ୍ ॥ ୧୮ ॥
ଗୋପାନ୍ ଵ୍ରଜଂ ଚାତ୍ମନାଥଂ ଗାଵୋ ଵୃନ୍ଦାଵନଂ ଗିରିମ୍ ॥ ୧୮ ॥
ଅପ୍ଯାଯାସ୍ଯତି ଗୋଵିନ୍ଦଃ ସ୍ଵଜନାନ୍ସକୃଦୀକ୍ଷିତୁମ୍ ।
ତର୍ହି ଦ୍ରକ୍ଷ୍ଯାମ ତଦ୍ଵକ୍ତ୍ରଂ ସୁନସଂ ସୁସ୍ମିତେକ୍ଷଣମ୍ ॥ ୧୯ ॥
ତର୍ହି ଦ୍ରକ୍ଷ୍ଯାମ ତଦ୍ଵକ୍ତ୍ରଂ ସୁନସଂ ସୁସ୍ମିତେକ୍ଷଣମ୍ ॥ ୧୯ ॥
ଦାଵାଗ୍ନେର୍ଵାତଵର୍ଷାଚ୍ଚ ଵୃଷସର୍ପାଚ୍ଚ ରକ୍ଷିତାଃ ।
ଦୁରତ୍ଯଯେଭ୍ଯୋ ମୃତ୍ଯୁଭ୍ଯଃ କୃଷ୍ଣେନ ସୁମହାତ୍ମନା ॥ ୨୦ ॥
ଦୁରତ୍ଯଯେଭ୍ଯୋ ମୃତ୍ଯୁଭ୍ଯଃ କୃଷ୍ଣେନ ସୁମହାତ୍ମନା ॥ ୨୦ ॥
ସ୍ମରତାଂ କୃଷ୍ଣଵୀର୍ଯାଣି ଲୀଲାପାଙ୍ଗନିରୀକ୍ଷିତମ୍ ।
ହସିତଂ ଭାଷିତଂ ଚାଙ୍ଗ ସର୍ଵା ନଃ ଶିଥିଲାଃ କ୍ରିଯାଃ ॥ ୨୧ ॥
ହସିତଂ ଭାଷିତଂ ଚାଙ୍ଗ ସର୍ଵା ନଃ ଶିଥିଲାଃ କ୍ରିଯାଃ ॥ ୨୧ ॥
ସରିଚ୍ଛୈଲଵନୋଦ୍ଦେଶାନ୍ ମୁକୁନ୍ଦପଦଭୂଷିତାନ୍ ।
ଆକ୍ରୀଡାନୀକ୍ଷ୍ଯମାଣାନାଂ ମନୋ ଯାତି ତଦାତ୍ମତାମ୍ ॥ ୨୨ ॥
ଆକ୍ରୀଡାନୀକ୍ଷ୍ଯମାଣାନାଂ ମନୋ ଯାତି ତଦାତ୍ମତାମ୍ ॥ ୨୨ ॥
ମନ୍ଯେ କୃଷ୍ଣଂ ଚ ରାମଂ ଚ ପ୍ରାପ୍ତାଵିହ ସୁରୋତ୍ତମୌ ।
ସୁରାଣାଂ ମହଦର୍ଥାଯ ଗର୍ଗସ୍ଯ ଵଚନଂ ଯଥା ॥ ୨୩ ॥
ସୁରାଣାଂ ମହଦର୍ଥାଯ ଗର୍ଗସ୍ଯ ଵଚନଂ ଯଥା ॥ ୨୩ ॥
କଂସଂ ନାଗାଯୁତପ୍ରାଣଂ ମଲ୍ଲୌ ଗଜପତିଂ ଯଥା ।
ଅଵଧିଷ୍ଟାଂ ଲୀଲଯୈଵ ପଶୂନିଵ ମୃଗାଧିପଃ ॥ ୨୪ ॥
ଅଵଧିଷ୍ଟାଂ ଲୀଲଯୈଵ ପଶୂନିଵ ମୃଗାଧିପଃ ॥ ୨୪ ॥
ତାଲତ୍ରଯଂ ମହାସାରଂ ଧନୁର୍ଯଷ୍ଟିମିଵେଭରାଟ୍ ।
ବଭଞ୍ଜୈକେନ ହସ୍ତେନ ସପ୍ତାହମଦଧାଦ୍ ଗିରିମ୍ ॥ ୨୫ ॥
ବଭଞ୍ଜୈକେନ ହସ୍ତେନ ସପ୍ତାହମଦଧାଦ୍ ଗିରିମ୍ ॥ ୨୫ ॥
ପ୍ରଲମ୍ବୋ ଧେନୁକୋଽରିଷ୍ଟସ୍ତୃଣାଵର୍ତୋ ବକାଦଯଃ ।
ଦୈତ୍ଯାଃ ସୁରାସୁରଜିତୋ ହତା ଯେନେହ ଲୀଲଯା ॥ ୨୬ ॥
ଦୈତ୍ଯାଃ ସୁରାସୁରଜିତୋ ହତା ଯେନେହ ଲୀଲଯା ॥ ୨୬ ॥
ଶ୍ରୀଶୁକ ଉଵାଚ
ଇତି ସଂସ୍ମୃତ୍ଯ ସଂସ୍ମୃତ୍ଯ ନନ୍ଦଃ କୃଷ୍ଣାନୁରକ୍ତଧୀଃ ।
ଅତ୍ଯୁତ୍କଣ୍ଠୋଽଭଵତ୍ତୂଷ୍ଣୀଂ ପ୍ରେମପ୍ରସରଵିହ୍ଵଲଃ ॥ ୨୭ ॥
ଇତି ସଂସ୍ମୃତ୍ଯ ସଂସ୍ମୃତ୍ଯ ନନ୍ଦଃ କୃଷ୍ଣାନୁରକ୍ତଧୀଃ ।
ଅତ୍ଯୁତ୍କଣ୍ଠୋଽଭଵତ୍ତୂଷ୍ଣୀଂ ପ୍ରେମପ୍ରସରଵିହ୍ଵଲଃ ॥ ୨୭ ॥
ଯଶୋଦା ଵର୍ଣ୍ଯମାନାନି ପୁତ୍ରସ୍ଯ ଚରିତାନି ଚ ।
ଶୃଣ୍ଵନ୍ତ୍ଯଶ୍ରୂଣ୍ଯଵାସ୍ରାକ୍ଷୀତ୍ ସ୍ନେହସ୍ନୁତପଯୋଧରା ॥ ୨୮ ॥
ଶୃଣ୍ଵନ୍ତ୍ଯଶ୍ରୂଣ୍ଯଵାସ୍ରାକ୍ଷୀତ୍ ସ୍ନେହସ୍ନୁତପଯୋଧରା ॥ ୨୮ ॥
ତଯୋରିତ୍ଥଂ ଭଗଵତି କୃଷ୍ଣେ ନନ୍ଦଯଶୋଦଯୋଃ ।
ଵୀକ୍ଷ୍ଯାନୁରାଗଂ ପରମଂ ନନ୍ଦମାହୋଦ୍ଧଵୋ ମୁଦା ॥ ୨୯ ॥
ଵୀକ୍ଷ୍ଯାନୁରାଗଂ ପରମଂ ନନ୍ଦମାହୋଦ୍ଧଵୋ ମୁଦା ॥ ୨୯ ॥
ଶ୍ରୀଉଦ୍ଧଵ ଉଵାଚ
ଯୁଵାଂ ଶ୍ଲାଘ୍ଯତମୌ ନୂନଂ ଦେହିନାମିହ ମାନଦ ।
ନାରାଯଣେଽଖିଲଗୁରୌ ଯତ୍କୃତା ମତିରୀଦୃଶୀ ॥ ୩୦ ॥
ଯୁଵାଂ ଶ୍ଲାଘ୍ଯତମୌ ନୂନଂ ଦେହିନାମିହ ମାନଦ ।
ନାରାଯଣେଽଖିଲଗୁରୌ ଯତ୍କୃତା ମତିରୀଦୃଶୀ ॥ ୩୦ ॥
ଏତୌ ହି ଵିଶ୍ଵସ୍ଯ ଚ ବୀଜଯୋନୀ
ରାମୋ ମୁକୁନ୍ଦଃ ପୁରୁଷଃ ପ୍ରଧାନମ୍ ।
ଅନ୍ଵୀଯ ଭୂତେଷୁ ଵିଲକ୍ଷଣସ୍ଯ
ଜ୍ଞାନସ୍ଯ ଚେଶାତ ଇମୌ ପୁରାଣୌ ॥ ୩୧ ॥
ରାମୋ ମୁକୁନ୍ଦଃ ପୁରୁଷଃ ପ୍ରଧାନମ୍ ।
ଅନ୍ଵୀଯ ଭୂତେଷୁ ଵିଲକ୍ଷଣସ୍ଯ
ଜ୍ଞାନସ୍ଯ ଚେଶାତ ଇମୌ ପୁରାଣୌ ॥ ୩୧ ॥
ଯସ୍ମିନ୍ ଜନଃ ପ୍ରାଣଵିଯୋଗକାଲେ
କ୍ଷଣଂ ସମାଵେଶ୍ଯ ମନୋଽଵିଶୁଦ୍ଧମ୍ ।
ନିର୍ହୃତ୍ଯ କର୍ମାଶଯମାଶୁ ଯାତି
ପରାଂ ଗତିଂ ବ୍ରହ୍ମମଯୋଽର୍କଵର୍ଣଃ ॥ ୩୨ ॥
କ୍ଷଣଂ ସମାଵେଶ୍ଯ ମନୋଽଵିଶୁଦ୍ଧମ୍ ।
ନିର୍ହୃତ୍ଯ କର୍ମାଶଯମାଶୁ ଯାତି
ପରାଂ ଗତିଂ ବ୍ରହ୍ମମଯୋଽର୍କଵର୍ଣଃ ॥ ୩୨ ॥
ତସ୍ମିନ୍ ଭଵନ୍ତାଵଖିଲାତ୍ମହେତୌ
ନାରାଯଣେ କାରଣମର୍ତ୍ଯମୂର୍ତୌ ।
ଭାଵଂ ଵିଧତ୍ତାଂ ନିତରାଂ ମହାତ୍ମନ୍
କିଂ ଵାଵଶିଷ୍ଟଂ ଯୁଵଯୋଃ ସୁକୃତ୍ଯମ୍ ॥ ୩୩ ॥
ନାରାଯଣେ କାରଣମର୍ତ୍ଯମୂର୍ତୌ ।
ଭାଵଂ ଵିଧତ୍ତାଂ ନିତରାଂ ମହାତ୍ମନ୍
କିଂ ଵାଵଶିଷ୍ଟଂ ଯୁଵଯୋଃ ସୁକୃତ୍ଯମ୍ ॥ ୩୩ ॥
ଆଗମିଷ୍ଯତ୍ଯଦୀର୍ଘେଣ କାଲେନ ଵ୍ରଜମଚ୍ଯୁତଃ ।
ପ୍ରିଯଂ ଵିଧାସ୍ଯତେ ପିତ୍ରୋର୍ଭଗଵାନ୍ ସାତ୍ଵତାଂ ପତିଃ ॥ ୩୪ ॥
ପ୍ରିଯଂ ଵିଧାସ୍ଯତେ ପିତ୍ରୋର୍ଭଗଵାନ୍ ସାତ୍ଵତାଂ ପତିଃ ॥ ୩୪ ॥
ହତ୍ଵା କଂସଂ ରଙ୍ଗମଧ୍ଯେ ପ୍ରତୀପଂ ସର୍ଵସାତ୍ଵତାମ୍ ।
ଯଦାହ ଵଃ ସମାଗତ୍ଯ କୃଷ୍ଣଃ ସତ୍ଯଂ କରୋତି ତତ୍ ॥ ୩୫ ॥
ଯଦାହ ଵଃ ସମାଗତ୍ଯ କୃଷ୍ଣଃ ସତ୍ଯଂ କରୋତି ତତ୍ ॥ ୩୫ ॥
ମା ଖିଦ୍ଯତଂ ମହାଭାଗୌ ଦ୍ରକ୍ଷ୍ଯଥଃ କୃଷ୍ଣମନ୍ତିକେ ।
ଅନ୍ତର୍ହୃଦି ସ ଭୂତାନାମାସ୍ତେ ଜ୍ଯୋତିରିଵୈଧସି ॥ ୩୬ ॥
ଅନ୍ତର୍ହୃଦି ସ ଭୂତାନାମାସ୍ତେ ଜ୍ଯୋତିରିଵୈଧସି ॥ ୩୬ ॥
ନ ହ୍ଯସ୍ଯାସ୍ତି ପ୍ରିଯଃ କଶ୍ଚିନ୍ନାପ୍ରିଯୋ ଵାସ୍ତ୍ଯମାନିନଃ ।
ନୋତ୍ତମୋ ନାଧମୋ ଵାପି ସମାନସ୍ଯାସମୋଽପି ଵା ॥ ୩୭ ॥
ନୋତ୍ତମୋ ନାଧମୋ ଵାପି ସମାନସ୍ଯାସମୋଽପି ଵା ॥ ୩୭ ॥
ନ ମାତା ନ ପିତା ତସ୍ଯ ନ ଭାର୍ଯା ନ ସୁତାଦଯଃ ।
ନାତ୍ମୀଯୋ ନ ପରଶ୍ଚାପି ନ ଦେହୋ ଜନ୍ମ ଏଵ ଚ ॥ ୩୮ ॥
ନାତ୍ମୀଯୋ ନ ପରଶ୍ଚାପି ନ ଦେହୋ ଜନ୍ମ ଏଵ ଚ ॥ ୩୮ ॥
ନ ଚାସ୍ଯ କର୍ମ ଵା ଲୋକେ ସଦସନ୍ମିଶ୍ରଯୋନିଷୁ ।
କ୍ରୀଡାର୍ଥଂ ସୋଽପି ସାଧୂନାଂ ପରିତ୍ରାଣାଯ କଲ୍ପତେ ॥ ୩୯ ॥
କ୍ରୀଡାର୍ଥଂ ସୋଽପି ସାଧୂନାଂ ପରିତ୍ରାଣାଯ କଲ୍ପତେ ॥ ୩୯ ॥
ସତ୍ତ୍ଵଂ ରଜସ୍ତମ ଇତି ଭଜତେ ନିର୍ଗୁଣୋ ଗୁଣାନ୍ ।
କ୍ରୀଡନ୍ନତୀତୋଽପି ଗୁଣୈଃ ସୃଜତ୍ଯଵତି ହନ୍ତ୍ଯଜଃ ॥ ୪୦ ॥
କ୍ରୀଡନ୍ନତୀତୋଽପି ଗୁଣୈଃ ସୃଜତ୍ଯଵତି ହନ୍ତ୍ଯଜଃ ॥ ୪୦ ॥
ଯଥା ଭ୍ରମରିକାଦୃଷ୍ଟ୍ଯା ଭ୍ରାମ୍ଯତୀଵ ମହୀଯତେ ।
ଚିତ୍ତେ କର୍ତରି ତତ୍ରାତ୍ମା କର୍ତେଵାହଂଧିଯା ସ୍ମୃତଃ ॥ ୪୧ ॥
ଚିତ୍ତେ କର୍ତରି ତତ୍ରାତ୍ମା କର୍ତେଵାହଂଧିଯା ସ୍ମୃତଃ ॥ ୪୧ ॥
ଯୁଵଯୋରେଵ ନୈଵାଯମାତ୍ମଜୋ ଭଗଵାନ୍ ହରିଃ ।
ସର୍ଵେଷାମାତ୍ମଜୋ ହ୍ଯାତ୍ମା ପିତା ମାତା ସ ଈଶ୍ଵରଃ ॥ ୪୨ ॥
ସର୍ଵେଷାମାତ୍ମଜୋ ହ୍ଯାତ୍ମା ପିତା ମାତା ସ ଈଶ୍ଵରଃ ॥ ୪୨ ॥
ଦୃଷ୍ଟଂ ଶ୍ରୁତଂ ଭୂତଭଵଦ୍ ଭଵିଷ୍ଯତ୍
ସ୍ଥାସ୍ନୁଶ୍ଚରିଷ୍ଣୁର୍ମହଦଲ୍ପକଂ ଚ ।
ଵିନାଚ୍ଯୁତାଦ୍ ଵସ୍ତୁ ତରାଂ ନ ଵାଚ୍ଯଂ
ସ ଏଵ ସର୍ଵଂ ପରମାତ୍ମଭୂତଃ ॥ ୪୩ ॥
ସ୍ଥାସ୍ନୁଶ୍ଚରିଷ୍ଣୁର୍ମହଦଲ୍ପକଂ ଚ ।
ଵିନାଚ୍ଯୁତାଦ୍ ଵସ୍ତୁ ତରାଂ ନ ଵାଚ୍ଯଂ
ସ ଏଵ ସର୍ଵଂ ପରମାତ୍ମଭୂତଃ ॥ ୪୩ ॥
ଏଵଂ ନିଶା ସା ବ୍ରୁଵତୋର୍ଵ୍ଯତୀତା
ନନ୍ଦସ୍ଯ କୃଷ୍ଣାନୁଚରସ୍ଯ ରାଜନ୍ ।
ଗୋପ୍ଯଃ ସମୁତ୍ଥାଯ ନିରୂପ୍ଯ ଦୀପାନ୍
ଵାସ୍ତୂନ୍ ସମଭ୍ଯର୍ଚ୍ଯ ଦଧୀନ୍ଯମନ୍ଥନ୍ ॥ ୪୪ ॥
ନନ୍ଦସ୍ଯ କୃଷ୍ଣାନୁଚରସ୍ଯ ରାଜନ୍ ।
ଗୋପ୍ଯଃ ସମୁତ୍ଥାଯ ନିରୂପ୍ଯ ଦୀପାନ୍
ଵାସ୍ତୂନ୍ ସମଭ୍ଯର୍ଚ୍ଯ ଦଧୀନ୍ଯମନ୍ଥନ୍ ॥ ୪୪ ॥
ତା ଦୀପଦୀପ୍ତୈର୍ମଣିଭିର୍ଵିରେଜୂ
ରଜ୍ଜୂର୍ଵିକର୍ଷଦ୍ଭୁଜକଙ୍କଣସ୍ରଜଃ ।
ଚଲନ୍ନିତମ୍ବସ୍ତନହାରକୁଣ୍ଡଲ-
ତ୍ଵିଷତ୍କପୋଲାରୁଣକୁଙ୍କୁମାନନାଃ ॥ ୪୫ ॥
ରଜ୍ଜୂର୍ଵିକର୍ଷଦ୍ଭୁଜକଙ୍କଣସ୍ରଜଃ ।
ଚଲନ୍ନିତମ୍ବସ୍ତନହାରକୁଣ୍ଡଲ-
ତ୍ଵିଷତ୍କପୋଲାରୁଣକୁଙ୍କୁମାନନାଃ ॥ ୪୫ ॥
ଉଦ୍ଗାଯତୀନାମରଵିନ୍ଦଲୋଚନଂ
ଵ୍ରଜାଙ୍ଗନାନାଂ ଦିଵମସ୍ପୃଶଦ୍ ଧ୍ଵନିଃ ।
ଦଧ୍ନଶ୍ଚ ନିର୍ମନ୍ଥନଶବ୍ଦମିଶ୍ରିତୋ
ନିରସ୍ଯତେ ଯେନ ଦିଶାମମଙ୍ଗଲମ୍ ॥ ୪୬ ॥
ଵ୍ରଜାଙ୍ଗନାନାଂ ଦିଵମସ୍ପୃଶଦ୍ ଧ୍ଵନିଃ ।
ଦଧ୍ନଶ୍ଚ ନିର୍ମନ୍ଥନଶବ୍ଦମିଶ୍ରିତୋ
ନିରସ୍ଯତେ ଯେନ ଦିଶାମମଙ୍ଗଲମ୍ ॥ ୪୬ ॥
ଭଗଵତ୍ଯୁଦିତେ ସୂର୍ଯେ ନନ୍ଦଦ୍ଵାରି ଵ୍ରଜୌକସଃ ।
ଦୃଷ୍ଟ୍ଵା ରଥଂ ଶାତକୌମ୍ଭଂ କସ୍ଯାଯମିତି ଚାବ୍ରୁଵନ୍ ॥ ୪୭ ॥
ଦୃଷ୍ଟ୍ଵା ରଥଂ ଶାତକୌମ୍ଭଂ କସ୍ଯାଯମିତି ଚାବ୍ରୁଵନ୍ ॥ ୪୭ ॥
ଅକ୍ରୂର ଆଗତଃ କିଂ ଵା ଯଃ କଂସସ୍ଯାର୍ଥସାଧକଃ ।
ଯେନ ନୀତୋ ମଧୁପୁରୀଂ କୃଷ୍ଣଃ କମଲଲୋଚନଃ ॥ ୪୮ ॥
ଯେନ ନୀତୋ ମଧୁପୁରୀଂ କୃଷ୍ଣଃ କମଲଲୋଚନଃ ॥ ୪୮ ॥
କିଂ ସାଧଯିଷ୍ଯତ୍ଯସ୍ମାଭିର୍ଭର୍ତୁଃ ପ୍ରୀତସ୍ଯ ନିଷ୍କୃତିମ୍ ।
ତତଃ ସ୍ତ୍ରୀଣାଂ ଵଦନ୍ତୀନାମୁଦ୍ଧଵୋଽଗାତ୍ କୃତାହ୍ନିକଃ ॥ ୪୯ ॥
ତତଃ ସ୍ତ୍ରୀଣାଂ ଵଦନ୍ତୀନାମୁଦ୍ଧଵୋଽଗାତ୍ କୃତାହ୍ନିକଃ ॥ ୪୯ ॥