দেবহূতিরুবাচ
লক্ষণং মহদাদীনাং প্রকৃতেঃ পুরুষস্য চ ।
স্বরূপং লক্ষ্যতেঽমীষাং যেন তত্পারমার্থিকম্ ॥ ১ ॥
লক্ষণং মহদাদীনাং প্রকৃতেঃ পুরুষস্য চ ।
স্বরূপং লক্ষ্যতেঽমীষাং যেন তত্পারমার্থিকম্ ॥ ১ ॥
যথা সাঙ্খ্যেষু কথিতং যন্মূলং তত্প্রচক্ষতে ।
ভক্তিযোগস্য মে মার্গং ব্রূহি বিস্তরশঃ প্রভো ॥ ২ ॥
ভক্তিযোগস্য মে মার্গং ব্রূহি বিস্তরশঃ প্রভো ॥ ২ ॥
বিরাগো যেন পুরুষো ভগবন্সর্বতো ভবেত্ ।
আচক্ষ্ব জীবলোকস্য বিবিধা মম সংসৃতীঃ ॥ ৩ ॥
আচক্ষ্ব জীবলোকস্য বিবিধা মম সংসৃতীঃ ॥ ৩ ॥
কালস্যেশ্বররূপস্য পরেষাং চ পরস্য তে ।
স্বরূপং বত কুর্বন্তি যদ্ধেতোঃ কুশলং জনাঃ ॥ ৪ ॥
স্বরূপং বত কুর্বন্তি যদ্ধেতোঃ কুশলং জনাঃ ॥ ৪ ॥
লোকস্য মিথ্যাভিমতেরচক্ষুষ-
শ্চিরং প্রসুপ্তস্য তমস্যনাশ্রযে ।
শ্রান্তস্য কর্মস্বনুবিদ্ধযা ধিযা
ত্বমাবিরাসীঃ কিল যোগভাস্করঃ ॥ ৫ ॥
শ্চিরং প্রসুপ্তস্য তমস্যনাশ্রযে ।
শ্রান্তস্য কর্মস্বনুবিদ্ধযা ধিযা
ত্বমাবিরাসীঃ কিল যোগভাস্করঃ ॥ ৫ ॥
মৈত্রেয উবাচ
ইতি মাতুর্বচঃ শ্লক্ষ্ণং প্রতিনন্দ্য মহামুনিঃ ।
আবভাষে কুরুশ্রেষ্ঠ প্রীতস্তাং করুণার্দিতঃ ॥ ৬ ॥
ইতি মাতুর্বচঃ শ্লক্ষ্ণং প্রতিনন্দ্য মহামুনিঃ ।
আবভাষে কুরুশ্রেষ্ঠ প্রীতস্তাং করুণার্দিতঃ ॥ ৬ ॥
শ্রীভগবানুবাচ
ভক্তিযোগো বহুবিধো মার্গৈর্ভামিনি ভাব্যতে ।
স্বভাবগুণমার্গেণ পুংসাং ভাবো বিভিদ্যতে ॥ ৭ ॥
ভক্তিযোগো বহুবিধো মার্গৈর্ভামিনি ভাব্যতে ।
স্বভাবগুণমার্গেণ পুংসাং ভাবো বিভিদ্যতে ॥ ৭ ॥
অভিসন্ধায যো হিংসাং দম্ভং মাত্সর্যমেব বা ।
সংরম্ভী ভিন্নদৃগ্ভাবং মযি কুর্যাত্স তামসঃ ॥ ৮ ॥
সংরম্ভী ভিন্নদৃগ্ভাবং মযি কুর্যাত্স তামসঃ ॥ ৮ ॥
বিষযানভিসন্ধায যশ ঐশ্বর্যমেব বা ।
অর্চাদাবর্চযেদ্যো মাং পৃথগ্ভাবঃ স রাজসঃ ॥ ৯ ॥
অর্চাদাবর্চযেদ্যো মাং পৃথগ্ভাবঃ স রাজসঃ ॥ ৯ ॥
কর্মনির্হারমুদ্দিশ্য পরস্মিন্বা তদর্পণম্ ।
যজেদ্যষ্টব্যমিতি বা পৃথগ্ভাবঃ স সাত্ত্বিকঃ ॥ ১০ ॥
যজেদ্যষ্টব্যমিতি বা পৃথগ্ভাবঃ স সাত্ত্বিকঃ ॥ ১০ ॥
মদ্গুণশ্রুতিমাত্রেণ মযি সর্বগুহাশযে ।
মনোগতিরবিচ্ছিন্না যথা গঙ্গাম্ভসোঽম্বুধৌ ॥ ১১ ॥
মনোগতিরবিচ্ছিন্না যথা গঙ্গাম্ভসোঽম্বুধৌ ॥ ১১ ॥
লক্ষণং ভক্তিযোগস্য নির্গুণস্য হ্যুদাহৃতম্ ।
অহৈতুক্যব্যবহিতা যা ভক্তিঃ পুরুষোত্তমে ॥ ১২ ॥
অহৈতুক্যব্যবহিতা যা ভক্তিঃ পুরুষোত্তমে ॥ ১২ ॥
সালোক্যসার্ষ্টিসামীপ্যসারূপ্যৈকত্বমপ্যুত ।
দীযমানং ন গৃহ্ণন্তি বিনা মত্সেবনং জনাঃ ॥ ১৩ ॥
দীযমানং ন গৃহ্ণন্তি বিনা মত্সেবনং জনাঃ ॥ ১৩ ॥
স এব ভক্তিযোগাখ্য আত্যন্তিক উদাহৃতঃ ।
যেনাতিব্রজ্য ত্রিগুণং মদ্ভাবাযোপপদ্যতে ॥ ১৪ ॥
যেনাতিব্রজ্য ত্রিগুণং মদ্ভাবাযোপপদ্যতে ॥ ১৪ ॥
নিষেবিতেনানিমিত্তেন স্বধর্মেণ মহীযসা ।
ক্রিযাযোগেন শস্তেন নাতিহিংস্রেণ নিত্যশঃ ॥ ১৫ ॥
ক্রিযাযোগেন শস্তেন নাতিহিংস্রেণ নিত্যশঃ ॥ ১৫ ॥
মদ্ধিষ্ণ্যদর্শনস্পর্শপূজাস্তুত্যভিবন্দনৈঃ ।
ভূতেষু মদ্ভাবনযা সত্ত্বেনাসঙ্গমেন চ ॥ ১৬ ॥
ভূতেষু মদ্ভাবনযা সত্ত্বেনাসঙ্গমেন চ ॥ ১৬ ॥
মহতাং বহুমানেন দীনানামনুকম্পযা ।
মৈত্র্যা চৈবাত্মতুল্যেষু যমেন নিযমেন চ ॥ ১৭ ॥
মৈত্র্যা চৈবাত্মতুল্যেষু যমেন নিযমেন চ ॥ ১৭ ॥
আধ্যাত্মিকানুশ্রবণান্নামসঙ্কীর্তনাচ্চ মে ।
আর্জবেনার্যসঙ্গেন নিরহঙ্ক্রিযযা তথা ॥ ১৮ ॥
আর্জবেনার্যসঙ্গেন নিরহঙ্ক্রিযযা তথা ॥ ১৮ ॥
মদ্ধর্মণো গুণৈরেতৈঃ পরিসংশুদ্ধ আশযঃ ।
পুরুষস্যাঞ্জসাভ্যেতি শ্রুতমাত্রগুণং হি মাম্ ॥ ১৯ ॥
পুরুষস্যাঞ্জসাভ্যেতি শ্রুতমাত্রগুণং হি মাম্ ॥ ১৯ ॥
যথা বাতরথো ঘ্রাণমাবৃঙ্ক্তে গন্ধ আশযাত্ ।
এবং যোগরতং চেত আত্মানমবিকারি যত্ ॥ ২০ ॥
এবং যোগরতং চেত আত্মানমবিকারি যত্ ॥ ২০ ॥
অহং সর্বেষু ভূতেষু ভূতাত্মাবস্থিতঃ সদা ।
তমবজ্ঞায মাং মর্ত্যঃ কুরুতেঽর্চাবিডম্বনম্ ॥ ২১ ॥
তমবজ্ঞায মাং মর্ত্যঃ কুরুতেঽর্চাবিডম্বনম্ ॥ ২১ ॥
যো মাং সর্বেষু ভূতেষু সন্তমাত্মানমীশ্বরম্ ।
হিত্বার্চাং ভজতে মৌঢ্যাদ্ভস্মন্যেব জুহোতি সঃ ॥ ২২ ॥
হিত্বার্চাং ভজতে মৌঢ্যাদ্ভস্মন্যেব জুহোতি সঃ ॥ ২২ ॥
দ্বিষতঃ পরকাযে মাং মানিনো ভিন্নদর্শিনঃ ।
ভূতেষু বদ্ধবৈরস্য ন মনঃ শান্তিমৃচ্ছতি ॥ ২৩ ॥
ভূতেষু বদ্ধবৈরস্য ন মনঃ শান্তিমৃচ্ছতি ॥ ২৩ ॥
অহমুচ্চাবচৈর্দ্রব্যৈঃ ক্রিযযোত্পন্নযানঘে ।
নৈব তুষ্যেঽর্চিতোঽর্চাযাং ভূতগ্রামাবমানিনঃ ॥ ২৪ ॥
নৈব তুষ্যেঽর্চিতোঽর্চাযাং ভূতগ্রামাবমানিনঃ ॥ ২৪ ॥
অর্চাদাবর্চযেত্তাবদীশ্বরং মাং স্বকর্মকৃত্ ।
যাবন্ন বেদ স্বহৃদি সর্বভূতেষ্ববস্থিতম্ ॥ ২৫ ॥
যাবন্ন বেদ স্বহৃদি সর্বভূতেষ্ববস্থিতম্ ॥ ২৫ ॥
আত্মনশ্চ পরস্যাপি যঃ করোত্যন্তরোদরম্ ।
তস্য ভিন্নদৃশো মৃত্যুর্বিদধে ভযমুল্বণম্ ॥ ২৬ ॥
তস্য ভিন্নদৃশো মৃত্যুর্বিদধে ভযমুল্বণম্ ॥ ২৬ ॥
অথ মাং সর্বভূতেষু ভূতাত্মানং কৃতালযম্ ।
অর্হযেদ্দানমানাভ্যাং মৈত্র্যাভিন্নেন চক্ষুষা ॥ ২৭ ॥
অর্হযেদ্দানমানাভ্যাং মৈত্র্যাভিন্নেন চক্ষুষা ॥ ২৭ ॥
জীবাঃ শ্রেষ্ঠা হ্যজীবানাং ততঃ প্রাণভৃতঃ শুভে ।
তঃ সচিত্তাঃ প্রবরাস্ততশ্চেন্দ্রিযবৃত্তযঃ ॥ ২৮ ॥
তঃ সচিত্তাঃ প্রবরাস্ততশ্চেন্দ্রিযবৃত্তযঃ ॥ ২৮ ॥
তত্রাপি স্পর্শবেদিভ্যঃ প্রবরা রসবেদিনঃ ।
তেভ্যো গন্ধবিদঃ শ্রেষ্ঠাস্ততঃ শব্দবিদো বরাঃ ॥ ২৯ ॥
তেভ্যো গন্ধবিদঃ শ্রেষ্ঠাস্ততঃ শব্দবিদো বরাঃ ॥ ২৯ ॥
রূপভেদবিদস্তত্র ততশ্চোভযতোদতঃ ।
তেষাং বহুপদাঃ শ্রেষ্ঠাশ্চতুষ্পাদস্ততো দ্বিপাত্ ॥ ৩০ ॥
তেষাং বহুপদাঃ শ্রেষ্ঠাশ্চতুষ্পাদস্ততো দ্বিপাত্ ॥ ৩০ ॥
ততো বর্ণাশ্চ চত্বারস্তেষাং ব্রাহ্মণ উত্তমঃ ।
ব্রাহ্মণেষ্বপি বেদজ্ঞো হ্যর্থজ্ঞোঽভ্যধিকস্ততঃ ॥ ৩১ ॥
ব্রাহ্মণেষ্বপি বেদজ্ঞো হ্যর্থজ্ঞোঽভ্যধিকস্ততঃ ॥ ৩১ ॥
অর্থজ্ঞাত্সংশযচ্ছেত্তা ততঃ শ্রেযান্স্বকর্মকৃত্ ।
মুক্তসঙ্গস্ততো ভূযানদোগ্ধা ধর্মমাত্মনঃ ॥ ৩২ ॥
মুক্তসঙ্গস্ততো ভূযানদোগ্ধা ধর্মমাত্মনঃ ॥ ৩২ ॥
তস্মান্ময্যর্পিতাশেষক্রিযার্থাত্মা নিরন্তরঃ ।
ময্যর্পিতাত্মনঃ পুংসো মযি সংন্যস্তকর্মণঃ ।
ন পশ্যামি পরং ভূতমকর্তুঃ সমদর্শনাত্ ॥ ৩৩ ॥
ময্যর্পিতাত্মনঃ পুংসো মযি সংন্যস্তকর্মণঃ ।
ন পশ্যামি পরং ভূতমকর্তুঃ সমদর্শনাত্ ॥ ৩৩ ॥
মনসৈতানি ভূতানি প্রণমেদ্বহুমানযন্ ।
ঈশ্বরো জীবকলযা প্রবিষ্টো ভগবানিতি ॥ ৩৪ ॥
ঈশ্বরো জীবকলযা প্রবিষ্টো ভগবানিতি ॥ ৩৪ ॥
ভক্তিযোগশ্চ যোগশ্চ মযা মানব্যুদীরিতঃ ।
যযোরেকতরেণৈব পুরুষঃ পুরুষং ব্রজেত্ ॥ ৩৫ ॥
যযোরেকতরেণৈব পুরুষঃ পুরুষং ব্রজেত্ ॥ ৩৫ ॥
এতদ্ভগবতো রূপং ব্রহ্মণঃ পরমাত্মনঃ ।
পরং প্রধানং পুরুষং দৈবং কর্মবিচেষ্টিতম্ ॥ ৩৬ ॥
পরং প্রধানং পুরুষং দৈবং কর্মবিচেষ্টিতম্ ॥ ৩৬ ॥
রূপভেদাস্পদং দিব্যং কাল ইত্যভিধীযতে ।
ভূতানাং মহদাদীনাং যতো ভিন্নদৃশাং ভযম্ ॥ ৩৭ ॥
ভূতানাং মহদাদীনাং যতো ভিন্নদৃশাং ভযম্ ॥ ৩৭ ॥
যোঽন্তঃ প্রবিশ্য ভূতানি ভূতৈরত্ত্যখিলাশ্রযঃ ।
স বিষ্ণ্বাখ্যোঽধিযজ্ঞোঽসৌ কালঃ কলযতাং প্রভুঃ ॥ ৩৮ ॥
স বিষ্ণ্বাখ্যোঽধিযজ্ঞোঽসৌ কালঃ কলযতাং প্রভুঃ ॥ ৩৮ ॥
ন চাস্য কশ্চিদ্দযিতো ন দ্বেষ্যো ন চ বান্ধবঃ ।
আবিশত্যপ্রমত্তোঽসৌ প্রমত্তং জনমন্তকৃত্ ॥ ৩৯ ॥
আবিশত্যপ্রমত্তোঽসৌ প্রমত্তং জনমন্তকৃত্ ॥ ৩৯ ॥
যদ্ভযাদ্বাতি বাতোঽযং সূর্যস্তপতি যদ্ভযাত্ ।
যদ্ভযাদ্বর্ষতে দেবো ভগণো ভাতি যদ্ভযাত্ ॥ ৪০ ॥
যদ্ভযাদ্বর্ষতে দেবো ভগণো ভাতি যদ্ভযাত্ ॥ ৪০ ॥
যদ্বনস্পতযো ভীতা লতাশ্চৌষধিভিঃ সহ ।
স্বে স্বে কালেঽভিগৃহ্ণন্তি পুষ্পাণি চ ফলানি চ ॥ ৪১ ॥
স্বে স্বে কালেঽভিগৃহ্ণন্তি পুষ্পাণি চ ফলানি চ ॥ ৪১ ॥
স্রবন্তি সরিতো ভীতা নোত্সর্পত্যুদধির্যতঃ ।
অগ্নিরিন্ধে সগিরিভির্ভূর্ন মজ্জতি যদ্ভযাত্ ॥ ৪২ ॥
অগ্নিরিন্ধে সগিরিভির্ভূর্ন মজ্জতি যদ্ভযাত্ ॥ ৪২ ॥
নভো দদাতি শ্বসতাং পদং যন্নিযমাদদঃ ।
লোকং স্বদেহং তনুতে মহান্ সপ্তভিরাবৃতম্ ॥ ৪৩ ॥
লোকং স্বদেহং তনুতে মহান্ সপ্তভিরাবৃতম্ ॥ ৪৩ ॥
গুণাভিমানিনো দেবাঃ সর্গাদিষ্বস্য যদ্ভযাত্ ।
বর্তন্তেঽনুযুগং যেষাং বশ এতচ্চরাচরম্ ॥ ৪৪ ॥
বর্তন্তেঽনুযুগং যেষাং বশ এতচ্চরাচরম্ ॥ ৪৪ ॥
সোঽনন্তোঽন্তকরঃ কালোঽনাদিরাদিকৃদব্যযঃ ।
জনং জনেন জনযন্মারযন্মৃত্যুনান্তকম্ ॥ ৪৫ ॥
জনং জনেন জনযন্মারযন্মৃত্যুনান্তকম্ ॥ ৪৫ ॥