শ্ৰীশুক উৱাচ
সৰস্ৱত্যাস্তটে ৰাজন্নৃষযঃ সত্ৰমাসত ।
ৱিতৰ্কঃ সমভূত্তেষাং ত্ৰিষ্ৱধীশেষু কো মহান্ ॥ ১ ॥
সৰস্ৱত্যাস্তটে ৰাজন্নৃষযঃ সত্ৰমাসত ।
ৱিতৰ্কঃ সমভূত্তেষাং ত্ৰিষ্ৱধীশেষু কো মহান্ ॥ ১ ॥
তস্য জিজ্ঞাসযা তে ৱৈ ভৃগুং ব্ৰহ্মসুতং নৃপ ।
তজ্জ্ঞপ্ত্যৈ প্ৰেষযামাসুঃ সোঽভ্যগাদ্ ব্ৰহ্মণঃ সভাম্ ॥ ২ ॥
তজ্জ্ঞপ্ত্যৈ প্ৰেষযামাসুঃ সোঽভ্যগাদ্ ব্ৰহ্মণঃ সভাম্ ॥ ২ ॥
ন তস্মৈ প্ৰহ্ৱণং স্তোত্ৰং চক্ৰে সত্ত্ৱপৰীক্ষযা ।
তস্মৈ চুক্ৰোধ ভগৱান্ প্ৰজ্ৱলন্ স্ৱেন তেজসা ॥ ৩ ॥
তস্মৈ চুক্ৰোধ ভগৱান্ প্ৰজ্ৱলন্ স্ৱেন তেজসা ॥ ৩ ॥
স আত্মন্যুত্থিতং মন্যুমাত্মজাযাত্মনা প্ৰভুঃ ।
অশীশমদ্ যথা ৱহ্নিং স্ৱযোন্যা ৱাৰিণাত্মভূঃ ॥ ৪ ॥
অশীশমদ্ যথা ৱহ্নিং স্ৱযোন্যা ৱাৰিণাত্মভূঃ ॥ ৪ ॥
ততঃ কৈলাসমগমত্ স তং দেৱো মহেশ্ৱৰঃ ।
পৰিৰব্ধুং সমাৰেভ উত্থায ভ্ৰাতৰং মুদা ॥ ৫ ॥
পৰিৰব্ধুং সমাৰেভ উত্থায ভ্ৰাতৰং মুদা ॥ ৫ ॥
নৈচ্ছত্ত্ৱমস্যুত্পথগ ইতি দেৱশ্চুকোপ হ ।
শূলমুদ্যম্য তং হন্তুমাৰেভে তিগ্মলোচনঃ ॥ ৬ ॥
শূলমুদ্যম্য তং হন্তুমাৰেভে তিগ্মলোচনঃ ॥ ৬ ॥
পতিত্ৱা পাদযোৰ্দেৱী সান্ত্ৱযামাস তং গিৰা ।
অথো জগাম ৱৈকুণ্ঠং যত্ৰ দেৱো জনাৰ্দনঃ ॥ ৭ ॥
অথো জগাম ৱৈকুণ্ঠং যত্ৰ দেৱো জনাৰ্দনঃ ॥ ৭ ॥
শযানং শ্ৰিয উত্সঙ্গে পদা ৱক্ষস্যতাডযত্ ।
তত উত্থায ভগৱান্ সহ লক্ষ্ম্যা সতাং গতিঃ ॥ ৮ ॥
তত উত্থায ভগৱান্ সহ লক্ষ্ম্যা সতাং গতিঃ ॥ ৮ ॥
স্ৱতল্পাদৱৰুহ্যাথ ননাম শিৰসা মুনিম্ ।
আহ তে স্ৱাগতং ব্ৰহ্মন্ নিষীদাত্ৰাসনে ক্ষণম্ ।
অজানতামাগতান্ ৱঃ ক্ষন্তুমৰ্হথ নঃ প্ৰভো ॥ ৯ ॥
আহ তে স্ৱাগতং ব্ৰহ্মন্ নিষীদাত্ৰাসনে ক্ষণম্ ।
অজানতামাগতান্ ৱঃ ক্ষন্তুমৰ্হথ নঃ প্ৰভো ॥ ৯ ॥
পুনীহি সহলোকং মাং লোকপালাংশ্চ মদ্গতান্ ।
পাদোদকেন ভৱতস্তীৰ্থানাং তীৰ্থকাৰিণা ॥ ১০ ॥
পাদোদকেন ভৱতস্তীৰ্থানাং তীৰ্থকাৰিণা ॥ ১০ ॥
অদ্যাহং ভগৱঁল্লক্ষ্ম্যা আসমেকান্তভাজনম্ ।
ৱত্স্যত্যুৰসি মে ভূতিৰ্ভৱত্পাদহতাংহসঃ ॥ ১১ ॥
ৱত্স্যত্যুৰসি মে ভূতিৰ্ভৱত্পাদহতাংহসঃ ॥ ১১ ॥
শ্ৰীশুক উৱাচ
এৱং ব্ৰুৱাণে ৱৈকুণ্ঠে ভৃগুস্তন্মন্দ্ৰযা গিৰা ।
নিৰ্ৱৃতস্তৰ্পিতস্তূষ্ণীং ভক্ত্যুত্কণ্ঠোঽশ্ৰুলোচনঃ ॥ ১২ ॥
এৱং ব্ৰুৱাণে ৱৈকুণ্ঠে ভৃগুস্তন্মন্দ্ৰযা গিৰা ।
নিৰ্ৱৃতস্তৰ্পিতস্তূষ্ণীং ভক্ত্যুত্কণ্ঠোঽশ্ৰুলোচনঃ ॥ ১২ ॥
পুনশ্চ সত্ৰমাৱ্ৰজ্য মুনীনাং ব্ৰহ্মৱাদিনাম্ ।
স্ৱানুভূতমশেষেণ ৰাজন্ ভৃগুৰৱৰ্ণযত্ ॥ ১৩ ॥
স্ৱানুভূতমশেষেণ ৰাজন্ ভৃগুৰৱৰ্ণযত্ ॥ ১৩ ॥
তন্নিশম্যাথ মুনযো ৱিস্মিতা মুক্তসংশযাঃ ।
ভূযাংসং শ্ৰদ্দধুৰ্ৱিষ্ণুং যতঃ শান্তিৰ্যতোঽভযম্ ॥ ১৪ ॥
ভূযাংসং শ্ৰদ্দধুৰ্ৱিষ্ণুং যতঃ শান্তিৰ্যতোঽভযম্ ॥ ১৪ ॥
ধৰ্মঃ সাক্ষাদ্ যতো জ্ঞানং ৱৈৰাগ্যং চ তদন্ৱিতম্ ।
ঐশ্ৱৰ্যং চাষ্টধা যস্মাদ্ যশশ্চাত্মমলাপহম্ ॥ ১৫ ॥
ঐশ্ৱৰ্যং চাষ্টধা যস্মাদ্ যশশ্চাত্মমলাপহম্ ॥ ১৫ ॥
মুনীনাং ন্যস্তদণ্ডানাং শান্তানাং সমচেতসাম্ ।
অকিঞ্চনানাং সাধূনাং যমাহুঃ পৰমাং গতিম্ ॥ ১৬ ॥
অকিঞ্চনানাং সাধূনাং যমাহুঃ পৰমাং গতিম্ ॥ ১৬ ॥
সত্ত্ৱং যস্য প্ৰিযা মূৰ্তিৰ্ব্ৰাহ্মণাস্ত্ৱিষ্টদেৱতাঃ ।
ভজন্ত্যনাশিষঃ শান্তা যং ৱা নিপুণবুদ্ধযঃ ॥ ১৭ ॥
ভজন্ত্যনাশিষঃ শান্তা যং ৱা নিপুণবুদ্ধযঃ ॥ ১৭ ॥
ত্ৰিৱিধাকৃতযস্তস্য ৰাক্ষসা অসুৰাঃ সুৰাঃ ।
গুণিন্যা মাযযা সৃষ্টাঃ সত্ত্ৱং তত্তীৰ্থসাধনম্ ॥ ১৮ ॥
গুণিন্যা মাযযা সৃষ্টাঃ সত্ত্ৱং তত্তীৰ্থসাধনম্ ॥ ১৮ ॥
শ্ৰীশুক উৱাচ
ইত্থং সাৰস্ৱতা ৱিপ্ৰা নৃণাং সংশযনুত্তযে ।
পুৰুষস্য পদাম্ভোজসেৱযা তদ্গতিং গতাঃ ॥ ১৯ ॥
ইত্থং সাৰস্ৱতা ৱিপ্ৰা নৃণাং সংশযনুত্তযে ।
পুৰুষস্য পদাম্ভোজসেৱযা তদ্গতিং গতাঃ ॥ ১৯ ॥
শ্ৰীসূত উৱাচ
ইত্যেতন্মুনিতনযাস্যপদ্মগন্ধ-
পীযূষং ভৱভযভিত্ পৰস্য পুংসঃ ।
সুশ্লোকং শ্ৰৱণপুটৈঃ পিবত্যভীক্ষ্ণং
পান্থোঽধ্ৱভ্ৰমণপৰিশ্ৰমং জহাতি ॥ ২০ ॥
ইত্যেতন্মুনিতনযাস্যপদ্মগন্ধ-
পীযূষং ভৱভযভিত্ পৰস্য পুংসঃ ।
সুশ্লোকং শ্ৰৱণপুটৈঃ পিবত্যভীক্ষ্ণং
পান্থোঽধ্ৱভ্ৰমণপৰিশ্ৰমং জহাতি ॥ ২০ ॥
শ্ৰীশুক উৱাচ
একদা দ্ৱাৰৱত্যাং তু ৱিপ্ৰপত্ন্যাঃ কুমাৰকঃ ।
জাতমাত্ৰো ভুৱং স্পৃষ্ট্ৱা মমাৰ কিল ভাৰত ॥ ২১ ॥
একদা দ্ৱাৰৱত্যাং তু ৱিপ্ৰপত্ন্যাঃ কুমাৰকঃ ।
জাতমাত্ৰো ভুৱং স্পৃষ্ট্ৱা মমাৰ কিল ভাৰত ॥ ২১ ॥
ৱিপ্ৰো গৃহীত্ৱা মৃতকং ৰাজদ্ৱাৰ্যুপধায সঃ ।
ইদং প্ৰোৱাচ ৱিলপন্নাতুৰো দীনমানসঃ ॥ ২২ ॥
ইদং প্ৰোৱাচ ৱিলপন্নাতুৰো দীনমানসঃ ॥ ২২ ॥
ব্ৰহ্মদ্ৱিষঃ শঠধিযো লুব্ধস্য ৱিষযাত্মনঃ ।
ক্ষত্ৰবন্ধোঃ কৰ্মদোষাত্ পঞ্চত্ৱং মে গতোঽৰ্ভকঃ ॥ ২৩ ॥
ক্ষত্ৰবন্ধোঃ কৰ্মদোষাত্ পঞ্চত্ৱং মে গতোঽৰ্ভকঃ ॥ ২৩ ॥
হিংসাৱিহাৰং নৃপতিং দুঃশীলমজিতেন্দ্ৰিযম্ ।
প্ৰজা ভজন্ত্যঃ সীদন্তি দৰিদ্ৰা নিত্যদুঃখিতাঃ ॥ ২৪ ॥
প্ৰজা ভজন্ত্যঃ সীদন্তি দৰিদ্ৰা নিত্যদুঃখিতাঃ ॥ ২৪ ॥
এৱং দ্ৱিতীযং ৱিপ্ৰৰ্ষিস্তৃতীযং ত্ৱেৱমেৱ চ ।
ৱিসৃজ্য স নৃপদ্ৱাৰি তাং গাথাং সমগাযত ॥ ২৫ ॥
ৱিসৃজ্য স নৃপদ্ৱাৰি তাং গাথাং সমগাযত ॥ ২৫ ॥
তামৰ্জুন উপশ্ৰুত্য কৰ্হিচিত্ কেশৱান্তিকে ।
পৰেতে নৱমে বালে ব্ৰাহ্মণং সমভাষত ॥ ২৬ ॥
পৰেতে নৱমে বালে ব্ৰাহ্মণং সমভাষত ॥ ২৬ ॥
কিংস্ৱিদ্ ব্ৰহ্মংস্ত্ৱন্নিৱাসে ইহ নাস্তি ধনুৰ্ধৰঃ ।
ৰাজন্যবন্ধুৰেতে ৱৈ ব্ৰাহ্মণাঃ সত্ৰমাসতে ॥ ২৭ ॥
ৰাজন্যবন্ধুৰেতে ৱৈ ব্ৰাহ্মণাঃ সত্ৰমাসতে ॥ ২৭ ॥
ধনদাৰাত্মজাপৃক্তা যত্ৰ শোচন্তি ব্ৰাহ্মণাঃ ।
তে ৱৈ ৰাজন্যৱেষেণ নটা জীৱন্ত্যসুম্ভৰাঃ ॥ ২৮ ॥
তে ৱৈ ৰাজন্যৱেষেণ নটা জীৱন্ত্যসুম্ভৰাঃ ॥ ২৮ ॥
অহং প্ৰজাঃ ৱাং ভগৱন্ ৰক্ষিষ্যে দীনযোৰিহ ।
অনিস্তীৰ্ণপ্ৰতিজ্ঞোঽগ্নিং প্ৰৱেক্ষ্যে হতকল্মষঃ ॥ ২৯ ॥
অনিস্তীৰ্ণপ্ৰতিজ্ঞোঽগ্নিং প্ৰৱেক্ষ্যে হতকল্মষঃ ॥ ২৯ ॥
শ্ৰীব্ৰাহ্মণ উৱাচ
সঙ্কৰ্ষণো ৱাসুদেৱঃ প্ৰদ্যুম্নো ধন্ৱিনাং ৱৰঃ ।
অনিৰুদ্ধোঽপ্ৰতিৰথো ন ত্ৰাতুং শক্নুৱন্তি যত্ ॥ ৩০ ॥
সঙ্কৰ্ষণো ৱাসুদেৱঃ প্ৰদ্যুম্নো ধন্ৱিনাং ৱৰঃ ।
অনিৰুদ্ধোঽপ্ৰতিৰথো ন ত্ৰাতুং শক্নুৱন্তি যত্ ॥ ৩০ ॥
তত্ কথং নু ভৱান্ কৰ্ম দুষ্কৰং জগদীশ্ৱৰৈঃ ।
ত্ৱং চিকীৰ্ষসি বালিশ্যাত্ তন্ন শ্ৰদ্দধ্মহে ৱযম্ ॥ ৩১ ॥
ত্ৱং চিকীৰ্ষসি বালিশ্যাত্ তন্ন শ্ৰদ্দধ্মহে ৱযম্ ॥ ৩১ ॥
শ্ৰীঅৰ্জুন উৱাচ
নাহং সঙ্কৰ্ষণো ব্ৰহ্মন্ ন কৃষ্ণঃ কাৰ্ষ্ণিৰেৱ চ ।
অহং ৱা অৰ্জুনো নাম গাণ্ডীৱং যস্য ৱৈ ধনুঃ ॥ ৩২ ॥
নাহং সঙ্কৰ্ষণো ব্ৰহ্মন্ ন কৃষ্ণঃ কাৰ্ষ্ণিৰেৱ চ ।
অহং ৱা অৰ্জুনো নাম গাণ্ডীৱং যস্য ৱৈ ধনুঃ ॥ ৩২ ॥
মাৱমংস্থা মম ব্ৰহ্মন্ ৱীৰ্যং ত্ৰ্যম্বকতোষণম্ ।
মৃত্যুং ৱিজিত্য প্ৰধনে আনেষ্যে তে প্ৰজাঃ প্ৰভো ॥ ৩৩ ॥
মৃত্যুং ৱিজিত্য প্ৰধনে আনেষ্যে তে প্ৰজাঃ প্ৰভো ॥ ৩৩ ॥
এৱং ৱিশ্ৰম্ভিতো ৱিপ্ৰঃ ফাল্গুনেন পৰন্তপ ।
জগাম স্ৱগৃহং প্ৰীতঃ পাৰ্থৱীৰ্যং নিশামযন্ ॥ ৩৪ ॥
জগাম স্ৱগৃহং প্ৰীতঃ পাৰ্থৱীৰ্যং নিশামযন্ ॥ ৩৪ ॥
প্ৰসূতিকাল আসন্নে ভাৰ্যাযা দ্ৱিজসত্তমঃ ।
পাহি পাহি প্ৰজাং মৃত্যোৰিত্যাহাৰ্জুনমাতুৰঃ ॥ ৩৫ ॥
পাহি পাহি প্ৰজাং মৃত্যোৰিত্যাহাৰ্জুনমাতুৰঃ ॥ ৩৫ ॥
স উপস্পৃশ্য শুচ্যম্ভো নমস্কৃত্য মহেশ্ৱৰম্ ।
দিৱ্যান্যস্ত্ৰাণি সংস্মৃত্য সজ্যং গাণ্ডীৱমাদদে ॥ ৩৬ ॥
দিৱ্যান্যস্ত্ৰাণি সংস্মৃত্য সজ্যং গাণ্ডীৱমাদদে ॥ ৩৬ ॥
ন্যৰুণত্ সূতিকাগাৰং শৰৈৰ্নানাস্ত্ৰযোজিতৈঃ ।
তিৰ্যগূৰ্ধ্ৱমধঃ পাৰ্থশ্চকাৰ শৰপঞ্জৰম্ ॥ ৩৭ ॥
তিৰ্যগূৰ্ধ্ৱমধঃ পাৰ্থশ্চকাৰ শৰপঞ্জৰম্ ॥ ৩৭ ॥
ততঃ কুমাৰঃ সঞ্জাতো ৱিপ্ৰপত্ন্যা ৰুদন্মুহুঃ ।
সদ্যোঽদৰ্শনমাপেদে সশৰীৰো ৱিহাযসা ॥ ৩৮ ॥
সদ্যোঽদৰ্শনমাপেদে সশৰীৰো ৱিহাযসা ॥ ৩৮ ॥
তদাহ ৱিপ্ৰো ৱিজযং ৱিনিন্দন্ কৃষ্ণসন্নিধৌ ।
মৌঢ্যং পশ্যত মে যোঽহং শ্ৰদ্দধে ক্লীবকত্থনম্ ॥ ৩৯ ॥
মৌঢ্যং পশ্যত মে যোঽহং শ্ৰদ্দধে ক্লীবকত্থনম্ ॥ ৩৯ ॥
ন প্ৰদ্যুম্নো নানিৰুদ্ধো ন ৰামো ন চ কেশৱঃ ।
যস্য শেকুঃ পৰিত্ৰাতুং কোঽন্যস্তদৱিতেশ্ৱৰঃ ॥ ৪০ ॥
যস্য শেকুঃ পৰিত্ৰাতুং কোঽন্যস্তদৱিতেশ্ৱৰঃ ॥ ৪০ ॥
ধিগৰ্জুনং মৃষাৱাদং ধিগাত্মশ্লাঘিনো ধনুঃ ।
দৈৱোপসৃষ্টং যো মৌঢ্যাদানিনীষতি দুৰ্মতিঃ ॥ ৪১ ॥
দৈৱোপসৃষ্টং যো মৌঢ্যাদানিনীষতি দুৰ্মতিঃ ॥ ৪১ ॥
এৱং শপতি ৱিপ্ৰৰ্ষৌ ৱিদ্যামাস্থায ফাল্গুনঃ ।
যযৌ সংযমনীমাশু যত্ৰাস্তে ভগৱান্ যমঃ ॥ ৪২ ॥
যযৌ সংযমনীমাশু যত্ৰাস্তে ভগৱান্ যমঃ ॥ ৪২ ॥
ৱিপ্ৰাপত্যমচক্ষাণস্তত ঐন্দ্ৰীমগাত্ পুৰীম্ ।
আগ্নেযীং নৈঋৰ্তীং সৌম্যাং ৱাযৱ্যাং ৱাৰুণীমথ ।
ৰসাতলং নাকপৃষ্ঠং ধিষ্ণ্যান্যন্যান্যুদাযুধঃ ॥ ৪৩ ॥
আগ্নেযীং নৈঋৰ্তীং সৌম্যাং ৱাযৱ্যাং ৱাৰুণীমথ ।
ৰসাতলং নাকপৃষ্ঠং ধিষ্ণ্যান্যন্যান্যুদাযুধঃ ॥ ৪৩ ॥
ততোঽলব্ধদ্ৱিজসুতো হ্যনিস্তীৰ্ণপ্ৰতিশ্ৰুতঃ ।
অগ্নিং ৱিৱিক্ষুঃ কৃষ্ণেন প্ৰত্যুক্তঃ প্ৰতিষেধতা ॥ ৪৪ ॥
অগ্নিং ৱিৱিক্ষুঃ কৃষ্ণেন প্ৰত্যুক্তঃ প্ৰতিষেধতা ॥ ৪৪ ॥
দৰ্শযে দ্ৱিজসূনূংস্তে মাৱজ্ঞাত্মানমাত্মনা ।
যে তে নঃ কীৰ্তিং ৱিমলাং মনুষ্যাঃ স্থাপযিষ্যন্তি ॥ ৪৫ ॥
যে তে নঃ কীৰ্তিং ৱিমলাং মনুষ্যাঃ স্থাপযিষ্যন্তি ॥ ৪৫ ॥
ইতি সম্ভাষ্য ভগৱানৰ্জুনেন সহেশ্ৱৰঃ ।
দিৱ্যং স্ৱৰথমাস্থায প্ৰতীচীং দিশমাৱিশত্ ॥ ৪৬ ॥
দিৱ্যং স্ৱৰথমাস্থায প্ৰতীচীং দিশমাৱিশত্ ॥ ৪৬ ॥
সপ্ত দ্ৱীপান্ সসিন্ধূংশ্চ সপ্তসপ্তগিৰীনথ ।
লোকালোকং তথাতীত্য ৱিৱেশ সুমহত্তমঃ ॥ ৪৭ ॥
লোকালোকং তথাতীত্য ৱিৱেশ সুমহত্তমঃ ॥ ৪৭ ॥
তত্ৰাশ্ৱাঃ শৈব্যসুগ্ৰীৱমেঘপুষ্পবলাহকাঃ ।
তমসি ভ্ৰষ্টগতযো বভূৱুৰ্ভৰতৰ্ষভ ॥ ৪৮ ॥
তমসি ভ্ৰষ্টগতযো বভূৱুৰ্ভৰতৰ্ষভ ॥ ৪৮ ॥
তান্ দৃষ্ট্ৱা ভগৱান্ কৃষ্ণো মহাযোগেশ্ৱৰেশ্ৱৰঃ ।
সহস্ৰাদিত্যসঙ্কাশং স্ৱচক্ৰং প্ৰাহিণোত্ পুৰঃ ॥ ৪৯ ॥
সহস্ৰাদিত্যসঙ্কাশং স্ৱচক্ৰং প্ৰাহিণোত্ পুৰঃ ॥ ৪৯ ॥
তমঃ সুঘোৰং গহনং কৃতং মহদ্
ৱিদাৰযদ্ ভূৰিতৰেণ ৰোচিষা ।
মনোজৱং নিৰ্ৱিৱিশে সুদৰ্শনং
গুণচ্যুতো ৰামশৰো যথা চমূঃ ॥ ৫০ ॥
ৱিদাৰযদ্ ভূৰিতৰেণ ৰোচিষা ।
মনোজৱং নিৰ্ৱিৱিশে সুদৰ্শনং
গুণচ্যুতো ৰামশৰো যথা চমূঃ ॥ ৫০ ॥
দ্ৱাৰেণ চক্ৰানুপথেন তত্তমঃ
পৰং পৰং জ্যোতিৰনন্তপাৰম্ ।
সমশ্নুৱানং প্ৰসমীক্ষ্য ফাল্গুনঃ
প্ৰতাডিতাক্ষো পিদধেঽক্ষিণী উভে ॥ ৫১ ॥
পৰং পৰং জ্যোতিৰনন্তপাৰম্ ।
সমশ্নুৱানং প্ৰসমীক্ষ্য ফাল্গুনঃ
প্ৰতাডিতাক্ষো পিদধেঽক্ষিণী উভে ॥ ৫১ ॥
ততঃ প্ৰৱিষ্টঃ সলিলং নভস্ৱতা
বলীযসৈজদ্ বৃহদূৰ্মিভূষণম্ ।
তত্ৰাদ্ভুতং ৱৈ ভৱনং দ্যুমত্তমং
ভ্ৰাজন্মণিস্তম্ভসহস্ৰশোভিতম্ ॥ ৫২ ॥
বলীযসৈজদ্ বৃহদূৰ্মিভূষণম্ ।
তত্ৰাদ্ভুতং ৱৈ ভৱনং দ্যুমত্তমং
ভ্ৰাজন্মণিস্তম্ভসহস্ৰশোভিতম্ ॥ ৫২ ॥
তস্মিন্ মহাভোগমনন্তমদ্ভুতং
সহস্ৰমূৰ্ধন্যফণামণিদ্যুভিঃ ।
ৱিভ্ৰাজমানং দ্ৱিগুণেক্ষণোল্বণং
সিতাচলাভং শিতিকণ্ঠজিহ্ৱম্ ॥ ৫৩ ॥
সহস্ৰমূৰ্ধন্যফণামণিদ্যুভিঃ ।
ৱিভ্ৰাজমানং দ্ৱিগুণেক্ষণোল্বণং
সিতাচলাভং শিতিকণ্ঠজিহ্ৱম্ ॥ ৫৩ ॥
দদৰ্শ তদ্ভোগসুখাসনং ৱিভুং
মহানুভাৱং পুৰুষোত্তমোত্তমম্ ।
সান্দ্ৰাম্বুদাভং সুপিশঙ্গৱাসসং
প্ৰসন্নৱক্ত্ৰং ৰুচিৰাযতেক্ষণম্ ॥ ৫৪ ॥
মহানুভাৱং পুৰুষোত্তমোত্তমম্ ।
সান্দ্ৰাম্বুদাভং সুপিশঙ্গৱাসসং
প্ৰসন্নৱক্ত্ৰং ৰুচিৰাযতেক্ষণম্ ॥ ৫৪ ॥
মহামণিৱ্ৰাতকিৰীটকুণ্ডল-
প্ৰভাপৰিক্ষিপ্তসহস্ৰকুন্তলম্ ।
প্ৰলম্বচাৰ্ৱষ্টভুজং সকৌস্তুভং
শ্ৰীৱত্সলক্ষ্মং ৱনমালযা ৱৃতম্ ॥ ৫৫ ॥
প্ৰভাপৰিক্ষিপ্তসহস্ৰকুন্তলম্ ।
প্ৰলম্বচাৰ্ৱষ্টভুজং সকৌস্তুভং
শ্ৰীৱত্সলক্ষ্মং ৱনমালযা ৱৃতম্ ॥ ৫৫ ॥
সুনন্দনন্দপ্ৰমুখৈঃ স্ৱপাৰ্ষদৈ-
শ্চক্ৰাদিভিৰ্মূৰ্তিধৰৈৰ্নিজাযুধৈঃ ।
পুষ্ট্যা শ্ৰিযা কীৰ্ত্যজযাখিলৰ্ধিভি-
ৰ্নিষেৱ্যমানং পৰমেষ্ঠিনাং পতিম্ ॥ ৫৬ ॥
শ্চক্ৰাদিভিৰ্মূৰ্তিধৰৈৰ্নিজাযুধৈঃ ।
পুষ্ট্যা শ্ৰিযা কীৰ্ত্যজযাখিলৰ্ধিভি-
ৰ্নিষেৱ্যমানং পৰমেষ্ঠিনাং পতিম্ ॥ ৫৬ ॥
ৱৱন্দ আত্মানমনন্তমচ্যুতো
জিষ্ণুশ্চ তদ্দৰ্শনজাতসাধ্ৱসঃ ।
তাৱাহ ভূমা পৰমেষ্ঠিনাং প্ৰভু-
ৰ্বদ্ধাঞ্জলী সস্মিতমূৰ্জযা গিৰা ॥ ৫৭ ॥
জিষ্ণুশ্চ তদ্দৰ্শনজাতসাধ্ৱসঃ ।
তাৱাহ ভূমা পৰমেষ্ঠিনাং প্ৰভু-
ৰ্বদ্ধাঞ্জলী সস্মিতমূৰ্জযা গিৰা ॥ ৫৭ ॥
দ্ৱিজাত্মজা মে যুৱযোৰ্দিদৃক্ষুণা
মযোপনীতা ভুৱি ধৰ্মগুপ্তযে ।
কলাৱতীৰ্ণাৱৱনেৰ্ভৰাসুৰান্
হত্ৱেহ ভূযস্ত্ৱৰযেতমন্তি মে ॥ ৫৮ ॥
মযোপনীতা ভুৱি ধৰ্মগুপ্তযে ।
কলাৱতীৰ্ণাৱৱনেৰ্ভৰাসুৰান্
হত্ৱেহ ভূযস্ত্ৱৰযেতমন্তি মে ॥ ৫৮ ॥
পূৰ্ণকামাৱপি যুৱাং নৰনাৰাযণাৱৃষী ।
ধৰ্মমাচৰতাং স্থিত্যৈ ঋষভৌ লোকসঙ্গ্ৰহম্ ॥ ৫৯ ॥
ধৰ্মমাচৰতাং স্থিত্যৈ ঋষভৌ লোকসঙ্গ্ৰহম্ ॥ ৫৯ ॥
ইত্যাদিষ্টৌ ভগৱতা তৌ কৃষ্ণৌ পৰমেষ্ঠিনা ।
ওঁ ইত্যানম্য ভূমানমাদায দ্ৱিজদাৰকান্ ॥ ৬০ ॥
ওঁ ইত্যানম্য ভূমানমাদায দ্ৱিজদাৰকান্ ॥ ৬০ ॥
ন্যৱৰ্তেতাং স্ৱকং ধাম সম্প্ৰহৃষ্টৌ যথাগতম্ ।
ৱিপ্ৰায দদতুঃ পুত্ৰান্ যথাৰূপং যথাৱযঃ ॥ ৬১ ॥
ৱিপ্ৰায দদতুঃ পুত্ৰান্ যথাৰূপং যথাৱযঃ ॥ ৬১ ॥
নিশাম্য ৱৈষ্ণৱং ধাম পাৰ্থঃ পৰমৱিস্মিতঃ ।
যত্কিঞ্চিত্ পৌৰুষং পুংসাং মেনে কৃষ্ণানুকম্পিতম্ ॥ ৬২ ॥
যত্কিঞ্চিত্ পৌৰুষং পুংসাং মেনে কৃষ্ণানুকম্পিতম্ ॥ ৬২ ॥
ইতীদৃশান্যনেকানি ৱীৰ্যাণীহ প্ৰদৰ্শযন্ ।
বুভুজে ৱিষযান্ গ্ৰাম্যানীজে চাত্যুৰ্জিতৈৰ্মখৈঃ ॥ ৬৩ ॥
বুভুজে ৱিষযান্ গ্ৰাম্যানীজে চাত্যুৰ্জিতৈৰ্মখৈঃ ॥ ৬৩ ॥
প্ৰৱৱৰ্ষাখিলান্ কামান্ প্ৰজাসু ব্ৰাহ্মণাদিষু ।
যথাকালং যথৈৱেন্দ্ৰো ভগৱান্ শ্ৰৈষ্ঠ্যমাস্থিতঃ ॥ ৬৪ ॥
যথাকালং যথৈৱেন্দ্ৰো ভগৱান্ শ্ৰৈষ্ঠ্যমাস্থিতঃ ॥ ৬৪ ॥
হত্ৱা নৃপানধৰ্মিষ্ঠান্ ঘাতযিত্ৱাৰ্জুনাদিভিঃ ।
অঞ্জসা ৱৰ্তযামাস ধৰ্মং ধৰ্মসুতাদিভিঃ ॥ ৬৫ ॥
অঞ্জসা ৱৰ্তযামাস ধৰ্মং ধৰ্মসুতাদিভিঃ ॥ ৬৫ ॥
হত্ৱা নৃপানধৰ্মিষ্ঠান্ ঘাতযিত্ৱাৰ্জুনাদিভিঃ ।
অঞ্জসা ৱৰ্তযামাস ধৰ্মং ধৰ্মসুতাদিভিঃ
অঞ্জসা ৱৰ্তযামাস ধৰ্মং ধৰ্মসুতাদিভিঃ