ଶ୍ରୀବାଦରାଯଣିରୁଵାଚ
ଏକଦୋପଵନଂ ରାଜନ୍ ଜଗ୍ମୁର୍ଯଦୁକୁମାରକାଃ ।
ଵିହର୍ତୁଂ ସାମ୍ବପ୍ରଦ୍ଯୁମ୍ନଚାରୁଭାନୁଗଦାଦଯଃ ॥ ୧ ॥
ଏକଦୋପଵନଂ ରାଜନ୍ ଜଗ୍ମୁର୍ଯଦୁକୁମାରକାଃ ।
ଵିହର୍ତୁଂ ସାମ୍ବପ୍ରଦ୍ଯୁମ୍ନଚାରୁଭାନୁଗଦାଦଯଃ ॥ ୧ ॥
କ୍ରୀଡିତ୍ଵା ସୁଚିରଂ ତତ୍ର ଵିଚିନ୍ଵନ୍ତଃ ପିପାସିତାଃ ।
ଜଲଂ ନିରୁଦକେ କୂପେ ଦଦୃଶୁଃ ସତ୍ତ୍ଵମଦ୍ଭୁତମ୍ ॥ ୨ ॥
ଜଲଂ ନିରୁଦକେ କୂପେ ଦଦୃଶୁଃ ସତ୍ତ୍ଵମଦ୍ଭୁତମ୍ ॥ ୨ ॥
କୃକଲାସଂ ଗିରିନିଭଂ ଵୀକ୍ଷ୍ଯ ଵିସ୍ମିତମାନସାଃ ।
ତସ୍ଯ ଚୋଦ୍ଧରଣେ ଯତ୍ନଂ ଚକ୍ରୁସ୍ତେ କୃପଯାନ୍ଵିତାଃ ॥ ୩ ॥
ତସ୍ଯ ଚୋଦ୍ଧରଣେ ଯତ୍ନଂ ଚକ୍ରୁସ୍ତେ କୃପଯାନ୍ଵିତାଃ ॥ ୩ ॥
ଚର୍ମଜୈସ୍ତାନ୍ତଵୈଃ ପାଶୈର୍ବଦ୍ଧ୍ଵା ପତିତମର୍ଭକାଃ ।
ନାଶକ୍ନୁରନ୍ ସମୁଦ୍ଧର୍ତୁଂ କୃଷ୍ଣାଯାଚଖ୍ଯୁରୁତ୍ସୁକାଃ ॥ ୪ ॥
ନାଶକ୍ନୁରନ୍ ସମୁଦ୍ଧର୍ତୁଂ କୃଷ୍ଣାଯାଚଖ୍ଯୁରୁତ୍ସୁକାଃ ॥ ୪ ॥
ତତ୍ରାଗତ୍ଯାରଵିନ୍ଦାକ୍ଷୋ ଭଗଵାନ୍ ଵିଶ୍ଵଭାଵନଃ ।
ଵୀକ୍ଷ୍ଯୋଜ୍ଜହାର ଵାମେନ ତଂ କରେଣ ସ ଲୀଲଯା ॥ ୫ ॥
ଵୀକ୍ଷ୍ଯୋଜ୍ଜହାର ଵାମେନ ତଂ କରେଣ ସ ଲୀଲଯା ॥ ୫ ॥
ସ ଉତ୍ତମଃଶ୍ଲୋକକରାଭିମୃଷ୍ଟୋ
ଵିହାଯ ସଦ୍ଯଃ କୃକଲାସରୂପମ୍ ।
ସନ୍ତପ୍ତଚାମୀକରଚାରୁଵର୍ଣଃ
ସ୍ଵର୍ଗ୍ଯଦ୍ଭୁତାଲଙ୍କରଣାମ୍ବରସ୍ରକ୍ ॥ ୬ ॥
ଵିହାଯ ସଦ୍ଯଃ କୃକଲାସରୂପମ୍ ।
ସନ୍ତପ୍ତଚାମୀକରଚାରୁଵର୍ଣଃ
ସ୍ଵର୍ଗ୍ଯଦ୍ଭୁତାଲଙ୍କରଣାମ୍ବରସ୍ରକ୍ ॥ ୬ ॥
ପପ୍ରଚ୍ଛ ଵିଦ୍ଵାନପି ତନ୍ନିଦାନଂ
ଜନେଷୁ ଵିଖ୍ଯାପଯିତୁଂ ମୁକୁନ୍ଦଃ ।
କସ୍ତ୍ଵଂ ମହାଭାଗ ଵରେଣ୍ଯରୂପୋ
ଦେଵୋତ୍ତମଂ ତ୍ଵାଂ ଗଣଯାମି ନୂନମ୍ ॥ ୭ ॥
ଜନେଷୁ ଵିଖ୍ଯାପଯିତୁଂ ମୁକୁନ୍ଦଃ ।
କସ୍ତ୍ଵଂ ମହାଭାଗ ଵରେଣ୍ଯରୂପୋ
ଦେଵୋତ୍ତମଂ ତ୍ଵାଂ ଗଣଯାମି ନୂନମ୍ ॥ ୭ ॥
ସମ୍ପ୍ରାପିତୋଽସ୍ଯତଦର୍ହଃ ସୁଭଦ୍ର ।
ଆତ୍ମାନମାଖ୍ଯାହି ଵିଵିତ୍ସତାଂ ନୋ
ଯନ୍ମନ୍ଯସେ ନଃ କ୍ଷମମତ୍ର ଵକ୍ତୁମ୍ ॥ ୮ ॥
ଆତ୍ମାନମାଖ୍ଯାହି ଵିଵିତ୍ସତାଂ ନୋ
ଯନ୍ମନ୍ଯସେ ନଃ କ୍ଷମମତ୍ର ଵକ୍ତୁମ୍ ॥ ୮ ॥
ଶ୍ରୀଶୁକ ଉଵାଚ
ଇତି ସ୍ମ ରାଜା ସମ୍ପୃଷ୍ଟଃ କୃଷ୍ଣେନାନନ୍ତମୂର୍ତିନା ।
ମାଧଵଂ ପ୍ରଣିପତ୍ଯାହ କିରୀଟେନାର୍କଵର୍ଚସା ॥ ୯ ॥
ଇତି ସ୍ମ ରାଜା ସମ୍ପୃଷ୍ଟଃ କୃଷ୍ଣେନାନନ୍ତମୂର୍ତିନା ।
ମାଧଵଂ ପ୍ରଣିପତ୍ଯାହ କିରୀଟେନାର୍କଵର୍ଚସା ॥ ୯ ॥
ନୃଗ ଉଵାଚ
ନୃଗୋ ନାମ ନରେନ୍ଦ୍ରୋଽହମିକ୍ଷ୍ଵାକୁତନଯଃ ପ୍ରଭୋ ।
ଦାନିଷ୍ଵାଖ୍ଯାଯମାନେଷୁ ଯଦି ତେ କର୍ଣମସ୍ପୃଶମ୍ ॥ ୧୦ ॥
ନୃଗୋ ନାମ ନରେନ୍ଦ୍ରୋଽହମିକ୍ଷ୍ଵାକୁତନଯଃ ପ୍ରଭୋ ।
ଦାନିଷ୍ଵାଖ୍ଯାଯମାନେଷୁ ଯଦି ତେ କର୍ଣମସ୍ପୃଶମ୍ ॥ ୧୦ ॥
କିଂ ନୁ ତେଽଵିଦିତଂ ନାଥ ସର୍ଵଭୂତାତ୍ମସାକ୍ଷିଣଃ ।
କାଲେନାଵ୍ଯାହତଦୃଶୋ ଵକ୍ଷ୍ଯେଽଥାପି ତଵାଜ୍ଞଯା ॥ ୧୧ ॥
କାଲେନାଵ୍ଯାହତଦୃଶୋ ଵକ୍ଷ୍ଯେଽଥାପି ତଵାଜ୍ଞଯା ॥ ୧୧ ॥
ଯାଵତ୍ଯଃ ସିକତା ଭୂମେର୍ଯାଵତ୍ଯୋ ଦିଵି ତାରକାଃ ।
ଯାଵତ୍ଯୋ ଵର୍ଷଧାରାଶ୍ଚ ତାଵତୀରଦଦଂ ସ୍ମ ଗାଃ ॥ ୧୨ ॥
ଯାଵତ୍ଯୋ ଵର୍ଷଧାରାଶ୍ଚ ତାଵତୀରଦଦଂ ସ୍ମ ଗାଃ ॥ ୧୨ ॥
ପଯସ୍ଵିନୀସ୍ତରୁଣୀଃ ଶୀଲରୂପ-
ଗୁଣୋପପନ୍ନାଃ କପିଲା ହେମଶୃଙ୍ଗୀଃ ।
ନ୍ଯାଯାର୍ଜିତା ରୂପ୍ଯଖୁରାଃ ସଵତ୍ସା
ଦୁକୂଲମାଲାଭରଣା ଦଦାଵହମ୍ ॥ ୧୩ ॥
ଗୁଣୋପପନ୍ନାଃ କପିଲା ହେମଶୃଙ୍ଗୀଃ ।
ନ୍ଯାଯାର୍ଜିତା ରୂପ୍ଯଖୁରାଃ ସଵତ୍ସା
ଦୁକୂଲମାଲାଭରଣା ଦଦାଵହମ୍ ॥ ୧୩ ॥
ସ୍ଵଲଙ୍କୃତେଭ୍ଯୋ ଗୁଣଶୀଲଵଦ୍ଭ୍ଯଃ
ସୀଦତ୍କୁଟୁମ୍ବେଭ୍ଯ ଋତଵ୍ରତେଭ୍ଯଃ ।
ତପଃଶ୍ରୁତବ୍ରହ୍ମଵଦାନ୍ଯସଦ୍ଭ୍ଯଃ
ପ୍ରାଦାଂ ଯୁଵଭ୍ଯୋ ଦ୍ଵିଜପୁଙ୍ଗଵେଭ୍ଯଃ ॥ ୧୪ ॥
ସୀଦତ୍କୁଟୁମ୍ବେଭ୍ଯ ଋତଵ୍ରତେଭ୍ଯଃ ।
ତପଃଶ୍ରୁତବ୍ରହ୍ମଵଦାନ୍ଯସଦ୍ଭ୍ଯଃ
ପ୍ରାଦାଂ ଯୁଵଭ୍ଯୋ ଦ୍ଵିଜପୁଙ୍ଗଵେଭ୍ଯଃ ॥ ୧୪ ॥
ଗୋଭୂହିରଣ୍ଯାଯତନାଶ୍ଵହସ୍ତିନଃ
କନ୍ଯାଃ ସଦାସୀସ୍ତିଲରୂପ୍ଯଶଯ୍ଯାଃ ।
ଵାସାଂସି ରତ୍ନାନି ପରିଚ୍ଛଦାନ୍ ରଥା-
ନିଷ୍ଟଂ ଚ ଯଜ୍ଞୈଶ୍ଚରିତଂ ଚ ପୂର୍ତମ୍ ॥ ୧୫ ॥
କନ୍ଯାଃ ସଦାସୀସ୍ତିଲରୂପ୍ଯଶଯ୍ଯାଃ ।
ଵାସାଂସି ରତ୍ନାନି ପରିଚ୍ଛଦାନ୍ ରଥା-
ନିଷ୍ଟଂ ଚ ଯଜ୍ଞୈଶ୍ଚରିତଂ ଚ ପୂର୍ତମ୍ ॥ ୧୫ ॥
କସ୍ଯଚିଦ୍ ଦ୍ଵିଜମୁଖ୍ଯସ୍ଯ ଭ୍ରଷ୍ଟା ଗୌର୍ମମ ଗୋଧନେ ।
ସମ୍ପୃକ୍ତାଵିଦୁଷା ସା ଚ ମଯା ଦତ୍ତା ଦ୍ଵିଜାତଯେ ॥ ୧୬ ॥
ସମ୍ପୃକ୍ତାଵିଦୁଷା ସା ଚ ମଯା ଦତ୍ତା ଦ୍ଵିଜାତଯେ ॥ ୧୬ ॥
ତାଂ ନୀଯମାନାଂ ତତ୍ସ୍ଵାମୀ ଦୃଷ୍ଟ୍ଵୋଵାଚ ମମେତି ତମ୍ ।
ମମେତି ପରିଗ୍ରାହ୍ଯାହ ନୃଗୋ ମେ ଦତ୍ତଵାନିତି ॥ ୧୭ ॥
ମମେତି ପରିଗ୍ରାହ୍ଯାହ ନୃଗୋ ମେ ଦତ୍ତଵାନିତି ॥ ୧୭ ॥
ଵିପ୍ରୌ ଵିଵଦମାନୌ ମାମୂଚତୁଃ ସ୍ଵାର୍ଥସାଧକୌ ।
ଭଵାନ୍ ଦାତାପହର୍ତେତି ତଚ୍ଛ୍ରୁତ୍ଵା ମେଽଭଵଦ୍ ଭ୍ରମଃ ॥ ୧୮ ॥
ଭଵାନ୍ ଦାତାପହର୍ତେତି ତଚ୍ଛ୍ରୁତ୍ଵା ମେଽଭଵଦ୍ ଭ୍ରମଃ ॥ ୧୮ ॥
ଅନୁନୀତାଵୁଭୌ ଵିପ୍ରୌ ଧର୍ମକୃଚ୍ଛ୍ରଗତେନ ଵୈ ।
ଗଵାଂ ଲକ୍ଷଂ ପ୍ରକୃଷ୍ଟାନାଂ ଦାସ୍ଯାମ୍ଯେଷା ପ୍ରଦୀଯତାମ୍ ॥ ୧୯ ॥
ଗଵାଂ ଲକ୍ଷଂ ପ୍ରକୃଷ୍ଟାନାଂ ଦାସ୍ଯାମ୍ଯେଷା ପ୍ରଦୀଯତାମ୍ ॥ ୧୯ ॥
ଭଵନ୍ତାଵନୁଗୃହ୍ଣୀତାଂ କିଙ୍କରସ୍ଯାଵିଜାନତଃ ।
ସମୁଦ୍ଧରତଂ ମାଂ କୃଚ୍ଛ୍ରାତ୍ ପତନ୍ତଂ ନିରଯେଽଶୁଚୌ ॥ ୨୦ ॥
ସମୁଦ୍ଧରତଂ ମାଂ କୃଚ୍ଛ୍ରାତ୍ ପତନ୍ତଂ ନିରଯେଽଶୁଚୌ ॥ ୨୦ ॥
ନାହଂ ପ୍ରତୀଚ୍ଛେ ଵୈ ରାଜନ୍ନିତ୍ଯୁକ୍ତ୍ଵା ସ୍ଵାମ୍ଯପାକ୍ରମତ୍ ।
ନାନ୍ଯଦ୍ ଗଵାମପ୍ଯଯୁତମିଚ୍ଛାମୀତ୍ଯପରୋ ଯଯୌ ॥ ୨୧ ॥
ନାନ୍ଯଦ୍ ଗଵାମପ୍ଯଯୁତମିଚ୍ଛାମୀତ୍ଯପରୋ ଯଯୌ ॥ ୨୧ ॥
ଏତସ୍ମିନ୍ନନ୍ତରେ ଯାମୈର୍ଦୂତୈର୍ନୀତୋ ଯମକ୍ଷଯମ୍ ।
ଯମେନ ପୃଷ୍ଟସ୍ତତ୍ରାହଂ ଦେଵଦେଵ ଜଗତ୍ପତେ ॥ ୨୨ ॥
ଯମେନ ପୃଷ୍ଟସ୍ତତ୍ରାହଂ ଦେଵଦେଵ ଜଗତ୍ପତେ ॥ ୨୨ ॥
ପୂର୍ଵଂ ତ୍ଵମଶୁଭଂ ଭୁଙ୍କ୍ଷ ଉତାହୋ ନୃପତେ ଶୁଭମ୍ ।
ନାନ୍ତଂ ଦାନସ୍ଯ ଧର୍ମସ୍ଯ ପଶ୍ଯେ ଲୋକସ୍ଯ ଭାସ୍ଵତଃ ॥ ୨୩ ॥
ନାନ୍ତଂ ଦାନସ୍ଯ ଧର୍ମସ୍ଯ ପଶ୍ଯେ ଲୋକସ୍ଯ ଭାସ୍ଵତଃ ॥ ୨୩ ॥
ପୂର୍ଵଂ ଦେଵାଶୁଭଂ ଭୁଞ୍ଜ ଇତି ପ୍ରାହ ପତେତି ସଃ ।
ତାଵଦଦ୍ରାକ୍ଷମାତ୍ମାନଂ କୃକଲାସଂ ପତନ୍ ପ୍ରଭୋ ॥ ୨୪ ॥
ତାଵଦଦ୍ରାକ୍ଷମାତ୍ମାନଂ କୃକଲାସଂ ପତନ୍ ପ୍ରଭୋ ॥ ୨୪ ॥
ବ୍ରହ୍ମଣ୍ଯସ୍ଯ ଵଦାନ୍ଯସ୍ଯ ତଵ ଦାସସ୍ଯ କେଶଵ ।
ସ୍ମୃତିର୍ନାଦ୍ଯାପି ଵିଧ୍ଵସ୍ତା ଭଵତ୍ସନ୍ଦର୍ଶନାର୍ଥିନଃ ॥ ୨୫ ॥
ସ୍ମୃତିର୍ନାଦ୍ଯାପି ଵିଧ୍ଵସ୍ତା ଭଵତ୍ସନ୍ଦର୍ଶନାର୍ଥିନଃ ॥ ୨୫ ॥
ସ ତ୍ଵଂ କଥଂ ମମ ଵିଭୋଽକ୍ଷିପଥଃ ପରାତ୍ମା
ଯୋଗେଶ୍ଵରୈଃ ଶ୍ରୁତିଦୃଶାମଲହୃଦ୍ଵିଭାଵ୍ଯଃ ।
ସାକ୍ଷାଦଧୋକ୍ଷଜ ଉରୁଵ୍ଯସନାନ୍ଧବୁଦ୍ଧେଃ
ସ୍ଯାନ୍ମେଽନୁଦୃଶ୍ଯ ଇହ ଯସ୍ଯ ଭଵାପଵର୍ଗଃ ॥ ୨୬ ॥
ଯୋଗେଶ୍ଵରୈଃ ଶ୍ରୁତିଦୃଶାମଲହୃଦ୍ଵିଭାଵ୍ଯଃ ।
ସାକ୍ଷାଦଧୋକ୍ଷଜ ଉରୁଵ୍ଯସନାନ୍ଧବୁଦ୍ଧେଃ
ସ୍ଯାନ୍ମେଽନୁଦୃଶ୍ଯ ଇହ ଯସ୍ଯ ଭଵାପଵର୍ଗଃ ॥ ୨୬ ॥
ଦେଵଦେଵ ଜଗନ୍ନାଥ ଗୋଵିନ୍ଦ ପୁରୁଷୋତ୍ତମ ।
ନାରାଯଣ ହୃଷୀକେଶ ପୁଣ୍ଯଶ୍ଲୋକାଚ୍ଯୁତାଵ୍ଯଯ ॥ ୨୭ ॥
ନାରାଯଣ ହୃଷୀକେଶ ପୁଣ୍ଯଶ୍ଲୋକାଚ୍ଯୁତାଵ୍ଯଯ ॥ ୨୭ ॥
ଅନୁଜାନୀହି ମାଂ କୃଷ୍ଣ ଯାନ୍ତଂ ଦେଵଗତିଂ ପ୍ରଭୋ ।
ଯତ୍ର କ୍ଵାପି ସତଶ୍ଚେତୋ ଭୂଯାନ୍ମେ ତ୍ଵତ୍ପଦାସ୍ପଦମ୍ ॥ ୨୮ ॥
ଯତ୍ର କ୍ଵାପି ସତଶ୍ଚେତୋ ଭୂଯାନ୍ମେ ତ୍ଵତ୍ପଦାସ୍ପଦମ୍ ॥ ୨୮ ॥
ନମସ୍ତେ ସର୍ଵଭାଵାଯ ବ୍ରହ୍ମଣେଽନନ୍ତଶକ୍ତଯେ ।
କୃଷ୍ଣାଯ ଵାସୁଦେଵାଯ ଯୋଗାନାଂ ପତଯେ ନମଃ ॥ ୨୯ ॥
କୃଷ୍ଣାଯ ଵାସୁଦେଵାଯ ଯୋଗାନାଂ ପତଯେ ନମଃ ॥ ୨୯ ॥
ଇତ୍ଯୁକ୍ତ୍ଵା ତଂ ପରିକ୍ରମ୍ଯ ପାଦୌ ସ୍ପୃଷ୍ଟ୍ଵା ସ୍ଵମୌଲିନା ।
ଅନୁଜ୍ଞାତୋ ଵିମାନାଗ୍ର୍ଯମାରୁହତ୍ ପଶ୍ଯତାଂ ନୃଣାମ୍ ॥ ୩୦ ॥
ଅନୁଜ୍ଞାତୋ ଵିମାନାଗ୍ର୍ଯମାରୁହତ୍ ପଶ୍ଯତାଂ ନୃଣାମ୍ ॥ ୩୦ ॥
କୃଷ୍ଣଃ ପରିଜନଂ ପ୍ରାହ ଭଗଵାନ୍ ଦେଵକୀସୁତଃ ।
ବ୍ରହ୍ମଣ୍ଯଦେଵୋ ଧର୍ମାତ୍ମା ରାଜନ୍ଯାନନୁଶିକ୍ଷଯନ୍ ॥ ୩୧ ॥
ବ୍ରହ୍ମଣ୍ଯଦେଵୋ ଧର୍ମାତ୍ମା ରାଜନ୍ଯାନନୁଶିକ୍ଷଯନ୍ ॥ ୩୧ ॥
ଦୁର୍ଜରଂ ବତ ବ୍ରହ୍ମସ୍ଵଂ ଭୁକ୍ତମଗ୍ନେର୍ମନାଗପି ।
ତେଜୀଯସୋଽପି କିମୁତ ରାଜ୍ଞାଂ ଈଶ୍ଵରମାନିନାମ୍ ॥ ୩୨ ॥
ତେଜୀଯସୋଽପି କିମୁତ ରାଜ୍ଞାଂ ଈଶ୍ଵରମାନିନାମ୍ ॥ ୩୨ ॥
ନାହଂ ହାଲାହଲଂ ମନ୍ଯେ ଵିଷଂ ଯସ୍ଯ ପ୍ରତିକ୍ରିଯା ।
ବ୍ରହ୍ମସ୍ଵଂ ହି ଵିଷଂ ପ୍ରୋକ୍ତଂ ନାସ୍ଯ ପ୍ରତିଵିଧିର୍ଭୁଵି ॥ ୩୩ ॥
ବ୍ରହ୍ମସ୍ଵଂ ହି ଵିଷଂ ପ୍ରୋକ୍ତଂ ନାସ୍ଯ ପ୍ରତିଵିଧିର୍ଭୁଵି ॥ ୩୩ ॥
ହିନସ୍ତି ଵିଷମତ୍ତାରଂ ଵହ୍ନିରଦ୍ଭିଃ ପ୍ରଶାମ୍ଯତି ।
କୁଲଂ ସମୂଲଂ ଦହତି ବ୍ରହ୍ମସ୍ଵାରଣିପାଵକଃ ॥ ୩୪ ॥
କୁଲଂ ସମୂଲଂ ଦହତି ବ୍ରହ୍ମସ୍ଵାରଣିପାଵକଃ ॥ ୩୪ ॥
ବ୍ରହ୍ମସ୍ଵଂ ଦୁରନୁଜ୍ଞାତଂ ଭୁକ୍ତଂ ହନ୍ତି ତ୍ରିପୂରୁଷମ୍ ।
ପ୍ରସହ୍ଯ ତୁ ବଲାଦ୍ ଭୁକ୍ତଂ ଦଶ ପୂର୍ଵାନ୍ ଦଶାପରାନ୍ ॥ ୩୫ ॥
ପ୍ରସହ୍ଯ ତୁ ବଲାଦ୍ ଭୁକ୍ତଂ ଦଶ ପୂର୍ଵାନ୍ ଦଶାପରାନ୍ ॥ ୩୫ ॥
ରାଜାନୋ ରାଜଲକ୍ଷ୍ମ୍ଯାନ୍ଧା ନାତ୍ମପାତଂ ଵିଚକ୍ଷତେ ।
ନିରଯଂ ଯେଽଭିମନ୍ଯନ୍ତେ ବ୍ରହ୍ମସ୍ଵଂ ସାଧୁ ବାଲିଶାଃ ॥ ୩୬ ॥
ନିରଯଂ ଯେଽଭିମନ୍ଯନ୍ତେ ବ୍ରହ୍ମସ୍ଵଂ ସାଧୁ ବାଲିଶାଃ ॥ ୩୬ ॥
ଗୃହ୍ଣନ୍ତି ଯାଵତଃ ପାଂଶୂନ୍ କ୍ରନ୍ଦତାମଶ୍ରୁବିନ୍ଦଵଃ ।
ଵିପ୍ରାଣାଂ ହୃତଵୃତ୍ତୀନାଂ ଵଦାନ୍ଯାନାଂ କୁଟୁମ୍ବିନାମ୍ ॥ ୩୭ ॥
ଵିପ୍ରାଣାଂ ହୃତଵୃତ୍ତୀନାଂ ଵଦାନ୍ଯାନାଂ କୁଟୁମ୍ବିନାମ୍ ॥ ୩୭ ॥
ରାଜାନୋ ରାଜକୁଲ୍ଯାଶ୍ଚ ତାଵତୋଽବ୍ଦାନ୍ନିରଙ୍କୁଶାଃ ।
କୁମ୍ଭୀପାକେଷୁ ପଚ୍ଯନ୍ତେ ବ୍ରହ୍ମଦାଯାପହାରିଣଃ ॥ ୩୮ ॥
କୁମ୍ଭୀପାକେଷୁ ପଚ୍ଯନ୍ତେ ବ୍ରହ୍ମଦାଯାପହାରିଣଃ ॥ ୩୮ ॥
ସ୍ଵଦତ୍ତାଂ ପରଦତ୍ତାଂ ଵା ବ୍ରହ୍ମଵୃତ୍ତିଂ ହରେଚ୍ଚ ଯଃ ।
ଷଷ୍ଟିଵର୍ଷସହସ୍ରାଣି ଵିଷ୍ଠାଯାଂ ଜାଯତେ କୃମିଃ ॥ ୩୯ ॥
ଷଷ୍ଟିଵର୍ଷସହସ୍ରାଣି ଵିଷ୍ଠାଯାଂ ଜାଯତେ କୃମିଃ ॥ ୩୯ ॥
ନ ମେ ବ୍ରହ୍ମଧନଂ ଭୂଯାଦ୍ ଯଦ୍ ଗୃଧ୍ଵାଲ୍ପାଯୁଷୋ ନରାଃ ।
ପରାଜିତାଶ୍ଚ୍ଯୁତା ରାଜ୍ଯାଦ୍ ଭଵନ୍ତ୍ଯୁଦ୍ଵେଜିନୋଽହଯଃ ॥ ୪୦ ॥
ପରାଜିତାଶ୍ଚ୍ଯୁତା ରାଜ୍ଯାଦ୍ ଭଵନ୍ତ୍ଯୁଦ୍ଵେଜିନୋଽହଯଃ ॥ ୪୦ ॥
ଵିପ୍ରଂ କୃତାଗସମପି ନୈଵ ଦ୍ରୁହ୍ଯତ ମାମକାଃ ।
ଘ୍ନନ୍ତଂ ବହୁ ଶପନ୍ତଂ ଵା ନମସ୍କୁରୁତ ନିତ୍ଯଶଃ ॥ ୪୧ ॥
ଘ୍ନନ୍ତଂ ବହୁ ଶପନ୍ତଂ ଵା ନମସ୍କୁରୁତ ନିତ୍ଯଶଃ ॥ ୪୧ ॥
ଯଥାହଂ ପ୍ରଣମେ ଵିପ୍ରାନନୁକାଲଂ ସମାହିତଃ ।
ତଥା ନମତ ଯୂଯଂ ଚ ଯୋଽନ୍ଯଥା ମେ ସ ଦଣ୍ଡଭାକ୍ ॥ ୪୨ ॥
ତଥା ନମତ ଯୂଯଂ ଚ ଯୋଽନ୍ଯଥା ମେ ସ ଦଣ୍ଡଭାକ୍ ॥ ୪୨ ॥
ବ୍ରାହ୍ମଣାର୍ଥୋ ହ୍ଯପହୃତୋ ହର୍ତାରଂ ପାତଯତ୍ଯଧଃ ।
ଅଜାନନ୍ତମପି ହ୍ଯେନଂ ନୃଗଂ ବ୍ରାହ୍ମଣଗୌରିଵ ॥ ୪୩ ॥
ଅଜାନନ୍ତମପି ହ୍ଯେନଂ ନୃଗଂ ବ୍ରାହ୍ମଣଗୌରିଵ ॥ ୪୩ ॥
ଏଵଂ ଵିଶ୍ରାଵ୍ଯ ଭଗଵାନ୍ ମୁକୁନ୍ଦୋ ଦ୍ଵାରକୌକସଃ ।
ପାଵନଃ ସର୍ଵଲୋକାନାଂ ଵିଵେଶ ନିଜମନ୍ଦିରମ୍ ॥ ୪୪ ॥
ପାଵନଃ ସର୍ଵଲୋକାନାଂ ଵିଵେଶ ନିଜମନ୍ଦିରମ୍ ॥ ୪୪ ॥