মৈত্রেয উবাচ
মনোস্তু শতরূপাযাং তিস্রঃ কন্যাশ্চ জজ্ঞিরে ।
আকূতির্দেবহূতিশ্চ প্রসূতিরিতি বিশ্রুতাঃ ॥ ১ ॥
মনোস্তু শতরূপাযাং তিস্রঃ কন্যাশ্চ জজ্ঞিরে ।
আকূতির্দেবহূতিশ্চ প্রসূতিরিতি বিশ্রুতাঃ ॥ ১ ॥
আকূতিং রুচযে প্রাদাদপি ভ্রাতৃমতীং নৃপঃ ।
পুত্রিকাধর্মমাশ্রিত্য শতরূপানুমোদিতঃ ॥ ২ ॥
পুত্রিকাধর্মমাশ্রিত্য শতরূপানুমোদিতঃ ॥ ২ ॥
প্রজাপতিঃ স ভগবান্ রুচিস্তস্যামজীজনত্ ।
মিথুনং ব্রহ্মবর্চস্বী পরমেণ সমাধিনা ॥ ৩ ॥
মিথুনং ব্রহ্মবর্চস্বী পরমেণ সমাধিনা ॥ ৩ ॥
যস্তযোঃ পুরুষঃ সাক্ষাদ্বিষ্ণুর্যজ্ঞস্বরূপধৃক্ ।
যা স্ত্রী সা দক্ষিণা ভূতেরংশভূতানপাযিনী ॥ ৪ ॥
যা স্ত্রী সা দক্ষিণা ভূতেরংশভূতানপাযিনী ॥ ৪ ॥
আনিন্যে স্বগৃহং পুত্র্যাঃ পুত্রং বিততরোচিষম্ ।
স্বাযম্ভুবো মুদা যুক্তো রুচির্জগ্রাহ দক্ষিণাম্ ॥ ৫ ॥
স্বাযম্ভুবো মুদা যুক্তো রুচির্জগ্রাহ দক্ষিণাম্ ॥ ৫ ॥
তাং কামযানাং ভগবানুবাহ যজুষাং পতিঃ ।
তুষ্টাযাং তোষমাপন্নোঽজনযদ্ দ্বাদশাত্মজান্ ॥ ৬ ॥
তুষ্টাযাং তোষমাপন্নোঽজনযদ্ দ্বাদশাত্মজান্ ॥ ৬ ॥
তোষঃ প্রতোষঃ সন্তোষো ভদ্রঃ শান্তিরিডস্পতিঃ ।
ইধ্মঃ কবির্বিভুঃ স্বহ্নঃ সুদেবো রোচনো দ্বিষট্ ॥ ৭ ॥
ইধ্মঃ কবির্বিভুঃ স্বহ্নঃ সুদেবো রোচনো দ্বিষট্ ॥ ৭ ॥
তুষিতা নাম তে দেবা আসন্স্বাযম্ভুবান্তরে ।
মরীচিমিশ্রা ঋষযো যজ্ঞঃ সুরগণেশ্বরঃ ॥ ৮ ॥
মরীচিমিশ্রা ঋষযো যজ্ঞঃ সুরগণেশ্বরঃ ॥ ৮ ॥
প্রিযব্রতোত্তানপাদৌ মনুপুত্রৌ মহৌজসৌ ।
তত্পুত্রপৌত্রনপ্তৃণামনুবৃত্তং তদন্তরম্ ॥ ৯ ॥
তত্পুত্রপৌত্রনপ্তৃণামনুবৃত্তং তদন্তরম্ ॥ ৯ ॥
দেবহূতিমদাত্তাত কর্দমাযাত্মজাং মনুঃ ।
তত্সম্বন্ধি শ্রুতপ্রাযং ভবতা গদতো মম ॥ ১০ ॥
তত্সম্বন্ধি শ্রুতপ্রাযং ভবতা গদতো মম ॥ ১০ ॥
দক্ষায ব্রহ্মপুত্রায প্রসূতিং ভগবান্মনুঃ ।
প্রাযচ্ছদ্যত্কৃতঃ সর্গস্ত্রিলোক্যাং বিততো মহান্ ॥ ১১ ॥
প্রাযচ্ছদ্যত্কৃতঃ সর্গস্ত্রিলোক্যাং বিততো মহান্ ॥ ১১ ॥
যাঃ কর্দমসুতাঃ প্রোক্তা নব ব্রহ্মর্ষিপত্নযঃ ।
তাসাং প্রসূতিপ্রসবং প্রোচ্যমানং নিবোধ মে ॥ ১২ ॥
তাসাং প্রসূতিপ্রসবং প্রোচ্যমানং নিবোধ মে ॥ ১২ ॥
পত্নী মরীচেস্তু কলা সুষুবে কর্দমাত্মজা ।
কশ্যপং পূর্ণিমানং চ যযোরাপূরিতং জগত্ ॥ ১৩ ॥
কশ্যপং পূর্ণিমানং চ যযোরাপূরিতং জগত্ ॥ ১৩ ॥
পূর্ণিমাসূত বিরজং বিশ্বগং চ পরন্তপ ।
দেবকুল্যাং হরেঃ পাদশৌচাদ্যাভূত্সরিদ্দিবঃ ॥ ১৪ ॥
দেবকুল্যাং হরেঃ পাদশৌচাদ্যাভূত্সরিদ্দিবঃ ॥ ১৪ ॥
অত্রেঃ পত্ন্যনসূযা ত্রীঞ্জজ্ঞে সুযশসঃ সুতান্ ।
দত্তং দুর্বাসসং সোমমাত্মেশব্রহ্মসম্ভবান্ ॥ ১৫ ॥
দত্তং দুর্বাসসং সোমমাত্মেশব্রহ্মসম্ভবান্ ॥ ১৫ ॥
বিদুর উবাচ
অত্রের্গৃহে সুরশ্রেষ্ঠাঃ স্থিত্যুত্পত্ত্যন্তহেতবঃ ।
কিঞ্চিচ্চিকীর্ষবো জাতা এতদাখ্যাহি মে গুরো ॥ ১৬ ॥
অত্রের্গৃহে সুরশ্রেষ্ঠাঃ স্থিত্যুত্পত্ত্যন্তহেতবঃ ।
কিঞ্চিচ্চিকীর্ষবো জাতা এতদাখ্যাহি মে গুরো ॥ ১৬ ॥
মৈত্রেয উবাচ
ব্রহ্মণা চোদিতঃ সৃষ্টাবত্রির্ব্রহ্মবিদাং বরঃ ।
সহ পত্ন্যা যযাবৃক্ষং কুলাদ্রিং তপসি স্থিতঃ ॥ ১৭ ॥
ব্রহ্মণা চোদিতঃ সৃষ্টাবত্রির্ব্রহ্মবিদাং বরঃ ।
সহ পত্ন্যা যযাবৃক্ষং কুলাদ্রিং তপসি স্থিতঃ ॥ ১৭ ॥
তস্মিন্ প্রসূনস্তবকপলাশাশোককাননে ।
বার্ভিঃ স্রবদ্ভিরুদ্ঘুষ্টেনির্বিন্ধ্যাযাঃ সমন্ততঃ ॥ ১৮ ॥
বার্ভিঃ স্রবদ্ভিরুদ্ঘুষ্টেনির্বিন্ধ্যাযাঃ সমন্ততঃ ॥ ১৮ ॥
প্রাণাযামেন সংযম্য মনো বর্ষশতং মুনিঃ ।
অতিষ্ঠদেকপাদেন নির্দ্বন্দ্বোঽনিলভোজনঃ ॥ ১৯ ॥
অতিষ্ঠদেকপাদেন নির্দ্বন্দ্বোঽনিলভোজনঃ ॥ ১৯ ॥
শরণং তং প্রপদ্যেঽহং য এব জগদীশ্বরঃ ।
প্রজামাত্মসমাং মহ্যং প্রযচ্ছত্বিতি চিন্তযন্ ॥ ২০ ॥
প্রজামাত্মসমাং মহ্যং প্রযচ্ছত্বিতি চিন্তযন্ ॥ ২০ ॥
তপ্যমানং ত্রিভুবনং প্রাণাযামৈধসাগ্নিনা ।
নির্গতেন মুনের্মূর্ধ্নঃ সমীক্ষ্য প্রভবস্ত্রযঃ ॥ ২১ ॥
নির্গতেন মুনের্মূর্ধ্নঃ সমীক্ষ্য প্রভবস্ত্রযঃ ॥ ২১ ॥
অপ্সরোমুনিগন্ধর্বসিদ্ধবিদ্যাধরোরগৈঃ ।
বিতাযমানযশসস্তদাশ্রমপদং যযুঃ ॥ ২২ ॥
বিতাযমানযশসস্তদাশ্রমপদং যযুঃ ॥ ২২ ॥
তত্প্রাদুর্ভাবসংযোগবিদ্যোতিতমনা মুনিঃ ।
উত্তিষ্ঠন্নেকপাদেন দদর্শ বিবুধর্ষভান্ ॥ ২৩ ॥
উত্তিষ্ঠন্নেকপাদেন দদর্শ বিবুধর্ষভান্ ॥ ২৩ ॥
প্রণম্য দণ্ডবদ্ভূমাবুপতস্থেঽর্হণাঞ্জলিঃ ।
বৃষহংসসুপর্ণস্থান্ স্বৈঃ স্বৈশ্চিহ্নৈশ্চ চিহ্নিতান্ ॥ ২৪ ॥
বৃষহংসসুপর্ণস্থান্ স্বৈঃ স্বৈশ্চিহ্নৈশ্চ চিহ্নিতান্ ॥ ২৪ ॥
কৃপাবলোকেন হসদ্বদনেনোপলম্ভিতান্ ।
তদ্রোচিষা প্রতিহতে নিমীল্য মুনিরক্ষিণী ॥ ২৫ ॥
তদ্রোচিষা প্রতিহতে নিমীল্য মুনিরক্ষিণী ॥ ২৫ ॥
চেতস্তত্প্রবণং যুঞ্জন্নস্তাবীত্সংহতাঞ্জলিঃ ।
শ্লক্ষ্ণযা সূক্তযা বাচা সর্বলোকগরীযসঃ ॥ ২৬ ॥
শ্লক্ষ্ণযা সূক্তযা বাচা সর্বলোকগরীযসঃ ॥ ২৬ ॥
অত্রিরুবাচ
বিশ্বোদ্ভবস্থিতিলযেষু বিভজ্যমানৈ-
র্মাযাগুণৈরনুযুগং বিগৃহীতদেহাঃ । তে ব্রহ্মবিষ্ণুগিরিশাঃ প্রণতোঽস্ম্যহং ব-স্তেভ্যঃ ক এব ভবতাং ম ইহোপহূতঃ ॥ ২৭ ॥
বিশ্বোদ্ভবস্থিতিলযেষু বিভজ্যমানৈ-
র্মাযাগুণৈরনুযুগং বিগৃহীতদেহাঃ । তে ব্রহ্মবিষ্ণুগিরিশাঃ প্রণতোঽস্ম্যহং ব-স্তেভ্যঃ ক এব ভবতাং ম ইহোপহূতঃ ॥ ২৭ ॥
একো মযেহ ভগবান্বিবিধপ্রধানৈ-
শ্চিত্তীকৃতঃ প্রজননায কথং নু যূযম্ ।
অত্রাগতাস্তনুভৃতাং মনসোঽপি দূরাদ্
ব্রূত প্রসীদত মহানিহ বিস্মযো মে ॥ ২৮ ॥
শ্চিত্তীকৃতঃ প্রজননায কথং নু যূযম্ ।
অত্রাগতাস্তনুভৃতাং মনসোঽপি দূরাদ্
ব্রূত প্রসীদত মহানিহ বিস্মযো মে ॥ ২৮ ॥
মৈত্রেয উবাচ
ইতি তস্য বচঃ শ্রুত্বা ত্রযস্তে বিবুধর্ষভাঃ ।
প্রত্যাহুঃ শ্লক্ষ্ণযা বাচা প্রহস্য তমৃষিং প্রভো ॥ ২৯ ॥
ইতি তস্য বচঃ শ্রুত্বা ত্রযস্তে বিবুধর্ষভাঃ ।
প্রত্যাহুঃ শ্লক্ষ্ণযা বাচা প্রহস্য তমৃষিং প্রভো ॥ ২৯ ॥
দেবা ঊচুঃ
যথা কৃতস্তে সঙ্কল্পো ভাব্যং তেনৈব নান্যথা ।
সত্সঙ্কল্পস্য তে ব্রহ্মন্ যদ্বৈ ধ্যাযতি তে বযম্ ॥ ৩০ ॥
যথা কৃতস্তে সঙ্কল্পো ভাব্যং তেনৈব নান্যথা ।
সত্সঙ্কল্পস্য তে ব্রহ্মন্ যদ্বৈ ধ্যাযতি তে বযম্ ॥ ৩০ ॥
অথাস্মদংশভূতাস্তে আত্মজা লোকবিশ্রুতাঃ ।
ভবিতারোঽঙ্গ ভদ্রং তে বিস্রপ্স্যন্তি চ তে যশঃ ॥ ৩১ ॥
ভবিতারোঽঙ্গ ভদ্রং তে বিস্রপ্স্যন্তি চ তে যশঃ ॥ ৩১ ॥
এবং কামবরং দত্ত্বা প্রতিজগ্মুঃ সুরেশ্বরাঃ ।
সভাজিতাস্তযোঃ সম্যগ্দম্পত্যোর্মিষতোস্ততঃ ॥ ৩২ ॥
সভাজিতাস্তযোঃ সম্যগ্দম্পত্যোর্মিষতোস্ততঃ ॥ ৩২ ॥
সোমোঽভূদ্ব্রহ্মণোংঽশেন দত্তো বিষ্ণোস্তু যোগবিত্ ।
দুর্বাসাঃ শঙ্করস্যাংশো নিবোধাঙ্গিরসঃ প্রজাঃ ॥ ৩৩ ॥
দুর্বাসাঃ শঙ্করস্যাংশো নিবোধাঙ্গিরসঃ প্রজাঃ ॥ ৩৩ ॥
শ্রদ্ধা ত্বঙ্গিরসঃ পত্নী চতস্রোঽসূত কন্যকাঃ ।
সিনীবালী কুহূ রাকা চতুর্থ্যনুমতিস্তথা ॥ ৩৪ ॥
সিনীবালী কুহূ রাকা চতুর্থ্যনুমতিস্তথা ॥ ৩৪ ॥
তত্পুত্রাবপরাবাস্তাং খ্যাতৌ স্বারোচিষেঽন্তরে ।
উতথ্যো ভগবান্সাক্ষাদ্ ব্রহ্মিষ্ঠশ্চ বৃহস্পতিঃ ॥ ৩৫ ॥
উতথ্যো ভগবান্সাক্ষাদ্ ব্রহ্মিষ্ঠশ্চ বৃহস্পতিঃ ॥ ৩৫ ॥
পুলস্ত্যোঽজনযত্পত্ন্যামগস্ত্যং চ হবির্ভুবি ।
সোঽন্যজন্মনি দহ্রাগ্নির্বিশ্রবাশ্চ মহাতপাঃ ॥ ৩৬ ॥
সোঽন্যজন্মনি দহ্রাগ্নির্বিশ্রবাশ্চ মহাতপাঃ ॥ ৩৬ ॥
তস্য যক্ষপতির্দেবঃ কুবেরস্ত্বিডবিডাসুতঃ ।
রাবণঃ কুম্ভকর্ণশ্চ তথান্যস্যাং বিভীষণঃ ॥ ৩৭ ॥
রাবণঃ কুম্ভকর্ণশ্চ তথান্যস্যাং বিভীষণঃ ॥ ৩৭ ॥
পুলহস্য গতির্ভার্যা ত্রীনসূত সতী সুতান্ ।
কর্মশ্রেষ্ঠং বরীযাংসং সহিষ্ণুং চ মহামতে ॥ ৩৮ ॥
কর্মশ্রেষ্ঠং বরীযাংসং সহিষ্ণুং চ মহামতে ॥ ৩৮ ॥
ক্রতোরপি ক্রিযা ভার্যা বালখিল্যানসূযত ।
ঋষীন্ষষ্টিসহস্রাণি জ্বলতো ব্রহ্মতেজসা ॥ ৩৯ ॥
ঋষীন্ষষ্টিসহস্রাণি জ্বলতো ব্রহ্মতেজসা ॥ ৩৯ ॥
ঊর্জাযাং জজ্ঞিরে পুত্রা বসিষ্ঠস্য পরন্তপ ।
চিত্রকেতুপ্রধানাস্তে সপ্ত ব্রহ্মর্ষযোঽমলাঃ ॥ ৪০ ॥
চিত্রকেতুপ্রধানাস্তে সপ্ত ব্রহ্মর্ষযোঽমলাঃ ॥ ৪০ ॥
চিত্রকেতুঃ সুরোচিশ্চ বিরজা মিত্র এব চ ।
উল্বণো বসুভৃদ্যানো দ্যুমান্শক্ত্যাদযোঽপরে ॥ ৪১ ॥
উল্বণো বসুভৃদ্যানো দ্যুমান্শক্ত্যাদযোঽপরে ॥ ৪১ ॥
চিত্তিস্ত্বথর্বণঃ পত্নী লেভে পুত্রং ধৃতব্রতম্ ।
দধ্যঞ্চমশ্বশিরসং ভৃগোর্বংশং নিবোধ মে ॥ ৪২ ॥
দধ্যঞ্চমশ্বশিরসং ভৃগোর্বংশং নিবোধ মে ॥ ৪২ ॥
ভৃগুঃ খ্যাত্যাং মহাভাগঃ পত্ন্যাং পুত্রানজীজনত্ ।
ধাতারং চ বিধাতারং শ্রিযং চ ভগবত্পরাম্ ॥ ৪৩ ॥
ধাতারং চ বিধাতারং শ্রিযং চ ভগবত্পরাম্ ॥ ৪৩ ॥
আযতিং নিযতিং চৈব সুতে মেরুস্তযোরদাত্ ।
তাভ্যাং তযোরভবতাং মৃকণ্ডঃ প্রাণ এব চ ॥ ৪৪ ॥
তাভ্যাং তযোরভবতাং মৃকণ্ডঃ প্রাণ এব চ ॥ ৪৪ ॥
মার্কণ্ডেযো মৃকণ্ডস্য প্রাণাদ্বেদশিরা মুনিঃ ।
কবিশ্চ ভার্গবো যস্য ভগবানুশনা সুতঃ ॥ ৪৫ ॥
কবিশ্চ ভার্গবো যস্য ভগবানুশনা সুতঃ ॥ ৪৫ ॥
ত এতে মুনযঃ ক্ষত্তর্লোকান্সর্গৈরভাবযন্ ।
এষ কর্দমদৌহিত্রসন্তানঃ কথিতস্তব ॥ ৪৬ ॥
এষ কর্দমদৌহিত্রসন্তানঃ কথিতস্তব ॥ ৪৬ ॥
শৃণ্বতঃ শ্রদ্দধানস্য সদ্যঃ পাপহরঃ পরঃ ।
প্রসূতিং মানবীং দক্ষ উপযেমে হ্যজাত্মজঃ ॥ ৪৭ ॥
প্রসূতিং মানবীং দক্ষ উপযেমে হ্যজাত্মজঃ ॥ ৪৭ ॥
তস্যাং সসর্জ দুহিতৃঃ ষোডশামললোচনাঃ ।
ত্রযোদশাদাদ্ধর্মায তথৈকামগ্নযে বিভুঃ ॥ ৪৮ ॥
ত্রযোদশাদাদ্ধর্মায তথৈকামগ্নযে বিভুঃ ॥ ৪৮ ॥
পিতৃভ্য একাং যুক্তেভ্যো ভবাযৈকাং ভবচ্ছিদে ।
শ্রদ্ধা মৈত্রী দযা শান্তিস্তুষ্টিঃ পুষ্টিঃ ক্রিযোন্নতিঃ ॥ ৪৯ ॥
শ্রদ্ধা মৈত্রী দযা শান্তিস্তুষ্টিঃ পুষ্টিঃ ক্রিযোন্নতিঃ ॥ ৪৯ ॥
বুদ্ধির্মেধা তিতিক্ষা হ্রীর্মূর্তির্ধর্মস্য পত্নযঃ ।
শ্রদ্ধাসূত শুভং মৈত্রী প্রসাদমভযং দযা ॥ ৫০ ॥
শ্রদ্ধাসূত শুভং মৈত্রী প্রসাদমভযং দযা ॥ ৫০ ॥
শান্তিঃ সুখং মুদং তুষ্টিঃ স্মযং পুষ্টিরসূযত ।
যোগং ক্রিযোন্নতির্দর্পমর্থং বুদ্ধিরসূযত ॥ ৫১ ॥
যোগং ক্রিযোন্নতির্দর্পমর্থং বুদ্ধিরসূযত ॥ ৫১ ॥
মেধা স্মৃতিং তিতিক্ষা তু ক্ষেমং হ্রীঃ প্রশ্রযং সুতম্ ।
মূর্তিঃ সর্বগুণোত্পত্তির্নরনারাযণাবৃষী ॥ ৫২ ॥
মূর্তিঃ সর্বগুণোত্পত্তির্নরনারাযণাবৃষী ॥ ৫২ ॥
যযোর্জন্মন্যদো বিশ্বমভ্যনন্দত্সুনির্বৃতম্ ।
মনাংসি ককুভো বাতাঃ প্রসেদুঃ সরিতোঽদ্রযঃ ॥ ৫৩ ॥
মনাংসি ককুভো বাতাঃ প্রসেদুঃ সরিতোঽদ্রযঃ ॥ ৫৩ ॥
দিব্যবাদ্যন্ত তূর্যাণি পেতুঃ কুসুমবৃষ্টযঃ ।
মুনযস্তুষ্টুবুস্তুষ্টা জগুর্গন্ধর্বকিন্নরাঃ ॥ ৫৪ ॥
মুনযস্তুষ্টুবুস্তুষ্টা জগুর্গন্ধর্বকিন্নরাঃ ॥ ৫৪ ॥
নৃত্যন্তি স্ম স্ত্রিযো দেব্য আসীত্পরমমঙ্গলম্ ।
দেবা ব্রহ্মাদযঃ সর্বে উপতস্থুরভিষ্টবৈঃ ॥ ৫৫ ॥
দেবা ব্রহ্মাদযঃ সর্বে উপতস্থুরভিষ্টবৈঃ ॥ ৫৫ ॥
দেবা ঊচুঃ
যো মাযযা বিরচিতং নিজযাত্মনীদং
খে রূপভেদমিব তত্প্রতিচক্ষণায ।
এতেন ধর্মসদনে ঋষিমূর্তিনাদ্য
প্রাদুশ্চকার পুরুষায নমঃ পরস্মৈ ॥ ৫৬ ॥
যো মাযযা বিরচিতং নিজযাত্মনীদং
খে রূপভেদমিব তত্প্রতিচক্ষণায ।
এতেন ধর্মসদনে ঋষিমূর্তিনাদ্য
প্রাদুশ্চকার পুরুষায নমঃ পরস্মৈ ॥ ৫৬ ॥
সোঽযং স্থিতিব্যতিকরোপশমায সৃষ্টান্
সত্ত্বেন নঃ সুরগণাননুমেযতত্ত্বঃ ।
দৃশ্যাদদভ্রকরুণেন বিলোকনেন
যচ্ছ্রীনিকেতমমলং ক্ষিপতারবিন্দম্ ॥ ৫৭ ॥
সত্ত্বেন নঃ সুরগণাননুমেযতত্ত্বঃ ।
দৃশ্যাদদভ্রকরুণেন বিলোকনেন
যচ্ছ্রীনিকেতমমলং ক্ষিপতারবিন্দম্ ॥ ৫৭ ॥
এবং সুরগণৈস্তাত ভগবন্তাবভিষ্টুতৌ ।
লব্ধাবলোকৈর্যযতুরর্চিতৌ গন্ধমাদনম্ ॥ ৫৮ ॥
লব্ধাবলোকৈর্যযতুরর্চিতৌ গন্ধমাদনম্ ॥ ৫৮ ॥
তাবিমৌ বৈ ভগবতো হরেরংশাবিহাগতৌ ।
ভারব্যযায চ ভুবঃ কৃষ্ণৌ যদুকুরূদ্বহৌ ॥ ৫৯ ॥
ভারব্যযায চ ভুবঃ কৃষ্ণৌ যদুকুরূদ্বহৌ ॥ ৫৯ ॥
স্বাহাভিমানিনশ্চাগ্নেরাত্মজাংস্ত্রীনজীজনত্ ।
পাবকং পবমানং চ শুচিং চ হুতভোজনম্ ॥ ৬০ ॥
পাবকং পবমানং চ শুচিং চ হুতভোজনম্ ॥ ৬০ ॥
তেভ্যোঽগ্নযঃ সমভবন্চত্বারিংশচ্চ পঞ্চ চ ।
ত এবৈকোনপঞ্চাশত্সাকং পিতৃপিতামহৈঃ ॥ ৬১ ॥
ত এবৈকোনপঞ্চাশত্সাকং পিতৃপিতামহৈঃ ॥ ৬১ ॥
বৈতানিকে কর্মণি যন্নামভির্ব্রহ্মবাদিভিঃ ।
আগ্নেয্য ইষ্টযো যজ্ঞে নিরূপ্যন্তেঽগ্নযস্তু তে ॥ ৬২ ॥
আগ্নেয্য ইষ্টযো যজ্ঞে নিরূপ্যন্তেঽগ্নযস্তু তে ॥ ৬২ ॥
অগ্নিষ্বাত্তা বর্হিষদঃ সৌম্যাঃ পিতর আজ্যপাঃ ।
সাগ্নযোঽনগ্নযস্তেষাং পত্নী দাক্ষাযণী স্বধা ॥ ৬৩ ॥
সাগ্নযোঽনগ্নযস্তেষাং পত্নী দাক্ষাযণী স্বধা ॥ ৬৩ ॥
তেভ্যো দধার কন্যে দ্বে বযুনাং ধারিণীং স্বধা ।
উভে তে ব্রহ্মবাদিন্যৌ জ্ঞানবিজ্ঞানপারগে ॥ ৬৪ ॥
উভে তে ব্রহ্মবাদিন্যৌ জ্ঞানবিজ্ঞানপারগে ॥ ৬৪ ॥
ভবস্য পত্নী তু সতী ভবং দেবমনুব্রতা ।
আত্মনঃ সদৃশং পুত্রং ন লেভে গুণশীলতঃ ॥ ৬৫ ॥
আত্মনঃ সদৃশং পুত্রং ন লেভে গুণশীলতঃ ॥ ৬৫ ॥
পিতর্যপ্রতিরূপে স্বে ভবাযানাগসে রুষা ।
অপ্রৌঢৈবাত্মনাত্মানমজহাদ্যোগসংযুতা ॥ ৬৬ ॥
অপ্রৌঢৈবাত্মনাত্মানমজহাদ্যোগসংযুতা ॥ ৬৬ ॥