শ্রীভগবানুবাচ
বদ্ধো মুক্ত ইতি ব্যাখ্যা গুণতো মে ন বস্তুতঃ ।
গুণস্য মাযামূলত্বান্ন মে মোক্ষো ন বন্ধনম্ ॥ ১ ॥
বদ্ধো মুক্ত ইতি ব্যাখ্যা গুণতো মে ন বস্তুতঃ ।
গুণস্য মাযামূলত্বান্ন মে মোক্ষো ন বন্ধনম্ ॥ ১ ॥
শোকমোহৌ সুখং দুঃখং দেহাপত্তিশ্চ মাযযা ।
স্বপ্নো যথাত্মনঃ খ্যাতিঃ সংসৃতির্ন তু বাস্তবী ॥ ২ ॥
স্বপ্নো যথাত্মনঃ খ্যাতিঃ সংসৃতির্ন তু বাস্তবী ॥ ২ ॥
বিদ্যাবিদ্যে মম তনূ বিদ্ধ্যুদ্ধব শরীরিণাম্ ।
মোক্ষবন্ধকরী আদ্যে মাযযা মে বিনির্মিতে ॥ ৩ ॥
মোক্ষবন্ধকরী আদ্যে মাযযা মে বিনির্মিতে ॥ ৩ ॥
একস্যৈব মমাংশস্য জীবস্যৈব মহামতে ।
বন্ধোঽস্যাবিদ্যযানাদির্বিদ্যযা চ তথেতরঃ ॥ ৪ ॥
বন্ধোঽস্যাবিদ্যযানাদির্বিদ্যযা চ তথেতরঃ ॥ ৪ ॥
অথ বদ্ধস্য মুক্তস্য বৈলক্ষণ্যং বদামি তে ।
বিরুদ্ধধর্মিণোস্তাত স্থিতযোরেকধর্মিণি ॥ ৫ ॥
বিরুদ্ধধর্মিণোস্তাত স্থিতযোরেকধর্মিণি ॥ ৫ ॥
সুপর্ণাবেতৌ সদৃশৌ সখাযৌ
যদৃচ্ছযৈতৌ কৃতনীডৌ চ বৃক্ষে ।
একস্তযোঃ খাদতি পিপ্পলান্ন-
মন্যো নিরন্নোঽপি বলেন ভূযান্ ॥ ৬ ॥
যদৃচ্ছযৈতৌ কৃতনীডৌ চ বৃক্ষে ।
একস্তযোঃ খাদতি পিপ্পলান্ন-
মন্যো নিরন্নোঽপি বলেন ভূযান্ ॥ ৬ ॥
আত্মানমন্যং চ স বেদ বিদ্বা-
নপিপ্পলাদো ন তু পিপ্পলাদঃ ।
যোঽবিদ্যযা যুক্ স তু নিত্যবদ্ধো
বিদ্যামযো যঃ স তু নিত্যমুক্তঃ ॥ ৭ ॥
নপিপ্পলাদো ন তু পিপ্পলাদঃ ।
যোঽবিদ্যযা যুক্ স তু নিত্যবদ্ধো
বিদ্যামযো যঃ স তু নিত্যমুক্তঃ ॥ ৭ ॥
দেহস্থোঽপি ন দেহস্থো বিদ্বান্ স্বপ্নাদ্ যথোত্থিতঃ ।
অদেহস্থোঽপি দেহস্থঃ কুমতিঃ স্বপ্নদৃগ্ যথা ॥ ৮ ॥
অদেহস্থোঽপি দেহস্থঃ কুমতিঃ স্বপ্নদৃগ্ যথা ॥ ৮ ॥
ইন্দ্রিযৈরিন্দ্রিযার্থেষু গুণৈরপি গুণেষু চ ।
গৃহ্যমাণেষ্বহং কুর্যান্ন বিদ্বান্ যস্ত্ববিক্রিযঃ ॥ ৯ ॥
গৃহ্যমাণেষ্বহং কুর্যান্ন বিদ্বান্ যস্ত্ববিক্রিযঃ ॥ ৯ ॥
দৈবাধীনে শরীরেঽস্মিন্ গুণভাব্যেন কর্মণা ।
বর্তমানোঽবুধস্তত্র কর্তাস্মীতি নিবধ্যতে ॥ ১০ ॥
বর্তমানোঽবুধস্তত্র কর্তাস্মীতি নিবধ্যতে ॥ ১০ ॥
এবং বিরক্তঃ শযন আসনাটনমজ্জনে ।
দর্শনস্পর্শনঘ্রাণভোজনশ্রবণাদিষু ।
ন তথা বধ্যতে বিদ্বান্ তত্র তত্রাদযন্ গুণান্ ॥ ১১ ॥
দর্শনস্পর্শনঘ্রাণভোজনশ্রবণাদিষু ।
ন তথা বধ্যতে বিদ্বান্ তত্র তত্রাদযন্ গুণান্ ॥ ১১ ॥
প্রকৃতিস্থোঽপ্যসংসক্তো যথা খং সবিতানিলঃ ।
বৈশারদ্যেক্ষযাসঙ্গশিতযা ছিন্নসংশযঃ ॥ ১২ ॥
বৈশারদ্যেক্ষযাসঙ্গশিতযা ছিন্নসংশযঃ ॥ ১২ ॥
প্রতিবুদ্ধ ইব স্বপ্নান্নানাত্বাদ্ বিনিবর্ততে ॥ ১৩ ॥
যস্য স্যুর্বীতসঙ্কল্পাঃ প্রাণেন্দ্রিযমনোধিযাম্ ।
বৃত্তযঃ স বিনির্মুক্তো দেহস্থোঽপি হি তদ্গুণৈঃ ॥ ১৪ ॥
বৃত্তযঃ স বিনির্মুক্তো দেহস্থোঽপি হি তদ্গুণৈঃ ॥ ১৪ ॥
যস্যাত্মা হিংস্যতে হিংস্রৈর্যেন কিঞ্চিদ্ যদৃচ্ছযা ।
অর্চ্যতে বা ক্বচিত্তত্র ন ব্যতিক্রিযতে বুধঃ ॥ ১৫ ॥
অর্চ্যতে বা ক্বচিত্তত্র ন ব্যতিক্রিযতে বুধঃ ॥ ১৫ ॥
ন স্তুবীত ন নিন্দেত কুর্বতঃ সাধ্বসাধু বা ।
বদতো গুণদোষাভ্যাং বর্জিতঃ সমদৃঙ্মুনিঃ ॥ ১৬ ॥
বদতো গুণদোষাভ্যাং বর্জিতঃ সমদৃঙ্মুনিঃ ॥ ১৬ ॥
ন কুর্যান্ন বদেত্ কিঞ্চিন্ন ধ্যাযেত্ সাধ্বসাধু বা ।
আত্মারামোঽনযা বৃত্ত্যা বিচরেজ্জডবন্মুনিঃ ॥ ১৭ ॥
আত্মারামোঽনযা বৃত্ত্যা বিচরেজ্জডবন্মুনিঃ ॥ ১৭ ॥
শব্দব্রহ্মণি নিষ্ণাতো ন নিষ্ণাযাত্ পরে যদি ।
শ্রমস্তস্য শ্রমফলো হ্যধেনুমিব রক্ষতঃ ॥ ১৮ ॥
শ্রমস্তস্য শ্রমফলো হ্যধেনুমিব রক্ষতঃ ॥ ১৮ ॥
গাং দুগ্ধদোহামসতীং চ ভার্যাং
দেহং পরাধীনমসত্প্রজাং চ ।
বিত্তং ত্বতীর্থীকৃতমঙ্গ বাচং
হীনাং মযা রক্ষতি দুঃখদুঃখী ॥ ১৯ ॥
দেহং পরাধীনমসত্প্রজাং চ ।
বিত্তং ত্বতীর্থীকৃতমঙ্গ বাচং
হীনাং মযা রক্ষতি দুঃখদুঃখী ॥ ১৯ ॥
যস্যাং ন মে পাবনমঙ্গ কর্ম
স্থিত্যুদ্ভবপ্রাণনিরোধমস্য ।
লীলাবতারেপ্সিতজন্ম বা স্যাদ্
বন্ধ্যাং গিরং তাং বিভৃযান্ন ধীরঃ ॥ ২০ ॥
স্থিত্যুদ্ভবপ্রাণনিরোধমস্য ।
লীলাবতারেপ্সিতজন্ম বা স্যাদ্
বন্ধ্যাং গিরং তাং বিভৃযান্ন ধীরঃ ॥ ২০ ॥
এবং জিজ্ঞাসযাপোহ্য নানাত্বভ্রমমাত্মনি ।
উপারমেত বিরজং মনো ময্যর্প্য সর্বগে ॥ ২১ ॥
উপারমেত বিরজং মনো ময্যর্প্য সর্বগে ॥ ২১ ॥
যদ্যনীশো ধারযিতুং মনো ব্রহ্মণি নিশ্চলম্ ।
মযি সর্বাণি কর্মাণি নিরপেক্ষঃ সমাচর ॥ ২২ ॥
মযি সর্বাণি কর্মাণি নিরপেক্ষঃ সমাচর ॥ ২২ ॥
শ্রদ্ধালুর্মত্কথাঃ শৃণ্বন্ সুভদ্রা লোকপাবনীঃ ।
গাযন্ননুস্মরন্ কর্ম জন্ম চাভিনযন্ মুহুঃ ॥ ২৩ ॥
গাযন্ননুস্মরন্ কর্ম জন্ম চাভিনযন্ মুহুঃ ॥ ২৩ ॥
মদর্থে ধর্মকামার্থানাচরন্ মদপাশ্রযঃ ।
লভতে নিশ্চলাং ভক্তিং ময্যুদ্ধব সনাতনে ॥ ২৪ ॥
লভতে নিশ্চলাং ভক্তিং ময্যুদ্ধব সনাতনে ॥ ২৪ ॥
সত্সঙ্গলব্ধযা ভক্ত্যা মযি মাং স উপাসিতা ।
স বৈ মে দর্শিতং সদ্ভিরঞ্জসা বিন্দতে পদম্ ॥ ২৫ ॥
স বৈ মে দর্শিতং সদ্ভিরঞ্জসা বিন্দতে পদম্ ॥ ২৫ ॥
শ্রীউদ্ধব উবাচ
সাধুস্তবোত্তমশ্লোক মতঃ কীদৃগ্বিধঃ প্রভো ।
ভক্তিস্ত্বয্যুপযুজ্যেত কীদৃশী সদ্ভিরাদৃতা ॥ ২৬ ॥
সাধুস্তবোত্তমশ্লোক মতঃ কীদৃগ্বিধঃ প্রভো ।
ভক্তিস্ত্বয্যুপযুজ্যেত কীদৃশী সদ্ভিরাদৃতা ॥ ২৬ ॥
এতন্মে পুরুষাধ্যক্ষ লোকাধ্যক্ষ জগত্প্রভো ।
প্রণতাযানুরক্তায প্রপন্নায চ কথ্যতাম্ ॥ ২৭ ॥
প্রণতাযানুরক্তায প্রপন্নায চ কথ্যতাম্ ॥ ২৭ ॥
ত্বং ব্রহ্ম পরমং ব্যোম পুরুষঃ প্রকৃতেঃ পরঃ ।
অবতীর্ণোঽসি ভগবন্ স্বেচ্ছোপাত্তপৃথগ্বপুঃ ॥ ২৮ ॥
অবতীর্ণোঽসি ভগবন্ স্বেচ্ছোপাত্তপৃথগ্বপুঃ ॥ ২৮ ॥
শ্রীভগবানুবাচ
কৃপালুরকৃতদ্রোহস্তিতিক্ষুঃ সর্বদেহিনাম্ ।
সত্যসারোঽনবদ্যাত্মা সমঃ সর্বোপকারকঃ ॥ ২৯ ॥
কৃপালুরকৃতদ্রোহস্তিতিক্ষুঃ সর্বদেহিনাম্ ।
সত্যসারোঽনবদ্যাত্মা সমঃ সর্বোপকারকঃ ॥ ২৯ ॥
কামৈরহতধীর্দান্তো মৃদুঃ শুচিরকিঞ্চনঃ ।
অনীহো মিতভুক্ শান্তঃ স্থিরো মচ্ছরণো মুনিঃ ॥ ৩০ ॥
অনীহো মিতভুক্ শান্তঃ স্থিরো মচ্ছরণো মুনিঃ ॥ ৩০ ॥
অপ্রমত্তো গভীরাত্মা ধৃতিমাঞ্জিতষড্গুণঃ ।
অমানী মানদঃ কল্যো মৈত্রঃ কারুণিকঃ কবিঃ ॥ ৩১ ॥
অমানী মানদঃ কল্যো মৈত্রঃ কারুণিকঃ কবিঃ ॥ ৩১ ॥
আজ্ঞাযৈবং গুণান্ দোষান্ মযাদিষ্টানপি স্বকান্ ।
ধর্মান্ সন্ত্যজ্য যঃ সর্বান্ মাং ভজেত স তু সত্তমঃ ॥ ৩২ ॥
ধর্মান্ সন্ত্যজ্য যঃ সর্বান্ মাং ভজেত স তু সত্তমঃ ॥ ৩২ ॥
জ্ঞাত্বাজ্ঞাত্বাথ যে বৈ মাং যাবান্ যশ্চাস্মি যাদৃশঃ ।
ভজন্ত্যনন্যভাবেন তে মে ভক্ততমা মতাঃ ॥ ৩৩ ॥
ভজন্ত্যনন্যভাবেন তে মে ভক্ততমা মতাঃ ॥ ৩৩ ॥
মল্লিঙ্গমদ্ভক্তজনদর্শনস্পর্শনার্চনম্ ।
পরিচর্যা স্তুতিঃ প্রহ্বগুণকর্মানুকীর্তনম্ ॥ ৩৪ ॥
পরিচর্যা স্তুতিঃ প্রহ্বগুণকর্মানুকীর্তনম্ ॥ ৩৪ ॥
মত্কথাশ্রবণে শ্রদ্ধা মদনুধ্যানমুদ্ধব ।
সর্বলাভোপহরণং দাস্যেনাত্মনিবেদনম্ ॥ ৩৫ ॥
সর্বলাভোপহরণং দাস্যেনাত্মনিবেদনম্ ॥ ৩৫ ॥
মজ্জন্মকর্মকথনং মম পর্বানুমোদনম্ ।
গীততাণ্ডববাদিত্রগোষ্ঠীভির্মদ্গৃহোত্সবঃ ॥ ৩৬ ॥
গীততাণ্ডববাদিত্রগোষ্ঠীভির্মদ্গৃহোত্সবঃ ॥ ৩৬ ॥
যাত্রা বলিবিধানং চ সর্ববার্ষিকপর্বসু ।
বৈদিকী তান্ত্রিকী দীক্ষা মদীযব্রতধারণম্ ॥ ৩৭ ॥
বৈদিকী তান্ত্রিকী দীক্ষা মদীযব্রতধারণম্ ॥ ৩৭ ॥
মমার্চাস্থাপনে শ্রদ্ধা স্বতঃ সংহত্য চোদ্যমঃ ।
উদ্যানোপবনাক্রীডপুরমন্দিরকর্মণি ॥ ৩৮ ॥
উদ্যানোপবনাক্রীডপুরমন্দিরকর্মণি ॥ ৩৮ ॥
সম্মার্জনোপলেপাভ্যাং সেকমণ্ডলবর্তনৈঃ ।
গৃহশুশ্রূষণং মহ্যং দাসবদ্ যদমাযযা ॥ ৩৯ ॥
গৃহশুশ্রূষণং মহ্যং দাসবদ্ যদমাযযা ॥ ৩৯ ॥
অমানিত্বমদম্ভিত্বং কৃতস্যাপরিকীর্তনম্ ।
অপি দীপাবলোকং মে নোপযুঞ্জ্যান্নিবেদিতম্ ॥ ৪০ ॥
অপি দীপাবলোকং মে নোপযুঞ্জ্যান্নিবেদিতম্ ॥ ৪০ ॥
যদ্ যদিষ্টতমং লোকে যচ্চাতিপ্রিযমাত্মনঃ ।
তত্তন্নিবেদযেন্মহ্যং তদানন্ত্যায কল্পতে ॥ ৪১ ॥
তত্তন্নিবেদযেন্মহ্যং তদানন্ত্যায কল্পতে ॥ ৪১ ॥
সূর্যোঽগ্নির্ব্রাহ্মণা গাবো বৈষ্ণবঃ খং মরুজ্জলম্ ।
ভূরাত্মা সর্বভূতানি ভদ্র পূজাপদানি মে ॥ ৪২ ॥
ভূরাত্মা সর্বভূতানি ভদ্র পূজাপদানি মে ॥ ৪২ ॥
সূর্যে তু বিদ্যযা ত্রয্যা হবিষাগ্নৌ যজেত মাম্ ।
আতিথ্যেন তু বিপ্রাগ্র্যে গোষ্বঙ্গ যবসাদিনা ॥ ৪৩ ॥
আতিথ্যেন তু বিপ্রাগ্র্যে গোষ্বঙ্গ যবসাদিনা ॥ ৪৩ ॥
বৈষ্ণবে বন্ধুসত্কৃত্যা হৃদি খে ধ্যাননিষ্ঠযা ।
বাযৌ মুখ্যধিযা তোযে দ্রব্যৈস্তোযপুরঃসরৈঃ ॥ ৪৪ ॥
বাযৌ মুখ্যধিযা তোযে দ্রব্যৈস্তোযপুরঃসরৈঃ ॥ ৪৪ ॥
স্থণ্ডিলে মন্ত্রহৃদযৈর্ভোগৈরাত্মানমাত্মনি ।
ক্ষেত্রজ্ঞং সর্বভূতেষু সমত্বেন যজেত মাম্ ॥ ৪৫ ॥
ক্ষেত্রজ্ঞং সর্বভূতেষু সমত্বেন যজেত মাম্ ॥ ৪৫ ॥
ধিষ্ণ্যেষ্বিত্যেষু মদ্রূপং শঙ্খচক্রগদাম্বুজৈঃ ।
যুক্তং চতুর্ভুজং শান্তং ধ্যাযন্নর্চেত্সমাহিতঃ ॥ ৪৬ ॥
যুক্তং চতুর্ভুজং শান্তং ধ্যাযন্নর্চেত্সমাহিতঃ ॥ ৪৬ ॥
ইষ্টাপূর্তেন মামেবং যো যজেত সমাহিতঃ ।
লভতে মযি সদ্ভক্তিং মত্স্মৃতিঃ সাধুসেবযা ॥ ৪৭ ॥
লভতে মযি সদ্ভক্তিং মত্স্মৃতিঃ সাধুসেবযা ॥ ৪৭ ॥
প্রাযেণ ভক্তিযোগেন সত্সঙ্গেন বিনোদ্ধব ।
নোপাযো বিদ্যতে সম্যক্ প্রাযণং হি সতামহম্ ॥ ৪৮ ॥
নোপাযো বিদ্যতে সম্যক্ প্রাযণং হি সতামহম্ ॥ ৪৮ ॥
অথৈতত্ পরমং গুহ্যং শৃণ্বতো যদুনন্দন ।
সুগোপ্যমপি বক্ষ্যামি ত্বং মে ভৃত্যঃ সুহৃত্ সখা ॥ ৪৯ ॥
সুগোপ্যমপি বক্ষ্যামি ত্বং মে ভৃত্যঃ সুহৃত্ সখা ॥ ৪৯ ॥