ശ്രീശുക ഉവാച
അഥൈകദാ ദ്വാരവത്യാം വസതോ രാമകൃഷ്ണയോഃ ।
സൂര്യോപരാഗഃ സുമഹാനാസീത് കല്പക്ഷയേ യഥാ ॥ ൧ ॥
അഥൈകദാ ദ്വാരവത്യാം വസതോ രാമകൃഷ്ണയോഃ ।
സൂര്യോപരാഗഃ സുമഹാനാസീത് കല്പക്ഷയേ യഥാ ॥ ൧ ॥
തം ജ്ഞാത്വാ മനുജാ രാജന് പുരസ്താദേവ സര്വതഃ ।
സമന്തപഞ്ചകം ക്ഷേത്രം യയുഃ ശ്രേയോവിധിത്സയാ ॥ ൨ ॥
സമന്തപഞ്ചകം ക്ഷേത്രം യയുഃ ശ്രേയോവിധിത്സയാ ॥ ൨ ॥
നിഃക്ഷത്രിയാം മഹീം കുര്വന് രാമഃ ശസ്ത്രഭൃതാം വരഃ ।
നൃപാണാം രുധിരൌഘേണ യത്ര ചക്രേ മഹാഹ്രദാന് ॥ ൩ ॥
നൃപാണാം രുധിരൌഘേണ യത്ര ചക്രേ മഹാഹ്രദാന് ॥ ൩ ॥
ഈജേ ച ഭഗവാന് രാമോ യത്രാസ്പൃഷ്ടോഽപി കര്മണാ ।
ലോകം സങ്ഗ്രാഹയന്നീശോ യഥാന്യോഽഘാപനുത്തയേ ॥ ൪ ॥
ലോകം സങ്ഗ്രാഹയന്നീശോ യഥാന്യോഽഘാപനുത്തയേ ॥ ൪ ॥
മഹത്യാം തീര്ഥയാത്രായാം തത്രാഗന് ഭാരതീഃ പ്രജാഃ ।
വൃഷ്ണയശ്ച തഥാക്രൂരവസുദേവാഹുകാദയഃ ॥ ൫ ॥
വൃഷ്ണയശ്ച തഥാക്രൂരവസുദേവാഹുകാദയഃ ॥ ൫ ॥
യയുര്ഭാരത തത് ക്ഷേത്രം സ്വമഘം ക്ഷപയിഷ്ണവഃ ।
ഗദപ്രദ്യുമ്നസാമ്ബാദ്യാഃ സുചന്ദ്രശുകസാരണൈഃ ।
ആസ്തേഽനിരുദ്ധോ രക്ഷായാം കൃതവര്മാ ച യൂഥപഃ ॥ ൬ ॥
ഗദപ്രദ്യുമ്നസാമ്ബാദ്യാഃ സുചന്ദ്രശുകസാരണൈഃ ।
ആസ്തേഽനിരുദ്ധോ രക്ഷായാം കൃതവര്മാ ച യൂഥപഃ ॥ ൬ ॥
തേ രഥൈര്ദേവധിഷ്ണ്യാഭൈര്ഹയൈശ്ച തരലപ്ലവൈഃ ।
ഗജൈര്നദദ്ഭിരഭ്രാഭൈര്നൃഭിര്വിദ്യാധരദ്യുഭിഃ ॥ ൭ ॥
ഗജൈര്നദദ്ഭിരഭ്രാഭൈര്നൃഭിര്വിദ്യാധരദ്യുഭിഃ ॥ ൭ ॥
വ്യരോചന്ത മഹാതേജാഃ പഥി കാഞ്ചനമാലിനഃ ।
ദിവ്യസ്രഗ്വസ്ത്രസന്നാഹാഃ കലത്രൈഃ ഖേചരാ ഇവ ॥ ൮ ॥
ദിവ്യസ്രഗ്വസ്ത്രസന്നാഹാഃ കലത്രൈഃ ഖേചരാ ഇവ ॥ ൮ ॥
തത്ര സ്നാത്വാ മഹാഭാഗാ ഉപോഷ്യ സുസമാഹിതാഃ ।
ബ്രാഹ്മണേഭ്യോ ദദുര്ധേനൂര്വാസഃസ്രഗ്രുക്മമാലിനീഃ ॥ ൯ ॥
ബ്രാഹ്മണേഭ്യോ ദദുര്ധേനൂര്വാസഃസ്രഗ്രുക്മമാലിനീഃ ॥ ൯ ॥
രാമഹ്രദേഷു വിധിവത് പുനരാപ്ലുത്യ വൃഷ്ണയഃ ।
ദദുഃ സ്വന്നം ദ്വിജാഗ്ര്യേഭ്യഃ കൃഷ്ണേ നോ ഭക്തിരസ്ത്വിതി ॥ ൧൦ ॥
ദദുഃ സ്വന്നം ദ്വിജാഗ്ര്യേഭ്യഃ കൃഷ്ണേ നോ ഭക്തിരസ്ത്വിതി ॥ ൧൦ ॥
സ്വയം ച തദനുജ്ഞാതാ വൃഷ്ണയഃ കൃഷ്ണദേവതാഃ ।
ഭുക്ത്വോപവിവിശുഃ കാമം സ്നിഗ്ധച്ഛായാങ്ഘ്രിപാങ്ഘ്രിഷു ॥ ൧൧ ॥
ഭുക്ത്വോപവിവിശുഃ കാമം സ്നിഗ്ധച്ഛായാങ്ഘ്രിപാങ്ഘ്രിഷു ॥ ൧൧ ॥
തത്രാഗതാംസ്തേ ദദൃശുഃ സുഹൃത്സമ്ബന്ധിനോ നൃപാന് ।
മത്സ്യോശീനരകൌശല്യവിദര്ഭകുരുസൃഞ്ജയാന് ।
കാമ്ബോജകൈകയാന് മദ്രാന് കുന്തീനാനര്തകേരലാന് ॥ ൧൨ ॥
മത്സ്യോശീനരകൌശല്യവിദര്ഭകുരുസൃഞ്ജയാന് ।
കാമ്ബോജകൈകയാന് മദ്രാന് കുന്തീനാനര്തകേരലാന് ॥ ൧൨ ॥
അന്യാംശ്ചൈവാത്മപക്ഷീയാന് പരാംശ്ച ശതശോ നൃപ ।
നന്ദാദീന്സുഹൃദോ ഗോപാന്ഗോപീശ്ചോത്കണ്ഠിതാശ്ചിരമ് ॥ ൧൩ ॥
നന്ദാദീന്സുഹൃദോ ഗോപാന്ഗോപീശ്ചോത്കണ്ഠിതാശ്ചിരമ് ॥ ൧൩ ॥
അന്യോന്യസന്ദര്ശനഹര്ഷരംഹസാ
പ്രോത്ഫുല്ലഹൃദ്വക്ത്രസരോരുഹശ്രിയഃ ।
ആശ്ലിഷ്യ ഗാഢം നയനൈഃ സ്രവജ്ജലാ
ഹൃഷ്യത്ത്വചോ രുദ്ധഗിരോ യയുര്മുദമ് ॥ ൧൪ ॥
പ്രോത്ഫുല്ലഹൃദ്വക്ത്രസരോരുഹശ്രിയഃ ।
ആശ്ലിഷ്യ ഗാഢം നയനൈഃ സ്രവജ്ജലാ
ഹൃഷ്യത്ത്വചോ രുദ്ധഗിരോ യയുര്മുദമ് ॥ ൧൪ ॥
സ്ത്രിയശ്ച സംവീക്ഷ്യ മിഥോഽതിസൌഹൃദ-
സ്മിതാമലാപാങ്ഗദൃശോഽഭിരേഭിരേ ।
സ്തനൈഃ സ്തനാന് കുങ്കുമപങ്കരൂഷിതാന്
നിഹത്യ ദോര്ഭിഃ പ്രണയാശ്രുലോചനാഃ ॥ ൧൫ ॥
സ്മിതാമലാപാങ്ഗദൃശോഽഭിരേഭിരേ ।
സ്തനൈഃ സ്തനാന് കുങ്കുമപങ്കരൂഷിതാന്
നിഹത്യ ദോര്ഭിഃ പ്രണയാശ്രുലോചനാഃ ॥ ൧൫ ॥
തതോഽഭിവാദ്യ തേ വൃദ്ധാന് യവിഷ്ഠൈരഭിവാദിതാഃ ।
സ്വാഗതം കുശലം പൃഷ്ട്വാ ചക്രുഃ കൃഷ്ണകഥാ മിഥഃ ॥ ൧൬ ॥
സ്വാഗതം കുശലം പൃഷ്ട്വാ ചക്രുഃ കൃഷ്ണകഥാ മിഥഃ ॥ ൧൬ ॥
പൃഥാ ഭ്രാതൄന് സ്വസൃര്വീക്ഷ്യ തത്പുത്രാന് പിതരാവപി ।
ഭ്രാതൄപത്നീര്മുകുന്ദം ച ജഹൌ സങ്കഥയാ ശുചഃ ॥ ൧൭ ॥
ഭ്രാതൄപത്നീര്മുകുന്ദം ച ജഹൌ സങ്കഥയാ ശുചഃ ॥ ൧൭ ॥
കുന്ത്യുവാച
ആര്യ ഭ്രാതരഹം മന്യേ ആത്മാനമകൃതാശിഷമ് ।
യദ് വാ ആപത്സു മദ്വാര്താം നാനുസ്മരഥ സത്തമാഃ ॥ ൧൮ ॥
ആര്യ ഭ്രാതരഹം മന്യേ ആത്മാനമകൃതാശിഷമ് ।
യദ് വാ ആപത്സു മദ്വാര്താം നാനുസ്മരഥ സത്തമാഃ ॥ ൧൮ ॥
സുഹൃദോ ജ്ഞാതയഃ പുത്രാ ഭ്രാതരഃ പിതരാവപി ।
നാനുസ്മരന്തി സ്വജനം യസ്യ ദൈവമദക്ഷിണമ് ॥ ൧൯ ॥
നാനുസ്മരന്തി സ്വജനം യസ്യ ദൈവമദക്ഷിണമ് ॥ ൧൯ ॥
ശ്രീവസുദേവ ഉവാച
അമ്ബ മാസ്മാനസൂയേഥാ ദൈവക്രീഡനകാന് നരാന് ।
ഈശസ്യ ഹി വശേ ലോകഃ കുരുതേ കാര്യതേഽഥ വാ ॥ ൨൦ ॥
അമ്ബ മാസ്മാനസൂയേഥാ ദൈവക്രീഡനകാന് നരാന് ।
ഈശസ്യ ഹി വശേ ലോകഃ കുരുതേ കാര്യതേഽഥ വാ ॥ ൨൦ ॥
കംസപ്രതാപിതാഃ സര്വേ വയം യാതാ ദിശം ദിശമ് ।
ഏതര്ഹ്യേവ പുനഃ സ്ഥാനം ദൈവേനാസാദിതാഃ സ്വസഃ ॥ ൨൧ ॥
ഏതര്ഹ്യേവ പുനഃ സ്ഥാനം ദൈവേനാസാദിതാഃ സ്വസഃ ॥ ൨൧ ॥
ശ്രീശുക ഉവാച
വസുദേവോഗ്രസേനാദ്യൈര്യദുഭിസ്തേഽര്ചിതാ നൃപാഃ ।
ആസന്നച്യുതസന്ദര്ശപരമാനന്ദനിര്വൃതാഃ ॥ ൨൨ ॥
വസുദേവോഗ്രസേനാദ്യൈര്യദുഭിസ്തേഽര്ചിതാ നൃപാഃ ।
ആസന്നച്യുതസന്ദര്ശപരമാനന്ദനിര്വൃതാഃ ॥ ൨൨ ॥
ഭീഷ്മോ ദ്രോണോഽമ്ബികാപുത്രോ ഗാന്ധാരീ സസുതാ തഥാ ।
സദാരാഃ പാണ്ഡവാഃ കുന്തീ സഞ്ജയോ വിദുരഃ കൃപഃ ॥ ൨൩ ॥
സദാരാഃ പാണ്ഡവാഃ കുന്തീ സഞ്ജയോ വിദുരഃ കൃപഃ ॥ ൨൩ ॥
കുന്തീഭോജോ വിരാടശ്ച ഭീഷ്മകോ നഗ്നജിന്മഹാന് ।
പുരുജിദ്ദ്രുപദഃ ശല്യോ ധൃഷ്ടകേതുഃ സകാശിരാട് ॥ ൨൪ ॥
പുരുജിദ്ദ്രുപദഃ ശല്യോ ധൃഷ്ടകേതുഃ സകാശിരാട് ॥ ൨൪ ॥
ദമഘോഷോ വിശാലാക്ഷോ മൈഥിലോ മദ്രകേകയൌ ।
യുധാമന്യുഃ സുശര്മാ ച സസുതാ ബാഹ്ലികാദയഃ ॥ ൨൫ ॥
യുധാമന്യുഃ സുശര്മാ ച സസുതാ ബാഹ്ലികാദയഃ ॥ ൨൫ ॥
രാജാനോ യേ ച രാജേന്ദ്ര യുധിഷ്ഠിരമനുവ്രതാഃ ।
ശ്രീനികേതം വപുഃ ശൌരേഃ സസ്ത്രീകം വീക്ഷ്യ വിസ്മിതാഃ ॥ ൨൬ ॥
ശ്രീനികേതം വപുഃ ശൌരേഃ സസ്ത്രീകം വീക്ഷ്യ വിസ്മിതാഃ ॥ ൨൬ ॥
അഥ തേ രാമകൃഷ്ണാഭ്യാം സമ്യക് പ്രാപ്തസമര്ഹണാഃ ।
പ്രശശംസുര്മുദാ യുക്താ വൃഷ്ണീന് കൃഷ്ണപരിഗ്രഹാന് ॥ ൨൭ ॥
പ്രശശംസുര്മുദാ യുക്താ വൃഷ്ണീന് കൃഷ്ണപരിഗ്രഹാന് ॥ ൨൭ ॥
അഹോ ഭോജപതേ യൂയം ജന്മഭാജോ നൃണാമിഹ ।
യത് പശ്യഥാസകൃത് കൃഷ്ണം ദുര്ദര്ശമപി യോഗിനാമ് ॥ ൨൮ ॥
യത് പശ്യഥാസകൃത് കൃഷ്ണം ദുര്ദര്ശമപി യോഗിനാമ് ॥ ൨൮ ॥
യദ്വിശ്രുതിഃ ശ്രുതിനുതേദമലം പുനാതി
പാദാവനേജനപയശ്ച വചശ്ച ശാസ്ത്രമ് ।
ഭൂഃ കാലഭര്ജിതഭഗാപി യദങ്ഘ്രിപദ്മ-
സ്പര്ശോത്ഥശക്തിരഭിവര്ഷതി നോഽഖിലാര്ഥാന് ॥ ൨൯ ॥
പാദാവനേജനപയശ്ച വചശ്ച ശാസ്ത്രമ് ।
ഭൂഃ കാലഭര്ജിതഭഗാപി യദങ്ഘ്രിപദ്മ-
സ്പര്ശോത്ഥശക്തിരഭിവര്ഷതി നോഽഖിലാര്ഥാന് ॥ ൨൯ ॥
തദ്ദര്ശനസ്പര്ശനാനുപഥപ്രജല്പ-
ശയ്യാസനാശനസയൌനസപിണ്ഡബന്ധഃ ।
യേഷാം ഗൃഹേ നിരയവര്ത്മനി വര്തതാം വഃ
സ്വര്ഗാപവര്ഗവിരമഃ സ്വയമാസ വിഷ്ണുഃ ॥ ൩൦ ॥
ശയ്യാസനാശനസയൌനസപിണ്ഡബന്ധഃ ।
യേഷാം ഗൃഹേ നിരയവര്ത്മനി വര്തതാം വഃ
സ്വര്ഗാപവര്ഗവിരമഃ സ്വയമാസ വിഷ്ണുഃ ॥ ൩൦ ॥
ശ്രീശുക ഉവാച
നന്ദസ്തത്ര യദൂന് പ്രാപ്താന് ജ്ഞാത്വാ കൃഷ്ണപുരോഗമാന് ।
തത്രാഗമദ് വൃതോ ഗോപൈരനഃസ്ഥാര്ഥൈര്ദിദൃക്ഷയാ ॥ ൩൧ ॥
നന്ദസ്തത്ര യദൂന് പ്രാപ്താന് ജ്ഞാത്വാ കൃഷ്ണപുരോഗമാന് ।
തത്രാഗമദ് വൃതോ ഗോപൈരനഃസ്ഥാര്ഥൈര്ദിദൃക്ഷയാ ॥ ൩൧ ॥
തം ദൃഷ്ട്വാ വൃഷ്ണയോ ഹൃഷ്ടാസ്തന്വഃ പ്രാണമിവോത്ഥിതാഃ ।
പരിഷസ്വജിരേ ഗാഢം ചിരദര്ശനകാതരാഃ ॥ ൩൨ ॥
പരിഷസ്വജിരേ ഗാഢം ചിരദര്ശനകാതരാഃ ॥ ൩൨ ॥
വസുദേവഃ പരിഷ്വജ്യ സമ്പ്രീതഃ പ്രേമവിഹ്വലഃ ।
സ്മരന് കംസകൃതാന് ക്ലേശാന് പുത്രന്യാസം ച ഗോകുലേ ॥ ൩൩ ॥
സ്മരന് കംസകൃതാന് ക്ലേശാന് പുത്രന്യാസം ച ഗോകുലേ ॥ ൩൩ ॥
കൃഷ്ണരാമൌ പരിഷ്വജ്യ പിതരാവഭിവാദ്യ ച ।
ന കിഞ്ചനോചതുഃ പ്രേമ്ണാ സാശ്രുകണ്ഠൌ കുരൂദ്വഹ ॥ ൩൪ ॥
ന കിഞ്ചനോചതുഃ പ്രേമ്ണാ സാശ്രുകണ്ഠൌ കുരൂദ്വഹ ॥ ൩൪ ॥
താവാത്മാസനമാരോപ്യ ബാഹുഭ്യാം പരിരഭ്യ ച ।
യശോദാ ച മഹാഭാഗാ സുതൌ വിജഹതുഃ ശുചഃ ॥ ൩൫ ॥
യശോദാ ച മഹാഭാഗാ സുതൌ വിജഹതുഃ ശുചഃ ॥ ൩൫ ॥
രോഹിണീ ദേവകീ ചാഥ പരിഷ്വജ്യ വ്രജേശ്വരീമ് ।
സ്മരന്ത്യൌ തത്കൃതാം മൈത്രീം ബാഷ്പകണ്ഠ്യൌ സമൂചതുഃ ॥ ൩൬ ॥
സ്മരന്ത്യൌ തത്കൃതാം മൈത്രീം ബാഷ്പകണ്ഠ്യൌ സമൂചതുഃ ॥ ൩൬ ॥
കാ വിസ്മരേത വാം മൈത്രീമനിവൃത്താം വ്രജേശ്വരി ।
അവാപ്യാപ്യൈന്ദ്രമൈശ്വര്യം യസ്യാ നേഹ പ്രതിക്രിയാ ॥ ൩൭ ॥
അവാപ്യാപ്യൈന്ദ്രമൈശ്വര്യം യസ്യാ നേഹ പ്രതിക്രിയാ ॥ ൩൭ ॥
ഏതാവദൃഷ്ടപിതരൌ യുവയോഃ സ്മ പിത്രോഃ
സമ്പ്രീണനാഭ്യുദയപോഷണപാലനാനി ।
പ്രാപ്യോഷതുര്ഭവതി പക്ഷ്മ ഹ യദ്വദക്ഷ്ണോ-
ര്ന്യസ്താവകുത്രചഭയൌ ന സതാം പരഃ സ്വഃ ॥ ൩൮ ॥
സമ്പ്രീണനാഭ്യുദയപോഷണപാലനാനി ।
പ്രാപ്യോഷതുര്ഭവതി പക്ഷ്മ ഹ യദ്വദക്ഷ്ണോ-
ര്ന്യസ്താവകുത്രചഭയൌ ന സതാം പരഃ സ്വഃ ॥ ൩൮ ॥
ശ്രീശുക ഉവാച
ഗോപ്യശ്ച കൃഷ്ണമുപലഭ്യ ചിരാദഭീഷ്ടം
യത്പ്രേക്ഷണേ ദൃശിഷു പക്ഷ്മകൃതം ശപന്തി ।
ദൃഗ്ഭിര്ഹൃദീകൃതമലം പരിരഭ്യ സര്വാ-
സ്തദ്ഭാവമാപുരപി നിത്യയുജാം ദുരാപമ് ॥ ൩൯ ॥
ഗോപ്യശ്ച കൃഷ്ണമുപലഭ്യ ചിരാദഭീഷ്ടം
യത്പ്രേക്ഷണേ ദൃശിഷു പക്ഷ്മകൃതം ശപന്തി ।
ദൃഗ്ഭിര്ഹൃദീകൃതമലം പരിരഭ്യ സര്വാ-
സ്തദ്ഭാവമാപുരപി നിത്യയുജാം ദുരാപമ് ॥ ൩൯ ॥
ഭഗവാംസ്താസ്തഥാഭൂതാ വിവിക്ത ഉപസങ്ഗതഃ ।
ആശ്ലിഷ്യാനാമയം പൃഷ്ട്വാ പ്രഹസന്നിദമബ്രവീത് ॥ ൪൦ ॥
ആശ്ലിഷ്യാനാമയം പൃഷ്ട്വാ പ്രഹസന്നിദമബ്രവീത് ॥ ൪൦ ॥
അപി സ്മരഥ നഃ സഖ്യഃ സ്വാനാമര്ഥചികീര്ഷയാ ।
ഗതാംശ്ചിരായിതാഞ്ഛത്രുപക്ഷക്ഷപണചേതസഃ ॥ ൪൧ ॥
ഗതാംശ്ചിരായിതാഞ്ഛത്രുപക്ഷക്ഷപണചേതസഃ ॥ ൪൧ ॥
അപ്യവധ്യായഥാസ്മാന് സ്വിദകൃതജ്ഞാവിശങ്കയാ ।
നൂനം ഭൂതാനി ഭഗവാന് യുനക്തി വിയുനക്തി ച ॥ ൪൨ ॥
നൂനം ഭൂതാനി ഭഗവാന് യുനക്തി വിയുനക്തി ച ॥ ൪൨ ॥
വായുര്യഥാ ഘനാനീകം തൃണം തൂലം രജാംസി ച ।
സംയോജ്യാക്ഷിപതേ ഭൂയസ്തഥാ ഭൂതാനി ഭൂതകൃത് ॥ ൪൩ ॥
സംയോജ്യാക്ഷിപതേ ഭൂയസ്തഥാ ഭൂതാനി ഭൂതകൃത് ॥ ൪൩ ॥
മയി ഭക്തിര്ഹി ഭൂതാനാമമൃതത്വായ കല്പതേ ।
ദിഷ്ട്യാ യദാസീന്മത്സ്നേഹോ ഭവതീനാം മദാപനഃ ॥ ൪൪ ॥
ദിഷ്ട്യാ യദാസീന്മത്സ്നേഹോ ഭവതീനാം മദാപനഃ ॥ ൪൪ ॥
അഹം ഹി സര്വഭൂതാനാമാദിരന്തോഽന്തരം ബഹിഃ ।
ഭൌതികാനാം യഥാ ഖം വാര്ഭൂര്വായുര്ജ്യോതിരങ്ഗനാഃ ॥ ൪൫ ॥
ഭൌതികാനാം യഥാ ഖം വാര്ഭൂര്വായുര്ജ്യോതിരങ്ഗനാഃ ॥ ൪൫ ॥
ഏവം ഹ്യേതാനി ഭൂതാനി ഭൂതേഷ്വാത്മാത്മനാ തതഃ ।
ഉഭയം മയ്യഥ പരേ പശ്യതാഭാതമക്ഷരേ ॥ ൪൬ ॥
ഉഭയം മയ്യഥ പരേ പശ്യതാഭാതമക്ഷരേ ॥ ൪൬ ॥
ശ്രീശുക ഉവാച
അധ്യാത്മശിക്ഷയാ ഗോപ്യ ഏവം കൃഷ്ണേന ശിക്ഷിതാഃ ।
തദനുസ്മരണധ്വസ്തജീവകോശാസ്തമധ്യഗന് ॥ ൪൭ ॥
അധ്യാത്മശിക്ഷയാ ഗോപ്യ ഏവം കൃഷ്ണേന ശിക്ഷിതാഃ ।
തദനുസ്മരണധ്വസ്തജീവകോശാസ്തമധ്യഗന് ॥ ൪൭ ॥
ആഹുശ്ച തേ നലിനനാഭ പദാരവിന്ദം
യോഗേശ്വരൈര്ഹൃദി വിചിന്ത്യമഗാധബോധൈഃ ।
സംസാരകൂപപതിതോത്തരണാവലമ്ബം
ഗേഹം ജുഷാമപി മനസ്യുദിയാത് സദാ നഃ ॥ ൪൮ ॥
യോഗേശ്വരൈര്ഹൃദി വിചിന്ത്യമഗാധബോധൈഃ ।
സംസാരകൂപപതിതോത്തരണാവലമ്ബം
ഗേഹം ജുഷാമപി മനസ്യുദിയാത് സദാ നഃ ॥ ൪൮ ॥