শ্রীশুক উবাচ
ইতি সর্বে সুসংরব্ধা বাহানারুহ্য দংশিতাঃ ।
স্বৈঃ স্বৈর্বলৈঃ পরিক্রান্তা অন্বীযুর্ধৃতকার্মুকাঃ ॥ ১ ॥
ইতি সর্বে সুসংরব্ধা বাহানারুহ্য দংশিতাঃ ।
স্বৈঃ স্বৈর্বলৈঃ পরিক্রান্তা অন্বীযুর্ধৃতকার্মুকাঃ ॥ ১ ॥
তানাপতত আলোক্য যাদবানীকযূথপাঃ ।
তস্থুস্তত্সম্মুখা রাজন্বিস্ফূর্জ্য স্বধনূংষি তে ॥ ২ ॥
তস্থুস্তত্সম্মুখা রাজন্বিস্ফূর্জ্য স্বধনূংষি তে ॥ ২ ॥
অশ্বপৃষ্ঠে গজস্কন্ধে রথোপস্থেঽস্ত্র কোবিদাঃ ।
মুমুচুঃ শরবর্ষাণি মেঘা অদ্রিষ্বপো যথা ॥ ৩ ॥
মুমুচুঃ শরবর্ষাণি মেঘা অদ্রিষ্বপো যথা ॥ ৩ ॥
পত্যুর্বলং শরাসারৈশ্ছন্নং বীক্ষ্য সুমধ্যমা ।
সব্রীড্মৈক্ষত্তদ্বক্ত্রং ভযবিহ্বললোচনা ॥ ৪ ॥
সব্রীড্মৈক্ষত্তদ্বক্ত্রং ভযবিহ্বললোচনা ॥ ৪ ॥
প্রহস্য ভগবানাহ মা স্ম ভৈর্বামলোচনে ।
বিনঙ্ক্ষ্যত্যধুনৈবৈতত্তাবকৈঃ শাত্রবং বলম্ ॥ ৫ ॥
বিনঙ্ক্ষ্যত্যধুনৈবৈতত্তাবকৈঃ শাত্রবং বলম্ ॥ ৫ ॥
তেষাং তদ্বিক্রমং বীরা গদসঙ্কর্ষণাদযঃ ।
অমৃষ্যমাণা নারাচৈর্জঘ্নুর্হযগজান্ রথান্ ॥ ৬ ॥
অমৃষ্যমাণা নারাচৈর্জঘ্নুর্হযগজান্ রথান্ ॥ ৬ ॥
পেতুঃ শিরাংসি রথিনামশ্বিনাং গজিনাং ভুবি ।
সকুণ্ডলকিরীটানি সোষ্ণীষাণি চ কোটিশঃ ॥ ৭ ॥
সকুণ্ডলকিরীটানি সোষ্ণীষাণি চ কোটিশঃ ॥ ৭ ॥
হস্তাঃ সাসিগদেষ্বাসাঃ করভা ঊরবোঽঙ্ঘ্রযঃ ।
অশ্বাশ্বতরনাগোষ্ট্রখরমর্ত্যশিরাংসি চ ॥ ৮ ॥
অশ্বাশ্বতরনাগোষ্ট্রখরমর্ত্যশিরাংসি চ ॥ ৮ ॥
হন্যমানবলানীকা বৃষ্ণিভির্জযকাঙ্ক্ষিভিঃ ।
রাজানো বিমুখা জগ্মুর্জরাসন্ধপুরঃসরাঃ ॥ ৯ ॥
রাজানো বিমুখা জগ্মুর্জরাসন্ধপুরঃসরাঃ ॥ ৯ ॥
শিশুপালং সমভ্যেত্য হৃতদারমিবাতুরম্ ।
নষ্টত্বিষং গতোত্সাহং শুষ্যদ্বদনমব্রুবন্ ॥ ১০ ॥
নষ্টত্বিষং গতোত্সাহং শুষ্যদ্বদনমব্রুবন্ ॥ ১০ ॥
ভো ভোঃ পুরুষশার্দূল দৌর্মনস্যমিদং ত্যজ ।
ন প্রিযাপ্রিযযো রাজন্ নিষ্ঠা দেহিষু দৃশ্যতে ॥ ১১ ॥
ন প্রিযাপ্রিযযো রাজন্ নিষ্ঠা দেহিষু দৃশ্যতে ॥ ১১ ॥
যথা দারুমযী যোষিত্ নৃত্যতে কুহকেচ্ছযা ।
এবমীশ্বরতন্ত্রোঽযমীহতে সুখদুঃখযোঃ ॥ ১২ ॥
এবমীশ্বরতন্ত্রোঽযমীহতে সুখদুঃখযোঃ ॥ ১২ ॥
শৌরেঃ সপ্তদশাহং বৈ সংযুগানি পরাজিতঃ ।
ত্রযোবিংশতিভিঃ সৈন্যৈর্জিগ্যে একমহং পরম্ ॥ ১৩ ॥
ত্রযোবিংশতিভিঃ সৈন্যৈর্জিগ্যে একমহং পরম্ ॥ ১৩ ॥
তথাপ্যহং ন শোচামি ন প্রহৃষ্যামি কর্হিচিত্ ।
কালেন দৈবযুক্তেন জানন্ বিদ্রাবিতং জগত্ ॥ ১৪ ॥
কালেন দৈবযুক্তেন জানন্ বিদ্রাবিতং জগত্ ॥ ১৪ ॥
অধুনাপি বযং সর্বে বীরযূথপযূথপাঃ ।
পরাজিতাঃ ফল্গুতন্ত্রৈর্যদুভিঃ কৃষ্ণপালিতৈঃ ॥ ১৫ ॥
পরাজিতাঃ ফল্গুতন্ত্রৈর্যদুভিঃ কৃষ্ণপালিতৈঃ ॥ ১৫ ॥
রিপবো জিগ্যুরধুনা কাল আত্মানুসারিণি ।
তদা বযং বিজেষ্যামো যদা কালঃ প্রদক্ষিণঃ ॥ ১৬ ॥
তদা বযং বিজেষ্যামো যদা কালঃ প্রদক্ষিণঃ ॥ ১৬ ॥
শ্রীশুক উবাচ
এবং প্রবোধিতো মিত্রৈশ্চৈদ্যোঽগাত্ সানুগঃ পুরম্ ।
হতশেষাঃ পুনস্তেঽপি যযুঃ স্বং স্বং পুরং নৃপাঃ ॥ ১৭ ॥
এবং প্রবোধিতো মিত্রৈশ্চৈদ্যোঽগাত্ সানুগঃ পুরম্ ।
হতশেষাঃ পুনস্তেঽপি যযুঃ স্বং স্বং পুরং নৃপাঃ ॥ ১৭ ॥
রুক্মী তু রাক্ষসোদ্বাহং কৃষ্ণদ্বিডসহন্ স্বসুঃ ।
পৃষ্ঠতোঽন্বগমত্ কৃষ্ণমক্ষৌহিণ্যা বৃতো বলী ॥ ১৮ ॥
পৃষ্ঠতোঽন্বগমত্ কৃষ্ণমক্ষৌহিণ্যা বৃতো বলী ॥ ১৮ ॥
রুক্ম্যমর্ষী সুসংরব্ধঃ শৃণ্বতাং সর্বভূভুজাম্ ।
প্রতিজজ্ঞে মহাবাহুর্দংশিতঃ সশরাসনঃ ॥ ১৯ ॥
প্রতিজজ্ঞে মহাবাহুর্দংশিতঃ সশরাসনঃ ॥ ১৯ ॥
অহত্বা সমরে কৃষ্ণমপ্রত্যূহ্য চ রুক্মিণীম্ ।
কুণ্ডিনং ন প্রবেক্ষ্যামি সত্যমেতদ্ ব্রবীমি বঃ ॥ ২০ ॥
কুণ্ডিনং ন প্রবেক্ষ্যামি সত্যমেতদ্ ব্রবীমি বঃ ॥ ২০ ॥
ইত্যুক্ত্বা রথমারুহ্য সারথিং প্রাহ সত্বরঃ ।
চোদযাশ্বান্ যতঃ কৃষ্ণঃ তস্য মে সংযুগং ভবেত্ ॥ ২১ ॥
চোদযাশ্বান্ যতঃ কৃষ্ণঃ তস্য মে সংযুগং ভবেত্ ॥ ২১ ॥
অদ্যাহং নিশিতৈর্বাণৈর্গোপালস্য সুদুর্মতেঃ ।
নেষ্যে বীর্যমদং যেন স্বসা মে প্রসভং হৃতা ॥ ২২ ॥
নেষ্যে বীর্যমদং যেন স্বসা মে প্রসভং হৃতা ॥ ২২ ॥
বিকত্থমানঃ কুমতিরীশ্বরস্যাপ্রমাণবিত্ ।
রথেনৈকেন গোবিন্দং তিষ্ঠ তিষ্ঠেত্যথাহ্বযত্ ॥ ২৩ ॥
রথেনৈকেন গোবিন্দং তিষ্ঠ তিষ্ঠেত্যথাহ্বযত্ ॥ ২৩ ॥
ধনুর্বিকৃষ্য সুদৃঢং জঘ্নে কৃষ্ণং ত্রিভিঃ শরৈঃ ।
আহ চাত্র ক্ষণং তিষ্ঠ যদূনাং কুলপাংসন ॥ ২৪ ॥
আহ চাত্র ক্ষণং তিষ্ঠ যদূনাং কুলপাংসন ॥ ২৪ ॥
যত্র যাসি স্বসারং মে মুষিত্বা ধ্বাঙ্ক্ষবদ্ধবিঃ ।
হরিষ্যেঽদ্য মদং মন্দ মাযিনঃ কূটযোধিনঃ ॥ ২৫ ॥
হরিষ্যেঽদ্য মদং মন্দ মাযিনঃ কূটযোধিনঃ ॥ ২৫ ॥
যাবন্ন মে হতো বাণৈঃ শযীথা মুঞ্চ দারীকাম্ ।
স্মযন্ কৃষ্ণো ধনুশ্ছিত্ত্বা ষড্ভির্বিব্যাধ রুক্মিণম্ ॥ ২৬ ॥
স্মযন্ কৃষ্ণো ধনুশ্ছিত্ত্বা ষড্ভির্বিব্যাধ রুক্মিণম্ ॥ ২৬ ॥
অষ্টভিশ্চতুরো বাহান্ দ্বাভ্যাং সূতং ধ্বজং ত্রিভিঃ ।
স চান্যদ্ধনুরাধায কৃষ্ণং বিব্যাধ পঞ্চভিঃ ॥ ২৭ ॥
স চান্যদ্ধনুরাধায কৃষ্ণং বিব্যাধ পঞ্চভিঃ ॥ ২৭ ॥
তৈস্তাডিতঃ শরৌঘৈস্তু চিচ্ছেদ ধনুরচ্যুতঃ ।
পুনরন্যদুপাদত্ত তদপ্যচ্ছিনদব্যযঃ ॥ ২৮ ॥
পুনরন্যদুপাদত্ত তদপ্যচ্ছিনদব্যযঃ ॥ ২৮ ॥
পরিঘং পট্টিশং শূলং চর্মাসী শক্তিতোমরৌ ।
যদ্ যদাযুধমাদত্ত তত্সর্বং সোঽচ্ছিনদ্ধরিঃ ॥ ২৯ ॥
যদ্ যদাযুধমাদত্ত তত্সর্বং সোঽচ্ছিনদ্ধরিঃ ॥ ২৯ ॥
ততো রথাদবপ্লুত্য খড্গপাণির্জিঘাংসযা ।
কৃষ্ণমভ্যদ্রবত্ ক্রুদ্ধঃ পতঙ্গ ইব পাবকম্ ॥ ৩০ ॥
কৃষ্ণমভ্যদ্রবত্ ক্রুদ্ধঃ পতঙ্গ ইব পাবকম্ ॥ ৩০ ॥
তস্য চাপততঃ খড্গং তিলশশ্চর্ম চেষুভিঃ ।
ছিত্ত্বাসিমাদদে তিগ্মং রুক্মিণং হন্তুমুদ্যতঃ ॥ ৩১ ॥
ছিত্ত্বাসিমাদদে তিগ্মং রুক্মিণং হন্তুমুদ্যতঃ ॥ ৩১ ॥
দৃষ্ট্বা ভ্রাতৃবধোদ্যোগং রুক্মিণী ভযবিহ্বলা ।
পতিত্বা পাদযোর্ভর্তুরুবাচ করুণং সতী ॥ ৩২ ॥
পতিত্বা পাদযোর্ভর্তুরুবাচ করুণং সতী ॥ ৩২ ॥
শ্রীরুক্মিণ্যুবাচ
যোগেশ্বরাপ্রমেযাত্মন্ দেবদেব জগত্পতে ।
হন্তুং নার্হসি কল্যাণ ভ্রাতরং মে মহাভুজ ॥ ৩৩ ॥
যোগেশ্বরাপ্রমেযাত্মন্ দেবদেব জগত্পতে ।
হন্তুং নার্হসি কল্যাণ ভ্রাতরং মে মহাভুজ ॥ ৩৩ ॥
শ্রীশুক উবাচ
তযা পরিত্রাসবিকম্পিতাঙ্গযা
শুচাবশুষ্যন্মুখরুদ্ধকণ্ঠযা ।
কাতর্যবিস্রংসিতহেমমালযা
গৃহীতপাদঃ করুণো ন্যবর্তত ॥ ৩৪ ॥
তযা পরিত্রাসবিকম্পিতাঙ্গযা
শুচাবশুষ্যন্মুখরুদ্ধকণ্ঠযা ।
কাতর্যবিস্রংসিতহেমমালযা
গৃহীতপাদঃ করুণো ন্যবর্তত ॥ ৩৪ ॥
চৈলেন বদ্ধ্বা তমসাধুকারীণং
সশ্মশ্রুকেশং প্রবপন্ ব্যরূপযত্ ।
তাবন্মমর্দুঃ পরসৈন্যমদ্ভুতং
যদুপ্রবীরা নলিনীং যথা গজাঃ ॥ ৩৫ ॥
সশ্মশ্রুকেশং প্রবপন্ ব্যরূপযত্ ।
তাবন্মমর্দুঃ পরসৈন্যমদ্ভুতং
যদুপ্রবীরা নলিনীং যথা গজাঃ ॥ ৩৫ ॥
কৃষ্ণান্তিকমুপব্রজ্য দদৃশুস্তত্র রুক্মিণম্ ।
তথাভূতং হতপ্রাযং দৃষ্ট্বা সঙ্কর্ষণো বিভুঃ ।
বিমুচ্য বদ্ধং করুণো ভগবান্ কৃষ্ণমব্রবীত্ ॥ ৩৬ ॥
তথাভূতং হতপ্রাযং দৃষ্ট্বা সঙ্কর্ষণো বিভুঃ ।
বিমুচ্য বদ্ধং করুণো ভগবান্ কৃষ্ণমব্রবীত্ ॥ ৩৬ ॥
অসাধ্বিদং ত্বযা কৃষ্ণ কৃতমস্মজ্জুগুপ্সিতম্ ।
বপনং শ্মশ্রুকেশানাং বৈরূপ্যং সুহৃদো বধঃ ॥ ৩৭ ॥
বপনং শ্মশ্রুকেশানাং বৈরূপ্যং সুহৃদো বধঃ ॥ ৩৭ ॥
মৈবাস্মান্ সাধ্ব্যসূযেথা ভ্রাতুর্বৈরূপ্যচিন্তযা ।
সুখদুঃখদো ন চান্যোঽস্তি যতঃ স্বকৃতভুক্ পুমান্ ॥ ৩৮ ॥
সুখদুঃখদো ন চান্যোঽস্তি যতঃ স্বকৃতভুক্ পুমান্ ॥ ৩৮ ॥
বন্ধুর্বধার্হদোষোঽপি ন বন্ধোর্বধমর্হতি ।
ত্যাজ্যঃ স্বেনৈব দোষেণ হতঃ কিং হন্যতে পুনঃ ॥ ৩৯ ॥
ত্যাজ্যঃ স্বেনৈব দোষেণ হতঃ কিং হন্যতে পুনঃ ॥ ৩৯ ॥
ক্ষত্রিযাণামযং ধর্মঃ প্রজাপতিবিনির্মিতঃ ।
ভ্রাতাপি ভ্রাতরং হন্যাদ্ যেন ঘোরতমস্ততঃ ॥ ৪০ ॥
ভ্রাতাপি ভ্রাতরং হন্যাদ্ যেন ঘোরতমস্ততঃ ॥ ৪০ ॥
রাজ্যস্য ভূমের্বিত্তস্য স্ত্রিযো মানস্য তেজসঃ ।
মানিনোঽন্যস্য বা হেতোঃ শ্রীমদান্ধাঃ ক্ষিপন্তি হি ॥ ৪১ ॥
মানিনোঽন্যস্য বা হেতোঃ শ্রীমদান্ধাঃ ক্ষিপন্তি হি ॥ ৪১ ॥
তবেযং বিষমা বুদ্ধিঃ সর্বভূতেষু দুর্হৃদাম্ ।
যন্মন্যসে সদাভদ্রং সুহৃদাং ভদ্রমজ্ঞবত্ ॥ ৪২ ॥
যন্মন্যসে সদাভদ্রং সুহৃদাং ভদ্রমজ্ঞবত্ ॥ ৪২ ॥
আত্মমোহো নৃণামেব কল্পতে দেবমাযযা ।
সুহৃদ্ দুর্হৃদুদাসীন ইতি দেহাত্মমানিনাম্ ॥ ৪৩ ॥
সুহৃদ্ দুর্হৃদুদাসীন ইতি দেহাত্মমানিনাম্ ॥ ৪৩ ॥
এক এব পরো হ্যাত্মা সর্বেষামপি দেহিনাম্ ।
নানেব গৃহ্যতে মূঢৈর্যথা জ্যোতির্যথা নভঃ ॥ ৪৪ ॥
নানেব গৃহ্যতে মূঢৈর্যথা জ্যোতির্যথা নভঃ ॥ ৪৪ ॥
দেহ আদ্যন্তবানেষ দ্রব্যপ্রাণগুণাত্মকঃ ।
আত্মন্যবিদ্যযা ক্লৃপ্তঃ সংসারযতি দেহিনম্ ॥ ৪৫ ॥
আত্মন্যবিদ্যযা ক্লৃপ্তঃ সংসারযতি দেহিনম্ ॥ ৪৫ ॥
নাত্মনোঽন্যেন সংযোগো বিযোগশ্চাসতঃ সতি ।
তদ্ধেতুত্বাত্তত্প্রসিদ্ধের্দৃগ্রূপাভ্যাং যথা রবেঃ ॥ ৪৬ ॥
তদ্ধেতুত্বাত্তত্প্রসিদ্ধের্দৃগ্রূপাভ্যাং যথা রবেঃ ॥ ৪৬ ॥
জন্মাদযস্তু দেহস্য বিক্রিযানাত্মনঃ ক্বচিত্ ।
কলানামিব নৈবেন্দোর্মৃতির্হ্যস্য কুহূরিব ॥ ৪৭ ॥
কলানামিব নৈবেন্দোর্মৃতির্হ্যস্য কুহূরিব ॥ ৪৭ ॥
যথা শযান আত্মানং বিষযান্ ফলমেব চ ।
অনুভুঙ্ক্তে ঽপ্যসত্যর্থে তথাপ্নোত্যবুধো ভবম্ ॥ ৪৮ ॥
অনুভুঙ্ক্তে ঽপ্যসত্যর্থে তথাপ্নোত্যবুধো ভবম্ ॥ ৪৮ ॥
তস্মাদজ্ঞানজং শোকমাত্মশোষবিমোহনম্ ।
তত্ত্বজ্ঞানেন নির্হৃত্য স্বস্থা ভব শুচিস্মিতে ॥ ৪৯ ॥
তত্ত্বজ্ঞানেন নির্হৃত্য স্বস্থা ভব শুচিস্মিতে ॥ ৪৯ ॥
শ্রীশুক উবাচ
এবং ভগবতা তন্বী রামেণ প্রতিবোধিতা ।
বৈমনস্যং পরিত্যজ্য মনো বুদ্ধ্যা সমাদধে ॥ ৫০ ॥
এবং ভগবতা তন্বী রামেণ প্রতিবোধিতা ।
বৈমনস্যং পরিত্যজ্য মনো বুদ্ধ্যা সমাদধে ॥ ৫০ ॥
প্রাণাবশেষ উত্সৃষ্টো দ্বিড্ভির্হতবলপ্রভঃ ।
স্মরন্ বিরূপকরণং বিতথাত্মমনোরথঃ ।
চক্রে ভোজকটং নাম নিবাসায মহত্পুরম্ ॥ ৫১ ॥
স্মরন্ বিরূপকরণং বিতথাত্মমনোরথঃ ।
চক্রে ভোজকটং নাম নিবাসায মহত্পুরম্ ॥ ৫১ ॥
অহত্বা দুর্মতিং কৃষ্ণমপ্রত্যূহ্য যবীযসীম্ ।
কুণ্ডিনং ন প্রবেক্ষ্যামীত্যুক্ত্বা তত্রাবসদ্ রুষা ॥ ৫২ ॥
কুণ্ডিনং ন প্রবেক্ষ্যামীত্যুক্ত্বা তত্রাবসদ্ রুষা ॥ ৫২ ॥
ভগবান্ ভীষ্মকসুতামেবং নির্জিত্য ভূমিপান্ ।
পুরমানীয বিধিবদুপযেমে কুরূদ্বহ ॥ ৫৩ ॥
পুরমানীয বিধিবদুপযেমে কুরূদ্বহ ॥ ৫৩ ॥
তদা মহোত্সবো নৃণাং যদুপুর্যাং গৃহে গৃহে ।
অভূদনন্যভাবানাং কৃষ্ণে যদুপতৌ নৃপ ॥ ৫৪ ॥
অভূদনন্যভাবানাং কৃষ্ণে যদুপতৌ নৃপ ॥ ৫৪ ॥
নরা নার্যশ্চ মুদিতাঃ প্রমৃষ্টমণিকুণ্ডলাঃ ।
পারিবর্হমুপাজহ্রুর্বরযোশ্চিত্রবাসসোঃ ॥ ৫৫ ॥
পারিবর্হমুপাজহ্রুর্বরযোশ্চিত্রবাসসোঃ ॥ ৫৫ ॥
সা বৃষ্ণিপুর্যুত্তম্ভিতেন্দ্রকেতুভি-
র্বিচিত্রমাল্যাম্বররত্নতোরণৈঃ ।
বভৌ প্রতিদ্বার্যুপক্লৃপ্তমঙ্গলৈ-
রাপূর্ণকুম্ভাগুরুধূপদীপকৈঃ ॥ ৫৬ ॥
র্বিচিত্রমাল্যাম্বররত্নতোরণৈঃ ।
বভৌ প্রতিদ্বার্যুপক্লৃপ্তমঙ্গলৈ-
রাপূর্ণকুম্ভাগুরুধূপদীপকৈঃ ॥ ৫৬ ॥
সিক্তমার্গা মদচ্যুদ্ভিরাহূতপ্রেষ্ঠভূভুজাম্ ।
গজৈর্দ্বাঃসু পরামৃষ্টরম্ভাপূগোপশোভিতা ॥ ৫৭ ॥
গজৈর্দ্বাঃসু পরামৃষ্টরম্ভাপূগোপশোভিতা ॥ ৫৭ ॥
কুরুসৃঞ্জযকৈকেযবিদর্ভযদুকুন্তযঃ ।
মিথো মুমুদিরে তস্মিন্ সম্ভ্রমাত্ পরিধাবতাম্ ॥ ৫৮ ॥
মিথো মুমুদিরে তস্মিন্ সম্ভ্রমাত্ পরিধাবতাম্ ॥ ৫৮ ॥
রুক্মিণ্যা হরণং শ্রুত্বা গীযমানং ততস্ততঃ ।
রাজানো রাজকন্যাশ্চ বভূবুর্ভৃশবিস্মিতাঃ ॥ ৫৯ ॥
রাজানো রাজকন্যাশ্চ বভূবুর্ভৃশবিস্মিতাঃ ॥ ৫৯ ॥
দ্বারকাযামভূদ্ রাজন্ মহামোদঃ পুরৌকসাম্ ।
রুক্মিণ্যা রমযোপেতং দৃষ্ট্বা কৃষ্ণং শ্রিযঃ পতিম্ ॥ ৬০ ॥
রুক্মিণ্যা রমযোপেতং দৃষ্ট্বা কৃষ্ণং শ্রিযঃ পতিম্ ॥ ৬০ ॥