শ্রীরাজোবাচ
পরস্য বিষ্ণোরীশস্য মাযিনামপি মোহিনীম্ ।
মাযাং বেদিতুমিচ্ছামো ভগবন্তো ব্রুবন্তু নঃ ॥ ১ ॥
পরস্য বিষ্ণোরীশস্য মাযিনামপি মোহিনীম্ ।
মাযাং বেদিতুমিচ্ছামো ভগবন্তো ব্রুবন্তু নঃ ॥ ১ ॥
নানুতৃপ্যে জুষন্যুষ্মদ্বচোহরিকথামৃতম্ ।
সংসারতাপনিস্তপ্তো মর্ত্যস্তত্তাপভেষজম্ ॥ ২ ॥
সংসারতাপনিস্তপ্তো মর্ত্যস্তত্তাপভেষজম্ ॥ ২ ॥
শ্রীঅন্তরীক্ষ উবাচ
এভির্ভূতানি ভূতাত্মা মহাভূতৈর্মহাভুজ ।
সসর্জোচ্চাবচান্যাদ্যঃ স্বমাত্রাত্মপ্রসিদ্ধযে ॥ ৩ ॥
এভির্ভূতানি ভূতাত্মা মহাভূতৈর্মহাভুজ ।
সসর্জোচ্চাবচান্যাদ্যঃ স্বমাত্রাত্মপ্রসিদ্ধযে ॥ ৩ ॥
এবং সৃষ্টানি ভূতানি প্রবিষ্টঃ পঞ্চধাতুভিঃ ।
একধা দশধাত্মানং বিভজন্জুষতে গুণান্ ॥ ৪ ॥
একধা দশধাত্মানং বিভজন্জুষতে গুণান্ ॥ ৪ ॥
গুণৈর্গুণান্স ভুঞ্জান আত্মপ্রদ্যোতিতৈঃ প্রভুঃ ।
মন্যমান ইদং সৃষ্টমাত্মানমিহ সজ্জতে ॥ ৫ ॥
মন্যমান ইদং সৃষ্টমাত্মানমিহ সজ্জতে ॥ ৫ ॥
কর্মাণি কর্মভিঃ কুর্বন্সনিমিত্তানি দেহভৃত্ ।
তত্তত্কর্মফলং গৃহ্ণন্ভ্রমতীহ সুখেতরম্ ॥ ৬ ॥
তত্তত্কর্মফলং গৃহ্ণন্ভ্রমতীহ সুখেতরম্ ॥ ৬ ॥
ইত্থং কর্মগতীর্গচ্ছন্বহ্বভদ্রবহাঃ পুমান্ ।
আভূতসম্প্লবাত্সর্গপ্রলযাবশ্নুতেঽবশঃ ॥ ৭ ॥
আভূতসম্প্লবাত্সর্গপ্রলযাবশ্নুতেঽবশঃ ॥ ৭ ॥
ধাতূপপ্লব আসন্নে ব্যক্তং দ্রব্যগুণাত্মকম্ ।
অনাদিনিধনঃ কালো হ্যব্যক্তাযাপকর্ষতি ॥ ৮ ॥
অনাদিনিধনঃ কালো হ্যব্যক্তাযাপকর্ষতি ॥ ৮ ॥
শতবর্ষা হ্যনাবৃষ্টির্ভবিষ্যত্যুল্বণা ভুবি ।
তত্কালোপচিতোষ্ণার্কো লোকাংস্ত্রীন্প্রতপিষ্যতি ॥ ৯ ॥
তত্কালোপচিতোষ্ণার্কো লোকাংস্ত্রীন্প্রতপিষ্যতি ॥ ৯ ॥
পাতালতলমারভ্য সঙ্কর্ষণমুখানলঃ ।
দহন্নূর্ধ্বশিখো বিষ্বগ্বর্ধতে বাযুনেরিতঃ ॥ ১০ ॥
দহন্নূর্ধ্বশিখো বিষ্বগ্বর্ধতে বাযুনেরিতঃ ॥ ১০ ॥
সংবর্তকো মেঘগণো বর্ষতি স্ম শতং সমাঃ ।
ধারাভির্হস্তিহস্তাভির্লীযতে সলিলে বিরাট্ ॥ ১১ ॥
ধারাভির্হস্তিহস্তাভির্লীযতে সলিলে বিরাট্ ॥ ১১ ॥
ততো বিরাজমুত্সৃজ্য বৈরাজঃ পুরুষো নৃপ ।
অব্যক্তং বিশতে সূক্ষ্মং নিরিন্ধন ইবানলঃ ॥ ১২ ॥
অব্যক্তং বিশতে সূক্ষ্মং নিরিন্ধন ইবানলঃ ॥ ১২ ॥
বাযুনা হৃতগন্ধা ভূঃ সলিলত্বায কল্পতে ।
সলিলং তদ্ধৃতরসং জ্যোতিষ্ট্বাযোপকল্পতে ॥ ১৩ ॥
সলিলং তদ্ধৃতরসং জ্যোতিষ্ট্বাযোপকল্পতে ॥ ১৩ ॥
হৃতরূপং তু তমসা বাযৌ জ্যোতিঃ প্রলীযতে ।
হৃতস্পর্শোঽবকাশেন বাযুর্নভসি লীযতে ।
কালাত্মনা হৃতগুণং নভ আত্মনি লীযতে ॥ ১৪ ॥
হৃতস্পর্শোঽবকাশেন বাযুর্নভসি লীযতে ।
কালাত্মনা হৃতগুণং নভ আত্মনি লীযতে ॥ ১৪ ॥
ইন্দ্রিযাণি মনো বুদ্ধিঃ সহ বৈকারিকৈর্নৃপ ।
প্রবিশন্তি হ্যহঙ্কারং স্বগুণৈরহমাত্মনি ॥ ১৫ ॥
প্রবিশন্তি হ্যহঙ্কারং স্বগুণৈরহমাত্মনি ॥ ১৫ ॥
এষা মাযা ভগবতঃ সর্গস্থিত্যন্তকারিণী ।
ত্রিবর্ণা বর্ণিতাস্মাভিঃ কিং ভূযঃ শ্রোতুমিচ্ছসি ॥ ১৬ ॥
ত্রিবর্ণা বর্ণিতাস্মাভিঃ কিং ভূযঃ শ্রোতুমিচ্ছসি ॥ ১৬ ॥
শ্রীরাজোবাচ
যথৈতামৈশ্বরীং মাযাং দুস্তরামকৃতাত্মভিঃ ।
তরন্ত্যঞ্জঃ স্থূলধিযো মহর্ষ ইদমুচ্যতাম্ ॥ ১৭ ॥
যথৈতামৈশ্বরীং মাযাং দুস্তরামকৃতাত্মভিঃ ।
তরন্ত্যঞ্জঃ স্থূলধিযো মহর্ষ ইদমুচ্যতাম্ ॥ ১৭ ॥
শ্রীপ্রবুদ্ধ উবাচ
কর্মাণ্যারভমাণানাং দুঃখহত্যৈ সুখায চ ।
পশ্যেত্ পাকবিপর্যাসং মিথুনীচারিণাং নৃণাম্ ॥ ১৮ ॥
কর্মাণ্যারভমাণানাং দুঃখহত্যৈ সুখায চ ।
পশ্যেত্ পাকবিপর্যাসং মিথুনীচারিণাং নৃণাম্ ॥ ১৮ ॥
নিত্যার্তিদেন বিত্তেন দুর্লভেনাত্মমৃত্যুনা ।
গৃহাপত্যাপ্তপশুভিঃ কা প্রীতিঃ সাধিতৈশ্চলৈঃ ॥ ১৯ ॥
গৃহাপত্যাপ্তপশুভিঃ কা প্রীতিঃ সাধিতৈশ্চলৈঃ ॥ ১৯ ॥
এবং লোকং পরং বিদ্যান্নশ্বরং কর্মনির্মিতম্ ।
সতুল্যাতিশযধ্বংসং যথা মণ্ডলবর্তিনাম্ ॥ ২০ ॥
সতুল্যাতিশযধ্বংসং যথা মণ্ডলবর্তিনাম্ ॥ ২০ ॥
তস্মাদ্ গুরুং প্রপদ্যেত জিজ্ঞাসুঃ শ্রেয উত্তমম্ ।
শাব্দে পরে চ নিষ্ণাতং ব্রহ্মণ্যুপশমাশ্রযম্ ॥ ২১ ॥
শাব্দে পরে চ নিষ্ণাতং ব্রহ্মণ্যুপশমাশ্রযম্ ॥ ২১ ॥
তত্র ভাগবতান্ ধর্মান্ শিক্ষেদ্ গুর্বাত্মদৈবতঃ ।
অমাযযানুবৃত্ত্যা যৈস্তুষ্যেদাত্মাত্মদোহরিঃ ॥ ২২ ॥
অমাযযানুবৃত্ত্যা যৈস্তুষ্যেদাত্মাত্মদোহরিঃ ॥ ২২ ॥
সর্বতো মনসোঽসঙ্গমাদৌ সঙ্গং চ সাধুষু ।
দযাং মৈত্রীং প্রশ্রযং চ ভূতেষ্বদ্ধা যথোচিতম্ ॥ ২৩ ॥
দযাং মৈত্রীং প্রশ্রযং চ ভূতেষ্বদ্ধা যথোচিতম্ ॥ ২৩ ॥
শৌচং তপস্তিতিক্ষাং চ মৌনং স্বাধ্যাযমার্জবম্ ।
ব্রহ্মচর্যমহিংসাং চ সমত্বং দ্বন্দ্বসংজ্ঞযোঃ ॥ ২৪ ॥
ব্রহ্মচর্যমহিংসাং চ সমত্বং দ্বন্দ্বসংজ্ঞযোঃ ॥ ২৪ ॥
সর্বত্রাত্মেশ্বরান্বীক্ষাং কৈবল্যমনিকেততাম্ ।
বিবিক্তচীরবসনং সন্তোষং যেন কেনচিত্ ॥ ২৫ ॥
বিবিক্তচীরবসনং সন্তোষং যেন কেনচিত্ ॥ ২৫ ॥
শ্রদ্ধাং ভাগবতে শাস্ত্রেঽনিন্দামন্যত্র চাপি হি ।
মনোবাক্কর্মদণ্ডং চ সত্যং শমদমাবপি ॥ ২৬ ॥
মনোবাক্কর্মদণ্ডং চ সত্যং শমদমাবপি ॥ ২৬ ॥
শ্রবণং কীর্তনং ধ্যানং হরেরদ্ভুতকর্মণঃ ।
জন্মকর্মগুণানাং চ তদর্থেঽখিলচেষ্টিতম্ ॥ ২৭ ॥
জন্মকর্মগুণানাং চ তদর্থেঽখিলচেষ্টিতম্ ॥ ২৭ ॥
ইষ্টং দত্তং তপো জপ্তং বৃত্তং যচ্চাত্মনঃ প্রিযম্ ।
দারান্ সুতান্ গৃহান্ প্রাণান্ যত্পরস্মৈ নিবেদনম্ ॥ ২৮ ॥
দারান্ সুতান্ গৃহান্ প্রাণান্ যত্পরস্মৈ নিবেদনম্ ॥ ২৮ ॥
এবং কৃষ্ণাত্মনাথেষু মনুষ্যেষু চ সৌহৃদম্ ।
পরিচর্যাং চোভযত্র মহত্সু নৃষু সাধুষু ॥ ২৯ ॥
পরিচর্যাং চোভযত্র মহত্সু নৃষু সাধুষু ॥ ২৯ ॥
পরস্পরানুকথনং পাবনং ভগবদ্যশঃ ।
মিথো রতির্মিথস্তুষ্টির্নিবৃত্তির্মিথ আত্মনঃ ॥ ৩০ ॥
মিথো রতির্মিথস্তুষ্টির্নিবৃত্তির্মিথ আত্মনঃ ॥ ৩০ ॥
স্মরন্তঃ স্মারযন্তশ্চ মিথোঽঘৌঘহরং হরিম্ ।
ভক্ত্যা সঞ্জাতযা ভক্ত্যা বিভ্রত্যুত্পুলকাং তনুম্ ॥ ৩১ ॥
ভক্ত্যা সঞ্জাতযা ভক্ত্যা বিভ্রত্যুত্পুলকাং তনুম্ ॥ ৩১ ॥
ক্বচিদ্ রুদন্ত্যচ্যুতচিন্তযা ক্বচি-
দ্ধসন্তি নন্দন্তি বদন্ত্যলৌকিকাঃ ।
নৃত্যন্তি গাযন্ত্যনুশীলযন্ত্যজং
ভবন্তি তূষ্ণীং পরমেত্য নিবৃতাঃ ॥ ৩২ ॥
দ্ধসন্তি নন্দন্তি বদন্ত্যলৌকিকাঃ ।
নৃত্যন্তি গাযন্ত্যনুশীলযন্ত্যজং
ভবন্তি তূষ্ণীং পরমেত্য নিবৃতাঃ ॥ ৩২ ॥
ইতি ভাগবতান্ ধর্মান্ শিক্ষন্ ভক্ত্যা তদুত্থযা ।
নারাযণপরো মাযামঞ্জস্তরতি দুস্তরাম্ ॥ ৩৩ ॥
নারাযণপরো মাযামঞ্জস্তরতি দুস্তরাম্ ॥ ৩৩ ॥
শ্রীরাজোবাচ
নারাযণাভিধানস্য ব্রহ্মণঃ পরমাত্মনঃ ।
নিষ্ঠামর্হথ নো বক্তুং যূযং হি ব্রহ্মবিত্তমাঃ ॥ ৩৪ ॥
নারাযণাভিধানস্য ব্রহ্মণঃ পরমাত্মনঃ ।
নিষ্ঠামর্হথ নো বক্তুং যূযং হি ব্রহ্মবিত্তমাঃ ॥ ৩৪ ॥
শ্রীপিপ্পলাযন উবাচ
স্থিত্যুদ্ভবপ্রলযহেতুরহেতুরস্য
যত্ স্বপ্নজাগরসুষুপ্তিষু সদ্ বহিশ্চ ।
দেহেন্দ্রিযাসুহৃদযানি চরন্তি যেন
সঞ্জীবিতানি তদবেহি পরং নরেন্দ্র ॥ ৩৫ ॥
স্থিত্যুদ্ভবপ্রলযহেতুরহেতুরস্য
যত্ স্বপ্নজাগরসুষুপ্তিষু সদ্ বহিশ্চ ।
দেহেন্দ্রিযাসুহৃদযানি চরন্তি যেন
সঞ্জীবিতানি তদবেহি পরং নরেন্দ্র ॥ ৩৫ ॥
নৈতন্মনো বিশতি বাগুত চক্ষুরাত্মা
প্রাণেন্দ্রিযাণি চ যথানলমর্চিষঃ স্বাঃ ।
শব্দোঽপি বোধকনিষেধতযাত্মমূল-
মর্থোক্তমাহ যদৃতে ন নিষেধসিদ্ধিঃ ॥ ৩৬ ॥
প্রাণেন্দ্রিযাণি চ যথানলমর্চিষঃ স্বাঃ ।
শব্দোঽপি বোধকনিষেধতযাত্মমূল-
মর্থোক্তমাহ যদৃতে ন নিষেধসিদ্ধিঃ ॥ ৩৬ ॥
সত্ত্বং রজস্তম ইতি ত্রিবৃদেকমাদৌ
সূত্রং মহানহমিতি প্রবদন্তি জীবম্ ।
জ্ঞানক্রিযার্থফলরূপতযোরুশক্তি
ব্রহ্মৈব ভাতি সদসচ্চ তযোঃ পরং যত্ ॥ ৩৭ ॥
সূত্রং মহানহমিতি প্রবদন্তি জীবম্ ।
জ্ঞানক্রিযার্থফলরূপতযোরুশক্তি
ব্রহ্মৈব ভাতি সদসচ্চ তযোঃ পরং যত্ ॥ ৩৭ ॥
নাত্মা জজান ন মরিষ্যতি নৈধতেঽসৌ
ন ক্ষীযতে সবনবিদ্ ব্যভিচারিণাং হি ।
সর্বত্র শশ্বদনপায্যুপলব্ধিমাত্রং
প্রাণো যথেন্দ্রিযবলেন বিকল্পিতং সত্ ॥ ৩৮ ॥
ন ক্ষীযতে সবনবিদ্ ব্যভিচারিণাং হি ।
সর্বত্র শশ্বদনপায্যুপলব্ধিমাত্রং
প্রাণো যথেন্দ্রিযবলেন বিকল্পিতং সত্ ॥ ৩৮ ॥
অণ্ডেষু পেশিষু তরুষ্ববিনিশ্চিতেষু
প্রাণো হি জীবমুপধাবতি তত্র তত্র ।
সন্নে যদিন্দ্রিযগণেঽহমি চ প্রসুপ্তে
কূটস্থ আশযমৃতে তদনুস্মৃতির্নঃ ॥ ৩৯ ॥
প্রাণো হি জীবমুপধাবতি তত্র তত্র ।
সন্নে যদিন্দ্রিযগণেঽহমি চ প্রসুপ্তে
কূটস্থ আশযমৃতে তদনুস্মৃতির্নঃ ॥ ৩৯ ॥
যর্হ্যব্জনাভচরণৈষণযোরুভক্ত্যা
চেতোমলানি বিধমেদ্ গুণকর্মজানি ।
তস্মিন্ বিশুদ্ধ উপলভ্যত আত্মতত্ত্বং
সাক্ষাদ্ যথামলদৃশোঃ সবিতৃপ্রকাশঃ ॥ ৪০ ॥
চেতোমলানি বিধমেদ্ গুণকর্মজানি ।
তস্মিন্ বিশুদ্ধ উপলভ্যত আত্মতত্ত্বং
সাক্ষাদ্ যথামলদৃশোঃ সবিতৃপ্রকাশঃ ॥ ৪০ ॥
শ্রীরাজোবাচ
কর্মযোগং বদত নঃ পুরুষো যেন সংস্কৃতঃ ।
বিধূযেহাশু কর্মাণি নৈষ্কর্ম্যং বিন্দতে পরম্ ॥ ৪১ ॥
কর্মযোগং বদত নঃ পুরুষো যেন সংস্কৃতঃ ।
বিধূযেহাশু কর্মাণি নৈষ্কর্ম্যং বিন্দতে পরম্ ॥ ৪১ ॥
এবং প্রশ্নমৃষীন্ পূর্বমপৃচ্ছং পিতুরন্তিকে ।
নাব্রুবন্ ব্রহ্মণঃ পুত্রাস্তত্র কারণমুচ্যতাম্ ॥ ৪২ ॥
নাব্রুবন্ ব্রহ্মণঃ পুত্রাস্তত্র কারণমুচ্যতাম্ ॥ ৪২ ॥
শ্রীআবির্হোত্র উবাচ
কর্মাকর্মবিকর্মেতি বেদবাদো ন লৌকিকঃ ।
বেদস্য চেশ্বরাত্মত্বাত্ তত্র মুহ্যন্তি সূরযঃ ॥ ৪৩ ॥
কর্মাকর্মবিকর্মেতি বেদবাদো ন লৌকিকঃ ।
বেদস্য চেশ্বরাত্মত্বাত্ তত্র মুহ্যন্তি সূরযঃ ॥ ৪৩ ॥
পরোক্ষবাদো বেদোঽযং বালানামনুশাসনম্ ।
কর্মমোক্ষায কর্মাণি বিধত্তে হ্যগদং যথা ॥ ৪৪ ॥
কর্মমোক্ষায কর্মাণি বিধত্তে হ্যগদং যথা ॥ ৪৪ ॥
নাচরেদ্ যস্তু বেদোক্তং স্বযমজ্ঞোঽজিতেন্দ্রিযঃ ।
বিকর্মণা হ্যধর্মেণ মৃত্যোর্মৃত্যুমুপৈতি সঃ ॥ ৪৫ ॥
বিকর্মণা হ্যধর্মেণ মৃত্যোর্মৃত্যুমুপৈতি সঃ ॥ ৪৫ ॥
বেদোক্তমেব কুর্বাণো নিঃসঙ্গোঽর্পিতমীশ্বরে ।
নৈষ্কর্ম্যাং লভতে সিদ্ধিং রোচনার্থা ফলশ্রুতিঃ ॥ ৪৬ ॥
নৈষ্কর্ম্যাং লভতে সিদ্ধিং রোচনার্থা ফলশ্রুতিঃ ॥ ৪৬ ॥
য আশু হৃদযগ্রন্থিং নির্জিহীর্ষুঃ পরাত্মনঃ ।
বিধিনোপচরেদ্ দেবং তন্ত্রোক্তেন চ কেশবম্ ॥ ৪৭ ॥
বিধিনোপচরেদ্ দেবং তন্ত্রোক্তেন চ কেশবম্ ॥ ৪৭ ॥
লব্ধ্বানুগ্রহ আচার্যাত্ তেন সন্দর্শিতাগমঃ ।
মহাপুরুষমভ্যর্চেন্মূর্ত্যাভিমতযাত্মনঃ ॥ ৪৮ ॥
মহাপুরুষমভ্যর্চেন্মূর্ত্যাভিমতযাত্মনঃ ॥ ৪৮ ॥
শুচিঃ সম্মুখমাসীনঃ প্রাণসংযমনাদিভিঃ ।
পিণ্ডং বিশোধ্য সন্ন্যাসকৃতরক্ষোঽর্চযেদ্ধরিম্ ॥ ৪৯ ॥
পিণ্ডং বিশোধ্য সন্ন্যাসকৃতরক্ষোঽর্চযেদ্ধরিম্ ॥ ৪৯ ॥
অর্চাদৌ হৃদযে চাপি যথালব্ধোপচারকৈঃ ।
দ্রব্যক্ষিত্যাত্মলিঙ্গানি নিষ্পাদ্য প্রোক্ষ্য চাসনম্ ॥ ৫০ ॥
দ্রব্যক্ষিত্যাত্মলিঙ্গানি নিষ্পাদ্য প্রোক্ষ্য চাসনম্ ॥ ৫০ ॥
পাদ্যাদীনুপকল্প্যাথ সন্নিধাপ্য সমাহিতঃ ।
হৃদাদিভিঃ কৃতন্যাসো মূলমন্ত্রেণ চার্চযেত্ ॥ ৫১ ॥
হৃদাদিভিঃ কৃতন্যাসো মূলমন্ত্রেণ চার্চযেত্ ॥ ৫১ ॥
সাঙ্গোপাঙ্গাং সপার্ষদাং তাং তাং মূর্তিং স্বমন্ত্রতঃ ।
পাদ্যার্ঘ্যাচমনীযাদ্যৈঃ স্নানবাসোবিভূষণৈঃ ॥ ৫২ ॥
পাদ্যার্ঘ্যাচমনীযাদ্যৈঃ স্নানবাসোবিভূষণৈঃ ॥ ৫২ ॥
গন্ধমাল্যাক্ষতস্রগ্ভির্ধূপদীপোপহারকৈঃ ।
সাঙ্গংসম্পূজ্য বিধিবত্ স্তবৈঃ স্তুত্বা নমেদ্ধরিম্ ॥ ৫৩ ॥
সাঙ্গংসম্পূজ্য বিধিবত্ স্তবৈঃ স্তুত্বা নমেদ্ধরিম্ ॥ ৫৩ ॥
আত্মানম্ তন্মযং ধ্যাযন্ মূর্তিং সম্পূজযেদ্ধরেঃ ।
শেষামাধায শিরসা স্বধাম্ন্যুদ্বাস্য সত্কৃতম্ ॥ ৫৪ ॥
শেষামাধায শিরসা স্বধাম্ন্যুদ্বাস্য সত্কৃতম্ ॥ ৫৪ ॥
এবমগ্ন্যর্কতোযাদাবতিথৌ হৃদযে চ যঃ ।
যজতীশ্বরমাত্মানমচিরান্মুচ্যতে হি সঃ ॥ ৫৫ ॥
যজতীশ্বরমাত্মানমচিরান্মুচ্যতে হি সঃ ॥ ৫৫ ॥