মৈত্রেয উবাচ
প্রজাপতের্দুহিতরং শিশুমারস্য বৈ ধ্রুবঃ । উপযেমে ভ্রমিং নাম তত্সুতৌ কল্পবত্সরৌ ॥ ১ ॥
প্রজাপতের্দুহিতরং শিশুমারস্য বৈ ধ্রুবঃ । উপযেমে ভ্রমিং নাম তত্সুতৌ কল্পবত্সরৌ ॥ ১ ॥
ইলাযামপি ভার্যাযাং বাযোঃ পুত্র্যাং মহাবলঃ । পুত্রমুত্কলনামানং যোষিদ্রত্নমজীজনত্ ॥ ২ ॥
উত্তমস্ত্বকৃতোদ্বাহো মৃগযাযাং বলীযসা । হতঃ পুণ্যজনেনাদ্রৌ তন্মাতাস্য গতিং গতা ॥ ৩ ॥
ধ্রুবো ভ্রাতৃবধং শ্রুত্বা কোপামর্ষশুচার্পিতঃ । জৈত্রং স্যন্দনমাস্থায গতঃ পুণ্যজনালযম্ ॥ ৪ ॥
গত্বোদীচীং দিশং রাজা রুদ্রানুচরসেবিতাম্ । দদর্শ হিমবদ্দ্রোণ্যাং পুরীং গুহ্যকসঙ্কুলাম্ ॥ ৫ ॥
দধ্মৌ শঙ্খং বৃহদ্বাহুঃ খং দিশশ্চানুনাদযন্ । যেনোদ্বিগ্নদৃশঃ ক্ষত্তরুপদেব্যোঽত্রসন্ভৃশম্ ॥ ৬ ॥
ততো নিষ্ক্রম্য বলিন উপদেবমহাভটাঃ । অসহন্তস্তন্নিনাদমভিপেতুরুদাযুধাঃ ॥ ৭ ॥
স তানাপততো বীর উগ্রধন্বা মহারথঃ । একৈকং যুগপত্সর্বানহন্ বাণৈস্ত্রিভিস্ত্রিভিঃ ॥ ৮ ॥
তে বৈ ললাটলগ্নৈস্তৈরিষুভিঃ সর্ব এব হি । মত্বা নিরস্তমাত্মানমাশংসন্ কর্ম তস্য তত্ ॥ ৯ ॥
তেঽপি চামুমমৃষ্যন্তঃ পাদস্পর্শমিবোরগাঃ । শরৈরবিধ্যন্ যুগপদ্ দ্বিগুণং প্রচিকীর্ষবঃ ॥ ১০ ॥
ততঃ পরিঘনিস্ত্রিংশৈঃ প্রাসশূলপরশ্বধৈঃ । শক্ত্যৃষ্টিভির্ভুশুণ্ডীভিশ্চিত্রবাজৈঃ শরৈরপি ॥ ১১ ॥
অভ্যবর্ষন্ প্রকুপিতাঃ সরথং সহসারথিম্ । ইচ্ছন্তস্তত্প্রতীকর্তুমযুতানাং ত্রযোদশ ॥ ১২ ॥
ঔত্তানপাদিঃ স তদা শস্ত্রবর্ষেণ ভূরিণা ।
ন এবাদৃশ্যতাচ্ছন্ন আসারেণ যথা গিরিঃ ॥ ১৩ ॥
ন এবাদৃশ্যতাচ্ছন্ন আসারেণ যথা গিরিঃ ॥ ১৩ ॥
হাহাকারস্তদৈবাসীত্সিদ্ধানাং দিবি পশ্যতাম্ ।
হতোঽযং মানবঃ সূর্যো মগ্নঃ পুণ্যজনার্ণবে ॥ ১৪ ॥
হতোঽযং মানবঃ সূর্যো মগ্নঃ পুণ্যজনার্ণবে ॥ ১৪ ॥
নদত্সু যাতুধানেষু জযকাশিষ্বথো মৃধে ।
উদতিষ্ঠদ্রথস্তস্য নীহারাদিব ভাস্করঃ ॥ ১৫ ॥
উদতিষ্ঠদ্রথস্তস্য নীহারাদিব ভাস্করঃ ॥ ১৫ ॥
ধনুর্বিস্ফূর্জযন্দিব্যং দ্বিষতাং খেদমুদ্বহন্ ।
অস্ত্রৌঘং ব্যধমদ্বাণৈর্ঘনানীকমিবানিলঃ ॥ ১৬ ॥
অস্ত্রৌঘং ব্যধমদ্বাণৈর্ঘনানীকমিবানিলঃ ॥ ১৬ ॥
তস্য তে চাপনির্মুক্তা ভিত্ত্বা বর্মাণি রক্ষসাম্ ।
কাযানাবিবিশুস্তিগ্মা গিরীনশনযো যথা ॥ ১৭ ॥
কাযানাবিবিশুস্তিগ্মা গিরীনশনযো যথা ॥ ১৭ ॥
ভল্লৈঃ সঞ্ছিদ্যমানানাং শিরোভিশ্চারুকুণ্ডলৈঃ ।
ঊরুভির্হেমতালাভৈর্দোর্ভির্বলযবল্গুভিঃ ॥ ১৮ ॥
ঊরুভির্হেমতালাভৈর্দোর্ভির্বলযবল্গুভিঃ ॥ ১৮ ॥
হারকেযূরমুকুটৈরুষ্ণীষৈশ্চ মহাধনৈঃ ।
আস্তৃতাস্তা রণভুবো রেজুর্বীরমনোহরাঃ ॥ ১৯ ॥
আস্তৃতাস্তা রণভুবো রেজুর্বীরমনোহরাঃ ॥ ১৯ ॥
হতাবশিষ্টা ইতরে রণাজিরাদ্
রক্ষোগণাঃ ক্ষত্রিযবর্যসাযকৈঃ ।
প্রাযো বিবৃক্ণাবযবা বিদুদ্রুবু-
র্মৃগেন্দ্রবিক্রীডিতযূথপা ইব ॥ ২০ ॥
রক্ষোগণাঃ ক্ষত্রিযবর্যসাযকৈঃ ।
প্রাযো বিবৃক্ণাবযবা বিদুদ্রুবু-
র্মৃগেন্দ্রবিক্রীডিতযূথপা ইব ॥ ২০ ॥
অপশ্যমানঃ স তদাততাযিনং
মহামৃধে কঞ্চন মানবোত্তমঃ ।
পুরীং দিদৃক্ষন্নপি নাবিশদ্দ্বিষাং
ন মাযিনাং বেদ চিকীর্ষিতং জনঃ ॥ ২১ ॥
মহামৃধে কঞ্চন মানবোত্তমঃ ।
পুরীং দিদৃক্ষন্নপি নাবিশদ্দ্বিষাং
ন মাযিনাং বেদ চিকীর্ষিতং জনঃ ॥ ২১ ॥
ইতি ব্রুবংশ্চিত্ররথঃ স্বসারথিং
যত্তঃ পরেষাং প্রতিযোগশঙ্কিতঃ ।
শুশ্রাব শব্দং জলধেরিবেরিতং
নভস্বতো দিক্ষু রজোঽন্বদৃশ্যত ॥ ২২ ॥
যত্তঃ পরেষাং প্রতিযোগশঙ্কিতঃ ।
শুশ্রাব শব্দং জলধেরিবেরিতং
নভস্বতো দিক্ষু রজোঽন্বদৃশ্যত ॥ ২২ ॥
ক্ষণেনাচ্ছাদিতং ব্যোম ঘনানীকেন সর্বতঃ ।
বিস্ফুরত্তডিতা দিক্ষু ত্রাসযত্স্তনযিত্নুনা ॥ ২৩ ॥
বিস্ফুরত্তডিতা দিক্ষু ত্রাসযত্স্তনযিত্নুনা ॥ ২৩ ॥
ববৃষূ রুধিরৌঘাসৃক্পূযবিণ্মূত্রমেদসঃ ।
নিপেতুর্গগনাদস্য কবন্ধান্যগ্রতোঽনঘ ॥ ২৪ ॥
নিপেতুর্গগনাদস্য কবন্ধান্যগ্রতোঽনঘ ॥ ২৪ ॥
ততঃ খেঽদৃশ্যত গিরির্নিপেতুঃ সর্বতোদিশম্ ।
গদাপরিঘনিস্ত্রিংশমুসলাঃ সাশ্মবর্ষিণঃ ॥ ২৫ ॥
গদাপরিঘনিস্ত্রিংশমুসলাঃ সাশ্মবর্ষিণঃ ॥ ২৫ ॥
অহযোঽশনিনিঃশ্বাসা বমন্তোঽগ্নিং রুষাক্ষিভিঃ ।
অভ্যধাবন্ গজা মত্তাঃ সিংহব্যাঘ্রাশ্চ যূথশঃ ॥ ২৬ ॥
অভ্যধাবন্ গজা মত্তাঃ সিংহব্যাঘ্রাশ্চ যূথশঃ ॥ ২৬ ॥
সমুদ্র ঊর্মিভির্ভীমঃ প্লাবযন্ সর্বতো ভুবম্ ।
আসসাদ মহাহ্রাদঃ কল্পান্ত ইব ভীষণঃ ॥ ২৭ ॥
আসসাদ মহাহ্রাদঃ কল্পান্ত ইব ভীষণঃ ॥ ২৭ ॥
এবংবিধান্যনেকানি ত্রাসনান্যমনস্বিনাম্ ।
সসৃজুস্তিগ্মগতয আসুর্যা মাযযাসুরাঃ ॥ ২৮ ॥
সসৃজুস্তিগ্মগতয আসুর্যা মাযযাসুরাঃ ॥ ২৮ ॥
ধ্রুবে প্রযুক্তামসুরৈস্তাং মাযামতিদুস্তরাম্ ।
নিশম্য তস্য মুনযঃ শমাশংসন্ সমাগতাঃ ॥ ২৯ ॥
নিশম্য তস্য মুনযঃ শমাশংসন্ সমাগতাঃ ॥ ২৯ ॥
মুনয ঊচুঃ
ঔত্তানপাদ ভগবাংস্তব শার্ঙ্গধন্বা
দেবঃ ক্ষিণোত্ববনতার্তিহরো বিপক্ষান্ ।
যন্নামধেযমভিধায নিশম্য চাদ্ধা
লোকোঽঞ্জসা তরতি দুস্তরমঙ্গ মৃত্যুম্ ॥ ৩০ ॥
ঔত্তানপাদ ভগবাংস্তব শার্ঙ্গধন্বা
দেবঃ ক্ষিণোত্ববনতার্তিহরো বিপক্ষান্ ।
যন্নামধেযমভিধায নিশম্য চাদ্ধা
লোকোঽঞ্জসা তরতি দুস্তরমঙ্গ মৃত্যুম্ ॥ ৩০ ॥