ஶ்ரீமத்பாகவதம் ௧௨.௮

ஶ்ரீஶௌநக உவாச
ஸூத ஜீவ சிரம் ஸாதோ வத நோ வததாம் வர ।
தமஸ்யபாரே ப்ரமதாம் ந்ரு'ணாம் த்வம் பாரதர்ஶநஃ ॥ ௧ ॥

ஆஹுஶ்சிராயுஷம்ரு'ஷிம் ம்ரு'கண்டதநயம் ஜநாஃ ।
யஃ கல்பாந்தே ஹ்யுர்வரிதோ யேந க்ரஸ்தமிதம் ஜகத் ॥ ௨ ॥

ஸ வா அஸ்மத்குலோத்பந்நஃ கல்பே'ஸ்மிந் பார்கவர்ஷபஃ ।
நைவாதுநாபி பூதாநாம் ஸம்ப்லவஃ கோ'பி ஜாயதே ॥ ௩ ॥

ஏக ஏவார்ணவே ப்ராம்யந் ததர்ஶ புருஷம் கில ।
வடபத்ரபுடே தோகம் ஶயாநம் த்வேகமத்புதம் ॥ ௪ ॥

ஏஷ நஃ ஸம்ஶயோ பூயாந் ஸூத கௌதூஹலம் யதஃ ।
தம் நஶ்சிந்தி மஹாயோகிந் புராணேஷ்வபி ஸம்மதஃ ॥ ௫ ॥

ஸூத உவாச
ப்ரஶ்நஸ்த்வயா மஹர்ஷே'யம் க்ரு'தோ லோகப்ரமாபஹஃ ।
நாராயணகதா யத்ர கீதா கலிமலாபஹா ॥ ௬ ॥

ப்ராப்தத்விஜாதிஸம்ஸ்காரோ மார்கண்டேயஃ பிதுஃ க்ரமாத் ।
சந்தாம்ஸ்யதீத்ய தர்மேண தபஃஸ்வாத்யாயஸம்யுதஃ ॥ ௭ ॥

ப்ரு'ஹத்வ்ரததரஃ ஶாந்தோ ஜடிலோ வல்கலாம்பரஃ ।
பிப்ரத் கமண்டலும் தண்டமுபவீதம் ஸமேகலம் ॥ ௮ ॥

க்ரு'ஷ்ணாஜிநம் ஸாக்ஷஸூத்ரம் குஶாம்ஶ்ச நியமர்த்தயே ।
அக்ந்யர்ககுருவிப்ராத்மஸ்வர்சயந் ஸந்த்யயோர்ஹரிம் ॥ ௯ ॥

ஸாயம் ப்ராதஃ ஸ குரவே பைக்ஷ்யமாஹ்ரு'த்ய வாக்யதஃ ।
புபுஜே குர்வநுஜ்ஞாதஃ ஸக்ரு'ந்நோ சேதுபோஷிதஃ ॥ ௧௦ ॥

ஏவம் தபஃஸ்வாத்யாயபரோ வர்ஷாணாமயுதாயுதம் ।
ஆராதயந் ஹ்ரு'ஷீகேஶம் ஜிக்யே ம்ரு'த்யும் ஸுதுர்ஜயம் ॥ ௧௧ ॥

ப்ரஹ்மா ப்ரு'குர்பவோ தக்ஷோ ப்ரஹ்மபுத்ராஶ்ச யே'பரே ।
ந்ரு'தேவபித்ரு'பூதாநி தேநாஸந்நதிவிஸ்மிதாஃ ॥ ௧௨ ॥

இத்தம் ப்ரு'ஹத்வ்ரததரஸ்தபஃஸ்வாத்யாயஸம்யமைஃ ।
தத்யாவதோக்ஷஜம் யோகீ த்வஸ்தக்லேஶாந்தராத்மநா ॥ ௧௩ ॥

தஸ்யைவம் யுஞ்ஜதஶ்சித்தம் மஹாயோகேந யோகிநஃ ।
வ்யதீயாய மஹாந் காலோ மந்வந்தரஷடாத்மகஃ ॥ ௧௪ ॥

ஏதத் புரந்தரோ ஜ்ஞாத்வா ஸப்தமே'ஸ்மிந் கிலாந்தரே ।
தபோவிஶங்கிதோ ப்ரஹ்மந்நாரேபே தத்விகாதநம் ॥ ௧௫ ॥

கந்தர்வாப்ஸரஸஃ காமம் வஸந்தமலயாநிலௌ ।
முநயே ப்ரேஷயாமாஸ ரஜஸ்தோகமதௌ ததா ॥ ௧௬ ॥

தே வை ததாஶ்ரமம் ஜக்முர்ஹிமாத்ரேஃ பார்ஶ்வ உத்தரே ।
புஷ்பபத்ரா நதீ யத்ர சித்ராக்யா ச ஶிலா விபோ ॥ ௧௭ ॥

ததாஶ்ரமபதம் புண்யம் புண்யத்ருமலதாஞ்சிதம் ।
புண்யத்விஜகுலாகீர்ணம் புண்யாமலஜலாஶயம் ॥ ௧௮ ॥

மத்தப்ரமரஸங்கீதம் மத்தகோகிலகூஜிதம் ।
மத்தபர்ஹிநடாடோபம் மத்தத்விஜகுலாகுலம் ॥ ௧௯ ॥

வாயுஃ ப்ரவிஷ்ட ஆதாய ஹிமநிர்சரஶீகராந் ।
ஸுமநோபிஃ பரிஷ்வக்தோ வவாவுத்தம்பயந் ஸ்மரம் ॥ ௨௦ ॥

உத்யச்சந்த்ரநிஶாவக்த்ரஃ ப்ரவாலஸ்தபகாலிபிஃ ।
கோபத்ருமலதாஜாலைஸ்தத்ராஸீத் குஸுமாகரஃ ॥ ௨௧ ॥

அந்வீயமாநோ கந்தர்வைர்கீதவாதித்ரயூதகைஃ ।
அத்ரு'ஶ்யதாத்தசாபேஷுஃ ஸ்வஃஸ்த்ரீயூதபதிஃ ஸ்மரஃ ॥ ௨௨ ॥

ஹுத்வாக்நிம் ஸமுபாஸீநம் தத்ரு'ஶுஃ ஶக்ரகிங்கராஃ ।
மீலிதாக்ஷம் துராதர்ஷம் மூர்திமந்தமிவாநலம் ॥ ௨௩ ॥

நந்ரு'துஸ்தஸ்ய புரதஃ ஸ்த்ரியோ'தோ காயகா ஜகுஃ ।
ம்ரு'தங்கவீணாபணவைர்வாத்யம் சக்ருர்மநோரமம் ॥ ௨௪ ॥

ஸந்ததே'ஸ்த்ரம் ஸ்வதநுஷி காமஃ பஞ்சமுகம் ததா ।
மதுர்மநோ ரஜஸ்தோக இந்த்ரப்ரு'த்யா வ்யகம்பயந் ॥ ௨௫ ॥

க்ரீடந்த்யாஃ புஞ்ஜிகஸ்தல்யாஃ கந்துகைஃ ஸ்தநகௌரவாத் ।
ப்ரு'ஶமுத்விக்நமத்யாயாஃ கேஶவிஸ்ரம்ஸிதஸ்ரஜஃ ॥ ௨௬ ॥

இதஸ்ததோப்ரமத்த்ரு'ஷ்டேஶ்சலந்த்யா அநுகந்துகம் ।
வாயுர்ஜஹார தத்வாஸஃ ஸூக்ஷ்மம் த்ருடிதமேகலம் ॥ ௨௭ ॥

விஸஸர்ஜ ததா பாணம் மத்வா தம் ஸ்வஜிதம் ஸ்மரஃ ।
ஸர்வம் தத்ராபவந்மோகமநீஶஸ்ய யதோத்யமஃ ॥ ௨௮ ॥

த இத்தமபகுர்வந்தோ முநேஸ்தத்தேஜஸா முநே ।
தஹ்யமாநா நிவவ்ரு'துஃ ப்ரபோத்யாஹிமிவார்பகாஃ ॥ ௨௯ ॥

இதீந்த்ராநுசரைர்ப்ரஹ்மந் தர்ஷிதோ'பி மஹாமுநிஃ ।
யந்நாகாதஹமோ பாவம் ந தச்சித்ரம் மஹத்ஸு ஹி ॥ ௩௦ ॥

த்ரு'ஷ்ட்வா நிஸ்தேஜஸம் காமம் ஸகணம் பகவாந் ஸ்வராட் ।
ஶ்ருத்வாநுபாவம் ப்ரஹ்மர்ஷேர்விஸ்மயம் ஸமகாத் பரம் ॥ ௩௧ ॥

தஸ்யைவம் யுஞ்ஜதஶ்சித்தம் தபஃஸ்வாத்யாயஸம்யமைஃ ।
அநுக்ரஹாயாவிராஸீந்நரநாராயணோ ஹரிஃ ॥ ௩௨ ॥

தௌ ஶுக்லக்ரு'ஷ்ணௌ நவகஞ்ஜலோசநௌ
சதுர்புஜௌ ரௌரவவல்கலாம்பரௌ ।
பவித்ரபாணீ உபவீதகம் த்ரிவ்ரு'த்
கமண்டலும் தண்டம்ரு'ஜும் ச வைணவம் ॥ ௩௩ ॥

பத்மாக்ஷமாலாமுத ஜந்துமார்ஜநம்
வேதம் ச ஸாக்ஷாத்தப ஏவ ரூபிணௌ ।
தபத்தடித்வர்ணபிஶங்கரோசிஷா
ப்ராம்ஶூ ததாநௌ விபுதர்ஷபார்சிதௌ ॥ ௩௪ ॥

தே வை பகவதோ ரூபே நரநாராயணாவ்ரு'ஷீ ।
த்ரு'ஷ்ட்வோத்தாயாதரேணோச்சைர்நநாமாங்கேந தண்டவத் ॥ ௩௫ ॥

ஸ தத்ஸந்தர்ஶநாநந்தநிர்வ்ரு'தாத்மேந்த்ரியாஶயஃ ।
ஹ்ரு'ஷ்டரோமாஶ்ருபூர்ணாக்ஷோ ந ஸேஹே தாவுதீக்ஷிதும் ॥ ௩௬ ॥

உத்தாய ப்ராஞ்ஜலிஃ ப்ரஹ்வ ஔத்ஸுக்யாதாஶ்லிஷந்நிவ ।
நமோ நம இதீஶாநௌ பபாஶே கத்கதாக்ஷரம் ॥ ௩௭ ॥

தயோராஸநமாதாய பாதயோரவநிஜ்ய ச ।
அர்ஹணேநாநுலேபேந தூபமால்யைரபூஜயத் ॥ ௩௮ ॥

ஸுகமாஸநமாஸீநௌ ப்ரஸாதாபிமுகௌ முநீ ।
புநராநம்ய பாதாப்யாம் கரிஷ்டாவிதமப்ரவீத் ॥ ௩௯ ॥

ஶ்ரீமார்கண்டேய உவாச
கிம் வர்ணயே தவ விபோ யதுதீரிதோ'ஸுஃ
ஸம்ஸ்பந்ததே தமநு வாங்மநஇந்த்ரியாணி ।
ஸ்பந்தந்தி வை தநுப்ரு'தாமஜஶர்வயோஶ்ச
ஸ்வஸ்யாப்யதாபி பஜதாமஸி பாவபந்துஃ ॥ ௪௦ ॥

மூர்தீ இமே பகவதோ பகவம்ஸ்த்ரிலோக்யாஃ
க்ஷேமாய தாபவிரமாய ச ம்ரு'த்யுஜித்யை ।
நாநா பிபர்ஷ்யவிதுமந்யதநூர்யதேதம்
ஸ்ரு'ஷ்ட்வா புநர்க்ரஸஸி ஸர்வமிவோர்ணநாபிஃ ॥ ௪௧ ॥

தஸ்யாவிதுஃ ஸ்திரசரேஶிதுரங்க்ரிமூலம்
யத்ஸ்தம் ந கர்மகுணகாலரஜஃ ஸ்ப்ரு'ஶந்தி ।
யத் வை ஸ்துவந்தி நிநமந்தி யஜந்த்யபீக்ஷ்ணம்
த்யாயந்தி வேதஹ்ரு'தயா முநயஸ்ததாப்த்யை ॥ ௪௨ ॥

நாந்யம் தவாங்க்ர்யுபநயாதபவர்கமூர்தேஃ
க்ஷேமம் ஜநஸ்ய பரிதோபிய ஈஶ வித்மஃ ।
ப்ரஹ்மா பிபேத்யலமதோ த்விபரார்ததிஷ்ண்யஃ
காலஸ்ய தே கிமுத தத்க்ரு'தபௌதிகாநாம் ॥ ௪௩ ॥

தத் வை பஜாம்ய்ரு'ததியஸ்தவ பாதமூலம்
ஹித்வேதமாத்மச்சதி சாத்மகுரோஃ பரஸ்ய ।
தேஹாத்யபார்தமஸதந்த்யமபிஜ்ஞமாத்ரம்
விந்தேத தே தர்ஹி ஸர்வமநீஷிதார்தம் ॥ ௪௪ ॥

ஸத்த்வம் ரஜஸ்தம இதீஶ தவாத்மபந்தோ
மாயாமயாஃ ஸ்திதிலயோதயஹேதவோ'ஸ்ய ।
லீலா த்ரு'தா யதபி ஸத்த்வமயீ ப்ரஶாந்த்யை
நாந்யே ந்ரு'ணாம் வ்யஸநமோஹபியஶ்ச யாப்யாம் ॥ ௪௫ ॥

தஸ்மாத்தவேஹ பகவந்நத தாவகாநாம்
ஶுக்லாம் தநும் ஸ்வதயிதாம் குஶலா பஜந்தி ।
யத் ஸாத்வதாஃ புருஷரூபமுஶந்தி ஸத்த்வம்
லோகோ யதோ'பயமுதாத்மஸுகம் ந சாந்யத் ॥ ௪௬ ॥

தஸ்மை நமோ பகவதே புருஷாய பூம்நே
விஶ்வாய விஶ்வகுரவே பரதைவதாய ।
நாராயணாய ரு'ஷயே ச நரோத்தமாய
ஹம்ஸாய ஸம்யதகிரே நிகமேஶ்வராய ॥ ௪௭ ॥

யம் வை ந வேத விததாக்ஷபதைர்ப்ரமத்தீஃ
ஸந்தம் ஸ்வகேஷ்வஸுஷு ஹ்ரு'த்யபி த்ரு'க்பதேஷு ।
தந்மாயயாவ்ரு'தமதிஃ ஸ உ ஏவ ஸாக்ஷா-
தாத்யஸ்தவாகிலகுரோருபஸாத்ய வேதம் ॥ ௪௮ ॥

யத்தர்ஶநம் நிகம ஆத்மரஹஃப்ரகாஶம்
முஹ்யந்தி யத்ர கவயோ'ஜபரா யதந்தஃ ।
தம் ஸர்வவாதவிஷயப்ரதிரூபஶீலம்
வந்தே மஹாபுருஷமாத்மநிகூடபோதம் ॥ ௪௯ ॥