মৈত্রেয উবাচ
ভৃগ্বাদযস্তে মুনযো লোকানাং ক্ষেমদর্শিনঃ ।
গোপ্তর্যসতি বৈ নৃণাং পশ্যন্তঃ পশুসাম্যতাম্ ॥ ১ ॥
ভৃগ্বাদযস্তে মুনযো লোকানাং ক্ষেমদর্শিনঃ ।
গোপ্তর্যসতি বৈ নৃণাং পশ্যন্তঃ পশুসাম্যতাম্ ॥ ১ ॥
বীরমাতরমাহূয সুনীথাং ব্রহ্মবাদিনঃ ।
প্রকৃত্যসম্মতং বেনমভ্যষিঞ্চন্ পতিং ভুবঃ ॥ ২ ॥
প্রকৃত্যসম্মতং বেনমভ্যষিঞ্চন্ পতিং ভুবঃ ॥ ২ ॥
শ্রুত্বা নৃপাসনগতং বেনমত্যুগ্রশাসনম্ ।
নিলিল্যুর্দস্যবঃ সদ্যঃ সর্পত্রস্তা ইবাখবঃ ॥ ৩ ॥
নিলিল্যুর্দস্যবঃ সদ্যঃ সর্পত্রস্তা ইবাখবঃ ॥ ৩ ॥
স আরূঢনৃপস্থান উন্নদ্ধোঽষ্টবিভূতিভিঃ ।
অবমেনে মহাভাগান্ স্তব্ধঃ সম্ভাবিতঃ স্বতঃ ॥ ৪ ॥
অবমেনে মহাভাগান্ স্তব্ধঃ সম্ভাবিতঃ স্বতঃ ॥ ৪ ॥
এবং মদান্ধ উত্সিক্তো নিরঙ্কুশ ইব দ্বিপঃ ।
পর্যটন্ রথমাস্থায কম্পযন্নিব রোদসী ॥ ৫ ॥
পর্যটন্ রথমাস্থায কম্পযন্নিব রোদসী ॥ ৫ ॥
ন যষ্টব্যং ন দাতব্যং ন হোতব্যং দ্বিজাঃ ক্বচিত্ ।
ইতি ন্যবারযদ্ধর্মং ভেরীঘোষেণ সর্বশঃ ॥ ৬ ॥
ইতি ন্যবারযদ্ধর্মং ভেরীঘোষেণ সর্বশঃ ॥ ৬ ॥
বেনস্যাবেক্ষ্য মুনযো দুর্বৃত্তস্য বিচেষ্টিতম্ ।
বিমৃশ্য লোকব্যসনং কৃপযোচুঃ স্ম সত্রিণঃ ॥ ৭ ॥
বিমৃশ্য লোকব্যসনং কৃপযোচুঃ স্ম সত্রিণঃ ॥ ৭ ॥
অহো উভযতঃ প্রাপ্তং লোকস্য ব্যসনং মহত্ ।
দারুণ্যুভযতো দীপ্তে ইব তস্করপালযোঃ ॥ ৮ ॥
দারুণ্যুভযতো দীপ্তে ইব তস্করপালযোঃ ॥ ৮ ॥
অরাজকভযাদেষ কৃতো রাজাতদর্হণঃ ।
ততোঽপ্যাসীদ্ভযং ত্বদ্য কথং স্যাত্স্বস্তি দেহিনাম্ ॥ ৯ ॥
ততোঽপ্যাসীদ্ভযং ত্বদ্য কথং স্যাত্স্বস্তি দেহিনাম্ ॥ ৯ ॥
অহেরিব পযঃপোষঃ পোষকস্যাপ্যনর্থভৃত্ ।
বেনঃ প্রকৃত্যৈব খলঃ সুনীথাগর্ভসম্ভবঃ ॥ ১০ ॥
বেনঃ প্রকৃত্যৈব খলঃ সুনীথাগর্ভসম্ভবঃ ॥ ১০ ॥
নিরূপিতঃ প্রজাপালঃ স জিঘাংসতি বৈ প্রজাঃ ।
তথাপি সান্ত্বযেমামুং নাস্মাংস্তত্পাতকং স্পৃশেত্ ॥ ১১ ॥
তথাপি সান্ত্বযেমামুং নাস্মাংস্তত্পাতকং স্পৃশেত্ ॥ ১১ ॥
তদ্বিদ্বদ্ভিরসদ্বৃত্তো বেনোঽস্মাভিঃ কৃতো নৃপঃ ।
সান্ত্বিতো যদি নো বাচং ন গ্রহীষ্যত্যধর্মকৃত্ ।
লোকধিক্কারসন্দগ্ধং দহিষ্যামঃ স্বতেজসা ॥ ১২ ॥
সান্ত্বিতো যদি নো বাচং ন গ্রহীষ্যত্যধর্মকৃত্ ।
লোকধিক্কারসন্দগ্ধং দহিষ্যামঃ স্বতেজসা ॥ ১২ ॥
এবমধ্যবসাযৈনং মুনযো গূঢমন্যবঃ ।
উপব্রজ্যাব্রুবন্ বেনং সান্ত্বযিত্বা চ সামভিঃ ॥ ১৩ ॥
উপব্রজ্যাব্রুবন্ বেনং সান্ত্বযিত্বা চ সামভিঃ ॥ ১৩ ॥
মুনয ঊচুঃ
নৃপবর্য নিবোধৈতদ্যত্তে বিজ্ঞাপযাম ভোঃ ।
আযুঃশ্রীবলকীর্তীনাং তব তাত বিবর্ধনম্ ॥ ১৪ ॥
নৃপবর্য নিবোধৈতদ্যত্তে বিজ্ঞাপযাম ভোঃ ।
আযুঃশ্রীবলকীর্তীনাং তব তাত বিবর্ধনম্ ॥ ১৪ ॥
ধর্ম আচরিতঃ পুংসাং বাঙ্মনঃকাযবুদ্ধিভিঃ ।
লোকান্ বিশোকান্ বতরত্যথানন্ত্যমসঙ্গিনাম্ ॥ ১৫ ॥
লোকান্ বিশোকান্ বতরত্যথানন্ত্যমসঙ্গিনাম্ ॥ ১৫ ॥
স তে মা বিনশেদ্বীর প্রজানাং ক্ষেমলক্ষণঃ ।
যস্মিন্ বিনষ্টে নৃপতিরৈশ্বর্যাদবরোহতি ॥ ১৬ ॥
যস্মিন্ বিনষ্টে নৃপতিরৈশ্বর্যাদবরোহতি ॥ ১৬ ॥
রাজন্নসাধ্বমাত্যেভ্যশ্চোরাদিভ্যঃ প্রজা নৃপঃ ।
রক্ষন্যথা বলিং গৃহ্ণন্নিহ প্রেত্য চ মোদতে ॥ ১৭ ॥
রক্ষন্যথা বলিং গৃহ্ণন্নিহ প্রেত্য চ মোদতে ॥ ১৭ ॥
যস্য রাষ্ট্রে পুরে চৈব ভগবান্ যজ্ঞপূরুষঃ ।
ইজ্যতে স্বেন ধর্মেণ জনৈর্বর্ণাশ্রমান্বিতৈঃ ॥ ১৮ ॥
ইজ্যতে স্বেন ধর্মেণ জনৈর্বর্ণাশ্রমান্বিতৈঃ ॥ ১৮ ॥
তস্য রাজ্ঞো মহাভাগ ভগবান্ ভূতভাবনঃ ।
পরিতুষ্যতি বিশ্বাত্মা তিষ্ঠতো নিজশাসনে ॥ ১৯ ॥
পরিতুষ্যতি বিশ্বাত্মা তিষ্ঠতো নিজশাসনে ॥ ১৯ ॥
তস্মিংস্তুষ্টে কিমপ্রাপ্যং জগতামীশ্বরেশ্বরে ।
লোকাঃ সপালা হ্যেতস্মৈ হরন্তি বলিমাদৃতাঃ ॥ ২০ ॥
লোকাঃ সপালা হ্যেতস্মৈ হরন্তি বলিমাদৃতাঃ ॥ ২০ ॥
তং সর্বলোকামরযজ্ঞসঙ্গ্রহং
ত্রযীমযং দ্রব্যমযং তপোমযম্ ।
যজ্ঞৈর্বিচিত্রৈর্যজতো ভবায তে
রাজন্ স্বদেশাননুরোদ্ধুমর্হসি ॥ ২১ ॥
ত্রযীমযং দ্রব্যমযং তপোমযম্ ।
যজ্ঞৈর্বিচিত্রৈর্যজতো ভবায তে
রাজন্ স্বদেশাননুরোদ্ধুমর্হসি ॥ ২১ ॥
যজ্ঞেন যুষ্মদ্বিষযে দ্বিজাতিভি-
র্বিতাযমানেন সুরাঃ কলা হরেঃ ।
স্বিষ্টাঃ সুতুষ্টাঃ প্রদিশন্তি বাঞ্ছিতং
তদ্ধেলনং নার্হসি বীর চেষ্টিতুম্ ॥ ২২ ॥
র্বিতাযমানেন সুরাঃ কলা হরেঃ ।
স্বিষ্টাঃ সুতুষ্টাঃ প্রদিশন্তি বাঞ্ছিতং
তদ্ধেলনং নার্হসি বীর চেষ্টিতুম্ ॥ ২২ ॥
বেন উবাচ
বালিশা বত যূযং বা অধর্মে ধর্মমানিনঃ ।
যে বৃত্তিদং পতিং হিত্বা জারং পতিমুপাসতে ॥ ২৩ ॥
বালিশা বত যূযং বা অধর্মে ধর্মমানিনঃ ।
যে বৃত্তিদং পতিং হিত্বা জারং পতিমুপাসতে ॥ ২৩ ॥
অবজানন্ত্যমী মূঢা নৃপরূপিণমীশ্বরম্ ।
নানুবিন্দন্তি তে ভদ্রমিহ লোকে পরত্র চ ॥ ২৪ ॥
নানুবিন্দন্তি তে ভদ্রমিহ লোকে পরত্র চ ॥ ২৪ ॥
কো যজ্ঞপুরুষো নাম যত্র বো ভক্তিরীদৃশী ।
ভর্তৃস্নেহবিদূরাণাং যথা জারে কুযোষিতাম্ ॥ ২৫ ॥
ভর্তৃস্নেহবিদূরাণাং যথা জারে কুযোষিতাম্ ॥ ২৫ ॥
বিষ্ণুর্বিরিঞ্চো গিরিশ ইন্দ্রো বাযুর্যমো রবিঃ ।
পর্জন্যো ধনদঃ সোমঃ ক্ষিতিরগ্নিরপাম্পতিঃ ॥ ২৬ ॥
পর্জন্যো ধনদঃ সোমঃ ক্ষিতিরগ্নিরপাম্পতিঃ ॥ ২৬ ॥
এতে চান্যে চ বিবুধাঃ প্রভবো বরশাপযোঃ ।
দেহে ভবন্তি নৃপতেঃ সর্বদেবমযো নৃপঃ ॥ ২৭ ॥
দেহে ভবন্তি নৃপতেঃ সর্বদেবমযো নৃপঃ ॥ ২৭ ॥
তস্মান্মাং কর্মভির্বিপ্রা যজধ্বং গতমত্সরাঃ ।
বলিং চ মহ্যং হরত মত্তোঽন্যঃ কোঽগ্রভুক্পুমান্ ॥ ২৮ ॥
বলিং চ মহ্যং হরত মত্তোঽন্যঃ কোঽগ্রভুক্পুমান্ ॥ ২৮ ॥
মৈত্রেয উবাচ
ইত্থং বিপর্যযমতিঃ পাপীযানুত্পথং গতঃ ।
অনুনীযমানস্তদ্যাচ্ঞাং ন চক্রে ভ্রষ্টমঙ্গলঃ ॥ ২৯ ॥
ইত্থং বিপর্যযমতিঃ পাপীযানুত্পথং গতঃ ।
অনুনীযমানস্তদ্যাচ্ঞাং ন চক্রে ভ্রষ্টমঙ্গলঃ ॥ ২৯ ॥
ইতি তেঽসত্কৃতাস্তেন দ্বিজাঃ পণ্ডিতমানিনা ।
ভগ্নাযাং ভব্যযাচ্ঞাযাং তস্মৈ বিদুর চুক্রুধুঃ ॥ ৩০ ॥
ভগ্নাযাং ভব্যযাচ্ঞাযাং তস্মৈ বিদুর চুক্রুধুঃ ॥ ৩০ ॥
হন্যতাং হন্যতামেষ পাপঃ প্রকৃতিদারুণঃ ।
জীবঞ্জগদসাবাশু কুরুতে ভস্মসাদ্ ধ্রুবম্ ॥ ৩১ ॥
জীবঞ্জগদসাবাশু কুরুতে ভস্মসাদ্ ধ্রুবম্ ॥ ৩১ ॥
নাযমর্হত্যসদ্বৃত্তো নরদেববরাসনম্ ।
যোঽধিযজ্ঞপতিং বিষ্ণুং বিনিন্দত্যনপত্রপঃ ॥ ৩২ ॥
যোঽধিযজ্ঞপতিং বিষ্ণুং বিনিন্দত্যনপত্রপঃ ॥ ৩২ ॥
কো বৈনং পরিচক্ষীত বেনমেকমৃতেঽশুভম্ ।
প্রাপ্ত ঈদৃশমৈশ্বর্যং যদনুগ্রহভাজনঃ ॥ ৩৩ ॥
প্রাপ্ত ঈদৃশমৈশ্বর্যং যদনুগ্রহভাজনঃ ॥ ৩৩ ॥
ইত্থং ব্যবসিতা হন্তুমৃষযো রূঢমন্যবঃ ।
নিজঘ্নুর্হুঙ্কৃতৈর্বেনং হতমচ্যুতনিন্দযা ॥ ৩৪ ॥
নিজঘ্নুর্হুঙ্কৃতৈর্বেনং হতমচ্যুতনিন্দযা ॥ ৩৪ ॥
ঋষিভিঃ স্বাশ্রমপদং গতে পুত্রকলেবরম্ ।
সুনীথা পালযামাস বিদ্যাযোগেন শোচতী ॥ ৩৫ ॥
সুনীথা পালযামাস বিদ্যাযোগেন শোচতী ॥ ৩৫ ॥
একদা মুনযস্তে তু সরস্বত্সলিলাপ্লুতাঃ ।
হুত্বাগ্নীন্ সত্কথাশ্চক্রুরুপবিষ্টাঃ সরিত্তটে ॥ ৩৬ ॥
হুত্বাগ্নীন্ সত্কথাশ্চক্রুরুপবিষ্টাঃ সরিত্তটে ॥ ৩৬ ॥
বীক্ষ্যোত্থিতাংস্তদোত্পাতানাহুর্লোকভযঙ্করান্ ।
অপ্যভদ্রমনাথাযা দস্যুভ্যো ন ভবেদ্ভুবঃ ॥ ৩৭ ॥
অপ্যভদ্রমনাথাযা দস্যুভ্যো ন ভবেদ্ভুবঃ ॥ ৩৭ ॥
এবং মৃশন্ত ঋষযো ধাবতাং সর্বতোদিশম্ ।
পাংসুঃ সমুত্থিতো ভূরিশ্চোরাণামভিলুম্পতাম্ ॥ ৩৮ ॥
পাংসুঃ সমুত্থিতো ভূরিশ্চোরাণামভিলুম্পতাম্ ॥ ৩৮ ॥
তদুপদ্রবমাজ্ঞায লোকস্য বসু লুম্পতাম্ ।
ভর্তর্যুপরতে তস্মিন্নন্যোন্যং চ জিঘাংসতাম্ ॥ ৩৯ ॥
ভর্তর্যুপরতে তস্মিন্নন্যোন্যং চ জিঘাংসতাম্ ॥ ৩৯ ॥
চোরপ্রাযং জনপদং হীনসত্ত্বমরাজকম্ ।
লোকান্নাবারযঞ্ছক্তা অপি তদ্দোষদর্শিনঃ ॥ ৪০ ॥
লোকান্নাবারযঞ্ছক্তা অপি তদ্দোষদর্শিনঃ ॥ ৪০ ॥
ব্রাহ্মণঃ সমদৃক্ শান্তো দীনানাং সমুপেক্ষকঃ ।
স্রবতে ব্রহ্ম তস্যাপি ভিন্নভাণ্ডাত্পযো যথা ॥ ৪১ ॥
স্রবতে ব্রহ্ম তস্যাপি ভিন্নভাণ্ডাত্পযো যথা ॥ ৪১ ॥
নাঙ্গস্য বংশো রাজর্ষেরেষ সংস্থাতুমর্হতি ।
অমোঘবীর্যা হি নৃপা বংশেঽস্মিন্ কেশবাশ্রযাঃ ॥ ৪২ ॥
অমোঘবীর্যা হি নৃপা বংশেঽস্মিন্ কেশবাশ্রযাঃ ॥ ৪২ ॥
বিনিশ্চিত্যৈবমৃষযো বিপন্নস্য মহীপতেঃ ।
মমন্থুরূরুং তরসা তত্রাসীদ্বাহুকো নরঃ ॥ ৪৩ ॥
মমন্থুরূরুং তরসা তত্রাসীদ্বাহুকো নরঃ ॥ ৪৩ ॥
কাককৃষ্ণোঽতিহ্রস্বাঙ্গো হ্রস্ববাহুর্মহাহনুঃ ।
হ্রস্বপান্নিম্ননাসাগ্রো রক্তাক্ষস্তাম্রমূর্ধজঃ ॥ ৪৪ ॥
হ্রস্বপান্নিম্ননাসাগ্রো রক্তাক্ষস্তাম্রমূর্ধজঃ ॥ ৪৪ ॥
তং তু তেঽবনতং দীনং কিং করোমীতি বাদিনম্ ।
নিষীদেত্যব্রুবংস্তাত স নিষাদস্ততোঽভবত্ ॥ ৪৫ ॥
নিষীদেত্যব্রুবংস্তাত স নিষাদস্ততোঽভবত্ ॥ ৪৫ ॥
তস্য বংশ্যাস্তু নৈষাদা গিরিকাননগোচরাঃ ।
যেনাহরজ্জাযমানো বেনকল্মষমুল্বণম্ ॥ ৪৬ ॥
যেনাহরজ্জাযমানো বেনকল্মষমুল্বণম্ ॥ ৪৬ ॥