ஶ்ரீமத்பாகவதம் ௬.௧௯

ஶ்ரீராஜோவாச
வ்ரதம் பும்ஸவநம் ப்ரஹ்மந் பவதா யதுதீரிதம் ।
தஸ்ய வேதிதுமிச்சாமி யேந விஷ்ணுஃ ப்ரஸீததி ॥ ௧ ॥

ஶ்ரீஶுக உவாச
ஶுக்லே மார்கஶிரே பக்ஷே யோஷித்பர்துரநுஜ்ஞயா ।
ஆரபேத வ்ரதமிதம் ஸார்வகாமிகமாதிதஃ ॥ ௨ ॥

நிஶம்ய மருதாம் ஜந்ம ப்ராஹ்மணாநநுமந்த்ர்ய ச ।
ஸ்நாத்வா ஶுக்லததீ ஶுக்லே வஸீதாலங்க்ரு'தாம்பரே ।
பூஜயேத்ப்ராதராஶாத்ப்ராக்பகவந்தம் ஶ்ரியா ஸஹ ॥ ௩ ॥

அலம் தே நிரபேக்ஷாய பூர்ணகாம நமோ'ஸ்து தே ।
மஹாவிபூதிபதயே நமஃ ஸகலஸித்தயே ॥ ௪ ॥

யதா த்வம் க்ரு'பயா பூத்யா தேஜஸா மஹிமௌஜஸா ।
ஜுஷ்ட ஈஶ குணைஃ ஸர்வைஸ்ததோ'ஸி பகவாந் ப்ரபுஃ ॥ ௫ ॥

விஷ்ணுபத்நி மஹாமாயே மஹாபுருஷலக்ஷணே ।
ப்ரீயேதா மே மஹாபாகே லோகமாதர்நமோ'ஸ்து தே ॥ ௬ ॥

ௐ நமோ பகவதே மஹாபுருஷாய மஹாநுபாவாய மஹாவிபூதிபதயே ஸஹ மஹாவிபூதிபிர்பலிமுபஹராமீதி । அநேநாஹரஹர்மந்த்ரேண விஷ்ணோராவாஹநார்க்யபாத்யோபஸ்பர்ஶநஸ்நாநவாஸஉபவீதவிபூஷணகந்தபுஷ்பதூப தீபோபஹாராத்யுபசாராந் ஸுஸமாஹிதோபாஹரேத் ॥ ௭ ॥

ஹவிஃஶேஷம் ச ஜுஹுயாதநலே த்வாதஶாஹுதீஃ ।
ௐ நமோ பகவதே மஹாபுருஷாய மஹாவிபூதிபதயே ஸ்வாஹேதி ॥ ௮ ॥

ஶ்ரியம் விஷ்ணும் ச வரதாவாஶிஷாம் ப்ரபவாவுபௌ ।
பக்த்யா ஸம்பூஜயேந்நித்யம் யதீச்சேத்ஸர்வஸம்பதஃ ॥ ௯ ॥

ப்ரணமேத்தண்டவத்பூமௌ பக்திப்ரஹ்வேண சேதஸா ।
தஶவாரம் ஜபேந்மந்த்ரம் ததஃ ஸ்தோத்ரமுதீரயேத் ॥ ௧௦ ॥

யுவாம் து விஶ்வஸ்ய விபூ ஜகதஃ காரணம் பரம் ।
இயம் ஹி ப்ரக்ரு'திஃ ஸூக்ஷ்மா மாயாஶக்திர்துரத்யயா ॥ ௧௧ ॥

தஸ்யா அதீஶ்வரஃ ஸாக்ஷாத்த்வமேவ புருஷஃ பரஃ ।
த்வம் ஸர்வயஜ்ஞ இஜ்யேயம் க்ரியேயம் பலபுக்பவாந் ॥ ௧௨ ॥

குணவ்யக்திரியம் தேவீ வ்யஞ்ஜகோ குணபுக்பவாந் ।
த்வம் ஹி ஸர்வஶரீர்யாத்மா ஶ்ரீஃ ஶரீரேந்த்ரியாஶயாஃ ।
நாமரூபே பகவதீ ப்ரத்யயஸ்த்வமபாஶ்ரயஃ ॥ ௧௩ ॥

யதா யுவாம் த்ரிலோகஸ்ய வரதௌ பரமேஷ்டிநௌ ।
ததா ம
உத்தமஶ்லோக ஸந்து ஸத்யா மஹாஶிஷஃ ॥ ௧௪ ॥

இத்யபிஷ்டூய வரதம் ஶ்ரீநிவாஸம் ஶ்ரியா ஸஹ ।
தந்நிஃஸார்யோபஹரணம்
தத்த்வாசமநமர்சயேத் ॥ ௧௫ ॥

ததஃ ஸ்துவீத ஸ்தோத்ரேண பக்திப்ரஹ்வேண
சேதஸா ।
யஜ்ஞோச்சிஷ்டமவக்ராய புநரப்யர்சயேத்தரிம் ॥ ௧௬ ॥

பதிம் ச பரயா பக்த்யா மஹாபுருஷசேதஸா ।
ப்ரியைஸ்தைஸ்தைருபநமேத் ப்ரேமஶீலஃ ஸ்வயம் பதிஃ ।
பிப்ரு'யாத் ஸர்வகர்மாணி பத்ந்யா உச்சாவசாநி ச ॥ ௧௭ ॥

க்ரு'தமேகதரேணாபி தம்பத்யோருபயோரபி ।
பத்ந்யாம் குர்யாதநர்ஹாயாம் பதிரேதத் ஸமாஹிதஃ ॥ ௧௮ ॥

விஷ்ணோர்வ்ரதமிதம் பிப்ரந்ந விஹந்யாத்கதஞ்சந ।
விப்ராந் ஸ்த்ரியோ வீரவதீஃ ஸ்ரக்கந்தபலிமண்டநைஃ ।
அர்சேதஹரஹர்பக்த்யா தேவம் நியமமாஸ்திதா ॥ ௧௯ ॥

உத்வாஸ்ய தேவம் ஸ்வே தாம்நி தந்நிவேதிதமக்ரதஃ ।
அத்யாதாத்மவிஶுத்த்யர்தம் ஸர்வகாமஸம்ரு'த்தயே ॥ ௨௦ ॥

ஏதேந பூஜாவிதிநா மாஸாந் த்வாதஶ ஹாயநம் ।
நீத்வாதோபரமேத்ஸாத்வீ கார்திகே சரமே'ஹநி ॥ ௨௧ ॥

ஶ்வோபூதே'ப உபஸ்ப்ரு'ஶ்ய க்ரு'ஷ்ணமப்யர்ச்ய பூர்வவத் ।
பயஃஶ்ரு'தேந ஜுஹுயாச்சருணா ஸஹ ஸர்பிஷா ।
பாகயஜ்ஞவிதாநேந த்வாதஶைவாஹுதீஃ பதிஃ ॥ ௨௨ ॥

ஆஶிஷஃ ஶிரஸாதாய த்விஜைஃ ப்ரீதைஃ ஸமீரிதாஃ ।
ப்ரணம்ய ஶிரஸா பக்த்யா புஞ்ஜீத ததநுஜ்ஞயா ॥ ௨௩ ॥

ஆசார்யமக்ரதஃ க்ரு'த்வா வாக்யதஃ ஸஹ பந்துபிஃ ।
தத்யாத்பத்ந்யை சரோஃ ஶேஷம் ஸுப்ரஜாஸ்த்வம் ஸுஸௌபகம் ॥ ௨௪ ॥

ஏதச்சரித்வா விதிவத்வ்ரதம் விபோ
ரபீப்ஸிதார்தம் லபதே புமாநிஹ ।
ஸ்த்ரீ சைததாஸ்தாய லபேத ஸௌபகம்
ஶ்ரியம் ப்ரஜாம் ஜீவபதிம் யஶோ க்ரு'ஹம் ॥ ௨௫ ॥

கந்யா ச விந்தேத ஸமக்ரலக்ஷணம்
பதிம் த்வவீரா ஹதகில்பிஷாம் கதிம் ।
ம்ரு'தப்ரஜா ஜீவஸுதா தநேஶ்வரீ
ஸுதுர்பகா ஸுபகா ரூபமக்ர்யம் ॥ ௨௬ ॥

விந்தேத்விரூபா விருஜா விமுச்யதே
ய ஆமயாவீந்த்ரியகல்யதேஹம் ।
ஏதத்படந்நப்யுதயே ச கர்ம-
ண்யநந்தத்ரு'ப்திஃ பித்ரு'தேவதாநாம் ॥ ௨௭ ॥

துஷ்டாஃ ப்ரயச்சந்தி ஸமஸ்தகாமாந்
ஹோமாவஸாநே ஹுதபுக் ஶ்ரீஹரிஶ்ச ।
ராஜந் மஹந்மருதாம் ஜந்ம புண்யம்
திதேர்வ்ரதம் சாபிஹிதம் மஹத்தே ॥ ௨௮ ॥