ஶ்ரீமத்பாகவதம் ௧௨.௬

ஸூத உவாச
ஏதந்நிஶம்ய முநிநாபிஹிதம் பரீக்ஷித்
வ்யாஸாத்மஜேந நிகிலாத்மத்ரு'ஶா ஸமேந ।
தத்பாதமூலமுபஸ்ரு'த்ய நதேந மூர்த்நா
பத்தாஞ்ஜலிஸ்தமிதமாஹ ஸ விஷ்ணுராதஃ ॥ ௧ ॥

ராஜோவாச
ஸித்தோ'ஸ்ம்யநுக்ரு'ஹீதோ'ஸ்மி பவதா கருணாத்மநா ।
ஶ்ராவிதோ யச்ச மே ஸாக்ஷாதநாதிநிதநோ ஹரிஃ ॥ ௨ ॥

நாத்யத்புதமஹம் மந்யே மஹதாமச்யுதாத்மநாம் ।
அஜ்ஞேஷு தாபதப்தேஷு பூதேஷு யதநுக்ரஹஃ ॥ ௩ ॥

புராணஸம்ஹிதாமேதாமஶ்ரௌஷ்ம பவதோ வயம் ।
யஸ்யாம் கலூத்தமஃஶ்லோகோ பகவாநநுவர்ண்யதே ॥ ௪ ॥

பகவம்ஸ்தக்ஷகாதிப்யோ ம்ரு'த்யுப்யோ ந பிபேம்யஹம் ।
ப்ரவிஷ்டோ ப்ரஹ்ம நிர்வாணமபயம் தர்ஶிதம் த்வயா ॥ ௫ ॥

அநுஜாநீஹி மாம் ப்ரஹ்மந் வாசம் யச்சாம்யதோக்ஷஜே ।
முக்தகாமாஶயம் சேதஃ ப்ரவேஶ்ய விஸ்ரு'ஜாம்யஸூந் ॥ ௬ ॥

அஜ்ஞாநம் ச நிரஸ்தம் மே ஜ்ஞாநவிஜ்ஞாநநிஷ்டயா ।
பவதா தர்ஶிதம் க்ஷேமம் பரம் பகவதஃ பதம் ॥ ௭ ॥

ஸூத உவாச
இத்யுக்தஸ்தமநுஜ்ஞாப்ய பகவாந் பாதராயணிஃ ।
ஜகாம பிக்ஷுபிஃ ஸாகம் நரதேவேந பூஜிதஃ ॥ ௮ ॥

பரீக்ஷிதபி ராஜர்ஷிராத்மந்யாத்மாநமாத்மநா ।
ஸமாதாய பரம் தத்யாவஸ்பந்தாஸுர்யதா தருஃ ॥ ௯ ॥

ப்ராக்கூலே பர்ஹிஷ்யாஸீநோ கங்காகூல உதங்முகஃ ।
ப்ரஹ்மபூதோ மஹாயோகீ நிஃஸங்கஶ்சிந்நஸம்ஶயஃ ॥ ௧௦ ॥

தக்ஷகஃ ப்ரஹிதோ விப்ராஃ க்ருத்தேந த்விஜஸூநுநா ।
ஹந்துகாமோ ந்ரு'பம் கச்சந் ததர்ஶ பதி கஶ்யபம் ॥ ௧௧ ॥

தம் தர்பயித்வா த்ரவிணைர்நிவர்த்ய விஷஹாரிணம் ।
த்விஜரூபப்ரதிச்சந்நஃ காமரூபோ'தஶந்ந்ரு'பம் ॥ ௧௨ ॥

ப்ரஹ்மபூதஸ்ய ராஜர்ஷேர்தேஹோ'ஹிகரலாக்நிநா ।
பபூவ பஸ்மஸாத் ஸத்யஃ பஶ்யதாம் ஸர்வதேஹிநாம் ॥ ௧௩ ॥

ஹாஹாகாரோ மஹாநாஸீத் புவி கே திக்ஷு ஸர்வதஃ ।
விஸ்மிதா ஹ்யபவந் ஸர்வே தேவாஸுரநராதயஃ ॥ ௧௪ ॥

தேவதுந்துபயோ நேதுர்கந்தர்வாப்ஸரஸோ ஜகுஃ ।
வவ்ரு'ஷுஃ புஷ்பவர்ஷாணி விபுதாஃ ஸாதுவாதிநஃ ॥ ௧௫ ॥

ஜந்மேஜயஃ ஸ்வபிதரம் ஶ்ருத்வா தக்ஷகபக்ஷிதம் ।
யதா ஜுஹாவ ஸங்க்ருத்தோ நாகாந் ஸத்ரே ஸஹ த்விஜைஃ ॥ ௧௬ ॥

ஸர்பஸத்ரே ஸமித்தாக்நௌ தஹ்யமாநாந் மஹோரகாந் ।
த்ரு'ஷ்ட்வேந்த்ரம் பயஸம்விக்நஸ்தக்ஷகஃ ஶரணம் யயௌ ॥ ௧௭ ॥

அபஶ்யம்ஸ்தக்ஷகம் தத்ர ராஜா பாரீக்ஷிதோ த்விஜாந் ।
உவாசதக்ஷகஃ கஸ்மாந்ந தஹ்யேதோரகாதமஃ ॥ ௧௮ ॥

தம் கோபாயதி ராஜேந்த்ர ஶக்ரஃ ஶரணமாகதம் ।
தேந ஸம்ஸ்தம்பிதஃ ஸர்பஸ்தஸ்மாந்நாக்நௌ பதத்யஸௌ ॥ ௧௯ ॥

பாரீக்ஷித இதி ஶ்ருத்வா ப்ராஹர்த்விஜ உதாரதீஃ ।
ஸஹேந்த்ரஸ்தக்ஷகோ விப்ரா நாக்நௌ கிமிதி பாத்யதே ॥ ௨௦ ॥

தச்ச்ருத்வாஜுஹுவுர்விப்ராஃ ஸஹேந்த்ரம் தக்ஷகம் மகே ।
தக்ஷகாஶு பதஸ்வேஹ ஸஹேந்த்ரேண மருத்வதா ॥ ௨௧ ॥

இதி ப்ரஹ்மோதிதாக்ஷேபைஃ ஸ்தாநாதிந்த்ரஃ ப்ரசாலிதஃ ।
பபூவ ஸம்ப்ராந்தமதிஃ ஸவிமாநஃ ஸதக்ஷகஃ ॥ ௨௨ ॥

தம் பதந்தம் விமாநேந ஸஹதக்ஷகமம்பராத் ।
விலோக்யாங்கிரஸஃ ப்ராஹ ராஜாநம் தம் ப்ரு'ஹஸ்பதிஃ ॥ ௨௩ ॥

நைஷ த்வயா மநுஷ்யேந்த்ர வதமர்ஹதி ஸர்பராட் ।
அநேந பீதமம்ரு'தமத வா அஜராமரஃ ॥ ௨௪ ॥

ஜீவிதம் மரணம் ஜந்தோர்கதிஃ ஸ்வேநைவ கர்மணா ।
ராஜம்ஸ்ததோ'ந்யோ நாஸ்த்யஸ்ய ப்ரதாதா ஸுகதுஃகயோஃ ॥ ௨௫ ॥

ஸர்பசௌராக்நிவித்யுத்ப்யஃ க்ஷுத்த்ரு'ட்வ்யாத்யாதிபிர்ந்ரு'ப ।
பஞ்சத்வம்ரு'ச்சதே ஜந்துர்புங்க்த ஆரப்தகர்ம தத் ॥ ௨௬ ॥

தஸ்மாத் ஸத்ரமிதம் ராஜந் ஸம்ஸ்தீயேதாபிசாரிகம் ।
ஸர்பா அநாகஸோ தக்தா ஜநைர்திஷ்டம் ஹி புஜ்யதே ॥ ௨௭ ॥

ஸூத உவாச
இத்யுக்தஃ ஸ ததேத்யாஹ மஹர்ஷேர்மாநயந் வசஃ ।
ஸர்பஸத்ராதுபரதஃ பூஜயாமாஸ வாக்பதிம் ॥ ௨௮ ॥

ஸைஷா விஷ்ணோர்மஹாமாயாபாத்யயாலக்ஷணா யயா ।
முஹ்யந்த்யஸ்யைவாத்மபூதா பூதேஷு குணவ்ரு'த்திபிஃ ॥ ௨௯ ॥

ந யத்ர தம்பீத்யபயா விராஜிதா
மாயாத்மவாதே'ஸக்ரு'தாத்மவாதிபிஃ ।
ந யத்விவாதோ விவிதஸ்ததாஶ்ரயோ
மநஶ்ச ஸங்கல்பவிகல்பவ்ரு'த்தி யத் ॥ ௩௦ ॥

ந யத்ர ஸ்ரு'ஜ்யம் ஸ்ரு'ஜதோபயோஃ பரம்
ஶ்ரேயஶ்ச ஜீவஸ்த்ரிபிரந்விதஸ்த்வஹம் ।
ததேததுத்ஸாதிதபாத்யபாதகம்
நிஷித்ய சோர்மீந் விரமேத தந்முநிஃ ॥ ௩௧ ॥

பரம் பதம் வைஷ்ணவமாமநந்தி தத்
யந்நேதி நேதீத்யததுத்ஸிஸ்ரு'க்ஷவஃ ।
விஸ்ரு'ஜ்ய தௌராத்ம்யமநந்யஸௌஹ்ரு'தா
ஹ்ரு'தோபகுஹ்யாவஸிதம் ஸமாஹிதைஃ ॥ ௩௨ ॥

த ஏதததிகச்சந்தி விஷ்ணோர்யத் பரமம் பதம் ।
அஹம் மமேதி தௌர்ஜந்யம் ந யேஷாம் தேஹகேஹஜம் ॥ ௩௩ ॥

அதிவாதாம்ஸ்திதிக்ஷேத நாவமந்யேத கஞ்சந ।
ந சேமம் தேஹமாஶ்ரித்ய வைரம் குர்வீத கேநசித் ॥ ௩௪ ॥

நமோ பகவதே தஸ்மை க்ரு'ஷ்ணாயாகுண்டமேதஸே ।
யத்பாதாம்புருஹத்யாநாத் ஸம்ஹிதாமத்யகாமிமாம் ॥ ௩௫ ॥

ஶ்ரீஶௌநக உவாச
பைலாதிபிர்வ்யாஸஶிஷ்யைர்வேதாசார்யைர்மஹாத்மபிஃ ।
வேதாஶ்ச கதிதா வ்யஸ்தா ஏதத் ஸௌம்யாபிதேஹி நஃ ॥ ௩௬ ॥

ஸூத உவாச
ஸமாஹிதாத்மநோ ப்ரஹ்மந் ப்ரஹ்மணஃ பரமேஷ்டிநஃ ।
ஹ்ரு'த்யாகாஶாதபூந்நாதோ வ்ரு'த்திரோதாத் விபாவ்யதே ॥ ௩௭ ॥

யதுபாஸநயா ப்ரஹ்மந் யோகிநோ மலமாத்மநஃ ।
த்ரவ்யக்ரியாகாரகாக்யம் தூத்வா யாந்த்யபுநர்பவம் ॥ ௩௮ ॥

ததோ'பூத்த்ரிவ்ரு'தோம்காரோ யோ'வ்யக்தப்ரபவஃ ஸ்வராட் ।
யத்தல்லிங்கம் பகவதோ ப்ரஹ்மணஃ பரமாத்மநஃ ॥ ௩௯ ॥

ஶ்ரு'ணோதி ய இமம் ஸ்போடம் ஸுப்தஶ்ரோத்ரே ச ஶூந்யத்ரு'க் ।
யேந வாக் வ்யஜ்யதே யஸ்ய வ்யக்திராகாஶ ஆத்மநஃ ॥ ௪௦ ॥

ஸ்வதாம்நோ ப்ராஹ்மணஃ ஸாக்ஷாத் வாசகஃ பரமாத்மநஃ ।
ஸ ஸர்வமந்த்ரோபநிஷத்வேதபீஜம் ஸநாதநம் ॥ ௪௧ ॥

தஸ்ய ஹ்யாஸம்ஸ்த்ரயோ வர்ணா அகாராத்யா ப்ரு'கூத்வஹ ।
தார்யந்தே யைஸ்த்ரயோ பாவா குணநாமார்தவ்ரு'த்தயஃ ॥ ௪௨ ॥

ததோ'க்ஷரஸமாம்நாயமஸ்ரு'ஜத் பகவாநஜஃ ।
அந்தஸ்தோஷ்மஸ்வரஸ்பர்ஶஹ்ரஸ்வதீர்காதிலக்ஷணம் ॥ ௪௩ ॥

தேநாஸௌ சதுரோ வேதாம்ஶ்சதுர்பிர்வதநைர்விபுஃ ।
ஸவ்யாஹ்ரு'திகாந் ஸோம்காராம்ஶ்சாதுர்ஹோத்ரவிவக்ஷயா ॥ ௪௪ ॥

புத்ராநத்யாபயத்தாம்ஸ்து ப்ரஹ்மர்ஷீந் ப்ரஹ்மகோவிதாந் ।
தே து தர்மோபதேஷ்டாரஃ ஸ்வபுத்ரேப்யஃ ஸமாதிஶந் ॥ ௪௫ ॥

தே பரம்பரயா ப்ராப்தாஸ்தத்தச்சிஷ்யைர்த்ரு'தவ்ரதைஃ ।
சதுர்யுகேஷ்வத வ்யஸ்தா த்வாபராதௌ மஹர்ஷிபிஃ ॥ ௪௬ ॥

க்ஷீணாயுஷஃ க்ஷீணஸத்த்வாந் துர்மேதாந் வீக்ஷ்ய காலதஃ ।
வேதாந்ப்ரஹ்மர்ஷயோ வ்யஸ்யந் ஹ்ரு'திஸ்தாச்யுதசோதிதாஃ ॥ ௪௭ ॥

அஸ்மிந்நப்யந்தரே ப்ரஹ்மந் பகவாந்லோகபாவநஃ ।
ப்ரஹ்மேஶாத்யைர்லோகபாலைர்யாசிதோ தர்மகுப்தயே ॥ ௪௮ ॥

பராஶராத் ஸத்யவத்யாமம்ஶாம்ஶகலயா விபுஃ ।
அவதீர்ணோ மஹாபாக வேதம் சக்ரே சதுர்விதம் ॥ ௪௯ ॥

ரு'கதர்வயஜுஃஸாம்நாம் ராஶீருத்த்ரு'த்ய வர்கஶஃ ।
சதஸ்ரஃ ஸம்ஹிதாஶ்சக்ரே மந்த்ரைர்மணிகணா இவ ॥ ௫௦ ॥

தாஸாம் ஸ சதுரஃ ஶிஷ்யாநுபாஹூய மஹாமதிஃ ।
ஏகைகாம் ஸம்ஹிதாம் ப்ரஹ்மந்நேகைகஸ்மை ததௌ விபுஃ ॥ ௫௧ ॥

பைலாய ஸம்ஹிதாமாத்யாம் பஹ்வ்ரு'சாக்யாம் உவாசஹ ।
வைஶம்பாயநஸம்ஜ்ஞாய நிகதாக்யம் யஜுர்கணம் ॥ ௫௨ ॥

ஸாம்நாம் ஜைமிநயே ப்ராஹ ததா சந்தோகஸம்ஹிதாம் ।
அதர்வாங்கிரஸீம் நாம ஸ்வஶிஷ்யாய ஸுமந்தவே ॥ ௫௩ ॥

பைலஃ ஸ்வஸம்ஹிதாமூசே இந்த்ரப்ரமிதயே முநிஃ ।
பாஷ்கலாய ச ஸோ'ப்யாஹ ஶிஷ்யேப்யஃ ஸம்ஹிதாம் ஸ்வகாம் ॥ ௫௪ ॥

சதுர்தா வ்யஸ்ய போத்யாய யாஜ்ஞவல்க்யாய பார்கவ ।
பராஶராயாக்நிமித்ர இந்த்ரப்ரமிதிராத்மவாந் ॥ ௫௫ ॥

அத்யாபயத் ஸம்ஹிதாம் ஸ்வாம் மாண்டூகேயம்ரு'ஷிம் கவிம் ।
தஸ்ய ஶிஷ்யோ தேவமித்ரஃ ஸௌபர்யாதிப்ய ஊசிவாந் ॥ ௫௬ ॥

ஶாகல்யஸ்தத்ஸுதஃ ஸ்வாம் து பஞ்சதா வ்யஸ்ய ஸம்ஹிதாம் ।
வாத்ஸ்யமுத்கலஶாலீயகோகல்யஶிஶிரேஷ்வதாத் ॥ ௫௭ ॥

ஜாதூகர்ண்யஶ்ச தச்சிஷ்யஃ ஸநிருக்தாம் ஸ்வஸம்ஹிதாம் ।
பலாகபைலஜாபாலவிரஜேப்யோ ததௌ முநிஃ ॥ ௫௮ ॥

பாஷ்கலிஃ ப்ரதிஶாகாப்யோ வாலகில்யாக்யஸம்ஹிதாம் ।
சக்ரே வாலாயநிர்பஜ்யஃ காஶாரஶ்சைவ தாம் ததுஃ ॥ ௫௯ ॥

பஹ்வ்ரு'சாஃ ஸம்ஹிதா ஹ்யேதா ஏபிர்ப்ரஹ்மர்ஷிபிர்த்ரு'தாஃ ।
ஶ்ருத்வைதச்சந்தஸாம் வ்யாஸம் ஸர்வபாபைஃ ப்ரமுச்யதே ॥ ௬௦ ॥

வைஶம்பாயநஶிஷ்யா வை சரகாத்வர்யவோ'பவந் ।
யச்சேருர்ப்ரஹ்மஹத்யாம்ஹஃ க்ஷபணம் ஸ்வகுரோர்வ்ரதம் ॥ ௬௧ ॥

யாஜ்ஞவல்க்யஶ்ச தச்சிஷ்ய ஆஹாஹோ பகவந் கியத் ।
சரிதேநால்பஸாராணாம் சரிஷ்யே'ஹம் ஸுதுஶ்சரம் ॥ ௬௨ ॥

இத்யுக்தோ குருரப்யாஹ குபிதோ யாஹ்யலம் த்வயா ।
விப்ராவமந்த்ரா ஶிஷ்யேண மததீதம் த்யஜாஶ்விதி ॥ ௬௩ ॥

தேவராதஸுதஃ ஸோ'பி சர்தித்வா யஜுஷாம் கணம் ।
ததோ கதோ'த முநயோ தத்ரு'ஶுஸ்தாந் யஜுர்கணாந் ॥ ௬௪ ॥

யஜூம்ஷி தித்திரா பூத்வா தல்லோலுபதயாததுஃ ।
தைத்திரீயா இதி யஜுஃஶாகா ஆஸந் ஸுபேஶலாஃ ॥ ௬௫ ॥

யாஜ்ஞவல்க்யஸ்ததோ ப்ரஹ்மம்ஶ்சந்தாம்ஸ்யதிகவேஷயந் ।
குரோரவித்யமாநாநி ஸூபதஸ்தே'ர்கமீஶ்வரம் ॥ ௬௬ ॥

ஶ்ரீயாஜ்ஞவல்க்ய உவாச
ௐ நமோ பகவதே ஆதித்யாயாகிலஜகதாமாத்மஸ்வரூபேண காலஸ்வரூபேண சதுர்விதபூதநிகாயாநாம் ப்ரஹ்மாதிஸ்தம்பபர்யந்தாநாமந்தர்ஹ்ரு'தயேஷு பஹிரபி சாகாஶ இவோபாதிநாவ்யவதீயமாநோ பவாநேக ஏவ க்ஷணலவநிமேஷாவயவோபசிதஸம்வத்ஸரகணேநாபாமாதாந விஸர்காப்யாமிமாம் லோகயாத்ராமநுவஹதி ॥ ௬௭ ॥

யது ஹ வாவ விபுதர்ஷப ஸவிதரதஸ்தபத்யநுஸவநமஹர அஹராம்நாயவிதிநோபதிஷ்டமாநாநாமகிலதுரிதவ்ரு'ஜிந பீஜாவபர்ஜந பகவதஃ ஸமபிதீமஹி தபந மண்டலம் ॥ ௬௮ ॥

ய இஹ வாவ ஸ்திரசரநிகராணாம் நிஜநிகேதநாநாம் மநஇந்த்ரியாஸு கணாநநாத்மநஃ ஸ்வயமாத்மாந்தர்யாமீ ப்ரசோதயதி ॥ ௬௯ ॥

ய ஏவேமம் லோகமதிகராலவதநாந்தகாரஸம்ஜ்ஞாஜகரக்ரஹ கிலிதம் ம்ரு'தகமிவ விசேதநமவலோக்யாநுகம்பயா பரமகாருணிக ஈக்ஷயைவோத்தாப்யாஹரஹரநுஸவநம் ஶ்ரேயஸி ஸ்வதர்மாக்யாத்மாவஸ்தாநே ப்ரவர்தயதி ॥ ௭௦ ॥

அவநிபதிரிவாஸாதூநாம் பயமுதீரயந்நடதி பரித ஆஶாபாலைஸ்தத்ர தத்ர கமலகோஶாஞ்ஜலிபிருபஹ்ரு'தார்ஹணஃ ॥ ௭௧ ॥

அத ஹ பகவம்ஸ்தவ சரணநலிநயுகலம் த்ரிபுவநகுருபிரபிவந்திதமஹமயாதயாமயஜுஷ்காம உபஸராமீதி ॥ ௭௨ ॥

ஸூத உவாச
ஏவம் ஸ்துதஃ ஸ பகவாந் வாஜிரூபதரோ ரவிஃ ।
யஜூம்ஷ்யயாதயாமாநி முநயே'தாத் ப்ரஸாதிதஃ ॥ ௭௩ ॥

யஜுர்பிரகரோச்சாகா தஶபஞ்ச ஶதைர்விபுஃ ।
ஜக்ரு'ஹுர்வாஜஸந்யஸ்தாஃ காண்வமாத்யந்திநாதயஃ ॥ ௭௪ ॥

ஜைமிநேஃ ஸாமகஸ்யாஸீத் ஸுமந்துஸ்தநயோ முநிஃ ।
ஸுத்வாம்ஸ்து தத்ஸுதஸ்தாப்யாமேகைகாம் ப்ராஹ ஸம்ஹிதாம் ॥ ௭௫ ॥

ஸுகர்மா சாபி தச்சிஷ்யஃ ஸாமவேததரோர்மஹாந் ।
ஸஹஸ்ரஸம்ஹிதாபேதம் சக்ரே ஸாம்நாம் ததோ த்விஜ ॥ ௭௬ ॥

ஹிரண்யநாபஃ கௌஶல்யஃ பௌஷ்யஞ்ஜிஶ்ச ஸுகர்மணஃ ।
ஶிஷ்யௌ ஜக்ரு'ஹதுஶ்சாந்ய ஆவந்த்யோ ப்ரஹ்மவித்தமஃ ॥ ௭௭ ॥

உதீச்யாஃ ஸாமகாஃ ஶிஷ்யா ஆஸந் பஞ்சஶதாநி வை ।
பௌஷ்யஞ்ஜ்யாவந்த்யயோஶ்சாபி தாம்ஶ்ச ப்ராச்யாந் ப்ரசக்ஷதே ॥ ௭௮ ॥

லௌகாக்ஷிர்மாங்கலிஃ குல்யஃ குஶீதஃ குக்ஷிரேவ ச ।
பௌஷ்யஞ்ஜிஶிஷ்யா ஜக்ரு'ஹுஃ ஸம்ஹிதாஸ்தே ஶதம் ஶதம் ॥ ௭௯ ॥

க்ரு'தோ ஹிரண்யநாபஸ்ய சதுர்விம்ஶதிஸம்ஹிதாஃ ।
ஶிஷ்ய ஊசே ஸ்வஶிஷ்யேப்யஃ ஶேஷா ஆவந்த்ய ஆத்மவாந் ॥ ௮௦ ॥