ஶ்ரீமத்பாகவதம் ௧௦.௮௪

ஶ்ரீஶுக உவாச
ஶ்ருத்வா ப்ரு'தா ஸுபலபுத்ர்யத யாஜ்ஞஸேநீ
மாதவ்யத க்ஷிதிபபத்ந்ய உத ஸ்வகோப்யஃ ।
க்ரு'ஷ்ணே'கிலாத்மநி ஹரௌ ப்ரணயாநுபந்தம்
ஸர்வா விஸிஸ்ம்யுரலமஶ்ருகலாகுலாக்ஷ்யஃ ॥ ௧ ॥

இதி ஸம்பாஷமாணாஸு ஸ்த்ரீபிஃ ஸ்த்ரீஷு ந்ரு'பிர்ந்ரு'ஷு ।
ஆயயுர்முநயஸ்தத்ர க்ரு'ஷ்ணராமதித்ரு'க்ஷயா ॥ ௨ ॥

த்வைபாயநோ நாரதஶ்ச ச்யவநோ தேவலோ'ஸிதஃ ।
விஶ்வாமித்ரஃ ஶதாநந்தோ பரத்வாஜோ'த கௌதமஃ ॥ ௩ ॥

ராமஃ ஸஶிஷ்யோ பகவாந் வஸிஷ்டோ காலவோ ப்ரு'குஃ ।
புலஸ்த்யஃ கஶ்யபோ'த்ரிஶ்ச மார்கண்டேயோ ப்ரு'ஹஸ்பதிஃ ॥ ௪ ॥

த்விதஸ்த்ரிதஶ்சைகதஶ்ச ப்ரஹ்மபுத்ராஸ்ததாங்கிராஃ ।
அகஸ்த்யோ யாஜ்ஞவல்க்யஶ்ச வாமதேவாதயோ'பரே ॥ ௫ ॥

தாந் த்ரு'ஷ்ட்வா ஸஹஸோத்தாய ப்ராகாஸீநா ந்ரு'பாதயஃ ।
பாண்டவாஃ க்ரு'ஷ்ணராமௌ ச ப்ரணேமுர்விஶ்வவந்திதாந் ॥ ௬ ॥

தாநாநர்சுர்யதா ஸர்வே ஸஹராமோ'ச்யுதோ'ர்சயத் ।
ஸ்வாகதாஸநபாத்யார்க்யமால்யதூபாநுலேபநைஃ ॥ ௭ ॥

உவாசஸுகமாஸீநாந் பகவாந் தர்மகுப்தநுஃ ।
ஸதஸஸ்தஸ்ய மஹதோ யதவாசோ'நுஶ்ரு'ண்வதஃ ॥ ௮ ॥

ஶ்ரீபகவாநுவாச
அஹோ வயம் ஜந்மப்ரு'தோ லப்தம் கார்த்ஸ்ந்யேந தத்பலம் ।
தேவாநாமபி துஷ்ப்ராபம் யத் யோகேஶ்வரதர்ஶநம் ॥ ௯ ॥

கிம் ஸ்வல்பதபஸாம் ந்ரு'ணாமர்சாயாம் தேவசக்ஷுஷாம் ।
தர்ஶநஸ்பர்ஶநப்ரஶ்நப்ரஹ்வபாதார்சநாதிகம் ॥ ௧௦ ॥

ந ஹ்யம்மயாநி தீர்தாநி ந தேவா ம்ரு'ச்சிலாமயாஃ ।
தே புநந்த்யுருகாலேந தர்ஶநாதேவ ஸாதவஃ ॥ ௧௧ ॥

நாக்நிர்ந ஸூர்யோ ந ச சந்த்ரதாரகா
ந பூர்ஜலம் கம் ஶ்வஸநோ'த வாங்மநஃ ।
உபாஸிதா பேதக்ரு'தோ ஹரந்த்யகம்
விபஶ்சிதோ க்நந்தி முஹூர்தஸேவயா ॥ ௧௨ ॥

யஸ்யாத்மபுத்திஃ குணபே த்ரிதாதுகே
ஸ்வதீஃ கலத்ராதிஷு பௌம இஜ்யதீஃ ।
யத்தீர்தபுத்திஃ ஸலிலே ந கர்ஹிசி-
ஜ்ஜநேஷ்வபிஜ்ஞேஷு ஸ ஏவ கோகரஃ ॥ ௧௩ ॥

ஶ்ரீஶுக உவாச
நிஶம்யேத்தம் பகவதஃ க்ரு'ஷ்ணஸ்யாகுண்டமேதஸஃ ।
வசோ துரந்வயம் விப்ராஸ்தூஷ்ணீமாஸந் ப்ரமத்தியஃ ॥ ௧௪ ॥

சிரம் விம்ரு'ஶ்ய முநய ஈஶ்வரஸ்யேஶிதவ்யதாம் ।
ஜநஸங்க்ரஹ இத்யூசுஃ ஸ்மயந்தஸ்தம் ஜகத்குரும் ॥ ௧௫ ॥

ஶ்ரீமுநய ஊசுஃ
யந்மாயயா தத்த்வவிதுத்தமா வயம்
விமோஹிதா விஶ்வஸ்ரு'ஜாமதீஶ்வராஃ ।
யதீஶிதவ்யாயதி கூட ஈஹயா
அஹோ விசித்ரம் பகவத்விசேஷ்டிதம் ॥ ௧௬ ॥

அநீஹ ஏதத் பஹுதைக ஆத்மநா
ஸ்ரு'ஜத்யவத்யத்தி ந பத்யதே யதா ।
பௌமைர்ஹி பூமிர்பஹுநாமரூபிணீ
அஹோ விபூம்நஶ்சரிதம் விடம்பநம் ॥ ௧௭ ॥

அதாபி காலே ஸ்வஜநாபிகுப்தயே
பிபர்ஷி ஸத்த்வம் கலநிக்ரஹாய ச ।
ஸ்வலீலயா வேதபதம் ஸநாதநம்
வர்ணாஶ்ரமாத்மா புருஷஃ பரோ பவாந் ॥ ௧௮ ॥

ப்ரஹ்ம தே ஹ்ரு'தயம் ஶுக்லம் தபஃஸ்வாத்யாயஸம்யமைஃ ।
யத்ரோபலப்தம் ஸத் வ்யக்தமவ்யக்தம் ச ததஃ பரம் ॥ ௧௯ ॥

தஸ்மாத் ப்ரஹ்மகுலம் ப்ரஹ்மந் ஶாஸ்த்ரயோநேஸ்த்வமாத்மநஃ ।
ஸபாஜயஸி ஸத்தாம தத் ப்ரஹ்மண்யாக்ரணீர்பவாந் ॥ ௨௦ ॥

அத்ய நோ ஜந்மஸாபல்யம் வித்யாயாஸ்தபஸோ த்ரு'ஶஃ ।
த்வயா ஸங்கம்ய ஸத்கத்யா யதந்தஃ ஶ்ரேயஸாம் பரஃ ॥ ௨௧ ॥

நமஸ்தஸ்மை பகவதே க்ரு'ஷ்ணாயாகுண்டமேதஸே ।
ஸ்வயோகமாயயாச்சந்நமஹிம்நே பரமாத்மநே ॥ ௨௨ ॥

ந யம் விதந்த்யமீ பூபா ஏகாராமாஶ்ச வ்ரு'ஷ்ணயஃ ।
மாயாஜவநிகாச்சந்நமாத்மாநம் காலமீஶ்வரம் ॥ ௨௩ ॥

யதா ஶயாநஃ புருஷ ஆத்மாநம் குணதத்த்வத்ரு'க் ।
நாமமாத்ரேந்த்ரியாபாதம் ந வேத ரஹிதம் பரம் ॥ ௨௪ ॥

ஏவம் த்வா நாமமாத்ரேஷு விஷயேஷ்விந்த்ரியேஹயா ।
மாயயா விப்ரமச்சித்தோ ந வேத ஸ்ம்ரு'த்யுபப்லவாத் ॥ ௨௫ ॥

தஸ்யாத்ய தே தத்ரு'ஶிமாங்க்ரிமகௌகமர்ஷ-
தீர்தாஸ்பதம் ஹ்ரு'தி க்ரு'தம் ஸுவிபக்வயோகைஃ ।
உத்ஸிக்தபக்த்யுபஹதாஶயஜீவகோஶா
ஆபுர்பவத்கதிமதாநுக்ரு'ஹாண பக்தாந் ॥ ௨௬ ॥

ஶ்ரீஶுக உவாச
இத்யநுஜ்ஞாப்ய தாஶார்ஹம் த்ரு'தராஷ்ட்ரம் யுதிஷ்டிரம் ।
ராஜர்ஷே ஸ்வாஶ்ரமாந் கந்தும் முநயோ ததிரே மநஃ ॥ ௨௭ ॥

தத் வீக்ஷ்ய தாநுபவ்ரஜ்ய வஸுதேவோ மஹாயஶாஃ ।
ப்ரணம்ய சோபஸங்க்ரு'ஹ்ய பபாஷேதம் ஸுயந்த்ரிதஃ ॥ ௨௮ ॥

ஶ்ரீவஸுதேவ உவாச
நமோ வஃ ஸர்வதேவேப்ய ரு'ஷயஃ ஶ்ரோதுமர்ஹத ।
கர்மணா கர்மநிர்ஹாரோ யதா ஸ்யாந்நஸ்ததுச்யதாம் ॥ ௨௯ ॥

ஶ்ரீநாரத உவாச
நாதிசித்ரமிதம் விப்ரா வஸுதேவோ புபுத்ஸயா ।
க்ரு'ஷ்ணம் மத்வார்பகம் யந்நஃ ப்ரு'ச்சதி ஶ்ரேய ஆத்மநஃ ॥ ௩௦ ॥

ஸந்நிகர்ஷோ'த்ர மர்த்யாநாமநாதரணகாரணம் ।
காங்கம் ஹித்வா யதாந்யாம்பஸ்தத்ரத்யோ யாதி ஶுத்தயே ॥ ௩௧ ॥

யஸ்யாநுபூதிஃ காலேந லயோத்பத்த்யாதிநாஸ்ய வை ।
ஸ்வதோ'ந்யஸ்மாச்ச குணதோ ந குதஶ்சந ரிஷ்யதி ॥ ௩௨ ॥

தம் க்லேஶகர்மபரிபாககுணப்ரவாஹை-
ரவ்யாஹதாநுபவமீஶ்வரமத்விதீயம் ।
ப்ராணாதிபிஃ ஸ்வவிபவைருபகூடமந்யோ
மந்யேத ஸூர்யமிவ மேகஹிமோபராகைஃ ॥ ௩௩ ॥

அதோசுர்முநயோ ராஜந்நாபாஷ்யாநகதுந்துபிம் ।
ஸர்வேஷாம் ஶ்ரு'ண்வதாம் ராஜ்ஞாம் ததைவாச்யுதராமயோஃ ॥ ௩௪ ॥

கர்மணா கர்மநிர்ஹார ஏஷ ஸாது நிரூபிதஃ ।
யச்ச்ரத்தயா யஜேத் விஷ்ணும் ஸர்வயஜ்ஞேஶ்வரம் மகைஃ ॥ ௩௫ ॥

சித்தஸ்யோபஶமோ'யம் வை கவிபிஃ ஶாஸ்த்ரசக்ஷுஷா ।
தர்ஶிதஃ ஸுகமோ யோகோ தர்மஶ்சாத்மமுதாவஹஃ ॥ ௩௬ ॥

அயம் ஸ்வஸ்த்யயநஃ பந்தா த்விஜாதேர்க்ரு'ஹமேதிநஃ ।
யச்ச்ரத்தயாப்தவித்தேந ஶுக்லேநேஜ்யேத பூருஷஃ ॥ ௩௭ ॥

வித்தைஷணாம் யஜ்ஞதாநைர்க்ரு'ஹைர்தாரஸுதைஷணாம் ।
ஆத்மலோகைஷணாம் தேவ காலேந விஸ்ரு'ஜேத்புதஃ ।
க்ராமே த்யக்தைஷணாஃ ஸர்வே யயுர்தீராஸ்தபோவநம் ॥ ௩௮ ॥

ரு'ணைஸ்த்ரிபிர்த்விஜோ ஜாதோ தேவர்ஷிபித்ரு'ணாம் ப்ரபோ ।
யஜ்ஞாத்யயநபுத்ரைஸ்தாந்யநிஸ்தீர்ய த்யஜந் பதேத் ॥ ௩௯ ॥

த்வம் த்வத்ய முக்தோ த்வாப்யாம் வை ரு'ஷிபித்ரோர்மஹாமதே ।
யஜ்ஞைர்தேவர்ணமுந்முச்ய நிர்ரு'ணோ'ஶரணோ பவ ॥ ௪௦ ॥

வஸுதேவ பவாந் நூநம் பக்த்யா பரமயா ஹரிம் ।
ஜகதாமீஶ்வரம் ப்ரார்சஃ ஸ யத் வாம் புத்ரதாம் கதஃ ॥ ௪௧ ॥

ஶ்ரீஶுக உவாச
இதி தத்வசநம் ஶ்ருத்வா வஸுதேவோ மஹாமநாஃ ।
தாந்ரு'ஷீந்ரு'த்விஜோ வவ்ரே மூர்த்நாநம்ய ப்ரஸாத்ய ச ॥ ௪௨ ॥

த ஏநம்ரு'ஷயோ ராஜந் வ்ரு'தா தர்மேண தார்மிகம் ।
தஸ்மிந்நயாஜயந் க்ஷேத்ரே மகைருத்தமகல்பகைஃ ॥ ௪௩ ॥

தத்தீக்ஷாயாம் ப்ரவ்ரு'த்தாயாம் வ்ரு'ஷ்ணயஃ புஷ்கரஸ்ரஜஃ ।
ஸ்நாதாஃ ஸுவாஸஸோ ராஜந் ராஜாநஃ ஸுஷ்ட்வலங்க்ரு'தாஃ ॥ ௪௪ ॥

தந்மஹிஷ்யஶ்ச முதிதா நிஷ்ககண்ட்யஃ ஸுவாஸஸஃ ।
தீக்ஷாஶாலாமுபாஜக்முராலிப்தா வஸ்துபாணயஃ ॥ ௪௫ ॥

நேதுர்ம்ரு'தங்கபடஹஶங்கபேர்யாநகாதயஃ ।
நந்ரு'துர்நடநர்தக்யஸ்துஷ்டுவுஃ ஸூதமாகதாஃ ।
ஜகுஃ ஸுகண்ட்யோ கந்தர்வ்யஃ ஸங்கீதம் ஸஹபர்த்ரு'காஃ ॥ ௪௬ ॥

தமப்யஷிஞ்சந் விதிவதக்தமப்யக்தம்ரு'த்விஜஃ ।
பத்நீபிரஷ்டாதஶபிஃ ஸோமராஜமிவோடுபிஃ ॥ ௪௭ ॥

தாபிர்துகூலவலயைர்ஹாரநூபுரகுண்டலைஃ ।
ஸ்வலங்க்ரு'தாபிர்விபபௌ தீக்ஷிதோ'ஜிநஸம்வ்ரு'தஃ ॥ ௪௮ ॥

தஸ்யர்த்விஜோ மஹாராஜ ரத்நகௌஶேயவாஸஸஃ ।
ஸஸதஸ்யா விரேஜுஸ்தே யதா வ்ரு'த்ரஹணோ'த்வரே ॥ ௪௯ ॥

ததா ராமஶ்ச க்ரு'ஷ்ணஶ்ச ஸ்வைஃ ஸ்வைர்பந்துபிரந்விதௌ ।
ரேஜதுஃ ஸ்வஸுதைர்தாரைர்ஜீவேஶௌ ஸ்வவிபூதிபிஃ ॥ ௫௦ ॥

ஈஜே'நுயஜ்ஞம் விதிநா அக்நிஹோத்ராதிலக்ஷணைஃ ।
ப்ராக்ரு'தைர்வைக்ரு'தைர்யஜ்ஞைர்த்ரவ்யஜ்ஞாநக்ரியேஶ்வரம் ॥ ௫௧ ॥

அதர்த்விக்ப்யோ'ததாத் காலே யதாம்நாதம் ஸ தக்ஷிணாஃ ।
ஸ்வலங்க்ரு'தேப்யோ'லங்க்ரு'த்ய கோபூகந்யா மஹாதநாஃ ॥ ௫௨ ॥

பத்நீஸம்யாஜாவப்ரு'த்யைஶ்சரித்வா தே மஹர்ஷயஃ ।
ஸஸ்நூ ராமஹ்ரதே விப்ரா யஜமாநபுரஃஸராஃ ॥ ௫௩ ॥

ஸ்நாதோ'லங்காரவாஸாம்ஸி வந்திப்யோ'தாத்ததா ஸ்த்ரியஃ ।
ததஃ ஸ்வலங்க்ரு'தோ வர்ணாநாஶ்வப்யோ'ந்நேந பூஜயத் ॥ ௫௪ ॥

பந்தூந் ஸதாராந் ஸஸுதாந் பாரிபர்ஹேண பூயஸா ।
விதர்பகோஶலகுரூந் காஶிகேகயஸ்ரு'ஞ்ஜயாந் ॥ ௫௫ ॥

ஸதஸ்யர்த்விக்ஸுரகணாந் ந்ரு'பூதபித்ரு'சாரணாந் ।
ஶ்ரீநிகேதமநுஜ்ஞாப்ய ஶம்ஸந்தஃ ப்ரயயுஃ க்ரதும் ॥ ௫௬ ॥

த்ரு'தராஷ்ட்ரோ'நுஜஃ பார்தா பீஷ்மோ த்ரோணஃ ப்ரு'தா யமௌ ।
நாரதோ பகவாந் வ்யாஸஃ ஸுஹ்ரு'த்ஸம்பந்திபாந்தவாஃ ॥ ௫௭ ॥

பந்தூந் பரிஷ்வஜ்ய யதூந் ஸௌஹ்ரு'தாக்லிந்நசேதஸஃ ।
யயுர்விரஹக்ரு'ச்ச்ரேண ஸ்வதேஶாம்ஶ்சாபரே ஜநாஃ ॥ ௫௮ ॥

நந்தஸ்து ஸஹ கோபாலைர்ப்ரு'ஹத்யா பூஜயார்சிதஃ ।
க்ரு'ஷ்ணராமோக்ரஸேநாத்யைர்ந்யவாத்ஸீத் பந்துவத்ஸலஃ ॥ ௫௯ ॥

வஸுதேவோ'ஞ்ஜஸோத்தீர்ய மநோரதமஹார்ணவம் ।
ஸுஹ்ரு'த் வ்ரு'தஃ ப்ரீதமநா நந்தமாஹ கரே ஸ்ப்ரு'ஶந் ॥ ௬௦ ॥

ஶ்ரீவஸுதேவ உவாச
ப்ராதரீஶக்ரு'தஃ பாஶோ ந்ரு'ணாம் யஃ ஸ்நேஹஸம்ஜ்ஞிதஃ ।
தம் துஸ்த்யஜமஹம் மந்யே ஶூராணாமபி யோகிநாம் ॥ ௬௧ ॥

அஸ்மாஸ்வப்ரதிகல்பேயம் யத் க்ரு'தாஜ்ஞேஷு ஸத்தமைஃ ।
மைத்ர்யர்பிதாபலா சாபி ந நிவர்தேத கர்ஹிசித் ॥ ௬௨ ॥

ப்ராககல்பாச்ச குஶலம் ப்ராதர்வோ நாசராம ஹி ।
அதுநா ஶ்ரீமதாந்தாக்ஷா ந பஶ்யாமஃ புரஃ ஸதஃ ॥ ௬௩ ॥

மா ராஜ்யஶ்ரீரபூத் பும்ஸஃ ஶ்ரேயஸ்காமஸ்ய மாநத ।
ஸ்வஜநாநுத பந்தூந் வா ந பஶ்யதி யயாந்தத்ரு'க் ॥ ௬௪ ॥

ஶ்ரீஶுக உவாச
ஏவம் ஸௌஹ்ரு'தஶைதில்யசித்த ஆநகதுந்துபிஃ ।
ருரோத தத்க்ரு'தாம் மைத்ரீம் ஸ்மரந்நஶ்ருவிலோசநஃ ॥ ௬௫ ॥

நந்தஸ்து ஸக்யுஃ ப்ரியக்ரு'த் ப்ரேம்ணா கோவிந்தராமயோஃ ।
அத்ய ஶ்வ இதி மாஸாம்ஸ்த்ரீந் யதுபிர்மாநிதோ'வஸத் ॥ ௬௬ ॥

ததஃ காமைஃ பூர்யமாணஃ ஸவ்ரஜஃ ஸஹபாந்தவஃ ।
பரார்த்யாபரணக்ஷௌமநாநாநர்க்யபரிச்சதைஃ ॥ ௬௭ ॥

வஸுதேவோக்ரஸேநாப்யாம் க்ரு'ஷ்ணோத்தவபலாதிபிஃ ।
தத்தமாதாய பாரிபர்ஹம் யாபிதோ யதுபிர்யயௌ ॥ ௬௮ ॥

நந்தோ கோபாஶ்ச கோப்யஶ்ச கோவிந்தசரணாம்புஜே ।
மநஃ க்ஷிப்தம் புநர்ஹர்துமநீஶா மதுராம் யயுஃ ॥ ௬௯ ॥

பந்துஷு ப்ரதியாதேஷு வ்ரு'ஷ்ணயஃ க்ரு'ஷ்ணதேவதாஃ ।
வீக்ஷ்ய ப்ராவ்ரு'ஷமாஸந்நாத் யயுர்த்வாரவதீம் புநஃ ॥ ௭௦ ॥

ஜநேப்யஃ கதயாம் சக்ருர்யதுதேவமஹோத்ஸவம் ।
யதாஸீத்தீர்தயாத்ராயாம் ஸுஹ்ரு'த்ஸந்தர்ஶநாதிகம் ॥ ௭௧ ॥