শ্ৰীশুক উৱাচ
ইতি সৰ্ৱে সুসংৰব্ধা ৱাহানাৰুহ্য দংশিতাঃ ।
স্ৱৈঃ স্ৱৈৰ্বলৈঃ পৰিক্ৰান্তা অন্ৱীযুৰ্ধৃতকাৰ্মুকাঃ ॥ ১ ॥
ইতি সৰ্ৱে সুসংৰব্ধা ৱাহানাৰুহ্য দংশিতাঃ ।
স্ৱৈঃ স্ৱৈৰ্বলৈঃ পৰিক্ৰান্তা অন্ৱীযুৰ্ধৃতকাৰ্মুকাঃ ॥ ১ ॥
তানাপতত আলোক্য যাদৱানীকযূথপাঃ ।
তস্থুস্তত্সম্মুখা ৰাজন্ৱিস্ফূৰ্জ্য স্ৱধনূংষি তে ॥ ২ ॥
তস্থুস্তত্সম্মুখা ৰাজন্ৱিস্ফূৰ্জ্য স্ৱধনূংষি তে ॥ ২ ॥
অশ্ৱপৃষ্ঠে গজস্কন্ধে ৰথোপস্থেঽস্ত্ৰ কোৱিদাঃ ।
মুমুচুঃ শৰৱৰ্ষাণি মেঘা অদ্ৰিষ্ৱপো যথা ॥ ৩ ॥
মুমুচুঃ শৰৱৰ্ষাণি মেঘা অদ্ৰিষ্ৱপো যথা ॥ ৩ ॥
পত্যুৰ্বলং শৰাসাৰৈশ্ছন্নং ৱীক্ষ্য সুমধ্যমা ।
সৱ্ৰীড্মৈক্ষত্তদ্ৱক্ত্ৰং ভযৱিহ্ৱললোচনা ॥ ৪ ॥
সৱ্ৰীড্মৈক্ষত্তদ্ৱক্ত্ৰং ভযৱিহ্ৱললোচনা ॥ ৪ ॥
প্ৰহস্য ভগৱানাহ মা স্ম ভৈৰ্ৱামলোচনে ।
ৱিনঙ্ক্ষ্যত্যধুনৈৱৈতত্তাৱকৈঃ শাত্ৰৱং বলম্ ॥ ৫ ॥
ৱিনঙ্ক্ষ্যত্যধুনৈৱৈতত্তাৱকৈঃ শাত্ৰৱং বলম্ ॥ ৫ ॥
তেষাং তদ্ৱিক্ৰমং ৱীৰা গদসঙ্কৰ্ষণাদযঃ ।
অমৃষ্যমাণা নাৰাচৈৰ্জঘ্নুৰ্হযগজান্ ৰথান্ ॥ ৬ ॥
অমৃষ্যমাণা নাৰাচৈৰ্জঘ্নুৰ্হযগজান্ ৰথান্ ॥ ৬ ॥
পেতুঃ শিৰাংসি ৰথিনামশ্ৱিনাং গজিনাং ভুৱি ।
সকুণ্ডলকিৰীটানি সোষ্ণীষাণি চ কোটিশঃ ॥ ৭ ॥
সকুণ্ডলকিৰীটানি সোষ্ণীষাণি চ কোটিশঃ ॥ ৭ ॥
হস্তাঃ সাসিগদেষ্ৱাসাঃ কৰভা ঊৰৱোঽঙ্ঘ্ৰযঃ ।
অশ্ৱাশ্ৱতৰনাগোষ্ট্ৰখৰমৰ্ত্যশিৰাংসি চ ॥ ৮ ॥
অশ্ৱাশ্ৱতৰনাগোষ্ট্ৰখৰমৰ্ত্যশিৰাংসি চ ॥ ৮ ॥
হন্যমানবলানীকা ৱৃষ্ণিভিৰ্জযকাঙ্ক্ষিভিঃ ।
ৰাজানো ৱিমুখা জগ্মুৰ্জৰাসন্ধপুৰঃসৰাঃ ॥ ৯ ॥
ৰাজানো ৱিমুখা জগ্মুৰ্জৰাসন্ধপুৰঃসৰাঃ ॥ ৯ ॥
শিশুপালং সমভ্যেত্য হৃতদাৰমিৱাতুৰম্ ।
নষ্টত্ৱিষং গতোত্সাহং শুষ্যদ্ৱদনমব্ৰুৱন্ ॥ ১০ ॥
নষ্টত্ৱিষং গতোত্সাহং শুষ্যদ্ৱদনমব্ৰুৱন্ ॥ ১০ ॥
ভো ভোঃ পুৰুষশাৰ্দূল দৌৰ্মনস্যমিদং ত্যজ ।
ন প্ৰিযাপ্ৰিযযো ৰাজন্ নিষ্ঠা দেহিষু দৃশ্যতে ॥ ১১ ॥
ন প্ৰিযাপ্ৰিযযো ৰাজন্ নিষ্ঠা দেহিষু দৃশ্যতে ॥ ১১ ॥
যথা দাৰুমযী যোষিত্ নৃত্যতে কুহকেচ্ছযা ।
এৱমীশ্ৱৰতন্ত্ৰোঽযমীহতে সুখদুঃখযোঃ ॥ ১২ ॥
এৱমীশ্ৱৰতন্ত্ৰোঽযমীহতে সুখদুঃখযোঃ ॥ ১২ ॥
শৌৰেঃ সপ্তদশাহং ৱৈ সংযুগানি পৰাজিতঃ ।
ত্ৰযোৱিংশতিভিঃ সৈন্যৈৰ্জিগ্যে একমহং পৰম্ ॥ ১৩ ॥
ত্ৰযোৱিংশতিভিঃ সৈন্যৈৰ্জিগ্যে একমহং পৰম্ ॥ ১৩ ॥
তথাপ্যহং ন শোচামি ন প্ৰহৃষ্যামি কৰ্হিচিত্ ।
কালেন দৈৱযুক্তেন জানন্ ৱিদ্ৰাৱিতং জগত্ ॥ ১৪ ॥
কালেন দৈৱযুক্তেন জানন্ ৱিদ্ৰাৱিতং জগত্ ॥ ১৪ ॥
অধুনাপি ৱযং সৰ্ৱে ৱীৰযূথপযূথপাঃ ।
পৰাজিতাঃ ফল্গুতন্ত্ৰৈৰ্যদুভিঃ কৃষ্ণপালিতৈঃ ॥ ১৫ ॥
পৰাজিতাঃ ফল্গুতন্ত্ৰৈৰ্যদুভিঃ কৃষ্ণপালিতৈঃ ॥ ১৫ ॥
ৰিপৱো জিগ্যুৰধুনা কাল আত্মানুসাৰিণি ।
তদা ৱযং ৱিজেষ্যামো যদা কালঃ প্ৰদক্ষিণঃ ॥ ১৬ ॥
তদা ৱযং ৱিজেষ্যামো যদা কালঃ প্ৰদক্ষিণঃ ॥ ১৬ ॥
শ্ৰীশুক উৱাচ
এৱং প্ৰবোধিতো মিত্ৰৈশ্চৈদ্যোঽগাত্ সানুগঃ পুৰম্ ।
হতশেষাঃ পুনস্তেঽপি যযুঃ স্ৱং স্ৱং পুৰং নৃপাঃ ॥ ১৭ ॥
এৱং প্ৰবোধিতো মিত্ৰৈশ্চৈদ্যোঽগাত্ সানুগঃ পুৰম্ ।
হতশেষাঃ পুনস্তেঽপি যযুঃ স্ৱং স্ৱং পুৰং নৃপাঃ ॥ ১৭ ॥
ৰুক্মী তু ৰাক্ষসোদ্ৱাহং কৃষ্ণদ্ৱিডসহন্ স্ৱসুঃ ।
পৃষ্ঠতোঽন্ৱগমত্ কৃষ্ণমক্ষৌহিণ্যা ৱৃতো বলী ॥ ১৮ ॥
পৃষ্ঠতোঽন্ৱগমত্ কৃষ্ণমক্ষৌহিণ্যা ৱৃতো বলী ॥ ১৮ ॥
ৰুক্ম্যমৰ্ষী সুসংৰব্ধঃ শৃণ্ৱতাং সৰ্ৱভূভুজাম্ ।
প্ৰতিজজ্ঞে মহাবাহুৰ্দংশিতঃ সশৰাসনঃ ॥ ১৯ ॥
প্ৰতিজজ্ঞে মহাবাহুৰ্দংশিতঃ সশৰাসনঃ ॥ ১৯ ॥
অহত্ৱা সমৰে কৃষ্ণমপ্ৰত্যূহ্য চ ৰুক্মিণীম্ ।
কুণ্ডিনং ন প্ৰৱেক্ষ্যামি সত্যমেতদ্ ব্ৰৱীমি ৱঃ ॥ ২০ ॥
কুণ্ডিনং ন প্ৰৱেক্ষ্যামি সত্যমেতদ্ ব্ৰৱীমি ৱঃ ॥ ২০ ॥
ইত্যুক্ত্ৱা ৰথমাৰুহ্য সাৰথিং প্ৰাহ সত্ৱৰঃ ।
চোদযাশ্ৱান্ যতঃ কৃষ্ণঃ তস্য মে সংযুগং ভৱেত্ ॥ ২১ ॥
চোদযাশ্ৱান্ যতঃ কৃষ্ণঃ তস্য মে সংযুগং ভৱেত্ ॥ ২১ ॥
অদ্যাহং নিশিতৈৰ্বাণৈৰ্গোপালস্য সুদুৰ্মতেঃ ।
নেষ্যে ৱীৰ্যমদং যেন স্ৱসা মে প্ৰসভং হৃতা ॥ ২২ ॥
নেষ্যে ৱীৰ্যমদং যেন স্ৱসা মে প্ৰসভং হৃতা ॥ ২২ ॥
ৱিকত্থমানঃ কুমতিৰীশ্ৱৰস্যাপ্ৰমাণৱিত্ ।
ৰথেনৈকেন গোৱিন্দং তিষ্ঠ তিষ্ঠেত্যথাহ্ৱযত্ ॥ ২৩ ॥
ৰথেনৈকেন গোৱিন্দং তিষ্ঠ তিষ্ঠেত্যথাহ্ৱযত্ ॥ ২৩ ॥
ধনুৰ্ৱিকৃষ্য সুদৃঢং জঘ্নে কৃষ্ণং ত্ৰিভিঃ শৰৈঃ ।
আহ চাত্ৰ ক্ষণং তিষ্ঠ যদূনাং কুলপাংসন ॥ ২৪ ॥
আহ চাত্ৰ ক্ষণং তিষ্ঠ যদূনাং কুলপাংসন ॥ ২৪ ॥
যত্ৰ যাসি স্ৱসাৰং মে মুষিত্ৱা ধ্ৱাঙ্ক্ষৱদ্ধৱিঃ ।
হৰিষ্যেঽদ্য মদং মন্দ মাযিনঃ কূটযোধিনঃ ॥ ২৫ ॥
হৰিষ্যেঽদ্য মদং মন্দ মাযিনঃ কূটযোধিনঃ ॥ ২৫ ॥
যাৱন্ন মে হতো বাণৈঃ শযীথা মুঞ্চ দাৰীকাম্ ।
স্মযন্ কৃষ্ণো ধনুশ্ছিত্ত্ৱা ষড্ভিৰ্ৱিৱ্যাধ ৰুক্মিণম্ ॥ ২৬ ॥
স্মযন্ কৃষ্ণো ধনুশ্ছিত্ত্ৱা ষড্ভিৰ্ৱিৱ্যাধ ৰুক্মিণম্ ॥ ২৬ ॥
অষ্টভিশ্চতুৰো ৱাহান্ দ্ৱাভ্যাং সূতং ধ্ৱজং ত্ৰিভিঃ ।
স চান্যদ্ধনুৰাধায কৃষ্ণং ৱিৱ্যাধ পঞ্চভিঃ ॥ ২৭ ॥
স চান্যদ্ধনুৰাধায কৃষ্ণং ৱিৱ্যাধ পঞ্চভিঃ ॥ ২৭ ॥
তৈস্তাডিতঃ শৰৌঘৈস্তু চিচ্ছেদ ধনুৰচ্যুতঃ ।
পুনৰন্যদুপাদত্ত তদপ্যচ্ছিনদৱ্যযঃ ॥ ২৮ ॥
পুনৰন্যদুপাদত্ত তদপ্যচ্ছিনদৱ্যযঃ ॥ ২৮ ॥
পৰিঘং পট্টিশং শূলং চৰ্মাসী শক্তিতোমৰৌ ।
যদ্ যদাযুধমাদত্ত তত্সৰ্ৱং সোঽচ্ছিনদ্ধৰিঃ ॥ ২৯ ॥
যদ্ যদাযুধমাদত্ত তত্সৰ্ৱং সোঽচ্ছিনদ্ধৰিঃ ॥ ২৯ ॥
ততো ৰথাদৱপ্লুত্য খড্গপাণিৰ্জিঘাংসযা ।
কৃষ্ণমভ্যদ্ৰৱত্ ক্ৰুদ্ধঃ পতঙ্গ ইৱ পাৱকম্ ॥ ৩০ ॥
কৃষ্ণমভ্যদ্ৰৱত্ ক্ৰুদ্ধঃ পতঙ্গ ইৱ পাৱকম্ ॥ ৩০ ॥
তস্য চাপততঃ খড্গং তিলশশ্চৰ্ম চেষুভিঃ ।
ছিত্ত্ৱাসিমাদদে তিগ্মং ৰুক্মিণং হন্তুমুদ্যতঃ ॥ ৩১ ॥
ছিত্ত্ৱাসিমাদদে তিগ্মং ৰুক্মিণং হন্তুমুদ্যতঃ ॥ ৩১ ॥
দৃষ্ট্ৱা ভ্ৰাতৃৱধোদ্যোগং ৰুক্মিণী ভযৱিহ্ৱলা ।
পতিত্ৱা পাদযোৰ্ভৰ্তুৰুৱাচ কৰুণং সতী ॥ ৩২ ॥
পতিত্ৱা পাদযোৰ্ভৰ্তুৰুৱাচ কৰুণং সতী ॥ ৩২ ॥
শ্ৰীৰুক্মিণ্যুৱাচ
যোগেশ্ৱৰাপ্ৰমেযাত্মন্ দেৱদেৱ জগত্পতে ।
হন্তুং নাৰ্হসি কল্যাণ ভ্ৰাতৰং মে মহাভুজ ॥ ৩৩ ॥
যোগেশ্ৱৰাপ্ৰমেযাত্মন্ দেৱদেৱ জগত্পতে ।
হন্তুং নাৰ্হসি কল্যাণ ভ্ৰাতৰং মে মহাভুজ ॥ ৩৩ ॥
শ্ৰীশুক উৱাচ
তযা পৰিত্ৰাসৱিকম্পিতাঙ্গযা
শুচাৱশুষ্যন্মুখৰুদ্ধকণ্ঠযা ।
কাতৰ্যৱিস্ৰংসিতহেমমালযা
গৃহীতপাদঃ কৰুণো ন্যৱৰ্তত ॥ ৩৪ ॥
তযা পৰিত্ৰাসৱিকম্পিতাঙ্গযা
শুচাৱশুষ্যন্মুখৰুদ্ধকণ্ঠযা ।
কাতৰ্যৱিস্ৰংসিতহেমমালযা
গৃহীতপাদঃ কৰুণো ন্যৱৰ্তত ॥ ৩৪ ॥
চৈলেন বদ্ধ্ৱা তমসাধুকাৰীণং
সশ্মশ্ৰুকেশং প্ৰৱপন্ ৱ্যৰূপযত্ ।
তাৱন্মমৰ্দুঃ পৰসৈন্যমদ্ভুতং
যদুপ্ৰৱীৰা নলিনীং যথা গজাঃ ॥ ৩৫ ॥
সশ্মশ্ৰুকেশং প্ৰৱপন্ ৱ্যৰূপযত্ ।
তাৱন্মমৰ্দুঃ পৰসৈন্যমদ্ভুতং
যদুপ্ৰৱীৰা নলিনীং যথা গজাঃ ॥ ৩৫ ॥
কৃষ্ণান্তিকমুপৱ্ৰজ্য দদৃশুস্তত্ৰ ৰুক্মিণম্ ।
তথাভূতং হতপ্ৰাযং দৃষ্ট্ৱা সঙ্কৰ্ষণো ৱিভুঃ ।
ৱিমুচ্য বদ্ধং কৰুণো ভগৱান্ কৃষ্ণমব্ৰৱীত্ ॥ ৩৬ ॥
তথাভূতং হতপ্ৰাযং দৃষ্ট্ৱা সঙ্কৰ্ষণো ৱিভুঃ ।
ৱিমুচ্য বদ্ধং কৰুণো ভগৱান্ কৃষ্ণমব্ৰৱীত্ ॥ ৩৬ ॥
অসাধ্ৱিদং ত্ৱযা কৃষ্ণ কৃতমস্মজ্জুগুপ্সিতম্ ।
ৱপনং শ্মশ্ৰুকেশানাং ৱৈৰূপ্যং সুহৃদো ৱধঃ ॥ ৩৭ ॥
ৱপনং শ্মশ্ৰুকেশানাং ৱৈৰূপ্যং সুহৃদো ৱধঃ ॥ ৩৭ ॥
মৈৱাস্মান্ সাধ্ৱ্যসূযেথা ভ্ৰাতুৰ্ৱৈৰূপ্যচিন্তযা ।
সুখদুঃখদো ন চান্যোঽস্তি যতঃ স্ৱকৃতভুক্ পুমান্ ॥ ৩৮ ॥
সুখদুঃখদো ন চান্যোঽস্তি যতঃ স্ৱকৃতভুক্ পুমান্ ॥ ৩৮ ॥
বন্ধুৰ্ৱধাৰ্হদোষোঽপি ন বন্ধোৰ্ৱধমৰ্হতি ।
ত্যাজ্যঃ স্ৱেনৈৱ দোষেণ হতঃ কিং হন্যতে পুনঃ ॥ ৩৯ ॥
ত্যাজ্যঃ স্ৱেনৈৱ দোষেণ হতঃ কিং হন্যতে পুনঃ ॥ ৩৯ ॥
ক্ষত্ৰিযাণামযং ধৰ্মঃ প্ৰজাপতিৱিনিৰ্মিতঃ ।
ভ্ৰাতাপি ভ্ৰাতৰং হন্যাদ্ যেন ঘোৰতমস্ততঃ ॥ ৪০ ॥
ভ্ৰাতাপি ভ্ৰাতৰং হন্যাদ্ যেন ঘোৰতমস্ততঃ ॥ ৪০ ॥
ৰাজ্যস্য ভূমেৰ্ৱিত্তস্য স্ত্ৰিযো মানস্য তেজসঃ ।
মানিনোঽন্যস্য ৱা হেতোঃ শ্ৰীমদান্ধাঃ ক্ষিপন্তি হি ॥ ৪১ ॥
মানিনোঽন্যস্য ৱা হেতোঃ শ্ৰীমদান্ধাঃ ক্ষিপন্তি হি ॥ ৪১ ॥
তৱেযং ৱিষমা বুদ্ধিঃ সৰ্ৱভূতেষু দুৰ্হৃদাম্ ।
যন্মন্যসে সদাভদ্ৰং সুহৃদাং ভদ্ৰমজ্ঞৱত্ ॥ ৪২ ॥
যন্মন্যসে সদাভদ্ৰং সুহৃদাং ভদ্ৰমজ্ঞৱত্ ॥ ৪২ ॥
আত্মমোহো নৃণামেৱ কল্পতে দেৱমাযযা ।
সুহৃদ্ দুৰ্হৃদুদাসীন ইতি দেহাত্মমানিনাম্ ॥ ৪৩ ॥
সুহৃদ্ দুৰ্হৃদুদাসীন ইতি দেহাত্মমানিনাম্ ॥ ৪৩ ॥
এক এৱ পৰো হ্যাত্মা সৰ্ৱেষামপি দেহিনাম্ ।
নানেৱ গৃহ্যতে মূঢৈৰ্যথা জ্যোতিৰ্যথা নভঃ ॥ ৪৪ ॥
নানেৱ গৃহ্যতে মূঢৈৰ্যথা জ্যোতিৰ্যথা নভঃ ॥ ৪৪ ॥
দেহ আদ্যন্তৱানেষ দ্ৰৱ্যপ্ৰাণগুণাত্মকঃ ।
আত্মন্যৱিদ্যযা ক্লৃপ্তঃ সংসাৰযতি দেহিনম্ ॥ ৪৫ ॥
আত্মন্যৱিদ্যযা ক্লৃপ্তঃ সংসাৰযতি দেহিনম্ ॥ ৪৫ ॥
নাত্মনোঽন্যেন সংযোগো ৱিযোগশ্চাসতঃ সতি ।
তদ্ধেতুত্ৱাত্তত্প্ৰসিদ্ধেৰ্দৃগ্ৰূপাভ্যাং যথা ৰৱেঃ ॥ ৪৬ ॥
তদ্ধেতুত্ৱাত্তত্প্ৰসিদ্ধেৰ্দৃগ্ৰূপাভ্যাং যথা ৰৱেঃ ॥ ৪৬ ॥
জন্মাদযস্তু দেহস্য ৱিক্ৰিযানাত্মনঃ ক্ৱচিত্ ।
কলানামিৱ নৈৱেন্দোৰ্মৃতিৰ্হ্যস্য কুহূৰিৱ ॥ ৪৭ ॥
কলানামিৱ নৈৱেন্দোৰ্মৃতিৰ্হ্যস্য কুহূৰিৱ ॥ ৪৭ ॥
যথা শযান আত্মানং ৱিষযান্ ফলমেৱ চ ।
অনুভুঙ্ক্তে ঽপ্যসত্যৰ্থে তথাপ্নোত্যবুধো ভৱম্ ॥ ৪৮ ॥
অনুভুঙ্ক্তে ঽপ্যসত্যৰ্থে তথাপ্নোত্যবুধো ভৱম্ ॥ ৪৮ ॥
তস্মাদজ্ঞানজং শোকমাত্মশোষৱিমোহনম্ ।
তত্ত্ৱজ্ঞানেন নিৰ্হৃত্য স্ৱস্থা ভৱ শুচিস্মিতে ॥ ৪৯ ॥
তত্ত্ৱজ্ঞানেন নিৰ্হৃত্য স্ৱস্থা ভৱ শুচিস্মিতে ॥ ৪৯ ॥
শ্ৰীশুক উৱাচ
এৱং ভগৱতা তন্ৱী ৰামেণ প্ৰতিবোধিতা ।
ৱৈমনস্যং পৰিত্যজ্য মনো বুদ্ধ্যা সমাদধে ॥ ৫০ ॥
এৱং ভগৱতা তন্ৱী ৰামেণ প্ৰতিবোধিতা ।
ৱৈমনস্যং পৰিত্যজ্য মনো বুদ্ধ্যা সমাদধে ॥ ৫০ ॥
প্ৰাণাৱশেষ উত্সৃষ্টো দ্ৱিড্ভিৰ্হতবলপ্ৰভঃ ।
স্মৰন্ ৱিৰূপকৰণং ৱিতথাত্মমনোৰথঃ ।
চক্ৰে ভোজকটং নাম নিৱাসায মহত্পুৰম্ ॥ ৫১ ॥
স্মৰন্ ৱিৰূপকৰণং ৱিতথাত্মমনোৰথঃ ।
চক্ৰে ভোজকটং নাম নিৱাসায মহত্পুৰম্ ॥ ৫১ ॥
অহত্ৱা দুৰ্মতিং কৃষ্ণমপ্ৰত্যূহ্য যৱীযসীম্ ।
কুণ্ডিনং ন প্ৰৱেক্ষ্যামীত্যুক্ত্ৱা তত্ৰাৱসদ্ ৰুষা ॥ ৫২ ॥
কুণ্ডিনং ন প্ৰৱেক্ষ্যামীত্যুক্ত্ৱা তত্ৰাৱসদ্ ৰুষা ॥ ৫২ ॥
ভগৱান্ ভীষ্মকসুতামেৱং নিৰ্জিত্য ভূমিপান্ ।
পুৰমানীয ৱিধিৱদুপযেমে কুৰূদ্ৱহ ॥ ৫৩ ॥
পুৰমানীয ৱিধিৱদুপযেমে কুৰূদ্ৱহ ॥ ৫৩ ॥
তদা মহোত্সৱো নৃণাং যদুপুৰ্যাং গৃহে গৃহে ।
অভূদনন্যভাৱানাং কৃষ্ণে যদুপতৌ নৃপ ॥ ৫৪ ॥
অভূদনন্যভাৱানাং কৃষ্ণে যদুপতৌ নৃপ ॥ ৫৪ ॥
নৰা নাৰ্যশ্চ মুদিতাঃ প্ৰমৃষ্টমণিকুণ্ডলাঃ ।
পাৰিবৰ্হমুপাজহ্ৰুৰ্ৱৰযোশ্চিত্ৰৱাসসোঃ ॥ ৫৫ ॥
পাৰিবৰ্হমুপাজহ্ৰুৰ্ৱৰযোশ্চিত্ৰৱাসসোঃ ॥ ৫৫ ॥
সা ৱৃষ্ণিপুৰ্যুত্তম্ভিতেন্দ্ৰকেতুভি-
ৰ্ৱিচিত্ৰমাল্যাম্বৰৰত্নতোৰণৈঃ ।
বভৌ প্ৰতিদ্ৱাৰ্যুপক্লৃপ্তমঙ্গলৈ-
ৰাপূৰ্ণকুম্ভাগুৰুধূপদীপকৈঃ ॥ ৫৬ ॥
ৰ্ৱিচিত্ৰমাল্যাম্বৰৰত্নতোৰণৈঃ ।
বভৌ প্ৰতিদ্ৱাৰ্যুপক্লৃপ্তমঙ্গলৈ-
ৰাপূৰ্ণকুম্ভাগুৰুধূপদীপকৈঃ ॥ ৫৬ ॥
সিক্তমাৰ্গা মদচ্যুদ্ভিৰাহূতপ্ৰেষ্ঠভূভুজাম্ ।
গজৈৰ্দ্ৱাঃসু পৰামৃষ্টৰম্ভাপূগোপশোভিতা ॥ ৫৭ ॥
গজৈৰ্দ্ৱাঃসু পৰামৃষ্টৰম্ভাপূগোপশোভিতা ॥ ৫৭ ॥
কুৰুসৃঞ্জযকৈকেযৱিদৰ্ভযদুকুন্তযঃ ।
মিথো মুমুদিৰে তস্মিন্ সম্ভ্ৰমাত্ পৰিধাৱতাম্ ॥ ৫৮ ॥
মিথো মুমুদিৰে তস্মিন্ সম্ভ্ৰমাত্ পৰিধাৱতাম্ ॥ ৫৮ ॥
ৰুক্মিণ্যা হৰণং শ্ৰুত্ৱা গীযমানং ততস্ততঃ ।
ৰাজানো ৰাজকন্যাশ্চ বভূৱুৰ্ভৃশৱিস্মিতাঃ ॥ ৫৯ ॥
ৰাজানো ৰাজকন্যাশ্চ বভূৱুৰ্ভৃশৱিস্মিতাঃ ॥ ৫৯ ॥
দ্ৱাৰকাযামভূদ্ ৰাজন্ মহামোদঃ পুৰৌকসাম্ ।
ৰুক্মিণ্যা ৰমযোপেতং দৃষ্ট্ৱা কৃষ্ণং শ্ৰিযঃ পতিম্ ॥ ৬০ ॥
ৰুক্মিণ্যা ৰমযোপেতং দৃষ্ট্ৱা কৃষ্ণং শ্ৰিযঃ পতিম্ ॥ ৬০ ॥