ஶ்ரீமத்பாகவதம் ௧௦.௫௨

ஶ்ரீஶுக உவாச
இத்தம் ஸோ'நக்ரஹீதோ'ங்க க்ரு'ஷ்ணேநேக்ஷ்வாகுநந்தநஃ ।
தம் பரிக்ரம்ய ஸந்நம்ய நிஶ்சக்ராம குஹாமுகாத் ॥ ௧ ॥

ஸம்வீக்ஷ்ய க்ஷுல்லகாந் மர்த்யாந் பஶூந்வீருத்வநஸ்பதீந் ।
மத்வா கலியுகம் ப்ராப்தம் ஜகாம திஶமுத்தராம் ॥ ௨ ॥

தபஃஶ்ரத்தாயுதோ தீரோ நிஃஸங்கோ முக்தஸம்ஶயஃ ।
ஸமாதாய மநஃ க்ரு'ஷ்ணே ப்ராவிஶத் கந்தமாதநம் ॥ ௩ ॥

பதர்யாஶ்ரமமாஸாத்ய நரநாராயணாலயம் ।
ஸர்வத்வந்த்வஸஹஃ ஶாந்தஸ்தபஸாராதயத்தரிம் ॥ ௪ ॥

பகவாந் புநராவ்ரஜ்ய புரீம் யவநவேஷ்டிதாம் ।
ஹத்வா ம்லேச்சபலம் நிந்யே ததீயம் த்வாரகாம் தநம் ॥ ௫ ॥

நீயமாநே தநே கோபிர்ந்ரு'பிஶ்சாச்யுதசோதிதைஃ ।
ஆஜகாம ஜராஸந்தஸ்த்ரயோவிம்ஶத்யநீகபஃ ॥ ௬ ॥

விலோக்ய வேகரபஸம் ரிபுஸைந்யஸ்ய மாதவௌ ।
மநுஷ்யசேஷ்டாமாபந்நௌ ராஜந் துத்ருவதுர்த்ருதம் ॥ ௭ ॥

விஹாய வித்தம் ப்ரசுரமபீதௌ பீருபீதவத் ।
பத்ப்யாம் பத்மபலாஶாப்யாம் சேலதுர்பஹுயோஜநம் ॥ ௮ ॥

பலாயமாநௌ தௌ த்ரு'ஷ்ட்வா மாகதஃ ப்ரஹஸந்பலீ ।
அந்வதாவத் ரதாநீகைரீஶயோரப்ரமாணவித் ॥ ௯ ॥

ப்ரத்ருத்ய தூரம் ஸம்ஶ்ராந்தௌ துங்கமாருஹதாம் கிரிம் ।
ப்ரவர்ஷணாக்யம் பகவாந் நித்யதா யத்ர வர்ஷதி ॥ ௧௦ ॥

கிரௌ நிலீநாவாஜ்ஞாய நாதிகம்ய பதம் ந்ரு'ப ।
ததாஹ கிரிமேதோபிஃ ஸமந்தாதக்நிமுத்ஸ்ரு'ஜந் ॥ ௧௧ ॥

தத உத்பத்ய தரஸா தஹ்யமாநதடாதுபௌ ।
தஶைகயோஜநாத்துங்காந்நிபேததுரதோ புவி ॥ ௧௨ ॥

அலக்ஷ்யமாணௌ ரிபுணா ஸாநுகேந யதூத்தமௌ ।
ஸ்வபுரம் புநராயாதௌ ஸமுத்ரபரிகாம் ந்ரு'ப ॥ ௧௩ ॥

ஸோ'பி தக்தாவிதி ம்ரு'ஷா மந்வாநோ பலகேஶவௌ ।
பலமாக்ரு'ஷ்ய ஸுமஹந்மகதாந் மாகதோ யயௌ ॥ ௧௪ ॥

ஆநர்தாதிபதிஃ ஶ்ரீமாந் ரைவதோ ரைவதீம் ஸுதாம் ।
ப்ரஹ்மணா சோதிதஃ ப்ராதாத் பலாயேதி புரோதிதம் ॥ ௧௫ ॥

பகவாநபி கோவிந்த உபயேமே குரூத்வஹ ।
வைதர்பீம் பீஷ்மகஸுதாம் ஶ்ரியோ மாத்ராம் ஸ்வயம்வரே ॥ ௧௬ ॥

ப்ரமத்ய தரஸா ராஜ்ஞஃ ஶால்வாதீம்ஶ்சைத்யபக்ஷகாந் ।
பஶ்யதாம் ஸர்வலோகாநாம் தார்க்ஷ்யபுத்ரஃ ஸுதாமிவ ॥ ௧௭ ॥

ஶ்ரீராஜோவாச
பகவாந் பீஷ்மகஸுதாம் ருக்மிணீம் ருசிராநநாம் ।
ராக்ஷஸேந விதாநேந உபயேம இதி ஶ்ருதம் ॥ ௧௮ ॥

பகவந் ஶ்ரோதுமிச்சாமி க்ரு'ஷ்ணஸ்யாமிததேஜஸஃ ।
யதா மாகதஶால்வாதீந் ஜித்வா கந்யாமுபாஹரத் ॥ ௧௯ ॥

ப்ரஹ்மந் க்ரு'ஷ்ணகதாஃ புண்யா மாத்வீர்லோகமலாபஹாஃ ।
கோ நு த்ரு'ப்யேத ஶ்ரு'ண்வாநஃ ஶ்ருதஜ்ஞோ நித்யநூதநாஃ ॥ ௨௦ ॥

ஶ்ரீபாதராயணிருவாச
ராஜாஸீத் பீஷ்மகோ நாம விதர்பாதிபதிர்மஹாந் ।
தஸ்ய பஞ்சாபவந் புத்ராஃ கந்யைகா ச வராநநா ॥ ௨௧ ॥

ருக்ம்யக்ரஜோ ருக்மரதோ ருக்மபாஹுரநந்தரஃ ।
ருக்மகேஶோ ருக்மமாலீ ருக்மிண்யேஷா ஸ்வஸா ஸதீ ॥ ௨௨ ॥

ஸோபஶ்ருத்ய முகுந்தஸ்ய ரூபவீர்யகுணஶ்ரியஃ ।
க்ரு'ஹாகதைர்கீயமாநாஸ்தம் மேநே ஸத்ரு'ஶம் பதிம் ॥ ௨௩ ॥

தாம் புத்திலக்ஷணௌதார்யரூபஶீலகுணாஶ்ரயாம் ।
க்ரு'ஷ்ணஶ்ச ஸத்ரு'ஶீம் பார்யாம் ஸமுத்வோடும் மநோ ததே ॥ ௨௪ ॥

பந்தூநாமிச்சதாம் தாதும் க்ரு'ஷ்ணாய பகிநீம் ந்ரு'ப ।
ததோ நிவார்ய க்ரு'ஷ்ணத்விட் ருக்மீ சைத்யமமந்யத ॥ ௨௫ ॥

ததவேத்யாஸிதாபாங்கீ வைதர்பீ துர்மநா ப்ரு'ஶம் ।
விசிந்த்யாப்தம் த்விஜம் கஞ்சித் க்ரு'ஷ்ணாய ப்ராஹிணோத்த்ருதம் ॥ ௨௬ ॥

த்வாரகாம் ஸ ஸமப்யேத்ய ப்ரதீஹாரைஃ ப்ரவேஶிதஃ ।
அபஶ்யதாத்யம் புருஷமாஸீநம் காஞ்சநாஸநே ॥ ௨௭ ॥

த்ரு'ஷ்ட்வா ப்ரஹ்மண்யதேவஸ்தமவருஹ்ய நிஜாஸநாத் ।
உபவேஶ்யார்ஹயாம் சக்ரே யதாத்மாநம் திவௌகஸஃ ॥ ௨௮ ॥

தம் புக்தவந்தம் விஶ்ராந்தமுபகம்ய ஸதாம் கதிஃ ।
பாணிநாபிம்ரு'ஶந் பாதாவவ்யக்ரஸ்தமப்ரு'ச்சத ॥ ௨௯ ॥

கச்சித் த்விஜவரஶ்ரேஷ்ட தர்மஸ்தே வ்ரு'த்தஸம்மதஃ ।
வர்ததே நாதிக்ரு'ச்ச்ரேண ஸந்துஷ்டமநஸஃ ஸதா ॥ ௩௦ ॥

ஸந்துஷ்டோ யர்ஹி வர்தேத ப்ராஹ்மணோ யேந கேநசித் ।
அஹீயமாநஃ ஸ்வத்தர்மாத் ஸ ஹ்யஸ்யாகிலகாமதுக் ॥ ௩௧ ॥

அஸந்துஷ்டோ'ஸக்ரு'ல்லோகாநாப்நோத்யபி ஸுரேஶ்வரஃ ।
அகிஞ்சநோ'பி ஸந்துஷ்டஃ ஶேதே ஸர்வாங்கவிஜ்வரஃ ॥ ௩௨ ॥

விப்ராந் ஸ்வலாபஸந்துஷ்டாந் ஸாதூந் பூதஸுஹ்ரு'த்தமாந் ।
நிரஹங்காரிணஃ ஶாந்தாந் நமஸ்யே ஶிரஸாஸக்ரு'த் ॥ ௩௩ ॥

கச்சித் வஃ குஶலம் ப்ரஹ்மந் ராஜதோ யஸ்ய ஹி ப்ரஜாஃ ।
ஸுகம் வஸந்தி விஷயே பால்யமாநாஃ ஸ மே ப்ரியஃ ॥ ௩௪ ॥

யதஸ்த்வமாகதோ துர்கம் நிஸ்தீர்யேஹ யதிச்சயா ।
ஸர்வம் நோ ப்ரூஹ்யகுஹ்யம் சேத் கிம் கார்யம் கரவாம தே ॥ ௩௫ ॥

ஏவம் ஸம்ப்ரு'ஷ்டஸம்ப்ரஶ்நோ ப்ராஹ்மணஃ பரமேஷ்டிநா ।
லீலாக்ரு'ஹீததேஹேந தஸ்மை ஸர்வமவர்ணயத் ॥ ௩௬ ॥

ஶ்ரீருக்மிண்யுவாச
ஶ்ருத்வா குணாந் புவநஸுந்தர ஶ்ரு'ண்வதாம் தே
நிர்விஶ்ய கர்ணவிவரைர்ஹரதோ'ங்கதாபம் ।
ரூபம் த்ரு'ஶாம் த்ரு'ஶிமதாமகிலார்தலாபம்
த்வய்யச்யுதாவிஶதி சித்தமபத்ரபம் மே ॥ ௩௭ ॥

கா த்வா முகுந்த மஹதீ குலஶீலரூப-
வித்யாவயோத்ரவிணதாமபிராத்மதுல்யம் ।
தீரா பதிம் குலவதீ ந வ்ரு'ணீத கந்யா
காலே ந்ரு'ஸிம்ஹ நரலோகமநோ'பிராமம் ॥ ௩௮ ॥

தந்மே பவாந் கலு வ்ரு'தஃ பதிரங்க ஜாயா-
மாத்மார்பிதஶ்ச பவதோ'த்ர விபோ விதேஹி ।
மா வீரபாகமபிமர்ஶது சைத்ய ஆராத்
கோமாயுவந்ம்ரு'கபதேர்பலிமம்புஜாக்ஷ ॥ ௩௯ ॥

பூர்தேஷ்டதத்தநியமவ்ரததேவவிப்ர-
குர்வர்சநாதிபிரலம் பகவாந் பரேஶஃ ।
ஆராதிதோ யதி கதாக்ரஜ ஏத்ய பாணிம்
க்ரு'ஹ்ணாது மே ந தமகோஷஸுதாதயோ'ந்யே ॥ ௪௦ ॥

ஶ்வோபாவிநி த்வமஜிதோத்வஹநே விதர்பாந்
குப்தஃ ஸமேத்ய ப்ரு'தநாபதிபிஃ பரீதஃ ।
நிர்மத்ய சைத்யமகதேந்த்ரபலம் ப்ரஸஹ்ய
மாம் ராக்ஷஸேந விதிநோத்வஹ வீர்யஶுல்காம் ॥ ௪௧ ॥

அந்தஃபுராந்தரசரீமநிஹத்ய பந்தூந்-
த்வாமுத்வஹே கதமிதி ப்ரவதாம்யுபாயம் ।
பூர்வேத்யுரஸ்தி மஹதீ குலதேவயாத்ரா
யஸ்யாம் பஹிர்நவவதூர்கிரிஜாமுபேயாத் ॥ ௪௨ ॥

யஸ்யாங்க்ரிபங்கஜரஜஃஸ்நபநம் மஹாந்தோ
வாஞ்சந்த்யுமாபதிரிவாத்மதமோ'பஹத்யை ।
யர்ஹ்யம்புஜாக்ஷ ந லபேய பவத்ப்ரஸாதம்
ஜஹ்யாமஸூந்வ்ரதக்ரு'ஶாந் ஶதஜந்மபிஃ ஸ்யாத் ॥ ௪௩ ॥

ப்ராஹ்மண உவாச
இத்யேதே குஹ்யஸந்தேஶா யதுதேவ மயாஹ்ரு'தாஃ ।
விம்ரு'ஶ்ய கர்தும் யச்சாத்ர க்ரியதாம் ததநந்தரம் ॥ ௪௪ ॥