శ్రీశుక ఉవాచ
సరస్వత్యాస్తటే రాజన్నృషయః సత్రమాసత ।
వితర్కః సమభూత్తేషాం త్రిష్వధీశేషు కో మహాన్ ॥ ౧ ॥
సరస్వత్యాస్తటే రాజన్నృషయః సత్రమాసత ।
వితర్కః సమభూత్తేషాం త్రిష్వధీశేషు కో మహాన్ ॥ ౧ ॥
తస్య జిజ్ఞాసయా తే వై భృగుం బ్రహ్మసుతం నృప ।
తజ్జ్ఞప్త్యై ప్రేషయామాసుః సోఽభ్యగాద్ బ్రహ్మణః సభామ్ ॥ ౨ ॥
తజ్జ్ఞప్త్యై ప్రేషయామాసుః సోఽభ్యగాద్ బ్రహ్మణః సభామ్ ॥ ౨ ॥
న తస్మై ప్రహ్వణం స్తోత్రం చక్రే సత్త్వపరీక్షయా ।
తస్మై చుక్రోధ భగవాన్ ప్రజ్వలన్ స్వేన తేజసా ॥ ౩ ॥
తస్మై చుక్రోధ భగవాన్ ప్రజ్వలన్ స్వేన తేజసా ॥ ౩ ॥
స ఆత్మన్యుత్థితం మన్యుమాత్మజాయాత్మనా ప్రభుః ।
అశీశమద్ యథా వహ్నిం స్వయోన్యా వారిణాత్మభూః ॥ ౪ ॥
అశీశమద్ యథా వహ్నిం స్వయోన్యా వారిణాత్మభూః ॥ ౪ ॥
తతః కైలాసమగమత్ స తం దేవో మహేశ్వరః ।
పరిరబ్ధుం సమారేభ ఉత్థాయ భ్రాతరం ముదా ॥ ౫ ॥
పరిరబ్ధుం సమారేభ ఉత్థాయ భ్రాతరం ముదా ॥ ౫ ॥
నైచ్ఛత్త్వమస్యుత్పథగ ఇతి దేవశ్చుకోప హ ।
శూలముద్యమ్య తం హన్తుమారేభే తిగ్మలోచనః ॥ ౬ ॥
శూలముద్యమ్య తం హన్తుమారేభే తిగ్మలోచనః ॥ ౬ ॥
పతిత్వా పాదయోర్దేవీ సాన్త్వయామాస తం గిరా ।
అథో జగామ వైకుణ్ఠం యత్ర దేవో జనార్దనః ॥ ౭ ॥
అథో జగామ వైకుణ్ఠం యత్ర దేవో జనార్దనః ॥ ౭ ॥
శయానం శ్రియ ఉత్సఙ్గే పదా వక్షస్యతాడయత్ ।
తత ఉత్థాయ భగవాన్ సహ లక్ష్మ్యా సతాం గతిః ॥ ౮ ॥
తత ఉత్థాయ భగవాన్ సహ లక్ష్మ్యా సతాం గతిః ॥ ౮ ॥
స్వతల్పాదవరుహ్యాథ ననామ శిరసా మునిమ్ ।
ఆహ తే స్వాగతం బ్రహ్మన్ నిషీదాత్రాసనే క్షణమ్ ।
అజానతామాగతాన్ వః క్షన్తుమర్హథ నః ప్రభో ॥ ౯ ॥
ఆహ తే స్వాగతం బ్రహ్మన్ నిషీదాత్రాసనే క్షణమ్ ।
అజానతామాగతాన్ వః క్షన్తుమర్హథ నః ప్రభో ॥ ౯ ॥
పునీహి సహలోకం మాం లోకపాలాంశ్చ మద్గతాన్ ।
పాదోదకేన భవతస్తీర్థానాం తీర్థకారిణా ॥ ౧౦ ॥
పాదోదకేన భవతస్తీర్థానాం తీర్థకారిణా ॥ ౧౦ ॥
అద్యాహం భగవఁల్లక్ష్మ్యా ఆసమేకాన్తభాజనమ్ ।
వత్స్యత్యురసి మే భూతిర్భవత్పాదహతాంహసః ॥ ౧౧ ॥
వత్స్యత్యురసి మే భూతిర్భవత్పాదహతాంహసః ॥ ౧౧ ॥
శ్రీశుక ఉవాచ
ఏవం బ్రువాణే వైకుణ్ఠే భృగుస్తన్మన్ద్రయా గిరా ।
నిర్వృతస్తర్పితస్తూష్ణీం భక్త్యుత్కణ్ఠోఽశ్రులోచనః ॥ ౧౨ ॥
ఏవం బ్రువాణే వైకుణ్ఠే భృగుస్తన్మన్ద్రయా గిరా ।
నిర్వృతస్తర్పితస్తూష్ణీం భక్త్యుత్కణ్ఠోఽశ్రులోచనః ॥ ౧౨ ॥
పునశ్చ సత్రమావ్రజ్య మునీనాం బ్రహ్మవాదినామ్ ।
స్వానుభూతమశేషేణ రాజన్ భృగురవర్ణయత్ ॥ ౧౩ ॥
స్వానుభూతమశేషేణ రాజన్ భృగురవర్ణయత్ ॥ ౧౩ ॥
తన్నిశమ్యాథ మునయో విస్మితా ముక్తసంశయాః ।
భూయాంసం శ్రద్దధుర్విష్ణుం యతః శాన్తిర్యతోఽభయమ్ ॥ ౧౪ ॥
భూయాంసం శ్రద్దధుర్విష్ణుం యతః శాన్తిర్యతోఽభయమ్ ॥ ౧౪ ॥
ధర్మః సాక్షాద్ యతో జ్ఞానం వైరాగ్యం చ తదన్వితమ్ ।
ఐశ్వర్యం చాష్టధా యస్మాద్ యశశ్చాత్మమలాపహమ్ ॥ ౧౫ ॥
ఐశ్వర్యం చాష్టధా యస్మాద్ యశశ్చాత్మమలాపహమ్ ॥ ౧౫ ॥
మునీనాం న్యస్తదణ్డానాం శాన్తానాం సమచేతసామ్ ।
అకిఞ్చనానాం సాధూనాం యమాహుః పరమాం గతిమ్ ॥ ౧౬ ॥
అకిఞ్చనానాం సాధూనాం యమాహుః పరమాం గతిమ్ ॥ ౧౬ ॥
సత్త్వం యస్య ప్రియా మూర్తిర్బ్రాహ్మణాస్త్విష్టదేవతాః ।
భజన్త్యనాశిషః శాన్తా యం వా నిపుణబుద్ధయః ॥ ౧౭ ॥
భజన్త్యనాశిషః శాన్తా యం వా నిపుణబుద్ధయః ॥ ౧౭ ॥
త్రివిధాకృతయస్తస్య రాక్షసా అసురాః సురాః ।
గుణిన్యా మాయయా సృష్టాః సత్త్వం తత్తీర్థసాధనమ్ ॥ ౧౮ ॥
గుణిన్యా మాయయా సృష్టాః సత్త్వం తత్తీర్థసాధనమ్ ॥ ౧౮ ॥
శ్రీశుక ఉవాచ
ఇత్థం సారస్వతా విప్రా నృణాం సంశయనుత్తయే ।
పురుషస్య పదామ్భోజసేవయా తద్గతిం గతాః ॥ ౧౯ ॥
ఇత్థం సారస్వతా విప్రా నృణాం సంశయనుత్తయే ।
పురుషస్య పదామ్భోజసేవయా తద్గతిం గతాః ॥ ౧౯ ॥
శ్రీసూత ఉవాచ
ఇత్యేతన్మునితనయాస్యపద్మగన్ధ-
పీయూషం భవభయభిత్ పరస్య పుంసః ।
సుశ్లోకం శ్రవణపుటైః పిబత్యభీక్ష్ణం
పాన్థోఽధ్వభ్రమణపరిశ్రమం జహాతి ॥ ౨౦ ॥
ఇత్యేతన్మునితనయాస్యపద్మగన్ధ-
పీయూషం భవభయభిత్ పరస్య పుంసః ।
సుశ్లోకం శ్రవణపుటైః పిబత్యభీక్ష్ణం
పాన్థోఽధ్వభ్రమణపరిశ్రమం జహాతి ॥ ౨౦ ॥
శ్రీశుక ఉవాచ
ఏకదా ద్వారవత్యాం తు విప్రపత్న్యాః కుమారకః ।
జాతమాత్రో భువం స్పృష్ట్వా మమార కిల భారత ॥ ౨౧ ॥
ఏకదా ద్వారవత్యాం తు విప్రపత్న్యాః కుమారకః ।
జాతమాత్రో భువం స్పృష్ట్వా మమార కిల భారత ॥ ౨౧ ॥
విప్రో గృహీత్వా మృతకం రాజద్వార్యుపధాయ సః ।
ఇదం ప్రోవాచ విలపన్నాతురో దీనమానసః ॥ ౨౨ ॥
ఇదం ప్రోవాచ విలపన్నాతురో దీనమానసః ॥ ౨౨ ॥
బ్రహ్మద్విషః శఠధియో లుబ్ధస్య విషయాత్మనః ।
క్షత్రబన్ధోః కర్మదోషాత్ పఞ్చత్వం మే గతోఽర్భకః ॥ ౨౩ ॥
క్షత్రబన్ధోః కర్మదోషాత్ పఞ్చత్వం మే గతోఽర్భకః ॥ ౨౩ ॥
హింసావిహారం నృపతిం దుఃశీలమజితేన్ద్రియమ్ ।
ప్రజా భజన్త్యః సీదన్తి దరిద్రా నిత్యదుఃఖితాః ॥ ౨౪ ॥
ప్రజా భజన్త్యః సీదన్తి దరిద్రా నిత్యదుఃఖితాః ॥ ౨౪ ॥
ఏవం ద్వితీయం విప్రర్షిస్తృతీయం త్వేవమేవ చ ।
విసృజ్య స నృపద్వారి తాం గాథాం సమగాయత ॥ ౨౫ ॥
విసృజ్య స నృపద్వారి తాం గాథాం సమగాయత ॥ ౨౫ ॥
తామర్జున ఉపశ్రుత్య కర్హిచిత్ కేశవాన్తికే ।
పరేతే నవమే బాలే బ్రాహ్మణం సమభాషత ॥ ౨౬ ॥
పరేతే నవమే బాలే బ్రాహ్మణం సమభాషత ॥ ౨౬ ॥
కింస్విద్ బ్రహ్మంస్త్వన్నివాసే ఇహ నాస్తి ధనుర్ధరః ।
రాజన్యబన్ధురేతే వై బ్రాహ్మణాః సత్రమాసతే ॥ ౨౭ ॥
రాజన్యబన్ధురేతే వై బ్రాహ్మణాః సత్రమాసతే ॥ ౨౭ ॥
ధనదారాత్మజాపృక్తా యత్ర శోచన్తి బ్రాహ్మణాః ।
తే వై రాజన్యవేషేణ నటా జీవన్త్యసుమ్భరాః ॥ ౨౮ ॥
తే వై రాజన్యవేషేణ నటా జీవన్త్యసుమ్భరాః ॥ ౨౮ ॥
అహం ప్రజాః వాం భగవన్ రక్షిష్యే దీనయోరిహ ।
అనిస్తీర్ణప్రతిజ్ఞోఽగ్నిం ప్రవేక్ష్యే హతకల్మషః ॥ ౨౯ ॥
అనిస్తీర్ణప్రతిజ్ఞోఽగ్నిం ప్రవేక్ష్యే హతకల్మషః ॥ ౨౯ ॥
శ్రీబ్రాహ్మణ ఉవాచ
సఙ్కర్షణో వాసుదేవః ప్రద్యుమ్నో ధన్వినాం వరః ।
అనిరుద్ధోఽప్రతిరథో న త్రాతుం శక్నువన్తి యత్ ॥ ౩౦ ॥
సఙ్కర్షణో వాసుదేవః ప్రద్యుమ్నో ధన్వినాం వరః ।
అనిరుద్ధోఽప్రతిరథో న త్రాతుం శక్నువన్తి యత్ ॥ ౩౦ ॥
తత్ కథం ను భవాన్ కర్మ దుష్కరం జగదీశ్వరైః ।
త్వం చికీర్షసి బాలిశ్యాత్ తన్న శ్రద్దధ్మహే వయమ్ ॥ ౩౧ ॥
త్వం చికీర్షసి బాలిశ్యాత్ తన్న శ్రద్దధ్మహే వయమ్ ॥ ౩౧ ॥
శ్రీఅర్జున ఉవాచ
నాహం సఙ్కర్షణో బ్రహ్మన్ న కృష్ణః కార్ష్ణిరేవ చ ।
అహం వా అర్జునో నామ గాణ్డీవం యస్య వై ధనుః ॥ ౩౨ ॥
నాహం సఙ్కర్షణో బ్రహ్మన్ న కృష్ణః కార్ష్ణిరేవ చ ।
అహం వా అర్జునో నామ గాణ్డీవం యస్య వై ధనుః ॥ ౩౨ ॥
మావమంస్థా మమ బ్రహ్మన్ వీర్యం త్ర్యమ్బకతోషణమ్ ।
మృత్యుం విజిత్య ప్రధనే ఆనేష్యే తే ప్రజాః ప్రభో ॥ ౩౩ ॥
మృత్యుం విజిత్య ప్రధనే ఆనేష్యే తే ప్రజాః ప్రభో ॥ ౩౩ ॥
ఏవం విశ్రమ్భితో విప్రః ఫాల్గునేన పరన్తప ।
జగామ స్వగృహం ప్రీతః పార్థవీర్యం నిశామయన్ ॥ ౩౪ ॥
జగామ స్వగృహం ప్రీతః పార్థవీర్యం నిశామయన్ ॥ ౩౪ ॥
ప్రసూతికాల ఆసన్నే భార్యాయా ద్విజసత్తమః ।
పాహి పాహి ప్రజాం మృత్యోరిత్యాహార్జునమాతురః ॥ ౩౫ ॥
పాహి పాహి ప్రజాం మృత్యోరిత్యాహార్జునమాతురః ॥ ౩౫ ॥
స ఉపస్పృశ్య శుచ్యమ్భో నమస్కృత్య మహేశ్వరమ్ ।
దివ్యాన్యస్త్రాణి సంస్మృత్య సజ్యం గాణ్డీవమాదదే ॥ ౩౬ ॥
దివ్యాన్యస్త్రాణి సంస్మృత్య సజ్యం గాణ్డీవమాదదే ॥ ౩౬ ॥
న్యరుణత్ సూతికాగారం శరైర్నానాస్త్రయోజితైః ।
తిర్యగూర్ధ్వమధః పార్థశ్చకార శరపఞ్జరమ్ ॥ ౩౭ ॥
తిర్యగూర్ధ్వమధః పార్థశ్చకార శరపఞ్జరమ్ ॥ ౩౭ ॥
తతః కుమారః సఞ్జాతో విప్రపత్న్యా రుదన్ముహుః ।
సద్యోఽదర్శనమాపేదే సశరీరో విహాయసా ॥ ౩౮ ॥
సద్యోఽదర్శనమాపేదే సశరీరో విహాయసా ॥ ౩౮ ॥
తదాహ విప్రో విజయం వినిన్దన్ కృష్ణసన్నిధౌ ।
మౌఢ్యం పశ్యత మే యోఽహం శ్రద్దధే క్లీబకత్థనమ్ ॥ ౩౯ ॥
మౌఢ్యం పశ్యత మే యోఽహం శ్రద్దధే క్లీబకత్థనమ్ ॥ ౩౯ ॥
న ప్రద్యుమ్నో నానిరుద్ధో న రామో న చ కేశవః ।
యస్య శేకుః పరిత్రాతుం కోఽన్యస్తదవితేశ్వరః ॥ ౪౦ ॥
యస్య శేకుః పరిత్రాతుం కోఽన్యస్తదవితేశ్వరః ॥ ౪౦ ॥
ధిగర్జునం మృషావాదం ధిగాత్మశ్లాఘినో ధనుః ।
దైవోపసృష్టం యో మౌఢ్యాదానినీషతి దుర్మతిః ॥ ౪౧ ॥
దైవోపసృష్టం యో మౌఢ్యాదానినీషతి దుర్మతిః ॥ ౪౧ ॥
ఏవం శపతి విప్రర్షౌ విద్యామాస్థాయ ఫాల్గునః ।
యయౌ సంయమనీమాశు యత్రాస్తే భగవాన్ యమః ॥ ౪౨ ॥
యయౌ సంయమనీమాశు యత్రాస్తే భగవాన్ యమః ॥ ౪౨ ॥
విప్రాపత్యమచక్షాణస్తత ఐన్ద్రీమగాత్ పురీమ్ ।
ఆగ్నేయీం నైఋర్తీం సౌమ్యాం వాయవ్యాం వారుణీమథ ।
రసాతలం నాకపృష్ఠం ధిష్ణ్యాన్యన్యాన్యుదాయుధః ॥ ౪౩ ॥
ఆగ్నేయీం నైఋర్తీం సౌమ్యాం వాయవ్యాం వారుణీమథ ।
రసాతలం నాకపృష్ఠం ధిష్ణ్యాన్యన్యాన్యుదాయుధః ॥ ౪౩ ॥
తతోఽలబ్ధద్విజసుతో హ్యనిస్తీర్ణప్రతిశ్రుతః ।
అగ్నిం వివిక్షుః కృష్ణేన ప్రత్యుక్తః ప్రతిషేధతా ॥ ౪౪ ॥
అగ్నిం వివిక్షుః కృష్ణేన ప్రత్యుక్తః ప్రతిషేధతా ॥ ౪౪ ॥
దర్శయే ద్విజసూనూంస్తే మావజ్ఞాత్మానమాత్మనా ।
యే తే నః కీర్తిం విమలాం మనుష్యాః స్థాపయిష్యన్తి ॥ ౪౫ ॥
యే తే నః కీర్తిం విమలాం మనుష్యాః స్థాపయిష్యన్తి ॥ ౪౫ ॥
ఇతి సమ్భాష్య భగవానర్జునేన సహేశ్వరః ।
దివ్యం స్వరథమాస్థాయ ప్రతీచీం దిశమావిశత్ ॥ ౪౬ ॥
దివ్యం స్వరథమాస్థాయ ప్రతీచీం దిశమావిశత్ ॥ ౪౬ ॥
సప్త ద్వీపాన్ ససిన్ధూంశ్చ సప్తసప్తగిరీనథ ।
లోకాలోకం తథాతీత్య వివేశ సుమహత్తమః ॥ ౪౭ ॥
లోకాలోకం తథాతీత్య వివేశ సుమహత్తమః ॥ ౪౭ ॥
తత్రాశ్వాః శైబ్యసుగ్రీవమేఘపుష్పబలాహకాః ।
తమసి భ్రష్టగతయో బభూవుర్భరతర్షభ ॥ ౪౮ ॥
తమసి భ్రష్టగతయో బభూవుర్భరతర్షభ ॥ ౪౮ ॥
తాన్ దృష్ట్వా భగవాన్ కృష్ణో మహాయోగేశ్వరేశ్వరః ।
సహస్రాదిత్యసఙ్కాశం స్వచక్రం ప్రాహిణోత్ పురః ॥ ౪౯ ॥
సహస్రాదిత్యసఙ్కాశం స్వచక్రం ప్రాహిణోత్ పురః ॥ ౪౯ ॥
తమః సుఘోరం గహనం కృతం మహద్
విదారయద్ భూరితరేణ రోచిషా ।
మనోజవం నిర్వివిశే సుదర్శనం
గుణచ్యుతో రామశరో యథా చమూః ॥ ౫౦ ॥
విదారయద్ భూరితరేణ రోచిషా ।
మనోజవం నిర్వివిశే సుదర్శనం
గుణచ్యుతో రామశరో యథా చమూః ॥ ౫౦ ॥
ద్వారేణ చక్రానుపథేన తత్తమః
పరం పరం జ్యోతిరనన్తపారమ్ ।
సమశ్నువానం ప్రసమీక్ష్య ఫాల్గునః
ప్రతాడితాక్షో పిదధేఽక్షిణీ ఉభే ॥ ౫౧ ॥
పరం పరం జ్యోతిరనన్తపారమ్ ।
సమశ్నువానం ప్రసమీక్ష్య ఫాల్గునః
ప్రతాడితాక్షో పిదధేఽక్షిణీ ఉభే ॥ ౫౧ ॥
తతః ప్రవిష్టః సలిలం నభస్వతా
బలీయసైజద్ బృహదూర్మిభూషణమ్ ।
తత్రాద్భుతం వై భవనం ద్యుమత్తమం
భ్రాజన్మణిస్తమ్భసహస్రశోభితమ్ ॥ ౫౨ ॥
బలీయసైజద్ బృహదూర్మిభూషణమ్ ।
తత్రాద్భుతం వై భవనం ద్యుమత్తమం
భ్రాజన్మణిస్తమ్భసహస్రశోభితమ్ ॥ ౫౨ ॥
తస్మిన్ మహాభోగమనన్తమద్భుతం
సహస్రమూర్ధన్యఫణామణిద్యుభిః ।
విభ్రాజమానం ద్విగుణేక్షణోల్బణం
సితాచలాభం శితికణ్ఠజిహ్వమ్ ॥ ౫౩ ॥
సహస్రమూర్ధన్యఫణామణిద్యుభిః ।
విభ్రాజమానం ద్విగుణేక్షణోల్బణం
సితాచలాభం శితికణ్ఠజిహ్వమ్ ॥ ౫౩ ॥
దదర్శ తద్భోగసుఖాసనం విభుం
మహానుభావం పురుషోత్తమోత్తమమ్ ।
సాన్ద్రామ్బుదాభం సుపిశఙ్గవాససం
ప్రసన్నవక్త్రం రుచిరాయతేక్షణమ్ ॥ ౫౪ ॥
మహానుభావం పురుషోత్తమోత్తమమ్ ।
సాన్ద్రామ్బుదాభం సుపిశఙ్గవాససం
ప్రసన్నవక్త్రం రుచిరాయతేక్షణమ్ ॥ ౫౪ ॥
మహామణివ్రాతకిరీటకుణ్డల-
ప్రభాపరిక్షిప్తసహస్రకున్తలమ్ ।
ప్రలమ్బచార్వష్టభుజం సకౌస్తుభం
శ్రీవత్సలక్ష్మం వనమాలయా వృతమ్ ॥ ౫౫ ॥
ప్రభాపరిక్షిప్తసహస్రకున్తలమ్ ।
ప్రలమ్బచార్వష్టభుజం సకౌస్తుభం
శ్రీవత్సలక్ష్మం వనమాలయా వృతమ్ ॥ ౫౫ ॥
సునన్దనన్దప్రముఖైః స్వపార్షదై-
శ్చక్రాదిభిర్మూర్తిధరైర్నిజాయుధైః ।
పుష్ట్యా శ్రియా కీర్త్యజయాఖిలర్ధిభి-
ర్నిషేవ్యమానం పరమేష్ఠినాం పతిమ్ ॥ ౫౬ ॥
శ్చక్రాదిభిర్మూర్తిధరైర్నిజాయుధైః ।
పుష్ట్యా శ్రియా కీర్త్యజయాఖిలర్ధిభి-
ర్నిషేవ్యమానం పరమేష్ఠినాం పతిమ్ ॥ ౫౬ ॥
వవన్ద ఆత్మానమనన్తమచ్యుతో
జిష్ణుశ్చ తద్దర్శనజాతసాధ్వసః ।
తావాహ భూమా పరమేష్ఠినాం ప్రభు-
ర్బద్ధాఞ్జలీ సస్మితమూర్జయా గిరా ॥ ౫౭ ॥
జిష్ణుశ్చ తద్దర్శనజాతసాధ్వసః ।
తావాహ భూమా పరమేష్ఠినాం ప్రభు-
ర్బద్ధాఞ్జలీ సస్మితమూర్జయా గిరా ॥ ౫౭ ॥
ద్విజాత్మజా మే యువయోర్దిదృక్షుణా
మయోపనీతా భువి ధర్మగుప్తయే ।
కలావతీర్ణావవనేర్భరాసురాన్
హత్వేహ భూయస్త్వరయేతమన్తి మే ॥ ౫౮ ॥
మయోపనీతా భువి ధర్మగుప్తయే ।
కలావతీర్ణావవనేర్భరాసురాన్
హత్వేహ భూయస్త్వరయేతమన్తి మే ॥ ౫౮ ॥
పూర్ణకామావపి యువాం నరనారాయణావృషీ ।
ధర్మమాచరతాం స్థిత్యై ఋషభౌ లోకసఙ్గ్రహమ్ ॥ ౫౯ ॥
ధర్మమాచరతాం స్థిత్యై ఋషభౌ లోకసఙ్గ్రహమ్ ॥ ౫౯ ॥
ఇత్యాదిష్టౌ భగవతా తౌ కృష్ణౌ పరమేష్ఠినా ।
ఓం ఇత్యానమ్య భూమానమాదాయ ద్విజదారకాన్ ॥ ౬౦ ॥
ఓం ఇత్యానమ్య భూమానమాదాయ ద్విజదారకాన్ ॥ ౬౦ ॥
న్యవర్తేతాం స్వకం ధామ సమ్ప్రహృష్టౌ యథాగతమ్ ।
విప్రాయ దదతుః పుత్రాన్ యథారూపం యథావయః ॥ ౬౧ ॥
విప్రాయ దదతుః పుత్రాన్ యథారూపం యథావయః ॥ ౬౧ ॥
నిశామ్య వైష్ణవం ధామ పార్థః పరమవిస్మితః ।
యత్కిఞ్చిత్ పౌరుషం పుంసాం మేనే కృష్ణానుకమ్పితమ్ ॥ ౬౨ ॥
యత్కిఞ్చిత్ పౌరుషం పుంసాం మేనే కృష్ణానుకమ్పితమ్ ॥ ౬౨ ॥
ఇతీదృశాన్యనేకాని వీర్యాణీహ ప్రదర్శయన్ ।
బుభుజే విషయాన్ గ్రామ్యానీజే చాత్యుర్జితైర్మఖైః ॥ ౬౩ ॥
బుభుజే విషయాన్ గ్రామ్యానీజే చాత్యుర్జితైర్మఖైః ॥ ౬౩ ॥
ప్రవవర్షాఖిలాన్ కామాన్ ప్రజాసు బ్రాహ్మణాదిషు ।
యథాకాలం యథైవేన్ద్రో భగవాన్ శ్రైష్ఠ్యమాస్థితః ॥ ౬౪ ॥
యథాకాలం యథైవేన్ద్రో భగవాన్ శ్రైష్ఠ్యమాస్థితః ॥ ౬౪ ॥
హత్వా నృపానధర్మిష్ఠాన్ ఘాతయిత్వార్జునాదిభిః ।
అఞ్జసా వర్తయామాస ధర్మం ధర్మసుతాదిభిః ॥ ౬౫ ॥
అఞ్జసా వర్తయామాస ధర్మం ధర్మసుతాదిభిః ॥ ౬౫ ॥
హత్వా నృపానధర్మిష్ఠాన్ ఘాతయిత్వార్జునాదిభిః ।
అఞ్జసా వర్తయామాస ధర్మం ధర్మసుతాదిభిః
అఞ్జసా వర్తయామాస ధర్మం ధర్మసుతాదిభిః