ஶ்ரீமத்பாகவதம் ௧௨.௧௩

ஸூத உவாச
யம் ப்ரஹ்மா வருணேந்த்ரருத்ரமருதஃ ஸ்துந்வந்தி திவ்யைஃ ஸ்தவை-
ர்வேதைஃ ஸாங்கபதக்ரமோபநிஷதைர்காயந்தி யம் ஸாமகாஃ ।
த்யாநாவஸ்திததத்கதேந மநஸா பஶ்யந்தி யம் யோகிநோ
யஸ்யாந்தம் ந விதுஃ ஸுராஸுரகணா தேவாய தஸ்மை நமஃ ॥ ௧ ॥

ப்ரு'ஷ்டே ப்ராம்யதமந்தமந்தரகிரிக்ராவாக்ரகண்டூயநா-
ந்நித்ராலோஃ கமடாக்ரு'தேர்பகவதஃ ஶ்வாஸாநிலாஃ பாந்து வஃ ।
யத்ஸம்ஸ்காரகலாநுவர்தநவஶாத் வேலாநிபேநாம்பஸாம்
யாதாயாதமதந்த்ரிதம் ஜலநிதேர்நாத்யாபி விஶ்ராம்யதி ॥ ௨ ॥

புராணஸங்க்யாஸம்பூதிமஸ்ய வாச்யப்ரயோஜநே ।
தாநம் தாநஸ்ய மாஹாத்ம்யம் பாடாதேஶ்ச நிபோதத ॥ ௩ ॥

ப்ராஹ்மம் தஶஸஹஸ்ராணி பாத்மம் பஞ்சோநஷஷ்டி ச ।
ஶ்ரீவைஷ்ணவம் த்ரயோவிம்ஶச்சதுர்விம்ஶதி ஶைவகம் ॥ ௪ ॥

தஶாஷ்டௌ ஶ்ரீபாகவதம் நாரதம் பஞ்சவிம்ஶதி ।
மார்கண்டம் நவ வாஹ்நம் ச தஶபஞ்ச சதுஃஶதம் ॥ ௫ ॥

சதுர்தஶ பவிஷ்யம் ஸ்யாத்ததா பஞ்சஶதாநி ச ।
தஶாஷ்டௌ ப்ரஹ்மவைவர்தம் லைங்கமேகாதஶைவ து ॥ ௬ ॥

சதுர்விம்ஶதி வாராஹமேகாஶீதிஸஹஸ்ரகம் ।
ஸ்காந்தம் ஶதம் ததா சைகம் வாமநம் தஶ கீர்திதம் ॥ ௭ ॥

கௌர்மம் ஸப்ததஶாக்யாதம் மாத்ஸ்யம் தத்து சதுர்தஶ ।
ஏகோநவிம்ஶத்ஸௌபர்ணம் ப்ரஹ்மாண்டம் த்வாதஶைவ து ॥ ௮ ॥

ஏவம் புராணஸந்தோஹஶ்சதுர்லக்ஷ உதாஹ்ரு'தஃ ।
தத்ராஷ்டதஶஸாஹஸ்ரம் ஶ்ரீபாகவதமிஷ்யதே ॥ ௯ ॥

இதம் பகவதா பூர்வம் ப்ரஹ்மணே நாபிபங்கஜே ।
ஸ்திதாய பவபீதாய காருண்யாத் ஸம்ப்ரகாஶிதம் ॥ ௧௦ ॥

ஆதிமத்யாவஸாநேஷு வைராக்யாக்யாநஸம்யுதம் ।
ஹரிலீலாகதாவ்ராதாம்ரு'தாநந்திதஸத்ஸுரம் ॥ ௧௧ ॥

ஸர்வவேதாந்தஸாரம் யத ப்ரஹ்மாத்மைகத்வலக்ஷணம் ।
வஸ்த்வத்விதீயம் தந்நிஷ்டம் கைவல்யைகப்ரயோஜநம் ॥ ௧௨ ॥

ப்ரௌஷ்டபத்யாம் பௌர்ணமாஸ்யாம் ஹேமஸிம்ஹஸமந்விதம் ।
ததாதி யோ பாகவதம் ஸ யாதி பரமாம் கதிம் ॥ ௧௩ ॥

ராஜந்தே தாவதந்யாநி புராணாநி ஸதாம் கணே ।
யாவத்பாகவதம் நைவ ஶ்ரூயதே'ம்ரு'தஸாகரம் ॥ ௧௪ ॥

ஸர்வவேதாந்தஸாரம் ஹி ஶ்ரீபாகவதமிஷ்யதே ।
தத்ரஸாம்ரு'தத்ரு'ப்தஸ்ய நாந்யத்ர ஸ்யாத்ரதிஃ க்வசித் ॥ ௧௫ ॥

நிம்நகாநாம் யதா கங்கா தேவாநாமச்யுதோ யதா ।
வைஷ்ணவாநாம் யதா ஶம்புஃ புராணாநாமிதம் ததா ॥ ௧௬ ॥

க்ஷேத்ராணாம் சைவ ஸர்வேஷாம் யதா காஶீ ஹ்யநுத்தமா ।
ததா புராணவ்ராதாநாம் ஶ்ரீமத்பாகவதம் த்விஜாஃ ॥ ௧௭ ॥

ஶ்ரீமத்பாகவதம் புராணமமலம் யத்வைஷ்ணவாநாம் ப்ரியம்
யஸ்மிந் பாரமஹம்ஸ்யமேகமமலம் ஜ்ஞாநம் பரம் கீயதே ।
தத்ர ஜ்ஞாநவிராகபக்திஸஹிதம் நைஷ்கர்ம்யமாவிஷ்க்ரு'தம்
தச்ச்ரு'ண்வந் ஸுபடந் விசாரணபரோ பக்த்யா விமுச்யேந்நரஃ ॥ ௧௮ ॥

கஸ்மை யேந விபாஸிதோ'யமதுலோ ஜ்ஞாநப்ரதீபஃ புரா
தத்ரூபேண ச நாரதாய முநயே க்ரு'ஷ்ணாய தத்ரூபிணா ।
யோகீந்த்ராய ததாத்மநாத பகவத்ராதாய காருண்யத-
ஸ்தச்சுத்தம் விமலம் விஶோகமம்ரு'தம் ஸத்யம் பரம் தீமஹி ॥ ௧௯ ॥

நமஸ்தஸ்மை பகவதே வாஸுதேவாய ஸாக்ஷிணே ।
ய இதம் க்ரு'பயா கஸ்மை வ்யாசசக்ஷே முமுக்ஷவே ॥ ௨௦ ॥

யோகீந்த்ராய நமஸ்தஸ்மை ஶுகாய ப்ரஹ்மரூபிணே ।
ஸம்ஸாரஸர்பதஷ்டம் யோ விஷ்ணுராதமமூமுசத் ॥ ௨௧ ॥

பவே பவே யதா பக்திஃ பாதயோஸ்தவ ஜாயதே ।
ததா குருஷ்வ தேவேஶ நாதஸ்த்வம் நோ யதஃ ப்ரபோ ॥ ௨௨ ॥

நாமஸங்கீர்தநம் யஸ்ய ஸர்வபாபப்ரணாஶநம் ।
ப்ரணாமோ துஃகஶமநஸ்தம் நமாமி ஹரிம் பரம் ॥ ௨௩ ॥