শ্রীশৌনক উবাচ
সূত জীব চিরং সাধো বদ নো বদতাং বর ।
তমস্যপারে ভ্রমতাং নৃণাং ত্বং পারদর্শনঃ ॥ ১ ॥
সূত জীব চিরং সাধো বদ নো বদতাং বর ।
তমস্যপারে ভ্রমতাং নৃণাং ত্বং পারদর্শনঃ ॥ ১ ॥
আহুশ্চিরাযুষমৃষিং মৃকণ্ডতনযং জনাঃ ।
যঃ কল্পান্তে হ্যুর্বরিতো যেন গ্রস্তমিদং জগত্ ॥ ২ ॥
যঃ কল্পান্তে হ্যুর্বরিতো যেন গ্রস্তমিদং জগত্ ॥ ২ ॥
স বা অস্মত্কুলোত্পন্নঃ কল্পেঽস্মিন্ ভার্গবর্ষভঃ ।
নৈবাধুনাপি ভূতানাং সম্প্লবঃ কোঽপি জাযতে ॥ ৩ ॥
নৈবাধুনাপি ভূতানাং সম্প্লবঃ কোঽপি জাযতে ॥ ৩ ॥
এক এবার্ণবে ভ্রাম্যন্ দদর্শ পুরুষং কিল ।
বটপত্রপুটে তোকং শযানং ত্বেকমদ্ভুতম্ ॥ ৪ ॥
বটপত্রপুটে তোকং শযানং ত্বেকমদ্ভুতম্ ॥ ৪ ॥
এষ নঃ সংশযো ভূযান্ সূত কৌতূহলং যতঃ ।
তং নশ্ছিন্ধি মহাযোগিন্ পুরাণেষ্বপি সম্মতঃ ॥ ৫ ॥
তং নশ্ছিন্ধি মহাযোগিন্ পুরাণেষ্বপি সম্মতঃ ॥ ৫ ॥
সূত উবাচ
প্রশ্নস্ত্বযা মহর্ষেঽযং কৃতো লোকভ্রমাপহঃ ।
নারাযণকথা যত্র গীতা কলিমলাপহা ॥ ৬ ॥
প্রশ্নস্ত্বযা মহর্ষেঽযং কৃতো লোকভ্রমাপহঃ ।
নারাযণকথা যত্র গীতা কলিমলাপহা ॥ ৬ ॥
প্রাপ্তদ্বিজাতিসংস্কারো মার্কণ্ডেযঃ পিতুঃ ক্রমাত্ ।
ছন্দাংস্যধীত্য ধর্মেণ তপঃস্বাধ্যাযসংযুতঃ ॥ ৭ ॥
ছন্দাংস্যধীত্য ধর্মেণ তপঃস্বাধ্যাযসংযুতঃ ॥ ৭ ॥
বৃহদ্ব্রতধরঃ শান্তো জটিলো বল্কলাম্বরঃ ।
বিভ্রত্ কমণ্ডলুং দণ্ডমুপবীতং সমেখলম্ ॥ ৮ ॥
বিভ্রত্ কমণ্ডলুং দণ্ডমুপবীতং সমেখলম্ ॥ ৮ ॥
কৃষ্ণাজিনং সাক্ষসূত্রং কুশাংশ্চ নিযমর্দ্ধযে ।
অগ্ন্যর্কগুরুবিপ্রাত্মস্বর্চযন্ সন্ধ্যযোর্হরিম্ ॥ ৯ ॥
অগ্ন্যর্কগুরুবিপ্রাত্মস্বর্চযন্ সন্ধ্যযোর্হরিম্ ॥ ৯ ॥
সাযং প্রাতঃ স গুরবে ভৈক্ষ্যমাহৃত্য বাগ্যতঃ ।
বুভুজে গুর্বনুজ্ঞাতঃ সকৃন্নো চেদুপোষিতঃ ॥ ১০ ॥
বুভুজে গুর্বনুজ্ঞাতঃ সকৃন্নো চেদুপোষিতঃ ॥ ১০ ॥
এবং তপঃস্বাধ্যাযপরো বর্ষাণামযুতাযুতম্ ।
আরাধযন্ হৃষীকেশং জিগ্যে মৃত্যুং সুদুর্জযম্ ॥ ১১ ॥
আরাধযন্ হৃষীকেশং জিগ্যে মৃত্যুং সুদুর্জযম্ ॥ ১১ ॥
ব্রহ্মা ভৃগুর্ভবো দক্ষো ব্রহ্মপুত্রাশ্চ যেঽপরে ।
নৃদেবপিতৃভূতানি তেনাসন্নতিবিস্মিতাঃ ॥ ১২ ॥
নৃদেবপিতৃভূতানি তেনাসন্নতিবিস্মিতাঃ ॥ ১২ ॥
ইত্থং বৃহদ্ব্রতধরস্তপঃস্বাধ্যাযসংযমৈঃ ।
দধ্যাবধোক্ষজং যোগী ধ্বস্তক্লেশান্তরাত্মনা ॥ ১৩ ॥
দধ্যাবধোক্ষজং যোগী ধ্বস্তক্লেশান্তরাত্মনা ॥ ১৩ ॥
তস্যৈবং যুঞ্জতশ্চিত্তং মহাযোগেন যোগিনঃ ।
ব্যতীযায মহান্ কালো মন্বন্তরষডাত্মকঃ ॥ ১৪ ॥
ব্যতীযায মহান্ কালো মন্বন্তরষডাত্মকঃ ॥ ১৪ ॥
এতত্ পুরন্দরো জ্ঞাত্বা সপ্তমেঽস্মিন্ কিলান্তরে ।
তপোবিশঙ্কিতো ব্রহ্মন্নারেভে তদ্বিঘাতনম্ ॥ ১৫ ॥
তপোবিশঙ্কিতো ব্রহ্মন্নারেভে তদ্বিঘাতনম্ ॥ ১৫ ॥
গন্ধর্বাপ্সরসঃ কামং বসন্তমলযানিলৌ ।
মুনযে প্রেষযামাস রজস্তোকমদৌ তথা ॥ ১৬ ॥
মুনযে প্রেষযামাস রজস্তোকমদৌ তথা ॥ ১৬ ॥
তে বৈ তদাশ্রমং জগ্মুর্হিমাদ্রেঃ পার্শ্ব উত্তরে ।
পুষ্পভদ্রা নদী যত্র চিত্রাখ্যা চ শিলা বিভো ॥ ১৭ ॥
পুষ্পভদ্রা নদী যত্র চিত্রাখ্যা চ শিলা বিভো ॥ ১৭ ॥
তদাশ্রমপদং পুণ্যং পুণ্যদ্রুমলতাঞ্চিতম্ ।
পুণ্যদ্বিজকুলাকীর্ণং পুণ্যামলজলাশযম্ ॥ ১৮ ॥
পুণ্যদ্বিজকুলাকীর্ণং পুণ্যামলজলাশযম্ ॥ ১৮ ॥
মত্তভ্রমরসঙ্গীতং মত্তকোকিলকূজিতম্ ।
মত্তবর্হিনটাটোপং মত্তদ্বিজকুলাকুলম্ ॥ ১৯ ॥
মত্তবর্হিনটাটোপং মত্তদ্বিজকুলাকুলম্ ॥ ১৯ ॥
বাযুঃ প্রবিষ্ট আদায হিমনির্ঝরশীকরান্ ।
সুমনোভিঃ পরিষ্বক্তো ববাবুত্তম্ভযন্ স্মরম্ ॥ ২০ ॥
সুমনোভিঃ পরিষ্বক্তো ববাবুত্তম্ভযন্ স্মরম্ ॥ ২০ ॥
উদ্যচ্চন্দ্রনিশাবক্ত্রঃ প্রবালস্তবকালিভিঃ ।
গোপদ্রুমলতাজালৈস্তত্রাসীত্ কুসুমাকরঃ ॥ ২১ ॥
গোপদ্রুমলতাজালৈস্তত্রাসীত্ কুসুমাকরঃ ॥ ২১ ॥
অন্বীযমানো গন্ধর্বৈর্গীতবাদিত্রযূথকৈঃ ।
অদৃশ্যতাত্তচাপেষুঃ স্বঃস্ত্রীযূথপতিঃ স্মরঃ ॥ ২২ ॥
অদৃশ্যতাত্তচাপেষুঃ স্বঃস্ত্রীযূথপতিঃ স্মরঃ ॥ ২২ ॥
হুত্বাগ্নিং সমুপাসীনং দদৃশুঃ শক্রকিঙ্করাঃ ।
মীলিতাক্ষং দুরাধর্ষং মূর্তিমন্তমিবানলম্ ॥ ২৩ ॥
মীলিতাক্ষং দুরাধর্ষং মূর্তিমন্তমিবানলম্ ॥ ২৩ ॥
ননৃতুস্তস্য পুরতঃ স্ত্রিযোঽথো গাযকা জগুঃ ।
মৃদঙ্গবীণাপণবৈর্বাদ্যং চক্রুর্মনোরমম্ ॥ ২৪ ॥
মৃদঙ্গবীণাপণবৈর্বাদ্যং চক্রুর্মনোরমম্ ॥ ২৪ ॥
সন্দধেঽস্ত্রং স্বধনুষি কামঃ পঞ্চমুখং তদা ।
মধুর্মনো রজস্তোক ইন্দ্রভৃত্যা ব্যকম্পযন্ ॥ ২৫ ॥
মধুর্মনো রজস্তোক ইন্দ্রভৃত্যা ব্যকম্পযন্ ॥ ২৫ ॥
ক্রীডন্ত্যাঃ পুঞ্জিকস্থল্যাঃ কন্দুকৈঃ স্তনগৌরবাত্ ।
ভৃশমুদ্বিগ্নমধ্যাযাঃ কেশবিস্রংসিতস্রজঃ ॥ ২৬ ॥
ভৃশমুদ্বিগ্নমধ্যাযাঃ কেশবিস্রংসিতস্রজঃ ॥ ২৬ ॥
ইতস্ততোভ্রমদ্দৃষ্টেশ্চলন্ত্যা অনুকন্দুকম্ ।
বাযুর্জহার তদ্বাসঃ সূক্ষ্মং ত্রুটিতমেখলম্ ॥ ২৭ ॥
বাযুর্জহার তদ্বাসঃ সূক্ষ্মং ত্রুটিতমেখলম্ ॥ ২৭ ॥
বিসসর্জ তদা বাণং মত্বা তং স্বজিতং স্মরঃ ।
সর্বং তত্রাভবন্মোঘমনীশস্য যথোদ্যমঃ ॥ ২৮ ॥
সর্বং তত্রাভবন্মোঘমনীশস্য যথোদ্যমঃ ॥ ২৮ ॥
ত ইত্থমপকুর্বন্তো মুনেস্তত্তেজসা মুনে ।
দহ্যমানা নিববৃতুঃ প্রবোধ্যাহিমিবার্ভকাঃ ॥ ২৯ ॥
দহ্যমানা নিববৃতুঃ প্রবোধ্যাহিমিবার্ভকাঃ ॥ ২৯ ॥
ইতীন্দ্রানুচরৈর্ব্রহ্মন্ ধর্ষিতোঽপি মহামুনিঃ ।
যন্নাগাদহমো ভাবং ন তচ্চিত্রং মহত্সু হি ॥ ৩০ ॥
যন্নাগাদহমো ভাবং ন তচ্চিত্রং মহত্সু হি ॥ ৩০ ॥
দৃষ্ট্বা নিস্তেজসং কামং সগণং ভগবান্ স্বরাট্ ।
শ্রুত্বানুভাবং ব্রহ্মর্ষের্বিস্মযং সমগাত্ পরম্ ॥ ৩১ ॥
শ্রুত্বানুভাবং ব্রহ্মর্ষের্বিস্মযং সমগাত্ পরম্ ॥ ৩১ ॥
তস্যৈবং যুঞ্জতশ্চিত্তং তপঃস্বাধ্যাযসংযমৈঃ ।
অনুগ্রহাযাবিরাসীন্নরনারাযণো হরিঃ ॥ ৩২ ॥
অনুগ্রহাযাবিরাসীন্নরনারাযণো হরিঃ ॥ ৩২ ॥
তৌ শুক্লকৃষ্ণৌ নবকঞ্জলোচনৌ
চতুর্ভুজৌ রৌরববল্কলাম্বরৌ ।
পবিত্রপাণী উপবীতকং ত্রিবৃত্
কমণ্ডলুং দণ্ডমৃজুং চ বৈণবম্ ॥ ৩৩ ॥
চতুর্ভুজৌ রৌরববল্কলাম্বরৌ ।
পবিত্রপাণী উপবীতকং ত্রিবৃত্
কমণ্ডলুং দণ্ডমৃজুং চ বৈণবম্ ॥ ৩৩ ॥
পদ্মাক্ষমালামুত জন্তুমার্জনং
বেদং চ সাক্ষাত্তপ এব রূপিণৌ ।
তপত্তডিদ্বর্ণপিশঙ্গরোচিষা
প্রাংশূ দধানৌ বিবুধর্ষভার্চিতৌ ॥ ৩৪ ॥
বেদং চ সাক্ষাত্তপ এব রূপিণৌ ।
তপত্তডিদ্বর্ণপিশঙ্গরোচিষা
প্রাংশূ দধানৌ বিবুধর্ষভার্চিতৌ ॥ ৩৪ ॥
তে বৈ ভগবতো রূপে নরনারাযণাবৃষী ।
দৃষ্ট্বোত্থাযাদরেণোচ্চৈর্ননামাঙ্গেন দণ্ডবত্ ॥ ৩৫ ॥
দৃষ্ট্বোত্থাযাদরেণোচ্চৈর্ননামাঙ্গেন দণ্ডবত্ ॥ ৩৫ ॥
স তত্সন্দর্শনানন্দনির্বৃতাত্মেন্দ্রিযাশযঃ ।
হৃষ্টরোমাশ্রুপূর্ণাক্ষো ন সেহে তাবুদীক্ষিতুম্ ॥ ৩৬ ॥
হৃষ্টরোমাশ্রুপূর্ণাক্ষো ন সেহে তাবুদীক্ষিতুম্ ॥ ৩৬ ॥
উত্থায প্রাঞ্জলিঃ প্রহ্ব ঔত্সুক্যাদাশ্লিষন্নিব ।
নমো নম ইতীশানৌ বভাশে গদ্গদাক্ষরম্ ॥ ৩৭ ॥
নমো নম ইতীশানৌ বভাশে গদ্গদাক্ষরম্ ॥ ৩৭ ॥
তযোরাসনমাদায পাদযোরবনিজ্য চ ।
অর্হণেনানুলেপেন ধূপমাল্যৈরপূজযত্ ॥ ৩৮ ॥
অর্হণেনানুলেপেন ধূপমাল্যৈরপূজযত্ ॥ ৩৮ ॥
সুখমাসনমাসীনৌ প্রসাদাভিমুখৌ মুনী ।
পুনরানম্য পাদাভ্যাং গরিষ্ঠাবিদমব্রবীত্ ॥ ৩৯ ॥
পুনরানম্য পাদাভ্যাং গরিষ্ঠাবিদমব্রবীত্ ॥ ৩৯ ॥
শ্রীমার্কণ্ডেয উবাচ
কিং বর্ণযে তব বিভো যদুদীরিতোঽসুঃ
সংস্পন্দতে তমনু বাঙ্মনইন্দ্রিযাণি ।
স্পন্দন্তি বৈ তনুভৃতামজশর্বযোশ্চ
স্বস্যাপ্যথাপি ভজতামসি ভাববন্ধুঃ ॥ ৪০ ॥
কিং বর্ণযে তব বিভো যদুদীরিতোঽসুঃ
সংস্পন্দতে তমনু বাঙ্মনইন্দ্রিযাণি ।
স্পন্দন্তি বৈ তনুভৃতামজশর্বযোশ্চ
স্বস্যাপ্যথাপি ভজতামসি ভাববন্ধুঃ ॥ ৪০ ॥
মূর্তী ইমে ভগবতো ভগবংস্ত্রিলোক্যাঃ
ক্ষেমায তাপবিরমায চ মৃত্যুজিত্যৈ ।
নানা বিভর্ষ্যবিতুমন্যতনূর্যথেদং
সৃষ্ট্বা পুনর্গ্রসসি সর্বমিবোর্ণনাভিঃ ॥ ৪১ ॥
ক্ষেমায তাপবিরমায চ মৃত্যুজিত্যৈ ।
নানা বিভর্ষ্যবিতুমন্যতনূর্যথেদং
সৃষ্ট্বা পুনর্গ্রসসি সর্বমিবোর্ণনাভিঃ ॥ ৪১ ॥
তস্যাবিতুঃ স্থিরচরেশিতুরঙ্ঘ্রিমূলং
যত্স্থং ন কর্মগুণকালরজঃ স্পৃশন্তি ।
যদ্ বৈ স্তুবন্তি নিনমন্তি যজন্ত্যভীক্ষ্ণং
ধ্যাযন্তি বেদহৃদযা মুনযস্তদাপ্ত্যৈ ॥ ৪২ ॥
যত্স্থং ন কর্মগুণকালরজঃ স্পৃশন্তি ।
যদ্ বৈ স্তুবন্তি নিনমন্তি যজন্ত্যভীক্ষ্ণং
ধ্যাযন্তি বেদহৃদযা মুনযস্তদাপ্ত্যৈ ॥ ৪২ ॥
নান্যং তবাঙ্ঘ্র্যুপনযাদপবর্গমূর্তেঃ
ক্ষেমং জনস্য পরিতোভিয ঈশ বিদ্মঃ ।
ব্রহ্মা বিভেত্যলমতো দ্বিপরার্ধধিষ্ণ্যঃ
কালস্য তে কিমুত তত্কৃতভৌতিকানাম্ ॥ ৪৩ ॥
ক্ষেমং জনস্য পরিতোভিয ঈশ বিদ্মঃ ।
ব্রহ্মা বিভেত্যলমতো দ্বিপরার্ধধিষ্ণ্যঃ
কালস্য তে কিমুত তত্কৃতভৌতিকানাম্ ॥ ৪৩ ॥
তদ্ বৈ ভজাম্যৃতধিযস্তব পাদমূলং
হিত্বেদমাত্মচ্ছদি চাত্মগুরোঃ পরস্য ।
দেহাদ্যপার্থমসদন্ত্যমভিজ্ঞমাত্রং
বিন্দেত তে তর্হি সর্বমনীষিতার্থম্ ॥ ৪৪ ॥
হিত্বেদমাত্মচ্ছদি চাত্মগুরোঃ পরস্য ।
দেহাদ্যপার্থমসদন্ত্যমভিজ্ঞমাত্রং
বিন্দেত তে তর্হি সর্বমনীষিতার্থম্ ॥ ৪৪ ॥
সত্ত্বং রজস্তম ইতীশ তবাত্মবন্ধো
মাযামযাঃ স্থিতিলযোদযহেতবোঽস্য ।
লীলা ধৃতা যদপি সত্ত্বমযী প্রশান্ত্যৈ
নান্যে নৃণাং ব্যসনমোহভিযশ্চ যাভ্যাম্ ॥ ৪৫ ॥
মাযামযাঃ স্থিতিলযোদযহেতবোঽস্য ।
লীলা ধৃতা যদপি সত্ত্বমযী প্রশান্ত্যৈ
নান্যে নৃণাং ব্যসনমোহভিযশ্চ যাভ্যাম্ ॥ ৪৫ ॥
তস্মাত্তবেহ ভগবন্নথ তাবকানাং
শুক্লাং তনুং স্বদযিতাং কুশলা ভজন্তি ।
যত্ সাত্বতাঃ পুরুষরূপমুশন্তি সত্ত্বং
লোকো যতোঽভযমুতাত্মসুখং ন চান্যত্ ॥ ৪৬ ॥
শুক্লাং তনুং স্বদযিতাং কুশলা ভজন্তি ।
যত্ সাত্বতাঃ পুরুষরূপমুশন্তি সত্ত্বং
লোকো যতোঽভযমুতাত্মসুখং ন চান্যত্ ॥ ৪৬ ॥
তস্মৈ নমো ভগবতে পুরুষায ভূম্নে
বিশ্বায বিশ্বগুরবে পরদৈবতায ।
নারাযণায ঋষযে চ নরোত্তমায
হংসায সংযতগিরে নিগমেশ্বরায ॥ ৪৭ ॥
বিশ্বায বিশ্বগুরবে পরদৈবতায ।
নারাযণায ঋষযে চ নরোত্তমায
হংসায সংযতগিরে নিগমেশ্বরায ॥ ৪৭ ॥
যং বৈ ন বেদ বিতথাক্ষপথৈর্ভ্রমদ্ধীঃ
সন্তং স্বকেষ্বসুষু হৃদ্যপি দৃক্পথেষু ।
তন্মাযযাবৃতমতিঃ স উ এব সাক্ষা-
দাদ্যস্তবাখিলগুরোরুপসাদ্য বেদম্ ॥ ৪৮ ॥
সন্তং স্বকেষ্বসুষু হৃদ্যপি দৃক্পথেষু ।
তন্মাযযাবৃতমতিঃ স উ এব সাক্ষা-
দাদ্যস্তবাখিলগুরোরুপসাদ্য বেদম্ ॥ ৪৮ ॥
যদ্দর্শনং নিগম আত্মরহঃপ্রকাশং
মুহ্যন্তি যত্র কবযোঽজপরা যতন্তঃ ।
তং সর্ববাদবিষযপ্রতিরূপশীলং
বন্দে মহাপুরুষমাত্মনিগূঢবোধম্ ॥ ৪৯ ॥
মুহ্যন্তি যত্র কবযোঽজপরা যতন্তঃ ।
তং সর্ববাদবিষযপ্রতিরূপশীলং
বন্দে মহাপুরুষমাত্মনিগূঢবোধম্ ॥ ৪৯ ॥