শ্ৰীৰাজোৱাচ
ব্ৰহ্মন্ ৱেদিতুমিচ্ছামঃ স্ৱসাৰাং ৰামকৃষ্ণযোঃ ।
যথোপযেমে ৱিজযো যা মমাসীত্ পিতামহী ॥ ১ ॥
ব্ৰহ্মন্ ৱেদিতুমিচ্ছামঃ স্ৱসাৰাং ৰামকৃষ্ণযোঃ ।
যথোপযেমে ৱিজযো যা মমাসীত্ পিতামহী ॥ ১ ॥
শ্ৰীশুক উৱাচ
অৰ্জুনস্তীৰ্থযাত্ৰাযাং পৰ্যটন্নৱনীং প্ৰভুঃ ।
গতঃ প্ৰভাসমশৃণোন্মাতুলেযীং স আত্মনঃ ॥ ২ ॥
অৰ্জুনস্তীৰ্থযাত্ৰাযাং পৰ্যটন্নৱনীং প্ৰভুঃ ।
গতঃ প্ৰভাসমশৃণোন্মাতুলেযীং স আত্মনঃ ॥ ২ ॥
দুৰ্যোধনায ৰামস্তাং দাস্যতীতি ন চাপৰে ।
তল্লিপ্সুঃ স যতিৰ্ভূত্ৱা ত্ৰিদণ্ডী দ্ৱাৰকামগাত্ ॥ ৩ ॥
তল্লিপ্সুঃ স যতিৰ্ভূত্ৱা ত্ৰিদণ্ডী দ্ৱাৰকামগাত্ ॥ ৩ ॥
তত্ৰ ৱৈ ৱাৰ্ষিতান্ মাসানৱাত্সীত্ স্ৱাৰ্থসাধকঃ ।
পৌৰৈঃ সভাজিতোঽভীক্ষ্ণং ৰামেণাজানতা চ সঃ ॥ ৪ ॥
পৌৰৈঃ সভাজিতোঽভীক্ষ্ণং ৰামেণাজানতা চ সঃ ॥ ৪ ॥
একদা গৃহমানীয আতিথ্যেন নিমন্ত্ৰ্য তম্ ।
শ্ৰদ্ধযোপহৃতং ভৈক্ষ্যং বলেন বুভুজে কিল ॥ ৫ ॥
শ্ৰদ্ধযোপহৃতং ভৈক্ষ্যং বলেন বুভুজে কিল ॥ ৫ ॥
সোঽপশ্যত্তত্ৰ মহতীং কন্যাং ৱীৰমনোহৰাম্ ।
প্ৰীত্যুত্ফুল্লেক্ষণস্তস্যাং ভাৱক্ষুব্ধং মনো দধে ॥ ৬ ॥
প্ৰীত্যুত্ফুল্লেক্ষণস্তস্যাং ভাৱক্ষুব্ধং মনো দধে ॥ ৬ ॥
সাপি তং চকমে ৱীক্ষ্য নাৰীণাং হৃদযংগমম্ ।
হসন্তী ৱ্ৰীডিতাপাঙ্গী তন্ন্যস্তহৃদযেক্ষণা ॥ ৭ ॥
হসন্তী ৱ্ৰীডিতাপাঙ্গী তন্ন্যস্তহৃদযেক্ষণা ॥ ৭ ॥
তাং পৰং সমনুধ্যাযন্নন্তৰং প্ৰেপ্সুৰৰ্জুনঃ ।
ন লেভে শং ভ্ৰমচ্চিত্তঃ কামেনাতিবলীযসা ॥ ৮ ॥
ন লেভে শং ভ্ৰমচ্চিত্তঃ কামেনাতিবলীযসা ॥ ৮ ॥
মহত্যাং দেৱযাত্ৰাযাং ৰথস্থাং দুৰ্গনিৰ্গতাম্ ।
জহাৰানুমতঃ পিত্ৰোঃ কৃষ্ণস্য চ মহাৰথঃ ॥ ৯ ॥
জহাৰানুমতঃ পিত্ৰোঃ কৃষ্ণস্য চ মহাৰথঃ ॥ ৯ ॥
ৰথস্থো ধনুৰাদায শূৰাংশ্চাৰুন্ধতো ভটান্ ।
ৱিদ্ৰাৱ্য ক্ৰোশতাং স্ৱানাং স্ৱভাগং মৃগৰাডিৱ ॥ ১০ ॥
ৱিদ্ৰাৱ্য ক্ৰোশতাং স্ৱানাং স্ৱভাগং মৃগৰাডিৱ ॥ ১০ ॥
তচ্ছ্ৰুত্ৱা ক্ষুভিতো ৰামঃ পৰ্ৱণীৱ মহাৰ্ণৱঃ ।
গৃহীতপাদঃ কৃষ্ণেন সুহৃদ্ভিশ্চানুসান্ত্ৱিতঃ ॥ ১১ ॥
গৃহীতপাদঃ কৃষ্ণেন সুহৃদ্ভিশ্চানুসান্ত্ৱিতঃ ॥ ১১ ॥
প্ৰাহিণোত্ পাৰিবৰ্হাণি ৱৰৱধ্ৱোৰ্মুদা বলঃ ।
মহাধনোপস্কৰেভৰথাশ্ৱনৰযোষিতঃ ॥ ১২ ॥
মহাধনোপস্কৰেভৰথাশ্ৱনৰযোষিতঃ ॥ ১২ ॥
শ্ৰীশুক উৱাচ
কৃষ্ণস্যাসীদ্ দ্ৱিজশ্ৰেষ্ঠঃ শ্ৰুতদেৱ ইতি শ্ৰুতঃ ।
কৃষ্ণৈকভক্ত্যা পূৰ্ণাৰ্থঃ শান্তঃ কৱিৰলম্পটঃ ॥ ১৩ ॥
কৃষ্ণস্যাসীদ্ দ্ৱিজশ্ৰেষ্ঠঃ শ্ৰুতদেৱ ইতি শ্ৰুতঃ ।
কৃষ্ণৈকভক্ত্যা পূৰ্ণাৰ্থঃ শান্তঃ কৱিৰলম্পটঃ ॥ ১৩ ॥
স উৱাস ৱিদেহেষু মিথিলাযাং গৃহাশ্ৰমী ।
অনীহযাগতাহাৰ্যনিৰ্ৱৰ্তিতনিজক্ৰিযঃ ॥ ১৪ ॥
অনীহযাগতাহাৰ্যনিৰ্ৱৰ্তিতনিজক্ৰিযঃ ॥ ১৪ ॥
যাত্ৰামাত্ৰং ত্ৱহৰহৰ্দৈৱাদুপনমত্যুত ।
নাধিকং তাৱতা তুষ্টঃ ক্ৰিযা চক্ৰে যথোচিতাঃ ॥ ১৫ ॥
নাধিকং তাৱতা তুষ্টঃ ক্ৰিযা চক্ৰে যথোচিতাঃ ॥ ১৫ ॥
তথা তদ্ৰাষ্ট্ৰপালোঽঙ্গ বহুলাশ্ৱ ইতি শ্ৰুতঃ ।
মৈথিলো নিৰহম্মান উভাৱপ্যচ্যুতপ্ৰিযৌ ॥ ১৬ ॥
মৈথিলো নিৰহম্মান উভাৱপ্যচ্যুতপ্ৰিযৌ ॥ ১৬ ॥
তযোঃ প্ৰসন্নো ভগৱান্ দাৰুকেণাহৃতং ৰথম্ ।
আৰুহ্য সাকং মুনিভিৰ্ৱিদেহান্ প্ৰযযৌ প্ৰভুঃ ॥ ১৭ ॥
আৰুহ্য সাকং মুনিভিৰ্ৱিদেহান্ প্ৰযযৌ প্ৰভুঃ ॥ ১৭ ॥
নাৰদো ৱামদেৱোঽত্ৰিঃ কৃষ্ণো ৰামোঽসিতোঽৰুণিঃ ।
অহং বৃহস্পতিঃ কণ্ৱো মৈত্ৰেযশ্চ্যৱনাদযঃ ॥ ১৮ ॥
অহং বৃহস্পতিঃ কণ্ৱো মৈত্ৰেযশ্চ্যৱনাদযঃ ॥ ১৮ ॥
তত্ৰ তত্ৰ তমাযান্তং পৌৰা জানপদা নৃপ ।
উপতস্থুঃ সাৰ্ঘ্যহস্তা গ্ৰহৈঃ সূৰ্যমিৱোদিতম্ ॥ ১৯ ॥
উপতস্থুঃ সাৰ্ঘ্যহস্তা গ্ৰহৈঃ সূৰ্যমিৱোদিতম্ ॥ ১৯ ॥
আনৰ্তধন্ৱকুৰুজাঙ্গলকঙ্কমত্স্য-
পাঞ্চালকুন্তিমধুকেকযকোশলাৰ্ণাঃ ।
অন্যে চ তন্মুখসৰোজমুদাৰহাস-
স্নিগ্ধেক্ষণং নৃপ পপুৰ্দৃশিভিৰ্নৃনাৰ্যঃ ॥ ২০ ॥
পাঞ্চালকুন্তিমধুকেকযকোশলাৰ্ণাঃ ।
অন্যে চ তন্মুখসৰোজমুদাৰহাস-
স্নিগ্ধেক্ষণং নৃপ পপুৰ্দৃশিভিৰ্নৃনাৰ্যঃ ॥ ২০ ॥
তেভ্যঃ স্ৱৱীক্ষণৱিনষ্টতমিস্ৰদৃগ্ভ্যঃ
ক্ষেমং ত্ৰিলোকগুৰুৰৰ্থদৃশং চ যচ্ছন্ ।
শৃণ্ৱন্ দিগন্তধৱলং স্ৱযশোঽশুভঘ্নং
গীতং সুৰৈৰ্নৃভিৰগাচ্ছনকৈৰ্ৱিদেহান্ ॥ ২১ ॥
ক্ষেমং ত্ৰিলোকগুৰুৰৰ্থদৃশং চ যচ্ছন্ ।
শৃণ্ৱন্ দিগন্তধৱলং স্ৱযশোঽশুভঘ্নং
গীতং সুৰৈৰ্নৃভিৰগাচ্ছনকৈৰ্ৱিদেহান্ ॥ ২১ ॥
তেঽচ্যুতং প্ৰাপ্তমাকৰ্ণ্য পৌৰা জানপদা নৃপ ।
অভীযুৰ্মুদিতাস্তস্মৈ গৃহীতাৰ্হণপাণযঃ ॥ ২২ ॥
অভীযুৰ্মুদিতাস্তস্মৈ গৃহীতাৰ্হণপাণযঃ ॥ ২২ ॥
দৃষ্ট্ৱা ত উত্তমঃশ্লোকং প্ৰীত্যুত্ফুলাননাশযাঃ ।
কৈৰ্ধৃতাঞ্জলিভিৰ্নেমুঃ শ্ৰুতপূৰ্ৱাংস্তথা মুনীন্ ॥ ২৩ ॥
কৈৰ্ধৃতাঞ্জলিভিৰ্নেমুঃ শ্ৰুতপূৰ্ৱাংস্তথা মুনীন্ ॥ ২৩ ॥
স্ৱানুগ্ৰহায সম্প্ৰাপ্তং মন্ৱানৌ তং জগদ্গুৰুম্ ।
মৈথিলঃ শ্ৰুতদেৱশ্চ পাদযোঃ পেততুঃ প্ৰভোঃ ॥ ২৪ ॥
মৈথিলঃ শ্ৰুতদেৱশ্চ পাদযোঃ পেততুঃ প্ৰভোঃ ॥ ২৪ ॥
ন্যমন্ত্ৰযেতাং দাশাৰ্হমাতিথ্যেন সহ দ্ৱিজৈঃ ।
মৈথিলঃ শ্ৰুতদেৱশ্চ যুগপত্ সংহতাঞ্জলী ॥ ২৫ ॥
মৈথিলঃ শ্ৰুতদেৱশ্চ যুগপত্ সংহতাঞ্জলী ॥ ২৫ ॥
ভগৱাংস্তদভিপ্ৰেত্য দ্ৱযোঃ প্ৰিযচিকীৰ্ষযা ।
উভযোৰাৱিশদ্ গেহমুভাভ্যাং তদলক্ষিতঃ ॥ ২৬ ॥
উভযোৰাৱিশদ্ গেহমুভাভ্যাং তদলক্ষিতঃ ॥ ২৬ ॥
শ্ৰান্তানপ্যথ তান্ দূৰাজ্জনকঃ স্ৱগৃহাগতান্ ।
আনীতেষ্ৱাসনাগ্ৰ্যেষু সুখাসীনান্ মহামনাঃ ॥ ২৭ ॥
আনীতেষ্ৱাসনাগ্ৰ্যেষু সুখাসীনান্ মহামনাঃ ॥ ২৭ ॥
প্ৰৱৃদ্ধভক্ত্যা উদ্ধৰ্ষহৃদযাস্ৰাৱিলেক্ষণঃ ।
নত্ৱা তদঙ্ঘ্ৰীন্ প্ৰক্ষাল্য তদপো লোকপাৱনীঃ ॥ ২৮ ॥
নত্ৱা তদঙ্ঘ্ৰীন্ প্ৰক্ষাল্য তদপো লোকপাৱনীঃ ॥ ২৮ ॥
সকুটুম্বো ৱহন্ মূৰ্ধ্না পূজযাং চক্ৰ ঈশ্ৱৰান্ ।
গন্ধমাল্যাম্বৰাকল্পধূপদীপাৰ্ঘ্যগোৱৃষৈঃ ॥ ২৯ ॥
গন্ধমাল্যাম্বৰাকল্পধূপদীপাৰ্ঘ্যগোৱৃষৈঃ ॥ ২৯ ॥
ৱাচা মধুৰযা প্ৰীণন্নিদমাহান্নতৰ্পিতান্ ।
পাদাৱঙ্কগতৌ ৱিষ্ণোঃ সংস্পৃশঞ্ছনকৈৰ্মুদা ॥ ৩০ ॥
পাদাৱঙ্কগতৌ ৱিষ্ণোঃ সংস্পৃশঞ্ছনকৈৰ্মুদা ॥ ৩০ ॥
শ্ৰীবহুলাশ্ৱ উৱাচ
ভৱান্ হি সৰ্ৱভূতানামাত্মা সাক্ষী স্ৱদৃগ্ ৱিভো ।
অথ নস্ত্ৱত্পদাম্ভোজং স্মৰতাং দৰ্শনং গতঃ ॥ ৩১ ॥
ভৱান্ হি সৰ্ৱভূতানামাত্মা সাক্ষী স্ৱদৃগ্ ৱিভো ।
অথ নস্ত্ৱত্পদাম্ভোজং স্মৰতাং দৰ্শনং গতঃ ॥ ৩১ ॥
স্ৱৱচস্তদৃতং কৰ্তুমস্মদ্দৃগ্গোচৰো ভৱান্ ।
যদাত্থৈকান্তভক্তান্ মে নানন্তঃ শ্ৰীৰজঃ প্ৰিযঃ ॥ ৩২ ॥
যদাত্থৈকান্তভক্তান্ মে নানন্তঃ শ্ৰীৰজঃ প্ৰিযঃ ॥ ৩২ ॥
কো নু ত্ৱচ্চৰণাম্ভোজমেৱংৱিদ্ ৱিসৃজেত্ পুমান্ ।
নিষ্কিঞ্চনানাং শান্তানাং মুনীনাং যস্ত্ৱমাত্মদঃ ॥ ৩৩ ॥
নিষ্কিঞ্চনানাং শান্তানাং মুনীনাং যস্ত্ৱমাত্মদঃ ॥ ৩৩ ॥
যোঽৱতীৰ্য যদোৰ্ৱংশে নৃণাং সংসৰতামিহ ।
যশো ৱিতেনে তচ্ছান্ত্যৈ ত্ৰৈলোক্যৱৃজিনাপহম্ ॥ ৩৪ ॥
যশো ৱিতেনে তচ্ছান্ত্যৈ ত্ৰৈলোক্যৱৃজিনাপহম্ ॥ ৩৪ ॥
নমস্তুভ্যং ভগৱতে কৃষ্ণাযাকুণ্ঠমেধসে ।
নাৰাযণায ঋষযে সুশান্তং তপ ঈযুষে ॥ ৩৫ ॥
নাৰাযণায ঋষযে সুশান্তং তপ ঈযুষে ॥ ৩৫ ॥
দিনানি কতিচিদ্ ভূমন্ গৃহান্ নো নিৱস দ্ৱিজৈঃ ।
সমেতঃ পাদৰজসা পুনীহীদং নিমেঃ কুলম্ ॥ ৩৬ ॥
সমেতঃ পাদৰজসা পুনীহীদং নিমেঃ কুলম্ ॥ ৩৬ ॥
ইত্যুপামন্ত্ৰিতো ৰাজ্ঞা ভগৱাল্ঁ লোকভাৱনঃ ।
উৱাস কুৰ্ৱন্ কল্যাণং মিথিলানৰযোষিতাম্ ॥ ৩৭ ॥
উৱাস কুৰ্ৱন্ কল্যাণং মিথিলানৰযোষিতাম্ ॥ ৩৭ ॥
শ্ৰুতদেৱোঽচ্যুতং প্ৰাপ্তং স্ৱগৃহাঞ্জনকো যথা ।
নত্ৱা মুনীন্ সুসংহৃষ্টো ধুন্ৱন্ ৱাসো ননৰ্ত হ ॥ ৩৮ ॥
নত্ৱা মুনীন্ সুসংহৃষ্টো ধুন্ৱন্ ৱাসো ননৰ্ত হ ॥ ৩৮ ॥
তৃণপীঠবৃষীষ্ৱেতানানীতেষূপৱেশ্য সঃ ।
স্ৱাগতেনাভিনন্দ্যাঙ্ঘ্ৰীন্ সভাৰ্যোঽৱনিজে মুদা ॥ ৩৯ ॥
স্ৱাগতেনাভিনন্দ্যাঙ্ঘ্ৰীন্ সভাৰ্যোঽৱনিজে মুদা ॥ ৩৯ ॥
তদম্ভসা মহাভাগ আত্মানং সগৃহান্ৱযম্ ।
স্নাপযাং চক্ৰ উদ্ধৰ্ষো লব্ধসৰ্ৱমনোৰথঃ ॥ ৪০ ॥
স্নাপযাং চক্ৰ উদ্ধৰ্ষো লব্ধসৰ্ৱমনোৰথঃ ॥ ৪০ ॥
ফলাৰ্হণোশীৰশিৱামৃতাম্বুভি-
ৰ্মৃদা সুৰভ্যা তুলসীকুশাম্বুজৈঃ ।
আৰাধযামাস যথোপপন্নযা
সপৰ্যযা সত্ত্ৱৱিৱৰ্ধনান্ধসা ॥ ৪১ ॥
ৰ্মৃদা সুৰভ্যা তুলসীকুশাম্বুজৈঃ ।
আৰাধযামাস যথোপপন্নযা
সপৰ্যযা সত্ত্ৱৱিৱৰ্ধনান্ধসা ॥ ৪১ ॥
স তৰ্কযামাস কুতো মমান্ৱভূত্
গৃহান্ধকূপে পতিতস্য সঙ্গমঃ ।
যঃ সৰ্ৱতীৰ্থাস্পদপাদৰেণুভিঃ
কৃষ্ণেন চাস্যাত্মনিকেতভূসুৰৈঃ ॥ ৪২ ॥
গৃহান্ধকূপে পতিতস্য সঙ্গমঃ ।
যঃ সৰ্ৱতীৰ্থাস্পদপাদৰেণুভিঃ
কৃষ্ণেন চাস্যাত্মনিকেতভূসুৰৈঃ ॥ ৪২ ॥
সূপৱিষ্টান্ কৃতাতিথ্যান্ শ্ৰুতদেৱ উপস্থিতঃ ।
সভাৰ্যস্ৱজনাপত্য উৱাচাঙ্ঘ্ৰ্যভিমৰ্শনঃ ॥ ৪৩ ॥
সভাৰ্যস্ৱজনাপত্য উৱাচাঙ্ঘ্ৰ্যভিমৰ্শনঃ ॥ ৪৩ ॥
শ্ৰুতদেৱ উৱাচ
নাদ্য নো দৰ্শনং প্ৰাপ্তঃ পৰং পৰমপূৰুষঃ ।
যৰ্হীদং শক্তিভিঃ সৃষ্ট্ৱা প্ৰৱিষ্টো হ্যাত্মসত্তযা ॥ ৪৪ ॥
নাদ্য নো দৰ্শনং প্ৰাপ্তঃ পৰং পৰমপূৰুষঃ ।
যৰ্হীদং শক্তিভিঃ সৃষ্ট্ৱা প্ৰৱিষ্টো হ্যাত্মসত্তযা ॥ ৪৪ ॥
যথা শযানঃ পুৰুষো মনসৈৱাত্মমাযযা ।
সৃষ্ট্ৱা লোকং পৰং স্ৱাপ্নমনুৱিশ্যাৱভাসতে ॥ ৪৫ ॥
সৃষ্ট্ৱা লোকং পৰং স্ৱাপ্নমনুৱিশ্যাৱভাসতে ॥ ৪৫ ॥
শৃণ্ৱতাং গদতাং শশ্ৱদৰ্চতাং ত্ৱাভিৱন্দতাম্ ।
নৃণাং সংৱদতামন্তৰ্হৃদি ভাস্যমলাত্মনাম্ ॥ ৪৬ ॥
নৃণাং সংৱদতামন্তৰ্হৃদি ভাস্যমলাত্মনাম্ ॥ ৪৬ ॥
হৃদিস্থোঽপ্যতিদূৰস্থঃ কৰ্মৱিক্ষিপ্তচেতসাম্ ।
আত্মশক্তিভিৰগ্ৰাহ্যোঽপ্যন্ত্যুপেতগুণাত্মনাম্ ॥ ৪৭ ॥
আত্মশক্তিভিৰগ্ৰাহ্যোঽপ্যন্ত্যুপেতগুণাত্মনাম্ ॥ ৪৭ ॥
নমোঽস্তু তেঽধ্যাত্মৱিদাং পৰাত্মনে
অনাত্মনে স্ৱাত্মৱিভক্তমৃত্যৱে ।
সকাৰণাকাৰণলিঙ্গমীযুষে
স্ৱমাযযাসংৱৃতৰুদ্ধদৃষ্টযে ॥ ৪৮ ॥
অনাত্মনে স্ৱাত্মৱিভক্তমৃত্যৱে ।
সকাৰণাকাৰণলিঙ্গমীযুষে
স্ৱমাযযাসংৱৃতৰুদ্ধদৃষ্টযে ॥ ৪৮ ॥
স ত্ৱং শাধি স্ৱভৃত্যান্ নঃ কিং দেৱ কৰৱাম হে ।
এতদন্তো নৃণাং ক্লেশো যদ্ ভৱানক্ষিগোচৰঃ ॥ ৪৯ ॥
এতদন্তো নৃণাং ক্লেশো যদ্ ভৱানক্ষিগোচৰঃ ॥ ৪৯ ॥
শ্ৰীশুক উৱাচ
তদুক্তমিত্যুপাকৰ্ণ্য ভগৱান্ প্ৰণতাৰ্তিহা ।
গৃহীত্ৱা পাণিনা পাণিং প্ৰহসংস্তমুৱাচ হ ॥ ৫০ ॥
তদুক্তমিত্যুপাকৰ্ণ্য ভগৱান্ প্ৰণতাৰ্তিহা ।
গৃহীত্ৱা পাণিনা পাণিং প্ৰহসংস্তমুৱাচ হ ॥ ৫০ ॥
শ্ৰীভগৱানুৱাচ
ব্ৰহ্মংস্তেঽনুগ্ৰহাৰ্থায সম্প্ৰাপ্তান্ ৱিদ্ধ্যমূন্ মুনীন্ ।
সঞ্চৰন্তি মযা লোকান্ পুনন্তঃ পাদৰেণুভিঃ ॥ ৫১ ॥
ব্ৰহ্মংস্তেঽনুগ্ৰহাৰ্থায সম্প্ৰাপ্তান্ ৱিদ্ধ্যমূন্ মুনীন্ ।
সঞ্চৰন্তি মযা লোকান্ পুনন্তঃ পাদৰেণুভিঃ ॥ ৫১ ॥
দেৱাঃ ক্ষেত্ৰাণি তীৰ্থানি দৰ্শনস্পৰ্শনাৰ্চনৈঃ ।
শনৈঃ পুনন্তি কালেন তদপ্যৰ্হত্তমেক্ষযা ॥ ৫২ ॥
শনৈঃ পুনন্তি কালেন তদপ্যৰ্হত্তমেক্ষযা ॥ ৫২ ॥
ব্ৰাহ্মণো জন্মনা শ্ৰেযান্ সৰ্ৱেষাং প্ৰাণিনামিহ ।
তপসা ৱিদ্যযা তুষ্ট্যা কিমু মত্কলযা যুতঃ ॥ ৫৩ ॥
তপসা ৱিদ্যযা তুষ্ট্যা কিমু মত্কলযা যুতঃ ॥ ৫৩ ॥
ন ব্ৰাহ্মণান্মে দযিতং ৰূপমেতচ্চতুৰ্ভুজম্ ।
সৰ্ৱৱেদমযো ৱিপ্ৰঃ সৰ্ৱদেৱমযো হ্যহম্ ॥ ৫৪ ॥
সৰ্ৱৱেদমযো ৱিপ্ৰঃ সৰ্ৱদেৱমযো হ্যহম্ ॥ ৫৪ ॥
দুষ্প্ৰজ্ঞা অৱিদিত্ৱৈৱমৱজানন্ত্যসূযৱঃ ।
গুৰুং মাং ৱিপ্ৰমাত্মানমৰ্চাদাৱিজ্যদৃষ্টযঃ ॥ ৫৫ ॥
গুৰুং মাং ৱিপ্ৰমাত্মানমৰ্চাদাৱিজ্যদৃষ্টযঃ ॥ ৫৫ ॥
চৰাচৰমিদং ৱিশ্ৱং ভাৱা যে চাস্য হেতৱঃ ।
মদ্ৰূপাণীতি চেতস্যাধত্তে ৱিপ্ৰো মদীক্ষযা ॥ ৫৬ ॥
মদ্ৰূপাণীতি চেতস্যাধত্তে ৱিপ্ৰো মদীক্ষযা ॥ ৫৬ ॥
তস্মাদ্ ব্ৰহ্মঋষীনেতান্ ব্ৰহ্মন্ মচ্ছ্ৰদ্ধযাৰ্চয ।
এৱং চেদৰ্চিতোঽস্ম্যদ্ধা নান্যথা ভূৰিভূতিভিঃ ॥ ৫৭ ॥
এৱং চেদৰ্চিতোঽস্ম্যদ্ধা নান্যথা ভূৰিভূতিভিঃ ॥ ৫৭ ॥
শ্ৰীশুক উৱাচ
স ইত্থং প্ৰভুনাদিষ্টঃ সহকৃষ্ণান্ দ্ৱিজোত্তমান্ ।
আৰাধ্যৈকাত্মভাৱেন মৈথিলশ্চাপ সদ্গতিম্ ॥ ৫৮ ॥
স ইত্থং প্ৰভুনাদিষ্টঃ সহকৃষ্ণান্ দ্ৱিজোত্তমান্ ।
আৰাধ্যৈকাত্মভাৱেন মৈথিলশ্চাপ সদ্গতিম্ ॥ ৫৮ ॥
এৱং স্ৱভক্তযো ৰাজন্ ভগৱান্ ভক্তভক্তিমান্ ।
উষিত্ৱাদিশ্য সন্মাৰ্গং পুনৰ্দ্ৱাৰৱতীমগাত্ ॥ ৫৯ ॥
উষিত্ৱাদিশ্য সন্মাৰ্গং পুনৰ্দ্ৱাৰৱতীমগাত্ ॥ ৫৯ ॥