ஶ்ரீமத்பாகவதம் ௧௦.௮௫

ஶ்ரீபாதராயணிருவாச
அதைகதாத்மஜௌ ப்ராப்தௌ க்ரு'தபாதாபிவந்தநௌ ।
வஸுதேவோ'பிநந்த்யாஹ ப்ரீத்யா ஸங்கர்ஷணாச்யுதௌ ॥ ௧ ॥

முநீநாம் ஸ வசஃ ஶ்ருத்வா புத்ரயோர்தாமஸூசகம் ।
தத்வீர்யைர்ஜாதவிஶ்ரம்பஃ பரிபாஷ்யாப்யபாஷத ॥ ௨ ॥

க்ரு'ஷ்ண க்ரு'ஷ்ண மஹாயோகிந் ஸங்கர்ஷண ஸநாதந ।
ஜாநே வாமஸ்ய யத் ஸாக்ஷாத் ப்ரதாநபுருஷௌ பரௌ ॥ ௩ ॥

யத்ர யேந யதோ யஸ்ய யஸ்மை யத் யத் யதா யதா ।
ஸ்யாதிதம் பகவாந் ஸாக்ஷாத் ப்ரதாநபுருஷேஶ்வரஃ ॥ ௪ ॥

ஏதந்நாநாவிதம் விஶ்வமாத்மஸ்ரு'ஷ்டமதோக்ஷஜ ।
ஆத்மநாநுப்ரவிஶ்யாத்மந் ப்ராணோ ஜீவோ பிபர்ஷ்யஜ ॥ ௫ ॥

ப்ராணாதீநாம் விஶ்வஸ்ரு'ஜாம் ஶக்தயோ யாஃ பரஸ்ய தாஃ ।
பாரதந்த்ர்யாத் வைஸாத்ரு'ஶ்யாத் த்வயோஶ்சேஷ்டைவ சேஷ்டதாம் ॥ ௬ ॥

காந்திஸ்தேஜஃ ப்ரபா ஸத்தா சந்த்ராக்ந்யர்கர்க்ஷவித்யுதாம் ।
யத் ஸ்தைர்யம் பூப்ரு'தாம் பூமேர்வ்ரு'த்திர்கந்தோ'ர்ததோ பவாந் ॥ ௭ ॥

தர்பணம் ப்ராணநமபாம் தேவத்வம் தாஶ்ச தத்ரஸஃ ।
ஓஜஃ ஸஹோ பலம் சேஷ்டா கதிர்வாயோஸ்தவேஶ்வர ॥ ௮ ॥

திஶாம் த்வமவகாஶோ'ஸி திஶஃ கம் ஸ்போட ஆஶ்ரயஃ ।
நாதோ வர்ணஸ்த்வம் ௐகார ஆக்ரு'தீநாம் ப்ரு'தக்க்ரு'திஃ ॥ ௯ ॥

இந்த்ரியம் த்விந்த்ரியாணாம் த்வம் தேவாஶ்ச ததநுக்ரஹஃ ।
அவபோதோ பவாந் புத்தேர்ஜீவஸ்யாநுஸ்ம்ரு'திஃ ஸதீ ॥ ௧௦ ॥

பூதாநாமஸி பூதாதிரிந்த்ரியாணாம் ச தைஜஸஃ ।
வைகாரிகோ விகல்பாநாம் ப்ரதாநமநுஶாயிநம் ॥ ௧௧ ॥

நஶ்வரேஷ்விஹ பாவேஷு ததஸி த்வமநஶ்வரம் ।
யதா த்ரவ்யவிகாரேஷு த்ரவ்யமாத்ரம் நிரூபிதம் ॥ ௧௨ ॥

ஸத்த்வம் ரஜஸ்தம இதி குணாஸ்தத்வ்ரு'த்தயஶ்ச யாஃ ।
த்வய்யத்தா ப்ரஹ்மணி பரே கல்பிதா யோகமாயயா ॥ ௧௩ ॥

தஸ்மாந்ந ஸந்த்யமீ பாவா யர்ஹி த்வயி விகல்பிதாஃ ।
த்வம் சாமீஷு விகாரேஷு ஹ்யந்யதாவ்யாவஹாரிகஃ ॥ ௧௪ ॥

குணப்ரவாஹ ஏதஸ்மிந்நபுதாஸ்த்வகிலாத்மநஃ ।
கதிம் ஸூக்ஷ்மாமபோதேந ஸம்ஸரந்தீஹ கர்மபிஃ ॥ ௧௫ ॥

யத்ரு'ச்சயா ந்ரு'தாம் ப்ராப்ய ஸுகல்பாமிஹ துர்லபாம் ।
ஸ்வார்தே ப்ரமத்தஸ்ய வயோ கதம் த்வந்மாயயேஶ்வர ॥ ௧௬ ॥

அஸாவஹம் மமைவைதே தேஹே சாஸ்யாந்வயாதிஷு ।
ஸ்நேஹபாஶைர்நிபத்நாதி பவாந் ஸர்வமிதம் ஜகத் ॥ ௧௭ ॥

யுவாம் ந நஃ ஸுதௌ ஸாக்ஷாத் ப்ரதாநபுருஷேஶ்வரௌ ।
பூபாரக்ஷத்ரக்ஷபண அவதீர்ணௌ ததாத்த ஹ ॥ ௧௮ ॥

தத்தே கதோ'ஸ்ம்யரணமத்ய பதாரவிந்த-
மாபந்நஸம்ஸ்ரு'திபயாபஹமார்தபந்தோ ।
ஏதாவதாலமலமிந்த்ரியலாலஸேந
மர்த்யாத்மத்ரு'க் த்வயி பரே யதபத்யபுத்திஃ ॥ ௧௯ ॥

ஸூதீக்ரு'ஹே நநு ஜகாத பவாநஜோ நௌ
ஸஞ்ஜஜ்ஞ இத்யநுயுகம் நிஜதர்மகுப்த்யை ।
நாநாதநூர்ககநவத் விததஜ்ஜஹாஸி
கோ வேத பூம்ந உருகாய விபூதிமாயாம் ॥ ௨௦ ॥

ஶ்ரீஶுக உவாச
ஆகர்ண்யேத்தம் பிதுர்வாக்யம் பகவாந் ஸாத்வதர்ஷபஃ ।
ப்ரத்யாஹ ப்ரஶ்ரயாநம்ரஃ ப்ரஹஸந் ஶ்லக்ஷ்ணயா கிரா ॥ ௨௧ ॥

ஶ்ரீபகவாநுவாச
வசோ வஃ ஸமவேதார்தம் தாதைததுபமந்மஹே ।
யந்நஃ புத்ராந் ஸமுத்திஶ்ய தத்த்வக்ராம உதாஹ்ரு'தஃ ॥ ௨௨ ॥

அஹம் யூயமஸாவார்ய இமே ச த்வாரகௌகஸஃ ।
ஸர்வே'ப்யேவம் யதுஶ்ரேஷ்ட விம்ரு'க்யாஃ ஸசராசரம் ॥ ௨௩ ॥

ஆத்மா ஹ்யேகஃ ஸ்வயம்ஜ்யோதிர்நித்யோ'ந்யோ நிர்குணோ குணைஃ ।
ஆத்மஸ்ரு'ஷ்டைஸ்தத்க்ரு'தேஷு பூதேஷு பஹுதேயதே ॥ ௨௪ ॥

கம் வாயுர்ஜ்யோதிராபோ பூஸ்தத்க்ரு'தேஷு யதாஶயம் ।
ஆவிஸ்திரோ'ல்பபூர்யேகோ நாநாத்வம் யாத்யஸாவபி ॥ ௨௫ ॥

ஶ்ரீஶுக உவாச
ஏவம் பகவதா ராஜந் வஸுதேவ உதாஹ்ரு'தஃ ।
ஶ்ருத்வா விநஷ்டநாநாதீஸ்தூஷ்ணீம் ப்ரீதமநா அபூத் ॥ ௨௬ ॥

அத தத்ர குருஶ்ரேஷ்ட தேவகீ ஸர்வதேவதா ।
ஶ்ருத்வாநீதம் குரோஃ புத்ரமாத்மஜாப்யாம் ஸுவிஸ்மிதா ॥ ௨௭ ॥

க்ரு'ஷ்ணராமௌ ஸமாஶ்ராவ்ய புத்ராந் கம்ஸவிஹிம்ஸிதாந் ।
ஸ்மரந்தீ க்ரு'பணம் ப்ராஹ வைக்லவ்யாதஶ்ருலோசநா ॥ ௨௮ ॥

ஶ்ரீதேவக்யுவாச
ராம ராமாப்ரமேயாத்மந் க்ரு'ஷ்ண யோகேஶ்வரேஶ்வர ।
வேதாஹம் வாம் விஶ்வஸ்ரு'ஜாமீஶ்வராவாதிபூருஷௌ ॥ ௨௯ ॥

காலவித்வஸ்தஸத்த்வாநாம் ராஜ்ஞாமுச்சாஸ்த்ரவர்திநாம் ।
பூமேர்பாராயமாணாநாமவதீர்ணௌ கிலாத்ய மே ॥ ௩௦ ॥

யஸ்யாம்ஶாம்ஶாம்ஶபாகேந விஶ்வோத்பத்திலயோதயாஃ ।
பவந்தி கில விஶ்வாத்மம்ஸ்தம் த்வாத்யாஹம் கதிம் கதா ॥ ௩௧ ॥

சிராந்ம்ரு'தஸுதாதாநே குருணா கில சோதிதௌ ।
ஆநிந்யதுஃ பித்ரு'ஸ்தாநாத் குரவே குருதக்ஷிணாம் ॥ ௩௨ ॥

ததா மே குருதம் காமம் யுவாம் யோகேஶ்வரேஶ்வரௌ ।
போஜராஜஹதாந் புத்ராந் காமயே த்ரஷ்டுமாஹ்ரு'தாந் ॥ ௩௩ ॥

ரு'ஷிருவாச
ஏவம் ஸஞ்சோதிதௌ மாத்ரா ராமஃ க்ரு'ஷ்ணஶ்ச பாரத ।
ஸுதலம் ஸம்விவிஶதுர்யோகமாயாமுபாஶ்ரிதௌ ॥ ௩௪ ॥

தஸ்மிந் ப்ரவிஷ்டாவுபலப்ய தைத்யராட்
விஶ்வாத்மதைவம் ஸுதராம் ததாத்மநஃ ।
தத்தர்ஶநாஹ்லாதபரிப்லுதாஶயஃ
ஸத்யஃ ஸமுத்தாய நநாம ஸாந்வயஃ ॥ ௩௫ ॥

தயோஃ ஸமாநீய வராஸநம் முதா
நிவிஷ்டயோஸ்தத்ர மஹாத்மநோஸ்தயோஃ ।
ததார பாதாவவநிஜ்ய தஜ்ஜலம்
ஸவ்ரு'ந்த ஆப்ரஹ்ம புநத் யதம்பு ஹ ॥ ௩௬ ॥

ஸமர்ஹயாமாஸ ஸ தௌ விபூதிபி-
ர்மஹார்ஹவஸ்த்ராபரணாநுலேபநைஃ ।
தாம்பூலதீபாம்ரு'தபக்ஷணாதிபிஃ
ஸ்வகோத்ரவித்தாத்மஸமர்பணேந ச ॥ ௩௭ ॥

ஸ இந்த்ரஸேநோ பகவத்பதாம்புஜம்
பிப்ரந்முஹுஃ ப்ரேமவிபிந்நயா தியா ।
உவாசஹாநந்தஜலாகுலேக்ஷணஃ
ப்ரஹ்ரு'ஷ்டரோமா ந்ரு'ப கத்கதாக்ஷரம் ॥ ௩௮ ॥

பலிருவாச
நமோ'நந்தாய ப்ரு'ஹதே நமஃ க்ரு'ஷ்ணாய வேதஸே ।
ஸாங்க்யயோகவிதாநாய ப்ரஹ்மணே பரமாத்மநே ॥ ௩௯ ॥

தர்ஶநம் வாம் ஹி பூதாநாம் துஷ்ப்ராபம் சாப்யதுர்லபம் ।
ரஜஸ்தமஃஸ்வபாவாநாம் யந்நஃ ப்ராப்தௌ யத்ரு'ச்சயா ॥ ௪௦ ॥

தைத்யதாநவகந்தர்வாஃ ஸித்தவித்யாத்ரசாரணாஃ ।
யக்ஷரக்ஷஃபிஶாசாஶ்ச பூதப்ரமதநாயகாஃ ॥ ௪௧ ॥

விஶுத்தஸத்த்வதாம்ந்யத்தா த்வயி ஶாஸ்த்ரஶரீரிணி ।
நித்யம் நிபத்தவைராஸ்தே வயம் சாந்யே ச தாத்ரு'ஶாஃ ॥ ௪௨ ॥

கேசநோத்பத்தவைரேண பக்த்யா கேசந காமதஃ ।
ந ததா ஸத்த்வஸம்ரப்தாஃ ஸந்நிக்ரு'ஷ்டாஃ ஸுராதயஃ ॥ ௪௩ ॥

இதமித்தமிதி ப்ராயஸ்தவ யோகேஶ்வரேஶ்வர ।
ந விதந்த்யபி யோகேஶா யோகமாயாம் குதோ வயம் ॥ ௪௪ ॥

தந்நஃ ப்ரஸீத நிரபேக்ஷவிம்ரு'க்யயுஷ்மத்-
பாதாரவிந்ததிஷணாந்யக்ரு'ஹாந்தகூபாத் ।
நிஷ்க்ரம்ய விஶ்வஶரணாங்க்ரயுபலப்தவ்ரு'த்திஃ
ஶாந்தோ யதைக உத ஸர்வஸகைஶ்சராமி ॥ ௪௫ ॥

ஶாத்யஸ்மாநீஶிதவ்யேஶ நிஷ்பாபாந் குரு நஃ ப்ரபோ ।
புமாந் யச்ச்ரத்தயாதிஷ்டம்ஶ்சோதநாயா விமுச்யதே ॥ ௪௬ ॥

ஶ்ரீபகவாநுவாச
ஆஸந்மரீசேஃ ஷட் புத்ரா ஊர்ணாயாம் ப்ரதமே'ந்தரே ।
தேவாஃ கம் ஜஹஸுர்வீக்ஷ்ய ஸுதம் யபிதுமுத்யதம் ॥ ௪௭ ॥

தேநாஸுரீமகந் யோநிமதுநாவத்யகர்மணா ।
ஹிரண்யகஶிபோர்ஜாதா நீதாஸ்தே யோகமாயயா ॥ ௪௮ ॥

தேவக்யா உதரே ஜாதா ராஜந் கம்ஸவிஹிம்ஸிதாஃ ।
ஸா தாந் ஶோசத்யாத்மஜாந் ஸ்வாம்ஸ்த இமே'த்யாஸதே'ந்திகே ॥ ௪௯ ॥

இத ஏதாந் ப்ரணேஷ்யாமோ மாத்ரு'ஶோகாபநுத்தயே ।
ததஃ ஶாபாத் விநிர்முக்தா லோகம் யாஸ்யந்தி விஜ்வராஃ ॥ ௫௦ ॥

ஸ்மரோத்கீதஃ பரிஷ்வங்கஃ பதங்கஃ க்ஷுத்ரப்ரு'த் க்ரு'ணீ ।
ஷடிமே மத்ப்ரஸாதேந புநர்யாஸ்யந்தி ஸத்கதிம் ॥ ௫௧ ॥

இத்யுக்த்வா தாந் ஸமாதாய இந்த்ரஸேநேந பூஜிதௌ ।
புநர்த்வாரவதீமேத்ய மாதுஃ புத்ராநயச்சதாம் ॥ ௫௨ ॥

தாந் த்ரு'ஷ்ட்வா பாலகாந் தேவீ புத்ரஸ்நேஹஸ்நுதஸ்தநீ ।
பரிஷ்வஜ்யாங்கமாரோப்ய மூர்த்ந்யஜிக்ரதபீக்ஷ்ணஶஃ ॥ ௫௩ ॥

அபாயயத் ஸ்தநம் ப்ரீதா ஸுதஸ்பர்ஶபரிஸ்நுதம் ।
மோஹிதா மாயயா விஷ்ணோர்யயா ஸ்ரு'ஷ்டிஃ ப்ரவர்ததே ॥ ௫௪ ॥

பீத்வாம்ரு'தம் பயஸ்தஸ்யாஃ பீதஶேஷம் கதாப்ரு'தஃ ।
நாராயணாங்கஸம்ஸ்பர்ஶப்ரதிலப்தாத்மதர்ஶநாஃ ॥ ௫௫ ॥

தே நமஸ்க்ரு'த்ய கோவிந்தம் தேவகீம் பிதரம் பலம் ।
மிஷதாம் ஸர்வபூதாநாம் யயுர்தாம திவௌகஸாம் ॥ ௫௬ ॥

தம் த்ரு'ஷ்ட்வா தேவகீ தேவீ ம்ரு'தாகமநநிர்கமம் ।
மேநே ஸுவிஸ்மிதா மாயாம் க்ரு'ஷ்ணஸ்ய ரசிதாம் ந்ரு'ப ॥ ௫௭ ॥

ஏவம்விதாந்யத்புதாநி க்ரு'ஷ்ணஸ்ய பரமாத்மநஃ ।
வீர்யாண்யநந்தவீர்யஸ்ய ஸந்த்யநந்தாநி பாரத ॥ ௫௮ ॥

ஶ்ரீஸூத உவாச
ய இதமநுஶ்ரு'ணோதி ஶ்ராவயேத் வா முராரே-
ஶ்சரிதமம்ரு'தகீர்தேர்வர்ணிதம் வ்யாஸபுத்ரைஃ ।
ஜகதகபிதலம் தத்பக்தஸத்கர்ணபூரம்
பகவதி க்ரு'தசித்தோ யாதி தத்க்ஷேமதாம ॥ ௫௯ ॥