শ্রীরাজোবাচ
ব্রহ্মন্ বেদিতুমিচ্ছামঃ স্বসারাং রামকৃষ্ণযোঃ ।
যথোপযেমে বিজযো যা মমাসীত্ পিতামহী ॥ ১ ॥
ব্রহ্মন্ বেদিতুমিচ্ছামঃ স্বসারাং রামকৃষ্ণযোঃ ।
যথোপযেমে বিজযো যা মমাসীত্ পিতামহী ॥ ১ ॥
শ্রীশুক উবাচ
অর্জুনস্তীর্থযাত্রাযাং পর্যটন্নবনীং প্রভুঃ ।
গতঃ প্রভাসমশৃণোন্মাতুলেযীং স আত্মনঃ ॥ ২ ॥
অর্জুনস্তীর্থযাত্রাযাং পর্যটন্নবনীং প্রভুঃ ।
গতঃ প্রভাসমশৃণোন্মাতুলেযীং স আত্মনঃ ॥ ২ ॥
দুর্যোধনায রামস্তাং দাস্যতীতি ন চাপরে ।
তল্লিপ্সুঃ স যতির্ভূত্বা ত্রিদণ্ডী দ্বারকামগাত্ ॥ ৩ ॥
তল্লিপ্সুঃ স যতির্ভূত্বা ত্রিদণ্ডী দ্বারকামগাত্ ॥ ৩ ॥
তত্র বৈ বার্ষিতান্ মাসানবাত্সীত্ স্বার্থসাধকঃ ।
পৌরৈঃ সভাজিতোঽভীক্ষ্ণং রামেণাজানতা চ সঃ ॥ ৪ ॥
পৌরৈঃ সভাজিতোঽভীক্ষ্ণং রামেণাজানতা চ সঃ ॥ ৪ ॥
একদা গৃহমানীয আতিথ্যেন নিমন্ত্র্য তম্ ।
শ্রদ্ধযোপহৃতং ভৈক্ষ্যং বলেন বুভুজে কিল ॥ ৫ ॥
শ্রদ্ধযোপহৃতং ভৈক্ষ্যং বলেন বুভুজে কিল ॥ ৫ ॥
সোঽপশ্যত্তত্র মহতীং কন্যাং বীরমনোহরাম্ ।
প্রীত্যুত্ফুল্লেক্ষণস্তস্যাং ভাবক্ষুব্ধং মনো দধে ॥ ৬ ॥
প্রীত্যুত্ফুল্লেক্ষণস্তস্যাং ভাবক্ষুব্ধং মনো দধে ॥ ৬ ॥
সাপি তং চকমে বীক্ষ্য নারীণাং হৃদযংগমম্ ।
হসন্তী ব্রীডিতাপাঙ্গী তন্ন্যস্তহৃদযেক্ষণা ॥ ৭ ॥
হসন্তী ব্রীডিতাপাঙ্গী তন্ন্যস্তহৃদযেক্ষণা ॥ ৭ ॥
তাং পরং সমনুধ্যাযন্নন্তরং প্রেপ্সুরর্জুনঃ ।
ন লেভে শং ভ্রমচ্চিত্তঃ কামেনাতিবলীযসা ॥ ৮ ॥
ন লেভে শং ভ্রমচ্চিত্তঃ কামেনাতিবলীযসা ॥ ৮ ॥
মহত্যাং দেবযাত্রাযাং রথস্থাং দুর্গনির্গতাম্ ।
জহারানুমতঃ পিত্রোঃ কৃষ্ণস্য চ মহারথঃ ॥ ৯ ॥
জহারানুমতঃ পিত্রোঃ কৃষ্ণস্য চ মহারথঃ ॥ ৯ ॥
রথস্থো ধনুরাদায শূরাংশ্চারুন্ধতো ভটান্ ।
বিদ্রাব্য ক্রোশতাং স্বানাং স্বভাগং মৃগরাডিব ॥ ১০ ॥
বিদ্রাব্য ক্রোশতাং স্বানাং স্বভাগং মৃগরাডিব ॥ ১০ ॥
তচ্ছ্রুত্বা ক্ষুভিতো রামঃ পর্বণীব মহার্ণবঃ ।
গৃহীতপাদঃ কৃষ্ণেন সুহৃদ্ভিশ্চানুসান্ত্বিতঃ ॥ ১১ ॥
গৃহীতপাদঃ কৃষ্ণেন সুহৃদ্ভিশ্চানুসান্ত্বিতঃ ॥ ১১ ॥
প্রাহিণোত্ পারিবর্হাণি বরবধ্বোর্মুদা বলঃ ।
মহাধনোপস্করেভরথাশ্বনরযোষিতঃ ॥ ১২ ॥
মহাধনোপস্করেভরথাশ্বনরযোষিতঃ ॥ ১২ ॥
শ্রীশুক উবাচ
কৃষ্ণস্যাসীদ্ দ্বিজশ্রেষ্ঠঃ শ্রুতদেব ইতি শ্রুতঃ ।
কৃষ্ণৈকভক্ত্যা পূর্ণার্থঃ শান্তঃ কবিরলম্পটঃ ॥ ১৩ ॥
কৃষ্ণস্যাসীদ্ দ্বিজশ্রেষ্ঠঃ শ্রুতদেব ইতি শ্রুতঃ ।
কৃষ্ণৈকভক্ত্যা পূর্ণার্থঃ শান্তঃ কবিরলম্পটঃ ॥ ১৩ ॥
স উবাস বিদেহেষু মিথিলাযাং গৃহাশ্রমী ।
অনীহযাগতাহার্যনির্বর্তিতনিজক্রিযঃ ॥ ১৪ ॥
অনীহযাগতাহার্যনির্বর্তিতনিজক্রিযঃ ॥ ১৪ ॥
যাত্রামাত্রং ত্বহরহর্দৈবাদুপনমত্যুত ।
নাধিকং তাবতা তুষ্টঃ ক্রিযা চক্রে যথোচিতাঃ ॥ ১৫ ॥
নাধিকং তাবতা তুষ্টঃ ক্রিযা চক্রে যথোচিতাঃ ॥ ১৫ ॥
তথা তদ্রাষ্ট্রপালোঽঙ্গ বহুলাশ্ব ইতি শ্রুতঃ ।
মৈথিলো নিরহম্মান উভাবপ্যচ্যুতপ্রিযৌ ॥ ১৬ ॥
মৈথিলো নিরহম্মান উভাবপ্যচ্যুতপ্রিযৌ ॥ ১৬ ॥
তযোঃ প্রসন্নো ভগবান্ দারুকেণাহৃতং রথম্ ।
আরুহ্য সাকং মুনিভির্বিদেহান্ প্রযযৌ প্রভুঃ ॥ ১৭ ॥
আরুহ্য সাকং মুনিভির্বিদেহান্ প্রযযৌ প্রভুঃ ॥ ১৭ ॥
নারদো বামদেবোঽত্রিঃ কৃষ্ণো রামোঽসিতোঽরুণিঃ ।
অহং বৃহস্পতিঃ কণ্বো মৈত্রেযশ্চ্যবনাদযঃ ॥ ১৮ ॥
অহং বৃহস্পতিঃ কণ্বো মৈত্রেযশ্চ্যবনাদযঃ ॥ ১৮ ॥
তত্র তত্র তমাযান্তং পৌরা জানপদা নৃপ ।
উপতস্থুঃ সার্ঘ্যহস্তা গ্রহৈঃ সূর্যমিবোদিতম্ ॥ ১৯ ॥
উপতস্থুঃ সার্ঘ্যহস্তা গ্রহৈঃ সূর্যমিবোদিতম্ ॥ ১৯ ॥
আনর্তধন্বকুরুজাঙ্গলকঙ্কমত্স্য-
পাঞ্চালকুন্তিমধুকেকযকোশলার্ণাঃ ।
অন্যে চ তন্মুখসরোজমুদারহাস-
স্নিগ্ধেক্ষণং নৃপ পপুর্দৃশিভির্নৃনার্যঃ ॥ ২০ ॥
পাঞ্চালকুন্তিমধুকেকযকোশলার্ণাঃ ।
অন্যে চ তন্মুখসরোজমুদারহাস-
স্নিগ্ধেক্ষণং নৃপ পপুর্দৃশিভির্নৃনার্যঃ ॥ ২০ ॥
তেভ্যঃ স্ববীক্ষণবিনষ্টতমিস্রদৃগ্ভ্যঃ
ক্ষেমং ত্রিলোকগুরুরর্থদৃশং চ যচ্ছন্ ।
শৃণ্বন্ দিগন্তধবলং স্বযশোঽশুভঘ্নং
গীতং সুরৈর্নৃভিরগাচ্ছনকৈর্বিদেহান্ ॥ ২১ ॥
ক্ষেমং ত্রিলোকগুরুরর্থদৃশং চ যচ্ছন্ ।
শৃণ্বন্ দিগন্তধবলং স্বযশোঽশুভঘ্নং
গীতং সুরৈর্নৃভিরগাচ্ছনকৈর্বিদেহান্ ॥ ২১ ॥
তেঽচ্যুতং প্রাপ্তমাকর্ণ্য পৌরা জানপদা নৃপ ।
অভীযুর্মুদিতাস্তস্মৈ গৃহীতার্হণপাণযঃ ॥ ২২ ॥
অভীযুর্মুদিতাস্তস্মৈ গৃহীতার্হণপাণযঃ ॥ ২২ ॥
দৃষ্ট্বা ত উত্তমঃশ্লোকং প্রীত্যুত্ফুলাননাশযাঃ ।
কৈর্ধৃতাঞ্জলিভির্নেমুঃ শ্রুতপূর্বাংস্তথা মুনীন্ ॥ ২৩ ॥
কৈর্ধৃতাঞ্জলিভির্নেমুঃ শ্রুতপূর্বাংস্তথা মুনীন্ ॥ ২৩ ॥
স্বানুগ্রহায সম্প্রাপ্তং মন্বানৌ তং জগদ্গুরুম্ ।
মৈথিলঃ শ্রুতদেবশ্চ পাদযোঃ পেততুঃ প্রভোঃ ॥ ২৪ ॥
মৈথিলঃ শ্রুতদেবশ্চ পাদযোঃ পেততুঃ প্রভোঃ ॥ ২৪ ॥
ন্যমন্ত্রযেতাং দাশার্হমাতিথ্যেন সহ দ্বিজৈঃ ।
মৈথিলঃ শ্রুতদেবশ্চ যুগপত্ সংহতাঞ্জলী ॥ ২৫ ॥
মৈথিলঃ শ্রুতদেবশ্চ যুগপত্ সংহতাঞ্জলী ॥ ২৫ ॥
ভগবাংস্তদভিপ্রেত্য দ্বযোঃ প্রিযচিকীর্ষযা ।
উভযোরাবিশদ্ গেহমুভাভ্যাং তদলক্ষিতঃ ॥ ২৬ ॥
উভযোরাবিশদ্ গেহমুভাভ্যাং তদলক্ষিতঃ ॥ ২৬ ॥
শ্রান্তানপ্যথ তান্ দূরাজ্জনকঃ স্বগৃহাগতান্ ।
আনীতেষ্বাসনাগ্র্যেষু সুখাসীনান্ মহামনাঃ ॥ ২৭ ॥
আনীতেষ্বাসনাগ্র্যেষু সুখাসীনান্ মহামনাঃ ॥ ২৭ ॥
প্রবৃদ্ধভক্ত্যা উদ্ধর্ষহৃদযাস্রাবিলেক্ষণঃ ।
নত্বা তদঙ্ঘ্রীন্ প্রক্ষাল্য তদপো লোকপাবনীঃ ॥ ২৮ ॥
নত্বা তদঙ্ঘ্রীন্ প্রক্ষাল্য তদপো লোকপাবনীঃ ॥ ২৮ ॥
সকুটুম্বো বহন্ মূর্ধ্না পূজযাং চক্র ঈশ্বরান্ ।
গন্ধমাল্যাম্বরাকল্পধূপদীপার্ঘ্যগোবৃষৈঃ ॥ ২৯ ॥
গন্ধমাল্যাম্বরাকল্পধূপদীপার্ঘ্যগোবৃষৈঃ ॥ ২৯ ॥
বাচা মধুরযা প্রীণন্নিদমাহান্নতর্পিতান্ ।
পাদাবঙ্কগতৌ বিষ্ণোঃ সংস্পৃশঞ্ছনকৈর্মুদা ॥ ৩০ ॥
পাদাবঙ্কগতৌ বিষ্ণোঃ সংস্পৃশঞ্ছনকৈর্মুদা ॥ ৩০ ॥
শ্রীবহুলাশ্ব উবাচ
ভবান্ হি সর্বভূতানামাত্মা সাক্ষী স্বদৃগ্ বিভো ।
অথ নস্ত্বত্পদাম্ভোজং স্মরতাং দর্শনং গতঃ ॥ ৩১ ॥
ভবান্ হি সর্বভূতানামাত্মা সাক্ষী স্বদৃগ্ বিভো ।
অথ নস্ত্বত্পদাম্ভোজং স্মরতাং দর্শনং গতঃ ॥ ৩১ ॥
স্ববচস্তদৃতং কর্তুমস্মদ্দৃগ্গোচরো ভবান্ ।
যদাত্থৈকান্তভক্তান্ মে নানন্তঃ শ্রীরজঃ প্রিযঃ ॥ ৩২ ॥
যদাত্থৈকান্তভক্তান্ মে নানন্তঃ শ্রীরজঃ প্রিযঃ ॥ ৩২ ॥
কো নু ত্বচ্চরণাম্ভোজমেবংবিদ্ বিসৃজেত্ পুমান্ ।
নিষ্কিঞ্চনানাং শান্তানাং মুনীনাং যস্ত্বমাত্মদঃ ॥ ৩৩ ॥
নিষ্কিঞ্চনানাং শান্তানাং মুনীনাং যস্ত্বমাত্মদঃ ॥ ৩৩ ॥
যোঽবতীর্য যদোর্বংশে নৃণাং সংসরতামিহ ।
যশো বিতেনে তচ্ছান্ত্যৈ ত্রৈলোক্যবৃজিনাপহম্ ॥ ৩৪ ॥
যশো বিতেনে তচ্ছান্ত্যৈ ত্রৈলোক্যবৃজিনাপহম্ ॥ ৩৪ ॥
নমস্তুভ্যং ভগবতে কৃষ্ণাযাকুণ্ঠমেধসে ।
নারাযণায ঋষযে সুশান্তং তপ ঈযুষে ॥ ৩৫ ॥
নারাযণায ঋষযে সুশান্তং তপ ঈযুষে ॥ ৩৫ ॥
দিনানি কতিচিদ্ ভূমন্ গৃহান্ নো নিবস দ্বিজৈঃ ।
সমেতঃ পাদরজসা পুনীহীদং নিমেঃ কুলম্ ॥ ৩৬ ॥
সমেতঃ পাদরজসা পুনীহীদং নিমেঃ কুলম্ ॥ ৩৬ ॥
ইত্যুপামন্ত্রিতো রাজ্ঞা ভগবাল্ঁ লোকভাবনঃ ।
উবাস কুর্বন্ কল্যাণং মিথিলানরযোষিতাম্ ॥ ৩৭ ॥
উবাস কুর্বন্ কল্যাণং মিথিলানরযোষিতাম্ ॥ ৩৭ ॥
শ্রুতদেবোঽচ্যুতং প্রাপ্তং স্বগৃহাঞ্জনকো যথা ।
নত্বা মুনীন্ সুসংহৃষ্টো ধুন্বন্ বাসো ননর্ত হ ॥ ৩৮ ॥
নত্বা মুনীন্ সুসংহৃষ্টো ধুন্বন্ বাসো ননর্ত হ ॥ ৩৮ ॥
তৃণপীঠবৃষীষ্বেতানানীতেষূপবেশ্য সঃ ।
স্বাগতেনাভিনন্দ্যাঙ্ঘ্রীন্ সভার্যোঽবনিজে মুদা ॥ ৩৯ ॥
স্বাগতেনাভিনন্দ্যাঙ্ঘ্রীন্ সভার্যোঽবনিজে মুদা ॥ ৩৯ ॥
তদম্ভসা মহাভাগ আত্মানং সগৃহান্বযম্ ।
স্নাপযাং চক্র উদ্ধর্ষো লব্ধসর্বমনোরথঃ ॥ ৪০ ॥
স্নাপযাং চক্র উদ্ধর্ষো লব্ধসর্বমনোরথঃ ॥ ৪০ ॥
ফলার্হণোশীরশিবামৃতাম্বুভি-
র্মৃদা সুরভ্যা তুলসীকুশাম্বুজৈঃ ।
আরাধযামাস যথোপপন্নযা
সপর্যযা সত্ত্ববিবর্ধনান্ধসা ॥ ৪১ ॥
র্মৃদা সুরভ্যা তুলসীকুশাম্বুজৈঃ ।
আরাধযামাস যথোপপন্নযা
সপর্যযা সত্ত্ববিবর্ধনান্ধসা ॥ ৪১ ॥
স তর্কযামাস কুতো মমান্বভূত্
গৃহান্ধকূপে পতিতস্য সঙ্গমঃ ।
যঃ সর্বতীর্থাস্পদপাদরেণুভিঃ
কৃষ্ণেন চাস্যাত্মনিকেতভূসুরৈঃ ॥ ৪২ ॥
গৃহান্ধকূপে পতিতস্য সঙ্গমঃ ।
যঃ সর্বতীর্থাস্পদপাদরেণুভিঃ
কৃষ্ণেন চাস্যাত্মনিকেতভূসুরৈঃ ॥ ৪২ ॥
সূপবিষ্টান্ কৃতাতিথ্যান্ শ্রুতদেব উপস্থিতঃ ।
সভার্যস্বজনাপত্য উবাচাঙ্ঘ্র্যভিমর্শনঃ ॥ ৪৩ ॥
সভার্যস্বজনাপত্য উবাচাঙ্ঘ্র্যভিমর্শনঃ ॥ ৪৩ ॥
শ্রুতদেব উবাচ
নাদ্য নো দর্শনং প্রাপ্তঃ পরং পরমপূরুষঃ ।
যর্হীদং শক্তিভিঃ সৃষ্ট্বা প্রবিষ্টো হ্যাত্মসত্তযা ॥ ৪৪ ॥
নাদ্য নো দর্শনং প্রাপ্তঃ পরং পরমপূরুষঃ ।
যর্হীদং শক্তিভিঃ সৃষ্ট্বা প্রবিষ্টো হ্যাত্মসত্তযা ॥ ৪৪ ॥
যথা শযানঃ পুরুষো মনসৈবাত্মমাযযা ।
সৃষ্ট্বা লোকং পরং স্বাপ্নমনুবিশ্যাবভাসতে ॥ ৪৫ ॥
সৃষ্ট্বা লোকং পরং স্বাপ্নমনুবিশ্যাবভাসতে ॥ ৪৫ ॥
শৃণ্বতাং গদতাং শশ্বদর্চতাং ত্বাভিবন্দতাম্ ।
নৃণাং সংবদতামন্তর্হৃদি ভাস্যমলাত্মনাম্ ॥ ৪৬ ॥
নৃণাং সংবদতামন্তর্হৃদি ভাস্যমলাত্মনাম্ ॥ ৪৬ ॥
হৃদিস্থোঽপ্যতিদূরস্থঃ কর্মবিক্ষিপ্তচেতসাম্ ।
আত্মশক্তিভিরগ্রাহ্যোঽপ্যন্ত্যুপেতগুণাত্মনাম্ ॥ ৪৭ ॥
আত্মশক্তিভিরগ্রাহ্যোঽপ্যন্ত্যুপেতগুণাত্মনাম্ ॥ ৪৭ ॥
নমোঽস্তু তেঽধ্যাত্মবিদাং পরাত্মনে
অনাত্মনে স্বাত্মবিভক্তমৃত্যবে ।
সকারণাকারণলিঙ্গমীযুষে
স্বমাযযাসংবৃতরুদ্ধদৃষ্টযে ॥ ৪৮ ॥
অনাত্মনে স্বাত্মবিভক্তমৃত্যবে ।
সকারণাকারণলিঙ্গমীযুষে
স্বমাযযাসংবৃতরুদ্ধদৃষ্টযে ॥ ৪৮ ॥
স ত্বং শাধি স্বভৃত্যান্ নঃ কিং দেব করবাম হে ।
এতদন্তো নৃণাং ক্লেশো যদ্ ভবানক্ষিগোচরঃ ॥ ৪৯ ॥
এতদন্তো নৃণাং ক্লেশো যদ্ ভবানক্ষিগোচরঃ ॥ ৪৯ ॥
শ্রীশুক উবাচ
তদুক্তমিত্যুপাকর্ণ্য ভগবান্ প্রণতার্তিহা ।
গৃহীত্বা পাণিনা পাণিং প্রহসংস্তমুবাচ হ ॥ ৫০ ॥
তদুক্তমিত্যুপাকর্ণ্য ভগবান্ প্রণতার্তিহা ।
গৃহীত্বা পাণিনা পাণিং প্রহসংস্তমুবাচ হ ॥ ৫০ ॥
শ্রীভগবানুবাচ
ব্রহ্মংস্তেঽনুগ্রহার্থায সম্প্রাপ্তান্ বিদ্ধ্যমূন্ মুনীন্ ।
সঞ্চরন্তি মযা লোকান্ পুনন্তঃ পাদরেণুভিঃ ॥ ৫১ ॥
ব্রহ্মংস্তেঽনুগ্রহার্থায সম্প্রাপ্তান্ বিদ্ধ্যমূন্ মুনীন্ ।
সঞ্চরন্তি মযা লোকান্ পুনন্তঃ পাদরেণুভিঃ ॥ ৫১ ॥
দেবাঃ ক্ষেত্রাণি তীর্থানি দর্শনস্পর্শনার্চনৈঃ ।
শনৈঃ পুনন্তি কালেন তদপ্যর্হত্তমেক্ষযা ॥ ৫২ ॥
শনৈঃ পুনন্তি কালেন তদপ্যর্হত্তমেক্ষযা ॥ ৫২ ॥
ব্রাহ্মণো জন্মনা শ্রেযান্ সর্বেষাং প্রাণিনামিহ ।
তপসা বিদ্যযা তুষ্ট্যা কিমু মত্কলযা যুতঃ ॥ ৫৩ ॥
তপসা বিদ্যযা তুষ্ট্যা কিমু মত্কলযা যুতঃ ॥ ৫৩ ॥
ন ব্রাহ্মণান্মে দযিতং রূপমেতচ্চতুর্ভুজম্ ।
সর্ববেদমযো বিপ্রঃ সর্বদেবমযো হ্যহম্ ॥ ৫৪ ॥
সর্ববেদমযো বিপ্রঃ সর্বদেবমযো হ্যহম্ ॥ ৫৪ ॥
দুষ্প্রজ্ঞা অবিদিত্বৈবমবজানন্ত্যসূযবঃ ।
গুরুং মাং বিপ্রমাত্মানমর্চাদাবিজ্যদৃষ্টযঃ ॥ ৫৫ ॥
গুরুং মাং বিপ্রমাত্মানমর্চাদাবিজ্যদৃষ্টযঃ ॥ ৫৫ ॥
চরাচরমিদং বিশ্বং ভাবা যে চাস্য হেতবঃ ।
মদ্রূপাণীতি চেতস্যাধত্তে বিপ্রো মদীক্ষযা ॥ ৫৬ ॥
মদ্রূপাণীতি চেতস্যাধত্তে বিপ্রো মদীক্ষযা ॥ ৫৬ ॥
তস্মাদ্ ব্রহ্মঋষীনেতান্ ব্রহ্মন্ মচ্ছ্রদ্ধযার্চয ।
এবং চেদর্চিতোঽস্ম্যদ্ধা নান্যথা ভূরিভূতিভিঃ ॥ ৫৭ ॥
এবং চেদর্চিতোঽস্ম্যদ্ধা নান্যথা ভূরিভূতিভিঃ ॥ ৫৭ ॥
শ্রীশুক উবাচ
স ইত্থং প্রভুনাদিষ্টঃ সহকৃষ্ণান্ দ্বিজোত্তমান্ ।
আরাধ্যৈকাত্মভাবেন মৈথিলশ্চাপ সদ্গতিম্ ॥ ৫৮ ॥
স ইত্থং প্রভুনাদিষ্টঃ সহকৃষ্ণান্ দ্বিজোত্তমান্ ।
আরাধ্যৈকাত্মভাবেন মৈথিলশ্চাপ সদ্গতিম্ ॥ ৫৮ ॥
এবং স্বভক্তযো রাজন্ ভগবান্ ভক্তভক্তিমান্ ।
উষিত্বাদিশ্য সন্মার্গং পুনর্দ্বারবতীমগাত্ ॥ ৫৯ ॥
উষিত্বাদিশ্য সন্মার্গং পুনর্দ্বারবতীমগাত্ ॥ ৫৯ ॥