উদক শান্তি (পুণ্যাহ বাচনং)

1 কলশ প্রতিষ্ঠাপন প্রযোগ মন্ত্রাঃ
ব্রহ্মজজ্ঞান-ম্প্রথম-ম্পুরস্তা-দ্বিসীমত-স্সুরুচো বেন আবঃ ।
স বুধ্নিযা উপমা অস্য বিষ্ঠা-স্সতশ্চ যোনি-মসতশ্চ বিবঃ ।
নাকে সুপর্ণ মুপয-ত্পতন্তগ্ং হৃদা বেনন্তো অভ্যচক্ষ-তত্বা ।
হিরণ্যপক্ষং-বঁরুণস্য দূতং-যঁমস্য যোনৌ শকুন-ম্ভুরণ্যুম্ ।
আপ্যাযস্ব সমেতু তে বিশ্বতঃ সোম বৃষ্ণিযম্ । ভবা বাজস্য সঙ্গথে ।
যো রুদ্রো অগ্নৌ যো অফ্সু য ওষধীষু যো রুদ্রো বিশ্বা
ভুবনা-ঽঽবিবেশ তস্মৈ রুদ্রায নমো অস্তু । 1 (অপ উপস্পৃশ্য)
ইদং-বিঁষ্ণু র্বিচক্রমে ত্রেধা নিদধে পদম্ । সমূঢমস্য পাগ্ং সুরে ।
ইন্দ্রং-বিঁশ্বা অবীবৃধন্-থ্সমুদ্রব্যচস-ঙ্গিরঃ ।
রথীতমগ্ং রথীনাং-বাঁজানাগ্ং সত্পতি-ম্পতিম্ ।
আপো বা ইদংগ্ং সর্বং-বিঁশ্বা ভূতান্যাপঃ প্রাণা বা আপঃ পশব আপো-ঽন্নমাপো-ঽমৃতমাপ-স্সম্রাডাপো বিরাডাপ-স্স্বরাডাপ-শ্ছন্দাগ্শ্যাপো জ্যোতীগ্ষ্যাপো যজূগ্ষ্যাপ-স্সত্যমাপ-স্সর্বা দেবতা আপো ভূর্ভুবস্সুবরাপ ওম্ । 2
অপঃ প্রণযতি । শ্রদ্ধা বা আপঃ । শ্রদ্ধামেবারভ্য প্রণীয প্রচরতি ।
অপঃ প্রণযতি ।
যজ্ঞো বা আপঃ । যজ্ঞমেবারভ্য প্রণীয প্রচরতি । অপঃ প্রণযতি ।
বজ্রো বা আপঃ । বজ্রমেব ভ্রাতৃব্যেভ্যঃ প্রহৃত্য প্রণীয প্রচরতি ।
অপঃ প্রণযতি ।
আপো বৈ রক্ষোঘ্নীঃ । রক্ষসামপহত্যৈ । অপঃ প্রণযতি ।
আপো বৈ দেবানা-ম্প্রিয-ন্ধাম । দেবানামেব প্রিয-ন্ধাম প্রণীয প্রচরতি । অপঃ প্রণযতি ।
আপো বৈ সর্বা দেবতাঃ । দেবতা এবারভ্য প্রণীয প্রচরতি ।
অপঃ প্রণযতি ।
আপো বৈ শান্তাঃ । শান্তাভিরেবাস্য শুচগ্ং শমযতি । দেবো বঃ
সবিতো-ত্পুনাত্ব-চ্ছিদ্রেণ পবিত্রেণ বসোস্সূর্যস্য রশ্মিভিঃ ॥ 3
2 বেদারম্ভে সর্বসাধারণ্যেন জপ্যাঃ মন্ত্রাঃ
ও-ম্ভূঃ তথ্সবিতু-র্বরেণ্যম্ । ও-ম্ভুবঃ ভর্গো দেবস্য ধীমহি । ওগ্ং সুবঃ ধিযো যোনঃ প্রচোদযাত্ ।
ও-ম্ভূঃ তথ্সবিতু-র্বরেণ্যম্ । ভর্গো দেবস্য ধীমহি । ও-ম্ভুবঃ ধিযো যোনঃ প্রচোদযাত্ ।
ওগ্ং সুবঃ তথ্সবিতু-র্বরেণ্যং ভর্গো দেবস্য ধীমহি । ধিযো যোনঃ প্রচোদযাত্ । ওঁ শান্তি-শ্শান্তি-শ্শান্তিঃ ।
3 বেদাদযঃ
অগ্নিমীলে পুরোহিতং-যজ্ঞস্য
দেবমৃত্বিজম্ । হোতারং রত্ন ধাতমম্ ।
ইষে ত্বোর্জেত্বা বাযবস্স্থো পাযবস্থ দেবো বস্সবিতা প্রার্পযতু শ্রেষ্ঠতমায কর্মণে ।
অগ্ন আযাহি বীতযে গৃণানো হব্যদাতযে । নিহোতা সথ্সি বর্হিষি ।
শন্নো দেবীরভিষ্টয আপো ভবন্তু পীতযে । শং-যোঁরভিস্রবন্তু নঃ ॥ 1 (1) ॥
4 রক্ষোঘ্নং
কৃণুষ্ব পাজঃ প্রসিতিন্ন পৃথ্বীং-যাঁহি রাজে বামবাগ্ং ইভেন । তৃষ্বীমনু প্রসিতিং-দ্রূণানো-ঽস্তা-ঽসি বিদ্ধ্য রক্ষস স্তপিষ্ঠৈঃ । তব ভ্রমাস আশুযা পতং ত্যনুস্পৃশ-ধৃষতা শোশুচানঃ । তপূগ্ষ্যগ্নে জুহ্বা পতং-গানসন্দিতো বিসৃজ বিষ্ব গুল্কাঃ । প্রতিস্পশো বিসৃজ-তূর্ণিতমো ভবা পাযুর্বিশো অস্যা অদব্ধঃ ॥ 2 ॥
যোনো দূরে অঘশগ্ংসোযো অন্ত্যগ্নে মাকিষ্টে ব্যথিরা দধর্ষীত্ । উদগ্নে তিষ্ঠ প্রত্যা তনুষ্বন্যমিত্রাগ্ং ওষতা-ত্তিগ্মহেতে । যো নো অরাতিগ্ং সমিধান চক্রে নীচা তন্ধক্ষ্যত সন্ন শুষ্কম্ । ঊর্ধ্বো ভব প্রতি বিধ্যা-ধ্যস্মদা বিষ্কৃণুষ্ব দৈব্যান্যগ্নে । অবস্থিরা তনুহি যাতু জূনা-ঞ্জামিমজামিং প্রমৃণীহি শত্রূন্ ॥ 3 ॥
সতে জানাতি সুমতিং-যঁ বিষ্ঠয ঈবতে ব্রহ্মণে গাতুমৈরত্ । বিশ্বান্যস্মৈ সুদিনানি রাযো দ্যুম্নান্যর্যো বিদুরো অভিদ্যৌত্ । সেদগ্নে অস্তু সুভগ স্সুদানু-র্যস্ত্বা নিত্যেন হবিষা য উক্থৈঃ । পিপ্রীষতি স্ব আযুষি দুরোণে বিশ্বেদস্মৈ সুদিনা-সা-ঽসদিষ্টিঃ । অর্চামিতে সুমতি-ঙ্ঘোষ্যর্বাখ্-সন্তে বা বাতা জরতা মিযঙ্গীঃ ॥ 4 ॥
স্বশ্বাস্ত্বা সুরথা মর্জযে-মাস্মে ক্ষত্রাণি ধারযের-নুদ্যূন্ । ইহ ত্বা ভূর্যা চরেদুপত্ম-ন্দোষাবস্ত-র্দীদিবাগ্ং সমনুদ্যূন্ । ক্রীডন্তস্ত্বা সুমনস স্সপেমাভি দ্যুম্না তস্থিবাগ্ংসো জনানাম্ ।
যস্ত্বা স্বশ্বস্সুহিরণ্যো অগ্ন উপযাতি বসুমতা রথেন । তস্য ত্রাতা ভবসি তস্য সখা যস্ত আতিথ্য মানুষগ্ জুজোষত্ ॥ 5 ॥
মহোরুজামি বন্ধুতা বচো ভিস্তন্মা পিতুর্গোতমাদ ন্বিযায । ত্বন্নো অস্য বচস-শ্চিকিদ্ধি হোতর্যবিষ্ঠ সুক্রতো দমূনাঃ । অস্বপ্ন জস্তরণয স্সুশেবা অতন্দ্রাসো-ঽবৃকা অশ্রমিষ্ঠাঃ । তে পাযবঃ সধ্রিযঞ্চো নিষদ্যাগ্নে তব নঃ পান্ত্বমূর । যে পাযবো মামতেয-ন্তে অগ্নে পশ্যন্তো অন্ধ-ন্দুরিতাদ রক্ষন্ন্ ।
ররক্ষ তান্-থ্সুকৃতো বিশ্ববেদা দিফ্সন্ত ইদ্রিপবো নাহ দেভুঃ ॥ 6 ॥
ত্বযা বযগ্ং সধন্য-স্ত্বোতা স্তব প্রণীত্য শ্যাম বাজান্ । উভাশগ্ং সা সূদয সত্যতা তে-ঽনুষ্ঠুযা কৃণুহ্য-হ্রযাণ ।
অযা তে অগ্নে সমিধা বিধেম প্রতিস্তোমগ্ং শস্যমান-ঙ্গৃভায । দহাশসো রক্ষসঃ পাহ্যস্মা-ন্দ্রুহো নিদো মিত্রমহো অবদ্যাত্ । রক্ষোহণং ঁবাজিনমাজি ঘর্মি মিত্র-ম্প্রথিষ্ঠ মুপযামি শর্ম । শিশানো অগ্নিঃ ক্রতুভি স্সমিদ্ধ-স্সনো দিবা স রিষঃ
পাতু নক্তম্ ॥ 7 ॥
বিজ্যোতিষা বৃহতা ভাত্যগ্নি রাবি-র্বিশ্বানি কৃণুতে মহিত্বা । প্রাদেবীর্মাযা স্সহতে দুরেবা শ্শিশীতে শৃঙ্গে রক্ষসে বিনিক্ষে ।
উতস্বানাসো দিবিষন্ত্বগ্নে স্তিগ্মাযুধা রক্ষসে হন্ত বা উ ।
মদে চিদস্য প্ররুজন্তি ভামা নবরন্তে পরিবাধো অদেবীঃ ॥ 8 (2) ॥
5 ইন্দ্র সূক্তং
ইন্দ্রং ঁবো বিশ্বতস্পরি হবামহে জনেভ্যঃ । অস্মাকমস্তু কেবলঃ । ইন্দ্র-ন্নরো নেমধিতা হবন্তে যত্পার্যা যুনজতে ধিযস্তাঃ । শূরো নৃষাতা শবসশ্চকা ন আ গোমতি ব্রজে ভজা ত্বন্নঃ । ইন্দ্রিযাণি শতক্রতো যা তে জনেষু পঞ্চসু । ইন্দ্র তানি ত আ বৃণে । অনুতে দাযি মহ ইন্দ্রিযায সত্রাতে বিশ্বমনু বৃত্রহত্যে ॥ 9 ॥
অনু ক্ষত্রমনু সহো যজত্রেন্দ্র দেবেভিরনু তে নৃষহ্যে । আযস্মিন্-থ্সপ্তবাসবা স্তিষ্ঠন্তি স্বারুহো যথা ।
ঋষির্হ দীর্ঘ শ্রুত্তম ইন্দ্রস্য ঘর্মো অতিথিঃ । আমাসু পক্বমৈরয আ সূর্যগ্ং রোহযো দিবি । ঘর্মন্ন সামন্তপতা সুবৃক্তিভি-র্জুষ্টং গির্বণ সেগিরঃ । ইন্দ্রমি-দ্গাথিনো বৃহদিন্দ্র মর্কেভি রর্কিণঃ । ইন্দ্রং ঁবাণীরনূষত ॥ 10 ॥
গাযন্তিত্বা গাযত্রিণোর্চং ত্যর্ক মর্কিণঃ । ব্রহ্মাণস্ত্বা শতক্রত-বুদ্বগ্ং শমিব যে মিরে । অগ্ংহোমুচে প্রভরেমা মনীষা মোষিষ্ঠ-দাব্নে সুমতি-ঙ্গৃণানাঃ ।
ইদমিন্দ্র প্রতি হব্য-ঙ্গৃভায সত্যাস্সন্তু যজমানস্য কামাঃ । বিবেষযন্মা ধিষণা জজান স্তবৈ পুরা পার্যাদিন্দ্র মহ্নঃ । অগ্ংহসো যত্র পীপরদ্যথা নো নাবেব যান্ত মুভযে হবন্তে ॥ 11 ॥
প্রসম্রাজ-ম্প্রথম মধ্ব-রাণামগ্ং হো মুচং ঁবৃষভং-যঁজ্ঞিযানাম্ ।
অপান্ন-পাতমশ্বিনা হযন্ত মস্মিন্নর ইন্দ্রিয-ন্ধত্তমোজঃ । বিন ইন্দ্র মৃধো জহি নী চা যচ্ছ পৃতন্যতঃ । অধস্পদ-ন্তমী-ঙ্কৃধি যো অস্মাগ্ং অভিদাসতি ।
ইন্দ্রক্ষত্রমভি বামমোজো ঽজাযথা বৃষভ চর.ষণীনাম্ । অপানুদো জনমমিত্র যন্ত মুরু-ন্দেবেভ্যো অকৃণোরু লোকম্ ।
মৃগো ন ভীমঃ কুচরো গিরিষ্ঠাঃ পরাবত আজগামা-পরস্যাঃ ॥ 12 ॥
সৃকগ্ং সগ্ং শায পবিমিন্দ্র তিগ্মং-বিঁশত্রূ-ন্তাডি বিমৃধো নুদস্ব ।
বিশত্রূন্. বিমৃধোনুদ বিবৃত্রস্য হনূ রুজ । বিমন্যুমিন্দ্র ভামিতো ঽমিত্রস্যাভি দাসতঃ ।
ত্রাতারমিন্দ্র মবিতার মিন্দ্রগ্ং হবে হবে সুহবগ্ং শূরমিন্দ্রম্ ।
হুবে নু শক্র-ম্পুরুহূত মিন্দ্রগ্গ্ স্বস্তি নো মঘবা ধাত্বিন্দ্রঃ ॥ 13 ॥
মা তে অস্যাগ্ং সহসাব-ন্পরিষ্টা বঘায ভূম হরিবঃ পরাদৈ ।
ত্রাযস্বনো ঽবৃকেভি-র্বরূথৈ স্তব প্রিযাস স্সূরিষু স্যাম । অনবস্তে রথমশ্বায তক্ষন্-ত্বষ্টা বজ্রং পুরুহূত দ্যুমন্তম্ ।
ব্রহ্মাণ ইন্দ্রং মহযন্তো অর্কৈরবর্ধয-ন্নহযে হন্ত বা উ ।
বৃষ্ণে যত্তে বৃষণো অর্কমর্চা নিন্দ্র গ্রাবাণো অদিতি-স্সজোষাঃ ।
অনশ্বাসো যে পবযো-ঽরথা ইন্দ্রেষিতা অভ্যবর্ত-ন্তদস্যূন্ ॥ 14 (3) ॥
(তৈ. অর. 6.1.9; তৈ. সং. 1.4.41.1; তৈ. সং. 1.4.42.1)
যত ইন্দ্র ভযামহে ততো নো অভয-ঙ্কৃধি ।
মঘবন্ চ্ছগ্ধি তব তন্ন ঊতযে বিদ্বিষো বিমৃধো জহি । স্বস্তিদা বিশস্পতি-র্বৃত্রহা বিমৃধো বশী । বৃষেন্দ্রঃ পুর এতু ন স্স্বস্তিদা অভয-ঙ্করঃ ॥ 15অ ॥
মহাগ্ং ইন্দ্রো বজ্র বাহু ষ্ষোডশী শর্ম যচ্ছতু । স্বস্তি নো মঘবা করোতু হন্তু পাপ্মানং যো-ঽস্মা-ন্দ্বেষ্টি । সজোষা ইন্দ্র সগণো মরুদ্ভি স্সোমং পিব বৃত্রহন্ চ্ছূর বিদ্বান্ । জহি শত্রূগ্ং রপমৃধো-নুদস্বাথা ভয-ঙ্কৃণুহি বিশ্বতো নঃ ॥ 15ব্ (4) ॥
6 যে দেবাঃ
যে দেবাঃ পুরস্সদো-ঽগ্নি নেত্রা,
দক্ষিণসদো যমনেত্রা,
পশ্চাথ্সদ স্সবিতৃ নেত্রা,
উত্তরসদো বরুণনেত্রা,
উপরিষদো বৃহস্পতি নেত্রা,
রক্ষোহণস্তে নঃ পান্তু তে নো-ঽবন্তু তেভ্যো নমস্তেভ্য স্স্বাহা
-ঽগ্নযে রক্ষোঘ্নে স্বাহা,
যমায সবিত্রে ,
বরুণায বৃহস্পতযে
দুবস্বতে রক্ষোঘ্নে স্বাহা ॥ 16 (5) ॥
7 যে দেবাঃ (অনুষঙ্গং)
যে দেবাঃ পুরস্সদো-ঽগ্নি নেত্রা রক্ষোহণস্তেনঃ পান্তু তে নো-ঽবন্তু
তেভ্যো নমস্তেভ্য স্স্বাহা । যে দেবা দক্ষিণসদো যম নেত্রা রক্ষোহণস্তেনঃ পান্তু তে নো-ঽবন্তু
তেভ্যো নমস্তেভ্য স্স্বাহা । যে দেবাঃ পশ্চাথ্সদ স্সবিতৃ নেত্রা রক্ষোহণস্তেনঃ পান্তু তে নো-ঽবন্তু তেভ্যো নমস্তেভ্য স্স্বাহা । যে দেবা উত্তরসদো বরুণনেত্রা রক্ষোহণস্তেনঃ পান্তু তে নো-ঽবন্তু
তেভ্যো নমস্তেভ্য স্স্বাহা । যে দেবা উপরিষদো বৃহস্পতি নেত্রা রক্ষোহণস্তেনঃ পান্তু তে নো-ঽবন্তু তেভ্যো নমস্তেভ্য স্স্বাহা । অগ্নযে রক্ষোঘ্নে স্বাহা । যমায রক্ষোঘ্নে স্বাহা । সবিত্রে রক্ষোঘ্নে স্বাহা । বরুণায রক্ষোঘ্নে স্বাহা । বৃহস্পতযে দুবস্বতে রক্ষোঘ্নে স্বাহা ॥ 16আ (5আ) ॥
8 আযুষ্কামেষ্টি মন্ত্রাঃ
অগ্নিরাযুষ্মান্থ্স বনস্পতিভি-রাযুষ্মা-ন্তেনত্বা-ঽঽযুষা-ঽঽযুষ্মন্ত-ঙ্করোমি,
সোম আযুষ্মান্থ্স ওষধীভির্,
যজ্ঞ আযুষ্মান্থ্স দক্ষিণাভির্,
ব্রহ্মাযুষ্মত্ত-দ্ব্রাহ্মণৈ-রাযুষ্মদ্,
দেবা আযুষ্মন্তস্তে ঽমৃতেনা যুষ্মন্তস্তেনত্বা
-ঽঽযুষা-ঽঽযুষ্মন্ত-ঙ্করোমি ॥ 17 (6) ॥
9 আযুষ্কামেষ্টি মন্ত্রাঃ (অনুষঙ্গং)
অগ্নিরাযুষ্মান্থ্স বনস্পতিভি রাযুষ্মা-ন্তেনত্বা ঽঽযুষা-ঽঽযুষ্মন্ত-ঙ্করোমি । সোম আযুষ্মান্থ্স ওষধীভিরাযুষ্মা-ন্তেনত্বা
-ঽঽযুষা-ঽঽযুষ্মন্ত-ঙ্করোমি । যজ্ঞ আযুষ্মান্থ্স দক্ষিণাভিরাযুষ্মা-ন্তেনত্বা
-ঽঽযুষা-ঽঽযুষ্মন্ত-ঙ্করোমি ।
ব্রহ্মাযুষ্মত্ত-দ্ব্রাহ্মণৈ-রাযুষ্ম-ত্তেনত্বা ঽঽযুষা-ঽঽযুষ্মন্তং
করোমি । দেবা আযুষ্মন্তস্তে ঽমৃতে-নাযুষ্মন্তস্তেনত্বা
-ঽঽযুষা-ঽঽযুষ্মন্ত-ঙ্করোমি ॥ 17আ(6আ) ॥
10 অগ্ংহোমুচ মন্ত্রাঃ
যা বামিন্দ্রা বরুণা যতব্যা তনূস্তযে মমগ্ংহসো মুঞ্চতং ,
ঁযা বামিন্দ্রা বরুণা সহস্যা, রক্ষস্যা, তেজস্যা,
তনূস্তযে মমগ্ংহসো মুঞ্চতং,
ঁযো বামিন্দ্রা বরুণা বগ্নৌ স্রামস্তং-বাঁ মেতেনা বযজে,
যো বামিন্দ্রা বরুণা দ্বিপাথ্সু পশুষু, চতুষ্পাথ্সু,
গোষ্ঠে, গৃহে-, ষ্বফ্সোষধীষু, বনস্পতিষু,
স্রামস্তং-বাঁ মেতেনা বযজে ॥ 18 (7) ॥
11 অগ্ংহোমুচ মন্ত্রাঃ (অনুষঙ্গং)
যা বামিন্দ্রা বরুণা যতব্যা তনূস্তযে মমগ্ংহসো মুঞ্চতম্ ।
যা বামিন্দ্রা বরুণা সহস্যা তনূস্তযে মমগ্ংহসো মুঞ্চতম্ ।
যা বামিন্দ্রা বরুণা রক্ষস্যা তনূস্তযে মমগ্ংহসো মুঞ্চতম্ । যা বামিন্দ্রা বরুণা তেজস্যা তনূস্তযে মমগ্ংহসো মুঞ্চতম্ ।
যো বামিন্দ্রা বরুণা বগ্নৌ স্রামস্তং-বাঁমে তেনা বযজে ।
যো বামিন্দ্রা বরুণা দ্বিপাথ্সু পশুষু স্রামস্তং-বাঁমে তেনা বযজে ।
যো বামিন্দ্রা বরুণা চতুষ্পাথ্সু পশুষু স্রামস্তং-বাঁমে তেনা বযজে । যো বামিন্দ্রা বরুণা গোষ্ঠে স্রামস্তং-বাঁমে তেনা বযজে ।
যো বামিন্দ্রা বরুণা গৃহেষু স্রামস্তং-বাঁমে তেনা বযজে ।
যো বামিন্দ্রা বরুণা-ঽফ্সু স্রামস্তং-বাঁমে তেনা বযজে ।
যো বামিন্দ্রা বরুণৌষধীষু স্রামস্তং-বাঁমে তেনা বযজে ।
যো বামিন্দ্রা বরুণা বনস্পতিষু স্রামস্তং-বাঁমে তেনা বযজে ॥ (18আ) (7আ)
12 শাস্তৃ সূক্তং (আপ্যং)
অগ্নে যশস্বিন্. যশসে মমর্পযেন্দ্রাবতী মপচিতী মিহাবহ । অয-ম্মূর্ধা পরমেষ্ঠী সুবর্চা-স্সমানানা মুত্তম শ্লোকো অস্তু । ভদ্র-ম্পশ্যন্ত উপসেদুরগ্রে তপো দীক্ষা মৃষয স্সুবর্বিদঃ । ততঃ ক্ষত্র-ম্বলমোজশ্চ জাত-ন্তদস্মৈ দেবা অভিসন্ন-মন্তু । ধাতা বিধাতা পরমোত সন্দৃ-ক্প্রজাপতিঃ পরমেষ্ঠী বিরাজা । স্তোমা-শ্চন্দাগ্ংসি নিবিদোম আহুরেতস্মৈ রাষ্ট্রমভি-সন্নমাম । অভ্যাবর্তদ্ধ্ব-মুপমেত সাকমযগ্ং শাস্তা-ঽধিপতির্বো অস্তু । অস্য বিজ্ঞানমনুসগ্ং-রভদ্ধ্বমিম-ম্পশ্চাদনু জীবাথ সর্বে ॥ 19 (8) ॥
13 রাষ্ট্রভৃতং
ঋতাষা-ডৃতধামা-ঽগ্নি-র্গন্ধর্বস্ত-স্যৌষধযো-ঽফ্সরস
ঊর্জো নাম স ইদ-ম্ব্রহ্ম ক্ষত্র-ম্পাতু তা ইদ-ম্ব্রহ্ম ক্ষত্র-ম্পান্তু
তস্মৈ স্বাহা তাভ্য স্স্বাহা ,
সগ্ংহিতো বিশ্বসামা সূর্যো গন্ধর্ব-স্তস্য মরীচযো-ঽফ্সরস আযুব ,
স্সুষুম্ন স্সূর্য রশ্মি-শ্চন্দ্রমা গন্ধর্ব-স্তস্য নক্ষত্রাণ্য-
ফ্সরসো বেকুরযো,
ভুজ্যুস্সুপর্ণো যজ্ঞো গন্ধর্ব-স্তস্য দক্ষিণা অফ্সরস স্তবাঃ,
প্রজাপতি-র্বিশ্বকর্মা মনো গন্ধর্বস্তস্য-র্খ্সামান্য-ফ্সরসো বহ্নয,
ইষিরো বিশ্ব ব্যচা বাতো গন্ধর্ব-স্তস্যাপো ঽফ্সরসো মুদা,
ভুবনস্য পতে যস্যত উপরি গৃহা ইহ চ ।
স নো রাস্বাজ্যানিগ্ং রাযস্পোষগ্ং সুবীর্যগ্ং সংবঁথ্সরীণাগ্ স্বস্তিম্ ।
পরমেষ্ঠ্যধিপতি-র্মৃত্যু-র্গন্ধর্ব-স্তস্য বিশ্বমফ্সরসো ভুব,
স্সুক্ষিতি- স্সুভূতি-র্ভদ্রকৃ-থ্সুবর্বা-ন্পর্জন্যো গন্ধর্ব-স্তস্য
বিদ্যুতো ঽফ্সরসো রুচো,
দূরে হেতির-মৃডযো মৃত্যু-র্গন্ধর্ব-স্তস্য প্রজা অফ্সরসো ভীরুবঃ,
চারুঃ কৃপণ কাশী কামো গন্ধর্ব-স্তস্যাধযো ঽফ্সরস শ্শোচযন্তীর্,
নাম স ইদ-ম্ব্রহ্ম ক্ষত্র-ম্পাতু তা ইদ-ম্ব্রহ্ম ক্ষত্র-ম্পান্তু তস্মৈ স্বাহা
তাভ্য স্স্বাহা,
স নো ভুবনস্য পতে যস্যত উপরি গৃহা ইহ চ । উরু ব্রহ্মণে-ঽস্মৈ ক্ষত্রায মহি শর্ম যচ্ছ ॥ 20 (9) ॥
14 রাষ্ট্রভৃতং (অনুষঙ্গং)
ঋতাষা-ডৃতধামা-ঽগ্নি-র্গন্ধর্বস্স-ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্যৌষধযো-ঽফ্সরস ঊর্জো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
সগ্ংহিতো বিশ্বসামা সূর্যো গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্য মরীচযো-ঽফ্সরস আযুবো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
সুষুম্নস্সূর্য-রশ্মিশ্চন্দ্রমা গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্য নক্ষত্রাণ্য ঽফ্সরসো বেকুরযো নাম তা
ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
ভুজ্যুস্সুপর্ণো যজ্ঞো গন্ধর্বস্স ইদ-ম্ব্রহ্ম ক্ষত্র-ম্পাতু তস্মৈ স্বাহা । তস্য দক্ষিণা অফ্সরস স্তবা নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
প্রজাপতি-র্বিশ্বকর্মা মনো গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্যর্-খ্সামান্য-ঽফ্সরসো বহ্নযো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
ইষিরো বিশ্বব্যচা বাতো গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্যাপো-ঽফ্সরসো মুদা নাম তা ইদ-ম্ব্রহ্ম
ক্ষত্র-ম্পান্তু তাভ্য স্স্বাহা ॥ ভুবনস্য পতে যস্যত উপরি গৃহা ইহ চ ।
স নো রাস্বাজ্যানিগ্ং রাযস্পোষগ্ং সুবীর্যগ্ং সংবঁথ্সরীণাগ্
স্বস্তিগ্গ্ স্বাহা ॥
পরমেষ্ঠ্যধিপতি-র্মৃত্যু-র্গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্য বিশ্বমফ্সরসো ভুবো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
সুক্ষিতি-স্সুভূতি-র্ভদ্রকৃ-থ্সুবর্বা-ন্পর্জন্যো গন্ধর্বস্স
ইদ-ম্ব্রহ্ম ক্ষত্র-ম্পাতু তস্মৈ স্বাহা । তস্য বিদ্যুতো-ঽফ্সরসো রুচো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
দূরে হেতির মৃডযো মৃত্যু-র্গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্য প্রজা অফ্সরসো ভীরুবো নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥ চারুঃ কৃপণ কাশী কামো গন্ধর্বস্স ইদ-ম্ব্রহ্ম ক্ষত্র-ম্পাতু
তস্মৈ স্বাহা । তস্যাধযো ঽফ্সরস শ্শোচযন্তি-র্নাম তা ইদ-ম্ব্রহ্ম ক্ষত্র-ম্পান্তু তাভ্য স্স্বাহা ॥
স নো ভুবনস্যপতে যস্যত উপরি গৃহা ইহ চ ।উরু ব্রহ্মণে-ঽস্মৈ ক্ষত্রায মহি শর্ম যচ্ছ স্বাহা ॥ (20আ) (9আ)
15 সর্প সূক্তং
নমো অস্তু সর্পেভ্যো যে কে চ পৃথিবী মনু । যে অন্তরিক্ষে যে দিবি তেভ্য স্সর্পেভ্যো নমঃ । যে-ঽদো রোচনে দিবো যে বা সূর্যস্য রশ্মিষু । যেষামফ্সু সদঃ কৃত-ন্তেভ্য স্সর্পেভ্যো নমঃ । যা ইষবো যাতু ধানানাং ঁযে বা বনস্পতীগ্ং রনু । যে বা-ঽবটেষু শেরতে তেভ্য স্সর্পেভ্যো নমঃ ॥ 21 (10) ॥
16 পঞ্চচোডাঃ
অয-ম্পুরো হরিকেশ স্সূর্যরশ্মি-স্তস্য রথগৃথ্সশ্চ রথৌজাশ্চ সেনানি
গ্রামণ্যৌ পুঞ্জিকস্থলা চ কৃতস্থলা চাফ্সরসৌ যাতু ধানা হেতী রক্ষাগ্ংসি প্রহেতি ,
রয-ন্দক্ষিণা বিশ্ব কর্মা তস্য রথ স্বনশ্চ রথে-চিত্রশ্চ সেনানি
গ্রামণ্যৌ মেনকা চ সহজন্যা চা-ঽফ্সরসৌ দংষ্ণবঃ পশবো হেতিঃ পৌরুষেযো বধঃ প্রহেতি,
রয-ম্পশ্চা-দ্বিশ্ব-ব্যচা স্তস্য রথ প্রোতশ্চা-সমরথশ্চ সেনানি
গ্রামণ্যৌ প্রম্লোচন্তী চা নুম্লোচন্তী-চা-ঽফ্সরসৌ সর্পা হেতি-র্
ব্যাঘ্রাঃ প্রহেতি,
রয মুত্তরা-থ্সংযঁদ্বসুস্তস্য সেনজিচ্চ সুষেণশ্চ সেনানি গ্রামণ্যৌ
বিশ্বাচীচ ঘৃতাচী চা-ফ্সরসা বাপো হেতি-র্বাতঃ প্রহেতি ,
রয-মুপর্য-র্বাগ্ব-সুস্তস্য তার্ক্ষ্য-শ্চারিষ্ট-নেমিশ্চ সেনানি গ্রামণ্যা
বুর্বশী চ পূর্বচিত্তিশ্চা-ফ্সরসৌ বিদ্যুদ্ধেতি-রবস্ফূর্জ-ন্প্রহেতি ,
স্তেভ্যো নমস্তে নো মৃডযন্তু তে য-ন্দ্বিষ্মো যশ্চ নো দ্বেষ্টি তং-বোঁ
জম্ভে দধামি ॥ 22 (11) ॥
17 পঞ্চচোডাঃ (অনুষঙ্গং)
অয-ম্পুরো হরিকেশ স্সূর্যরশ্মি-স্তস্য রথগৃথ্সশ্চ রথৌজাশ্চ সেনানি গ্রামণ্যৌ পুঞ্জিকস্থলা চ কৃতস্থলা চাফ্সরসৌ যাতুধানা হেতী রক্ষাগ্ংসি প্রহেতিস্তেভ্যো নমস্তে নো মৃডযন্তুতে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ॥
অয-ন্দক্ষিণা বিশ্বকর্মা তস্য রথস্বনশ্চ রথে চিত্রশ্চ সেনানি
গ্রামণ্যৌ মেনকা চ সহজন্যা চাফ্সরসৌ দংষ্ণবঃ পশবো
হেতিঃ পৌরুষেযো বধঃ প্রহেতিস্তেভ্যো নমস্তে নো মৃডযন্তু তে
য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ॥
অয-ম্পশ্চা-দ্বিশ্ব ব্যচা-স্তস্য রথপ্রোতশ্চা-সমরথশ্চ সেনানি গ্রামণ্যৌ প্রম্লোচন্তীচা নুম্লোচন্তী-চাফ্সরসৌ সর্পা হেতি-র্ব্যাঘ্রাঃ প্রহেতিস্তেভ্যো নমস্তে নো মৃডযন্তু তেয-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ॥
অয-মুত্তরা-থ্সংযঁদ্বসুস্তস্য সেনজিচ্চ সুষেণশ্চ সেনানি
গ্রামণ্যৌ বিশ্বাচীচ ঘৃতাচীচা-ফ্সরসা বাপো হেতি-র্বাতঃ
প্রহেতিস্তেভ্যো নমস্তে নো মৃডযন্তু তে য-ন্দ্বিষ্মো যশ্চ নো
দ্বেষ্টি তং-বোঁ জম্ভে দধামি ॥
অযমুপর্য-র্বাগ্বসুস্তস্য তার্ক্ষ্য-শ্চারিষ্ট-নেমিশ্চ সেনানি
গ্রামণ্যা বুর্বশী চ পূর্বচিত্তি-শ্চাফ্সরসৌ বিদ্যুদ্ধেতির-
বস্ফূর্জ-ন্প্রহেতিস্তেভ্যো নমস্তে নো মৃডযন্তু তে য-ন্দ্বিষ্মো যশ্চ নো দ্বেষ্টি
তং-বোঁ জম্ভে দধামি ॥ 22আ(11আ) ॥
18 অপ্রতিরথঃ
আশু-শ্শিশানো বৃষভো ন যুধ্মো ঘনাঘনঃ, ক্ষোভণ-শ্চর্ষণীনাম্ । সঙ্ক্রন্দনো-ঽনিমিষ এক বীরশ্শতগ্ং
সেনা অজযথ্সাকমিন্দ্রঃ । সঙ্ক্রন্দনেনা নিমিষেণ জিষ্ণুনা যুত্কারেণ দুশ্চ্যবনেন ধৃষ্ণুনা । তদিন্দ্রেণ জযত ত-থ্সহধ্বং ঁযুধো নর ইষু হস্তেন বৃষ্ণা । স ইষুহস্তৈ-স্স নিষঙ্গিভির্বশী সগ্গ্ স্রষ্টা স যুধ ইন্দ্রো গণেন । সগ্ংসৃষ্টজি-থ্সোমপা বাহু শর্ধ্যূর্ধ্ব ধন্বা প্রতিহিতাভিরস্তা । বৃহস্পতে পরিদীযা রথেন রক্ষোহা ঽমিত্রাগ্ং অপ বাধমানঃ ॥ 23 ॥
প্রভঞ্জন্-থ্সেনাঃ প্রমৃণো যুধা জযন্নস্মাক-মেধ্যবিতা রথানাম্ । গোত্রভিদং গোবিদং ঁবজ্রবাহুং জযন্তমজ্ম প্রমৃণন্ত-মোজসা । ইমগ্ং সজাতা অনুবীর-যধ্ব মিন্দ্রগ্ং সখাযো-ঽনু সগ্ং রভধ্বম্ । বলবিজ্ঞায-স্স্থবিরঃ প্রবীর-স্সহস্বান্. বাজী সহমান উগ্রঃ । অভিবীরো অভিসত্বা সহোজা জৈত্রমিন্দ্র রথমাতিষ্ঠ গোবিত্ ॥ 24 ॥
অভিগোত্রাণি সহসা গাহমানো-ঽদাযো বীরশ্শতমন্যুরিন্দ্রঃ । দুশ্চ্যবনঃ পৃতনাষাড যুধ্যো-স্মাকগ্ং সেনা অবতু প্রযুথ্সু । ইন্দ্র আসাং-নেতা বৃহস্পতি-র্দক্ষিণা যজ্ঞঃ পুর এতু সোমঃ । দেবসেনানা-মভিভঞ্জতীনা-ঞ্জযন্তীনা-ম্মরুতো যন্ত্বগ্রে । ইন্দ্রস্য বৃষ্ণো বরুণস্য রাজ্ঞ আদিত্যানা-ম্মরুতাগ্ং শর্ধ উগ্রম্ । মহামনসা-ম্ভুবনচ্যবানাং ঘোষো দেবানাং জযতা মুদস্থাত্ । অস্মাক-মিন্দ্র-স্সমৃতেষু ধ্বজেষ্বস্মাকং ঁযা ইষবস্তা জযন্তু ॥ 25 ॥
অস্মাকং ঁবীরা উত্তরে ভবন্ত্বস্মানু দেবা অবতা হবেষু । উদ্ধর্ষয মঘব-ন্নাযুধা-ন্ন্যুথ্সত্বনা-ম্মামকানাং মহাগ্ংসি । উদ্বৃত্রহন্-বাজিনাং ঁবাজিনান্যুদ্রথানাং জযতামেতু ঘোষঃ । উপপ্রেত জযতা নরস্স্থিরা বস্সন্তু বাহবঃ ।
ইন্দ্রো ব-শ্শর্ম যচ্ছ ত্বনা-ধৃষ্যা যথাসথ । অবসৃষ্টা পরাপত শরব্যে ব্রহ্ম সগ্ংশিতা ॥ 26 ॥
গচ্ছামিত্রা-ন্প্রবিশ মৈষাং কঞ্চনোচ্ছিষঃ । মর্মাণি তে বর্মভিশ্ছাদযামি সোমস্ত্বা রাজা ঽমৃতেনাভি-বস্তাম্ । উরোর্বরীযো বরিবস্তে অস্তু জযন্তং ত্বামনু মদন্তু দেবাঃ । যত্র বাণা-স্সম্পতন্তি কুমারা বিশিখা ইব । ইন্দ্রো নস্তত্র বৃত্রহা বিশ্বাহা শর্ম যচ্ছতু ॥ 27 (12) ॥
19 চমক-ন্তৃতীয অনুবাকঃ
শ-ঞ্চ মে মযশ্চ মে প্রিয-ঞ্চ মে-ঽনুকামশ্চ মে
কামশ্চ মে সৌমনসশ্চ মে ভদ্র-ঞ্চ মে শ্রেযশ্চ মে
বস্যশ্চ মে যশশ্চ মে ভগশ্চ মে দ্রবিণ-ঞ্চ মে
যন্তা চ মে ধর্তা চ মে ক্ষেমশ্চ মে ধৃতিশ্চ মে
বিশ্বং চ মে মহশ্চ মে (28)
সংবিঁচ্চ মে জ্ঞাত্র-ঞ্চ মে
সূশ্চ মে প্রসূশ্চ মে সীর-ঞ্চ মে লযশ্চ ম
ঋত-ঞ্চ মে-ঽমৃতং চ মে ঽযক্ষ্ম-ঞ্চ মে-ঽনামযচ্চ মে
জীবাতুশ্চ মে দীর্ঘাযুত্ব-ঞ্চ মে-ঽনমিত্র-ঞ্চ মে-ঽভয-ঞ্চ মে
সুগ-ঞ্চ মে শযন-ঞ্চ মে সূষা চ মে সুদিন-ঞ্চ মে ॥ 29 (13) ॥
20 বিহব্যম্
মমাগ্নে বর্চো বিহবেষ্বস্তু বয-ন্ত্বেন্ধানা স্তনুব-ম্পুষেম ।
মহ্য-ন্নমন্তা-ম্প্রদিশশ্চতস্র স্ত্বযা-ঽদ্ধ্যক্ষেণ পৃতনা জযেম ।
মম দেবা বিহবে সন্তু সর্ব ইন্দ্রাবন্তো মরুতো বিষ্ণুরগ্নিঃ ।
মমান্তরিক্ষ মুরু গোপমস্তু মহ্যং ঁবাতঃ পবতা-ঙ্কামে অস্মিন্ন্ ।
মযি দেবা দ্রবিণ মাযজন্তা-ম্ময্যা শীরস্তু মযি দেবহূতিঃ ॥ 30 ॥
দৈব্যা হোতারা বনিষন্ত পূর্বে ঽরিষ্টা-স্স্যাম তনুবা সুবীরাঃ । মহ্যং ঁযজন্তু মম যানি হব্যা-ঽঽকূতি স্সত্যা মনসো মে অস্তু ।
এনো মানিগা-ঙ্কতমচ্চ নাহং-বিঁশ্বে দেবাসো অধিবোচ তা মে ।
দেবীষ্ষডু-র্বীরুরুণঃ কৃণোত বিশ্বে দেবাস ইহ বীরযদ্ধ্বম্ ।
মাহাস্মহি প্রজযা মা তনূভি-র্মারধাম দ্বিষতে সোমরাজন্ন্ ।
অগ্নির্মন্যু-ম্প্রতিনুদ-ন্পুরস্তা-দদব্ধো গোপাঃ পরিপাহি নস্ত্বম্ ॥ 31 ॥
প্রত্যঞ্চো যন্তু নিগুতঃ পুনস্তে ঽমৈষা-ঞ্চিত্ত-ম্প্রবুধা বিনেশত্ ।
ধাতা ধাতৃণা-ম্ভুবনস্য যস্পতি-র্দেবগ্ং সবিতারমভি মাতিষাহম্ ।
ইমং-যঁজ্ঞ মশ্বিনোভা বৃহস্পতি-র্দেবাঃ পান্তু যজমান-ন্ন্যর্থাত্ ।
উরুব্যচা নো মহিষ শ্শর্মযগ্ং সদস্মিন্. হবে পুরুহূতঃ পুরুক্ষু ।
স নঃ প্রজাযৈ হর্যশ্ব মৃডযেন্দ্র মা নো রীরিষো মা পরাদাঃ ॥ 32 ॥
যে ন স্সপত্না অপতে ভবন্ত্বিন্দ্রা-গ্নিভ্যা মব বাধামহে তান্ ।
বসবো রুদ্রা আদিত্যা উপরি স্পৃশং মোগ্রং-চেত্তারমধি রাজমক্রন্ন্ ।
অর্বাঞ্চ মিন্দ্র মমুতো হবামহে যো গোজি-দ্ধন-জিদশ্ব-জিদ্যঃ ।
ইমন্নো যজ্ঞং-বিঁহবে জুষস্বাস্য কুর্মো হরিবো মেদিনং ত্বা ॥ 33 (14) ॥
21 মৃগারঃ
অগ্নে-র্মন্বে প্রথমস্য প্রচেতসোয-ম্পাঞ্চজন্য-ম্বহব স্সমিন্ধতে ।
বিশ্বস্যাং-বিঁশি প্রবিবিশিবাগ্ং সমীমহে স নো মুঞ্চত্বগ্ং হসঃ ।
যস্যেদ-ম্প্রাণ-ন্নিমিষ-দ্যদেজতি যস্য জাত-ঞ্জনমান-ঞ্চ কেবলম্ ।
স্তৌম্যগ্নি-ন্নাথিতো জোহবীমি স নো মুঞ্চত্বগ্ং হসঃ ।
ইন্দ্রস্য মন্যে প্রথমস্য প্রচেতসো বৃত্রঘ্ন-স্স্তোমা উপমা মুপাগুঃ ।
যো দাশুষঃ সুকৃতো হবমুপ গন্তা স নো মুঞ্চত্বগ্ং হসঃ ॥ 34 ॥
য স্সংগ্রাম-ন্নযতি সংবঁশী যুধে যঃ পুষ্টানি সগ্ংসৃজতি ত্রযাণি । স্তৌমীন্দ্র-ন্নাথিতো জোহবীমি স নো মুঞ্চত্বগ্ং হসঃ । মন্বেবাং মিত্রাবরুণা তস্য বিত্তগ্ং সত্যৌজসা দৃগ্ংহণা য-ন্নুদেথে । যা রাজানগ্ং সরথং ঁযাথ উগ্রা তা নো মুঞ্চত মাগসঃ ।
যো বাগ্ং রথ ঋজুরশ্মি-স্সত্যধর্মা মিথু-শ্চরন্ত-মুপযাতি দূষযন্ন্ ॥ 35 ॥
স্তৌমি মিত্রাবরুণা নাথিতো জোহবীমি তৌ নো মুঞ্চত মাগসঃ । বাযো-স্সবিতু-র্বিদথানি মন্মহে যাবাত্মন্-বদ্বিভৃতো যৌ
চ রক্ষতঃ । যৌ বিশ্বস্য পরিভূ বভূবতুস্তৌ নো মুঞ্চত মাগসঃ ।
উপশ্রেষ্ঠান আশিষো দেবযোর্ধর্মে অস্থিরন্ন্ । স্তৌমি বাযুগ্ং সবিতার-ন্নাথিতো জোহবীমি তৌ নো মুঞ্চত মাগসঃ ।
রথীতমৌ রথীনা মহ্ব ঊতযে শুভঙ্গমিষ্ঠৌ সুযমে-ভিরশ্বৈঃ ॥ 36 ॥
যযোর্বা-ন্দেবৌ দেবেষ্ব-নিশিত মোজস্তৌ নো মুঞ্চত মাগসঃ । যদযাতং-বঁহতুগ্ং সূর্যাযা-স্ত্রিচক্রেণ সগ্ং সদমিচ্ছমানৌ । স্তৌমি দেবা বশ্বিনৌ নাথিতো জোহবীমি তৌ নো মুঞ্চত মাগসঃ ।
মরুতাং মন্বে অধিনো ব্রুবন্তু প্রেমাং-বাঁচং ঁবিশ্বামবন্তু বিশ্বে ।
আশূন্. হুবে সুযমানূতযে তে নো মুঞ্চন্ত্বেনসঃ । তিগ্মমাযুধং-বীঁডিতগ্ং সহস্বদ দিব্যগ্ং শর্ধঃ পৃতনাসু জিষ্ণু ॥ 37 ॥
স্তৌমি দেবা-ন্মরুতো নাথিতো জোহবীমি তে নো মুঞ্চন্ত্বেনসঃ । দেবানা-ম্মন্বে অধি নো ব্রুবন্তু প্রেমাং-বাঁচং ঁবিশ্বামবন্তু বিশ্বে । আশূন্. হুবে সুযমানূতযে তে নো মুঞ্চন্ত্বেনসঃ । যদিদ-ম্মা-ঽভিশোচতি পৌরুষেযেণ দৈব্যেন । স্তৌমি বিশ্বা-ন্দেবা-ন্নাথিতো জোহবীমি তে নো মুঞ্চন্ত্বেনসঃ ।
অনুনো-ঽদ্যানুমতিরন্বিদনু মতে ত্বং-বৈঁশ্বানরো ন ঊত্যা পৃষ্টো দিবি ॥ 38 ॥
অনুনো-ঽধ্যানুমতি-র্যজ্ঞ-ন্দেবেষু মন্যতাম্ । অগ্নিশ্চ হব্য বাহনো ভবতা-ন্দাশুষে মযঃ । অন্বিদনুমতে ত্ব-ম্মন্যাসৈ শঞ্চ নঃ কৃধি । ক্রত্বে দক্ষায নো হিনু প্রণ আযূগ্ংষি তারিষঃ ॥ 38অ ॥
বৈশ্বানরো ন ঊত্যা ঽঽপ্রযাতু পরাবতঃ । অগ্নিরুক্থেন বাহসা ।
পৃষ্টো দিবি পৃষ্টো অগ্নিঃ পৃথিব্যা-ম্পৃষ্টো বিশ্বা ওষধীরা-বিবেশ ।
বৈশ্বানর স্সহসা পৃষ্টো অগ্নিস্সনো দিবা সরিষঃ পাতু নক্তম্ ॥ 38ব্ ॥
যে অপ্রথেতা মমিতেভি রোজোভি র্যে প্রতিষ্ঠে অভবতাং-বঁসূনাম্ । স্তৌমি দ্যাবাপৃথিবী নাথিতো জোহবীমি তে নো মুঞ্চতমগ্ং হসঃ ।
উর্বী রোদসী বরিবঃ কৃণোত-ঙ্ক্ষেত্রস্য পত্নী অধিনো ব্রূযাতম্ । স্তৌমি দ্যাবাপৃথিবী নাথিতো জোহবীমি তে নো মুঞ্চতমগ্ং হসঃ ।
যত্তে বয-ম্পুরুষত্রায বিষ্ঠা বিদ্বাগ্ং সশ্চ কৃমা কচ্চ নাগঃ ॥ 39 ॥
কৃধী স্বস্মাগ্ং অদিতেরনাগা ব্যেনাগ্ংসি শিশ্রথো বিষ্বগগ্নে । যথা হ ত-দ্বসবো গৌর্যং চি-ত্পদিষিতা মমুঞ্চতা যজত্রাঃ ।
এবা ত্বমস্ম-ত্প্রমুঞ্চা ব্যগ্ংহঃ প্রাতার্যগ্নে প্রতরান্ন আযুঃ ॥ 40 (15) ॥
22 সর্পাহুতী মন্ত্রাঃ
সমীচী নামাসি প্রাচী দিক্তস্যাস্তে ঽগ্নিরধিপতি রসিতো রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌনো মৃডযতাং তে য-ন্দ্বিষ্মো যশ্চ নো দ্বেষ্টি তং-বাঁ-ঞ্জম্ভে দধাম্যো-,
-জস্বিনী নামাসি দক্ষিণা দিক্তস্যাস্ত ইন্দ্রো-ঽধিপতিঃ পৃদাকুঃ ,
প্রাচী নামাসি প্রতীচী দিক্তস্যাস্তে সোমো-ঽধিপতি স্স্বজো ,
-ঽবস্থাবা নামা-স্যুদীচী দিক্তস্যাস্তে বরুণো-ঽধিপতি-স্তিরশ্চরাজিঃ,
-রধিপত্নী নামাসি বৃহতী দিক্তস্যাস্তে বৃহস্পতি-রধিপতি শ্শ্বিত্রো,
বশিনী নামাসী য-ন্দিক্তস্যাস্তে যমো-ঽধিপতিঃ কল্মাষ গ্রীবো,
রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং
তে য-ন্দ্বিষ্মো যশ্চ নো দ্বেষ্টি তং-বাঁ-ঞ্জম্ভে দধামি ॥ 41 (16) ॥
23 সর্পাহুতী মন্ত্রাঃ (অনুষঙ্গং)
সমীচী নামাসি প্রাচী দিক্তস্যাস্তে ঽগ্নিরধিপতি রসিতো রক্ষিতা-যশ্চাধিপতি-র্যশ্চ গোপ্তা
তাভ্যাং নমস্তৌ নো মৃডযতাং
তে য-ন্দ্বিষ্মো যশ্চ নো দ্বেষ্টি তং-বাংঁ জম্ভে দধামি ।
ওজস্বিনী নামাসি দক্ষিণা দিক্তস্যাস্ত ইন্দ্রো-ঽধিপতিঃ পৃদাকুঃ রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং তে য-ন্দ্বিষ্মো যশ্চনো দ্বেষ্টি তং-বাংঁ জম্ভে দধামি ।
প্রাচী নামাসি প্রতীচী দিক্তস্যাস্তে সোমো-ঽধিপতি স্স্বজো রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং তে য-ন্দ্বিষ্মো যশ্চ নো দ্বেষ্টি তং-বাঁ-ঞ্জম্ভে দধামি ।
অবস্থাবা নামা-স্যুদীচী দিক্তস্যাস্তে বরুণো-ঽধিপতি-স্তিরশ্চরাজিঃ রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং তে য-ন্দ্বিষ্মো যশ্চ নো দ্বেষ্টি তং-বাঁ-ঞ্জম্ভে দধামি ।
অধিপত্নী নামাসি বৃহতী দিক্তস্যাস্তে বৃহস্পতি-রধিপতি-শ্শ্বিত্রো রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং তে য-ন্দ্বিষ্মো যশ্চ নো দ্বেষ্টি তং-বাঁ-ঞ্জম্ভে দধামি ।
বশিনী নামাসীয-ন্দিক্তস্যাস্তে যমো-ঽধিপতিঃ কল্মাষ গ্রীবো রক্ষিতা যশ্চাধিপতি-র্যশ্চ গোপ্তা তাভ্যাং নমস্তৌ নো মৃডযতাং
তে য-ন্দ্বিষ্মো যশ্চ নো দ্বেষ্টি তং-বাংঁ জম্ভে দধামি ॥ 41আ (16আ) ॥
24 গন্ধর্বাহুতীঃ
হেতযো নামস্থ তেষাং-বঃ ঁপুরো গৃহা অগ্নির্ব ইষব স্সলিলো,
নিলিপা-ন্নামস্থ তেষাং-বোঁ দক্ষিণা গৃহাঃ পিতরো ব ইষব স্সগরো,
বজ্রিণো নামস্থ তেষাং-বঃ ঁপশ্চা-দ্গৃহা স্স্বপ্নো ব ইষবো গহ্বরো,
-ঽবস্থাবানো নামস্থ তেষাং-বঁ উত্তরা-দ্গৃহা আপো ব ইষব স্সমুদ্রো-,
-ঽধিপতযো নামস্থ তেষাং-বঁ উপরি গৃহা বর্ষং-বঁ ইষবো-ঽবস্বান্,
ক্রব্যা নামস্থ পার্থিবা-স্তেষাং-বঁ ইহ গৃহা অন্নং ঁব ইষবো নিমিষো,
বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি
তং-বোঁ জম্ভে দধামি ॥ 42 (17) ॥
25 গন্ধর্বাহুতীঃ (অনুষঙ্গং)
হেতযো নামস্থ তেষাং-বঃ ঁপুরো গৃহা অগ্নির্ব ইষব-স্সলিলো বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ।
নিলিপা-ন্নামস্থ তেষাং-বোঁ দক্ষিণা গৃহাঃ পিতরো ব ইষব-স্সগরো বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ।
বজ্রিণো নামস্থ তেষাং-বঃ ঁপশ্চা-দ্গৃহা স্স্বপ্নো ব ইষবো গহ্বরো বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ।
অবস্থাবানো নামস্থ তেষাং-বঁ উত্তরা-দ্গৃহা আপো ব ইষবস্সমুদ্রো বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ।
অধিপতযো নামস্থ তেষাং-বঁ উপরি গৃহা বর্ষং-বঁ ইষবো-ঽবস্বান্ বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ।
ক্রব্যা নামস্থ পার্থিবা-স্তেষাং-বঁ ইহ গৃহা অন্নং ঁব ইষবো নিমিষো বাতনাম-ন্তেভ্যো বো নমস্তে নো মৃডযত তে য-ন্দ্বিষ্মো যশ্চ নো দ্বেষ্টি তং-বোঁ জম্ভে দধামি ॥ 42আ (17আ) ॥
26 অজ্যানি মন্ত্রাঃ
শতাযুধায শতবীর্যায শতোতযে ঽভিমাতিষাহে । শতং-যোঁ ন শ্শরদো অজীতা-নিন্দ্রো নেষদতি দুরিতানি বিশ্বা ।
যে চত্বারঃ পথযো দেবযানা অন্তরা দ্যাবাপৃথিবী বিযন্তি । তেষাং-যোঁ অজ্যানি- মজীতি-মাবহাত্তস্মৈ নো দেবাঃ পরিদত্তেহ সর্বে । গ্রীষ্মো হেমন্ত উত নো বসন্ত শ্শর-দ্বর্ষা স্সুবিতন্নো অস্তু ।
তেষা-মৃতূনাগ্ং শতশারদানা-ন্নিবাত এষামভযে স্যাম । ইদুবথ্সরায পরিবথ্সরায সংবঁথ্সরায কৃণুতা বৃহন্নমঃ । তেষাং ঁবযগ্ং সুমতৌ যজ্ঞিযানা-ঞ্জ্যোগজীতা অহতা স্স্যাম ।
ভদ্রান্ন-শ্শ্রেয স্সমনৈষ্ট দেবা স্ত্বযা-ঽবসেন সমশীমহি ত্বা ।
সনোমযো ভূঃ পিতো আবিশস্ব শন্তোকায তনুবে স্যোনঃ ॥ 43 (18) ॥
ভূত-ম্ভব্যং ভবিষ্য-দ্বষ-ট্থ্স্বাহা ,
নম ঋ-খ্সাম-যজু-র্বষ-ট্থ্স্বাহা ,
নমো গাযত্রী ত্রিষ্টুপ্ জগতী বষ-ট্থ্স্বাহা ,
নমঃ পৃথিব্যন্তরিক্ষং দ্যৌ-র্বষ-ট্থ্স্বাহা ,
নমো ঽগ্নির্বাযু-স্সূর্যো বষ-ট্থ্স্বাহা ,
নমঃ প্রাণো-ব্যানো-ঽপানো বষ-ট্থ্স্বাহা ,
নমো-ঽন্নং কৃষি-র্বৃষ্টি-র্বষ-ট্থ্স্বাহা ,
নমঃ পিতা পুত্রঃ পৌত্রো বষ-ট্থ্স্বাহা ,
নমো ভূর্ভুবস্সুব র্বষ-ট্থ্স্বাহা নমঃ ॥ 44 (19) ॥
27 অথর্বশীর্ষং
(তৈ. ব্রা. 1.5.8.1-1.5.8.3)
ইন্দ্রো দধীচো অস্থভিঃ । বৃত্রাণ্য প্রতিষ্কুতঃ । জঘান নবতীর্নব । ইচ্ছন্ন-শ্বস্য যচ্ছিরঃ । পর্বতেষ্বপশ্রিতম্ । তদ্বিদচ্ছর্যণাবতি ।
অত্রা হ গোরমন্বত । নাম ত্বষ্টুর-পীচ্যম্ । ইত্থা চন্দ্রমসো গৃহে ।
ইন্দ্রমি-দ্গাথিনো বৃহত্ ॥ 45 ॥
ইন্দ্র-মর্কেভি রর্কিণঃ । ইন্দ্রং ঁবাণীরনূষত । ইন্দ্র ইদ্ধর্যো স্সচা ।
স-ম্মিশ্ল আবচো যুজা । ইন্দ্রো বজ্রী হিরণ্যযঃ । ইন্দ্রো দীর্ঘায চক্ষসে । আ সূর্যগ্ং রোহয-দ্দিবি । বি গোভিরদ্রিমৈরযত্ । ইন্দ্র বাজেষু নো অব । সহস্র প্রধনেষু চ ॥ 46 ॥
উগ্র উগ্রাভি-রূতিভিঃ । তমিন্দ্রং ঁবাজযামসি । মহে বৃত্রায হন্তবে । স বৃষা বৃষভো-ভুবত্ । ইন্দ্র স্সদা মনে কৃতঃ । ওজিষ্ঠ স্সবলে হিতঃ । দ্যুম্নী শ্লোকী স সৌম্যঃ । গিরা বজ্রো ন সম্ভৃতঃ । সবলো অনপচ্যুতঃ । ববক্ষু রুগ্রো অস্তৃতঃ ॥ 47 (20) ॥
28 প্রত্যঙ্গিরসঃ
(তৈ. ব্রা. 2.4.2.1-2.4.2.4)
চক্ষুষো হেতে মনসো হেতে । বাচো হেতে ব্রহ্মণো হেতে । যোমা-ঽঘাযু-রভিদাসতি । তমগ্নে মেন্যা-ঽমেনি-ঙ্কৃণু । যোমা চক্ষুষা যো মনসা । যো বাচা ব্রহ্মণা-ঽঘাযু-রভিদাসতি । তযা-ঽগ্নে ত্ব-ম্মেন্যা । অমুম মেনি-ঙ্কৃণু । য-ত্কিঞ্চাসৌ মনসা যচ্চ বাচা । যজ্ঞৈ-র্জুহোতি যজুষা হবির্ভিঃ ॥ 48 ॥
ত-ন্মৃত্যু-র্নির্-ঋত্যা সংবিঁদানঃ । পুরা-ঽঽদিষ্টা-দাহুতী-রস্য হন্তু ।
যাতুধানা নির্-ঋতি-রা-দু রক্ষঃ । তে অস্যঘ্নং ত্বনৃতেন সত্যম্ ।
ইন্দ্রেষিতা আজ্যমস্য মথ্নন্তু । মাত-থ্সমৃদ্ধি যদসৌ করোতি ।
হন্মিতে-ঽহ-ঙ্কৃতগ্ং হবিঃ । যো মে ঘোরমচী কৃতঃ ।
অপাঞ্চৌ ত উভৌ বাহূ । অপনহ্যাম্যাস্যম্ ॥ 49 ॥
অপনহ্যামি তে বাহূ । অপনহ্যাম্যাস্যম্ । অগ্নে-র্দেবস্য ব্রহ্মণা । সর্বং তে ঽবধিষ-ঙ্কৃতম্ । পুরা-ঽমুষ্য বষ-ট্কারাত্ । যজ্ঞ-ন্দেবেষু নস্কৃধি । স্বিষ্ট-মস্মাকং ভূযাত্ । মা-ঽস্মা-ন্প্রাপন্নরাতযঃ । অন্তি দূরে সতো অগ্নে । ভ্রাতৃব্যস্যা ভিদাসতঃ । বষ-ট্কারেণ বজ্রেণ । কৃত্যাগ্ং হন্মি কৃতামহম্ । যো মা নক্তং দিবা সাযম্ । প্রাত-শ্চাহ্নো নিপীযতি । অদ্যা-তমিন্দ্র বজ্রেণ । ভ্রাতৃব্য-ম্পাদযামসি ॥ 50 (21) ॥
(তৈ. ব্রা. 2.5.1.1-2.5.1.3)
প্রাণো রক্ষতি বিশ্বমেজত্ । ইর্যো ভূত্বা বহুধা বহূনি । স ই-থ্সর্বং ঁব্যানশে । যো দেবো দেবেষু বিভূরন্তঃ ।
আবৃদূদা-ত্ক্ষেত্রিযদ্ধ্বগ-দ্বৃষা । তমি-ত্প্রাণ-ম্মনসোপ শিক্ষত ।
অগ্রং দেবানা-মিদমত্তু নো হবিঃ । মনসশ্চি-ত্তেদম্ । ভূত-ম্ভব্যং চ গুপ্যতে । তদ্ধি দেবেষ্ব-গ্রিযম্ ॥ 51 ॥
আ ন এতু পুরশ্চরম্ । সহ দেবৈ-রিমগ্ং হবম্ । মন-শ্শ্রেযসি শ্রেযসি । কর্মন্. যজ্ঞপতিং দধত্ । জুষতাং মে বাগিদগ্ং হবিঃ । বিরা-ড্দেবী পুরোহিতা । হব্যবাডন-পাযিনী । যযা রূপাণি বহুধা বদন্তি । পেশাগ্ংসি দেবাঃ পরমে জনিত্রে । সা নো বিরাডনপ স্ফুরন্তী ॥ 52 ॥
বাগ্দেবী জুষতা-মিদগ্ং হবিঃ । চক্ষু-র্দেবানাং জ্যোতিরমৃতে ন্যক্তম্ ।
অস্য বিজ্ঞানায বহুধা নিধীযতে । তস্য সুম্ন-মশীমহি । মা নো হাসী-দ্বিচক্ষণম্ । আযুরিন্নঃ প্রতীর্যতাম্ । অনন্ধা-শ্চক্ষুষা বযম্ । জীবা জ্যোতি-রশীমহি । সুব-র্জ্যোতি-রুতামৃতং । শ্রোত্রেণ ভদ্র মুত-শৃণ্বন্তি সত্যম্ । শ্রোত্রেণ বাচং বহুধোদ্যমানাম্ । শ্রোত্রেণ মোদশ্চ মহশ্চ শ্রূযতে ।
শ্রোত্রেণ সর্বা দিশ আশৃণোমি । যেন প্রাচ্যা উত দক্ষিণা । প্রতীচ্যৈ দিশ-শ্শৃণ্বন্ত্যুত্তরাত্ । তদিচ্ছ্রোত্রং বহুধোদ্যমানম্ ।
অরান্ন নেমিঃ পরিসর্বং বভূব ॥ 53 (22) ॥
(তৈ. ব্রা. 2.7.7.1-2.7.7.7)
সিগ্ংহে ব্যাঘ্র উত যা পৃদাকৌ । ত্বিষি-রগ্নৌ ব্রাহ্মণে সূর্যেযা ।
ইন্দ্রং ঁযা দেবী সুভগা জজান । সা ন আগন্ বর্চসা সংবিঁদানা । যা রাজন্যে দুন্দু-ভাবাযতাযাম্ । অশ্বস্য ক্রন্দ্যে পুরুষস্য মাযৌ । ইন্দ্রং ঁযা দেবী সুভগা জজান । সা ন আগন্ বর্চসা সংবিঁদানা । যা হস্তিনি দ্বীপিনি যা হিরণ্যে । ত্বিষি-রশ্বেষু পুরুষেষু গোষু ॥ 54 ॥
ইন্দ্রং ঁযা দেবী সুভগা জজান । সা ন আগন্ বর্চসা সংবিঁদানা । রথে অক্ষেষু বৃষভস্য বাজে । বাতে পর্জন্যে বরুণস্য শুষ্মে । ইন্দ্রং ঁযা দেবী সুভগা জজান । সা ন আগন্ বর্চসা সংবিঁদানা । রাডসি বিরাডসি । সম্রাডসি স্বরাডসি । ইন্দ্রায ত্বা তেজস্বতে তেজস্বন্তগ্গ্ শ্রীণামি । ইন্দ্রায ত্বৌজস্বত ওজস্বন্তগ্গ্ শ্রীণামি ॥ 55 ॥
ইন্দ্রায ত্বা পযস্বতে পযস্বন্তগ্গ্ শ্রীণামি । ইন্দ্রায ত্বা-ঽঽযুষ্মত আযুষ্মন্তগ্গ্ শ্রীণামি । তেজো-ঽসি । তত্তে প্রযচ্ছামি । তেজস্বদস্তু মে মুখম্ । তেজস্বচ্ছিরো অস্তু মে । তেজস্বান্. বিশ্বতঃ প্রত্যম্ । তেজসা স-ম্পিপৃগ্ধিমা । ওজো-ঽসি । তত্তে প্রযচ্ছামি ॥ 56 ॥
ওজস্বদস্তু মে মুখম্ । ওজস্বচ্ছিরো অস্তু মে । ওজস্বান্. বিশ্বতঃ প্রত্যম্ । ওজসা সম্পিপৃগ্ধি মা । পযো-ঽসি । তত্তে প্রযচ্ছামি । পযস্বদস্তু মে মুখম্ । পযস্বচ্ছিরো অস্তু মে । পযস্বান্. বিশ্বতঃ প্রত্যম্ । পযসা সম্পিপৃগ্ধি মা ॥ 57 ॥
আযুরসি । তত্তে প্রযচ্ছামি । আযুষ্মদস্তু মে মুখম্ । আযুষ্মচ্ছিরো অস্তু মে । আযুষ্মান্. বিশ্বতঃ প্রত্যম্ । আযুষা সম্পিপৃগ্ধি মা । ইম-মগ্ন আযুষে বর্চসে কৃধি । প্রিযগ্ং রেতো বরুণ সোম রাজন্ন্ । মা-তে-বাস্মা অদিতে শর্ম যচ্ছ । বিশ্বে দেবা জরদষ্টি-র্যথা-ঽসত্ ॥ 58 ॥
আযুরসি বিশ্বাযুরসি । সর্বাযুরসি সর্বমাযুরসি । যতো বাতো মনোজবাঃ । যতঃ, ক্ষরন্তি সিন্ধবঃ । তাসাং ত্বা সর্বাসাগ্ং রুচা । অভিষিঞ্চামি বর্চসা । সমুদ্র ইবাসি গহ্মনা । সোম ইবাস্যদাভ্যঃ । অগ্নিরিব বিশ্বতঃ প্রত্যম্ । সূর্য ইব জ্যোতিষা বিভূঃ ॥ 59 ॥
অপাং-যোঁ দ্রবণে রসঃ । তমহমস্মা আমুষ্যাযণায । তেজসে ব্রহ্মবর্চসায গৃহ্ণামি । অপাং-যঁ ঊর্মৌ রসঃ । তমহমস্মা আমুষ্যাযণায । ওজসে বীর্যায গৃহ্ণামি । অপাং-যোঁ মদ্ধ্যতো রসঃ । তমহমস্মা আমুষ্যাযণায । পুষ্ট্যৈ প্রজননায গৃহ্ণামি । অপাং-যোঁ যজ্ঞিযো রসঃ । তমহমস্মা আমুষ্যাযণায । আযুষে দীর্ঘাযুত্বায গৃহ্ণামি ॥ 60 (23) ॥
29 অন্ন সূক্তং
(তৈ. ব্রা. 2.8.8.1-2.8.8.4)
অহমস্মি প্রথমজা ঋতস্য । পূর্বং দেবেভ্যো অমৃতস্য নাভিঃ ।
যো মা দদাতি স ই দেব মা বাঃ । অহমন্ন মন্ন মদন্তমদ্মি । পূর্ব-মগ্নেরপি দহত্যন্নং । যত্তৌ হাসাতে অহমুত্তরেষু । ব্যাত্তমস্য পশব-স্সুজম্ভম্ । পশ্যন্তি ধীরাঃ প্রচরন্তি পাকাঃ ।
জহাম্যন্য-ন্ন জহাম্যন্যম্ । অহমন্নং ঁবশমিচ্চরামি ॥ 61 ॥
সমানমর্থং পর্যেমি ভুঞ্জত্ । কো মা মন্নং মনুষ্যো দযেত ।
পরাকে অন্নং নিহিতং-লোঁক এতত্ । বিশ্বৈ-র্দেবৈঃ পিতৃভি-র্গুপ্তমন্নম্ ।
যদদ্যতে লুপ্যতে য-ত্পরোপ্যতে । শততমী সা তনূর্মে বভূব ।
মহান্তৌ চরূ সকৃ-দ্দুগ্ধেন পপ্রৌ । দিবঞ্চ পৃশ্ঞি পৃথিবী-ঞ্চ সাকম্ ।
ত-থ্সম্পিবন্তো ন মিনন্তি বেধসঃ । নৈতদ্ভূযো ভবতি নো কনীযঃ ॥ 62 ॥
অন্নং প্রাণমন্ন মপান-মাহুঃ । অন্নং মৃত্যু-ন্তমু জীবাতু মাহুঃ ।
অন্নং ব্রহ্মাণো জরসং ঁবদন্তি । অন্নমাহুঃ প্রজনন-ম্প্রজানাম্ ।
মোঘ-মন্নং ঁবিন্দতে অপ্রচেতাঃ । সত্য-ম্ব্রবীমি বধ ইথ্স তস্য ।
নার্যমণং পুষ্যতি নো সখাযম্ । কেবলাঘো ভবতি কেবলাদী ।
অহ-ম্মেঘ স্স্তনযন্ বর্ষন্নস্মি । মামদন্ত্য-হমদ্ম্যন্যান্ ॥ অহগ্ং সদমৃতো ভবামি । মদাদিত্যা অধি সর্বে তপন্তি ॥ 63 ॥
30 বাক্ সূক্তং
(তৈ. ব্রা. 2.8.8.4)
দেবীং-বাঁচ-মজনযন্ত য-দ্বাগ্বদন্তি ॥ 64 ॥
দেবীং-বাঁচমজনযন্ত দেবাঃ । তাং-বিঁশ্বরূপাঃ পশবো বদন্তি । সা নো মন্দ্রেষ মূর্জং দুহানা । ধেনুর্বাগস্মা-নুপসুষ্টুতৈতু ॥ 64অ ॥
য-দ্বাগ্বদন্ত্য-বিচেতনানি । রাষ্ট্রী দেবানা-ন্নিষসাদ মন্দ্রা । চতস্র ঊর্জং দুদুহে পযাগ্ংসি । ক্বস্বি দস্যাঃ পরম-ঞ্জগাম ॥ 64ব্ ॥
(তৈ. ব্রা. 2.8.8.4-2.8.8.5)
অনন্তা-মন্তাদধি নির্মিতা-ম্মহীম্ । যস্যাং দেবা অদধু-র্ভোজনানি । একাক্ষরা-ন্দ্বিপদাগ্ং ষট্পদাঞ্চ । বাচ-ন্দেবা উপজীবন্তি বিশ্বে । বাচ-ন্দেবা উপজীবন্তি বিশ্বে । বাচ-ঙ্গন্ধর্বাঃ পশবো মনুষ্যাঃ । বাচীমা বিশ্বা ভুবনা-ন্যর্পিতা । সা নো হবং জুষতা-মিন্দ্র পত্নী ।
বাগক্ষরং প্রথমজা ঋতস্য । বেদানা-ম্মাতা-ঽমৃতস্য নাভিঃ ॥ 65 ॥
সা নো জুষাণোপ যজ্ঞ মাগাত্ । অবন্তী দেবী সুহবা মে অস্তু । যা মৃষযো মন্ত্র কৃতো মনীষিণঃ । অন্বৈচ্ছ-ন্দেবা-স্তপসা শ্রমেণ । তা-ন্দেবীং-বাঁচগ্ং হবিষা যজামহে । সা নো দধাতু সুকৃতস্য লোকে ।
চত্বারি বা-ক্পরিমিতা পদানি । তানি বিদু-র্ব্রাহ্মণা যে মনীষিণঃ । গুহা ত্রীণি নিহিতা নেঙ্গযন্তি । তুরীযং ঁবাচো মনুষ্যা বদন্তি ॥ 66 ॥
31 শ্রদ্ধা সূক্তং
(তৈ. ব্রা. 2.8.8.5-2.8.8.8)
শ্রদ্ধযা-ঽগ্নি স্সমিধ্যতে । শ্রদ্ধযা বিন্দতে হবিঃ । শ্রদ্ধা-ম্ভগস্য মূর্ধনি । বচসা ঽঽবেদযামসি । প্রিযগ্গ্ শ্রদ্ধে দদতঃ । প্রিযগ্গ্ শ্রদ্ধে দিদাসতঃ । প্রিয-ম্ভোজেষু যজ্বসু । ইদ-ম্ম উদিত-ঙ্কৃধি । যথা দেবা অসুরেষু । শ্রদ্ধা-মুগ্রেষু চক্রিরে ॥ 67 ॥
এব-ম্ভোজেষু যজ্বসু । অস্মাক-মুদিত-ঙ্কৃধি । শ্রদ্ধা-ন্দেবা যজমানাঃ । বাযু-গোপা উপাসতে । শ্রদ্ধাগ্ং হৃদয্যযা-ঽঽকূত্যা । শ্রদ্ধযা হূযতে হবিঃ ।
শ্রদ্ধা-ম্প্রাতর্-হবামহে । শ্রদ্ধা-ম্মধ্যন্দিনং পরি । শ্রদ্ধাগ্ং সূর্যস্য নিম্রুচি । শ্রদ্ধে শ্রদ্ধাপ-যেহ মা ॥ 68 ॥
শ্রদ্ধা দেবা-নধিবস্তে । শ্রদ্ধা বিশ্ব-মিদ-ঞ্জগত্ । শ্রদ্ধা-ঙ্কামস্য মাতরম্ । হবিষা বর্ধযামসি ॥ 69অ ॥
32 ব্রহ্ম সূক্তং
(তৈ. ব্রা. 2.8.8.8-2.8.8.11)
ব্রহ্মজজ্ঞান-ম্প্রথম-ম্পুরস্তাত্ । বি সীমত-স্সুরুচো বেন আবঃ ।
স বুধ্নিযা উপমা অস্য বিষ্ঠাঃ । সতশ্চ যোনি-মসতশ্চ বিবঃ ॥ পিতা বিরাজা-মৃষভো রযীণাম্ । অন্তরিক্ষং-বিঁশ্বরূপ আবিবেশ ॥ 69ব্ ॥
তমর্কৈ-রভ্যর্চন্তি বথ্সম্ । ব্রহ্ম সন্ত-ম্ব্রহ্মণা বর্ধযন্তঃ ॥ ব্রহ্ম দেবানজনযত্ । ব্রহ্ম বিশ্বমিদ-ঞ্জগত্ ॥
ব্রহ্মণঃ, ক্ষত্র-ন্নির্মিতম্ । ব্রহ্ম ব্রাহ্মণ আত্মনা ॥ অন্তরস্মি-ন্নিমে লোকাঃ । অন্ত-র্বিশ্বমিদ-ঞ্জগত্ । ব্রহ্মৈব ভূতানা-ঞ্জ্যেষ্ঠম্ । তেন কো-ঽর্হতি স্পর্ধিতুম্ ॥ 70 ॥
ব্রহ্ম-ন্দেবা-স্ত্রযস্ত্রিগ্ংশত্ । ব্রহ্ম-ন্নিন্দ্র প্রজাপতী । ব্রহ্মন্ হ বিশ্বা ভূতানি । নাবী-বান্ত-স্সমাহিতা ॥ চতস্র আশাঃ প্রচরন্ত্ব-গ্নযঃ । ইমন্নো যজ্ঞন্নযতু প্রজানন্ন্ ।
ঘৃত-ম্পিন্ব-ন্নজরগ্ং সুবীরম্ । ব্রহ্ম সমি-দ্ভবত্যাহুতীনাম্ ॥ 71 ॥
33 গো সূক্তং
(তৈ. ব্রা. 2.8.8.11)
আ গাবো অগ্মন্নুত ভদ্র-মক্রন্ন্ । সীদন্তু গোষ্ঠে-রণযন্ত্বস্মে ॥ প্রজাবতীঃ পুরুরূপা ইহ স্যুঃ । ইন্দ্রায পূর্বী রুষসো দুহানাঃ । ইন্দ্রো যজ্বনে পৃণতে চ শিক্ষতি । উপেদ্দদাতি ন স্ব-ম্মুষাযতি । ভূযো ভূযো রযিমিদস্য বর্ধযন্ন্ । অভিন্নে খিল্লে নিদধাতি দেবযুম্ ।
ন তা নশন্তি ন তা অর্বা ॥ 72 ॥
ন তা নশন্তি নদভাতি তস্করঃ । নৈনা অমিত্রো ব্যথিরা দধর্ষতি ।
দেবাগ্শ্চ যাভি-র্যজতে দদাতি চ । জ্যোগিত্তাভি স্সচতে গোপতি স্সহ ॥ 72অ ॥
ন তা অর্বা রেণু ককাটো অশ্নুতে । ন সগ্গ্ স্কৃতত্র-মুপযন্তি তা অভি ।
উরুগাযমভয-ন্তস্য তা অনু । গাবো মর্ত্যস্য বিচরন্তি যজ্বনঃ ॥ 72ব্ ॥
(তৈ. ব্রা. 2.8.8.12)
গাবো ভগো গাব ইন্দ্রো মে অচ্ছাত্ । গাব স্সোমস্য প্রথমস্য ভক্ষঃ ।
ইমা যা গাব-স্সজনাস ইন্দ্রঃ । ইচ্ছামী-দ্ধৃদা মনসা-চিদিন্দ্রম্ ।
যূয-ঙ্গাবো মেদযথা কৃশঞ্চিত্ । অশ্লীল-ঞ্চি-ত্কৃণুথা সুপ্রতীকম্ ॥ 73 ॥
ভদ্র-ঙ্গৃহ-ঙ্কৃণুথ ভদ্রবাচঃ । বৃহদ্বো বয উচ্যতে সভাসু । প্রজাবতী স্সূযবসগ্ং-রিশন্তীঃ । শুদ্ধা অপ স্সুপ্রপাণে পিবন্তীঃ ।
মা বঃ স্তেন ঈশত মা-ঽঘশগ্ংসঃ । পরিবো হেতী রুদ্রস্য বৃঞ্জ্যাত্ । উপেদ-মুপ-পর্চনম্ । আসু গোষূপ পৃচ্যতাম্ । উপর্ষভস্য রেতসি । উপেন্দ্র তব বীর্যে ॥ 74 (24) ॥
34 সূর্যা চন্দ্রমসা সূক্তং
(তৈ. ব্রা. 2.8.9.1-2.8.9.3)
তা সূর্যা চন্দ্রমসা বিশ্ব-ভৃত্তমা মহত্ । তেজো বসুমদ্রাজতো দিবি । সামাত্মানা চরত স্সাম-চারিণা । যযোর্ব্রত-ন্নমমে জাতু দেবযোঃ । উভাবন্তৌ পরিযাত অর্ম্যা । দিবো ন রশ্মীগ্ স্তনুতো-ব্যর্ণবে । উভা ভুবন্তী ভুবনা কবিক্রতূ । সূর্যা ন চন্দ্রা চরতো হতামতী । পতীদ্যুম-দ্বিশ্ব-বিদা উভা দিবঃ । সূর্যা উভা চন্দ্রমসা বিচক্ষণা ॥ 75 ॥
বিশ্ববারা বরিবো ভা বরেণ্যা । তা নো-ঽবত-ম্মতিমন্তা মহিব্রতা । বিশ্ববপরী প্রতরণা তরন্তা । সুবর্বিদা দৃশযে ভূরি রশ্মী । সূর্যা হি চন্দ্রা বসুত্বেষ-দর্শতা । মনস্বিনো ভা-ঽনুচরতো নু স-ন্দিবম্ । অস্য শ্রবো নদ্য স্সপ্ত বিভ্রতি । দ্যাবা ক্ষামা পৃথিবী দর্শতং-বঁপুঃ । অস্মে সূর্যা চন্দ্রমসা-ঽভিচক্ষে । শ্রদ্ধেক-মিন্দ্র চরতো বিচর্তুরম্ ॥ 76 ॥
পূর্বাপর-ঞ্চরতো মায-যৈতৌ । শিশূ ক্রীডন্তৌ পরিযাতো অধ্বরম্ । বিশ্বান্যন্যো ভুবনা ঽভিচষ্টে । ঋতূনন্যো বিদধজ্জাযতে পুনঃ । হিরণ্যবর্ণা-শ্শুচযঃ পাবকা যাসাগ্ং রাজা । যাসাং দেবা শ্শিবেন মা চক্ষুষা পশ্যত । আপো ভদ্রা আদিত্পশ্যামি ॥ 77 ॥
হিরণ্যবর্ণা-শ্শুচযঃ পাবকা যাসু জাতঃ কশ্যপো যাস্বিন্দ্রঃ । অগ্নিং-যাঁ গর্ভং দধিরে বিরূপাস্তা ন আপশ্শগ্গ্ স্যোনা ভবন্তু ॥
যাসাগ্ং রাজা বরুণো যাতি মধ্যে সত্যানৃতে অবপশ্যন্ জনানাম্ ।
মধুশ্চুত-শ্শুচযো যাঃ পাবকাস্তা ন আপশ্শগ্গ্ স্যোনা ভবন্তু ॥ 77অ ॥
যাসাং দেবা দিবি কৃণ্বন্তি ভক্ষং-যাঁ অন্তরিক্ষে বহুধা ভবন্তি ।
যাঃ পৃথিবী-ম্পযসোন্দন্তি শুক্রাস্তা ন আপশ্শগ্গ্ স্যোনা ভবন্তু ॥
শিবেন মা চক্ষুষা পশ্যতাপ শ্শিবযা তনুবোপ স্পৃশত ত্বচ-ম্মে ।
সর্বাগ্ং অগ্নীগ্ং রফ্সুষদো হুবে বো মযি বর্চো বলমোজো নিধত্ত ॥ 77ব্ ॥
আপো ভদ্রা ঘৃতমিদাপ আসুরগ্নী-ষোমৌ বিভ্রত্যাপ ইত্তাঃ । তীব্রো রসো মধুপৃচা-মরঙ্গম আ মা প্রাণেন সহ বর্চসা গন্ন্ ।
আদি-ত্পশ্যা-ম্যুত বা শৃণো-ম্যা মা ঘোষো গচ্ছতি বা-ন্ন আসাম্ । মন্যে ভেজানো অমৃতস্য তর্হি হিরণ্যবর্ণা অতৃপং-যঁদা বঃ ॥ 77চ্ ॥
35 নাসদীয সূক্তং
(তৈ. ব্রা. 2.8.9.3-2.8.9.7)
নাসদাসীন্নো সদাসীত্তদানীম্ । নাসীদ্রজো নো ব্যোমা-পরোযত্ । কি-মাবরীবঃ কুহকস্য শর্মন্ন্ । অম্ভঃ কিমাসী-দ্গহন-ঙ্গভীরম্ ॥ 78 ॥
ন মৃত্যু-রমৃত-ন্তর্হি ন । রাত্রিযা অহ্ন আসী-ত্প্রকেতঃ । আনী-দবাতগ্গ্ স্বধযা তদেকম্ । তস্মাদ্ধান্য-ন্ন পরঃ কিঞ্চনাস ।
তম আসী-ত্তমসা গূঢমগ্রে প্রকেতম্ । সলিলগ্ং সর্ব-মা ইদম্ । তুচ্ছে নাভ্বপিহিতং যদাসীত্ । তমসস্ তন্মহিনা জাযতৈকম্ ।
কামস্তদগ্রে সমবর্ততাধি । মনসো রেতঃ প্রথমং-যঁদাসীত্ ॥ 79 ॥
সতো বন্ধুমসতি নিরবিন্দন্ন্ । হৃদি-প্রতীষ্যা কবযো মনীষা ।
তিরশ্চীনো বিততো রশ্মি-রেষাম্ । অধস্বিদাসী(3) দুপরিস্বিদাসী(3)ত্ ।
রেতোধা আস-ন্মহিমান আসন্ন্ । স্বধা অবস্তা-ত্প্রযতিঃ পরস্তাত্ ।
কো অদ্ধা বেদক ইহ প্রবোচত্ । কুত আজাতা কুত ইযং-বিঁসৃষ্টিঃ ।
অর্বাগ্ দেবা অস্য বিসর্জনায । অথা কো বেদ যত আ বভূব ॥ 80 ॥
ইযং-বিঁসৃষ্টি-র্যত আবভূব । যদি বা দধে যদি বা ন ।
যো অস্যাধ্যক্ষঃ পরমে ব্যোমন্ন্ । সো অঙ্গবেদ যদি বা ন বেদ ।
কিগ্গ্স্বিদ্বনং ক উস বৃক্ষ আসীত্ । যতো দ্যাবাপৃথিবী নিষ্টতক্ষুঃ ।
মনীষিণো মনসা পৃচ্ছতেদুতত্ । যদধ্যতিষ্ঠ-দ্ভুবনানি ধারযন্ন্ । ব্রহ্মবনং ব্রহ্ম স বৃক্ষ আসীত্ । যতো দ্যাবাপৃথিবী নিষ্টতক্ষুঃ ॥ মনীষিণো মনসা বিব্রবীমি বঃ । ব্রহ্মাধ্যতিষ্ঠ-দ্ভুবনানি ধারযন্ন্ ॥ 81 ॥
36 ভাগ্য সূক্তং
(তৈ. ব্রা. 2.8.9.7-2.8.9.9)
প্রাতরগ্নি-ম্প্রাতরিন্দ্রগ্ং হবামহে । প্রাত-র্মিত্রা বরুণা প্রাতরশ্বিনা ।
প্রাত-র্ভগং পূষণং ব্রহ্মণস্পতিম্ । প্রাতস্সোম মুত রুদ্রগ্ং হুবেম ॥ প্রতর্জিতং ভগমুগ্রগ্ং হুবেম । বয-ম্পুত্রমদিতের্যো বিধর্তা । আধ্রশ্চিদ্য-ম্মন্যমান-স্তুরশ্চিত্ । রাজা চিদ্য-ম্ভগং ভক্ষীত্যাহ ॥ 82 ॥
ভগপ্রণেত-র্ভগসত্যরাধঃ । ভগেমা-ন্ধিযমুদব দদন্নঃ । ভগপ্রণো জনয গোভিরশ্বৈঃ । ভগ প্রনৃভি-র্নৃবন্তস্স্যাম ॥ উতেদানীং ভগবন্তস্স্যাম । উত প্রপিত্ব উত মদ্ধ্যে অহ্নাম্ । উতোদিতা মঘবন্-থ্সূর্যস্য । বয-ন্দেবানাগ্ং সুমতৌ স্যাম ॥ ভগ এব ভগবাগ্ং অস্তু দেবাঃ । তেন বয-ম্ভগবন্ত স্স্যাম ॥ 83 ॥
তন্ত্বা ভগ সর্ব ইজ্জোহবীমি । সনো ভগ পুর এতা ভবেহ ॥ সমধ্বরা-যোষসো-ঽনমন্ত । দধিক্রাবেব শুচযে পদায । অর্বাচীনং-বঁসুবিদং ভগন্নঃ । রথমিবাশ্বা বাজিন আবহন্তু ॥ অশ্বাবতী-র্গোমতী-র্ন উষাসঃ । বীরবতী-স্সদমুচ্ছন্তু ভদ্রাঃ । ঘৃত-ন্দুহানা বিশ্বতঃ প্রপীনাঃ । যূয-ম্পাত স্বস্তিভি-স্সদানঃ ॥ 84 (25) ॥
37 নক্ষত্র সূক্তং
(তৈ. ব্রা. 3.1.1.1-3.1.3.3)
37.1 নক্ষত্রং - কৃত্তিকা দেবতা - অগ্নিঃ
অগ্নির্নঃ পাতু কৃত্তিকাঃ । নক্ষত্র-ন্দেবমিন্দ্রিযম্ । ইদমাসাংবিঁচক্ষণম্ । হবিরাস-ঞ্জুহোতন । যস্য ভান্তি রশ্মযো যস্য কেতবঃ । যস্যেমা বিশ্বা ভুবনানি সর্বা । স কৃত্তিকাভি-রভি-সংবঁসানঃ । অগ্নির্নো দেবস্সুবিতে দধাতু ॥ 1 ॥
37.2 নক্ষত্রং - রোহিণী দেবতা - প্রজাপতিঃ
প্রজাপতে রোহিণী বেতু পত্নী । বিশ্বরূপা বৃহতী চিত্রভানুঃ ॥ 85 ॥
সা নো যজ্ঞস্য সুবিতে দধাতু । যথা জীবেম শরদস্সবীরাঃ । রোহিণী দেব্যুদগা-ত্পুরস্তাত্ । বিশ্বা রূপাণি প্রতিমোদমানা । প্রজাপতিগ্ং হবিষা বর্ধযন্তী । প্রিযা দেবানা-মুপযাতু যজ্ঞম্ ॥ 2 ॥
37.3 নক্ষত্রং - মৃগশীর্ষঃ দেবতা - সোমঃ
সোমো রাজা মৃগশীর.ষেণ আগন্ন্ । শিব-ন্নক্ষত্র-ম্প্রিযমস্য ধাম । আপ্যাযমানো বহুধা জনেষু । রেতঃ প্রজাং-যঁজমানে দধাতু ॥ 86 ॥
যত্তে নক্ষত্র-ম্মৃগশীর্ষমস্তি । প্রিযগ্ং রাজ-ন্প্রিযতম-ম্প্রিযাণাম্ । তস্মৈ তে সোম হবিষা বিধেম । শন্ন এধি দ্বিপদে শঞ্চতুষ্পদে ॥ 3 ॥
37.4 নক্ষত্রং - আর্দ্রা দেবতা - রুদ্রঃ
আর্দ্রযা রুদ্রঃ প্রথমান এতি । শ্রেষ্ঠো দেবানাং পতিরঘ্নিযানাম্ । নক্ষত্রমস্য হবিষা বিধেম । মা নঃ প্রজাগ্ং রীরিষ-ন্মোত বীরান্ । হেতী রুদ্রস্য পরিণো বৃণক্তু । আর্দ্রা নক্ষত্র-ঞ্জুষতাগ্ং হবির্নঃ ॥ 87 ॥
প্রমুঞ্চমানৌ দুরিতানি বিশ্বা । অপাঘশগ্ং সন্নু-দতামরাতিম্ ॥ 4 ॥
37.5 নক্ষত্রং - পুনর্বসু দেবতা - অদিতিঃ
পুনর্নো দেব্যদিতি-স্স্পৃণোতু । পুনর্বসূ নঃ পুনরেতাং-যঁজ্ঞম্ । পুনর্নো দেবা অভিযন্তু সর্বে । পুনঃ পুনর্বো হবিষা যজামঃ । এবা ন দেব্যদিতিরনর্বা । বিশ্বস্য ভর্ত্রী জগতঃ প্রতিষ্ঠা । পুনর্বসূ হবিষা বর্ধযন্তী । প্রিয-ন্দেবানা-মপ্যেতু পাথঃ ॥ 5 (88) ॥
37.6 নক্ষত্রং - পুষ্যঃ দেবতা - বৃহস্পতিঃ
বৃহস্পতিঃ প্রথমঞ্জাযমানঃ । তিষ্য-ন্নক্ষত্রমভি সম্বভূব । শ্রেষ্ঠো দেবানাং পৃতনাসু জিষ্ণুঃ । দিশো নু সর্বা অভযন্নো অস্তু । তিষ্যঃ পুরস্তাদুত মধ্যতো নঃ । বৃহস্পতি-র্নঃ পরিপাতু পশ্চাত্ । বাধে তা-ন্দ্বেষো অভয-ঙ্কৃণুতাম্ । সুবীর্যস্য পতযস্যাম ॥ 6 ॥
37.7 নক্ষত্রং -আশ্রেষং দেবতা - সর্পাঃ
ইদগ্ং সর্পেভ্যো হবিরস্তু জুষ্টম্ । আশ্রেষা যেষা-মনুযন্তি চেতঃ ॥ 89 ॥
যে অন্তরিক্ষ-ম্পৃথিবীং-ক্ষিযন্তি । তেন স্সর্পাসো হবমাগমিষ্ঠাঃ । যে রোচনে সূর্যস্যাপি সর্পাঃ । যে দিবং দেবী-মনুসঞ্চরন্তি । যেষামাশ্রেষা অনুযন্তি কামম্ । তেভ্য-স্সর্পেভ্যো মধু-মজ্জুহোমি ॥ 7 ॥
37.8 নক্ষত্রং - মঘা দেবতা - পিতরঃ
উপহূতাঃ পিতরো যে মঘাসু । মনোজবস-স্সুকৃত-স্সুকৃত্যাঃ । তে নো নক্ষত্রে হবমাগমিষ্ঠাঃ । স্বধাভি-র্যজ্ঞ-ম্প্রযত-ঞ্জুষন্তাম্ ॥ 90 ॥
যে অগ্নিদগ্ধা যে-ঽনগ্নি-দগ্ধাঃ । যে-ঽমুঁলোক-ম্পিতরঃ ক্ষিযন্তি । যাগ্শ্চ বিদ্মযাগ্ং উ চ ন প্রবিদ্ম । মঘাসু যজ্ঞগ্ং সুকৃত-ঞ্জুষন্তাম্ ॥ 8 ॥
37.9 নক্ষত্রং - পূর্বফল্গুনী দেবতা - অর্যমা
গবাং পতিঃ ফল্গুনী-নামসি ত্বম্ । তদর্যমন্ বরুণ মিত্র চারু । তন্ত্বা বযগ্ং সনিতারগ্ং সনীনাম্ । জীবা জীবন্তমুপ সংবিঁশেম । যেনেমা বিশ্বা ভুবনানি সঞ্জিতা । যস্য দেবা অনুসংযঁন্তি চেতঃ ॥ 91 ॥
অর্যমা রাজা-ঽজরস্তু বিষ্মান্ । ফল্গুনীনা-মৃষভো রোরবীতি ॥ 9 ॥
37.10 নক্ষত্রং - উত্তর ফল্গুনী দেবতা - ভগঃ
শ্রেষ্ঠো দেবানাং ভগবো ভগাসি । তত্ত্বা বিদুঃ ফল্গুনী-স্তস্য বিত্তাত্ । অস্মভ্যং-ক্ষত্রমজরগ্ং সুবীর্যম্ । গোমদশ্ব-বদুপসন্নু-দেহ । ভগোহ দাতা ভগ ইত্প্রদাতা । ভগো দেবীঃ ফল্গুনী-রাবিবেশ । ভগস্যেত্ত-ম্প্রসব-ঙ্গমেম । যত্র দেবৈ-স্সধমাদং মদেম । ॥ 10/ 92 ॥
37.11 নক্ষত্রং - হস্তঃ দেবতা - সবিত
আযাতু দেব-স্সবিতো পযাতু । হিরণ্যযেন সুবৃতা রথেন । বহন্. হস্তগ্ং সুভগং ঁবিদ্মনাপসম্ । প্রযচ্ছন্তং পপুরিং পুণ্যমচ্ছ । হস্তঃ প্রযচ্ছ ত্বমৃতং ঁবসীযঃ । দক্ষিণেন প্রতিগৃভ্ণীম এনত্ ।
দাতার-মদ্য সবিতা বিদেয । যো নো হস্তায প্রসুবাতি যজ্ঞম্ ॥ 11 ॥
37.12 নক্ষত্রং - চিত্রা দেবতা - ত্বষ্টা
ত্বষ্টা নক্ষত্র-মভ্যেতি চিত্রাম্ । সুভগ্ং সসংযুঁবতিগ্ং রোচমানাম্ ॥ 93 ॥
নিবেশযন্ন-মৃতা-ন্মর্ত্যাগ্শ্চ । রূপাণি পিগ্ংশ-ন্ভুবনানি বিশ্বা । তন্নস্ত্বষ্টা তদু চিত্রা বিচষ্টাম্ । তন্নক্ষত্র-ম্ভূরিদা অস্তু মহ্যম্ । তন্নঃ প্রজাং-বীঁরবতীগ্ং সনোতু । গোভির্নো অশ্বৈ-স্সমনক্তু যজ্ঞম্ ॥ 12 ॥
37.13 নক্ষত্রং - স্বাতী দেবতা - বাযুঃ
বাযু-র্নক্ষত্র-মভ্যেতি নিষ্ট্যাম্ । তিগ্মশৃংগো বৃষভো রোরুবাণঃ । সমীরয-ন্ভুবনা মাতরিশ্বা । অপ দ্বেষাগ্ংসি নুদতামরাতীঃ ॥ 94 ॥
তন্নো বাযস্তদু নিষ্ট্যা শৃণোতু । তন্নক্ষত্র-ম্ভূরিদা অস্তু মহ্যম্ । তন্নো দেবাসো অনু জানন্তু কামম্ । যথা তরেম দুরিতানি বিশ্বা ॥ 13 ॥
37.14 নক্ষত্রং - বিশাখা দেবতা - ইন্দ্রাগ্নীঃ
দূর-মস্মচ্ছত্রবো যন্তু ভীতাঃ । তদিন্দ্রাগ্নী কৃণুতাং ত-দ্বিশাখে । তন্নো দেবা অনুমদন্তু যজ্ঞম্ । পশ্চা-ত্পুরস্তা-দভযন্নো অস্তু । নক্ষত্রাণা-মধিপত্নী বিশাখে । শ্রেষ্ঠা-বিন্দ্রাগ্নী ভুবনস্য গোপৌ ॥ 95 ॥
বিষূচ-শ্শত্রূনপবাধমানৌ । অপক্ষুধ-ন্নুদতামরাতিম্ । ॥ 14 ॥
37.15 পৌর্ণমাসি
পূর্ণা পশ্চাদুত পূর্ণা পুরস্তাত্ । উন্মধ্যতঃ পৌর্ণমাসী জিগায । তস্যাং দেবা অধি সংবঁসন্তঃ । উত্তমে নাক ইহ মাদযন্তাম্ । পৃথ্বী সুবর্চা যুবতি-স্সজোষাঃ । পৌর্ণমাস্যুদগা-চ্ছোভমানা । আপ্যায-যন্তী দুরিতানি বিশ্বা । উরু-ন্দুহাং যঁজমানায যজ্ঞম্ ॥ 15/96 (26) ॥
37.16 নক্ষত্রং - অনূরাধা দেবতা - মিত্রঃ
ঋদ্ধ্যাস্ম হব্যৈ-র্নমসোপসদ্য । মিত্র-ন্দেব-ম্মিত্রধেযন্নো অস্তু । অনূরাধান্. হবিষা বর্ধযন্তঃ । শত-ঞ্জীবেম শরদস্সবীরাঃ । চিত্রং-নক্ষত্র-মুদগা-ত্পুরস্তাত্ । অনূরাধাস ইতি য-দ্বদন্তি । তন্মিত্র এতি পথিভি-র্দেবযানৈঃ । হিরণ্যযৈ-র্বিততৈ-রন্তরিক্ষে ॥ 16 ॥
37.17 নক্ষত্রং - জ্যেষ্ঠা দেবতা - ইন্দ্রঃ
ইন্দ্রো জ্যেষ্ঠা-মনু নক্ষত্রমেতি । যস্মিন্ বৃত্রং-বৃঁত্র তূর্যে ততার ॥ 97 ॥
তস্মিন্ বয-মমৃতং দুহানাঃ । ক্ষুধন্তরেম দুরিতিং দুরিষ্টিম্ । পুরন্দরায বৃষভায ধৃষ্ণবে । অষাঢায সহমানায মীঢুষে । ইন্দ্রায জ্যেষ্ঠা মধুমদ্দুহানা । উরু-ঙ্কৃণোতু যজমানায লোকম্ ॥ 17 ॥
37.18 নক্ষত্রং - মূলং দেবতা - প্রজাপতিঃ
মূলং প্রজাং-বীঁরবতীং-বিঁদেয । পরাচ্যেতু নির্-ঋতিঃ পরাচা । গোভি-র্নক্ষত্র-ম্পশুভি-স্সমক্তম্ । অহ-র্ভূযা-দ্যজমানায মহ্যম্ ॥ 98 ॥
অহর্নো অদ্য সুবিতে দধাতু । মূলং নক্ষত্রমিতি য-দ্বদন্তি । পরাচীং-বাঁচা নির্-ঋতি-ন্নুদামি । শিব-ম্প্রজাযৈ শিবমস্তু মহ্যম্ ॥ 18 ॥
37.19 নক্ষত্রং - পূর্বাষাঢা দেবতা - আপঃ
যা দিব্যা আপঃ পযসা সম্বভূবুঃ । যা অন্তরিক্ষ উত পার্থিবীর্যাঃ ।
যাসামষাঢা অনুযন্তি কামম্ । তা ন আপ-শ্শগ্গ্ স্যোনা ভবন্তু । যাশ্চ কূপ্যা যাশ্চ নাদ্যা-স্সমুদ্রিযাঃ । যাশ্চ বৈশন্তীরুত প্রাসচীর্যাঃ ॥ 99 ॥
যাসামষাঢা মধু ভক্ষযন্তি । তা ন আপ-শ্শগ্গ্ স্যোনা ভবন্তু ॥ 19 ॥
37.20 নক্ষত্রং - উত্তরাষাঢা দেবতা - বিশ্বেদেবঃ
তন্নো বিশ্বে উপ শৃণ্বন্তু দেবাঃ । তদষাঢা অভি সংযঁন্তু যজ্ঞম্ । তন্নক্ষত্র-ম্প্রথতা-ম্পশুভ্যঃ । কৃষি-র্বৃষ্টি-র্যজমানায কল্পতাম্ । শুভ্রাঃ কন্যা যুবতয-স্সুপেশসঃ । কর্মকৃত-স্সুকৃতো বীর্যাবতীঃ । বিশ্বা-ন্দেবান্. হবিষা বর্ধযন্তীঃ । অষাঢাঃ কাম-মুপযান্তু যজ্ঞম্ ॥ 20/100 ॥
37.21 নক্ষত্রং - অভিজিত্ দেবতা - ব্রহ্মা
যস্মি-ন্ব্রহ্মা-ঽভ্যজয-থ্সর্বমেতত্ । অমুঞ্চ লোক মিদমূচ সর্বং। তন্নো নক্ষত্র-মভিজি-দ্বিজিত্য । শ্রিয-ন্দধাত্বহৃণীযমানম্ । উভৌ লোকৌ ব্রহ্মণা সঞ্জিতেমৌ । তন্নো নক্ষত্র-মভিজি-দ্
বিচষ্টাম্ । তস্মিন্ বয-ম্পৃতনা স্সঞ্জযেম । তন্নো দেবাসো অনুজানন্তু কামম্ ॥ 21 ॥
37.22 নক্ষত্রং - শ্রবণং দেবতা - বিষ্ণুঃ
শৃণ্বন্তি শ্রোণা-মমৃতস্য গোপাম্ । পুণ্যামস্যা উপশৃণোমি বাচম্ ॥ 101 ॥
মহী-ন্দেবীং-বিঁষ্ণুপত্নী মজূর্যাম্ । প্রতীচী মেনাগ্ং হবিষা যজামঃ । ত্রেধা বিষ্ণু-রুরুগাযো বিচক্রমে । মহী-ন্দিবং পৃথিবী-মন্তরিক্ষম্ ।
তচ্ছ্রোণৈতি শ্রব-ইচ্ছমানা । পুণ্যগ্গ্ শ্লোকং ঁযজমানায কৃণ্বতী ॥ 22 ॥
37.23 নক্ষত্রং - শ্রবিষ্টা দেবতা - বসবঃ
অষ্টৌ দেবা বসবস্সোম্যাসঃ । চতস্রো দেবী রজরা-শ্শ্রবিষ্ঠাঃ । তে যজ্ঞ-ম্পান্তু রজসঃ পরস্তাত্ । সংবঁথ্সরীণ-মমৃতগ্গ্ স্বস্তি ॥ 102 ॥
যজ্ঞ-ন্নঃ পান্তু বসবঃ পুরস্তাত্ । দক্ষিণতো-ঽভিযন্তু শ্রবিষ্ঠাঃ । পুণ্যন্নক্ষত্রমভি সংবিঁশাম । মা নো অরাতি-রঘশগ্ং সাগন্ন্ ॥ 23 ॥
37.24 নক্ষত্রং - শতভিষক্ দেবতা - বরুণঃ
ক্ষত্রস্য রাজা বরুণো-ঽধিরাজঃ । নক্ষত্রাণাগ্ং শতভিষগ্ বসিষ্ঠঃ । তৌ দেবেভ্যঃ কৃণুতো দীর্ঘমাযুঃ । শতগ্ং সহস্রা ভেষজানি ধত্তঃ । যজ্ঞন্নো রাজা বরুণ উপযাতু । তন্নো বিশ্বে অভিসংযঁন্তু দেবাঃ ॥ 103 ॥
তন্নো নক্ষত্রগ্ং শতভিষগ্ জুষাণম্ । দীর্ঘমাযুঃ প্রতির-দ্ভেষজানি ॥ 24 ॥
37.25 নক্ষত্রং - পূর্বপ্রোষ্ঠপদা দেবতা - অজযেকপাদঃ
অজ একপা-দুদগা-ত্পুরস্তাত্ । বিশ্বা ভূতানি প্রতি মোদমানঃ । তস্য দেবাঃ প্রসবং-যঁন্তি সর্বে । প্রোষ্ঠপদাসো অমৃতস্য গোপাঃ । বিভ্রাজমান-স্সমিধান উগ্রঃ । আ-ঽন্তরিক্ষ-মরুহদ-গন্দ্যাম্ । তগ্ং সূর্য-ন্দেব-মজমেকপাদম্ । প্রোষ্ঠপদাসো অনুযন্তি সর্বে ॥ 25 / 104 ॥
37.26 নক্ষত্রং - উত্তরপ্রোষ্ঠপদা দেবতা - অহির্বুধ্নিযঃ
অহি-র্বুধ্নিযঃ প্রথমান এতি । শ্রেষ্ঠো দেবানামুত মানুষাণাম্ । ত-ম্ব্রাহ্মণা-স্সোমপা-স্সোম্যাসঃ । প্রোষ্ঠপদাসো অভিরক্ষন্তি সর্বে । চত্বার একমভি কর্ম দেবাঃ । প্রোষ্ঠপদাস ইতি যান্. বদন্তি । তে বুধ্নিযং পরিষদ্যগ্গ্ স্তুবন্তঃ । অহিগ্ং রক্ষন্তি নমসোপসদ্য ॥ 26 ॥
37.27 নক্ষত্রং - রেবতী দেবতা - পূষা
পূষা রেবত্যন্বেতি পন্থাম্ । পুষ্টিপতী পশুপা বাজবস্ত্যৌ ॥ 105 ॥
ইমানি হব্যা প্রযতা জুষাণা । সুগৈর্নো যানৈরুপযাতাং-যঁজ্ঞম্ । ক্ষুদ্রা-ন্পশূ-ন্রক্ষতু রেবতী নঃ । গাবো নো অশ্বাগ্ং অন্বেতু পূষা । অন্নগ্ং রক্ষন্তৌ বহুধা বিরূপম্ । বাজগ্ং সনুতাং ঁযজমানায যজ্ঞম্ ॥ 27 ॥
37.28 নক্ষত্রং - অশ্বিনী দেবতা - অশ্বিনী দেব
তদশ্বিনা-বশ্বযুজোপযাতাম্ । শুভঙ্গমিষ্ঠৌ সুযমেভিরশ্বৈঃ । স্বন্নক্ষত্রগ্ং হবিষা যজন্তৌ । মধ্বা সম্পৃক্তৌ যজুষা সমক্তৌ ॥ 106 ॥
যৌ দেবানা-ম্ভিষজৌ হব্যবাহৌ । বিশ্বস্য দূতা-বমৃতস্য গোপৌ । তৌ নক্ষত্রং-জুজুষাণো-পযাতাম্ । নমো-ঽশ্বিভ্যাং কৃণুমো-ঽশ্বযুগ্ভ্যাম্ ॥ 28 ॥
37.29 নক্ষত্রং - অপভরণী দেবতা - যমঃ
অপ পাপ্মানং ভরণী-র্ভরন্তু । ত-দ্যমো রাজা ভগবান্. বিচষ্টাম্ । লোকস্য রাজা মহতো মহান্. হি । সুগন্নঃ পন্থামভয-ঙ্কৃণোতু । যস্মি-ন্নক্ষত্রে যম এতি রাজা । যস্মিন্নেন-মভ্যষিংচন্ত দেবাঃ । তদস্য চিত্রগ্ং হবিষা যজাম । অপ পাপ্মানং ভরণী-র্ভরন্তু ॥ 29 ॥
37.30 অমাবাসি
নিবেশনী যত্তে দেবা অদধুঃ ।
নিবেশনী সঙ্গমনী বসূনাং ঁবিশ্বা রূপাণি বসূন্যা-বেশযন্তী । সহস্রপোষগ্ং সুভগা ররাণা সা ন আগন্ বর্চসা সংবিঁদানা ।
যত্তে দেবা অদধু-র্ভাগধেয-মমাবাস্যে
সংবঁসন্তো মহিত্বা । সা নো যজ্ঞ-ম্পিপৃহি বিশ্ববারে রযিন্নো ধেহি সুভগে সুবীরং ॥ 30/107 (27) ॥
37.31 চন্দ্রমা
নবো নবো ভবতি জাযমানো যমাদিত্যা অগ্ংশুমা-প্যাযযন্তি ।
নবো নবো ভবতি জাযমানো-ঽহ্না-ঙ্কেতু-রুষসা মেত্যগ্রে ।
ভাগ-ন্দেবেভ্যো বিদধাত্যায-ন্প্রচন্দ্রমাস্তিরতি দীর্ঘমাযুঃ ।
যমাদিত্যা অগ্ংশুমাপ্যাযযন্তি যমক্ষিত-মক্ষিতযঃ পিবন্তি ।
তেন নো রাজা বরুণো বৃহস্পতি রাপ্যাযযন্তু ভুবনস্য গোপাঃ ।
37.32 অহো রাত্রী
যে বিরূপে সমনসা সংব্যঁযন্তী । সমান-ন্তন্তুং পরিতা-তনাতে ।
বিভূ প্রভূ অনুভূ বিশ্বতো হুবে । তে নো নক্ষত্রে হবমাগমেতম্ ।
বয-ন্দেবী ব্রহ্মণা সংবিঁদানাঃ । সুরত্নাসো দেববীতিং দধানাঃ ॥ 108 ॥
অহোরাত্রে হবিষা বর্ধযন্তঃ । অতি পাপ্মান-মতিমুক্ত্যা গমেম ॥
37.33 উষা
প্রত্যুব দৃশ্যাযতী । ব্যুচ্ছন্তী দুহিতা দিবঃ । অপো মহী বৃণুতে চক্ষুষা । তমো জ্যোতিষ্-কৃণোতি সূনরী ।
উদু স্ত্রিযাস্সচতে সূর্যঃ । স চা উদ্যন্নক্ষত্র মর্চিমত্ ।
তবে দুষো ব্যুষি সূর্যস্য চ । সম্ভক্তেন গমেমহি ॥ 109 ॥
37.34 নক্ষত্রঃ
তন্নো নক্ষত্র মর্চিমত্ । ভানুমত্তেজ উচ্ছরত্ । উপ যজ্ঞমিহাগমত্ । প্রনক্ষত্রায দেবায । ইন্দ্রাযেন্দুগ্ং হবামহে । স ন স্সবিতা সুব-থ্সনিম্ । পুষ্টিদাং-বীঁরবত্তমম্ ॥
37.35 সূর্যঃ
উদুত্য-ঞ্চিত্রম্ ॥
উদুত্য-ঞ্জাতবেদস-ন্দেবং-বঁহন্তি কেতবঃ । দৃশে বিশ্বায সূর্যম্ ।
চিত্র-ন্দেবানা মুদগাদনীকং চক্ষু-র্মিত্রস্য বরুণস্যাগ্নেঃ ॥ 110 ॥
আ-ঽপ্রা দ্যাবাপৃথিবী অন্তরিক্ষ সূর্য আত্মা জগতস্তস্থুষশ্চ ॥
37.36 অদিতিঃ
অদিতির্ন উরুষ্যতু মহীমূষু মাতরম্ ॥
অদিতির্ন উরুষ্য-ত্বদিতি-শ্শর্ম যচ্ছতু । অদিতিঃ পাত্বগ্ং হসঃ ॥
মহীমূষু মাতরগ্ং সুব্রতানা-মৃতস্য পত্নী মবসে হুবেম ।
তুবিক্ষত্রা-মজরন্তী মুরূচীগ্ং সুশর্মাণ-মদিতিগ্ং সুপ্রণীতিম্ ।
37.37 বিষ্ণুঃ
ইদং-বিঁষ্ণু প্রতদ্বিষ্ণুঃ ॥
ইদং-বিঁষ্ণু-র্বিচক্রমে ত্রেধা নিদধে পদম্ । সমূঢমস্য পাগ্ং সুরে ॥
প্রতদ্বিষ্ণু স্তবতে বীর্যায । মৃগো ন ভীমঃ কুচরো গিরিষ্ঠাঃ । যস্যোরুষু ত্রিষু বিক্রমণেষু । অধিক্ষিযন্তি ভুবনানি বিশ্বা ॥ 111 ॥
37.38 অগ্নিঃ
অগ্নি-র্মূর্ধা ভুবঃ ॥
অগ্নি-র্মূর্ধা দিবঃ ককুত্পতিঃ পৃথিব্যা অযম্ । অপাগ্ং রেতাগ্ংসি জিন্বতি ॥ ভুবো যজ্ঞস্য রজসশ্চ নেতা যত্রা নিযুদ্ভি-স্সচসে
শিবাভিঃ । দিবি মূর্ধানং দধিষে সুবর্ষা-ঞ্জিহ্বামগ্নে চকৃষে হব্যবাহম্ ।
37.39 অনুমত
অনুনো-ঽদ্যানুমতি-রন্বিদনুমতে ত্বম্ ॥
অনুনো-ঽদ্যানুমতি র্যজ্ঞ-ন্দেবেষু মন্যতাম্ । অগ্নিশ্চ হব্যবাহনো ভবতা-ন্দাশুষে মযঃ ।
অন্বিদনুমতে ত্ব-ম্মন্যাসৈ শঞ্চ নঃ কৃধি । ক্রত্বে দক্ষায নো হিনু প্রণ আযূগ্ংষি তারিষঃ ।
37.40 হব্যবাহঃ (অগ্নিঃ)
হব্যবাহগ্গ্ স্বিষ্টম্ ॥
হব্যবাহমভি-মাতিষাহম্ । রক্ষোহণং পৃতনাসু জিষ্ণুম্ ।
জ্যোতিষ্মন্তং দীদ্যতং পুরন্ধিম্ । অগ্নিগ্গ্ স্বিষ্ট কৃতমা হুবেম ।
স্বিষ্ট মগ্নে অভিত-ত্পৃণাহি । বিশ্বা দেব পৃতনা অভিষ্য ।
উরুন্নঃ পন্থা-ম্প্রদিশন্ বিভাহি । জ্যোতিষ্মদ্ধেহ্য জরন্ন আযুঃ ॥ 112/28 ॥
38 নক্ষত্র উপহোম মন্ত্রাঃ
(তৈ. ব্রা. 3.1.4.1-3.1.6.7)
38.1 কৃত্তিকা
অগ্নযে স্বাহা কৃত্তিকাভ্য স্স্বাহা । অম্বাযৈ স্বাহা দুলাযৈ স্বাহা । নিতত্ন্যৈ স্বাহা ঽভ্রযন্ত্যৈ স্বাহা । মেঘযন্ত্যৈ স্বাহা বর্ষযন্ত্যৈ স্বাহা । চুপুণীকাযৈ স্বাহা ॥
38.2 রোহিণী
প্রজাপতযে স্বাহা রোহিণ্যৈ স্বাহা । রোচমানাযৈ স্বাহা প্রজাভ্য স্বাহা ॥
38.3 মৃগশী.র্ষঃ
সোমায স্বাহা মৃগশীর্ষায স্বাহা । ইন্বকাভ্য স্স্বাহৌষধীভ্য স্স্বাহা । রাজ্যায স্বাহা-ঽভিজিত্যৈ স্বাহা ॥ 113 ॥
38.4 আর্দ্রা
রুদ্রায স্বাহা-ঽঽর্দ্রাযৈ স্বাহা । পিন্বমানাযৈ স্বাহা পশুভ্য স্স্বাহা ॥
38.5 পুনর্বসু
অদিত্যৈ স্বাহা পুনর্বসুভ্যাম্ । স্বাহা-ঽঽভূত্যৈ স্বাহা প্রজাত্যৈ স্বাহা ॥
38.6 পুষ্যঃ
বৃহস্পতযে স্বাহা তিষ্যায স্বাহা । ব্রহ্মবর্চসায স্বাহা ॥
38.7 আশ্রেষ
সর্পেভ্য স্স্বাহা ঽঽশ্রেষাভ্য স্স্বাহা । দন্দশূকেভ্য স্স্বাহা ॥
38.8 মঘা
পিতৃভ্য স্স্বাহা মঘাভ্যঃ । স্বাহা ঽনঘাভ্য স্স্বাহা ঽগদাভ্যঃ । স্বাহারুন্ধতীভ্য স্স্বাহা ॥ 114 ॥
38.9 পূর্ব ফল্গুনী
অর্যম্ণে স্বাহা ফল্গুনীভ্যাগ্ স্বাহা । পশুভ্য স্স্বাহা ॥
38.10 উত্তর ফল্গুনী
ভগায স্বাহা ফল্গুনীভ্যাগ্ স্বাহা । শ্রৈষ্ঠ্যায স্বাহা ॥
38.11 হস্তঃ
সবিত্রে স্বাহা হস্তায । স্বাহা দদতে স্বাহা পৃণতে । স্বাহা প্রযচ্ছতে স্বাহা প্রতিগৃভ্ণতে স্বাহা ॥
38.12 চিত্রা
ত্বষ্ট্রে স্বাহা চিত্রাযৈ স্বাহা । চৈত্রায স্বাহা প্রজাযৈ স্বাহা ॥
38.13 স্বাতি
বাযবে স্বাহা নিষ্ট্যাযৈ স্বাহা । কামচারায স্বাহা ঽভিজিত্যৈ স্বাহা ॥
38.14 বিশাখা
ইন্দ্রাগ্নিভ্যাগ্ স্বাহা বিশাখাভ্যাগ্ স্বাহা । শ্রৈষ্ঠ্যায স্বাহা ঽভিজিত্যৈ স্বাহা ॥
38.15 পৌর্ণমাসি
পৌর্ণমাস্যৈ স্বাহা কামায স্বাহা-ঽঽগত্যৈ স্বাহা ॥ 115 (29) ॥
38.16 অনূরাধা
মিত্রায স্বাহা-ঽনূরাধেভ্য স্স্বাহা । মিত্রধেযায স্বাহা-ঽভিজিত্যৈ স্বাহা ॥
38.17 জ্যেষ্ঠা
ইন্দ্রায স্বাহা জ্যেষ্ঠাযৈ স্বাহা । জ্যৈষ্ঠ্যায স্বাহা-ঽভিজিত্যৈ স্বাহা ॥
38.18 মূলং
প্রজাপতযে স্বাহা মূলায স্বাহা । প্রজাযৈ স্বাহা ॥
38.19 পূর্বাষাঢা
অদ্ভ্য স্স্বাহা ঽষাঢাভ্য স্স্বাহা । সমুদ্রায স্বাহা কামায স্বাহা । অভিজিত্যৈ স্বাহা ॥
38.20 উত্তরাষাঢা
বিশ্বেভ্যো দেবেভ্য স্স্বাহা ঽষাঢাভ্য স্স্বাহা । অনপজয্যায স্বাহা জিত্যৈ স্বাহা ॥ 116 ॥
38.21 অভিজিত্
ব্রহ্মণে স্বাহা ঽভিজিতে স্বাহা । ব্রহ্মলোকায স্বাহা ঽভিজিত্যৈ স্বাহা ॥
38.22 শ্রবণং
বিষ্ণবে স্বাহা শ্রোণাযৈ স্বাহা । শ্লোকায স্বাহা শ্রুতায স্বাহা ॥
38.23 শ্রবিষ্ঠা
বসুভ্য স্স্বাহা শ্রবিষ্ঠাভ্য স্স্বাহা । অগ্রায স্বাহা পরীত্যৈ স্বাহা ॥
38.24 শতভিষক্
বরুণায স্বাহা শতভিষজে স্বাহা । ভেষজেভ্য স্স্বাহা ॥
38.25 পূর্ব প্রোষ্ঠপদা
অজাযৈকপদে স্বাহা প্রোষ্ঠপদেভ্য স্স্বাহা ॥ 117 ॥
তেজসে স্বাহা ব্রহ্মবর্চসায স্বাহা ॥
38.26 উত্তর প্রোষ্ঠপদা
অহযে বুধ্নিযায স্বাহা প্রোষ্ঠপদেভ্য স্স্বাহা । প্রতিষ্ঠাযৈ স্বাহা ॥
38.27 রেবতি
পূষ্ণে স্বাহা রেবত্যৈ স্বাহা । পশুভ্য স্স্বাহা ॥
38.28 অশ্বিনী
অশ্বিভ্যাগ্ স্বাহা ঽশ্বযুগ্ভ্যাগ্ স্বাহা । শ্রোত্রায স্বাহা শ্রুত্যৈ স্বাহা ॥
38.29 অপভরণি
যমায স্বাহা ঽপভরণীভ্য স্স্বাহা । রাজ্যায স্বাহা ঽভিজিত্যৈ স্বাহা ॥
38.30 অমাবাসি
অমবাস্যাযৈ স্বাহা কামায স্বাহা ঽঽগত্যৈ স্বাহা ॥ 118 (30) ॥
38.31 চন্দ্রমা
চন্দ্রমসে স্বাহা প্রতীদৃশ্যাযৈ স্বাহা । অহোরাত্রেভ্য স্স্বাহা-ঽর্ধমাসেভ্য স্স্বাহা । মাসেভ্য স্স্বাহর্তুভ্য স্স্বাহা । সংবঁথ্সরায স্বাহা ॥
38.32 অহো রাত্রী
অহ্নে স্বাহা রাত্রিযৈ স্বাহা । অতিমুক্ত্যৈ স্বাহা ॥
38.33 উষা
উষসে স্বাহা ব্যুষ্ট্যৈ স্বাহা । ব্যূষুষ্যৈ স্বাহা ব্যুচ্ছন্ত্যৈ স্বাহা । ব্যুষ্টাযৈ স্বাহা ॥
38.34 নক্ষত্রঃ
নক্ষত্রায স্বাহোদেষ্যতে স্বাহা ॥ 119 ॥
উদ্যতে স্বাহো-দিতায স্বাহা । হরসে স্বাহা ভরসে স্বাহা ।
ভ্রাজসে স্বাহা তেজসে স্বাহা । তপসে স্বাহা ব্রহ্মবর্চসায স্বাহা ॥
38.35 সূর্যঃ
সূর্যায স্বাহা নক্ষত্রেভ্য স্স্বাহা । প্রতিষ্ঠাযৈ স্বাহা ॥
38.36 অদিতিঃ
অদিত্যৈ স্বাহা প্রতিষ্ঠাযৈ স্বাহা ॥
38.37 বিষ্ণুঃ
বিষ্ণবে স্বাহা যজ্ঞায স্বাহা । প্রতিষ্ঠাযৈ স্বাহা ॥ 120 ॥
দধিক্রাব্ণ্ণো অকারিষং
দধিক্রাব্ণ্ণো অকারিষম্ । জিষ্ণো রশ্বস্য বাজিনঃ । সুরভি নো মুখা করত্ । প্রণ আযূগ্ংষি তারিষত্ । আপোহিষ্ঠা মযোভুবস্তা ন ঊর্জে দধাতন । মহে রণায চক্ষসে ।
যো বশ্শিবতমো রসস্তস্য ভাজয-তেহ নঃ । উশতীরিব মাতরঃ । তস্মা অরঙ্গমাম বো যস্য ক্ষযায জিন্বথ । আপো জনযথা চ নঃ ॥ 121 (32) ॥
39 বরুণ সূক্তং
(তৈ. সং. 1.5.11.3)
উদুত্তমং-বঁরুণ পাশমস্ম-দবাধমং-বিঁমধ্যমগ্গ্ শ্রথায ।
অথা বযমাদিত্য ব্রতে তবানাগসো অদিতযে স্যাম ॥ (তৈ. সং. 1.2.8.1 )
অস্তভ্নাদ্ধ্যা-মৃষভো অন্তরিক্ষ-মমিমীত-বরিমাণ-ম্পৃথিব্যা
আ-ঽসীদদ্বিশ্বা ভুবনানি সম্রা-ড্বিশ্বেত্তানি বরুণস্য ব্রতানি ॥ (তৈ. সং. 3.4.11.6)
যত্কিঞ্চেদং-বঁরুণ দৈব্যে জনে-ঽভিদ্রোহ-ম্মনুষ্যা-শ্চরামসি ।
অচিত্তী-যত্তব-ধর্মা যুযোপিম-মানস্তস্মা দেনসো দেব রীরিষঃ ॥ (তৈ. সং. 3.4.11.6)
কিতবাসো যদ্রিরিপুর্ন দীবি যদ্বা ঘা সত্য-মুতযন্ন বিদ্ম ।
সর্বাতাবিষ্য শিথিরেব দেবাথাতে-স্যাম বরুণ প্রিযাসঃ ॥ (তৈ. সং. 1.5.11.3)
অবতেহেডো বরুণ নমোভিরব যজ্ঞে-ভিরীমহে হবির্ভিঃ ।
ক্ষযন্ন স্মভ্য মসুর-প্রচেতো রাজন্নেনাগ্ংসি শিশ্রথঃ কৃতানি ॥ (তৈ. সং. 2.1.11.6)
তত্বাযামি ব্রহ্মণা বন্দমান স্তদাশাস্তে যজমানো হবির্ভিঃ । অহেডমানো বরুণেহ বোদ্ধ্যুরুশগ্ং স মা ন আযুঃ প্রমোষীঃ ॥ 122 (33) ॥
40 পবমান সূক্তং
হিরণ্যবর্ণা-শ্শুচযঃ পাবকা যাসুজাতঃ কশ্যপো যাস্বিন্দ্রঃ ।
অগ্নিংযাঁ গর্ভংদধিরে বিরূপাস্তা ন আপশ্শগ্গ্ স্যোনা ভবন্তু ॥ যাসাগ্ং রাজা বরুণো যাতি মধ্যে সত্যানৃতে অবপশ্যন্ জনানাম্ ।
মধুশ্চুত-শ্শুচযোযাঃ পাবকাস্তা ন আপশ্শগ্গ্ স্যোনা ভবন্তু ॥ যাসাং দেবাদিবি কৃণ্বন্তি ভক্ষংযাঁ অন্তরিক্ষে বহুধা ভবন্তি ।
যাঃ পৃথিবী-ম্পযসোন্দন্তি শুক্রাস্তা ন আপশ্শগ্গ্ স্যোনা ভবন্তু ॥ শিবেন মা চক্ষুষা পশ্যতাপ শ্শিবযা তনুবো-পস্পৃশত ত্বচ-ম্মে ।
সর্বাগ্ং অগ্নীগ্ং রফ্সুষদো হুবে বো মযি বর্চো বলমোজো নিধত্ত ॥ 123 (34) ॥
(তৈ. ব্রা. 1.4.8.1)
পবমান-স্সুবর্জনঃ । পবিত্রেণ বিচর্ষণিঃ । যঃ পোতা স পুনাতু মা । পুনন্তু মা দেবজনাঃ । পুনন্তু মন
বোধিযা । পুনন্তু বিশ্ব আযবঃ । জাতবেদঃ পবিত্রবত্ । পবিত্রেণ পুনাহি মা । শুক্রেণ দেব দীদ্যত্ । অগ্নে ক্রত্বা-ক্রতূগ্ং রনু ॥ 124 ॥
যত্তে পবিত্র-মর্চিষি । অগ্নে বিতত-মন্তরা । ব্রহ্ম তেন পুনীমহে । উভাভ্যাং দেব সবিতঃ । পবিত্রেণ সবেন চ । ইদ-ম্ব্রহ্ম পুনীমহে ।
বৈশ্বদেবী পুনতী দেব্যাগাত্ । যস্যৈ বহ্বী-স্তনুবো বীতপৃষ্ঠাঃ । তযা মদন্ত-স্সধমাদ্যেষু । বযগ্গ্ স্যাম পতযোরযীণাম্ ॥ 125 ॥
বৈশ্বানরো রশ্মিভির্মা পুনাতু । বাতঃ প্রাণেনে ষিরো মযো ভূঃ ।
দ্যাবাপৃথিবী পযসা পযোভিঃ । ঋতাবরী যজ্ঞিযে মা পুনীতাম্ । বৃহদ্ভিঃ সবিতস্তৃভিঃ । বর্ষিষ্ঠৈ-র্দেব মন্মভিঃ । অগ্নে দক্ষৈঃ পুনাহি মা । যেন দেবা অপুনত । যে-নাপো দিব্য-ঙ্কশঃ । তেন দিব্যেন ব্রহ্মণা ॥ 126 ॥
ইদ-ম্ব্রহ্ম পুনীমহে । যঃ পাবমানী-রদ্ধ্যেতি । ঋষিভি-স্সম্ভৃতগ্ং রসম্ । সর্বগ্ং স পূতমশ্নাতি । স্বদিত-ম্মাতরিশ্বনা । পাবমানীর্যো অদ্ধ্যেতি ।
ঋষিভি-স্সম্ভৃতগ্ং রসম্ । তস্মৈ সরস্বতী দুহে । ক্ষীরগ্ং সর্পি-র্মধূদকম্ । পাবমানী-স্স্বস্ত্যযনীঃ ॥ 127 ॥
সুদুঘাহি পযস্বতীঃ । ঋষিভি-স্সম্ভৃতো রসঃ । ব্রাহ্মণেষ্ব-মৃতগ্ং হিতম্ । পাবমানী-র্দিশন্তু নঃ । ইমং-লোঁকমথো অমুম্ । কামান্-থ্সমর্ধযন্তু নঃ । দেবীর্দেবৈ-স্সমাভৃতাঃ । পাবমানী-স্স্বস্ত্যযনীঃ । সুদুঘাহি ঘৃতশ্চুতঃ । ঋষিভি-স্সম্ভৃতো রসঃ ॥ 128 ॥
ব্রাহ্মণেষ্ব-মৃতগ্ং হিতম্ । যেন দেবাঃ পবিত্রেণ । আত্মানং পুনতে সদা । তেন সহস্র ধারেণ । পাবমান্যঃ পুনন্তু মা । প্রাজাপত্য-ম্পবিত্রম্ । শতোদ্যামগ্ং হিরণ্মযম্ । তেন ব্রহ্ম বিদো বযম্ । পূত-ম্ব্রহ্ম পুনীমহে । ইন্দ্র-স্সুনীতী সহ মা পুনাতু । সোম-স্স্বস্ত্যা বরুণ-স্সমীচ্যা । যমো রাজা প্রমৃণাভিঃ পুনাতুমা । জাতবেদা মোর্জযন্ত্যা পুনাতু । ও-ম্ভূর্ভুবস্সুবঃ ॥ 129 ॥
(তৈ. ব্রা. 3.5.11.1)
তচ্ছংঁযোরা বৃণীমহে । গাতুং-যঁজ্ঞায । গাতুং-যঁজ্ঞপতযে । দৈবীস্বস্তি-রস্তুনঃ । স্বস্তি-র্মানুষেভ্যঃ । ঊর্ধ্ব-ঞ্জিগাতু ভেষজম্ । শন্নো অস্তু দ্বিপদে । শঞ্চতুষ্পদে ॥ 130 (36) ॥
ওঁ শান্তি-শ্শান্তি-শ্শান্তিঃ ॥
41 আযুষ্য সূক্তং
যো ব্রহ্মাব্রহ্মণ উজ্জভার প্রাণেশ্বরঃ (যো ব্রহ্মা ব্রহ্মণ উজ্জহার প্রাণৈ-শ্শিরঃ) কৃত্তিবাসাঃ পিনাকী ।
ঈশানো দেবস্সন আযুর্দধাতু তস্মৈ জুহোমি হবিষা ঘৃতেন ॥ 1 ॥
বিভ্রাজমান-স্সরিরস্য মধ্যাদ্ রোচমানো ঘর্মরুচির্য আগাত্ ।
স মৃত্যুপাশা-নপনুদ্য ঘোরা-নিহাযুষেণো ঘৃতমত্তু দেবঃ ॥ 2 ॥
ব্রহ্মজ্যোতির্ ব্রহ্মপত্নীষু গর্ভং-যঁমাদধা-ত্পুরুরূপ-ঞ্জযন্তম্ ।
সুবর্ণরম্ভ-গ্রহ-মর্কমর্চ্য-ন্তমাযুষে বর্ধযামো ঘৃতেন ॥ 3 ॥
শ্রিযং-লঁক্ষ্মী-মৌপলাং অম্বিকা-ঙ্গাং ষষ্টীঞ্চ যামিন্দ্রসেনেত্যুদাহুঃ ।
তাং-বিঁদ্যা-ম্ব্রহ্মযোনিগ্ং সরূপা-মিহাযুষে তর্পযামো ঘৃতেন ॥ 4 ॥
দাক্ষাযণ্য-স্সর্বযোন্য স্সুযোন্য-স্সহস্রশো বিশ্ব রূপা বিরূপাঃ ।
সসূনব-স্সপতয-স্সযূথ্যা আযুষেণো ঘৃতমিদ-ঞ্জুষন্তাম্ ॥ 5 ॥
দিব্যা গণা বহুরূপাঃ পুরাণা আযুশ্ছিদো নঃ প্রমথ্নন্তু বীরান্ ।
তেভ্যো জুহোমি বহুধা ঘৃতেন মা নঃ প্রজাগ্ং রীরিষো মোত বীরান্ ॥ 6 ॥
একঃ পুরস্তাত্ য ইদ-ম্বভূব যতো বভূব ভুবনস্য গোপাঃ ।
যমপ্যেতি ভুবনগ্ং সাম্পরাযে স নো হবির্ ঘৃত-মিহাযুষে'ত্তু দেবঃ ॥ 7 ॥
বসূ-ন্রুদ্রানা-দিত্যা-ন্মরুতো'থ সাদ্ধ্যান্ ঋভূন্ যক্ষা-ন্গন্ধর্বাগ্ংশ্চ পিতৃগ্ংশ্চ বিশ্বান্ ।
ভৃগূন্-থ্সর্পাগ্ংশ্চা-ঙ্গিগরসো'থ সর্বা-ন্ঘৃতগ্ং হুত্বা স্বাযুষ্যা মহযাম শশ্বত্ ॥ 8 ॥
বিষ্ণো ত্বন্নো অন্তম-শ্শর্মযচ্ছ সহন্ত্য ।
প্রতে ধারা মধুশ্চুত উথ্সন্দুহ্রতে অক্ষিতম্ ॥ (তৈ. সং. 3.1.10.3) ॥
নমো ব্রহ্মণে নমো অস্ত্বগ্নযে নমঃ পৃথিব্যৈ নম ওষধীভ্যঃ ।
নমো বাচে নমো বাচস্পতযে নমো বিষ্ণবে বৃহতে করোমি ॥ (তৈ. অর. 2.12.1) ॥
(এব-ন্ত্রিঃ)
যদক্ষরপদভ্রষ্ট-ম্মাত্রাহীন-ন্তু যদ্ভবেত্ ।
তত্সর্ব-ঙ্ক্ষম্যতা-ন্দেব নারাযণ নমো'স্তুতে ॥
বিসর্গ বিন্দু মাত্রাণি পদপাদাক্ষরাণি চ ।
ন্যূনাতিরিক্তং-যঁত্কিঞ্চিদভিগীর্ভিরুদীর্যতে ॥
আভির্ গীর্ভির্ যদতোন ঊনমাপ্যাযয হরিবো বর্ধমানঃ ।
যদা স্তোতৃভ্যো মহি গোত্রা রুজাসি ভূযিষ্ঠভাজো অধতে শ্যাম ।
ব্রহ্ম প্রাবাদিষ্ম তন্নো মাহাসীত্ ।
ওঁ শান্তি-শ্শান্তি-শ্শান্তিঃ ॥ (তৈ. অর. 4.42.5)
হরিঃ ওম্ । শ্রীকৃষ্ণার্পণমস্তু ॥
ও-ন্তত্সত্ ব্রহ্মার্পণমস্তু ॥
ইত্যুদকশান্তিমন্ত্রাঃ ॥