ஶ்ரீமத்பாகவதம் ௧௦.௬௦

ஶ்ரீபாதராயணிருவாச
கர்ஹிசித் ஸுகமாஸீநம் ஸ்வதல்பஸ்தம் ஜகத்குரும் ।
பதிம் பர்யசரத் பைஷ்மீ வ்யஜநேந ஸகீஜநைஃ ॥ ௧ ॥

யஸ்த்வேதல்லீலயா விஶ்வம் ஸ்ரு'ஜத்யத்த்யவதீஶ்வரஃ ।
ஸ ஹி ஜாதஃ ஸ்வஸேதூநாம் கோபீதாய யதுஷ்வஜஃ ॥ ௨ ॥

தஸ்மிநந்தர்க்ரு'ஹே ப்ராஜந்முக்தாதாமவிலம்பிநா ।
விராஜிதே விதாநேந தீபைர்மணிமயைரபி ॥ ௩ ॥

மல்லிகாதாமபிஃ புஷ்பைர்த்விரேபகுலநாதிதே ।
ஜாலரந்த்ரப்ரவிஷ்டைஶ்ச கோபிஶ்சந்த்ரமஸோ'மலைஃ ॥ ௪ ॥

பாரிஜாதவநாமோதவாயுநோத்யாநஶாலிநா ।
தூபைரகுருஜை ராஜந் ஜாலரந்த்ரவிநிர்கதைஃ ॥ ௫ ॥

பயஃபேநநிபே ஶுப்ரே பர்யங்கே கஶிபூத்தமே ।
உபதஸ்தே ஸுகாஸீநம் ஜகதாமீஶ்வரம் பதிம் ॥ ௬ ॥

வாலவ்யஜநமாதாய ரத்நதண்டம் ஸகீகராத் ।
தேந வீஜயதீ தேவீ உபாஸாம் சக்ர ஈஶ்வரம் ॥ ௭ ॥

ஸோபாச்யுதம் க்வணயதீ மணிநூபுராப்யாம்
ரேஜே'ங்குலீயவலயவ்யஜநாக்ரஹஸ்தா ।
வஸ்த்ராந்தகூடகுசகுங்குமஶோணஹார-
பாஸா நிதம்பத்ரு'தயா ச பரார்த்யகாஞ்ச்யா ॥ ௮ ॥

தாம் ரூபிணீம் ஶ்ரியமநந்யகதிம் நிரீக்ஷ்ய
யா லீலயா த்ரு'ததநோரநுரூபரூபா ।
ப்ரீதஃ ஸ்மயந்நலககுண்டலநிஷ்ககண்ட-
வக்த்ரோல்லஸத்ஸ்மிதஸுதாம் ஹரிராபபாஷே ॥ ௯ ॥

ஶ்ரீபகவாநுவாச
ராஜபுத்ரீப்ஸிதா பூபைர்லோகபாலவிபூதிபிஃ ।
மஹாநுபாவைஃ ஶ்ரீமத்பீ ரூபௌதார்யபலோர்ஜிதைஃ ॥ ௧௦ ॥

தாந்ப்ராப்தாநர்திநோ ஹித்வா சைத்யாதீந் ஸ்மரதுர்மதாந் ।
தத்தா ப்ராத்ரா ஸ்வபித்ரா ச கஸ்மாந்நோ வவ்ரு'ஷே'ஸமாந் ॥ ௧௧ ॥

ராஜப்யோ பிப்யதஃ ஸுப்ரு ஸமுத்ரம் ஶரணம் கதாந் ।
பலவத்பிஃ க்ரு'தத்வேஷாந் ப்ராயஸ்த்யக்தந்ரு'பாஸநாந் ॥ ௧௨ ॥

அஸ்பஷ்டவர்த்மநாம் பும்ஸாமலோகபதமீயுஷாம் ।
ஆஸ்திதாஃ பதவீம் ஸுப்ரு ப்ராயஃ ஸீதந்தி யோஷிதஃ ॥ ௧௩ ॥

நிஷ்கிஞ்சநா வயம் ஶஶ்வந்நிஷ்கிஞ்சநஜநப்ரியாஃ ।
தஸ்மாத் ப்ராயேண ந ஹ்யாட்யா மாம் பஜந்தி ஸுமத்யமே ॥ ௧௪ ॥

யயோராத்மஸமம் வித்தம் ஜந்மைஶ்வர்யாக்ரு'திர்பவஃ ।
தயோர்விவாஹோ மைத்ரீ ச நோத்தமாதமயோஃ க்வசித் ॥ ௧௫ ॥

வைதர்ப்யேததவிஜ்ஞாய த்வயாதீர்கஸமீக்ஷயா ।
வ்ரு'தா வயம் குணைர்ஹீநா பிக்ஷுபிஃ ஶ்லாகிதா முதா ॥ ௧௬ ॥

அதாத்மநோ'நுரூபம் வை பஜஸ்வ க்ஷத்ரியர்ஷபம் ।
யேந த்வமாஶிஷஃ ஸத்யா இஹாமுத்ர ச லப்ஸ்யஸே ॥ ௧௭ ॥

சைத்யஶால்வஜராஸந்ததந்தவக்ராதயோ ந்ரு'பாஃ ।
மம த்விஷந்தி வாமோரு ருக்மீ சாபி தவாக்ரஜஃ ॥ ௧௮ ॥

தேஷாம் வீர்யமதாந்தாநாம் த்ரு'ப்தாநாம் ஸ்மயநுத்தயே ।
ஆநிதாஸி மயா பத்ரே தேஜோபஹரதாஸதாம் ॥ ௧௯ ॥

உதாஸீநா வயம் நூநம் ந ஸ்த்ர்யபத்யார்தகாமுகாஃ ।
ஆத்மலப்த்யாஸ்மஹே பூர்ணா கேஹயோர்ஜ்யோதிரக்ரியாஃ ॥ ௨௦ ॥

ஶ்ரீஶுக உவாச
ஏதாவதுக்த்வா பகவாநாத்மாநம் வல்லபாமிவ ।
மந்யமாநாமவிஶ்லேஷாத் தத்தர்பக்ந உபாரமத் ॥ ௨௧ ॥

இதி த்ரிலோகேஶபதேஸ்ததாத்மநஃ
ப்ரியஸ்ய தேவ்யஶ்ருதபூர்வமப்ரியம் ।
ஆஶ்ருத்ய பீதா ஹ்ரு'தி
ஜாதவேபது-
ஶ்சிந்தாம் துரந்தாம் ருததீ ஜகாம ஹ ॥ ௨௨ ॥

பதா ஸுஜாதேந நகாருணஶ்ரியா
புவம் லிகந்த்யஶ்ருபிரஞ்ஜநாஸிதைஃ ।
ஆஸிஞ்சதீ குங்குமரூஷிதௌ ஸ்தநௌ
தஸ்தாவதோமுக்யதிதுஃகருத்தவாக் ॥ ௨௩ ॥

தஸ்யாஃ ஸுதுஃகபயஶோகவிநஷ்டபுத்தே-
ர்ஹஸ்தாச்ச்லதத்வலயதோ வ்யஜநம் பபாத ।
தேஹஶ்ச விக்லவதியஃ ஸஹஸைவ முஹ்யந்
ரம்பேவ வாயுவிஹதோ ப்ரவிகீர்ய கேஶாந் ॥ ௨௪ ॥

தத் த்ரு'ஷ்ட்வா பகவாந் க்ரு'ஷ்ணஃ ப்ரியாயாஃ ப்ரேமபந்தநம் ।
ஹாஸ்யப்ரௌடிமஜாநந்த்யாஃ கருணஃ ஸோ'ந்வகம்பத ॥ ௨௫ ॥

பர்யங்காதவருஹ்யாஶு தாமுத்தாப்ய சதுர்புஜஃ ।
கேஶாந் ஸமுஹ்ய தத்வக்த்ரம் ப்ராம்ரு'ஜத் பத்மபாணிநா ॥ ௨௬ ॥

ப்ரம்ரு'ஜ்யாஶ்ருகலே நேத்ரே ஸ்தநௌ சோபஹதௌ ஶுசா ।
ஆஶ்லிஷ்ய பாஹுநா ராஜநநந்யவிஷயாம் ஸதீம் ॥ ௨௭ ॥

ஸாந்த்வயாமாஸ ஸாந்த்வஜ்ஞஃ க்ரு'பயா க்ரு'பணாம் ப்ரபுஃ ।
ஹாஸ்யப்ரௌடிப்ரமச்சித்தாமததர்ஹாம் ஸதாம் கதிஃ ॥ ௨௮ ॥

ஶ்ரீபகவாநுவாச
மா மா வைதர்ப்யஸூயேதா ஜாநே த்வாம் மத்பராயணாம் ।
த்வத்வசஃ ஶ்ரோதுகாமேந க்ஷ்வேல்யாசரிதமங்கநே ॥ ௨௯ ॥

முகம் ச ப்ரேமஸம்ரம்பஸ்புரிதாதரமீக்ஷிதும் ।
கடாக்ஷேபாருணாபாங்கம் ஸுந்தரப்ருகுடீதடம் ॥ ௩௦ ॥

அயம் ஹி பரமோ லாபோ க்ரு'ஹேஷு க்ரு'ஹமேதிநாம் ।
யந்நர்மைரீயதே யாமஃ ப்ரியயா பீரு பாமிநி ॥ ௩௧ ॥

ஶ்ரீஶுக உவாச
ஸைவம் பகவதா ராஜந் வைதர்பீ பரிஸாந்த்விதா ।
ஜ்ஞாத்வா தத்பரிஹாஸோக்திம் ப்ரியத்யாகபயம் ஜஹௌ ॥ ௩௨ ॥

பபாஷ ரு'ஷபம் பும்ஸாம் வீக்ஷந்தீ பகவந்முகம் ।
ஸவ்ரீடஹாஸருசிரஸ்நிக்தாபாங்கேந பாரத ॥ ௩௩ ॥

ஶ்ரீருக்மிண்யுவாச
நந்வேவமேததரவிந்தவிலோசநாஹ
யத்வை பவாந் பகவதோ'ஸத்ரு'ஶீ விபூம்நஃ ।
க்வ ஸ்வே மஹிம்ந்யபிரதோ பகவாம்ஸ்த்ர்யதீஶஃ
க்வாஹம் குணப்ரக்ரு'திரஜ்ஞக்ரு'ஹீதபாதா ॥ ௩௪ ॥

ஸத்யம் பயாதிவ குணேப்ய உருக்ரமாந்தஃ
ஶேதே ஸமுத்ர உபலம்பநமாத்ர ஆத்மா ।
நித்யம் கதிந்த்ரியகணைஃ க்ரு'தவிக்ரஹஸ்த்வம்
த்வத்ஸேவகைர்ந்ரு'பபதம் விதுதம் தமோ'ந்தம் ॥ ௩௫ ॥

த்வத்பாதபத்மமகரந்தஜுஷாம் முநீநாம்
வர்த்மாஸ்புடம் ந்ரு'பஶுபிர்நநு துர்விபாவ்யம் ।
யஸ்மாதலௌகிகமிவேஹிதமீஶ்வரஸ்ய
பூமம்ஸ்தவேஹிதமதோ அநு யே பவந்தம் ॥ ௩௬ ॥

நிஷ்கிஞ்சநோ நநு பவாந் ந யதோ'ஸ்தி கிஞ்சித்
யஸ்மை பலிம் பலிபுஜோ'பி ஹரந்த்யஜாத்யாஃ ।
ந த்வா விதந்த்யஸுத்ரு'போ'ந்தகமாட்யதாந்தாஃ
ப்ரேஷ்டோ பவாந் பலிபுஜாமபி தே'பி துப்யம் ॥ ௩௭ ॥

த்வம் வை ஸமஸ்தபுருஷார்தமயஃ பலாத்மா
யத்வாஞ்சயா ஸுமதயோ விஸ்ரு'ஜந்தி க்ரு'த்ஸ்நம் ।
தேஷாம் விபோ ஸமுசிதோ பவதஃ ஸமாஜஃ
பும்ஸஃ ஸ்த்ரியாஶ்ச ரதயோஃ ஸுகதுஃகிநோர்ந ॥ ௩௮ ॥

த்வம் ந்யஸ்ததண்டமுநிபிர்கதிதாநுபாவ
ஆத்மாத்மதஶ்ச ஜகதாமிதி மே வ்ரு'தோ'ஸி ।
ஹித்வா பவத்ப்ருவ உதீரிதகாலவேக
த்வஸ்தாஶிஷோ'ப்ஜபவநாகபதீந் குதோ'ந்யே ॥ ௩௯ ॥

ஜாட்யம் வசஸ்தவ கதாக்ரஜ யஸ்து பூபாந்
வித்ராவ்ய ஶார்ங்கநிநதேந ஜஹர்த மாம் த்வம் ।
ஸிம்ஹோ யதா ஸ்வபலிமீஶ பஶூந் ஸ்வபாகம்
தேப்யோ பயாத் யதுததிம் ஶரணம் ப்ரபந்நஃ ॥ ௪௦ ॥

யத்வாஞ்சயா ந்ரு'பஶிகாமணயோ'ங்கவைந்ய-
ஜாயந்தநாஹுஷகயாதய ஐக்யபத்யம் ।
ராஜ்யம் விஸ்ரு'ஜ்ய விவிஶுர்வநமம்புஜாக்ஷ
ஸீதந்தி தே'நுபதவீம் த இஹாஸ்திதாஃ கிம் ॥ ௪௧ ॥

காந்யம் ஶ்ரயேத தவ பாதஸரோஜகந்த-
மாக்ராய ஸந்முகரிதம் ஜநதாபவர்கம் ।
லக்ஷ்ம்யாலயம் த்வவிகணய்ய குணாலயஸ்ய
மர்த்யா ஸதோருபயமர்தவிவிக்தத்ரு'ஷ்டிஃ ॥ ௪௨ ॥

தம் த்வாநுரூபமபஜம் ஜகதாமதீஶ-
மாத்மாநமத்ர ச பரத்ர ச காமபூரம் ।
ஸ்யாந்மே தவாங்க்ரிரரணம் ஸ்ரு'திபிர்ப்ரமந்த்யா
யோ வை பஜந்தமுபயாத்யந்ரு'தாபவர்கஃ ॥ ௪௩ ॥

தஸ்யாஃ ஸ்யுரச்யுத ந்ரு'பா பவதோபதிஷ்டாஃ
ஸ்த்ரீணாம் க்ரு'ஹேஷு கரகோஶ்வவிடாலப்ரு'த்யாஃ ।
யத்கர்ணமூலமரிகர்ஷண நோபயாயாத்
யுஷ்மத்கதா ம்ரு'டவிரிஞ்சஸபாஸு கீதா ॥ ௪௪ ॥

த்வக்ஶ்மஶ்ருரோமநககேஶபிநத்தமந்த-
ர்மாம்ஸாஸ்திரக்தக்ரு'மிவிட்கபபித்தவாதம் ।
ஜீவச்சவம் பஜதி காந்தமதிர்விமூடா
யா தே பதாப்ஜமகரந்தமஜிக்ரதீ ஸ்த்ரீ ॥ ௪௫ ॥

அஸ்த்வம்புஜாக்ஷ மம தே சரணாநுராக
ஆத்மந் ரதஸ்ய மயி சாநதிரிக்தத்ரு'ஷ்டேஃ ।
யர்ஹ்யஸ்ய வ்ரு'த்தய உபாத்தரஜோ'திமாத்ரோ
மாமீக்ஷஸே தது ஹ நஃ பரமாநுகம்பா ॥ ௪௬ ॥

நைவாலீகமஹம் மந்யே வசஸ்தே மதுஸூதந ।
அம்பாயா ஏவ ஹி ப்ராயஃ கந்யாயாஃ ஸ்யாத் ரதிஃ க்வசித் ॥ ௪௭ ॥

வ்யூடாயாஶ்சாபி பும்ஶ்சல்யா மநோ'ப்யேதி நவம் நவம் ।
புதோ'ஸதீம் ந பிப்ரு'யாத் தாம் பிப்ரதுபயச்யுதஃ ॥ ௪௮ ॥

ஶ்ரீபகவாநுவாச
ஸாத்வ்யேதச்ச்ரோதுகாமைஸ்த்வம் ராஜபுத்ரீ ப்ரலம்பிதா ।
மயோதிதம் யதந்வாத்த ஸர்வம் தத் ஸத்யமேவ ஹி ॥ ௪௯ ॥

யாந் யாந் காமயஸே காமாந் மய்யகாமாய பாமிநி ।
ஸந்தி ஹ்யேகாந்தபக்தாயாஸ்தவ கல்யாணி நித்யத ॥ ௫௦ ॥

உபலப்தம் பதிப்ரேம பாதிவ்ரத்யம் ச தே'நகே ।
யத்வாக்யைஶ்சால்யமாநாயா ந தீர்மய்யபகர்ஷிதா ॥ ௫௧ ॥

யே மாம் பஜந்தி தாம்பத்யே தபஸா வ்ரதசர்யயா ।
காமாத்மாநோ'பவர்கேஶம் மோஹிதா மம மாயயா ॥ ௫௨ ॥

மாம் ப்ராப்ய மாநிந்யபவர்கஸம்பதம்
வாஞ்சந்தி யே ஸம்பத ஏவ தத்பதிம் ।
தே மந்தபாகா நிரயே'பி யே ந்ரு'ணாம்
மாத்ராத்மகத்வாத்நிரயஃ ஸுஸங்கமஃ ॥ ௫௩ ॥

திஷ்ட்யா க்ரு'ஹேஶ்வர்யஸக்ரு'ந்மயி த்வயா
க்ரு'தாநுவ்ரு'த்திர்பவமோசநீ கலைஃ ।
ஸுதுஷ்கராஸௌ ஸுதராம் துராஶிஷோ
ஹ்யஸும்பராயா நிக்ரு'திம் ஜுஷஃ ஸ்த்ரியாஃ ॥ ௫௪ ॥

ந த்வாத்ரு'ஶீம் ப்ரணயிநீம் க்ரு'ஹிணீம் க்ரு'ஹேஷு
பஶ்யாமி மாநிநி யயா ஸ்வவிவாஹகாலே ।
ப்ராப்தாந் ந்ரு'பாந்ந விகணய்ய ரஹோஹரோ மே
ப்ரஸ்தாபிதோ த்விஜ உபஶ்ருதஸத்கதஸ்ய ॥ ௫௫ ॥

ப்ராதுர்விரூபகரணம் யுதி நிர்ஜிதஸ்ய
ப்ரோத்வாஹபர்வணி ச தத்வதமக்ஷகோஷ்ட்யாம் ।
துஃகம் ஸமுத்தமஸஹோ'ஸ்மதயோகபீத்யா
நைவாப்ரவீஃ கிமபி தேந வயம் ஜிதாஸ்தே ॥ ௫௬ ॥

தூதஸ்த்வயாத்மலபநே ஸுவிவிக்தமந்த்ரஃ
ப்ரஸ்தாபிதோ மயி சிராயதி ஶூந்யமேதத் ।
மத்வா ஜிஹாஸ இதமங்கமநந்யயோக்யம்
திஷ்டேத தத்த்வயி வயம் ப்ரதிநந்தயாமஃ ॥ ௫௭ ॥

ஶ்ரீஶுக உவாச
ஏவம் ஸௌரதஸம்லாபைர்பகவாந் ஜகதீஶ்வரஃ ।
ஸ்வரதோ ரமயா ரேமே நரலோகம் விடம்பயந் ॥ ௫௮ ॥

ததாந்யாஸாமபி விபுர்க்ரு'ஹேஷு க்ரு'ஹவாநிவ ।
ஆஸ்திதோ க்ரு'ஹமேதீயாந் தர்மாந் லோககுருர்ஹரிஃ ॥ ௫௯ ॥