শ্রীশুক উবাচ
অথৈকদা দ্বারবত্যাং বসতো রামকৃষ্ণযোঃ ।
সূর্যোপরাগঃ সুমহানাসীত্ কল্পক্ষযে যথা ॥ ১ ॥
অথৈকদা দ্বারবত্যাং বসতো রামকৃষ্ণযোঃ ।
সূর্যোপরাগঃ সুমহানাসীত্ কল্পক্ষযে যথা ॥ ১ ॥
তং জ্ঞাত্বা মনুজা রাজন্ পুরস্তাদেব সর্বতঃ ।
সমন্তপঞ্চকং ক্ষেত্রং যযুঃ শ্রেযোবিধিত্সযা ॥ ২ ॥
সমন্তপঞ্চকং ক্ষেত্রং যযুঃ শ্রেযোবিধিত্সযা ॥ ২ ॥
নিঃক্ষত্রিযাং মহীং কুর্বন্ রামঃ শস্ত্রভৃতাং বরঃ ।
নৃপাণাং রুধিরৌঘেণ যত্র চক্রে মহাহ্রদান্ ॥ ৩ ॥
নৃপাণাং রুধিরৌঘেণ যত্র চক্রে মহাহ্রদান্ ॥ ৩ ॥
ঈজে চ ভগবান্ রামো যত্রাস্পৃষ্টোঽপি কর্মণা ।
লোকং সঙ্গ্রাহযন্নীশো যথান্যোঽঘাপনুত্তযে ॥ ৪ ॥
লোকং সঙ্গ্রাহযন্নীশো যথান্যোঽঘাপনুত্তযে ॥ ৪ ॥
মহত্যাং তীর্থযাত্রাযাং তত্রাগন্ ভারতীঃ প্রজাঃ ।
বৃষ্ণযশ্চ তথাক্রূরবসুদেবাহুকাদযঃ ॥ ৫ ॥
বৃষ্ণযশ্চ তথাক্রূরবসুদেবাহুকাদযঃ ॥ ৫ ॥
যযুর্ভারত তত্ ক্ষেত্রং স্বমঘং ক্ষপযিষ্ণবঃ ।
গদপ্রদ্যুম্নসাম্বাদ্যাঃ সুচন্দ্রশুকসারণৈঃ ।
আস্তেঽনিরুদ্ধো রক্ষাযাং কৃতবর্মা চ যূথপঃ ॥ ৬ ॥
গদপ্রদ্যুম্নসাম্বাদ্যাঃ সুচন্দ্রশুকসারণৈঃ ।
আস্তেঽনিরুদ্ধো রক্ষাযাং কৃতবর্মা চ যূথপঃ ॥ ৬ ॥
তে রথৈর্দেবধিষ্ণ্যাভৈর্হযৈশ্চ তরলপ্লবৈঃ ।
গজৈর্নদদ্ভিরভ্রাভৈর্নৃভির্বিদ্যাধরদ্যুভিঃ ॥ ৭ ॥
গজৈর্নদদ্ভিরভ্রাভৈর্নৃভির্বিদ্যাধরদ্যুভিঃ ॥ ৭ ॥
ব্যরোচন্ত মহাতেজাঃ পথি কাঞ্চনমালিনঃ ।
দিব্যস্রগ্বস্ত্রসন্নাহাঃ কলত্রৈঃ খেচরা ইব ॥ ৮ ॥
দিব্যস্রগ্বস্ত্রসন্নাহাঃ কলত্রৈঃ খেচরা ইব ॥ ৮ ॥
তত্র স্নাত্বা মহাভাগা উপোষ্য সুসমাহিতাঃ ।
ব্রাহ্মণেভ্যো দদুর্ধেনূর্বাসঃস্রগ্রুক্মমালিনীঃ ॥ ৯ ॥
ব্রাহ্মণেভ্যো দদুর্ধেনূর্বাসঃস্রগ্রুক্মমালিনীঃ ॥ ৯ ॥
রামহ্রদেষু বিধিবত্ পুনরাপ্লুত্য বৃষ্ণযঃ ।
দদুঃ স্বন্নং দ্বিজাগ্র্যেভ্যঃ কৃষ্ণে নো ভক্তিরস্ত্বিতি ॥ ১০ ॥
দদুঃ স্বন্নং দ্বিজাগ্র্যেভ্যঃ কৃষ্ণে নো ভক্তিরস্ত্বিতি ॥ ১০ ॥
স্বযং চ তদনুজ্ঞাতা বৃষ্ণযঃ কৃষ্ণদেবতাঃ ।
ভুক্ত্বোপবিবিশুঃ কামং স্নিগ্ধচ্ছাযাঙ্ঘ্রিপাঙ্ঘ্রিষু ॥ ১১ ॥
ভুক্ত্বোপবিবিশুঃ কামং স্নিগ্ধচ্ছাযাঙ্ঘ্রিপাঙ্ঘ্রিষু ॥ ১১ ॥
তত্রাগতাংস্তে দদৃশুঃ সুহৃত্সম্বন্ধিনো নৃপান্ ।
মত্স্যোশীনরকৌশল্যবিদর্ভকুরুসৃঞ্জযান্ ।
কাম্বোজকৈকযান্ মদ্রান্ কুন্তীনানর্তকেরলান্ ॥ ১২ ॥
মত্স্যোশীনরকৌশল্যবিদর্ভকুরুসৃঞ্জযান্ ।
কাম্বোজকৈকযান্ মদ্রান্ কুন্তীনানর্তকেরলান্ ॥ ১২ ॥
অন্যাংশ্চৈবাত্মপক্ষীযান্ পরাংশ্চ শতশো নৃপ ।
নন্দাদীন্সুহৃদো গোপান্গোপীশ্চোত্কণ্ঠিতাশ্চিরম্ ॥ ১৩ ॥
নন্দাদীন্সুহৃদো গোপান্গোপীশ্চোত্কণ্ঠিতাশ্চিরম্ ॥ ১৩ ॥
অন্যোন্যসন্দর্শনহর্ষরংহসা
প্রোত্ফুল্লহৃদ্বক্ত্রসরোরুহশ্রিযঃ ।
আশ্লিষ্য গাঢং নযনৈঃ স্রবজ্জলা
হৃষ্যত্ত্বচো রুদ্ধগিরো যযুর্মুদম্ ॥ ১৪ ॥
প্রোত্ফুল্লহৃদ্বক্ত্রসরোরুহশ্রিযঃ ।
আশ্লিষ্য গাঢং নযনৈঃ স্রবজ্জলা
হৃষ্যত্ত্বচো রুদ্ধগিরো যযুর্মুদম্ ॥ ১৪ ॥
স্ত্রিযশ্চ সংবীক্ষ্য মিথোঽতিসৌহৃদ-
স্মিতামলাপাঙ্গদৃশোঽভিরেভিরে ।
স্তনৈঃ স্তনান্ কুঙ্কুমপঙ্করূষিতান্
নিহত্য দোর্ভিঃ প্রণযাশ্রুলোচনাঃ ॥ ১৫ ॥
স্মিতামলাপাঙ্গদৃশোঽভিরেভিরে ।
স্তনৈঃ স্তনান্ কুঙ্কুমপঙ্করূষিতান্
নিহত্য দোর্ভিঃ প্রণযাশ্রুলোচনাঃ ॥ ১৫ ॥
ততোঽভিবাদ্য তে বৃদ্ধান্ যবিষ্ঠৈরভিবাদিতাঃ ।
স্বাগতং কুশলং পৃষ্ট্বা চক্রুঃ কৃষ্ণকথা মিথঃ ॥ ১৬ ॥
স্বাগতং কুশলং পৃষ্ট্বা চক্রুঃ কৃষ্ণকথা মিথঃ ॥ ১৬ ॥
পৃথা ভ্রাতৄন্ স্বসৃর্বীক্ষ্য তত্পুত্রান্ পিতরাবপি ।
ভ্রাতৄপত্নীর্মুকুন্দং চ জহৌ সঙ্কথযা শুচঃ ॥ ১৭ ॥
ভ্রাতৄপত্নীর্মুকুন্দং চ জহৌ সঙ্কথযা শুচঃ ॥ ১৭ ॥
কুন্ত্যুবাচ
আর্য ভ্রাতরহং মন্যে আত্মানমকৃতাশিষম্ ।
যদ্ বা আপত্সু মদ্বার্তাং নানুস্মরথ সত্তমাঃ ॥ ১৮ ॥
আর্য ভ্রাতরহং মন্যে আত্মানমকৃতাশিষম্ ।
যদ্ বা আপত্সু মদ্বার্তাং নানুস্মরথ সত্তমাঃ ॥ ১৮ ॥
সুহৃদো জ্ঞাতযঃ পুত্রা ভ্রাতরঃ পিতরাবপি ।
নানুস্মরন্তি স্বজনং যস্য দৈবমদক্ষিণম্ ॥ ১৯ ॥
নানুস্মরন্তি স্বজনং যস্য দৈবমদক্ষিণম্ ॥ ১৯ ॥
শ্রীবসুদেব উবাচ
অম্ব মাস্মানসূযেথা দৈবক্রীডনকান্ নরান্ ।
ঈশস্য হি বশে লোকঃ কুরুতে কার্যতেঽথ বা ॥ ২০ ॥
অম্ব মাস্মানসূযেথা দৈবক্রীডনকান্ নরান্ ।
ঈশস্য হি বশে লোকঃ কুরুতে কার্যতেঽথ বা ॥ ২০ ॥
কংসপ্রতাপিতাঃ সর্বে বযং যাতা দিশং দিশম্ ।
এতর্হ্যেব পুনঃ স্থানং দৈবেনাসাদিতাঃ স্বসঃ ॥ ২১ ॥
এতর্হ্যেব পুনঃ স্থানং দৈবেনাসাদিতাঃ স্বসঃ ॥ ২১ ॥
শ্রীশুক উবাচ
বসুদেবোগ্রসেনাদ্যৈর্যদুভিস্তেঽর্চিতা নৃপাঃ ।
আসন্নচ্যুতসন্দর্শপরমানন্দনির্বৃতাঃ ॥ ২২ ॥
বসুদেবোগ্রসেনাদ্যৈর্যদুভিস্তেঽর্চিতা নৃপাঃ ।
আসন্নচ্যুতসন্দর্শপরমানন্দনির্বৃতাঃ ॥ ২২ ॥
ভীষ্মো দ্রোণোঽম্বিকাপুত্রো গান্ধারী সসুতা তথা ।
সদারাঃ পাণ্ডবাঃ কুন্তী সঞ্জযো বিদুরঃ কৃপঃ ॥ ২৩ ॥
সদারাঃ পাণ্ডবাঃ কুন্তী সঞ্জযো বিদুরঃ কৃপঃ ॥ ২৩ ॥
কুন্তীভোজো বিরাটশ্চ ভীষ্মকো নগ্নজিন্মহান্ ।
পুরুজিদ্দ্রুপদঃ শল্যো ধৃষ্টকেতুঃ সকাশিরাট্ ॥ ২৪ ॥
পুরুজিদ্দ্রুপদঃ শল্যো ধৃষ্টকেতুঃ সকাশিরাট্ ॥ ২৪ ॥
দমঘোষো বিশালাক্ষো মৈথিলো মদ্রকেকযৌ ।
যুধামন্যুঃ সুশর্মা চ সসুতা বাহ্লিকাদযঃ ॥ ২৫ ॥
যুধামন্যুঃ সুশর্মা চ সসুতা বাহ্লিকাদযঃ ॥ ২৫ ॥
রাজানো যে চ রাজেন্দ্র যুধিষ্ঠিরমনুব্রতাঃ ।
শ্রীনিকেতং বপুঃ শৌরেঃ সস্ত্রীকং বীক্ষ্য বিস্মিতাঃ ॥ ২৬ ॥
শ্রীনিকেতং বপুঃ শৌরেঃ সস্ত্রীকং বীক্ষ্য বিস্মিতাঃ ॥ ২৬ ॥
অথ তে রামকৃষ্ণাভ্যাং সম্যক্ প্রাপ্তসমর্হণাঃ ।
প্রশশংসুর্মুদা যুক্তা বৃষ্ণীন্ কৃষ্ণপরিগ্রহান্ ॥ ২৭ ॥
প্রশশংসুর্মুদা যুক্তা বৃষ্ণীন্ কৃষ্ণপরিগ্রহান্ ॥ ২৭ ॥
অহো ভোজপতে যূযং জন্মভাজো নৃণামিহ ।
যত্ পশ্যথাসকৃত্ কৃষ্ণং দুর্দর্শমপি যোগিনাম্ ॥ ২৮ ॥
যত্ পশ্যথাসকৃত্ কৃষ্ণং দুর্দর্শমপি যোগিনাম্ ॥ ২৮ ॥
যদ্বিশ্রুতিঃ শ্রুতিনুতেদমলং পুনাতি
পাদাবনেজনপযশ্চ বচশ্চ শাস্ত্রম্ ।
ভূঃ কালভর্জিতভগাপি যদঙ্ঘ্রিপদ্ম-
স্পর্শোত্থশক্তিরভিবর্ষতি নোঽখিলার্থান্ ॥ ২৯ ॥
পাদাবনেজনপযশ্চ বচশ্চ শাস্ত্রম্ ।
ভূঃ কালভর্জিতভগাপি যদঙ্ঘ্রিপদ্ম-
স্পর্শোত্থশক্তিরভিবর্ষতি নোঽখিলার্থান্ ॥ ২৯ ॥
তদ্দর্শনস্পর্শনানুপথপ্রজল্প-
শয্যাসনাশনসযৌনসপিণ্ডবন্ধঃ ।
যেষাং গৃহে নিরযবর্ত্মনি বর্ততাং বঃ
স্বর্গাপবর্গবিরমঃ স্বযমাস বিষ্ণুঃ ॥ ৩০ ॥
শয্যাসনাশনসযৌনসপিণ্ডবন্ধঃ ।
যেষাং গৃহে নিরযবর্ত্মনি বর্ততাং বঃ
স্বর্গাপবর্গবিরমঃ স্বযমাস বিষ্ণুঃ ॥ ৩০ ॥
শ্রীশুক উবাচ
নন্দস্তত্র যদূন্ প্রাপ্তান্ জ্ঞাত্বা কৃষ্ণপুরোগমান্ ।
তত্রাগমদ্ বৃতো গোপৈরনঃস্থার্থৈর্দিদৃক্ষযা ॥ ৩১ ॥
নন্দস্তত্র যদূন্ প্রাপ্তান্ জ্ঞাত্বা কৃষ্ণপুরোগমান্ ।
তত্রাগমদ্ বৃতো গোপৈরনঃস্থার্থৈর্দিদৃক্ষযা ॥ ৩১ ॥
তং দৃষ্ট্বা বৃষ্ণযো হৃষ্টাস্তন্বঃ প্রাণমিবোত্থিতাঃ ।
পরিষস্বজিরে গাঢং চিরদর্শনকাতরাঃ ॥ ৩২ ॥
পরিষস্বজিরে গাঢং চিরদর্শনকাতরাঃ ॥ ৩২ ॥
বসুদেবঃ পরিষ্বজ্য সম্প্রীতঃ প্রেমবিহ্বলঃ ।
স্মরন্ কংসকৃতান্ ক্লেশান্ পুত্রন্যাসং চ গোকুলে ॥ ৩৩ ॥
স্মরন্ কংসকৃতান্ ক্লেশান্ পুত্রন্যাসং চ গোকুলে ॥ ৩৩ ॥
কৃষ্ণরামৌ পরিষ্বজ্য পিতরাবভিবাদ্য চ ।
ন কিঞ্চনোচতুঃ প্রেম্ণা সাশ্রুকণ্ঠৌ কুরূদ্বহ ॥ ৩৪ ॥
ন কিঞ্চনোচতুঃ প্রেম্ণা সাশ্রুকণ্ঠৌ কুরূদ্বহ ॥ ৩৪ ॥
তাবাত্মাসনমারোপ্য বাহুভ্যাং পরিরভ্য চ ।
যশোদা চ মহাভাগা সুতৌ বিজহতুঃ শুচঃ ॥ ৩৫ ॥
যশোদা চ মহাভাগা সুতৌ বিজহতুঃ শুচঃ ॥ ৩৫ ॥
রোহিণী দেবকী চাথ পরিষ্বজ্য ব্রজেশ্বরীম্ ।
স্মরন্ত্যৌ তত্কৃতাং মৈত্রীং বাষ্পকণ্ঠ্যৌ সমূচতুঃ ॥ ৩৬ ॥
স্মরন্ত্যৌ তত্কৃতাং মৈত্রীং বাষ্পকণ্ঠ্যৌ সমূচতুঃ ॥ ৩৬ ॥
কা বিস্মরেত বাং মৈত্রীমনিবৃত্তাং ব্রজেশ্বরি ।
অবাপ্যাপ্যৈন্দ্রমৈশ্বর্যং যস্যা নেহ প্রতিক্রিযা ॥ ৩৭ ॥
অবাপ্যাপ্যৈন্দ্রমৈশ্বর্যং যস্যা নেহ প্রতিক্রিযা ॥ ৩৭ ॥
এতাবদৃষ্টপিতরৌ যুবযোঃ স্ম পিত্রোঃ
সম্প্রীণনাভ্যুদযপোষণপালনানি ।
প্রাপ্যোষতুর্ভবতি পক্ষ্ম হ যদ্বদক্ষ্ণো-
র্ন্যস্তাবকুত্রচভযৌ ন সতাং পরঃ স্বঃ ॥ ৩৮ ॥
সম্প্রীণনাভ্যুদযপোষণপালনানি ।
প্রাপ্যোষতুর্ভবতি পক্ষ্ম হ যদ্বদক্ষ্ণো-
র্ন্যস্তাবকুত্রচভযৌ ন সতাং পরঃ স্বঃ ॥ ৩৮ ॥
শ্রীশুক উবাচ
গোপ্যশ্চ কৃষ্ণমুপলভ্য চিরাদভীষ্টং
যত্প্রেক্ষণে দৃশিষু পক্ষ্মকৃতং শপন্তি ।
দৃগ্ভির্হৃদীকৃতমলং পরিরভ্য সর্বা-
স্তদ্ভাবমাপুরপি নিত্যযুজাং দুরাপম্ ॥ ৩৯ ॥
গোপ্যশ্চ কৃষ্ণমুপলভ্য চিরাদভীষ্টং
যত্প্রেক্ষণে দৃশিষু পক্ষ্মকৃতং শপন্তি ।
দৃগ্ভির্হৃদীকৃতমলং পরিরভ্য সর্বা-
স্তদ্ভাবমাপুরপি নিত্যযুজাং দুরাপম্ ॥ ৩৯ ॥
ভগবাংস্তাস্তথাভূতা বিবিক্ত উপসঙ্গতঃ ।
আশ্লিষ্যানামযং পৃষ্ট্বা প্রহসন্নিদমব্রবীত্ ॥ ৪০ ॥
আশ্লিষ্যানামযং পৃষ্ট্বা প্রহসন্নিদমব্রবীত্ ॥ ৪০ ॥
অপি স্মরথ নঃ সখ্যঃ স্বানামর্থচিকীর্ষযা ।
গতাংশ্চিরাযিতাঞ্ছত্রুপক্ষক্ষপণচেতসঃ ॥ ৪১ ॥
গতাংশ্চিরাযিতাঞ্ছত্রুপক্ষক্ষপণচেতসঃ ॥ ৪১ ॥
অপ্যবধ্যাযথাস্মান্ স্বিদকৃতজ্ঞাবিশঙ্কযা ।
নূনং ভূতানি ভগবান্ যুনক্তি বিযুনক্তি চ ॥ ৪২ ॥
নূনং ভূতানি ভগবান্ যুনক্তি বিযুনক্তি চ ॥ ৪২ ॥
বাযুর্যথা ঘনানীকং তৃণং তূলং রজাংসি চ ।
সংযোজ্যাক্ষিপতে ভূযস্তথা ভূতানি ভূতকৃত্ ॥ ৪৩ ॥
সংযোজ্যাক্ষিপতে ভূযস্তথা ভূতানি ভূতকৃত্ ॥ ৪৩ ॥
মযি ভক্তির্হি ভূতানামমৃতত্বায কল্পতে ।
দিষ্ট্যা যদাসীন্মত্স্নেহো ভবতীনাং মদাপনঃ ॥ ৪৪ ॥
দিষ্ট্যা যদাসীন্মত্স্নেহো ভবতীনাং মদাপনঃ ॥ ৪৪ ॥
অহং হি সর্বভূতানামাদিরন্তোঽন্তরং বহিঃ ।
ভৌতিকানাং যথা খং বার্ভূর্বাযুর্জ্যোতিরঙ্গনাঃ ॥ ৪৫ ॥
ভৌতিকানাং যথা খং বার্ভূর্বাযুর্জ্যোতিরঙ্গনাঃ ॥ ৪৫ ॥
এবং হ্যেতানি ভূতানি ভূতেষ্বাত্মাত্মনা ততঃ ।
উভযং ময্যথ পরে পশ্যতাভাতমক্ষরে ॥ ৪৬ ॥
উভযং ময্যথ পরে পশ্যতাভাতমক্ষরে ॥ ৪৬ ॥
শ্রীশুক উবাচ
অধ্যাত্মশিক্ষযা গোপ্য এবং কৃষ্ণেন শিক্ষিতাঃ ।
তদনুস্মরণধ্বস্তজীবকোশাস্তমধ্যগন্ ॥ ৪৭ ॥
অধ্যাত্মশিক্ষযা গোপ্য এবং কৃষ্ণেন শিক্ষিতাঃ ।
তদনুস্মরণধ্বস্তজীবকোশাস্তমধ্যগন্ ॥ ৪৭ ॥
আহুশ্চ তে নলিননাভ পদারবিন্দং
যোগেশ্বরৈর্হৃদি বিচিন্ত্যমগাধবোধৈঃ ।
সংসারকূপপতিতোত্তরণাবলম্বং
গেহং জুষামপি মনস্যুদিযাত্ সদা নঃ ॥ ৪৮ ॥
যোগেশ্বরৈর্হৃদি বিচিন্ত্যমগাধবোধৈঃ ।
সংসারকূপপতিতোত্তরণাবলম্বং
গেহং জুষামপি মনস্যুদিযাত্ সদা নঃ ॥ ৪৮ ॥