শ্রীভগবানুবাচ
অথ তে সম্প্রবক্ষ্যামি তত্ত্বানাং লক্ষণং পৃথক্ ।
যদ্বিদিত্বা বিমুচ্যেত পুরুষঃ প্রাকৃতৈর্গুণৈঃ ॥ ১ ॥
অথ তে সম্প্রবক্ষ্যামি তত্ত্বানাং লক্ষণং পৃথক্ ।
যদ্বিদিত্বা বিমুচ্যেত পুরুষঃ প্রাকৃতৈর্গুণৈঃ ॥ ১ ॥
জ্ঞানং নিঃশ্রেযসার্থায পুরুষস্যাত্মদর্শনম্ ।
যদাহুর্বর্ণযে তত্তে হৃদযগ্রন্থিভেদনম্ ॥ ২ ॥
যদাহুর্বর্ণযে তত্তে হৃদযগ্রন্থিভেদনম্ ॥ ২ ॥
অনাদিরাত্মা পুরুষো নির্গুণঃ প্রকৃতেঃ পরঃ ।
প্রত্যগ্ধামা স্বযংজ্যোতির্বিশ্বং যেন সমন্বিতম্ ॥ ৩ ॥
প্রত্যগ্ধামা স্বযংজ্যোতির্বিশ্বং যেন সমন্বিতম্ ॥ ৩ ॥
স এষ প্রকৃতিং সূক্ষ্মাং দৈবীং গুণমযীং বিভুঃ ।
যদৃচ্ছযৈবোপগতামভ্যপদ্যত লীলযা ॥ ৪ ॥
যদৃচ্ছযৈবোপগতামভ্যপদ্যত লীলযা ॥ ৪ ॥
গুণৈর্বিচিত্রাঃ সৃজতীং সরূপাঃ প্রকৃতিং প্রজাঃ ।
বিলোক্য মুমুহে সদ্যঃ স ইহ জ্ঞানগূহযা ॥ ৫ ॥
বিলোক্য মুমুহে সদ্যঃ স ইহ জ্ঞানগূহযা ॥ ৫ ॥
এবং পরাভিধ্যানেন কর্তৃত্বং প্রকৃতেঃ পুমান্ ।
কর্মসু ক্রিযমাণেষু গুণৈরাত্মনি মন্যতে ॥ ৬ ॥
কর্মসু ক্রিযমাণেষু গুণৈরাত্মনি মন্যতে ॥ ৬ ॥
তদস্য সংসৃতির্বন্ধঃ পারতন্ত্র্যং চ তত্কৃতম্ ।
ভবত্যকর্তুরীশস্য সাক্ষিণো নির্বৃতাত্মনঃ ॥ ৭ ॥
ভবত্যকর্তুরীশস্য সাক্ষিণো নির্বৃতাত্মনঃ ॥ ৭ ॥
কার্যকারণকর্তৃত্বে কারণং প্রকৃতিং বিদুঃ ।
ভোক্তৃত্বে সুখদুঃখানাং পুরুষং প্রকৃতেঃ পরম্ ॥ ৮ ॥
ভোক্তৃত্বে সুখদুঃখানাং পুরুষং প্রকৃতেঃ পরম্ ॥ ৮ ॥
দেবহূতিরুবাচ
প্রকৃতেঃ পুরুষস্যাপি লক্ষণং পুরুষোত্তম ।
ব্রূহি কারণযোরস্য সদসচ্চ যদাত্মকম্ ॥ ৯ ॥
প্রকৃতেঃ পুরুষস্যাপি লক্ষণং পুরুষোত্তম ।
ব্রূহি কারণযোরস্য সদসচ্চ যদাত্মকম্ ॥ ৯ ॥
শ্রীভগবানুবাচ
যত্তত্ত্রিগুণমব্যক্তং নিত্যং সদসদাত্মকম্ ।
প্রধানং প্রকৃতিং প্রাহুরবিশেষং বিশেষবত্ ॥ ১০ ॥
যত্তত্ত্রিগুণমব্যক্তং নিত্যং সদসদাত্মকম্ ।
প্রধানং প্রকৃতিং প্রাহুরবিশেষং বিশেষবত্ ॥ ১০ ॥
পঞ্চভিঃ পঞ্চভির্ব্রহ্ম চতুর্ভির্দশভিস্তথা ।
এতচ্চতুর্বিংশতিকং গণং প্রাধানিকং বিদুঃ ॥ ১১ ॥
এতচ্চতুর্বিংশতিকং গণং প্রাধানিকং বিদুঃ ॥ ১১ ॥
মহাভূতানি পঞ্চৈব ভূরাপোঽগ্নির্মরুন্নভঃ ।
তন্মাত্রাণি চ তাবন্তি গন্ধাদীনি মতানি মে ॥ ১২ ॥
তন্মাত্রাণি চ তাবন্তি গন্ধাদীনি মতানি মে ॥ ১২ ॥
ইন্দ্রিযাণি দশ শ্রোত্রং ত্বগ্দৃগ্রসননাসিকাঃ ।
বাক্করৌ চরণৌ মেঢ্রং পাযুর্দশম উচ্যতে ॥ ১৩ ॥
বাক্করৌ চরণৌ মেঢ্রং পাযুর্দশম উচ্যতে ॥ ১৩ ॥
মনো বুদ্ধিরহঙ্কারশ্চিত্তমিত্যন্তরাত্মকম্ ।
চতুর্ধা লক্ষ্যতে ভেদো বৃত্ত্যা লক্ষণরূপযা ॥ ১৪ ॥
চতুর্ধা লক্ষ্যতে ভেদো বৃত্ত্যা লক্ষণরূপযা ॥ ১৪ ॥
এতাবানেব সঙ্খ্যাতো ব্রহ্মণঃ সগুণস্য হ ।
সন্নিবেশো মযা প্রোক্তো যঃ কালঃ পঞ্চবিংশকঃ ॥ ১৫ ॥
সন্নিবেশো মযা প্রোক্তো যঃ কালঃ পঞ্চবিংশকঃ ॥ ১৫ ॥
প্রভাবং পৌরুষং প্রাহুঃ কালমেকে যতো ভযম্ ।
অহঙ্কারবিমূঢস্য কর্তুঃ প্রকৃতিমীযুষঃ ॥ ১৬ ॥
অহঙ্কারবিমূঢস্য কর্তুঃ প্রকৃতিমীযুষঃ ॥ ১৬ ॥
প্রকৃতের্গুণসাম্যস্য নির্বিশেষস্য মানবি ।
চেষ্টা যতঃ স ভগবান্কাল ইত্যুপলক্ষিতঃ ॥ ১৭ ॥
চেষ্টা যতঃ স ভগবান্কাল ইত্যুপলক্ষিতঃ ॥ ১৭ ॥
অন্তঃ পুরুষরূপেণ কালরূপেণ যো বহিঃ ।
সমন্বেত্যেষ সত্ত্বানাং ভগবানাত্মমাযযা ॥ ১৮ ॥
সমন্বেত্যেষ সত্ত্বানাং ভগবানাত্মমাযযা ॥ ১৮ ॥
দৈবাত্ক্ষুভিতধর্মিণ্যাং স্বস্যাং যোনৌ পরঃ পুমান্ ।
আধত্ত বীর্যং সাসূত মহত্তত্ত্বং হিরণ্মযম্ ॥ ১৯ ॥
আধত্ত বীর্যং সাসূত মহত্তত্ত্বং হিরণ্মযম্ ॥ ১৯ ॥
বিশ্বমাত্মগতং ব্যঞ্জন্কূটস্থো জগদঙ্কুরঃ ।
স্বতেজসাপিবত্তীব্রমাত্মপ্রস্বাপনং তমঃ ॥ ২০ ॥
স্বতেজসাপিবত্তীব্রমাত্মপ্রস্বাপনং তমঃ ॥ ২০ ॥
যত্তত্সত্ত্বগুণং স্বচ্ছং শান্তং ভগবতঃ পদম্ ।
যদাহুর্বাসুদেবাখ্যং চিত্তং তন্মহদাত্মকম্ ॥ ২১ ॥
যদাহুর্বাসুদেবাখ্যং চিত্তং তন্মহদাত্মকম্ ॥ ২১ ॥
স্বচ্ছত্বমবিকারিত্বং শান্তত্বমিতি চেতসঃ ।
বৃত্তিভির্লক্ষণং প্রোক্তং যথাপাং প্রকৃতিঃ পরা ॥ ২২ ॥
বৃত্তিভির্লক্ষণং প্রোক্তং যথাপাং প্রকৃতিঃ পরা ॥ ২২ ॥
মহত্তত্ত্বাদ্বিকুর্বাণাদ্ভগবদ্বীর্যসম্ভবাত্ ।
ক্রিযাশক্তিরহঙ্কারস্ত্রিবিধঃ সমপদ্যত ॥ ২৩ ॥
ক্রিযাশক্তিরহঙ্কারস্ত্রিবিধঃ সমপদ্যত ॥ ২৩ ॥
বৈকারিকস্তৈজসশ্চ তামসশ্চ যতো ভবঃ ।
মনসশ্চেন্দ্রিযাণাং চ ভূতানাং মহতামপি ॥ ২৪ ॥
মনসশ্চেন্দ্রিযাণাং চ ভূতানাং মহতামপি ॥ ২৪ ॥
সহস্রশিরসং সাক্ষাদ্যমনন্তং প্রচক্ষতে ।
সঙ্কর্ষণাখ্যং পুরুষং ভূতেন্দ্রিযমনোমযম্ ॥ ২৫ ॥
সঙ্কর্ষণাখ্যং পুরুষং ভূতেন্দ্রিযমনোমযম্ ॥ ২৫ ॥
কর্তৃত্বং করণত্বং চ কার্যত্বং চেতি লক্ষণম্ ।
শান্তঘোরবিমূঢত্বমিতি বা স্যাদহঙ্কৃতেঃ ॥ ২৬ ॥
শান্তঘোরবিমূঢত্বমিতি বা স্যাদহঙ্কৃতেঃ ॥ ২৬ ॥
বৈকারিকাদ্বিকুর্বাণান্মনস্তত্ত্বমজাযত ।
যত্সঙ্কল্পবিকল্পাভ্যাং বর্ততে কামসম্ভবঃ ॥ ২৭ ॥
যত্সঙ্কল্পবিকল্পাভ্যাং বর্ততে কামসম্ভবঃ ॥ ২৭ ॥
যদ্বিদুর্হ্যনিরুদ্ধাখ্যং হৃষীকাণামধীশ্বরম্ ।
শারদেন্দীবরশ্যামং সংরাধ্যং যোগিভিঃ শনৈঃ ॥ ২৮ ॥
শারদেন্দীবরশ্যামং সংরাধ্যং যোগিভিঃ শনৈঃ ॥ ২৮ ॥
তৈজসাত্তু বিকুর্বাণাদ্ বুদ্ধিতত্ত্বমভূত্সতি ।
দ্রব্যস্ফুরণবিজ্ঞানমিন্দ্রিযাণামনুগ্রহঃ ॥ ২৯ ॥
দ্রব্যস্ফুরণবিজ্ঞানমিন্দ্রিযাণামনুগ্রহঃ ॥ ২৯ ॥
সংশযোঽথ বিপর্যাসো নিশ্চযঃ স্মৃতিরেব চ ।
স্বাপ ইত্যুচ্যতে বুদ্ধের্লক্ষণং বৃত্তিতঃ পৃথক্ ॥ ৩০ ॥
স্বাপ ইত্যুচ্যতে বুদ্ধের্লক্ষণং বৃত্তিতঃ পৃথক্ ॥ ৩০ ॥
তৈজসানীন্দ্রিযাণ্যেব ক্রিযাজ্ঞানবিভাগশঃ ।
প্রাণস্য হি ক্রিযাশক্তির্বুদ্ধের্বিজ্ঞানশক্তিতা ॥ ৩১ ॥
প্রাণস্য হি ক্রিযাশক্তির্বুদ্ধের্বিজ্ঞানশক্তিতা ॥ ৩১ ॥
তামসাচ্চ বিকুর্বাণাদ্ভগবদ্বীর্যচোদিতাত্ ।
শব্দমাত্রমভূত্তস্মান্নভঃ শ্রোত্রং তু শব্দগম্ ॥ ৩২ ॥
শব্দমাত্রমভূত্তস্মান্নভঃ শ্রোত্রং তু শব্দগম্ ॥ ৩২ ॥
অর্থাশ্রযত্বং শব্দস্য দ্রষ্টুর্লিঙ্গত্বমেব চ ।
তন্মাত্রত্বং চ নভসো লক্ষণং কবযো বিদুঃ ॥ ৩৩ ॥
তন্মাত্রত্বং চ নভসো লক্ষণং কবযো বিদুঃ ॥ ৩৩ ॥
ভূতানাং ছিদ্রদাতৃত্বং বহিরন্তরমেব চ ।
প্রাণেন্দ্রিযাত্মধিষ্ণ্যত্বং নভসো বৃত্তিলক্ষণম্ ॥ ৩৪ ॥
প্রাণেন্দ্রিযাত্মধিষ্ণ্যত্বং নভসো বৃত্তিলক্ষণম্ ॥ ৩৪ ॥
নভসঃ শব্দতন্মাত্রাত্কালগত্যা বিকুর্বতঃ ।
স্পর্শোঽভবত্ততো বাযুস্ত্বক্স্পর্শস্য চ সংগ্রহঃ ॥ ৩৫ ॥
স্পর্শোঽভবত্ততো বাযুস্ত্বক্স্পর্শস্য চ সংগ্রহঃ ॥ ৩৫ ॥
মৃদুত্বং কঠিনত্বং চ শৈত্যমুষ্ণত্বমেব চ ।
এতত্স্পর্শস্য স্পর্শত্বং তন্মাত্রত্বং নভস্বতঃ ॥ ৩৬ ॥
এতত্স্পর্শস্য স্পর্শত্বং তন্মাত্রত্বং নভস্বতঃ ॥ ৩৬ ॥
চালনং ব্যূহনং প্রাপ্তির্নেতৃত্বং দ্রব্যশব্দযোঃ ।
সর্বেন্দ্রিযাণামাত্মত্বং বাযোঃ কর্মাভিলক্ষণম্ ॥ ৩৭ ॥
সর্বেন্দ্রিযাণামাত্মত্বং বাযোঃ কর্মাভিলক্ষণম্ ॥ ৩৭ ॥
বাযোশ্চ স্পর্শতন্মাত্রাদ্রূপং দৈবেরিতাদভূত্ ।
সমুত্থিতং ততস্তেজশ্চক্ষূ রূপোপলম্ভনম্ ॥ ৩৮ ॥
সমুত্থিতং ততস্তেজশ্চক্ষূ রূপোপলম্ভনম্ ॥ ৩৮ ॥
দ্রব্যাকৃতিত্বং গুণতা ব্যক্তিসংস্থাত্বমেব চ ।
তেজস্ত্বং তেজসঃ সাধ্বি রূপমাত্রস্য বৃত্তযঃ ॥ ৩৯ ॥
তেজস্ত্বং তেজসঃ সাধ্বি রূপমাত্রস্য বৃত্তযঃ ॥ ৩৯ ॥
দ্যোতনং পচনং পানমদনং হিমমর্দনম্ ।
তেজসো বৃত্তযস্ত্বেতাঃ শোষণং ক্ষুত্তৃডেব চ ॥ ৪০ ॥
তেজসো বৃত্তযস্ত্বেতাঃ শোষণং ক্ষুত্তৃডেব চ ॥ ৪০ ॥
রূপমাত্রাদ্বিকুর্বাণাত্তেজসো দৈবচোদিতাত্ ।
রসমাত্রমভূত্তস্মাদম্ভো জিহ্বা রসগ্রহঃ ॥ ৪১ ॥
রসমাত্রমভূত্তস্মাদম্ভো জিহ্বা রসগ্রহঃ ॥ ৪১ ॥
কষাযো মধুরস্তিক্তঃ কট্বম্ল ইতি নৈকধা ।
ভৌতিকানাং বিকারেণ রস একো বিভিদ্যতে ॥ ৪২ ॥
ভৌতিকানাং বিকারেণ রস একো বিভিদ্যতে ॥ ৪২ ॥
ক্লেদনং পিণ্ডনং তৃপ্তিঃ প্রাণনাপ্যাযনোন্দনম্ ।
তাপাপনোদো ভূযস্ত্বমম্ভসো বৃত্তযস্ত্বিমাঃ ॥ ৪৩ ॥
তাপাপনোদো ভূযস্ত্বমম্ভসো বৃত্তযস্ত্বিমাঃ ॥ ৪৩ ॥
রসমাত্রাদ্বিকুর্বাণাদম্ভসো দৈবচোদিতাত্ ।
গন্ধমাত্রমভূত্তস্মাত্পৃথ্বী ঘ্রাণস্তু গন্ধগঃ ॥ ৪৪ ॥
গন্ধমাত্রমভূত্তস্মাত্পৃথ্বী ঘ্রাণস্তু গন্ধগঃ ॥ ৪৪ ॥
করম্ভপূতিসৌরভ্যশান্তোগ্রাম্লাদিভিঃ পৃথক্ ।
দ্রব্যাবযববৈষম্যাদ্গন্ধ একো বিভিদ্যতে ॥ ৪৫ ॥
দ্রব্যাবযববৈষম্যাদ্গন্ধ একো বিভিদ্যতে ॥ ৪৫ ॥
ভাবনং ব্রহ্মণঃ স্থানং ধারণং সদ্বিশেষণম্ ।
সর্বসত্ত্বগুণোদ্ভেদঃ পৃথিবীবৃত্তিলক্ষণম্ ॥ ৪৬ ॥
সর্বসত্ত্বগুণোদ্ভেদঃ পৃথিবীবৃত্তিলক্ষণম্ ॥ ৪৬ ॥
নভোগুণবিশেষোঽর্থো যস্য তচ্ছ্রোত্রমুচ্যতে ।
বাযোর্গুণবিশেষোঽর্থো যস্য তত্স্পর্শনং বিদুঃ ॥ ৪৭ ॥
বাযোর্গুণবিশেষোঽর্থো যস্য তত্স্পর্শনং বিদুঃ ॥ ৪৭ ॥
তেজোগুণবিশেষোঽর্থো যস্য তচ্চক্ষুরুচ্যতে ।
অম্ভোগুণবিশেষোঽর্থো যস্য তদ্রসনং বিদুঃ ।
ভূমের্গুণবিশেষোঽর্থো যস্য স ঘ্রাণ উচ্যতে ॥ ৪৮ ॥
অম্ভোগুণবিশেষোঽর্থো যস্য তদ্রসনং বিদুঃ ।
ভূমের্গুণবিশেষোঽর্থো যস্য স ঘ্রাণ উচ্যতে ॥ ৪৮ ॥
পরস্য দৃশ্যতে ধর্মো হ্যপরস্মিন্সমন্বযাত্ ।
অতো বিশেষো ভাবানাং ভূমাবেবোপলক্ষ্যতে ॥ ৪৯ ॥
অতো বিশেষো ভাবানাং ভূমাবেবোপলক্ষ্যতে ॥ ৪৯ ॥
এতান্যসংহত্য যদা মহদাদীনি সপ্ত বৈ ।
কালকর্মগুণোপেতো জগদাদিরুপাবিশত্ ॥ ৫০ ॥
কালকর্মগুণোপেতো জগদাদিরুপাবিশত্ ॥ ৫০ ॥
ততস্তেনানুবিদ্ধেভ্যো যুক্তেভ্যোঽণ্ডমচেতনম্ ।
উত্থিতং পুরুষো যস্মাদুদতিষ্ঠদসৌ বিরাট্ ॥ ৫১ ॥
উত্থিতং পুরুষো যস্মাদুদতিষ্ঠদসৌ বিরাট্ ॥ ৫১ ॥
এতদণ্ডং বিশেষাখ্যং ক্রমবৃদ্ধৈর্দশোত্তরৈঃ ।
তোযাদিভিঃ পরিবৃতং প্রধানেনাবৃতৈর্বহিঃ ।
যত্র লোকবিতানোঽযং রূপং ভগবতো হরেঃ ॥ ৫২ ॥
তোযাদিভিঃ পরিবৃতং প্রধানেনাবৃতৈর্বহিঃ ।
যত্র লোকবিতানোঽযং রূপং ভগবতো হরেঃ ॥ ৫২ ॥
হিরণ্মযাদণ্ডকোশাদুত্থায সলিলেশযাত্ ।
তমাবিশ্য মহাদেবো বহুধা নির্বিভেদ খম্ ॥ ৫৩ ॥
তমাবিশ্য মহাদেবো বহুধা নির্বিভেদ খম্ ॥ ৫৩ ॥
নিরভিদ্যতাস্য প্রথমং মুখং বাণী ততোঽভবত্ ।
বাণ্যা বহ্নিরথো নাসে প্রাণোতো ঘ্রাণ এতযোঃ ॥ ৫৪ ॥
বাণ্যা বহ্নিরথো নাসে প্রাণোতো ঘ্রাণ এতযোঃ ॥ ৫৪ ॥
ঘ্রাণাদ্বাযুরভিদ্যেতামক্ষিণী চক্ষুরেতযোঃ ।
তস্মাত্সূর্যো ন্যভিদ্যেতাং কর্ণৌ শ্রোত্রং ততো দিশঃ ॥ ৫৫ ॥
তস্মাত্সূর্যো ন্যভিদ্যেতাং কর্ণৌ শ্রোত্রং ততো দিশঃ ॥ ৫৫ ॥
নির্বিভেদ বিরাজস্ত্বগ্রোমশ্মশ্রবাদযস্ততঃ ।
তত ওষধযশ্চাসন্ শিশ্নং নির্বিভিদে ততঃ ॥ ৫৬ ॥
তত ওষধযশ্চাসন্ শিশ্নং নির্বিভিদে ততঃ ॥ ৫৬ ॥
রেতস্তস্মাদাপ আসন্নিরভিদ্যত বৈ গুদম্ ।
গুদাদপানোঽপানাচ্চ মৃত্যুর্লোকভযঙ্করঃ ॥ ৫৭ ॥
গুদাদপানোঽপানাচ্চ মৃত্যুর্লোকভযঙ্করঃ ॥ ৫৭ ॥
হস্তৌ চ নিরভিদ্যেতাং বলং তাভ্যাং ততঃ স্বরাট্ ।
পাদৌ চ নিরভিদ্যেতাং গতিস্তাভ্যাং ততো হরিঃ ॥ ৫৮ ॥
পাদৌ চ নিরভিদ্যেতাং গতিস্তাভ্যাং ততো হরিঃ ॥ ৫৮ ॥
নাড্যোঽস্য নিরভিদ্যন্ত তাভ্যো লোহিতমাভৃতম্ ।
নদ্যস্ততঃ সমভবন্নুদরং নিরভিদ্যত ॥ ৫৯ ॥
নদ্যস্ততঃ সমভবন্নুদরং নিরভিদ্যত ॥ ৫৯ ॥
ক্ষুত্পিপাসে ততঃ স্যাতাং সমুদ্রস্ত্বেতযোরভূত্ ।
অথাস্য হৃদযং ভিন্নং হৃদযান্মন উত্থিতম্ ॥ ৬০ ॥
অথাস্য হৃদযং ভিন্নং হৃদযান্মন উত্থিতম্ ॥ ৬০ ॥
মনসশ্চন্দ্রমা জাতো বুদ্ধির্বুদ্ধের্গিরাং পতিঃ ।
অহঙ্কারস্ততো রুদ্রশ্চিত্তং চৈত্যস্ততোঽভবত্ ॥ ৬১ ॥
অহঙ্কারস্ততো রুদ্রশ্চিত্তং চৈত্যস্ততোঽভবত্ ॥ ৬১ ॥
এতে হ্যভ্যুত্থিতা দেবা নৈবাস্যোত্থাপনেঽশকন্ ।
পুনরাবিবিশুঃ খানি তমুত্থাপযিতুং ক্রমাত্ ॥ ৬২ ॥
পুনরাবিবিশুঃ খানি তমুত্থাপযিতুং ক্রমাত্ ॥ ৬২ ॥
বহ্নির্বাচা মুখং ভেজে নোদতিষ্ঠত্তদা বিরাট্ ।
ঘ্রাণেন নাসিকে বাযুর্নোদতিষ্ঠত্তদা বিরাট্ ॥ ৬৩ ॥
ঘ্রাণেন নাসিকে বাযুর্নোদতিষ্ঠত্তদা বিরাট্ ॥ ৬৩ ॥
অক্ষিণী চক্ষুষাদিত্যো নোদতিষ্ঠত্তদা বিরাট্ ।
শ্রোত্রেণ কর্ণৌ চ দিশো নোদতিষ্ঠত্তদা বিরাট্ ॥ ৬৪ ॥
শ্রোত্রেণ কর্ণৌ চ দিশো নোদতিষ্ঠত্তদা বিরাট্ ॥ ৬৪ ॥
ত্বচং রোমভিরোষধ্যো নোদতিষ্ঠত্তদা বিরাট্ ।
রেতসা শিশ্নমাপস্তু নোদতিষ্ঠত্তদা বিরাট্ ॥ ৬৫ ॥
রেতসা শিশ্নমাপস্তু নোদতিষ্ঠত্তদা বিরাট্ ॥ ৬৫ ॥
গুদং মৃত্যুরপানেন নোদতিষ্ঠত্তদা বিরাট্ ।
হস্তাবিন্দ্রো বলেনৈব নোদতিষ্ঠত্তদা বিরাট্ ॥ ৬৬ ॥
হস্তাবিন্দ্রো বলেনৈব নোদতিষ্ঠত্তদা বিরাট্ ॥ ৬৬ ॥
বিষ্ণুর্গত্যৈব চরণৌ নোদতিষ্ঠত্তদা বিরাট্ ।
নাডীর্নদ্যো লোহিতেন নোদতিষ্ঠত্তদা বিরাট্ ॥ ৬৭ ॥
নাডীর্নদ্যো লোহিতেন নোদতিষ্ঠত্তদা বিরাট্ ॥ ৬৭ ॥
ক্ষুত্তৃড্ভ্যামুদরং সিন্ধুর্নোদতিষ্ঠত্তদা বিরাট্ ।
হৃদযং মনসা চন্দ্রো নোদতিষ্ঠত্তদা বিরাট্ ॥ ৬৮ ॥
হৃদযং মনসা চন্দ্রো নোদতিষ্ঠত্তদা বিরাট্ ॥ ৬৮ ॥
বুদ্ধ্যা ব্রহ্মাপি হৃদযং নোদতিষ্ঠত্তদা বিরাট্ ।
রুদ্রোঽভিমত্যা হৃদযং নোদতিষ্ঠত্তদা বিরাট্ ॥ ৬৯ ॥
রুদ্রোঽভিমত্যা হৃদযং নোদতিষ্ঠত্তদা বিরাট্ ॥ ৬৯ ॥
চিত্তেন হৃদযং চৈত্যঃ ক্ষেত্রজ্ঞঃ প্রাবিশদ্যদা ।
বিরাট্ তদৈব পুরুষঃ সলিলাদুদতিষ্ঠত ॥ ৭০ ॥
বিরাট্ তদৈব পুরুষঃ সলিলাদুদতিষ্ঠত ॥ ৭০ ॥
যথা প্রসুপ্তং পুরুষং প্রাণেন্দ্রিযমনোধিযঃ ।
প্রভবন্তি বিনা যেন নোত্থাপযিতুমোজসা ॥ ৭১ ॥
প্রভবন্তি বিনা যেন নোত্থাপযিতুমোজসা ॥ ৭১ ॥
তমস্মিন্প্রত্যগাত্মানং ধিযা যোগপ্রবৃত্তযা ।
ভক্ত্যা বিরক্ত্যা জ্ঞানেন বিবিচ্যাত্মনি চিন্তযেত্ ॥ ৭২ ॥
ভক্ত্যা বিরক্ত্যা জ্ঞানেন বিবিচ্যাত্মনি চিন্তযেত্ ॥ ৭২ ॥