ಉದಕ ಶಾನ್ತಿ (ಪುಣ್ಯಾಹ ವಾಚನಂ)

1 ಕಲಶ ಪ್ರತಿಷ್ಠಾಪನ ಪ್ರಯೋಗ ಮನ್ತ್ರಾಃ
ಬ್ರಹ್ಮಜಜ್ಞಾನ-ಮ್ಪ್ರಥಮ-ಮ್ಪುರಸ್ತಾ-ದ್ವಿಸೀಮತ-ಸ್ಸುರುಚೋ ವೇನ ಆವಃ ।
ಸ ಬುಧ್ನಿಯಾ ಉಪಮಾ ಅಸ್ಯ ವಿಷ್ಠಾ-ಸ್ಸತಶ್ಚ ಯೋನಿ-ಮಸತಶ್ಚ ವಿವಃ ।
ನಾಕೇ ಸುಪರ್ಣ ಮುಪಯ-ತ್ಪತನ್ತಗ್ಂ ಹೃದಾ ವೇನನ್ತೋ ಅಭ್ಯಚಕ್ಷ-ತತ್ವಾ ।
ಹಿರಣ್ಯಪಕ್ಷಂ-ವಁರುಣಸ್ಯ ದೂತಂ-ಯಁಮಸ್ಯ ಯೋನೌ ಶಕುನ-ಮ್ಭುರಣ್ಯುಮ್ ।
ಆಪ್ಯಾಯಸ್ವ ಸಮೇತು ತೇ ವಿಶ್ವತಃ ಸೋಮ ವೃಷ್ಣಿಯಮ್ । ಭವಾ ವಾಜಸ್ಯ ಸಙ್ಗಥೇ ।
ಯೋ ರುದ್ರೋ ಅಗ್ನೌ ಯೋ ಅಫ್ಸು ಯ ಓಷಧೀಷು ಯೋ ರುದ್ರೋ ವಿಶ್ವಾ
ಭುವನಾ-ಽಽವಿವೇಶ ತಸ್ಮೈ ರುದ್ರಾಯ ನಮೋ ಅಸ್ತು । 1 (ಅಪ ಉಪಸ್ಪೃಶ್ಯ)
ಇದಂ-ವಿಁಷ್ಣು ರ್ವಿಚಕ್ರಮೇ ತ್ರೇಧಾ ನಿದಧೇ ಪದಮ್ । ಸಮೂಢಮಸ್ಯ ಪಾಗ್ಂ ಸುರೇ ।
ಇನ್ದ್ರಂ-ವಿಁಶ್ವಾ ಅವೀವೃಧನ್-ಥ್ಸಮುದ್ರವ್ಯಚಸ-ಙ್ಗಿರಃ ।
ರಥೀತಮಗ್ಂ ರಥೀನಾಂ-ವಾಁಜಾನಾಗ್ಂ ಸತ್ಪತಿ-ಮ್ಪತಿಮ್ ।
ಆಪೋ ವಾ ಇದಂಗ್ಂ ಸರ್ವಂ-ವಿಁಶ್ವಾ ಭೂತಾನ್ಯಾಪಃ ಪ್ರಾಣಾ ವಾ ಆಪಃ ಪಶವ ಆಪೋ-ಽನ್ನಮಾಪೋ-ಽಮೃತಮಾಪ-ಸ್ಸಮ್ರಾಡಾಪೋ ವಿರಾಡಾಪ-ಸ್ಸ್ವರಾಡಾಪ-ಶ್ಛನ್ದಾಗ್ಶ್ಯಾಪೋ ಜ್ಯೋತೀಗ್ಷ್ಯಾಪೋ ಯಜೂಗ್ಷ್ಯಾಪ-ಸ್ಸತ್ಯಮಾಪ-ಸ್ಸರ್ವಾ ದೇವತಾ ಆಪೋ ಭೂರ್ಭುವಸ್ಸುವರಾಪ ಓಮ್ । 2
ಅಪಃ ಪ್ರಣಯತಿ । ಶ್ರದ್ಧಾ ವಾ ಆಪಃ । ಶ್ರದ್ಧಾಮೇವಾರಭ್ಯ ಪ್ರಣೀಯ ಪ್ರಚರತಿ ।
ಅಪಃ ಪ್ರಣಯತಿ ।
ಯಜ್ಞೋ ವಾ ಆಪಃ । ಯಜ್ಞಮೇವಾರಭ್ಯ ಪ್ರಣೀಯ ಪ್ರಚರತಿ । ಅಪಃ ಪ್ರಣಯತಿ ।
ವಜ್ರೋ ವಾ ಆಪಃ । ವಜ್ರಮೇವ ಭ್ರಾತೃವ್ಯೇಭ್ಯಃ ಪ್ರಹೃತ್ಯ ಪ್ರಣೀಯ ಪ್ರಚರತಿ ।
ಅಪಃ ಪ್ರಣಯತಿ ।
ಆಪೋ ವೈ ರಕ್ಷೋಘ್ನೀಃ । ರಕ್ಷಸಾಮಪಹತ್ಯೈ । ಅಪಃ ಪ್ರಣಯತಿ ।
ಆಪೋ ವೈ ದೇವಾನಾ-ಮ್ಪ್ರಿಯ-ನ್ಧಾಮ । ದೇವಾನಾಮೇವ ಪ್ರಿಯ-ನ್ಧಾಮ ಪ್ರಣೀಯ ಪ್ರಚರತಿ । ಅಪಃ ಪ್ರಣಯತಿ ।
ಆಪೋ ವೈ ಸರ್ವಾ ದೇವತಾಃ । ದೇವತಾ ಏವಾರಭ್ಯ ಪ್ರಣೀಯ ಪ್ರಚರತಿ ।
ಅಪಃ ಪ್ರಣಯತಿ ।
ಆಪೋ ವೈ ಶಾನ್ತಾಃ । ಶಾನ್ತಾಭಿರೇವಾಸ್ಯ ಶುಚಗ್ಂ ಶಮಯತಿ । ದೇವೋ ವಃ
ಸವಿತೋ-ತ್ಪುನಾತ್ವ-ಚ್ಛಿದ್ರೇಣ ಪವಿತ್ರೇಣ ವಸೋಸ್ಸೂರ್ಯಸ್ಯ ರಶ್ಮಿಭಿಃ ॥ 3
2 ವೇದಾರಮ್ಭೇ ಸರ್ವಸಾಧಾರಣ್ಯೇನ ಜಪ್ಯಾಃ ಮನ್ತ್ರಾಃ
ಓ-ಮ್ಭೂಃ ತಥ್ಸವಿತು-ರ್ವರೇಣ್ಯಮ್ । ಓ-ಮ್ಭುವಃ ಭರ್ಗೋ ದೇವಸ್ಯ ಧೀಮಹಿ । ಓಗ್ಂ ಸುವಃ ಧಿಯೋ ಯೋನಃ ಪ್ರಚೋದಯಾತ್ ।
ಓ-ಮ್ಭೂಃ ತಥ್ಸವಿತು-ರ್ವರೇಣ್ಯಮ್ । ಭರ್ಗೋ ದೇವಸ್ಯ ಧೀಮಹಿ । ಓ-ಮ್ಭುವಃ ಧಿಯೋ ಯೋನಃ ಪ್ರಚೋದಯಾತ್ ।
ಓಗ್ಂ ಸುವಃ ತಥ್ಸವಿತು-ರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ । ಧಿಯೋ ಯೋನಃ ಪ್ರಚೋದಯಾತ್ । ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ।
3 ವೇದಾದಯಃ
ಅಗ್ನಿಮೀಲೇ ಪುರೋಹಿತಂ-ಯಜ್ಞಸ್ಯ
ದೇವಮೃತ್ವಿಜಮ್ । ಹೋತಾರಂ ರತ್ನ ಧಾತಮಮ್ ।
ಇಷೇ ತ್ವೋರ್ಜೇತ್ವಾ ವಾಯವಸ್ಸ್ಥೋ ಪಾಯವಸ್ಥ ದೇವೋ ವಸ್ಸವಿತಾ ಪ್ರಾರ್ಪಯತು ಶ್ರೇಷ್ಠತಮಾಯ ಕರ್ಮಣೇ ।
ಅಗ್ನ ಆಯಾಹಿ ವೀತಯೇ ಗೃಣಾನೋ ಹವ್ಯದಾತಯೇ । ನಿಹೋತಾ ಸಥ್ಸಿ ಬರ್ಹಿಷಿ ।
ಶನ್ನೋ ದೇವೀರಭಿಷ್ಟಯ ಆಪೋ ಭವನ್ತು ಪೀತಯೇ । ಶಂ-ಯೋಁರಭಿಸ್ರವನ್ತು ನಃ ॥ 1 (1) ॥
4 ರಕ್ಷೋಘ್ನಂ
ಕೃಣುಷ್ವ ಪಾಜಃ ಪ್ರಸಿತಿನ್ನ ಪೃಥ್ವೀಂ-ಯಾಁಹಿ ರಾಜೇ ವಾಮವಾಗ್ಂ ಇಭೇನ । ತೃಷ್ವೀಮನು ಪ್ರಸಿತಿಂ-ದ್ರೂಣಾನೋ-ಽಸ್ತಾ-ಽಸಿ ವಿದ್ಧ್ಯ ರಕ್ಷಸ ಸ್ತಪಿಷ್ಠೈಃ । ತವ ಭ್ರಮಾಸ ಆಶುಯಾ ಪತಂ ತ್ಯನುಸ್ಪೃಶ-ಧೃಷತಾ ಶೋಶುಚಾನಃ । ತಪೂಗ್ಷ್ಯಗ್ನೇ ಜುಹ್ವಾ ಪತಂ-ಗಾನಸನ್ದಿತೋ ವಿಸೃಜ ವಿಷ್ವ ಗುಲ್ಕಾಃ । ಪ್ರತಿಸ್ಪಶೋ ವಿಸೃಜ-ತೂರ್ಣಿತಮೋ ಭವಾ ಪಾಯುರ್ವಿಶೋ ಅಸ್ಯಾ ಅದಬ್ಧಃ ॥ 2 ॥
ಯೋನೋ ದೂರೇ ಅಘಶಗ್ಂಸೋಯೋ ಅನ್ತ್ಯಗ್ನೇ ಮಾಕಿಷ್ಟೇ ವ್ಯಥಿರಾ ದಧರ್ಷೀತ್ । ಉದಗ್ನೇ ತಿಷ್ಠ ಪ್ರತ್ಯಾ ತನುಷ್ವನ್ಯಮಿತ್ರಾಗ್ಂ ಓಷತಾ-ತ್ತಿಗ್ಮಹೇತೇ । ಯೋ ನೋ ಅರಾತಿಗ್ಂ ಸಮಿಧಾನ ಚಕ್ರೇ ನೀಚಾ ತನ್ಧಕ್ಷ್ಯತ ಸನ್ನ ಶುಷ್ಕಮ್ । ಊರ್ಧ್ವೋ ಭವ ಪ್ರತಿ ವಿಧ್ಯಾ-ಧ್ಯಸ್ಮದಾ ವಿಷ್ಕೃಣುಷ್ವ ದೈವ್ಯಾನ್ಯಗ್ನೇ । ಅವಸ್ಥಿರಾ ತನುಹಿ ಯಾತು ಜೂನಾ-ಞ್ಜಾಮಿಮಜಾಮಿಂ ಪ್ರಮೃಣೀಹಿ ಶತ್ರೂನ್ ॥ 3 ॥
ಸತೇ ಜಾನಾತಿ ಸುಮತಿಂ-ಯಁ ವಿಷ್ಠಯ ಈವತೇ ಬ್ರಹ್ಮಣೇ ಗಾತುಮೈರತ್ । ವಿಶ್ವಾನ್ಯಸ್ಮೈ ಸುದಿನಾನಿ ರಾಯೋ ದ್ಯುಮ್ನಾನ್ಯರ್ಯೋ ವಿದುರೋ ಅಭಿದ್ಯೌತ್ । ಸೇದಗ್ನೇ ಅಸ್ತು ಸುಭಗ ಸ್ಸುದಾನು-ರ್ಯಸ್ತ್ವಾ ನಿತ್ಯೇನ ಹವಿಷಾ ಯ ಉಕ್ಥೈಃ । ಪಿಪ್ರೀಷತಿ ಸ್ವ ಆಯುಷಿ ದುರೋಣೇ ವಿಶ್ವೇದಸ್ಮೈ ಸುದಿನಾ-ಸಾ-ಽಸದಿಷ್ಟಿಃ । ಅರ್ಚಾಮಿತೇ ಸುಮತಿ-ಙ್ಘೋಷ್ಯರ್ವಾಖ್-ಸನ್ತೇ ವಾ ವಾತಾ ಜರತಾ ಮಿಯಙ್ಗೀಃ ॥ 4 ॥
ಸ್ವಶ್ವಾಸ್ತ್ವಾ ಸುರಥಾ ಮರ್ಜಯೇ-ಮಾಸ್ಮೇ ಕ್ಷತ್ರಾಣಿ ಧಾರಯೇರ-ನುದ್ಯೂನ್ । ಇಹ ತ್ವಾ ಭೂರ್ಯಾ ಚರೇದುಪತ್ಮ-ನ್ದೋಷಾವಸ್ತ-ರ್ದೀದಿವಾಗ್ಂ ಸಮನುದ್ಯೂನ್ । ಕ್ರೀಡನ್ತಸ್ತ್ವಾ ಸುಮನಸ ಸ್ಸಪೇಮಾಭಿ ದ್ಯುಮ್ನಾ ತಸ್ಥಿವಾಗ್ಂಸೋ ಜನಾನಾಮ್ ।
ಯಸ್ತ್ವಾ ಸ್ವಶ್ವಸ್ಸುಹಿರಣ್ಯೋ ಅಗ್ನ ಉಪಯಾತಿ ವಸುಮತಾ ರಥೇನ । ತಸ್ಯ ತ್ರಾತಾ ಭವಸಿ ತಸ್ಯ ಸಖಾ ಯಸ್ತ ಆತಿಥ್ಯ ಮಾನುಷಗ್ ಜುಜೋಷತ್ ॥ 5 ॥
ಮಹೋರುಜಾಮಿ ಬನ್ಧುತಾ ವಚೋ ಭಿಸ್ತನ್ಮಾ ಪಿತುರ್ಗೋತಮಾದ ನ್ವಿಯಾಯ । ತ್ವನ್ನೋ ಅಸ್ಯ ವಚಸ-ಶ್ಚಿಕಿದ್ಧಿ ಹೋತರ್ಯವಿಷ್ಠ ಸುಕ್ರತೋ ದಮೂನಾಃ । ಅಸ್ವಪ್ನ ಜಸ್ತರಣಯ ಸ್ಸುಶೇವಾ ಅತನ್ದ್ರಾಸೋ-ಽವೃಕಾ ಅಶ್ರಮಿಷ್ಠಾಃ । ತೇ ಪಾಯವಃ ಸಧ್ರಿಯಞ್ಚೋ ನಿಷದ್ಯಾಗ್ನೇ ತವ ನಃ ಪಾನ್ತ್ವಮೂರ । ಯೇ ಪಾಯವೋ ಮಾಮತೇಯ-ನ್ತೇ ಅಗ್ನೇ ಪಶ್ಯನ್ತೋ ಅನ್ಧ-ನ್ದುರಿತಾದ ರಕ್ಷನ್ನ್ ।
ರರಕ್ಷ ತಾನ್-ಥ್ಸುಕೃತೋ ವಿಶ್ವವೇದಾ ದಿಫ್ಸನ್ತ ಇದ್ರಿಪವೋ ನಾಹ ದೇಭುಃ ॥ 6 ॥
ತ್ವಯಾ ವಯಗ್ಂ ಸಧನ್ಯ-ಸ್ತ್ವೋತಾ ಸ್ತವ ಪ್ರಣೀತ್ಯ ಶ್ಯಾಮ ವಾಜಾನ್ । ಉಭಾಶಗ್ಂ ಸಾ ಸೂದಯ ಸತ್ಯತಾ ತೇ-ಽನುಷ್ಠುಯಾ ಕೃಣುಹ್ಯ-ಹ್ರಯಾಣ ।
ಅಯಾ ತೇ ಅಗ್ನೇ ಸಮಿಧಾ ವಿಧೇಮ ಪ್ರತಿಸ್ತೋಮಗ್ಂ ಶಸ್ಯಮಾನ-ಙ್ಗೃಭಾಯ । ದಹಾಶಸೋ ರಕ್ಷಸಃ ಪಾಹ್ಯಸ್ಮಾ-ನ್ದ್ರುಹೋ ನಿದೋ ಮಿತ್ರಮಹೋ ಅವದ್ಯಾತ್ । ರಕ್ಷೋಹಣಂ ಁವಾಜಿನಮಾಜಿ ಘರ್ಮಿ ಮಿತ್ರ-ಮ್ಪ್ರಥಿಷ್ಠ ಮುಪಯಾಮಿ ಶರ್ಮ । ಶಿಶಾನೋ ಅಗ್ನಿಃ ಕ್ರತುಭಿ ಸ್ಸಮಿದ್ಧ-ಸ್ಸನೋ ದಿವಾ ಸ ರಿಷಃ
ಪಾತು ನಕ್ತಮ್ ॥ 7 ॥
ವಿಜ್ಯೋತಿಷಾ ಬೃಹತಾ ಭಾತ್ಯಗ್ನಿ ರಾವಿ-ರ್ವಿಶ್ವಾನಿ ಕೃಣುತೇ ಮಹಿತ್ವಾ । ಪ್ರಾದೇವೀರ್ಮಾಯಾ ಸ್ಸಹತೇ ದುರೇವಾ ಶ್ಶಿಶೀತೇ ಶೃಙ್ಗೇ ರಕ್ಷಸೇ ವಿನಿಕ್ಷೇ ।
ಉತಸ್ವಾನಾಸೋ ದಿವಿಷನ್ತ್ವಗ್ನೇ ಸ್ತಿಗ್ಮಾಯುಧಾ ರಕ್ಷಸೇ ಹನ್ತ ವಾ ಉ ।
ಮದೇ ಚಿದಸ್ಯ ಪ್ರರುಜನ್ತಿ ಭಾಮಾ ನವರನ್ತೇ ಪರಿಬಾಧೋ ಅದೇವೀಃ ॥ 8 (2) ॥
5 ಇನ್ದ್ರ ಸೂಕ್ತಂ
ಇನ್ದ್ರಂ ಁವೋ ವಿಶ್ವತಸ್ಪರಿ ಹವಾಮಹೇ ಜನೇಭ್ಯಃ । ಅಸ್ಮಾಕಮಸ್ತು ಕೇವಲಃ । ಇನ್ದ್ರ-ನ್ನರೋ ನೇಮಧಿತಾ ಹವನ್ತೇ ಯತ್ಪಾರ್ಯಾ ಯುನಜತೇ ಧಿಯಸ್ತಾಃ । ಶೂರೋ ನೃಷಾತಾ ಶವಸಶ್ಚಕಾ ನ ಆ ಗೋಮತಿ ವ್ರಜೇ ಭಜಾ ತ್ವನ್ನಃ । ಇನ್ದ್ರಿಯಾಣಿ ಶತಕ್ರತೋ ಯಾ ತೇ ಜನೇಷು ಪಞ್ಚಸು । ಇನ್ದ್ರ ತಾನಿ ತ ಆ ವೃಣೇ । ಅನುತೇ ದಾಯಿ ಮಹ ಇನ್ದ್ರಿಯಾಯ ಸತ್ರಾತೇ ವಿಶ್ವಮನು ವೃತ್ರಹತ್ಯೇ ॥ 9 ॥
ಅನು ಕ್ಷತ್ರಮನು ಸಹೋ ಯಜತ್ರೇನ್ದ್ರ ದೇವೇಭಿರನು ತೇ ನೃಷಹ್ಯೇ । ಆಯಸ್ಮಿನ್-ಥ್ಸಪ್ತವಾಸವಾ ಸ್ತಿಷ್ಠನ್ತಿ ಸ್ವಾರುಹೋ ಯಥಾ ।
ಋಷಿರ್ಹ ದೀರ್ಘ ಶ್ರುತ್ತಮ ಇನ್ದ್ರಸ್ಯ ಘರ್ಮೋ ಅತಿಥಿಃ । ಆಮಾಸು ಪಕ್ವಮೈರಯ ಆ ಸೂರ್ಯಗ್ಂ ರೋಹಯೋ ದಿವಿ । ಘರ್ಮನ್ನ ಸಾಮನ್ತಪತಾ ಸುವೃಕ್ತಿಭಿ-ರ್ಜುಷ್ಟಂ ಗಿರ್ವಣ ಸೇಗಿರಃ । ಇನ್ದ್ರಮಿ-ದ್ಗಾಥಿನೋ ಬೃಹದಿನ್ದ್ರ ಮರ್ಕೇಭಿ ರರ್ಕಿಣಃ । ಇನ್ದ್ರಂ ಁವಾಣೀರನೂಷತ ॥ 10 ॥
ಗಾಯನ್ತಿತ್ವಾ ಗಾಯತ್ರಿಣೋರ್ಚಂ ತ್ಯರ್ಕ ಮರ್ಕಿಣಃ । ಬ್ರಹ್ಮಾಣಸ್ತ್ವಾ ಶತಕ್ರತ-ವುದ್ವಗ್ಂ ಶಮಿವ ಯೇ ಮಿರೇ । ಅಗ್ಂಹೋಮುಚೇ ಪ್ರಭರೇಮಾ ಮನೀಷಾ ಮೋಷಿಷ್ಠ-ದಾವ್ನೇ ಸುಮತಿ-ಙ್ಗೃಣಾನಾಃ ।
ಇದಮಿನ್ದ್ರ ಪ್ರತಿ ಹವ್ಯ-ಙ್ಗೃಭಾಯ ಸತ್ಯಾಸ್ಸನ್ತು ಯಜಮಾನಸ್ಯ ಕಾಮಾಃ । ವಿವೇಷಯನ್ಮಾ ಧಿಷಣಾ ಜಜಾನ ಸ್ತವೈ ಪುರಾ ಪಾರ್ಯಾದಿನ್ದ್ರ ಮಹ್ನಃ । ಅಗ್ಂಹಸೋ ಯತ್ರ ಪೀಪರದ್ಯಥಾ ನೋ ನಾವೇವ ಯಾನ್ತ ಮುಭಯೇ ಹವನ್ತೇ ॥ 11 ॥
ಪ್ರಸಮ್ರಾಜ-ಮ್ಪ್ರಥಮ ಮಧ್ವ-ರಾಣಾಮಗ್ಂ ಹೋ ಮುಚಂ ಁವೃಷಭಂ-ಯಁಜ್ಞಿಯಾನಾಮ್ ।
ಅಪಾನ್ನ-ಪಾತಮಶ್ವಿನಾ ಹಯನ್ತ ಮಸ್ಮಿನ್ನರ ಇನ್ದ್ರಿಯ-ನ್ಧತ್ತಮೋಜಃ । ವಿನ ಇನ್ದ್ರ ಮೃಧೋ ಜಹಿ ನೀ ಚಾ ಯಚ್ಛ ಪೃತನ್ಯತಃ । ಅಧಸ್ಪದ-ನ್ತಮೀ-ಙ್ಕೃಧಿ ಯೋ ಅಸ್ಮಾಗ್ಂ ಅಭಿದಾಸತಿ ।
ಇನ್ದ್ರಕ್ಷತ್ರಮಭಿ ವಾಮಮೋಜೋ ಽಜಾಯಥಾ ವೃಷಭ ಚರ.ಷಣೀನಾಮ್ । ಅಪಾನುದೋ ಜನಮಮಿತ್ರ ಯನ್ತ ಮುರು-ನ್ದೇವೇಭ್ಯೋ ಅಕೃಣೋರು ಲೋಕಮ್ ।
ಮೃಗೋ ನ ಭೀಮಃ ಕುಚರೋ ಗಿರಿಷ್ಠಾಃ ಪರಾವತ ಆಜಗಾಮಾ-ಪರಸ್ಯಾಃ ॥ 12 ॥
ಸೃಕಗ್ಂ ಸಗ್ಂ ಶಾಯ ಪವಿಮಿನ್ದ್ರ ತಿಗ್ಮಂ-ವಿಁಶತ್ರೂ-ನ್ತಾಡಿ ವಿಮೃಧೋ ನುದಸ್ವ ।
ವಿಶತ್ರೂನ್. ವಿಮೃಧೋನುದ ವಿವೃತ್ರಸ್ಯ ಹನೂ ರುಜ । ವಿಮನ್ಯುಮಿನ್ದ್ರ ಭಾಮಿತೋ ಽಮಿತ್ರಸ್ಯಾಭಿ ದಾಸತಃ ।
ತ್ರಾತಾರಮಿನ್ದ್ರ ಮವಿತಾರ ಮಿನ್ದ್ರಗ್ಂ ಹವೇ ಹವೇ ಸುಹವಗ್ಂ ಶೂರಮಿನ್ದ್ರಮ್ ।
ಹುವೇ ನು ಶಕ್ರ-ಮ್ಪುರುಹೂತ ಮಿನ್ದ್ರಗ್ಗ್ ಸ್ವಸ್ತಿ ನೋ ಮಘವಾ ಧಾತ್ವಿನ್ದ್ರಃ ॥ 13 ॥
ಮಾ ತೇ ಅಸ್ಯಾಗ್ಂ ಸಹಸಾವ-ನ್ಪರಿಷ್ಟಾ ವಘಾಯ ಭೂಮ ಹರಿವಃ ಪರಾದೈ ।
ತ್ರಾಯಸ್ವನೋ ಽವೃಕೇಭಿ-ರ್ವರೂಥೈ ಸ್ತವ ಪ್ರಿಯಾಸ ಸ್ಸೂರಿಷು ಸ್ಯಾಮ । ಅನವಸ್ತೇ ರಥಮಶ್ವಾಯ ತಕ್ಷನ್-ತ್ವಷ್ಟಾ ವಜ್ರಂ ಪುರುಹೂತ ದ್ಯುಮನ್ತಮ್ ।
ಬ್ರಹ್ಮಾಣ ಇನ್ದ್ರಂ ಮಹಯನ್ತೋ ಅರ್ಕೈರವರ್ಧಯ-ನ್ನಹಯೇ ಹನ್ತ ವಾ ಉ ।
ವೃಷ್ಣೇ ಯತ್ತೇ ವೃಷಣೋ ಅರ್ಕಮರ್ಚಾ ನಿನ್ದ್ರ ಗ್ರಾವಾಣೋ ಅದಿತಿ-ಸ್ಸಜೋಷಾಃ ।
ಅನಶ್ವಾಸೋ ಯೇ ಪವಯೋ-ಽರಥಾ ಇನ್ದ್ರೇಷಿತಾ ಅಭ್ಯವರ್ತ-ನ್ತದಸ್ಯೂನ್ ॥ 14 (3) ॥
(ತೈ. ಅರ. 6.1.9; ತೈ. ಸಂ. 1.4.41.1; ತೈ. ಸಂ. 1.4.42.1)
ಯತ ಇನ್ದ್ರ ಭಯಾಮಹೇ ತತೋ ನೋ ಅಭಯ-ಙ್ಕೃಧಿ ।
ಮಘವನ್ ಚ್ಛಗ್ಧಿ ತವ ತನ್ನ ಊತಯೇ ವಿದ್ವಿಷೋ ವಿಮೃಧೋ ಜಹಿ । ಸ್ವಸ್ತಿದಾ ವಿಶಸ್ಪತಿ-ರ್ವೃತ್ರಹಾ ವಿಮೃಧೋ ವಶೀ । ವೃಷೇನ್ದ್ರಃ ಪುರ ಏತು ನ ಸ್ಸ್ವಸ್ತಿದಾ ಅಭಯ-ಙ್ಕರಃ ॥ 15ಅ ॥
ಮಹಾಗ್ಂ ಇನ್ದ್ರೋ ವಜ್ರ ಬಾಹು ಷ್ಷೋಡಶೀ ಶರ್ಮ ಯಚ್ಛತು । ಸ್ವಸ್ತಿ ನೋ ಮಘವಾ ಕರೋತು ಹನ್ತು ಪಾಪ್ಮಾನಂ ಯೋ-ಽಸ್ಮಾ-ನ್ದ್ವೇಷ್ಟಿ । ಸಜೋಷಾ ಇನ್ದ್ರ ಸಗಣೋ ಮರುದ್ಭಿ ಸ್ಸೋಮಂ ಪಿಬ ವೃತ್ರಹನ್ ಚ್ಛೂರ ವಿದ್ವಾನ್ । ಜಹಿ ಶತ್ರೂಗ್ಂ ರಪಮೃಧೋ-ನುದಸ್ವಾಥಾ ಭಯ-ಙ್ಕೃಣುಹಿ ವಿಶ್ವತೋ ನಃ ॥ 15ಬ್ (4) ॥
6 ಯೇ ದೇವಾಃ
ಯೇ ದೇವಾಃ ಪುರಸ್ಸದೋ-ಽಗ್ನಿ ನೇತ್ರಾ,
ದಕ್ಷಿಣಸದೋ ಯಮನೇತ್ರಾ,
ಪಶ್ಚಾಥ್ಸದ ಸ್ಸವಿತೃ ನೇತ್ರಾ,
ಉತ್ತರಸದೋ ವರುಣನೇತ್ರಾ,
ಉಪರಿಷದೋ ಬೃಹಸ್ಪತಿ ನೇತ್ರಾ,
ರಕ್ಷೋಹಣಸ್ತೇ ನಃ ಪಾನ್ತು ತೇ ನೋ-ಽವನ್ತು ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ
-ಽಗ್ನಯೇ ರಕ್ಷೋಘ್ನೇ ಸ್ವಾಹಾ,
ಯಮಾಯ ಸವಿತ್ರೇ ,
ವರುಣಾಯ ಬೃಹಸ್ಪತಯೇ
ದುವಸ್ವತೇ ರಕ್ಷೋಘ್ನೇ ಸ್ವಾಹಾ ॥ 16 (5) ॥
7 ಯೇ ದೇವಾಃ (ಅನುಷಙ್ಗಂ)
ಯೇ ದೇವಾಃ ಪುರಸ್ಸದೋ-ಽಗ್ನಿ ನೇತ್ರಾ ರಕ್ಷೋಹಣಸ್ತೇನಃ ಪಾನ್ತು ತೇ ನೋ-ಽವನ್ತು
ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ । ಯೇ ದೇವಾ ದಕ್ಷಿಣಸದೋ ಯಮ ನೇತ್ರಾ ರಕ್ಷೋಹಣಸ್ತೇನಃ ಪಾನ್ತು ತೇ ನೋ-ಽವನ್ತು
ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ । ಯೇ ದೇವಾಃ ಪಶ್ಚಾಥ್ಸದ ಸ್ಸವಿತೃ ನೇತ್ರಾ ರಕ್ಷೋಹಣಸ್ತೇನಃ ಪಾನ್ತು ತೇ ನೋ-ಽವನ್ತು ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ । ಯೇ ದೇವಾ ಉತ್ತರಸದೋ ವರುಣನೇತ್ರಾ ರಕ್ಷೋಹಣಸ್ತೇನಃ ಪಾನ್ತು ತೇ ನೋ-ಽವನ್ತು
ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ । ಯೇ ದೇವಾ ಉಪರಿಷದೋ ಬೃಹಸ್ಪತಿ ನೇತ್ರಾ ರಕ್ಷೋಹಣಸ್ತೇನಃ ಪಾನ್ತು ತೇ ನೋ-ಽವನ್ತು ತೇಭ್ಯೋ ನಮಸ್ತೇಭ್ಯ ಸ್ಸ್ವಾಹಾ । ಅಗ್ನಯೇ ರಕ್ಷೋಘ್ನೇ ಸ್ವಾಹಾ । ಯಮಾಯ ರಕ್ಷೋಘ್ನೇ ಸ್ವಾಹಾ । ಸವಿತ್ರೇ ರಕ್ಷೋಘ್ನೇ ಸ್ವಾಹಾ । ವರುಣಾಯ ರಕ್ಷೋಘ್ನೇ ಸ್ವಾಹಾ । ಬೃಹಸ್ಪತಯೇ ದುವಸ್ವತೇ ರಕ್ಷೋಘ್ನೇ ಸ್ವಾಹಾ ॥ 16ಆ (5ಆ) ॥
8 ಆಯುಷ್ಕಾಮೇಷ್ಟಿ ಮನ್ತ್ರಾಃ
ಅಗ್ನಿರಾಯುಷ್ಮಾನ್ಥ್ಸ ವನಸ್ಪತಿಭಿ-ರಾಯುಷ್ಮಾ-ನ್ತೇನತ್ವಾ-ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ,
ಸೋಮ ಆಯುಷ್ಮಾನ್ಥ್ಸ ಓಷಧೀಭಿರ್,
ಯಜ್ಞ ಆಯುಷ್ಮಾನ್ಥ್ಸ ದಕ್ಷಿಣಾಭಿರ್,
ಬ್ರಹ್ಮಾಯುಷ್ಮತ್ತ-ದ್ಬ್ರಾಹ್ಮಣೈ-ರಾಯುಷ್ಮದ್,
ದೇವಾ ಆಯುಷ್ಮನ್ತಸ್ತೇ ಽಮೃತೇನಾ ಯುಷ್ಮನ್ತಸ್ತೇನತ್ವಾ
-ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ ॥ 17 (6) ॥
9 ಆಯುಷ್ಕಾಮೇಷ್ಟಿ ಮನ್ತ್ರಾಃ (ಅನುಷಙ್ಗಂ)
ಅಗ್ನಿರಾಯುಷ್ಮಾನ್ಥ್ಸ ವನಸ್ಪತಿಭಿ ರಾಯುಷ್ಮಾ-ನ್ತೇನತ್ವಾ ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ । ಸೋಮ ಆಯುಷ್ಮಾನ್ಥ್ಸ ಓಷಧೀಭಿರಾಯುಷ್ಮಾ-ನ್ತೇನತ್ವಾ
-ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ । ಯಜ್ಞ ಆಯುಷ್ಮಾನ್ಥ್ಸ ದಕ್ಷಿಣಾಭಿರಾಯುಷ್ಮಾ-ನ್ತೇನತ್ವಾ
-ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ ।
ಬ್ರಹ್ಮಾಯುಷ್ಮತ್ತ-ದ್ಬ್ರಾಹ್ಮಣೈ-ರಾಯುಷ್ಮ-ತ್ತೇನತ್ವಾ ಽಽಯುಷಾ-ಽಽಯುಷ್ಮನ್ತಂ
ಕರೋಮಿ । ದೇವಾ ಆಯುಷ್ಮನ್ತಸ್ತೇ ಽಮೃತೇ-ನಾಯುಷ್ಮನ್ತಸ್ತೇನತ್ವಾ
-ಽಽಯುಷಾ-ಽಽಯುಷ್ಮನ್ತ-ಙ್ಕರೋಮಿ ॥ 17ಆ(6ಆ) ॥
10 ಅಗ್ಂಹೋಮುಚ ಮನ್ತ್ರಾಃ
ಯಾ ವಾಮಿನ್ದ್ರಾ ವರುಣಾ ಯತವ್ಯಾ ತನೂಸ್ತಯೇ ಮಮಗ್ಂಹಸೋ ಮುಞ್ಚತಂ ,
ಁಯಾ ವಾಮಿನ್ದ್ರಾ ವರುಣಾ ಸಹಸ್ಯಾ, ರಕ್ಷಸ್ಯಾ, ತೇಜಸ್ಯಾ,
ತನೂಸ್ತಯೇ ಮಮಗ್ಂಹಸೋ ಮುಞ್ಚತಂ,
ಁಯೋ ವಾಮಿನ್ದ್ರಾ ವರುಣಾ ವಗ್ನೌ ಸ್ರಾಮಸ್ತಂ-ವಾಁ ಮೇತೇನಾ ವಯಜೇ,
ಯೋ ವಾಮಿನ್ದ್ರಾ ವರುಣಾ ದ್ವಿಪಾಥ್ಸು ಪಶುಷು, ಚತುಷ್ಪಾಥ್ಸು,
ಗೋಷ್ಠೇ, ಗೃಹೇ-, ಷ್ವಫ್ಸೋಷಧೀಷು, ವನಸ್ಪತಿಷು,
ಸ್ರಾಮಸ್ತಂ-ವಾಁ ಮೇತೇನಾ ವಯಜೇ ॥ 18 (7) ॥
11 ಅಗ್ಂಹೋಮುಚ ಮನ್ತ್ರಾಃ (ಅನುಷಙ್ಗಂ)
ಯಾ ವಾಮಿನ್ದ್ರಾ ವರುಣಾ ಯತವ್ಯಾ ತನೂಸ್ತಯೇ ಮಮಗ್ಂಹಸೋ ಮುಞ್ಚತಮ್ ।
ಯಾ ವಾಮಿನ್ದ್ರಾ ವರುಣಾ ಸಹಸ್ಯಾ ತನೂಸ್ತಯೇ ಮಮಗ್ಂಹಸೋ ಮುಞ್ಚತಮ್ ।
ಯಾ ವಾಮಿನ್ದ್ರಾ ವರುಣಾ ರಕ್ಷಸ್ಯಾ ತನೂಸ್ತಯೇ ಮಮಗ್ಂಹಸೋ ಮುಞ್ಚತಮ್ । ಯಾ ವಾಮಿನ್ದ್ರಾ ವರುಣಾ ತೇಜಸ್ಯಾ ತನೂಸ್ತಯೇ ಮಮಗ್ಂಹಸೋ ಮುಞ್ಚತಮ್ ।
ಯೋ ವಾಮಿನ್ದ್ರಾ ವರುಣಾ ವಗ್ನೌ ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣಾ ದ್ವಿಪಾಥ್ಸು ಪಶುಷು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣಾ ಚತುಷ್ಪಾಥ್ಸು ಪಶುಷು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ । ಯೋ ವಾಮಿನ್ದ್ರಾ ವರುಣಾ ಗೋಷ್ಠೇ ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣಾ ಗೃಹೇಷು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣಾ-ಽಫ್ಸು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣೌಷಧೀಷು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ।
ಯೋ ವಾಮಿನ್ದ್ರಾ ವರುಣಾ ವನಸ್ಪತಿಷು ಸ್ರಾಮಸ್ತಂ-ವಾಁಮೇ ತೇನಾ ವಯಜೇ ॥ (18ಆ) (7ಆ)
12 ಶಾಸ್ತೃ ಸೂಕ್ತಂ (ಆಪ್ಯಂ)
ಅಗ್ನೇ ಯಶಸ್ವಿನ್. ಯಶಸೇ ಮಮರ್ಪಯೇನ್ದ್ರಾವತೀ ಮಪಚಿತೀ ಮಿಹಾವಹ । ಅಯ-ಮ್ಮೂರ್ಧಾ ಪರಮೇಷ್ಠೀ ಸುವರ್ಚಾ-ಸ್ಸಮಾನಾನಾ ಮುತ್ತಮ ಶ್ಲೋಕೋ ಅಸ್ತು । ಭದ್ರ-ಮ್ಪಶ್ಯನ್ತ ಉಪಸೇದುರಗ್ರೇ ತಪೋ ದೀಕ್ಷಾ ಮೃಷಯ ಸ್ಸುವರ್ವಿದಃ । ತತಃ ಕ್ಷತ್ರ-ಮ್ಬಲಮೋಜಶ್ಚ ಜಾತ-ನ್ತದಸ್ಮೈ ದೇವಾ ಅಭಿಸನ್ನ-ಮನ್ತು । ಧಾತಾ ವಿಧಾತಾ ಪರಮೋತ ಸನ್ದೃ-ಕ್ಪ್ರಜಾಪತಿಃ ಪರಮೇಷ್ಠೀ ವಿರಾಜಾ । ಸ್ತೋಮಾ-ಶ್ಚನ್ದಾಗ್ಂಸಿ ನಿವಿದೋಮ ಆಹುರೇತಸ್ಮೈ ರಾಷ್ಟ್ರಮಭಿ-ಸನ್ನಮಾಮ । ಅಭ್ಯಾವರ್ತದ್ಧ್ವ-ಮುಪಮೇತ ಸಾಕಮಯಗ್ಂ ಶಾಸ್ತಾ-ಽಧಿಪತಿರ್ವೋ ಅಸ್ತು । ಅಸ್ಯ ವಿಜ್ಞಾನಮನುಸಗ್ಂ-ರಭದ್ಧ್ವಮಿಮ-ಮ್ಪಶ್ಚಾದನು ಜೀವಾಥ ಸರ್ವೇ ॥ 19 (8) ॥
13 ರಾಷ್ಟ್ರಭೃತಂ
ಋತಾಷಾ-ಡೃತಧಾಮಾ-ಽಗ್ನಿ-ರ್ಗನ್ಧರ್ವಸ್ತ-ಸ್ಯೌಷಧಯೋ-ಽಫ್ಸರಸ
ಊರ್ಜೋ ನಾಮ ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು
ತಸ್ಮೈ ಸ್ವಾಹಾ ತಾಭ್ಯ ಸ್ಸ್ವಾಹಾ ,
ಸಗ್ಂಹಿತೋ ವಿಶ್ವಸಾಮಾ ಸೂರ್ಯೋ ಗನ್ಧರ್ವ-ಸ್ತಸ್ಯ ಮರೀಚಯೋ-ಽಫ್ಸರಸ ಆಯುವ ,
ಸ್ಸುಷುಮ್ನ ಸ್ಸೂರ್ಯ ರಶ್ಮಿ-ಶ್ಚನ್ದ್ರಮಾ ಗನ್ಧರ್ವ-ಸ್ತಸ್ಯ ನಕ್ಷತ್ರಾಣ್ಯ-
ಫ್ಸರಸೋ ಬೇಕುರಯೋ,
ಭುಜ್ಯುಸ್ಸುಪರ್ಣೋ ಯಜ್ಞೋ ಗನ್ಧರ್ವ-ಸ್ತಸ್ಯ ದಕ್ಷಿಣಾ ಅಫ್ಸರಸ ಸ್ತವಾಃ,
ಪ್ರಜಾಪತಿ-ರ್ವಿಶ್ವಕರ್ಮಾ ಮನೋ ಗನ್ಧರ್ವಸ್ತಸ್ಯ-ರ್ಖ್ಸಾಮಾನ್ಯ-ಫ್ಸರಸೋ ವಹ್ನಯ,
ಇಷಿರೋ ವಿಶ್ವ ವ್ಯಚಾ ವಾತೋ ಗನ್ಧರ್ವ-ಸ್ತಸ್ಯಾಪೋ ಽಫ್ಸರಸೋ ಮುದಾ,
ಭುವನಸ್ಯ ಪತೇ ಯಸ್ಯತ ಉಪರಿ ಗೃಹಾ ಇಹ ಚ ।
ಸ ನೋ ರಾಸ್ವಾಜ್ಯಾನಿಗ್ಂ ರಾಯಸ್ಪೋಷಗ್ಂ ಸುವೀರ್ಯಗ್ಂ ಸಂವಁಥ್ಸರೀಣಾಗ್ ಸ್ವಸ್ತಿಮ್ ।
ಪರಮೇಷ್ಠ್ಯಧಿಪತಿ-ರ್ಮೃತ್ಯು-ರ್ಗನ್ಧರ್ವ-ಸ್ತಸ್ಯ ವಿಶ್ವಮಫ್ಸರಸೋ ಭುವ,
ಸ್ಸುಕ್ಷಿತಿ- ಸ್ಸುಭೂತಿ-ರ್ಭದ್ರಕೃ-ಥ್ಸುವರ್ವಾ-ನ್ಪರ್ಜನ್ಯೋ ಗನ್ಧರ್ವ-ಸ್ತಸ್ಯ
ವಿದ್ಯುತೋ ಽಫ್ಸರಸೋ ರುಚೋ,
ದೂರೇ ಹೇತಿರ-ಮೃಡಯೋ ಮೃತ್ಯು-ರ್ಗನ್ಧರ್ವ-ಸ್ತಸ್ಯ ಪ್ರಜಾ ಅಫ್ಸರಸೋ ಭೀರುವಃ,
ಚಾರುಃ ಕೃಪಣ ಕಾಶೀ ಕಾಮೋ ಗನ್ಧರ್ವ-ಸ್ತಸ್ಯಾಧಯೋ ಽಫ್ಸರಸ ಶ್ಶೋಚಯನ್ತೀರ್,
ನಾಮ ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಸ್ಮೈ ಸ್ವಾಹಾ
ತಾಭ್ಯ ಸ್ಸ್ವಾಹಾ,
ಸ ನೋ ಭುವನಸ್ಯ ಪತೇ ಯಸ್ಯತ ಉಪರಿ ಗೃಹಾ ಇಹ ಚ । ಉರು ಬ್ರಹ್ಮಣೇ-ಽಸ್ಮೈ ಕ್ಷತ್ರಾಯ ಮಹಿ ಶರ್ಮ ಯಚ್ಛ ॥ 20 (9) ॥
14 ರಾಷ್ಟ್ರಭೃತಂ (ಅನುಷಙ್ಗಂ)
ಋತಾಷಾ-ಡೃತಧಾಮಾ-ಽಗ್ನಿ-ರ್ಗನ್ಧರ್ವಸ್ಸ-ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯೌಷಧಯೋ-ಽಫ್ಸರಸ ಊರ್ಜೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಸಗ್ಂಹಿತೋ ವಿಶ್ವಸಾಮಾ ಸೂರ್ಯೋ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯ ಮರೀಚಯೋ-ಽಫ್ಸರಸ ಆಯುವೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಸುಷುಮ್ನಸ್ಸೂರ್ಯ-ರಶ್ಮಿಶ್ಚನ್ದ್ರಮಾ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯ ನಕ್ಷತ್ರಾಣ್ಯ ಽಫ್ಸರಸೋ ಬೇಕುರಯೋ ನಾಮ ತಾ
ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಭುಜ್ಯುಸ್ಸುಪರ್ಣೋ ಯಜ್ಞೋ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು ತಸ್ಮೈ ಸ್ವಾಹಾ । ತಸ್ಯ ದಕ್ಷಿಣಾ ಅಫ್ಸರಸ ಸ್ತವಾ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಪ್ರಜಾಪತಿ-ರ್ವಿಶ್ವಕರ್ಮಾ ಮನೋ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯರ್-ಖ್ಸಾಮಾನ್ಯ-ಽಫ್ಸರಸೋ ವಹ್ನಯೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಇಷಿರೋ ವಿಶ್ವವ್ಯಚಾ ವಾತೋ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯಾಪೋ-ಽಫ್ಸರಸೋ ಮುದಾ ನಾಮ ತಾ ಇದ-ಮ್ಬ್ರಹ್ಮ
ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥ ಭುವನಸ್ಯ ಪತೇ ಯಸ್ಯತ ಉಪರಿ ಗೃಹಾ ಇಹ ಚ ।
ಸ ನೋ ರಾಸ್ವಾಜ್ಯಾನಿಗ್ಂ ರಾಯಸ್ಪೋಷಗ್ಂ ಸುವೀರ್ಯಗ್ಂ ಸಂವಁಥ್ಸರೀಣಾಗ್
ಸ್ವಸ್ತಿಗ್ಗ್ ಸ್ವಾಹಾ ॥
ಪರಮೇಷ್ಠ್ಯಧಿಪತಿ-ರ್ಮೃತ್ಯು-ರ್ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯ ವಿಶ್ವಮಫ್ಸರಸೋ ಭುವೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಸುಕ್ಷಿತಿ-ಸ್ಸುಭೂತಿ-ರ್ಭದ್ರಕೃ-ಥ್ಸುವರ್ವಾ-ನ್ಪರ್ಜನ್ಯೋ ಗನ್ಧರ್ವಸ್ಸ
ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು ತಸ್ಮೈ ಸ್ವಾಹಾ । ತಸ್ಯ ವಿದ್ಯುತೋ-ಽಫ್ಸರಸೋ ರುಚೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ದೂರೇ ಹೇತಿರ ಮೃಡಯೋ ಮೃತ್ಯು-ರ್ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯ ಪ್ರಜಾ ಅಫ್ಸರಸೋ ಭೀರುವೋ ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥ ಚಾರುಃ ಕೃಪಣ ಕಾಶೀ ಕಾಮೋ ಗನ್ಧರ್ವಸ್ಸ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾತು
ತಸ್ಮೈ ಸ್ವಾಹಾ । ತಸ್ಯಾಧಯೋ ಽಫ್ಸರಸ ಶ್ಶೋಚಯನ್ತಿ-ರ್ನಾಮ ತಾ ಇದ-ಮ್ಬ್ರಹ್ಮ ಕ್ಷತ್ರ-ಮ್ಪಾನ್ತು ತಾಭ್ಯ ಸ್ಸ್ವಾಹಾ ॥
ಸ ನೋ ಭುವನಸ್ಯಪತೇ ಯಸ್ಯತ ಉಪರಿ ಗೃಹಾ ಇಹ ಚ ।ಉರು ಬ್ರಹ್ಮಣೇ-ಽಸ್ಮೈ ಕ್ಷತ್ರಾಯ ಮಹಿ ಶರ್ಮ ಯಚ್ಛ ಸ್ವಾಹಾ ॥ (20ಆ) (9ಆ)
15 ಸರ್ಪ ಸೂಕ್ತಂ
ನಮೋ ಅಸ್ತು ಸರ್ಪೇಭ್ಯೋ ಯೇ ಕೇ ಚ ಪೃಥಿವೀ ಮನು । ಯೇ ಅನ್ತರಿಕ್ಷೇ ಯೇ ದಿವಿ ತೇಭ್ಯ ಸ್ಸರ್ಪೇಭ್ಯೋ ನಮಃ । ಯೇ-ಽದೋ ರೋಚನೇ ದಿವೋ ಯೇ ವಾ ಸೂರ್ಯಸ್ಯ ರಶ್ಮಿಷು । ಯೇಷಾಮಫ್ಸು ಸದಃ ಕೃತ-ನ್ತೇಭ್ಯ ಸ್ಸರ್ಪೇಭ್ಯೋ ನಮಃ । ಯಾ ಇಷವೋ ಯಾತು ಧಾನಾನಾಂ ಁಯೇ ವಾ ವನಸ್ಪತೀಗ್ಂ ರನು । ಯೇ ವಾ-ಽವಟೇಷು ಶೇರತೇ ತೇಭ್ಯ ಸ್ಸರ್ಪೇಭ್ಯೋ ನಮಃ ॥ 21 (10) ॥
16 ಪಞ್ಚಚೋಡಾಃ
ಅಯ-ಮ್ಪುರೋ ಹರಿಕೇಶ ಸ್ಸೂರ್ಯರಶ್ಮಿ-ಸ್ತಸ್ಯ ರಥಗೃಥ್ಸಶ್ಚ ರಥೌಜಾಶ್ಚ ಸೇನಾನಿ
ಗ್ರಾಮಣ್ಯೌ ಪುಞ್ಜಿಕಸ್ಥಲಾ ಚ ಕೃತಸ್ಥಲಾ ಚಾಫ್ಸರಸೌ ಯಾತು ಧಾನಾ ಹೇತೀ ರಕ್ಷಾಗ್ಂಸಿ ಪ್ರಹೇತಿ ,
ರಯ-ನ್ದಕ್ಷಿಣಾ ವಿಶ್ವ ಕರ್ಮಾ ತಸ್ಯ ರಥ ಸ್ವನಶ್ಚ ರಥೇ-ಚಿತ್ರಶ್ಚ ಸೇನಾನಿ
ಗ್ರಾಮಣ್ಯೌ ಮೇನಕಾ ಚ ಸಹಜನ್ಯಾ ಚಾ-ಽಫ್ಸರಸೌ ದಂಷ್ಣವಃ ಪಶವೋ ಹೇತಿಃ ಪೌರುಷೇಯೋ ವಧಃ ಪ್ರಹೇತಿ,
ರಯ-ಮ್ಪಶ್ಚಾ-ದ್ವಿಶ್ವ-ವ್ಯಚಾ ಸ್ತಸ್ಯ ರಥ ಪ್ರೋತಶ್ಚಾ-ಸಮರಥಶ್ಚ ಸೇನಾನಿ
ಗ್ರಾಮಣ್ಯೌ ಪ್ರಮ್ಲೋಚನ್ತೀ ಚಾ ನುಮ್ಲೋಚನ್ತೀ-ಚಾ-ಽಫ್ಸರಸೌ ಸರ್ಪಾ ಹೇತಿ-ರ್
ವ್ಯಾಘ್ರಾಃ ಪ್ರಹೇತಿ,
ರಯ ಮುತ್ತರಾ-ಥ್ಸಂಯಁದ್ವಸುಸ್ತಸ್ಯ ಸೇನಜಿಚ್ಚ ಸುಷೇಣಶ್ಚ ಸೇನಾನಿ ಗ್ರಾಮಣ್ಯೌ
ವಿಶ್ವಾಚೀಚ ಘೃತಾಚೀ ಚಾ-ಫ್ಸರಸಾ ವಾಪೋ ಹೇತಿ-ರ್ವಾತಃ ಪ್ರಹೇತಿ ,
ರಯ-ಮುಪರ್ಯ-ರ್ವಾಗ್ವ-ಸುಸ್ತಸ್ಯ ತಾರ್ಕ್ಷ್ಯ-ಶ್ಚಾರಿಷ್ಟ-ನೇಮಿಶ್ಚ ಸೇನಾನಿ ಗ್ರಾಮಣ್ಯಾ
ವುರ್ವಶೀ ಚ ಪೂರ್ವಚಿತ್ತಿಶ್ಚಾ-ಫ್ಸರಸೌ ವಿದ್ಯುದ್ಧೇತಿ-ರವಸ್ಫೂರ್ಜ-ನ್ಪ್ರಹೇತಿ ,
ಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ
ಜಮ್ಭೇ ದಧಾಮಿ ॥ 22 (11) ॥
17 ಪಞ್ಚಚೋಡಾಃ (ಅನುಷಙ್ಗಂ)
ಅಯ-ಮ್ಪುರೋ ಹರಿಕೇಶ ಸ್ಸೂರ್ಯರಶ್ಮಿ-ಸ್ತಸ್ಯ ರಥಗೃಥ್ಸಶ್ಚ ರಥೌಜಾಶ್ಚ ಸೇನಾನಿ ಗ್ರಾಮಣ್ಯೌ ಪುಞ್ಜಿಕಸ್ಥಲಾ ಚ ಕೃತಸ್ಥಲಾ ಚಾಫ್ಸರಸೌ ಯಾತುಧಾನಾ ಹೇತೀ ರಕ್ಷಾಗ್ಂಸಿ ಪ್ರಹೇತಿಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತುತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥
ಅಯ-ನ್ದಕ್ಷಿಣಾ ವಿಶ್ವಕರ್ಮಾ ತಸ್ಯ ರಥಸ್ವನಶ್ಚ ರಥೇ ಚಿತ್ರಶ್ಚ ಸೇನಾನಿ
ಗ್ರಾಮಣ್ಯೌ ಮೇನಕಾ ಚ ಸಹಜನ್ಯಾ ಚಾಫ್ಸರಸೌ ದಂಷ್ಣವಃ ಪಶವೋ
ಹೇತಿಃ ಪೌರುಷೇಯೋ ವಧಃ ಪ್ರಹೇತಿಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇ
ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥
ಅಯ-ಮ್ಪಶ್ಚಾ-ದ್ವಿಶ್ವ ವ್ಯಚಾ-ಸ್ತಸ್ಯ ರಥಪ್ರೋತಶ್ಚಾ-ಸಮರಥಶ್ಚ ಸೇನಾನಿ ಗ್ರಾಮಣ್ಯೌ ಪ್ರಮ್ಲೋಚನ್ತೀಚಾ ನುಮ್ಲೋಚನ್ತೀ-ಚಾಫ್ಸರಸೌ ಸರ್ಪಾ ಹೇತಿ-ರ್ವ್ಯಾಘ್ರಾಃ ಪ್ರಹೇತಿಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥
ಅಯ-ಮುತ್ತರಾ-ಥ್ಸಂಯಁದ್ವಸುಸ್ತಸ್ಯ ಸೇನಜಿಚ್ಚ ಸುಷೇಣಶ್ಚ ಸೇನಾನಿ
ಗ್ರಾಮಣ್ಯೌ ವಿಶ್ವಾಚೀಚ ಘೃತಾಚೀಚಾ-ಫ್ಸರಸಾ ವಾಪೋ ಹೇತಿ-ರ್ವಾತಃ
ಪ್ರಹೇತಿಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇ ಯ-ನ್ದ್ವಿಷ್ಮೋ ಯಶ್ಚ ನೋ
ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥
ಅಯಮುಪರ್ಯ-ರ್ವಾಗ್ವಸುಸ್ತಸ್ಯ ತಾರ್ಕ್ಷ್ಯ-ಶ್ಚಾರಿಷ್ಟ-ನೇಮಿಶ್ಚ ಸೇನಾನಿ
ಗ್ರಾಮಣ್ಯಾ ವುರ್ವಶೀ ಚ ಪೂರ್ವಚಿತ್ತಿ-ಶ್ಚಾಫ್ಸರಸೌ ವಿದ್ಯುದ್ಧೇತಿರ-
ವಸ್ಫೂರ್ಜ-ನ್ಪ್ರಹೇತಿಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ
ತಂ-ವೋಁ ಜಮ್ಭೇ ದಧಾಮಿ ॥ 22ಆ(11ಆ) ॥
18 ಅಪ್ರತಿರಥಃ
ಆಶು-ಶ್ಶಿಶಾನೋ ವೃಷಭೋ ನ ಯುಧ್ಮೋ ಘನಾಘನಃ, ಕ್ಷೋಭಣ-ಶ್ಚರ್ಷಣೀನಾಮ್ । ಸಙ್ಕ್ರನ್ದನೋ-ಽನಿಮಿಷ ಏಕ ವೀರಶ್ಶತಗ್ಂ
ಸೇನಾ ಅಜಯಥ್ಸಾಕಮಿನ್ದ್ರಃ । ಸಙ್ಕ್ರನ್ದನೇನಾ ನಿಮಿಷೇಣ ಜಿಷ್ಣುನಾ ಯುತ್ಕಾರೇಣ ದುಶ್ಚ್ಯವನೇನ ಧೃಷ್ಣುನಾ । ತದಿನ್ದ್ರೇಣ ಜಯತ ತ-ಥ್ಸಹಧ್ವಂ ಁಯುಧೋ ನರ ಇಷು ಹಸ್ತೇನ ವೃಷ್ಣಾ । ಸ ಇಷುಹಸ್ತೈ-ಸ್ಸ ನಿಷಙ್ಗಿಭಿರ್ವಶೀ ಸಗ್ಗ್ ಸ್ರಷ್ಟಾ ಸ ಯುಧ ಇನ್ದ್ರೋ ಗಣೇನ । ಸಗ್ಂಸೃಷ್ಟಜಿ-ಥ್ಸೋಮಪಾ ಬಾಹು ಶರ್ಧ್ಯೂರ್ಧ್ವ ಧನ್ವಾ ಪ್ರತಿಹಿತಾಭಿರಸ್ತಾ । ಬೃಹಸ್ಪತೇ ಪರಿದೀಯಾ ರಥೇನ ರಕ್ಷೋಹಾ ಽಮಿತ್ರಾಗ್ಂ ಅಪ ಬಾಧಮಾನಃ ॥ 23 ॥
ಪ್ರಭಞ್ಜನ್-ಥ್ಸೇನಾಃ ಪ್ರಮೃಣೋ ಯುಧಾ ಜಯನ್ನಸ್ಮಾಕ-ಮೇಧ್ಯವಿತಾ ರಥಾನಾಮ್ । ಗೋತ್ರಭಿದಂ ಗೋವಿದಂ ಁವಜ್ರಬಾಹುಂ ಜಯನ್ತಮಜ್ಮ ಪ್ರಮೃಣನ್ತ-ಮೋಜಸಾ । ಇಮಗ್ಂ ಸಜಾತಾ ಅನುವೀರ-ಯಧ್ವ ಮಿನ್ದ್ರಗ್ಂ ಸಖಾಯೋ-ಽನು ಸಗ್ಂ ರಭಧ್ವಮ್ । ಬಲವಿಜ್ಞಾಯ-ಸ್ಸ್ಥವಿರಃ ಪ್ರವೀರ-ಸ್ಸಹಸ್ವಾನ್. ವಾಜೀ ಸಹಮಾನ ಉಗ್ರಃ । ಅಭಿವೀರೋ ಅಭಿಸತ್ವಾ ಸಹೋಜಾ ಜೈತ್ರಮಿನ್ದ್ರ ರಥಮಾತಿಷ್ಠ ಗೋವಿತ್ ॥ 24 ॥
ಅಭಿಗೋತ್ರಾಣಿ ಸಹಸಾ ಗಾಹಮಾನೋ-ಽದಾಯೋ ವೀರಶ್ಶತಮನ್ಯುರಿನ್ದ್ರಃ । ದುಶ್ಚ್ಯವನಃ ಪೃತನಾಷಾಡ ಯುಧ್ಯೋ-ಸ್ಮಾಕಗ್ಂ ಸೇನಾ ಅವತು ಪ್ರಯುಥ್ಸು । ಇನ್ದ್ರ ಆಸಾಂ-ನೇತಾ ಬೃಹಸ್ಪತಿ-ರ್ದಕ್ಷಿಣಾ ಯಜ್ಞಃ ಪುರ ಏತು ಸೋಮಃ । ದೇವಸೇನಾನಾ-ಮಭಿಭಞ್ಜತೀನಾ-ಞ್ಜಯನ್ತೀನಾ-ಮ್ಮರುತೋ ಯನ್ತ್ವಗ್ರೇ । ಇನ್ದ್ರಸ್ಯ ವೃಷ್ಣೋ ವರುಣಸ್ಯ ರಾಜ್ಞ ಆದಿತ್ಯಾನಾ-ಮ್ಮರುತಾಗ್ಂ ಶರ್ಧ ಉಗ್ರಮ್ । ಮಹಾಮನಸಾ-ಮ್ಭುವನಚ್ಯವಾನಾಂ ಘೋಷೋ ದೇವಾನಾಂ ಜಯತಾ ಮುದಸ್ಥಾತ್ । ಅಸ್ಮಾಕ-ಮಿನ್ದ್ರ-ಸ್ಸಮೃತೇಷು ಧ್ವಜೇಷ್ವಸ್ಮಾಕಂ ಁಯಾ ಇಷವಸ್ತಾ ಜಯನ್ತು ॥ 25 ॥
ಅಸ್ಮಾಕಂ ಁವೀರಾ ಉತ್ತರೇ ಭವನ್ತ್ವಸ್ಮಾನು ದೇವಾ ಅವತಾ ಹವೇಷು । ಉದ್ಧರ್ಷಯ ಮಘವ-ನ್ನಾಯುಧಾ-ನ್ನ್ಯುಥ್ಸತ್ವನಾ-ಮ್ಮಾಮಕಾನಾಂ ಮಹಾಗ್ಂಸಿ । ಉದ್ವೃತ್ರಹನ್-ವಾಜಿನಾಂ ಁವಾಜಿನಾನ್ಯುದ್ರಥಾನಾಂ ಜಯತಾಮೇತು ಘೋಷಃ । ಉಪಪ್ರೇತ ಜಯತಾ ನರಸ್ಸ್ಥಿರಾ ವಸ್ಸನ್ತು ಬಾಹವಃ ।
ಇನ್ದ್ರೋ ವ-ಶ್ಶರ್ಮ ಯಚ್ಛ ತ್ವನಾ-ಧೃಷ್ಯಾ ಯಥಾಸಥ । ಅವಸೃಷ್ಟಾ ಪರಾಪತ ಶರವ್ಯೇ ಬ್ರಹ್ಮ ಸಗ್ಂಶಿತಾ ॥ 26 ॥
ಗಚ್ಛಾಮಿತ್ರಾ-ನ್ಪ್ರವಿಶ ಮೈಷಾಂ ಕಞ್ಚನೋಚ್ಛಿಷಃ । ಮರ್ಮಾಣಿ ತೇ ವರ್ಮಭಿಶ್ಛಾದಯಾಮಿ ಸೋಮಸ್ತ್ವಾ ರಾಜಾ ಽಮೃತೇನಾಭಿ-ವಸ್ತಾಮ್ । ಉರೋರ್ವರೀಯೋ ವರಿವಸ್ತೇ ಅಸ್ತು ಜಯನ್ತಂ ತ್ವಾಮನು ಮದನ್ತು ದೇವಾಃ । ಯತ್ರ ಬಾಣಾ-ಸ್ಸಮ್ಪತನ್ತಿ ಕುಮಾರಾ ವಿಶಿಖಾ ಇವ । ಇನ್ದ್ರೋ ನಸ್ತತ್ರ ವೃತ್ರಹಾ ವಿಶ್ವಾಹಾ ಶರ್ಮ ಯಚ್ಛತು ॥ 27 (12) ॥
19 ಚಮಕ-ನ್ತೃತೀಯ ಅನುವಾಕಃ
ಶ-ಞ್ಚ ಮೇ ಮಯಶ್ಚ ಮೇ ಪ್ರಿಯ-ಞ್ಚ ಮೇ-ಽನುಕಾಮಶ್ಚ ಮೇ
ಕಾಮಶ್ಚ ಮೇ ಸೌಮನಸಶ್ಚ ಮೇ ಭದ್ರ-ಞ್ಚ ಮೇ ಶ್ರೇಯಶ್ಚ ಮೇ
ವಸ್ಯಶ್ಚ ಮೇ ಯಶಶ್ಚ ಮೇ ಭಗಶ್ಚ ಮೇ ದ್ರವಿಣ-ಞ್ಚ ಮೇ
ಯನ್ತಾ ಚ ಮೇ ಧರ್ತಾ ಚ ಮೇ ಕ್ಷೇಮಶ್ಚ ಮೇ ಧೃತಿಶ್ಚ ಮೇ
ವಿಶ್ವಂ ಚ ಮೇ ಮಹಶ್ಚ ಮೇ (28)
ಸಂವಿಁಚ್ಚ ಮೇ ಜ್ಞಾತ್ರ-ಞ್ಚ ಮೇ
ಸೂಶ್ಚ ಮೇ ಪ್ರಸೂಶ್ಚ ಮೇ ಸೀರ-ಞ್ಚ ಮೇ ಲಯಶ್ಚ ಮ
ಋತ-ಞ್ಚ ಮೇ-ಽಮೃತಂ ಚ ಮೇ ಽಯಕ್ಷ್ಮ-ಞ್ಚ ಮೇ-ಽನಾಮಯಚ್ಚ ಮೇ
ಜೀವಾತುಶ್ಚ ಮೇ ದೀರ್ಘಾಯುತ್ವ-ಞ್ಚ ಮೇ-ಽನಮಿತ್ರ-ಞ್ಚ ಮೇ-ಽಭಯ-ಞ್ಚ ಮೇ
ಸುಗ-ಞ್ಚ ಮೇ ಶಯನ-ಞ್ಚ ಮೇ ಸೂಷಾ ಚ ಮೇ ಸುದಿನ-ಞ್ಚ ಮೇ ॥ 29 (13) ॥
20 ವಿಹವ್ಯಮ್
ಮಮಾಗ್ನೇ ವರ್ಚೋ ವಿಹವೇಷ್ವಸ್ತು ವಯ-ನ್ತ್ವೇನ್ಧಾನಾ ಸ್ತನುವ-ಮ್ಪುಷೇಮ ।
ಮಹ್ಯ-ನ್ನಮನ್ತಾ-ಮ್ಪ್ರದಿಶಶ್ಚತಸ್ರ ಸ್ತ್ವಯಾ-ಽದ್ಧ್ಯಕ್ಷೇಣ ಪೃತನಾ ಜಯೇಮ ।
ಮಮ ದೇವಾ ವಿಹವೇ ಸನ್ತು ಸರ್ವ ಇನ್ದ್ರಾವನ್ತೋ ಮರುತೋ ವಿಷ್ಣುರಗ್ನಿಃ ।
ಮಮಾನ್ತರಿಕ್ಷ ಮುರು ಗೋಪಮಸ್ತು ಮಹ್ಯಂ ಁವಾತಃ ಪವತಾ-ಙ್ಕಾಮೇ ಅಸ್ಮಿನ್ನ್ ।
ಮಯಿ ದೇವಾ ದ್ರವಿಣ ಮಾಯಜನ್ತಾ-ಮ್ಮಯ್ಯಾ ಶೀರಸ್ತು ಮಯಿ ದೇವಹೂತಿಃ ॥ 30 ॥
ದೈವ್ಯಾ ಹೋತಾರಾ ವನಿಷನ್ತ ಪೂರ್ವೇ ಽರಿಷ್ಟಾ-ಸ್ಸ್ಯಾಮ ತನುವಾ ಸುವೀರಾಃ । ಮಹ್ಯಂ ಁಯಜನ್ತು ಮಮ ಯಾನಿ ಹವ್ಯಾ-ಽಽಕೂತಿ ಸ್ಸತ್ಯಾ ಮನಸೋ ಮೇ ಅಸ್ತು ।
ಏನೋ ಮಾನಿಗಾ-ಙ್ಕತಮಚ್ಚ ನಾಹಂ-ವಿಁಶ್ವೇ ದೇವಾಸೋ ಅಧಿವೋಚ ತಾ ಮೇ ।
ದೇವೀಷ್ಷಡು-ರ್ವೀರುರುಣಃ ಕೃಣೋತ ವಿಶ್ವೇ ದೇವಾಸ ಇಹ ವೀರಯದ್ಧ್ವಮ್ ।
ಮಾಹಾಸ್ಮಹಿ ಪ್ರಜಯಾ ಮಾ ತನೂಭಿ-ರ್ಮಾರಧಾಮ ದ್ವಿಷತೇ ಸೋಮರಾಜನ್ನ್ ।
ಅಗ್ನಿರ್ಮನ್ಯು-ಮ್ಪ್ರತಿನುದ-ನ್ಪುರಸ್ತಾ-ದದಬ್ಧೋ ಗೋಪಾಃ ಪರಿಪಾಹಿ ನಸ್ತ್ವಮ್ ॥ 31 ॥
ಪ್ರತ್ಯಞ್ಚೋ ಯನ್ತು ನಿಗುತಃ ಪುನಸ್ತೇ ಽಮೈಷಾ-ಞ್ಚಿತ್ತ-ಮ್ಪ್ರಬುಧಾ ವಿನೇಶತ್ ।
ಧಾತಾ ಧಾತೃಣಾ-ಮ್ಭುವನಸ್ಯ ಯಸ್ಪತಿ-ರ್ದೇವಗ್ಂ ಸವಿತಾರಮಭಿ ಮಾತಿಷಾಹಮ್ ।
ಇಮಂ-ಯಁಜ್ಞ ಮಶ್ವಿನೋಭಾ ಬೃಹಸ್ಪತಿ-ರ್ದೇವಾಃ ಪಾನ್ತು ಯಜಮಾನ-ನ್ನ್ಯರ್ಥಾತ್ ।
ಉರುವ್ಯಚಾ ನೋ ಮಹಿಷ ಶ್ಶರ್ಮಯಗ್ಂ ಸದಸ್ಮಿನ್. ಹವೇ ಪುರುಹೂತಃ ಪುರುಕ್ಷು ।
ಸ ನಃ ಪ್ರಜಾಯೈ ಹರ್ಯಶ್ವ ಮೃಡಯೇನ್ದ್ರ ಮಾ ನೋ ರೀರಿಷೋ ಮಾ ಪರಾದಾಃ ॥ 32 ॥
ಯೇ ನ ಸ್ಸಪತ್ನಾ ಅಪತೇ ಭವನ್ತ್ವಿನ್ದ್ರಾ-ಗ್ನಿಭ್ಯಾ ಮವ ಬಾಧಾಮಹೇ ತಾನ್ ।
ವಸವೋ ರುದ್ರಾ ಆದಿತ್ಯಾ ಉಪರಿ ಸ್ಪೃಶಂ ಮೋಗ್ರಂ-ಚೇತ್ತಾರಮಧಿ ರಾಜಮಕ್ರನ್ನ್ ।
ಅರ್ವಾಞ್ಚ ಮಿನ್ದ್ರ ಮಮುತೋ ಹವಾಮಹೇ ಯೋ ಗೋಜಿ-ದ್ಧನ-ಜಿದಶ್ವ-ಜಿದ್ಯಃ ।
ಇಮನ್ನೋ ಯಜ್ಞಂ-ವಿಁಹವೇ ಜುಷಸ್ವಾಸ್ಯ ಕುರ್ಮೋ ಹರಿವೋ ಮೇದಿನಂ ತ್ವಾ ॥ 33 (14) ॥
21 ಮೃಗಾರಃ
ಅಗ್ನೇ-ರ್ಮನ್ವೇ ಪ್ರಥಮಸ್ಯ ಪ್ರಚೇತಸೋಯ-ಮ್ಪಾಞ್ಚಜನ್ಯ-ಮ್ಬಹವ ಸ್ಸಮಿನ್ಧತೇ ।
ವಿಶ್ವಸ್ಯಾಂ-ವಿಁಶಿ ಪ್ರವಿವಿಶಿವಾಗ್ಂ ಸಮೀಮಹೇ ಸ ನೋ ಮುಞ್ಚತ್ವಗ್ಂ ಹಸಃ ।
ಯಸ್ಯೇದ-ಮ್ಪ್ರಾಣ-ನ್ನಿಮಿಷ-ದ್ಯದೇಜತಿ ಯಸ್ಯ ಜಾತ-ಞ್ಜನಮಾನ-ಞ್ಚ ಕೇವಲಮ್ ।
ಸ್ತೌಮ್ಯಗ್ನಿ-ನ್ನಾಥಿತೋ ಜೋಹವೀಮಿ ಸ ನೋ ಮುಞ್ಚತ್ವಗ್ಂ ಹಸಃ ।
ಇನ್ದ್ರಸ್ಯ ಮನ್ಯೇ ಪ್ರಥಮಸ್ಯ ಪ್ರಚೇತಸೋ ವೃತ್ರಘ್ನ-ಸ್ಸ್ತೋಮಾ ಉಪಮಾ ಮುಪಾಗುಃ ।
ಯೋ ದಾಶುಷಃ ಸುಕೃತೋ ಹವಮುಪ ಗನ್ತಾ ಸ ನೋ ಮುಞ್ಚತ್ವಗ್ಂ ಹಸಃ ॥ 34 ॥
ಯ ಸ್ಸಂಗ್ರಾಮ-ನ್ನಯತಿ ಸಂವಁಶೀ ಯುಧೇ ಯಃ ಪುಷ್ಟಾನಿ ಸಗ್ಂಸೃಜತಿ ತ್ರಯಾಣಿ । ಸ್ತೌಮೀನ್ದ್ರ-ನ್ನಾಥಿತೋ ಜೋಹವೀಮಿ ಸ ನೋ ಮುಞ್ಚತ್ವಗ್ಂ ಹಸಃ । ಮನ್ವೇವಾಂ ಮಿತ್ರಾವರುಣಾ ತಸ್ಯ ವಿತ್ತಗ್ಂ ಸತ್ಯೌಜಸಾ ದೃಗ್ಂಹಣಾ ಯ-ನ್ನುದೇಥೇ । ಯಾ ರಾಜಾನಗ್ಂ ಸರಥಂ ಁಯಾಥ ಉಗ್ರಾ ತಾ ನೋ ಮುಞ್ಚತ ಮಾಗಸಃ ।
ಯೋ ವಾಗ್ಂ ರಥ ಋಜುರಶ್ಮಿ-ಸ್ಸತ್ಯಧರ್ಮಾ ಮಿಥು-ಶ್ಚರನ್ತ-ಮುಪಯಾತಿ ದೂಷಯನ್ನ್ ॥ 35 ॥
ಸ್ತೌಮಿ ಮಿತ್ರಾವರುಣಾ ನಾಥಿತೋ ಜೋಹವೀಮಿ ತೌ ನೋ ಮುಞ್ಚತ ಮಾಗಸಃ । ವಾಯೋ-ಸ್ಸವಿತು-ರ್ವಿದಥಾನಿ ಮನ್ಮಹೇ ಯಾವಾತ್ಮನ್-ವದ್ಬಿಭೃತೋ ಯೌ
ಚ ರಕ್ಷತಃ । ಯೌ ವಿಶ್ವಸ್ಯ ಪರಿಭೂ ಬಭೂವತುಸ್ತೌ ನೋ ಮುಞ್ಚತ ಮಾಗಸಃ ।
ಉಪಶ್ರೇಷ್ಠಾನ ಆಶಿಷೋ ದೇವಯೋರ್ಧರ್ಮೇ ಅಸ್ಥಿರನ್ನ್ । ಸ್ತೌಮಿ ವಾಯುಗ್ಂ ಸವಿತಾರ-ನ್ನಾಥಿತೋ ಜೋಹವೀಮಿ ತೌ ನೋ ಮುಞ್ಚತ ಮಾಗಸಃ ।
ರಥೀತಮೌ ರಥೀನಾ ಮಹ್ವ ಊತಯೇ ಶುಭಙ್ಗಮಿಷ್ಠೌ ಸುಯಮೇ-ಭಿರಶ್ವೈಃ ॥ 36 ॥
ಯಯೋರ್ವಾ-ನ್ದೇವೌ ದೇವೇಷ್ವ-ನಿಶಿತ ಮೋಜಸ್ತೌ ನೋ ಮುಞ್ಚತ ಮಾಗಸಃ । ಯದಯಾತಂ-ವಁಹತುಗ್ಂ ಸೂರ್ಯಾಯಾ-ಸ್ತ್ರಿಚಕ್ರೇಣ ಸಗ್ಂ ಸದಮಿಚ್ಛಮಾನೌ । ಸ್ತೌಮಿ ದೇವಾ ವಶ್ವಿನೌ ನಾಥಿತೋ ಜೋಹವೀಮಿ ತೌ ನೋ ಮುಞ್ಚತ ಮಾಗಸಃ ।
ಮರುತಾಂ ಮನ್ವೇ ಅಧಿನೋ ಬ್ರುವನ್ತು ಪ್ರೇಮಾಂ-ವಾಁಚಂ ಁವಿಶ್ವಾಮವನ್ತು ವಿಶ್ವೇ ।
ಆಶೂನ್. ಹುವೇ ಸುಯಮಾನೂತಯೇ ತೇ ನೋ ಮುಞ್ಚನ್ತ್ವೇನಸಃ । ತಿಗ್ಮಮಾಯುಧಂ-ವೀಁಡಿತಗ್ಂ ಸಹಸ್ವದ ದಿವ್ಯಗ್ಂ ಶರ್ಧಃ ಪೃತನಾಸು ಜಿಷ್ಣು ॥ 37 ॥
ಸ್ತೌಮಿ ದೇವಾ-ನ್ಮರುತೋ ನಾಥಿತೋ ಜೋಹವೀಮಿ ತೇ ನೋ ಮುಞ್ಚನ್ತ್ವೇನಸಃ । ದೇವಾನಾ-ಮ್ಮನ್ವೇ ಅಧಿ ನೋ ಬ್ರುವನ್ತು ಪ್ರೇಮಾಂ-ವಾಁಚಂ ಁವಿಶ್ವಾಮವನ್ತು ವಿಶ್ವೇ । ಆಶೂನ್. ಹುವೇ ಸುಯಮಾನೂತಯೇ ತೇ ನೋ ಮುಞ್ಚನ್ತ್ವೇನಸಃ । ಯದಿದ-ಮ್ಮಾ-ಽಭಿಶೋಚತಿ ಪೌರುಷೇಯೇಣ ದೈವ್ಯೇನ । ಸ್ತೌಮಿ ವಿಶ್ವಾ-ನ್ದೇವಾ-ನ್ನಾಥಿತೋ ಜೋಹವೀಮಿ ತೇ ನೋ ಮುಞ್ಚನ್ತ್ವೇನಸಃ ।
ಅನುನೋ-ಽದ್ಯಾನುಮತಿರನ್ವಿದನು ಮತೇ ತ್ವಂ-ವೈಁಶ್ವಾನರೋ ನ ಊತ್ಯಾ ಪೃಷ್ಟೋ ದಿವಿ ॥ 38 ॥
ಅನುನೋ-ಽಧ್ಯಾನುಮತಿ-ರ್ಯಜ್ಞ-ನ್ದೇವೇಷು ಮನ್ಯತಾಮ್ । ಅಗ್ನಿಶ್ಚ ಹವ್ಯ ವಾಹನೋ ಭವತಾ-ನ್ದಾಶುಷೇ ಮಯಃ । ಅನ್ವಿದನುಮತೇ ತ್ವ-ಮ್ಮನ್ಯಾಸೈ ಶಞ್ಚ ನಃ ಕೃಧಿ । ಕ್ರತ್ವೇ ದಕ್ಷಾಯ ನೋ ಹಿನು ಪ್ರಣ ಆಯೂಗ್ಂಷಿ ತಾರಿಷಃ ॥ 38ಅ ॥
ವೈಶ್ವಾನರೋ ನ ಊತ್ಯಾ ಽಽಪ್ರಯಾತು ಪರಾವತಃ । ಅಗ್ನಿರುಕ್ಥೇನ ವಾಹಸಾ ।
ಪೃಷ್ಟೋ ದಿವಿ ಪೃಷ್ಟೋ ಅಗ್ನಿಃ ಪೃಥಿವ್ಯಾ-ಮ್ಪೃಷ್ಟೋ ವಿಶ್ವಾ ಓಷಧೀರಾ-ವಿವೇಶ ।
ವೈಶ್ವಾನರ ಸ್ಸಹಸಾ ಪೃಷ್ಟೋ ಅಗ್ನಿಸ್ಸನೋ ದಿವಾ ಸರಿಷಃ ಪಾತು ನಕ್ತಮ್ ॥ 38ಬ್ ॥
ಯೇ ಅಪ್ರಥೇತಾ ಮಮಿತೇಭಿ ರೋಜೋಭಿ ರ್ಯೇ ಪ್ರತಿಷ್ಠೇ ಅಭವತಾಂ-ವಁಸೂನಾಮ್ । ಸ್ತೌಮಿ ದ್ಯಾವಾಪೃಥಿವೀ ನಾಥಿತೋ ಜೋಹವೀಮಿ ತೇ ನೋ ಮುಞ್ಚತಮಗ್ಂ ಹಸಃ ।
ಉರ್ವೀ ರೋದಸೀ ವರಿವಃ ಕೃಣೋತ-ಙ್ಕ್ಷೇತ್ರಸ್ಯ ಪತ್ನೀ ಅಧಿನೋ ಬ್ರೂಯಾತಮ್ । ಸ್ತೌಮಿ ದ್ಯಾವಾಪೃಥಿವೀ ನಾಥಿತೋ ಜೋಹವೀಮಿ ತೇ ನೋ ಮುಞ್ಚತಮಗ್ಂ ಹಸಃ ।
ಯತ್ತೇ ವಯ-ಮ್ಪುರುಷತ್ರಾಯ ವಿಷ್ಠಾ ವಿದ್ವಾಗ್ಂ ಸಶ್ಚ ಕೃಮಾ ಕಚ್ಚ ನಾಗಃ ॥ 39 ॥
ಕೃಧೀ ಸ್ವಸ್ಮಾಗ್ಂ ಅದಿತೇರನಾಗಾ ವ್ಯೇನಾಗ್ಂಸಿ ಶಿಶ್ರಥೋ ವಿಷ್ವಗಗ್ನೇ । ಯಥಾ ಹ ತ-ದ್ವಸವೋ ಗೌರ್ಯಂ ಚಿ-ತ್ಪದಿಷಿತಾ ಮಮುಞ್ಚತಾ ಯಜತ್ರಾಃ ।
ಏವಾ ತ್ವಮಸ್ಮ-ತ್ಪ್ರಮುಞ್ಚಾ ವ್ಯಗ್ಂಹಃ ಪ್ರಾತಾರ್ಯಗ್ನೇ ಪ್ರತರಾನ್ನ ಆಯುಃ ॥ 40 (15) ॥
22 ಸರ್ಪಾಹುತೀ ಮನ್ತ್ರಾಃ
ಸಮೀಚೀ ನಾಮಾಸಿ ಪ್ರಾಚೀ ದಿಕ್ತಸ್ಯಾಸ್ತೇ ಽಗ್ನಿರಧಿಪತಿ ರಸಿತೋ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌನೋ ಮೃಡಯತಾಂ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮ್ಯೋ-,
-ಜಸ್ವಿನೀ ನಾಮಾಸಿ ದಕ್ಷಿಣಾ ದಿಕ್ತಸ್ಯಾಸ್ತ ಇನ್ದ್ರೋ-ಽಧಿಪತಿಃ ಪೃದಾಕುಃ ,
ಪ್ರಾಚೀ ನಾಮಾಸಿ ಪ್ರತೀಚೀ ದಿಕ್ತಸ್ಯಾಸ್ತೇ ಸೋಮೋ-ಽಧಿಪತಿ ಸ್ಸ್ವಜೋ ,
-ಽವಸ್ಥಾವಾ ನಾಮಾ-ಸ್ಯುದೀಚೀ ದಿಕ್ತಸ್ಯಾಸ್ತೇ ವರುಣೋ-ಽಧಿಪತಿ-ಸ್ತಿರಶ್ಚರಾಜಿಃ,
-ರಧಿಪತ್ನೀ ನಾಮಾಸಿ ಬೃಹತೀ ದಿಕ್ತಸ್ಯಾಸ್ತೇ ಬೃಹಸ್ಪತಿ-ರಧಿಪತಿ ಶ್ಶ್ವಿತ್ರೋ,
ವಶಿನೀ ನಾಮಾಸೀ ಯ-ನ್ದಿಕ್ತಸ್ಯಾಸ್ತೇ ಯಮೋ-ಽಧಿಪತಿಃ ಕಲ್ಮಾಷ ಗ್ರೀವೋ,
ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ
ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮಿ ॥ 41 (16) ॥
23 ಸರ್ಪಾಹುತೀ ಮನ್ತ್ರಾಃ (ಅನುಷಙ್ಗಂ)
ಸಮೀಚೀ ನಾಮಾಸಿ ಪ್ರಾಚೀ ದಿಕ್ತಸ್ಯಾಸ್ತೇ ಽಗ್ನಿರಧಿಪತಿ ರಸಿತೋ ರಕ್ಷಿತಾ-ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ
ತಾಭ್ಯಾಂ ನಮಸ್ತೌ ನೋ ಮೃಡಯತಾಂ
ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಂಁ ಜಮ್ಭೇ ದಧಾಮಿ ।
ಓಜಸ್ವಿನೀ ನಾಮಾಸಿ ದಕ್ಷಿಣಾ ದಿಕ್ತಸ್ಯಾಸ್ತ ಇನ್ದ್ರೋ-ಽಧಿಪತಿಃ ಪೃದಾಕುಃ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ ತೇ ಯ-ನ್ದ್ವಿಷ್ಮೋ ಯಶ್ಚನೋ ದ್ವೇಷ್ಟಿ ತಂ-ವಾಂಁ ಜಮ್ಭೇ ದಧಾಮಿ ।
ಪ್ರಾಚೀ ನಾಮಾಸಿ ಪ್ರತೀಚೀ ದಿಕ್ತಸ್ಯಾಸ್ತೇ ಸೋಮೋ-ಽಧಿಪತಿ ಸ್ಸ್ವಜೋ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮಿ ।
ಅವಸ್ಥಾವಾ ನಾಮಾ-ಸ್ಯುದೀಚೀ ದಿಕ್ತಸ್ಯಾಸ್ತೇ ವರುಣೋ-ಽಧಿಪತಿ-ಸ್ತಿರಶ್ಚರಾಜಿಃ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮಿ ।
ಅಧಿಪತ್ನೀ ನಾಮಾಸಿ ಬೃಹತೀ ದಿಕ್ತಸ್ಯಾಸ್ತೇ ಬೃಹಸ್ಪತಿ-ರಧಿಪತಿ-ಶ್ಶ್ವಿತ್ರೋ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮಿ ।
ವಶಿನೀ ನಾಮಾಸೀಯ-ನ್ದಿಕ್ತಸ್ಯಾಸ್ತೇ ಯಮೋ-ಽಧಿಪತಿಃ ಕಲ್ಮಾಷ ಗ್ರೀವೋ ರಕ್ಷಿತಾ ಯಶ್ಚಾಧಿಪತಿ-ರ್ಯಶ್ಚ ಗೋಪ್ತಾ ತಾಭ್ಯಾಂ ನಮಸ್ತೌ ನೋ ಮೃಡಯತಾಂ
ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಂಁ ಜಮ್ಭೇ ದಧಾಮಿ ॥ 41ಆ (16ಆ) ॥
24 ಗನ್ಧರ್ವಾಹುತೀಃ
ಹೇತಯೋ ನಾಮಸ್ಥ ತೇಷಾಂ-ವಃ ಁಪುರೋ ಗೃಹಾ ಅಗ್ನಿರ್ವ ಇಷವ ಸ್ಸಲಿಲೋ,
ನಿಲಿಪಾ-ನ್ನಾಮಸ್ಥ ತೇಷಾಂ-ವೋಁ ದಕ್ಷಿಣಾ ಗೃಹಾಃ ಪಿತರೋ ವ ಇಷವ ಸ್ಸಗರೋ,
ವಜ್ರಿಣೋ ನಾಮಸ್ಥ ತೇಷಾಂ-ವಃ ಁಪಶ್ಚಾ-ದ್ಗೃಹಾ ಸ್ಸ್ವಪ್ನೋ ವ ಇಷವೋ ಗಹ್ವರೋ,
-ಽವಸ್ಥಾವಾನೋ ನಾಮಸ್ಥ ತೇಷಾಂ-ವಁ ಉತ್ತರಾ-ದ್ಗೃಹಾ ಆಪೋ ವ ಇಷವ ಸ್ಸಮುದ್ರೋ-,
-ಽಧಿಪತಯೋ ನಾಮಸ್ಥ ತೇಷಾಂ-ವಁ ಉಪರಿ ಗೃಹಾ ವರ್ಷಂ-ವಁ ಇಷವೋ-ಽವಸ್ವಾನ್,
ಕ್ರವ್ಯಾ ನಾಮಸ್ಥ ಪಾರ್ಥಿವಾ-ಸ್ತೇಷಾಂ-ವಁ ಇಹ ಗೃಹಾ ಅನ್ನಂ ಁವ ಇಷವೋ ನಿಮಿಷೋ,
ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ
ತಂ-ವೋಁ ಜಮ್ಭೇ ದಧಾಮಿ ॥ 42 (17) ॥
25 ಗನ್ಧರ್ವಾಹುತೀಃ (ಅನುಷಙ್ಗಂ)
ಹೇತಯೋ ನಾಮಸ್ಥ ತೇಷಾಂ-ವಃ ಁಪುರೋ ಗೃಹಾ ಅಗ್ನಿರ್ವ ಇಷವ-ಸ್ಸಲಿಲೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ।
ನಿಲಿಪಾ-ನ್ನಾಮಸ್ಥ ತೇಷಾಂ-ವೋಁ ದಕ್ಷಿಣಾ ಗೃಹಾಃ ಪಿತರೋ ವ ಇಷವ-ಸ್ಸಗರೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ।
ವಜ್ರಿಣೋ ನಾಮಸ್ಥ ತೇಷಾಂ-ವಃ ಁಪಶ್ಚಾ-ದ್ಗೃಹಾ ಸ್ಸ್ವಪ್ನೋ ವ ಇಷವೋ ಗಹ್ವರೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ।
ಅವಸ್ಥಾವಾನೋ ನಾಮಸ್ಥ ತೇಷಾಂ-ವಁ ಉತ್ತರಾ-ದ್ಗೃಹಾ ಆಪೋ ವ ಇಷವಸ್ಸಮುದ್ರೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ।
ಅಧಿಪತಯೋ ನಾಮಸ್ಥ ತೇಷಾಂ-ವಁ ಉಪರಿ ಗೃಹಾ ವರ್ಷಂ-ವಁ ಇಷವೋ-ಽವಸ್ವಾನ್ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ।
ಕ್ರವ್ಯಾ ನಾಮಸ್ಥ ಪಾರ್ಥಿವಾ-ಸ್ತೇಷಾಂ-ವಁ ಇಹ ಗೃಹಾ ಅನ್ನಂ ಁವ ಇಷವೋ ನಿಮಿಷೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥ 42ಆ (17ಆ) ॥
26 ಅಜ್ಯಾನಿ ಮನ್ತ್ರಾಃ
ಶತಾಯುಧಾಯ ಶತವೀರ್ಯಾಯ ಶತೋತಯೇ ಽಭಿಮಾತಿಷಾಹೇ । ಶತಂ-ಯೋಁ ನ ಶ್ಶರದೋ ಅಜೀತಾ-ನಿನ್ದ್ರೋ ನೇಷದತಿ ದುರಿತಾನಿ ವಿಶ್ವಾ ।
ಯೇ ಚತ್ವಾರಃ ಪಥಯೋ ದೇವಯಾನಾ ಅನ್ತರಾ ದ್ಯಾವಾಪೃಥಿವೀ ವಿಯನ್ತಿ । ತೇಷಾಂ-ಯೋಁ ಅಜ್ಯಾನಿ- ಮಜೀತಿ-ಮಾವಹಾತ್ತಸ್ಮೈ ನೋ ದೇವಾಃ ಪರಿದತ್ತೇಹ ಸರ್ವೇ । ಗ್ರೀಷ್ಮೋ ಹೇಮನ್ತ ಉತ ನೋ ವಸನ್ತ ಶ್ಶರ-ದ್ವರ್ಷಾ ಸ್ಸುವಿತನ್ನೋ ಅಸ್ತು ।
ತೇಷಾ-ಮೃತೂನಾಗ್ಂ ಶತಶಾರದಾನಾ-ನ್ನಿವಾತ ಏಷಾಮಭಯೇ ಸ್ಯಾಮ । ಇದುವಥ್ಸರಾಯ ಪರಿವಥ್ಸರಾಯ ಸಂವಁಥ್ಸರಾಯ ಕೃಣುತಾ ಬೃಹನ್ನಮಃ । ತೇಷಾಂ ಁವಯಗ್ಂ ಸುಮತೌ ಯಜ್ಞಿಯಾನಾ-ಞ್ಜ್ಯೋಗಜೀತಾ ಅಹತಾ ಸ್ಸ್ಯಾಮ ।
ಭದ್ರಾನ್ನ-ಶ್ಶ್ರೇಯ ಸ್ಸಮನೈಷ್ಟ ದೇವಾ ಸ್ತ್ವಯಾ-ಽವಸೇನ ಸಮಶೀಮಹಿ ತ್ವಾ ।
ಸನೋಮಯೋ ಭೂಃ ಪಿತೋ ಆವಿಶಸ್ವ ಶನ್ತೋಕಾಯ ತನುವೇ ಸ್ಯೋನಃ ॥ 43 (18) ॥
ಭೂತ-ಮ್ಭವ್ಯಂ ಭವಿಷ್ಯ-ದ್ವಷ-ಟ್ಥ್ಸ್ವಾಹಾ ,
ನಮ ಋ-ಖ್ಸಾಮ-ಯಜು-ರ್ವಷ-ಟ್ಥ್ಸ್ವಾಹಾ ,
ನಮೋ ಗಾಯತ್ರೀ ತ್ರಿಷ್ಟುಪ್ ಜಗತೀ ವಷ-ಟ್ಥ್ಸ್ವಾಹಾ ,
ನಮಃ ಪೃಥಿವ್ಯನ್ತರಿಕ್ಷಂ ದ್ಯೌ-ರ್ವಷ-ಟ್ಥ್ಸ್ವಾಹಾ ,
ನಮೋ ಽಗ್ನಿರ್ವಾಯು-ಸ್ಸೂರ್ಯೋ ವಷ-ಟ್ಥ್ಸ್ವಾಹಾ ,
ನಮಃ ಪ್ರಾಣೋ-ವ್ಯಾನೋ-ಽಪಾನೋ ವಷ-ಟ್ಥ್ಸ್ವಾಹಾ ,
ನಮೋ-ಽನ್ನಂ ಕೃಷಿ-ರ್ವೃಷ್ಟಿ-ರ್ವಷ-ಟ್ಥ್ಸ್ವಾಹಾ ,
ನಮಃ ಪಿತಾ ಪುತ್ರಃ ಪೌತ್ರೋ ವಷ-ಟ್ಥ್ಸ್ವಾಹಾ ,
ನಮೋ ಭೂರ್ಭುವಸ್ಸುವ ರ್ವಷ-ಟ್ಥ್ಸ್ವಾಹಾ ನಮಃ ॥ 44 (19) ॥
27 ಅಥರ್ವಶೀರ್ಷಂ
(ತೈ. ಬ್ರಾ. 1.5.8.1-1.5.8.3)
ಇನ್ದ್ರೋ ದಧೀಚೋ ಅಸ್ಥಭಿಃ । ವೃತ್ರಾಣ್ಯ ಪ್ರತಿಷ್ಕುತಃ । ಜಘಾನ ನವತೀರ್ನವ । ಇಚ್ಛನ್ನ-ಶ್ವಸ್ಯ ಯಚ್ಛಿರಃ । ಪರ್ವತೇಷ್ವಪಶ್ರಿತಮ್ । ತದ್ವಿದಚ್ಛರ್ಯಣಾವತಿ ।
ಅತ್ರಾ ಹ ಗೋರಮನ್ವತ । ನಾಮ ತ್ವಷ್ಟುರ-ಪೀಚ್ಯಮ್ । ಇತ್ಥಾ ಚನ್ದ್ರಮಸೋ ಗೃಹೇ ।
ಇನ್ದ್ರಮಿ-ದ್ಗಾಥಿನೋ ಬೃಹತ್ ॥ 45 ॥
ಇನ್ದ್ರ-ಮರ್ಕೇಭಿ ರರ್ಕಿಣಃ । ಇನ್ದ್ರಂ ಁವಾಣೀರನೂಷತ । ಇನ್ದ್ರ ಇದ್ಧರ್ಯೋ ಸ್ಸಚಾ ।
ಸ-ಮ್ಮಿಶ್ಲ ಆವಚೋ ಯುಜಾ । ಇನ್ದ್ರೋ ವಜ್ರೀ ಹಿರಣ್ಯಯಃ । ಇನ್ದ್ರೋ ದೀರ್ಘಾಯ ಚಕ್ಷಸೇ । ಆ ಸೂರ್ಯಗ್ಂ ರೋಹಯ-ದ್ದಿವಿ । ವಿ ಗೋಭಿರದ್ರಿಮೈರಯತ್ । ಇನ್ದ್ರ ವಾಜೇಷು ನೋ ಅವ । ಸಹಸ್ರ ಪ್ರಧನೇಷು ಚ ॥ 46 ॥
ಉಗ್ರ ಉಗ್ರಾಭಿ-ರೂತಿಭಿಃ । ತಮಿನ್ದ್ರಂ ಁವಾಜಯಾಮಸಿ । ಮಹೇ ವೃತ್ರಾಯ ಹನ್ತವೇ । ಸ ವೃಷಾ ವೃಷಭೋ-ಭುವತ್ । ಇನ್ದ್ರ ಸ್ಸದಾ ಮನೇ ಕೃತಃ । ಓಜಿಷ್ಠ ಸ್ಸಬಲೇ ಹಿತಃ । ದ್ಯುಮ್ನೀ ಶ್ಲೋಕೀ ಸ ಸೌಮ್ಯಃ । ಗಿರಾ ವಜ್ರೋ ನ ಸಮ್ಭೃತಃ । ಸಬಲೋ ಅನಪಚ್ಯುತಃ । ವವಕ್ಷು ರುಗ್ರೋ ಅಸ್ತೃತಃ ॥ 47 (20) ॥
28 ಪ್ರತ್ಯಙ್ಗಿರಸಃ
(ತೈ. ಬ್ರಾ. 2.4.2.1-2.4.2.4)
ಚಕ್ಷುಷೋ ಹೇತೇ ಮನಸೋ ಹೇತೇ । ವಾಚೋ ಹೇತೇ ಬ್ರಹ್ಮಣೋ ಹೇತೇ । ಯೋಮಾ-ಽಘಾಯು-ರಭಿದಾಸತಿ । ತಮಗ್ನೇ ಮೇನ್ಯಾ-ಽಮೇನಿ-ಙ್ಕೃಣು । ಯೋಮಾ ಚಕ್ಷುಷಾ ಯೋ ಮನಸಾ । ಯೋ ವಾಚಾ ಬ್ರಹ್ಮಣಾ-ಽಘಾಯು-ರಭಿದಾಸತಿ । ತಯಾ-ಽಗ್ನೇ ತ್ವ-ಮ್ಮೇನ್ಯಾ । ಅಮುಮ ಮೇನಿ-ಙ್ಕೃಣು । ಯ-ತ್ಕಿಞ್ಚಾಸೌ ಮನಸಾ ಯಚ್ಚ ವಾಚಾ । ಯಜ್ಞೈ-ರ್ಜುಹೋತಿ ಯಜುಷಾ ಹವಿರ್ಭಿಃ ॥ 48 ॥
ತ-ನ್ಮೃತ್ಯು-ರ್ನಿರ್-ಋತ್ಯಾ ಸಂವಿಁದಾನಃ । ಪುರಾ-ಽಽದಿಷ್ಟಾ-ದಾಹುತೀ-ರಸ್ಯ ಹನ್ತು ।
ಯಾತುಧಾನಾ ನಿರ್-ಋತಿ-ರಾ-ದು ರಕ್ಷಃ । ತೇ ಅಸ್ಯಘ್ನಂ ತ್ವನೃತೇನ ಸತ್ಯಮ್ ।
ಇನ್ದ್ರೇಷಿತಾ ಆಜ್ಯಮಸ್ಯ ಮಥ್ನನ್ತು । ಮಾತ-ಥ್ಸಮೃದ್ಧಿ ಯದಸೌ ಕರೋತಿ ।
ಹನ್ಮಿತೇ-ಽಹ-ಙ್ಕೃತಗ್ಂ ಹವಿಃ । ಯೋ ಮೇ ಘೋರಮಚೀ ಕೃತಃ ।
ಅಪಾಞ್ಚೌ ತ ಉಭೌ ಬಾಹೂ । ಅಪನಹ್ಯಾಮ್ಯಾಸ್ಯಮ್ ॥ 49 ॥
ಅಪನಹ್ಯಾಮಿ ತೇ ಬಾಹೂ । ಅಪನಹ್ಯಾಮ್ಯಾಸ್ಯಮ್ । ಅಗ್ನೇ-ರ್ದೇವಸ್ಯ ಬ್ರಹ್ಮಣಾ । ಸರ್ವಂ ತೇ ಽವಧಿಷ-ಙ್ಕೃತಮ್ । ಪುರಾ-ಽಮುಷ್ಯ ವಷ-ಟ್ಕಾರಾತ್ । ಯಜ್ಞ-ನ್ದೇವೇಷು ನಸ್ಕೃಧಿ । ಸ್ವಿಷ್ಟ-ಮಸ್ಮಾಕಂ ಭೂಯಾತ್ । ಮಾ-ಽಸ್ಮಾ-ನ್ಪ್ರಾಪನ್ನರಾತಯಃ । ಅನ್ತಿ ದೂರೇ ಸತೋ ಅಗ್ನೇ । ಭ್ರಾತೃವ್ಯಸ್ಯಾ ಭಿದಾಸತಃ । ವಷ-ಟ್ಕಾರೇಣ ವಜ್ರೇಣ । ಕೃತ್ಯಾಗ್ಂ ಹನ್ಮಿ ಕೃತಾಮಹಮ್ । ಯೋ ಮಾ ನಕ್ತಂ ದಿವಾ ಸಾಯಮ್ । ಪ್ರಾತ-ಶ್ಚಾಹ್ನೋ ನಿಪೀಯತಿ । ಅದ್ಯಾ-ತಮಿನ್ದ್ರ ವಜ್ರೇಣ । ಭ್ರಾತೃವ್ಯ-ಮ್ಪಾದಯಾಮಸಿ ॥ 50 (21) ॥
(ತೈ. ಬ್ರಾ. 2.5.1.1-2.5.1.3)
ಪ್ರಾಣೋ ರಕ್ಷತಿ ವಿಶ್ವಮೇಜತ್ । ಇರ್ಯೋ ಭೂತ್ವಾ ಬಹುಧಾ ಬಹೂನಿ । ಸ ಇ-ಥ್ಸರ್ವಂ ಁವ್ಯಾನಶೇ । ಯೋ ದೇವೋ ದೇವೇಷು ವಿಭೂರನ್ತಃ ।
ಆವೃದೂದಾ-ತ್ಕ್ಷೇತ್ರಿಯದ್ಧ್ವಗ-ದ್ವೃಷಾ । ತಮಿ-ತ್ಪ್ರಾಣ-ಮ್ಮನಸೋಪ ಶಿಕ್ಷತ ।
ಅಗ್ರಂ ದೇವಾನಾ-ಮಿದಮತ್ತು ನೋ ಹವಿಃ । ಮನಸಶ್ಚಿ-ತ್ತೇದಮ್ । ಭೂತ-ಮ್ಭವ್ಯಂ ಚ ಗುಪ್ಯತೇ । ತದ್ಧಿ ದೇವೇಷ್ವ-ಗ್ರಿಯಮ್ ॥ 51 ॥
ಆ ನ ಏತು ಪುರಶ್ಚರಮ್ । ಸಹ ದೇವೈ-ರಿಮಗ್ಂ ಹವಮ್ । ಮನ-ಶ್ಶ್ರೇಯಸಿ ಶ್ರೇಯಸಿ । ಕರ್ಮನ್. ಯಜ್ಞಪತಿಂ ದಧತ್ । ಜುಷತಾಂ ಮೇ ವಾಗಿದಗ್ಂ ಹವಿಃ । ವಿರಾ-ಡ್ದೇವೀ ಪುರೋಹಿತಾ । ಹವ್ಯವಾಡನ-ಪಾಯಿನೀ । ಯಯಾ ರೂಪಾಣಿ ಬಹುಧಾ ವದನ್ತಿ । ಪೇಶಾಗ್ಂಸಿ ದೇವಾಃ ಪರಮೇ ಜನಿತ್ರೇ । ಸಾ ನೋ ವಿರಾಡನಪ ಸ್ಫುರನ್ತೀ ॥ 52 ॥
ವಾಗ್ದೇವೀ ಜುಷತಾ-ಮಿದಗ್ಂ ಹವಿಃ । ಚಕ್ಷು-ರ್ದೇವಾನಾಂ ಜ್ಯೋತಿರಮೃತೇ ನ್ಯಕ್ತಮ್ ।
ಅಸ್ಯ ವಿಜ್ಞಾನಾಯ ಬಹುಧಾ ನಿಧೀಯತೇ । ತಸ್ಯ ಸುಮ್ನ-ಮಶೀಮಹಿ । ಮಾ ನೋ ಹಾಸೀ-ದ್ವಿಚಕ್ಷಣಮ್ । ಆಯುರಿನ್ನಃ ಪ್ರತೀರ್ಯತಾಮ್ । ಅನನ್ಧಾ-ಶ್ಚಕ್ಷುಷಾ ವಯಮ್ । ಜೀವಾ ಜ್ಯೋತಿ-ರಶೀಮಹಿ । ಸುವ-ರ್ಜ್ಯೋತಿ-ರುತಾಮೃತಂ । ಶ್ರೋತ್ರೇಣ ಭದ್ರ ಮುತ-ಶೃಣ್ವನ್ತಿ ಸತ್ಯಮ್ । ಶ್ರೋತ್ರೇಣ ವಾಚಂ ಬಹುಧೋದ್ಯಮಾನಾಮ್ । ಶ್ರೋತ್ರೇಣ ಮೋದಶ್ಚ ಮಹಶ್ಚ ಶ್ರೂಯತೇ ।
ಶ್ರೋತ್ರೇಣ ಸರ್ವಾ ದಿಶ ಆಶೃಣೋಮಿ । ಯೇನ ಪ್ರಾಚ್ಯಾ ಉತ ದಕ್ಷಿಣಾ । ಪ್ರತೀಚ್ಯೈ ದಿಶ-ಶ್ಶೃಣ್ವನ್ತ್ಯುತ್ತರಾತ್ । ತದಿಚ್ಛ್ರೋತ್ರಂ ಬಹುಧೋದ್ಯಮಾನಮ್ ।
ಅರಾನ್ನ ನೇಮಿಃ ಪರಿಸರ್ವಂ ಬಭೂವ ॥ 53 (22) ॥
(ತೈ. ಬ್ರಾ. 2.7.7.1-2.7.7.7)
ಸಿಗ್ಂಹೇ ವ್ಯಾಘ್ರ ಉತ ಯಾ ಪೃದಾಕೌ । ತ್ವಿಷಿ-ರಗ್ನೌ ಬ್ರಾಹ್ಮಣೇ ಸೂರ್ಯೇಯಾ ।
ಇನ್ದ್ರಂ ಁಯಾ ದೇವೀ ಸುಭಗಾ ಜಜಾನ । ಸಾ ನ ಆಗನ್ ವರ್ಚಸಾ ಸಂವಿಁದಾನಾ । ಯಾ ರಾಜನ್ಯೇ ದುನ್ದು-ಭಾವಾಯತಾಯಾಮ್ । ಅಶ್ವಸ್ಯ ಕ್ರನ್ದ್ಯೇ ಪುರುಷಸ್ಯ ಮಾಯೌ । ಇನ್ದ್ರಂ ಁಯಾ ದೇವೀ ಸುಭಗಾ ಜಜಾನ । ಸಾ ನ ಆಗನ್ ವರ್ಚಸಾ ಸಂವಿಁದಾನಾ । ಯಾ ಹಸ್ತಿನಿ ದ್ವೀಪಿನಿ ಯಾ ಹಿರಣ್ಯೇ । ತ್ವಿಷಿ-ರಶ್ವೇಷು ಪುರುಷೇಷು ಗೋಷು ॥ 54 ॥
ಇನ್ದ್ರಂ ಁಯಾ ದೇವೀ ಸುಭಗಾ ಜಜಾನ । ಸಾ ನ ಆಗನ್ ವರ್ಚಸಾ ಸಂವಿಁದಾನಾ । ರಥೇ ಅಕ್ಷೇಷು ವೃಷಭಸ್ಯ ವಾಜೇ । ವಾತೇ ಪರ್ಜನ್ಯೇ ವರುಣಸ್ಯ ಶುಷ್ಮೇ । ಇನ್ದ್ರಂ ಁಯಾ ದೇವೀ ಸುಭಗಾ ಜಜಾನ । ಸಾ ನ ಆಗನ್ ವರ್ಚಸಾ ಸಂವಿಁದಾನಾ । ರಾಡಸಿ ವಿರಾಡಸಿ । ಸಮ್ರಾಡಸಿ ಸ್ವರಾಡಸಿ । ಇನ್ದ್ರಾಯ ತ್ವಾ ತೇಜಸ್ವತೇ ತೇಜಸ್ವನ್ತಗ್ಗ್ ಶ್ರೀಣಾಮಿ । ಇನ್ದ್ರಾಯ ತ್ವೌಜಸ್ವತ ಓಜಸ್ವನ್ತಗ್ಗ್ ಶ್ರೀಣಾಮಿ ॥ 55 ॥
ಇನ್ದ್ರಾಯ ತ್ವಾ ಪಯಸ್ವತೇ ಪಯಸ್ವನ್ತಗ್ಗ್ ಶ್ರೀಣಾಮಿ । ಇನ್ದ್ರಾಯ ತ್ವಾ-ಽಽಯುಷ್ಮತ ಆಯುಷ್ಮನ್ತಗ್ಗ್ ಶ್ರೀಣಾಮಿ । ತೇಜೋ-ಽಸಿ । ತತ್ತೇ ಪ್ರಯಚ್ಛಾಮಿ । ತೇಜಸ್ವದಸ್ತು ಮೇ ಮುಖಮ್ । ತೇಜಸ್ವಚ್ಛಿರೋ ಅಸ್ತು ಮೇ । ತೇಜಸ್ವಾನ್. ವಿಶ್ವತಃ ಪ್ರತ್ಯಮ್ । ತೇಜಸಾ ಸ-ಮ್ಪಿಪೃಗ್ಧಿಮಾ । ಓಜೋ-ಽಸಿ । ತತ್ತೇ ಪ್ರಯಚ್ಛಾಮಿ ॥ 56 ॥
ಓಜಸ್ವದಸ್ತು ಮೇ ಮುಖಮ್ । ಓಜಸ್ವಚ್ಛಿರೋ ಅಸ್ತು ಮೇ । ಓಜಸ್ವಾನ್. ವಿಶ್ವತಃ ಪ್ರತ್ಯಮ್ । ಓಜಸಾ ಸಮ್ಪಿಪೃಗ್ಧಿ ಮಾ । ಪಯೋ-ಽಸಿ । ತತ್ತೇ ಪ್ರಯಚ್ಛಾಮಿ । ಪಯಸ್ವದಸ್ತು ಮೇ ಮುಖಮ್ । ಪಯಸ್ವಚ್ಛಿರೋ ಅಸ್ತು ಮೇ । ಪಯಸ್ವಾನ್. ವಿಶ್ವತಃ ಪ್ರತ್ಯಮ್ । ಪಯಸಾ ಸಮ್ಪಿಪೃಗ್ಧಿ ಮಾ ॥ 57 ॥
ಆಯುರಸಿ । ತತ್ತೇ ಪ್ರಯಚ್ಛಾಮಿ । ಆಯುಷ್ಮದಸ್ತು ಮೇ ಮುಖಮ್ । ಆಯುಷ್ಮಚ್ಛಿರೋ ಅಸ್ತು ಮೇ । ಆಯುಷ್ಮಾನ್. ವಿಶ್ವತಃ ಪ್ರತ್ಯಮ್ । ಆಯುಷಾ ಸಮ್ಪಿಪೃಗ್ಧಿ ಮಾ । ಇಮ-ಮಗ್ನ ಆಯುಷೇ ವರ್ಚಸೇ ಕೃಧಿ । ಪ್ರಿಯಗ್ಂ ರೇತೋ ವರುಣ ಸೋಮ ರಾಜನ್ನ್ । ಮಾ-ತೇ-ವಾಸ್ಮಾ ಅದಿತೇ ಶರ್ಮ ಯಚ್ಛ । ವಿಶ್ವೇ ದೇವಾ ಜರದಷ್ಟಿ-ರ್ಯಥಾ-ಽಸತ್ ॥ 58 ॥
ಆಯುರಸಿ ವಿಶ್ವಾಯುರಸಿ । ಸರ್ವಾಯುರಸಿ ಸರ್ವಮಾಯುರಸಿ । ಯತೋ ವಾತೋ ಮನೋಜವಾಃ । ಯತಃ, ಕ್ಷರನ್ತಿ ಸಿನ್ಧವಃ । ತಾಸಾಂ ತ್ವಾ ಸರ್ವಾಸಾಗ್ಂ ರುಚಾ । ಅಭಿಷಿಞ್ಚಾಮಿ ವರ್ಚಸಾ । ಸಮುದ್ರ ಇವಾಸಿ ಗಹ್ಮನಾ । ಸೋಮ ಇವಾಸ್ಯದಾಭ್ಯಃ । ಅಗ್ನಿರಿವ ವಿಶ್ವತಃ ಪ್ರತ್ಯಮ್ । ಸೂರ್ಯ ಇವ ಜ್ಯೋತಿಷಾ ವಿಭೂಃ ॥ 59 ॥
ಅಪಾಂ-ಯೋಁ ದ್ರವಣೇ ರಸಃ । ತಮಹಮಸ್ಮಾ ಆಮುಷ್ಯಾಯಣಾಯ । ತೇಜಸೇ ಬ್ರಹ್ಮವರ್ಚಸಾಯ ಗೃಹ್ಣಾಮಿ । ಅಪಾಂ-ಯಁ ಊರ್ಮೌ ರಸಃ । ತಮಹಮಸ್ಮಾ ಆಮುಷ್ಯಾಯಣಾಯ । ಓಜಸೇ ವೀರ್ಯಾಯ ಗೃಹ್ಣಾಮಿ । ಅಪಾಂ-ಯೋಁ ಮದ್ಧ್ಯತೋ ರಸಃ । ತಮಹಮಸ್ಮಾ ಆಮುಷ್ಯಾಯಣಾಯ । ಪುಷ್ಟ್ಯೈ ಪ್ರಜನನಾಯ ಗೃಹ್ಣಾಮಿ । ಅಪಾಂ-ಯೋಁ ಯಜ್ಞಿಯೋ ರಸಃ । ತಮಹಮಸ್ಮಾ ಆಮುಷ್ಯಾಯಣಾಯ । ಆಯುಷೇ ದೀರ್ಘಾಯುತ್ವಾಯ ಗೃಹ್ಣಾಮಿ ॥ 60 (23) ॥
29 ಅನ್ನ ಸೂಕ್ತಂ
(ತೈ. ಬ್ರಾ. 2.8.8.1-2.8.8.4)
ಅಹಮಸ್ಮಿ ಪ್ರಥಮಜಾ ಋತಸ್ಯ । ಪೂರ್ವಂ ದೇವೇಭ್ಯೋ ಅಮೃತಸ್ಯ ನಾಭಿಃ ।
ಯೋ ಮಾ ದದಾತಿ ಸ ಇ ದೇವ ಮಾ ವಾಃ । ಅಹಮನ್ನ ಮನ್ನ ಮದನ್ತಮದ್ಮಿ । ಪೂರ್ವ-ಮಗ್ನೇರಪಿ ದಹತ್ಯನ್ನಂ । ಯತ್ತೌ ಹಾಸಾತೇ ಅಹಮುತ್ತರೇಷು । ವ್ಯಾತ್ತಮಸ್ಯ ಪಶವ-ಸ್ಸುಜಮ್ಭಮ್ । ಪಶ್ಯನ್ತಿ ಧೀರಾಃ ಪ್ರಚರನ್ತಿ ಪಾಕಾಃ ।
ಜಹಾಮ್ಯನ್ಯ-ನ್ನ ಜಹಾಮ್ಯನ್ಯಮ್ । ಅಹಮನ್ನಂ ಁವಶಮಿಚ್ಚರಾಮಿ ॥ 61 ॥
ಸಮಾನಮರ್ಥಂ ಪರ್ಯೇಮಿ ಭುಞ್ಜತ್ । ಕೋ ಮಾ ಮನ್ನಂ ಮನುಷ್ಯೋ ದಯೇತ ।
ಪರಾಕೇ ಅನ್ನಂ ನಿಹಿತಂ-ಲೋಁಕ ಏತತ್ । ವಿಶ್ವೈ-ರ್ದೇವೈಃ ಪಿತೃಭಿ-ರ್ಗುಪ್ತಮನ್ನಮ್ ।
ಯದದ್ಯತೇ ಲುಪ್ಯತೇ ಯ-ತ್ಪರೋಪ್ಯತೇ । ಶತತಮೀ ಸಾ ತನೂರ್ಮೇ ಬಭೂವ ।
ಮಹಾನ್ತೌ ಚರೂ ಸಕೃ-ದ್ದುಗ್ಧೇನ ಪಪ್ರೌ । ದಿವಞ್ಚ ಪೃಶ್ಞಿ ಪೃಥಿವೀ-ಞ್ಚ ಸಾಕಮ್ ।
ತ-ಥ್ಸಮ್ಪಿಬನ್ತೋ ನ ಮಿನನ್ತಿ ವೇಧಸಃ । ನೈತದ್ಭೂಯೋ ಭವತಿ ನೋ ಕನೀಯಃ ॥ 62 ॥
ಅನ್ನಂ ಪ್ರಾಣಮನ್ನ ಮಪಾನ-ಮಾಹುಃ । ಅನ್ನಂ ಮೃತ್ಯು-ನ್ತಮು ಜೀವಾತು ಮಾಹುಃ ।
ಅನ್ನಂ ಬ್ರಹ್ಮಾಣೋ ಜರಸಂ ಁವದನ್ತಿ । ಅನ್ನಮಾಹುಃ ಪ್ರಜನನ-ಮ್ಪ್ರಜಾನಾಮ್ ।
ಮೋಘ-ಮನ್ನಂ ಁವಿನ್ದತೇ ಅಪ್ರಚೇತಾಃ । ಸತ್ಯ-ಮ್ಬ್ರವೀಮಿ ವಧ ಇಥ್ಸ ತಸ್ಯ ।
ನಾರ್ಯಮಣಂ ಪುಷ್ಯತಿ ನೋ ಸಖಾಯಮ್ । ಕೇವಲಾಘೋ ಭವತಿ ಕೇವಲಾದೀ ।
ಅಹ-ಮ್ಮೇಘ ಸ್ಸ್ತನಯನ್ ವರ್ಷನ್ನಸ್ಮಿ । ಮಾಮದನ್ತ್ಯ-ಹಮದ್ಮ್ಯನ್ಯಾನ್ ॥ ಅಹಗ್ಂ ಸದಮೃತೋ ಭವಾಮಿ । ಮದಾದಿತ್ಯಾ ಅಧಿ ಸರ್ವೇ ತಪನ್ತಿ ॥ 63 ॥
30 ವಾಕ್ ಸೂಕ್ತಂ
(ತೈ. ಬ್ರಾ. 2.8.8.4)
ದೇವೀಂ-ವಾಁಚ-ಮಜನಯನ್ತ ಯ-ದ್ವಾಗ್ವದನ್ತಿ ॥ 64 ॥
ದೇವೀಂ-ವಾಁಚಮಜನಯನ್ತ ದೇವಾಃ । ತಾಂ-ವಿಁಶ್ವರೂಪಾಃ ಪಶವೋ ವದನ್ತಿ । ಸಾ ನೋ ಮನ್ದ್ರೇಷ ಮೂರ್ಜಂ ದುಹಾನಾ । ಧೇನುರ್ವಾಗಸ್ಮಾ-ನುಪಸುಷ್ಟುತೈತು ॥ 64ಅ ॥
ಯ-ದ್ವಾಗ್ವದನ್ತ್ಯ-ವಿಚೇತನಾನಿ । ರಾಷ್ಟ್ರೀ ದೇವಾನಾ-ನ್ನಿಷಸಾದ ಮನ್ದ್ರಾ । ಚತಸ್ರ ಊರ್ಜಂ ದುದುಹೇ ಪಯಾಗ್ಂಸಿ । ಕ್ವಸ್ವಿ ದಸ್ಯಾಃ ಪರಮ-ಞ್ಜಗಾಮ ॥ 64ಬ್ ॥
(ತೈ. ಬ್ರಾ. 2.8.8.4-2.8.8.5)
ಅನನ್ತಾ-ಮನ್ತಾದಧಿ ನಿರ್ಮಿತಾ-ಮ್ಮಹೀಮ್ । ಯಸ್ಯಾಂ ದೇವಾ ಅದಧು-ರ್ಭೋಜನಾನಿ । ಏಕಾಕ್ಷರಾ-ನ್ದ್ವಿಪದಾಗ್ಂ ಷಟ್ಪದಾಞ್ಚ । ವಾಚ-ನ್ದೇವಾ ಉಪಜೀವನ್ತಿ ವಿಶ್ವೇ । ವಾಚ-ನ್ದೇವಾ ಉಪಜೀವನ್ತಿ ವಿಶ್ವೇ । ವಾಚ-ಙ್ಗನ್ಧರ್ವಾಃ ಪಶವೋ ಮನುಷ್ಯಾಃ । ವಾಚೀಮಾ ವಿಶ್ವಾ ಭುವನಾ-ನ್ಯರ್ಪಿತಾ । ಸಾ ನೋ ಹವಂ ಜುಷತಾ-ಮಿನ್ದ್ರ ಪತ್ನೀ ।
ವಾಗಕ್ಷರಂ ಪ್ರಥಮಜಾ ಋತಸ್ಯ । ವೇದಾನಾ-ಮ್ಮಾತಾ-ಽಮೃತಸ್ಯ ನಾಭಿಃ ॥ 65 ॥
ಸಾ ನೋ ಜುಷಾಣೋಪ ಯಜ್ಞ ಮಾಗಾತ್ । ಅವನ್ತೀ ದೇವೀ ಸುಹವಾ ಮೇ ಅಸ್ತು । ಯಾ ಮೃಷಯೋ ಮನ್ತ್ರ ಕೃತೋ ಮನೀಷಿಣಃ । ಅನ್ವೈಚ್ಛ-ನ್ದೇವಾ-ಸ್ತಪಸಾ ಶ್ರಮೇಣ । ತಾ-ನ್ದೇವೀಂ-ವಾಁಚಗ್ಂ ಹವಿಷಾ ಯಜಾಮಹೇ । ಸಾ ನೋ ದಧಾತು ಸುಕೃತಸ್ಯ ಲೋಕೇ ।
ಚತ್ವಾರಿ ವಾ-ಕ್ಪರಿಮಿತಾ ಪದಾನಿ । ತಾನಿ ವಿದು-ರ್ಬ್ರಾಹ್ಮಣಾ ಯೇ ಮನೀಷಿಣಃ । ಗುಹಾ ತ್ರೀಣಿ ನಿಹಿತಾ ನೇಙ್ಗಯನ್ತಿ । ತುರೀಯಂ ಁವಾಚೋ ಮನುಷ್ಯಾ ವದನ್ತಿ ॥ 66 ॥
31 ಶ್ರದ್ಧಾ ಸೂಕ್ತಂ
(ತೈ. ಬ್ರಾ. 2.8.8.5-2.8.8.8)
ಶ್ರದ್ಧಯಾ-ಽಗ್ನಿ ಸ್ಸಮಿಧ್ಯತೇ । ಶ್ರದ್ಧಯಾ ವಿನ್ದತೇ ಹವಿಃ । ಶ್ರದ್ಧಾ-ಮ್ಭಗಸ್ಯ ಮೂರ್ಧನಿ । ವಚಸಾ ಽಽವೇದಯಾಮಸಿ । ಪ್ರಿಯಗ್ಗ್ ಶ್ರದ್ಧೇ ದದತಃ । ಪ್ರಿಯಗ್ಗ್ ಶ್ರದ್ಧೇ ದಿದಾಸತಃ । ಪ್ರಿಯ-ಮ್ಭೋಜೇಷು ಯಜ್ವಸು । ಇದ-ಮ್ಮ ಉದಿತ-ಙ್ಕೃಧಿ । ಯಥಾ ದೇವಾ ಅಸುರೇಷು । ಶ್ರದ್ಧಾ-ಮುಗ್ರೇಷು ಚಕ್ರಿರೇ ॥ 67 ॥
ಏವ-ಮ್ಭೋಜೇಷು ಯಜ್ವಸು । ಅಸ್ಮಾಕ-ಮುದಿತ-ಙ್ಕೃಧಿ । ಶ್ರದ್ಧಾ-ನ್ದೇವಾ ಯಜಮಾನಾಃ । ವಾಯು-ಗೋಪಾ ಉಪಾಸತೇ । ಶ್ರದ್ಧಾಗ್ಂ ಹೃದಯ್ಯಯಾ-ಽಽಕೂತ್ಯಾ । ಶ್ರದ್ಧಯಾ ಹೂಯತೇ ಹವಿಃ ।
ಶ್ರದ್ಧಾ-ಮ್ಪ್ರಾತರ್-ಹವಾಮಹೇ । ಶ್ರದ್ಧಾ-ಮ್ಮಧ್ಯನ್ದಿನಂ ಪರಿ । ಶ್ರದ್ಧಾಗ್ಂ ಸೂರ್ಯಸ್ಯ ನಿಮ್ರುಚಿ । ಶ್ರದ್ಧೇ ಶ್ರದ್ಧಾಪ-ಯೇಹ ಮಾ ॥ 68 ॥
ಶ್ರದ್ಧಾ ದೇವಾ-ನಧಿವಸ್ತೇ । ಶ್ರದ್ಧಾ ವಿಶ್ವ-ಮಿದ-ಞ್ಜಗತ್ । ಶ್ರದ್ಧಾ-ಙ್ಕಾಮಸ್ಯ ಮಾತರಮ್ । ಹವಿಷಾ ವರ್ಧಯಾಮಸಿ ॥ 69ಅ ॥
32 ಬ್ರಹ್ಮ ಸೂಕ್ತಂ
(ತೈ. ಬ್ರಾ. 2.8.8.8-2.8.8.11)
ಬ್ರಹ್ಮಜಜ್ಞಾನ-ಮ್ಪ್ರಥಮ-ಮ್ಪುರಸ್ತಾತ್ । ವಿ ಸೀಮತ-ಸ್ಸುರುಚೋ ವೇನ ಆವಃ ।
ಸ ಬುಧ್ನಿಯಾ ಉಪಮಾ ಅಸ್ಯ ವಿಷ್ಠಾಃ । ಸತಶ್ಚ ಯೋನಿ-ಮಸತಶ್ಚ ವಿವಃ ॥ ಪಿತಾ ವಿರಾಜಾ-ಮೃಷಭೋ ರಯೀಣಾಮ್ । ಅನ್ತರಿಕ್ಷಂ-ವಿಁಶ್ವರೂಪ ಆವಿವೇಶ ॥ 69ಬ್ ॥
ತಮರ್ಕೈ-ರಭ್ಯರ್ಚನ್ತಿ ವಥ್ಸಮ್ । ಬ್ರಹ್ಮ ಸನ್ತ-ಮ್ಬ್ರಹ್ಮಣಾ ವರ್ಧಯನ್ತಃ ॥ ಬ್ರಹ್ಮ ದೇವಾನಜನಯತ್ । ಬ್ರಹ್ಮ ವಿಶ್ವಮಿದ-ಞ್ಜಗತ್ ॥
ಬ್ರಹ್ಮಣಃ, ಕ್ಷತ್ರ-ನ್ನಿರ್ಮಿತಮ್ । ಬ್ರಹ್ಮ ಬ್ರಾಹ್ಮಣ ಆತ್ಮನಾ ॥ ಅನ್ತರಸ್ಮಿ-ನ್ನಿಮೇ ಲೋಕಾಃ । ಅನ್ತ-ರ್ವಿಶ್ವಮಿದ-ಞ್ಜಗತ್ । ಬ್ರಹ್ಮೈವ ಭೂತಾನಾ-ಞ್ಜ್ಯೇಷ್ಠಮ್ । ತೇನ ಕೋ-ಽರ್ಹತಿ ಸ್ಪರ್ಧಿತುಮ್ ॥ 70 ॥
ಬ್ರಹ್ಮ-ನ್ದೇವಾ-ಸ್ತ್ರಯಸ್ತ್ರಿಗ್ಂಶತ್ । ಬ್ರಹ್ಮ-ನ್ನಿನ್ದ್ರ ಪ್ರಜಾಪತೀ । ಬ್ರಹ್ಮನ್ ಹ ವಿಶ್ವಾ ಭೂತಾನಿ । ನಾವೀ-ವಾನ್ತ-ಸ್ಸಮಾಹಿತಾ ॥ ಚತಸ್ರ ಆಶಾಃ ಪ್ರಚರನ್ತ್ವ-ಗ್ನಯಃ । ಇಮನ್ನೋ ಯಜ್ಞನ್ನಯತು ಪ್ರಜಾನನ್ನ್ ।
ಘೃತ-ಮ್ಪಿನ್ವ-ನ್ನಜರಗ್ಂ ಸುವೀರಮ್ । ಬ್ರಹ್ಮ ಸಮಿ-ದ್ಭವತ್ಯಾಹುತೀನಾಮ್ ॥ 71 ॥
33 ಗೋ ಸೂಕ್ತಂ
(ತೈ. ಬ್ರಾ. 2.8.8.11)
ಆ ಗಾವೋ ಅಗ್ಮನ್ನುತ ಭದ್ರ-ಮಕ್ರನ್ನ್ । ಸೀದನ್ತು ಗೋಷ್ಠೇ-ರಣಯನ್ತ್ವಸ್ಮೇ ॥ ಪ್ರಜಾವತೀಃ ಪುರುರೂಪಾ ಇಹ ಸ್ಯುಃ । ಇನ್ದ್ರಾಯ ಪೂರ್ವೀ ರುಷಸೋ ದುಹಾನಾಃ । ಇನ್ದ್ರೋ ಯಜ್ವನೇ ಪೃಣತೇ ಚ ಶಿಕ್ಷತಿ । ಉಪೇದ್ದದಾತಿ ನ ಸ್ವ-ಮ್ಮುಷಾಯತಿ । ಭೂಯೋ ಭೂಯೋ ರಯಿಮಿದಸ್ಯ ವರ್ಧಯನ್ನ್ । ಅಭಿನ್ನೇ ಖಿಲ್ಲೇ ನಿದಧಾತಿ ದೇವಯುಮ್ ।
ನ ತಾ ನಶನ್ತಿ ನ ತಾ ಅರ್ವಾ ॥ 72 ॥
ನ ತಾ ನಶನ್ತಿ ನದಭಾತಿ ತಸ್ಕರಃ । ನೈನಾ ಅಮಿತ್ರೋ ವ್ಯಥಿರಾ ದಧರ್ಷತಿ ।
ದೇವಾಗ್ಶ್ಚ ಯಾಭಿ-ರ್ಯಜತೇ ದದಾತಿ ಚ । ಜ್ಯೋಗಿತ್ತಾಭಿ ಸ್ಸಚತೇ ಗೋಪತಿ ಸ್ಸಹ ॥ 72ಅ ॥
ನ ತಾ ಅರ್ವಾ ರೇಣು ಕಕಾಟೋ ಅಶ್ನುತೇ । ನ ಸಗ್ಗ್ ಸ್ಕೃತತ್ರ-ಮುಪಯನ್ತಿ ತಾ ಅಭಿ ।
ಉರುಗಾಯಮಭಯ-ನ್ತಸ್ಯ ತಾ ಅನು । ಗಾವೋ ಮರ್ತ್ಯಸ್ಯ ವಿಚರನ್ತಿ ಯಜ್ವನಃ ॥ 72ಬ್ ॥
(ತೈ. ಬ್ರಾ. 2.8.8.12)
ಗಾವೋ ಭಗೋ ಗಾವ ಇನ್ದ್ರೋ ಮೇ ಅಚ್ಛಾತ್ । ಗಾವ ಸ್ಸೋಮಸ್ಯ ಪ್ರಥಮಸ್ಯ ಭಕ್ಷಃ ।
ಇಮಾ ಯಾ ಗಾವ-ಸ್ಸಜನಾಸ ಇನ್ದ್ರಃ । ಇಚ್ಛಾಮೀ-ದ್ಧೃದಾ ಮನಸಾ-ಚಿದಿನ್ದ್ರಮ್ ।
ಯೂಯ-ಙ್ಗಾವೋ ಮೇದಯಥಾ ಕೃಶಞ್ಚಿತ್ । ಅಶ್ಲೀಲ-ಞ್ಚಿ-ತ್ಕೃಣುಥಾ ಸುಪ್ರತೀಕಮ್ ॥ 73 ॥
ಭದ್ರ-ಙ್ಗೃಹ-ಙ್ಕೃಣುಥ ಭದ್ರವಾಚಃ । ಬೃಹದ್ವೋ ವಯ ಉಚ್ಯತೇ ಸಭಾಸು । ಪ್ರಜಾವತೀ ಸ್ಸೂಯವಸಗ್ಂ-ರಿಶನ್ತೀಃ । ಶುದ್ಧಾ ಅಪ ಸ್ಸುಪ್ರಪಾಣೇ ಪಿಬನ್ತೀಃ ।
ಮಾ ವಃ ಸ್ತೇನ ಈಶತ ಮಾ-ಽಘಶಗ್ಂಸಃ । ಪರಿವೋ ಹೇತೀ ರುದ್ರಸ್ಯ ವೃಞ್ಜ್ಯಾತ್ । ಉಪೇದ-ಮುಪ-ಪರ್ಚನಮ್ । ಆಸು ಗೋಷೂಪ ಪೃಚ್ಯತಾಮ್ । ಉಪರ್ಷಭಸ್ಯ ರೇತಸಿ । ಉಪೇನ್ದ್ರ ತವ ವೀರ್ಯೇ ॥ 74 (24) ॥
34 ಸೂರ್ಯಾ ಚನ್ದ್ರಮಸಾ ಸೂಕ್ತಂ
(ತೈ. ಬ್ರಾ. 2.8.9.1-2.8.9.3)
ತಾ ಸೂರ್ಯಾ ಚನ್ದ್ರಮಸಾ ವಿಶ್ವ-ಭೃತ್ತಮಾ ಮಹತ್ । ತೇಜೋ ವಸುಮದ್ರಾಜತೋ ದಿವಿ । ಸಾಮಾತ್ಮಾನಾ ಚರತ ಸ್ಸಾಮ-ಚಾರಿಣಾ । ಯಯೋರ್ವ್ರತ-ನ್ನಮಮೇ ಜಾತು ದೇವಯೋಃ । ಉಭಾವನ್ತೌ ಪರಿಯಾತ ಅರ್ಮ್ಯಾ । ದಿವೋ ನ ರಶ್ಮೀಗ್ ಸ್ತನುತೋ-ವ್ಯರ್ಣವೇ । ಉಭಾ ಭುವನ್ತೀ ಭುವನಾ ಕವಿಕ್ರತೂ । ಸೂರ್ಯಾ ನ ಚನ್ದ್ರಾ ಚರತೋ ಹತಾಮತೀ । ಪತೀದ್ಯುಮ-ದ್ವಿಶ್ವ-ವಿದಾ ಉಭಾ ದಿವಃ । ಸೂರ್ಯಾ ಉಭಾ ಚನ್ದ್ರಮಸಾ ವಿಚಕ್ಷಣಾ ॥ 75 ॥
ವಿಶ್ವವಾರಾ ವರಿವೋ ಭಾ ವರೇಣ್ಯಾ । ತಾ ನೋ-ಽವತ-ಮ್ಮತಿಮನ್ತಾ ಮಹಿವ್ರತಾ । ವಿಶ್ವವಪರೀ ಪ್ರತರಣಾ ತರನ್ತಾ । ಸುವರ್ವಿದಾ ದೃಶಯೇ ಭೂರಿ ರಶ್ಮೀ । ಸೂರ್ಯಾ ಹಿ ಚನ್ದ್ರಾ ವಸುತ್ವೇಷ-ದರ್ಶತಾ । ಮನಸ್ವಿನೋ ಭಾ-ಽನುಚರತೋ ನು ಸ-ನ್ದಿವಮ್ । ಅಸ್ಯ ಶ್ರವೋ ನದ್ಯ ಸ್ಸಪ್ತ ಬಿಭ್ರತಿ । ದ್ಯಾವಾ ಕ್ಷಾಮಾ ಪೃಥಿವೀ ದರ್ಶತಂ-ವಁಪುಃ । ಅಸ್ಮೇ ಸೂರ್ಯಾ ಚನ್ದ್ರಮಸಾ-ಽಭಿಚಕ್ಷೇ । ಶ್ರದ್ಧೇಕ-ಮಿನ್ದ್ರ ಚರತೋ ವಿಚರ್ತುರಮ್ ॥ 76 ॥
ಪೂರ್ವಾಪರ-ಞ್ಚರತೋ ಮಾಯ-ಯೈತೌ । ಶಿಶೂ ಕ್ರೀಡನ್ತೌ ಪರಿಯಾತೋ ಅಧ್ವರಮ್ । ವಿಶ್ವಾನ್ಯನ್ಯೋ ಭುವನಾ ಽಭಿಚಷ್ಟೇ । ಋತೂನನ್ಯೋ ವಿದಧಜ್ಜಾಯತೇ ಪುನಃ । ಹಿರಣ್ಯವರ್ಣಾ-ಶ್ಶುಚಯಃ ಪಾವಕಾ ಯಾಸಾಗ್ಂ ರಾಜಾ । ಯಾಸಾಂ ದೇವಾ ಶ್ಶಿವೇನ ಮಾ ಚಕ್ಷುಷಾ ಪಶ್ಯತ । ಆಪೋ ಭದ್ರಾ ಆದಿತ್ಪಶ್ಯಾಮಿ ॥ 77 ॥
ಹಿರಣ್ಯವರ್ಣಾ-ಶ್ಶುಚಯಃ ಪಾವಕಾ ಯಾಸು ಜಾತಃ ಕಶ್ಯಪೋ ಯಾಸ್ವಿನ್ದ್ರಃ । ಅಗ್ನಿಂ-ಯಾಁ ಗರ್ಭಂ ದಧಿರೇ ವಿರೂಪಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥
ಯಾಸಾಗ್ಂ ರಾಜಾ ವರುಣೋ ಯಾತಿ ಮಧ್ಯೇ ಸತ್ಯಾನೃತೇ ಅವಪಶ್ಯನ್ ಜನಾನಾಮ್ ।
ಮಧುಶ್ಚುತ-ಶ್ಶುಚಯೋ ಯಾಃ ಪಾವಕಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥ 77ಅ ॥
ಯಾಸಾಂ ದೇವಾ ದಿವಿ ಕೃಣ್ವನ್ತಿ ಭಕ್ಷಂ-ಯಾಁ ಅನ್ತರಿಕ್ಷೇ ಬಹುಧಾ ಭವನ್ತಿ ।
ಯಾಃ ಪೃಥಿವೀ-ಮ್ಪಯಸೋನ್ದನ್ತಿ ಶುಕ್ರಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥
ಶಿವೇನ ಮಾ ಚಕ್ಷುಷಾ ಪಶ್ಯತಾಪ ಶ್ಶಿವಯಾ ತನುವೋಪ ಸ್ಪೃಶತ ತ್ವಚ-ಮ್ಮೇ ।
ಸರ್ವಾಗ್ಂ ಅಗ್ನೀಗ್ಂ ರಫ್ಸುಷದೋ ಹುವೇ ವೋ ಮಯಿ ವರ್ಚೋ ಬಲಮೋಜೋ ನಿಧತ್ತ ॥ 77ಬ್ ॥
ಆಪೋ ಭದ್ರಾ ಘೃತಮಿದಾಪ ಆಸುರಗ್ನೀ-ಷೋಮೌ ಬಿಭ್ರತ್ಯಾಪ ಇತ್ತಾಃ । ತೀವ್ರೋ ರಸೋ ಮಧುಪೃಚಾ-ಮರಙ್ಗಮ ಆ ಮಾ ಪ್ರಾಣೇನ ಸಹ ವರ್ಚಸಾ ಗನ್ನ್ ।
ಆದಿ-ತ್ಪಶ್ಯಾ-ಮ್ಯುತ ವಾ ಶೃಣೋ-ಮ್ಯಾ ಮಾ ಘೋಷೋ ಗಚ್ಛತಿ ವಾ-ನ್ನ ಆಸಾಮ್ । ಮನ್ಯೇ ಭೇಜಾನೋ ಅಮೃತಸ್ಯ ತರ್ಹಿ ಹಿರಣ್ಯವರ್ಣಾ ಅತೃಪಂ-ಯಁದಾ ವಃ ॥ 77ಚ್ ॥
35 ನಾಸದೀಯ ಸೂಕ್ತಂ
(ತೈ. ಬ್ರಾ. 2.8.9.3-2.8.9.7)
ನಾಸದಾಸೀನ್ನೋ ಸದಾಸೀತ್ತದಾನೀಮ್ । ನಾಸೀದ್ರಜೋ ನೋ ವ್ಯೋಮಾ-ಪರೋಯತ್ । ಕಿ-ಮಾವರೀವಃ ಕುಹಕಸ್ಯ ಶರ್ಮನ್ನ್ । ಅಮ್ಭಃ ಕಿಮಾಸೀ-ದ್ಗಹನ-ಙ್ಗಭೀರಮ್ ॥ 78 ॥
ನ ಮೃತ್ಯು-ರಮೃತ-ನ್ತರ್ಹಿ ನ । ರಾತ್ರಿಯಾ ಅಹ್ನ ಆಸೀ-ತ್ಪ್ರಕೇತಃ । ಆನೀ-ದವಾತಗ್ಗ್ ಸ್ವಧಯಾ ತದೇಕಮ್ । ತಸ್ಮಾದ್ಧಾನ್ಯ-ನ್ನ ಪರಃ ಕಿಞ್ಚನಾಸ ।
ತಮ ಆಸೀ-ತ್ತಮಸಾ ಗೂಢಮಗ್ರೇ ಪ್ರಕೇತಮ್ । ಸಲಿಲಗ್ಂ ಸರ್ವ-ಮಾ ಇದಮ್ । ತುಚ್ಛೇ ನಾಭ್ವಪಿಹಿತಂ ಯದಾಸೀತ್ । ತಮಸಸ್ ತನ್ಮಹಿನಾ ಜಾಯತೈಕಮ್ ।
ಕಾಮಸ್ತದಗ್ರೇ ಸಮವರ್ತತಾಧಿ । ಮನಸೋ ರೇತಃ ಪ್ರಥಮಂ-ಯಁದಾಸೀತ್ ॥ 79 ॥
ಸತೋ ಬನ್ಧುಮಸತಿ ನಿರವಿನ್ದನ್ನ್ । ಹೃದಿ-ಪ್ರತೀಷ್ಯಾ ಕವಯೋ ಮನೀಷಾ ।
ತಿರಶ್ಚೀನೋ ವಿತತೋ ರಶ್ಮಿ-ರೇಷಾಮ್ । ಅಧಸ್ವಿದಾಸೀ(3) ದುಪರಿಸ್ವಿದಾಸೀ(3)ತ್ ।
ರೇತೋಧಾ ಆಸ-ನ್ಮಹಿಮಾನ ಆಸನ್ನ್ । ಸ್ವಧಾ ಅವಸ್ತಾ-ತ್ಪ್ರಯತಿಃ ಪರಸ್ತಾತ್ ।
ಕೋ ಅದ್ಧಾ ವೇದಕ ಇಹ ಪ್ರವೋಚತ್ । ಕುತ ಆಜಾತಾ ಕುತ ಇಯಂ-ವಿಁಸೃಷ್ಟಿಃ ।
ಅರ್ವಾಗ್ ದೇವಾ ಅಸ್ಯ ವಿಸರ್ಜನಾಯ । ಅಥಾ ಕೋ ವೇದ ಯತ ಆ ಬಭೂವ ॥ 80 ॥
ಇಯಂ-ವಿಁಸೃಷ್ಟಿ-ರ್ಯತ ಆಬಭೂವ । ಯದಿ ವಾ ದಧೇ ಯದಿ ವಾ ನ ।
ಯೋ ಅಸ್ಯಾಧ್ಯಕ್ಷಃ ಪರಮೇ ವ್ಯೋಮನ್ನ್ । ಸೋ ಅಙ್ಗವೇದ ಯದಿ ವಾ ನ ವೇದ ।
ಕಿಗ್ಗ್ಸ್ವಿದ್ವನಂ ಕ ಉಸ ವೃಕ್ಷ ಆಸೀತ್ । ಯತೋ ದ್ಯಾವಾಪೃಥಿವೀ ನಿಷ್ಟತಕ್ಷುಃ ।
ಮನೀಷಿಣೋ ಮನಸಾ ಪೃಚ್ಛತೇದುತತ್ । ಯದಧ್ಯತಿಷ್ಠ-ದ್ಭುವನಾನಿ ಧಾರಯನ್ನ್ । ಬ್ರಹ್ಮವನಂ ಬ್ರಹ್ಮ ಸ ವೃಕ್ಷ ಆಸೀತ್ । ಯತೋ ದ್ಯಾವಾಪೃಥಿವೀ ನಿಷ್ಟತಕ್ಷುಃ ॥ ಮನೀಷಿಣೋ ಮನಸಾ ವಿಬ್ರವೀಮಿ ವಃ । ಬ್ರಹ್ಮಾಧ್ಯತಿಷ್ಠ-ದ್ಭುವನಾನಿ ಧಾರಯನ್ನ್ ॥ 81 ॥
36 ಭಾಗ್ಯ ಸೂಕ್ತಂ
(ತೈ. ಬ್ರಾ. 2.8.9.7-2.8.9.9)
ಪ್ರಾತರಗ್ನಿ-ಮ್ಪ್ರಾತರಿನ್ದ್ರಗ್ಂ ಹವಾಮಹೇ । ಪ್ರಾತ-ರ್ಮಿತ್ರಾ ವರುಣಾ ಪ್ರಾತರಶ್ವಿನಾ ।
ಪ್ರಾತ-ರ್ಭಗಂ ಪೂಷಣಂ ಬ್ರಹ್ಮಣಸ್ಪತಿಮ್ । ಪ್ರಾತಸ್ಸೋಮ ಮುತ ರುದ್ರಗ್ಂ ಹುವೇಮ ॥ ಪ್ರತರ್ಜಿತಂ ಭಗಮುಗ್ರಗ್ಂ ಹುವೇಮ । ವಯ-ಮ್ಪುತ್ರಮದಿತೇರ್ಯೋ ವಿಧರ್ತಾ । ಆಧ್ರಶ್ಚಿದ್ಯ-ಮ್ಮನ್ಯಮಾನ-ಸ್ತುರಶ್ಚಿತ್ । ರಾಜಾ ಚಿದ್ಯ-ಮ್ಭಗಂ ಭಕ್ಷೀತ್ಯಾಹ ॥ 82 ॥
ಭಗಪ್ರಣೇತ-ರ್ಭಗಸತ್ಯರಾಧಃ । ಭಗೇಮಾ-ನ್ಧಿಯಮುದವ ದದನ್ನಃ । ಭಗಪ್ರಣೋ ಜನಯ ಗೋಭಿರಶ್ವೈಃ । ಭಗ ಪ್ರನೃಭಿ-ರ್ನೃವನ್ತಸ್ಸ್ಯಾಮ ॥ ಉತೇದಾನೀಂ ಭಗವನ್ತಸ್ಸ್ಯಾಮ । ಉತ ಪ್ರಪಿತ್ವ ಉತ ಮದ್ಧ್ಯೇ ಅಹ್ನಾಮ್ । ಉತೋದಿತಾ ಮಘವನ್-ಥ್ಸೂರ್ಯಸ್ಯ । ವಯ-ನ್ದೇವಾನಾಗ್ಂ ಸುಮತೌ ಸ್ಯಾಮ ॥ ಭಗ ಏವ ಭಗವಾಗ್ಂ ಅಸ್ತು ದೇವಾಃ । ತೇನ ವಯ-ಮ್ಭಗವನ್ತ ಸ್ಸ್ಯಾಮ ॥ 83 ॥
ತನ್ತ್ವಾ ಭಗ ಸರ್ವ ಇಜ್ಜೋಹವೀಮಿ । ಸನೋ ಭಗ ಪುರ ಏತಾ ಭವೇಹ ॥ ಸಮಧ್ವರಾ-ಯೋಷಸೋ-ಽನಮನ್ತ । ದಧಿಕ್ರಾವೇವ ಶುಚಯೇ ಪದಾಯ । ಅರ್ವಾಚೀನಂ-ವಁಸುವಿದಂ ಭಗನ್ನಃ । ರಥಮಿವಾಶ್ವಾ ವಾಜಿನ ಆವಹನ್ತು ॥ ಅಶ್ವಾವತೀ-ರ್ಗೋಮತೀ-ರ್ನ ಉಷಾಸಃ । ವೀರವತೀ-ಸ್ಸದಮುಚ್ಛನ್ತು ಭದ್ರಾಃ । ಘೃತ-ನ್ದುಹಾನಾ ವಿಶ್ವತಃ ಪ್ರಪೀನಾಃ । ಯೂಯ-ಮ್ಪಾತ ಸ್ವಸ್ತಿಭಿ-ಸ್ಸದಾನಃ ॥ 84 (25) ॥
37 ನಕ್ಷತ್ರ ಸೂಕ್ತಂ
(ತೈ. ಬ್ರಾ. 3.1.1.1-3.1.3.3)
37.1 ನಕ್ಷತ್ರಂ - ಕೃತ್ತಿಕಾ ದೇವತಾ - ಅಗ್ನಿಃ
ಅಗ್ನಿರ್ನಃ ಪಾತು ಕೃತ್ತಿಕಾಃ । ನಕ್ಷತ್ರ-ನ್ದೇವಮಿನ್ದ್ರಿಯಮ್ । ಇದಮಾಸಾಂವಿಁಚಕ್ಷಣಮ್ । ಹವಿರಾಸ-ಞ್ಜುಹೋತನ । ಯಸ್ಯ ಭಾನ್ತಿ ರಶ್ಮಯೋ ಯಸ್ಯ ಕೇತವಃ । ಯಸ್ಯೇಮಾ ವಿಶ್ವಾ ಭುವನಾನಿ ಸರ್ವಾ । ಸ ಕೃತ್ತಿಕಾಭಿ-ರಭಿ-ಸಂವಁಸಾನಃ । ಅಗ್ನಿರ್ನೋ ದೇವಸ್ಸುವಿತೇ ದಧಾತು ॥ 1 ॥
37.2 ನಕ್ಷತ್ರಂ - ರೋಹಿಣೀ ದೇವತಾ - ಪ್ರಜಾಪತಿಃ
ಪ್ರಜಾಪತೇ ರೋಹಿಣೀ ವೇತು ಪತ್ನೀ । ವಿಶ್ವರೂಪಾ ಬೃಹತೀ ಚಿತ್ರಭಾನುಃ ॥ 85 ॥
ಸಾ ನೋ ಯಜ್ಞಸ್ಯ ಸುವಿತೇ ದಧಾತು । ಯಥಾ ಜೀವೇಮ ಶರದಸ್ಸವೀರಾಃ । ರೋಹಿಣೀ ದೇವ್ಯುದಗಾ-ತ್ಪುರಸ್ತಾತ್ । ವಿಶ್ವಾ ರೂಪಾಣಿ ಪ್ರತಿಮೋದಮಾನಾ । ಪ್ರಜಾಪತಿಗ್ಂ ಹವಿಷಾ ವರ್ಧಯನ್ತೀ । ಪ್ರಿಯಾ ದೇವಾನಾ-ಮುಪಯಾತು ಯಜ್ಞಮ್ ॥ 2 ॥
37.3 ನಕ್ಷತ್ರಂ - ಮೃಗಶೀರ್ಷಃ ದೇವತಾ - ಸೋಮಃ
ಸೋಮೋ ರಾಜಾ ಮೃಗಶೀರ.ಷೇಣ ಆಗನ್ನ್ । ಶಿವ-ನ್ನಕ್ಷತ್ರ-ಮ್ಪ್ರಿಯಮಸ್ಯ ಧಾಮ । ಆಪ್ಯಾಯಮಾನೋ ಬಹುಧಾ ಜನೇಷು । ರೇತಃ ಪ್ರಜಾಂ-ಯಁಜಮಾನೇ ದಧಾತು ॥ 86 ॥
ಯತ್ತೇ ನಕ್ಷತ್ರ-ಮ್ಮೃಗಶೀರ್ಷಮಸ್ತಿ । ಪ್ರಿಯಗ್ಂ ರಾಜ-ನ್ಪ್ರಿಯತಮ-ಮ್ಪ್ರಿಯಾಣಾಮ್ । ತಸ್ಮೈ ತೇ ಸೋಮ ಹವಿಷಾ ವಿಧೇಮ । ಶನ್ನ ಏಧಿ ದ್ವಿಪದೇ ಶಞ್ಚತುಷ್ಪದೇ ॥ 3 ॥
37.4 ನಕ್ಷತ್ರಂ - ಆರ್ದ್ರಾ ದೇವತಾ - ರುದ್ರಃ
ಆರ್ದ್ರಯಾ ರುದ್ರಃ ಪ್ರಥಮಾನ ಏತಿ । ಶ್ರೇಷ್ಠೋ ದೇವಾನಾಂ ಪತಿರಘ್ನಿಯಾನಾಮ್ । ನಕ್ಷತ್ರಮಸ್ಯ ಹವಿಷಾ ವಿಧೇಮ । ಮಾ ನಃ ಪ್ರಜಾಗ್ಂ ರೀರಿಷ-ನ್ಮೋತ ವೀರಾನ್ । ಹೇತೀ ರುದ್ರಸ್ಯ ಪರಿಣೋ ವೃಣಕ್ತು । ಆರ್ದ್ರಾ ನಕ್ಷತ್ರ-ಞ್ಜುಷತಾಗ್ಂ ಹವಿರ್ನಃ ॥ 87 ॥
ಪ್ರಮುಞ್ಚಮಾನೌ ದುರಿತಾನಿ ವಿಶ್ವಾ । ಅಪಾಘಶಗ್ಂ ಸನ್ನು-ದತಾಮರಾತಿಮ್ ॥ 4 ॥
37.5 ನಕ್ಷತ್ರಂ - ಪುನರ್ವಸು ದೇವತಾ - ಅದಿತಿಃ
ಪುನರ್ನೋ ದೇವ್ಯದಿತಿ-ಸ್ಸ್ಪೃಣೋತು । ಪುನರ್ವಸೂ ನಃ ಪುನರೇತಾಂ-ಯಁಜ್ಞಮ್ । ಪುನರ್ನೋ ದೇವಾ ಅಭಿಯನ್ತು ಸರ್ವೇ । ಪುನಃ ಪುನರ್ವೋ ಹವಿಷಾ ಯಜಾಮಃ । ಏವಾ ನ ದೇವ್ಯದಿತಿರನರ್ವಾ । ವಿಶ್ವಸ್ಯ ಭರ್ತ್ರೀ ಜಗತಃ ಪ್ರತಿಷ್ಠಾ । ಪುನರ್ವಸೂ ಹವಿಷಾ ವರ್ಧಯನ್ತೀ । ಪ್ರಿಯ-ನ್ದೇವಾನಾ-ಮಪ್ಯೇತು ಪಾಥಃ ॥ 5 (88) ॥
37.6 ನಕ್ಷತ್ರಂ - ಪುಷ್ಯಃ ದೇವತಾ - ಬೃಹಸ್ಪತಿಃ
ಬೃಹಸ್ಪತಿಃ ಪ್ರಥಮಞ್ಜಾಯಮಾನಃ । ತಿಷ್ಯ-ನ್ನಕ್ಷತ್ರಮಭಿ ಸಮ್ಬಭೂವ । ಶ್ರೇಷ್ಠೋ ದೇವಾನಾಂ ಪೃತನಾಸು ಜಿಷ್ಣುಃ । ದಿಶೋ ನು ಸರ್ವಾ ಅಭಯನ್ನೋ ಅಸ್ತು । ತಿಷ್ಯಃ ಪುರಸ್ತಾದುತ ಮಧ್ಯತೋ ನಃ । ಬೃಹಸ್ಪತಿ-ರ್ನಃ ಪರಿಪಾತು ಪಶ್ಚಾತ್ । ಬಾಧೇ ತಾ-ನ್ದ್ವೇಷೋ ಅಭಯ-ಙ್ಕೃಣುತಾಮ್ । ಸುವೀರ್ಯಸ್ಯ ಪತಯಸ್ಯಾಮ ॥ 6 ॥
37.7 ನಕ್ಷತ್ರಂ -ಆಶ್ರೇಷಂ ದೇವತಾ - ಸರ್ಪಾಃ
ಇದಗ್ಂ ಸರ್ಪೇಭ್ಯೋ ಹವಿರಸ್ತು ಜುಷ್ಟಮ್ । ಆಶ್ರೇಷಾ ಯೇಷಾ-ಮನುಯನ್ತಿ ಚೇತಃ ॥ 89 ॥
ಯೇ ಅನ್ತರಿಕ್ಷ-ಮ್ಪೃಥಿವೀಂ-ಕ್ಷಿಯನ್ತಿ । ತೇನ ಸ್ಸರ್ಪಾಸೋ ಹವಮಾಗಮಿಷ್ಠಾಃ । ಯೇ ರೋಚನೇ ಸೂರ್ಯಸ್ಯಾಪಿ ಸರ್ಪಾಃ । ಯೇ ದಿವಂ ದೇವೀ-ಮನುಸಞ್ಚರನ್ತಿ । ಯೇಷಾಮಾಶ್ರೇಷಾ ಅನುಯನ್ತಿ ಕಾಮಮ್ । ತೇಭ್ಯ-ಸ್ಸರ್ಪೇಭ್ಯೋ ಮಧು-ಮಜ್ಜುಹೋಮಿ ॥ 7 ॥
37.8 ನಕ್ಷತ್ರಂ - ಮಘಾ ದೇವತಾ - ಪಿತರಃ
ಉಪಹೂತಾಃ ಪಿತರೋ ಯೇ ಮಘಾಸು । ಮನೋಜವಸ-ಸ್ಸುಕೃತ-ಸ್ಸುಕೃತ್ಯಾಃ । ತೇ ನೋ ನಕ್ಷತ್ರೇ ಹವಮಾಗಮಿಷ್ಠಾಃ । ಸ್ವಧಾಭಿ-ರ್ಯಜ್ಞ-ಮ್ಪ್ರಯತ-ಞ್ಜುಷನ್ತಾಮ್ ॥ 90 ॥
ಯೇ ಅಗ್ನಿದಗ್ಧಾ ಯೇ-ಽನಗ್ನಿ-ದಗ್ಧಾಃ । ಯೇ-ಽಮುಁಲೋಕ-ಮ್ಪಿತರಃ ಕ್ಷಿಯನ್ತಿ । ಯಾಗ್ಶ್ಚ ವಿದ್ಮಯಾಗ್ಂ ಉ ಚ ನ ಪ್ರವಿದ್ಮ । ಮಘಾಸು ಯಜ್ಞಗ್ಂ ಸುಕೃತ-ಞ್ಜುಷನ್ತಾಮ್ ॥ 8 ॥
37.9 ನಕ್ಷತ್ರಂ - ಪೂರ್ವಫಲ್ಗುನೀ ದೇವತಾ - ಅರ್ಯಮಾ
ಗವಾಂ ಪತಿಃ ಫಲ್ಗುನೀ-ನಾಮಸಿ ತ್ವಮ್ । ತದರ್ಯಮನ್ ವರುಣ ಮಿತ್ರ ಚಾರು । ತನ್ತ್ವಾ ವಯಗ್ಂ ಸನಿತಾರಗ್ಂ ಸನೀನಾಮ್ । ಜೀವಾ ಜೀವನ್ತಮುಪ ಸಂವಿಁಶೇಮ । ಯೇನೇಮಾ ವಿಶ್ವಾ ಭುವನಾನಿ ಸಞ್ಜಿತಾ । ಯಸ್ಯ ದೇವಾ ಅನುಸಂಯಁನ್ತಿ ಚೇತಃ ॥ 91 ॥
ಅರ್ಯಮಾ ರಾಜಾ-ಽಜರಸ್ತು ವಿಷ್ಮಾನ್ । ಫಲ್ಗುನೀನಾ-ಮೃಷಭೋ ರೋರವೀತಿ ॥ 9 ॥
37.10 ನಕ್ಷತ್ರಂ - ಉತ್ತರ ಫಲ್ಗುನೀ ದೇವತಾ - ಭಗಃ
ಶ್ರೇಷ್ಠೋ ದೇವಾನಾಂ ಭಗವೋ ಭಗಾಸಿ । ತತ್ತ್ವಾ ವಿದುಃ ಫಲ್ಗುನೀ-ಸ್ತಸ್ಯ ವಿತ್ತಾತ್ । ಅಸ್ಮಭ್ಯಂ-ಕ್ಷತ್ರಮಜರಗ್ಂ ಸುವೀರ್ಯಮ್ । ಗೋಮದಶ್ವ-ವದುಪಸನ್ನು-ದೇಹ । ಭಗೋಹ ದಾತಾ ಭಗ ಇತ್ಪ್ರದಾತಾ । ಭಗೋ ದೇವೀಃ ಫಲ್ಗುನೀ-ರಾವಿವೇಶ । ಭಗಸ್ಯೇತ್ತ-ಮ್ಪ್ರಸವ-ಙ್ಗಮೇಮ । ಯತ್ರ ದೇವೈ-ಸ್ಸಧಮಾದಂ ಮದೇಮ । ॥ 10/ 92 ॥
37.11 ನಕ್ಷತ್ರಂ - ಹಸ್ತಃ ದೇವತಾ - ಸವಿತ
ಆಯಾತು ದೇವ-ಸ್ಸವಿತೋ ಪಯಾತು । ಹಿರಣ್ಯಯೇನ ಸುವೃತಾ ರಥೇನ । ವಹನ್. ಹಸ್ತಗ್ಂ ಸುಭಗಂ ಁವಿದ್ಮನಾಪಸಮ್ । ಪ್ರಯಚ್ಛನ್ತಂ ಪಪುರಿಂ ಪುಣ್ಯಮಚ್ಛ । ಹಸ್ತಃ ಪ್ರಯಚ್ಛ ತ್ವಮೃತಂ ಁವಸೀಯಃ । ದಕ್ಷಿಣೇನ ಪ್ರತಿಗೃಭ್ಣೀಮ ಏನತ್ ।
ದಾತಾರ-ಮದ್ಯ ಸವಿತಾ ವಿದೇಯ । ಯೋ ನೋ ಹಸ್ತಾಯ ಪ್ರಸುವಾತಿ ಯಜ್ಞಮ್ ॥ 11 ॥
37.12 ನಕ್ಷತ್ರಂ - ಚಿತ್ರಾ ದೇವತಾ - ತ್ವಷ್ಟಾ
ತ್ವಷ್ಟಾ ನಕ್ಷತ್ರ-ಮಭ್ಯೇತಿ ಚಿತ್ರಾಮ್ । ಸುಭಗ್ಂ ಸಸಂಯುಁವತಿಗ್ಂ ರೋಚಮಾನಾಮ್ ॥ 93 ॥
ನಿವೇಶಯನ್ನ-ಮೃತಾ-ನ್ಮರ್ತ್ಯಾಗ್ಶ್ಚ । ರೂಪಾಣಿ ಪಿಗ್ಂಶ-ನ್ಭುವನಾನಿ ವಿಶ್ವಾ । ತನ್ನಸ್ತ್ವಷ್ಟಾ ತದು ಚಿತ್ರಾ ವಿಚಷ್ಟಾಮ್ । ತನ್ನಕ್ಷತ್ರ-ಮ್ಭೂರಿದಾ ಅಸ್ತು ಮಹ್ಯಮ್ । ತನ್ನಃ ಪ್ರಜಾಂ-ವೀಁರವತೀಗ್ಂ ಸನೋತು । ಗೋಭಿರ್ನೋ ಅಶ್ವೈ-ಸ್ಸಮನಕ್ತು ಯಜ್ಞಮ್ ॥ 12 ॥
37.13 ನಕ್ಷತ್ರಂ - ಸ್ವಾತೀ ದೇವತಾ - ವಾಯುಃ
ವಾಯು-ರ್ನಕ್ಷತ್ರ-ಮಭ್ಯೇತಿ ನಿಷ್ಟ್ಯಾಮ್ । ತಿಗ್ಮಶೃಂಗೋ ವೃಷಭೋ ರೋರುವಾಣಃ । ಸಮೀರಯ-ನ್ಭುವನಾ ಮಾತರಿಶ್ವಾ । ಅಪ ದ್ವೇಷಾಗ್ಂಸಿ ನುದತಾಮರಾತೀಃ ॥ 94 ॥
ತನ್ನೋ ವಾಯಸ್ತದು ನಿಷ್ಟ್ಯಾ ಶೃಣೋತು । ತನ್ನಕ್ಷತ್ರ-ಮ್ಭೂರಿದಾ ಅಸ್ತು ಮಹ್ಯಮ್ । ತನ್ನೋ ದೇವಾಸೋ ಅನು ಜಾನನ್ತು ಕಾಮಮ್ । ಯಥಾ ತರೇಮ ದುರಿತಾನಿ ವಿಶ್ವಾ ॥ 13 ॥
37.14 ನಕ್ಷತ್ರಂ - ವಿಶಾಖಾ ದೇವತಾ - ಇನ್ದ್ರಾಗ್ನೀಃ
ದೂರ-ಮಸ್ಮಚ್ಛತ್ರವೋ ಯನ್ತು ಭೀತಾಃ । ತದಿನ್ದ್ರಾಗ್ನೀ ಕೃಣುತಾಂ ತ-ದ್ವಿಶಾಖೇ । ತನ್ನೋ ದೇವಾ ಅನುಮದನ್ತು ಯಜ್ಞಮ್ । ಪಶ್ಚಾ-ತ್ಪುರಸ್ತಾ-ದಭಯನ್ನೋ ಅಸ್ತು । ನಕ್ಷತ್ರಾಣಾ-ಮಧಿಪತ್ನೀ ವಿಶಾಖೇ । ಶ್ರೇಷ್ಠಾ-ವಿನ್ದ್ರಾಗ್ನೀ ಭುವನಸ್ಯ ಗೋಪೌ ॥ 95 ॥
ವಿಷೂಚ-ಶ್ಶತ್ರೂನಪಬಾಧಮಾನೌ । ಅಪಕ್ಷುಧ-ನ್ನುದತಾಮರಾತಿಮ್ । ॥ 14 ॥
37.15 ಪೌರ್ಣಮಾಸಿ
ಪೂರ್ಣಾ ಪಶ್ಚಾದುತ ಪೂರ್ಣಾ ಪುರಸ್ತಾತ್ । ಉನ್ಮಧ್ಯತಃ ಪೌರ್ಣಮಾಸೀ ಜಿಗಾಯ । ತಸ್ಯಾಂ ದೇವಾ ಅಧಿ ಸಂವಁಸನ್ತಃ । ಉತ್ತಮೇ ನಾಕ ಇಹ ಮಾದಯನ್ತಾಮ್ । ಪೃಥ್ವೀ ಸುವರ್ಚಾ ಯುವತಿ-ಸ್ಸಜೋಷಾಃ । ಪೌರ್ಣಮಾಸ್ಯುದಗಾ-ಚ್ಛೋಭಮಾನಾ । ಆಪ್ಯಾಯ-ಯನ್ತೀ ದುರಿತಾನಿ ವಿಶ್ವಾ । ಉರು-ನ್ದುಹಾಂ ಯಁಜಮಾನಾಯ ಯಜ್ಞಮ್ ॥ 15/96 (26) ॥
37.16 ನಕ್ಷತ್ರಂ - ಅನೂರಾಧಾ ದೇವತಾ - ಮಿತ್ರಃ
ಋದ್ಧ್ಯಾಸ್ಮ ಹವ್ಯೈ-ರ್ನಮಸೋಪಸದ್ಯ । ಮಿತ್ರ-ನ್ದೇವ-ಮ್ಮಿತ್ರಧೇಯನ್ನೋ ಅಸ್ತು । ಅನೂರಾಧಾನ್. ಹವಿಷಾ ವರ್ಧಯನ್ತಃ । ಶತ-ಞ್ಜೀವೇಮ ಶರದಸ್ಸವೀರಾಃ । ಚಿತ್ರಂ-ನಕ್ಷತ್ರ-ಮುದಗಾ-ತ್ಪುರಸ್ತಾತ್ । ಅನೂರಾಧಾಸ ಇತಿ ಯ-ದ್ವದನ್ತಿ । ತನ್ಮಿತ್ರ ಏತಿ ಪಥಿಭಿ-ರ್ದೇವಯಾನೈಃ । ಹಿರಣ್ಯಯೈ-ರ್ವಿತತೈ-ರನ್ತರಿಕ್ಷೇ ॥ 16 ॥
37.17 ನಕ್ಷತ್ರಂ - ಜ್ಯೇಷ್ಠಾ ದೇವತಾ - ಇನ್ದ್ರಃ
ಇನ್ದ್ರೋ ಜ್ಯೇಷ್ಠಾ-ಮನು ನಕ್ಷತ್ರಮೇತಿ । ಯಸ್ಮಿನ್ ವೃತ್ರಂ-ವೃಁತ್ರ ತೂರ್ಯೇ ತತಾರ ॥ 97 ॥
ತಸ್ಮಿನ್ ವಯ-ಮಮೃತಂ ದುಹಾನಾಃ । ಕ್ಷುಧನ್ತರೇಮ ದುರಿತಿಂ ದುರಿಷ್ಟಿಮ್ । ಪುರನ್ದರಾಯ ವೃಷಭಾಯ ಧೃಷ್ಣವೇ । ಅಷಾಢಾಯ ಸಹಮಾನಾಯ ಮೀಢುಷೇ । ಇನ್ದ್ರಾಯ ಜ್ಯೇಷ್ಠಾ ಮಧುಮದ್ದುಹಾನಾ । ಉರು-ಙ್ಕೃಣೋತು ಯಜಮಾನಾಯ ಲೋಕಮ್ ॥ 17 ॥
37.18 ನಕ್ಷತ್ರಂ - ಮೂಲಂ ದೇವತಾ - ಪ್ರಜಾಪತಿಃ
ಮೂಲಂ ಪ್ರಜಾಂ-ವೀಁರವತೀಂ-ವಿಁದೇಯ । ಪರಾಚ್ಯೇತು ನಿರ್-ಋತಿಃ ಪರಾಚಾ । ಗೋಭಿ-ರ್ನಕ್ಷತ್ರ-ಮ್ಪಶುಭಿ-ಸ್ಸಮಕ್ತಮ್ । ಅಹ-ರ್ಭೂಯಾ-ದ್ಯಜಮಾನಾಯ ಮಹ್ಯಮ್ ॥ 98 ॥
ಅಹರ್ನೋ ಅದ್ಯ ಸುವಿತೇ ದಧಾತು । ಮೂಲಂ ನಕ್ಷತ್ರಮಿತಿ ಯ-ದ್ವದನ್ತಿ । ಪರಾಚೀಂ-ವಾಁಚಾ ನಿರ್-ಋತಿ-ನ್ನುದಾಮಿ । ಶಿವ-ಮ್ಪ್ರಜಾಯೈ ಶಿವಮಸ್ತು ಮಹ್ಯಮ್ ॥ 18 ॥
37.19 ನಕ್ಷತ್ರಂ - ಪೂರ್ವಾಷಾಢಾ ದೇವತಾ - ಆಪಃ
ಯಾ ದಿವ್ಯಾ ಆಪಃ ಪಯಸಾ ಸಮ್ಬಭೂವುಃ । ಯಾ ಅನ್ತರಿಕ್ಷ ಉತ ಪಾರ್ಥಿವೀರ್ಯಾಃ ।
ಯಾಸಾಮಷಾಢಾ ಅನುಯನ್ತಿ ಕಾಮಮ್ । ತಾ ನ ಆಪ-ಶ್ಶಗ್ಗ್ ಸ್ಯೋನಾ ಭವನ್ತು । ಯಾಶ್ಚ ಕೂಪ್ಯಾ ಯಾಶ್ಚ ನಾದ್ಯಾ-ಸ್ಸಮುದ್ರಿಯಾಃ । ಯಾಶ್ಚ ವೈಶನ್ತೀರುತ ಪ್ರಾಸಚೀರ್ಯಾಃ ॥ 99 ॥
ಯಾಸಾಮಷಾಢಾ ಮಧು ಭಕ್ಷಯನ್ತಿ । ತಾ ನ ಆಪ-ಶ್ಶಗ್ಗ್ ಸ್ಯೋನಾ ಭವನ್ತು ॥ 19 ॥
37.20 ನಕ್ಷತ್ರಂ - ಉತ್ತರಾಷಾಢಾ ದೇವತಾ - ವಿಶ್ವೇದೇವಃ
ತನ್ನೋ ವಿಶ್ವೇ ಉಪ ಶೃಣ್ವನ್ತು ದೇವಾಃ । ತದಷಾಢಾ ಅಭಿ ಸಂಯಁನ್ತು ಯಜ್ಞಮ್ । ತನ್ನಕ್ಷತ್ರ-ಮ್ಪ್ರಥತಾ-ಮ್ಪಶುಭ್ಯಃ । ಕೃಷಿ-ರ್ವೃಷ್ಟಿ-ರ್ಯಜಮಾನಾಯ ಕಲ್ಪತಾಮ್ । ಶುಭ್ರಾಃ ಕನ್ಯಾ ಯುವತಯ-ಸ್ಸುಪೇಶಸಃ । ಕರ್ಮಕೃತ-ಸ್ಸುಕೃತೋ ವೀರ್ಯಾವತೀಃ । ವಿಶ್ವಾ-ನ್ದೇವಾನ್. ಹವಿಷಾ ವರ್ಧಯನ್ತೀಃ । ಅಷಾಢಾಃ ಕಾಮ-ಮುಪಯಾನ್ತು ಯಜ್ಞಮ್ ॥ 20/100 ॥
37.21 ನಕ್ಷತ್ರಂ - ಅಭಿಜಿತ್ ದೇವತಾ - ಬ್ರಹ್ಮಾ
ಯಸ್ಮಿ-ನ್ಬ್ರಹ್ಮಾ-ಽಭ್ಯಜಯ-ಥ್ಸರ್ವಮೇತತ್ । ಅಮುಞ್ಚ ಲೋಕ ಮಿದಮೂಚ ಸರ್ವಂ। ತನ್ನೋ ನಕ್ಷತ್ರ-ಮಭಿಜಿ-ದ್ವಿಜಿತ್ಯ । ಶ್ರಿಯ-ನ್ದಧಾತ್ವಹೃಣೀಯಮಾನಮ್ । ಉಭೌ ಲೋಕೌ ಬ್ರಹ್ಮಣಾ ಸಞ್ಜಿತೇಮೌ । ತನ್ನೋ ನಕ್ಷತ್ರ-ಮಭಿಜಿ-ದ್
ವಿಚಷ್ಟಾಮ್ । ತಸ್ಮಿನ್ ವಯ-ಮ್ಪೃತನಾ ಸ್ಸಞ್ಜಯೇಮ । ತನ್ನೋ ದೇವಾಸೋ ಅನುಜಾನನ್ತು ಕಾಮಮ್ ॥ 21 ॥
37.22 ನಕ್ಷತ್ರಂ - ಶ್ರವಣಂ ದೇವತಾ - ವಿಷ್ಣುಃ
ಶೃಣ್ವನ್ತಿ ಶ್ರೋಣಾ-ಮಮೃತಸ್ಯ ಗೋಪಾಮ್ । ಪುಣ್ಯಾಮಸ್ಯಾ ಉಪಶೃಣೋಮಿ ವಾಚಮ್ ॥ 101 ॥
ಮಹೀ-ನ್ದೇವೀಂ-ವಿಁಷ್ಣುಪತ್ನೀ ಮಜೂರ್ಯಾಮ್ । ಪ್ರತೀಚೀ ಮೇನಾಗ್ಂ ಹವಿಷಾ ಯಜಾಮಃ । ತ್ರೇಧಾ ವಿಷ್ಣು-ರುರುಗಾಯೋ ವಿಚಕ್ರಮೇ । ಮಹೀ-ನ್ದಿವಂ ಪೃಥಿವೀ-ಮನ್ತರಿಕ್ಷಮ್ ।
ತಚ್ಛ್ರೋಣೈತಿ ಶ್ರವ-ಇಚ್ಛಮಾನಾ । ಪುಣ್ಯಗ್ಗ್ ಶ್ಲೋಕಂ ಁಯಜಮಾನಾಯ ಕೃಣ್ವತೀ ॥ 22 ॥
37.23 ನಕ್ಷತ್ರಂ - ಶ್ರವಿಷ್ಟಾ ದೇವತಾ - ವಸವಃ
ಅಷ್ಟೌ ದೇವಾ ವಸವಸ್ಸೋಮ್ಯಾಸಃ । ಚತಸ್ರೋ ದೇವೀ ರಜರಾ-ಶ್ಶ್ರವಿಷ್ಠಾಃ । ತೇ ಯಜ್ಞ-ಮ್ಪಾನ್ತು ರಜಸಃ ಪರಸ್ತಾತ್ । ಸಂವಁಥ್ಸರೀಣ-ಮಮೃತಗ್ಗ್ ಸ್ವಸ್ತಿ ॥ 102 ॥
ಯಜ್ಞ-ನ್ನಃ ಪಾನ್ತು ವಸವಃ ಪುರಸ್ತಾತ್ । ದಕ್ಷಿಣತೋ-ಽಭಿಯನ್ತು ಶ್ರವಿಷ್ಠಾಃ । ಪುಣ್ಯನ್ನಕ್ಷತ್ರಮಭಿ ಸಂವಿಁಶಾಮ । ಮಾ ನೋ ಅರಾತಿ-ರಘಶಗ್ಂ ಸಾಗನ್ನ್ ॥ 23 ॥
37.24 ನಕ್ಷತ್ರಂ - ಶತಭಿಷಕ್ ದೇವತಾ - ವರುಣಃ
ಕ್ಷತ್ರಸ್ಯ ರಾಜಾ ವರುಣೋ-ಽಧಿರಾಜಃ । ನಕ್ಷತ್ರಾಣಾಗ್ಂ ಶತಭಿಷಗ್ ವಸಿಷ್ಠಃ । ತೌ ದೇವೇಭ್ಯಃ ಕೃಣುತೋ ದೀರ್ಘಮಾಯುಃ । ಶತಗ್ಂ ಸಹಸ್ರಾ ಭೇಷಜಾನಿ ಧತ್ತಃ । ಯಜ್ಞನ್ನೋ ರಾಜಾ ವರುಣ ಉಪಯಾತು । ತನ್ನೋ ವಿಶ್ವೇ ಅಭಿಸಂಯಁನ್ತು ದೇವಾಃ ॥ 103 ॥
ತನ್ನೋ ನಕ್ಷತ್ರಗ್ಂ ಶತಭಿಷಗ್ ಜುಷಾಣಮ್ । ದೀರ್ಘಮಾಯುಃ ಪ್ರತಿರ-ದ್ಭೇಷಜಾನಿ ॥ 24 ॥
37.25 ನಕ್ಷತ್ರಂ - ಪೂರ್ವಪ್ರೋಷ್ಠಪದಾ ದೇವತಾ - ಅಜಯೇಕಪಾದಃ
ಅಜ ಏಕಪಾ-ದುದಗಾ-ತ್ಪುರಸ್ತಾತ್ । ವಿಶ್ವಾ ಭೂತಾನಿ ಪ್ರತಿ ಮೋದಮಾನಃ । ತಸ್ಯ ದೇವಾಃ ಪ್ರಸವಂ-ಯಁನ್ತಿ ಸರ್ವೇ । ಪ್ರೋಷ್ಠಪದಾಸೋ ಅಮೃತಸ್ಯ ಗೋಪಾಃ । ವಿಭ್ರಾಜಮಾನ-ಸ್ಸಮಿಧಾನ ಉಗ್ರಃ । ಆ-ಽನ್ತರಿಕ್ಷ-ಮರುಹದ-ಗನ್ದ್ಯಾಮ್ । ತಗ್ಂ ಸೂರ್ಯ-ನ್ದೇವ-ಮಜಮೇಕಪಾದಮ್ । ಪ್ರೋಷ್ಠಪದಾಸೋ ಅನುಯನ್ತಿ ಸರ್ವೇ ॥ 25 / 104 ॥
37.26 ನಕ್ಷತ್ರಂ - ಉತ್ತರಪ್ರೋಷ್ಠಪದಾ ದೇವತಾ - ಅಹಿರ್ಬುಧ್ನಿಯಃ
ಅಹಿ-ರ್ಬುಧ್ನಿಯಃ ಪ್ರಥಮಾನ ಏತಿ । ಶ್ರೇಷ್ಠೋ ದೇವಾನಾಮುತ ಮಾನುಷಾಣಾಮ್ । ತ-ಮ್ಬ್ರಾಹ್ಮಣಾ-ಸ್ಸೋಮಪಾ-ಸ್ಸೋಮ್ಯಾಸಃ । ಪ್ರೋಷ್ಠಪದಾಸೋ ಅಭಿರಕ್ಷನ್ತಿ ಸರ್ವೇ । ಚತ್ವಾರ ಏಕಮಭಿ ಕರ್ಮ ದೇವಾಃ । ಪ್ರೋಷ್ಠಪದಾಸ ಇತಿ ಯಾನ್. ವದನ್ತಿ । ತೇ ಬುಧ್ನಿಯಂ ಪರಿಷದ್ಯಗ್ಗ್ ಸ್ತುವನ್ತಃ । ಅಹಿಗ್ಂ ರಕ್ಷನ್ತಿ ನಮಸೋಪಸದ್ಯ ॥ 26 ॥
37.27 ನಕ್ಷತ್ರಂ - ರೇವತೀ ದೇವತಾ - ಪೂಷಾ
ಪೂಷಾ ರೇವತ್ಯನ್ವೇತಿ ಪನ್ಥಾಮ್ । ಪುಷ್ಟಿಪತೀ ಪಶುಪಾ ವಾಜಬಸ್ತ್ಯೌ ॥ 105 ॥
ಇಮಾನಿ ಹವ್ಯಾ ಪ್ರಯತಾ ಜುಷಾಣಾ । ಸುಗೈರ್ನೋ ಯಾನೈರುಪಯಾತಾಂ-ಯಁಜ್ಞಮ್ । ಕ್ಷುದ್ರಾ-ನ್ಪಶೂ-ನ್ರಕ್ಷತು ರೇವತೀ ನಃ । ಗಾವೋ ನೋ ಅಶ್ವಾಗ್ಂ ಅನ್ವೇತು ಪೂಷಾ । ಅನ್ನಗ್ಂ ರಕ್ಷನ್ತೌ ಬಹುಧಾ ವಿರೂಪಮ್ । ವಾಜಗ್ಂ ಸನುತಾಂ ಁಯಜಮಾನಾಯ ಯಜ್ಞಮ್ ॥ 27 ॥
37.28 ನಕ್ಷತ್ರಂ - ಅಶ್ವಿನೀ ದೇವತಾ - ಅಶ್ವಿನೀ ದೇವ
ತದಶ್ವಿನಾ-ವಶ್ವಯುಜೋಪಯಾತಾಮ್ । ಶುಭಙ್ಗಮಿಷ್ಠೌ ಸುಯಮೇಭಿರಶ್ವೈಃ । ಸ್ವನ್ನಕ್ಷತ್ರಗ್ಂ ಹವಿಷಾ ಯಜನ್ತೌ । ಮಧ್ವಾ ಸಮ್ಪೃಕ್ತೌ ಯಜುಷಾ ಸಮಕ್ತೌ ॥ 106 ॥
ಯೌ ದೇವಾನಾ-ಮ್ಭಿಷಜೌ ಹವ್ಯವಾಹೌ । ವಿಶ್ವಸ್ಯ ದೂತಾ-ವಮೃತಸ್ಯ ಗೋಪೌ । ತೌ ನಕ್ಷತ್ರಂ-ಜುಜುಷಾಣೋ-ಪಯಾತಾಮ್ । ನಮೋ-ಽಶ್ವಿಭ್ಯಾಂ ಕೃಣುಮೋ-ಽಶ್ವಯುಗ್ಭ್ಯಾಮ್ ॥ 28 ॥
37.29 ನಕ್ಷತ್ರಂ - ಅಪಭರಣೀ ದೇವತಾ - ಯಮಃ
ಅಪ ಪಾಪ್ಮಾನಂ ಭರಣೀ-ರ್ಭರನ್ತು । ತ-ದ್ಯಮೋ ರಾಜಾ ಭಗವಾನ್. ವಿಚಷ್ಟಾಮ್ । ಲೋಕಸ್ಯ ರಾಜಾ ಮಹತೋ ಮಹಾನ್. ಹಿ । ಸುಗನ್ನಃ ಪನ್ಥಾಮಭಯ-ಙ್ಕೃಣೋತು । ಯಸ್ಮಿ-ನ್ನಕ್ಷತ್ರೇ ಯಮ ಏತಿ ರಾಜಾ । ಯಸ್ಮಿನ್ನೇನ-ಮಭ್ಯಷಿಂಚನ್ತ ದೇವಾಃ । ತದಸ್ಯ ಚಿತ್ರಗ್ಂ ಹವಿಷಾ ಯಜಾಮ । ಅಪ ಪಾಪ್ಮಾನಂ ಭರಣೀ-ರ್ಭರನ್ತು ॥ 29 ॥
37.30 ಅಮಾವಾಸಿ
ನಿವೇಶನೀ ಯತ್ತೇ ದೇವಾ ಅದಧುಃ ।
ನಿವೇಶನೀ ಸಙ್ಗಮನೀ ವಸೂನಾಂ ಁವಿಶ್ವಾ ರೂಪಾಣಿ ವಸೂನ್ಯಾ-ವೇಶಯನ್ತೀ । ಸಹಸ್ರಪೋಷಗ್ಂ ಸುಭಗಾ ರರಾಣಾ ಸಾ ನ ಆಗನ್ ವರ್ಚಸಾ ಸಂವಿಁದಾನಾ ।
ಯತ್ತೇ ದೇವಾ ಅದಧು-ರ್ಭಾಗಧೇಯ-ಮಮಾವಾಸ್ಯೇ
ಸಂವಁಸನ್ತೋ ಮಹಿತ್ವಾ । ಸಾ ನೋ ಯಜ್ಞ-ಮ್ಪಿಪೃಹಿ ವಿಶ್ವವಾರೇ ರಯಿನ್ನೋ ಧೇಹಿ ಸುಭಗೇ ಸುವೀರಂ ॥ 30/107 (27) ॥
37.31 ಚನ್ದ್ರಮಾ
ನವೋ ನವೋ ಭವತಿ ಜಾಯಮಾನೋ ಯಮಾದಿತ್ಯಾ ಅಗ್ಂಶುಮಾ-ಪ್ಯಾಯಯನ್ತಿ ।
ನವೋ ನವೋ ಭವತಿ ಜಾಯಮಾನೋ-ಽಹ್ನಾ-ಙ್ಕೇತು-ರುಷಸಾ ಮೇತ್ಯಗ್ರೇ ।
ಭಾಗ-ನ್ದೇವೇಭ್ಯೋ ವಿದಧಾತ್ಯಾಯ-ನ್ಪ್ರಚನ್ದ್ರಮಾಸ್ತಿರತಿ ದೀರ್ಘಮಾಯುಃ ।
ಯಮಾದಿತ್ಯಾ ಅಗ್ಂಶುಮಾಪ್ಯಾಯಯನ್ತಿ ಯಮಕ್ಷಿತ-ಮಕ್ಷಿತಯಃ ಪಿಬನ್ತಿ ।
ತೇನ ನೋ ರಾಜಾ ವರುಣೋ ಬೃಹಸ್ಪತಿ ರಾಪ್ಯಾಯಯನ್ತು ಭುವನಸ್ಯ ಗೋಪಾಃ ।
37.32 ಅಹೋ ರಾತ್ರೀ
ಯೇ ವಿರೂಪೇ ಸಮನಸಾ ಸಂವ್ಯಁಯನ್ತೀ । ಸಮಾನ-ನ್ತನ್ತುಂ ಪರಿತಾ-ತನಾತೇ ।
ವಿಭೂ ಪ್ರಭೂ ಅನುಭೂ ವಿಶ್ವತೋ ಹುವೇ । ತೇ ನೋ ನಕ್ಷತ್ರೇ ಹವಮಾಗಮೇತಮ್ ।
ವಯ-ನ್ದೇವೀ ಬ್ರಹ್ಮಣಾ ಸಂವಿಁದಾನಾಃ । ಸುರತ್ನಾಸೋ ದೇವವೀತಿಂ ದಧಾನಾಃ ॥ 108 ॥
ಅಹೋರಾತ್ರೇ ಹವಿಷಾ ವರ್ಧಯನ್ತಃ । ಅತಿ ಪಾಪ್ಮಾನ-ಮತಿಮುಕ್ತ್ಯಾ ಗಮೇಮ ॥
37.33 ಉಷಾ
ಪ್ರತ್ಯುವ ದೃಶ್ಯಾಯತೀ । ವ್ಯುಚ್ಛನ್ತೀ ದುಹಿತಾ ದಿವಃ । ಅಪೋ ಮಹೀ ವೃಣುತೇ ಚಕ್ಷುಷಾ । ತಮೋ ಜ್ಯೋತಿಷ್-ಕೃಣೋತಿ ಸೂನರೀ ।
ಉದು ಸ್ತ್ರಿಯಾಸ್ಸಚತೇ ಸೂರ್ಯಃ । ಸ ಚಾ ಉದ್ಯನ್ನಕ್ಷತ್ರ ಮರ್ಚಿಮತ್ ।
ತವೇ ದುಷೋ ವ್ಯುಷಿ ಸೂರ್ಯಸ್ಯ ಚ । ಸಮ್ಭಕ್ತೇನ ಗಮೇಮಹಿ ॥ 109 ॥
37.34 ನಕ್ಷತ್ರಃ
ತನ್ನೋ ನಕ್ಷತ್ರ ಮರ್ಚಿಮತ್ । ಭಾನುಮತ್ತೇಜ ಉಚ್ಛರತ್ । ಉಪ ಯಜ್ಞಮಿಹಾಗಮತ್ । ಪ್ರನಕ್ಷತ್ರಾಯ ದೇವಾಯ । ಇನ್ದ್ರಾಯೇನ್ದುಗ್ಂ ಹವಾಮಹೇ । ಸ ನ ಸ್ಸವಿತಾ ಸುವ-ಥ್ಸನಿಮ್ । ಪುಷ್ಟಿದಾಂ-ವೀಁರವತ್ತಮಮ್ ॥
37.35 ಸೂರ್ಯಃ
ಉದುತ್ಯ-ಞ್ಚಿತ್ರಮ್ ॥
ಉದುತ್ಯ-ಞ್ಜಾತವೇದಸ-ನ್ದೇವಂ-ವಁಹನ್ತಿ ಕೇತವಃ । ದೃಶೇ ವಿಶ್ವಾಯ ಸೂರ್ಯಮ್ ।
ಚಿತ್ರ-ನ್ದೇವಾನಾ ಮುದಗಾದನೀಕಂ ಚಕ್ಷು-ರ್ಮಿತ್ರಸ್ಯ ವರುಣಸ್ಯಾಗ್ನೇಃ ॥ 110 ॥
ಆ-ಽಪ್ರಾ ದ್ಯಾವಾಪೃಥಿವೀ ಅನ್ತರಿಕ್ಷ ಸೂರ್ಯ ಆತ್ಮಾ ಜಗತಸ್ತಸ್ಥುಷಶ್ಚ ॥
37.36 ಅದಿತಿಃ
ಅದಿತಿರ್ನ ಉರುಷ್ಯತು ಮಹೀಮೂಷು ಮಾತರಮ್ ॥
ಅದಿತಿರ್ನ ಉರುಷ್ಯ-ತ್ವದಿತಿ-ಶ್ಶರ್ಮ ಯಚ್ಛತು । ಅದಿತಿಃ ಪಾತ್ವಗ್ಂ ಹಸಃ ॥
ಮಹೀಮೂಷು ಮಾತರಗ್ಂ ಸುವ್ರತಾನಾ-ಮೃತಸ್ಯ ಪತ್ನೀ ಮವಸೇ ಹುವೇಮ ।
ತುವಿಕ್ಷತ್ರಾ-ಮಜರನ್ತೀ ಮುರೂಚೀಗ್ಂ ಸುಶರ್ಮಾಣ-ಮದಿತಿಗ್ಂ ಸುಪ್ರಣೀತಿಮ್ ।
37.37 ವಿಷ್ಣುಃ
ಇದಂ-ವಿಁಷ್ಣು ಪ್ರತದ್ವಿಷ್ಣುಃ ॥
ಇದಂ-ವಿಁಷ್ಣು-ರ್ವಿಚಕ್ರಮೇ ತ್ರೇಧಾ ನಿದಧೇ ಪದಮ್ । ಸಮೂಢಮಸ್ಯ ಪಾಗ್ಂ ಸುರೇ ॥
ಪ್ರತದ್ವಿಷ್ಣು ಸ್ತವತೇ ವೀರ್ಯಾಯ । ಮೃಗೋ ನ ಭೀಮಃ ಕುಚರೋ ಗಿರಿಷ್ಠಾಃ । ಯಸ್ಯೋರುಷು ತ್ರಿಷು ವಿಕ್ರಮಣೇಷು । ಅಧಿಕ್ಷಿಯನ್ತಿ ಭುವನಾನಿ ವಿಶ್ವಾ ॥ 111 ॥
37.38 ಅಗ್ನಿಃ
ಅಗ್ನಿ-ರ್ಮೂರ್ಧಾ ಭುವಃ ॥
ಅಗ್ನಿ-ರ್ಮೂರ್ಧಾ ದಿವಃ ಕಕುತ್ಪತಿಃ ಪೃಥಿವ್ಯಾ ಅಯಮ್ । ಅಪಾಗ್ಂ ರೇತಾಗ್ಂಸಿ ಜಿನ್ವತಿ ॥ ಭುವೋ ಯಜ್ಞಸ್ಯ ರಜಸಶ್ಚ ನೇತಾ ಯತ್ರಾ ನಿಯುದ್ಭಿ-ಸ್ಸಚಸೇ
ಶಿವಾಭಿಃ । ದಿವಿ ಮೂರ್ಧಾನಂ ದಧಿಷೇ ಸುವರ್ಷಾ-ಞ್ಜಿಹ್ವಾಮಗ್ನೇ ಚಕೃಷೇ ಹವ್ಯವಾಹಮ್ ।
37.39 ಅನುಮತ
ಅನುನೋ-ಽದ್ಯಾನುಮತಿ-ರನ್ವಿದನುಮತೇ ತ್ವಮ್ ॥
ಅನುನೋ-ಽದ್ಯಾನುಮತಿ ರ್ಯಜ್ಞ-ನ್ದೇವೇಷು ಮನ್ಯತಾಮ್ । ಅಗ್ನಿಶ್ಚ ಹವ್ಯವಾಹನೋ ಭವತಾ-ನ್ದಾಶುಷೇ ಮಯಃ ।
ಅನ್ವಿದನುಮತೇ ತ್ವ-ಮ್ಮನ್ಯಾಸೈ ಶಞ್ಚ ನಃ ಕೃಧಿ । ಕ್ರತ್ವೇ ದಕ್ಷಾಯ ನೋ ಹಿನು ಪ್ರಣ ಆಯೂಗ್ಂಷಿ ತಾರಿಷಃ ।
37.40 ಹವ್ಯವಾಹಃ (ಅಗ್ನಿಃ)
ಹವ್ಯವಾಹಗ್ಗ್ ಸ್ವಿಷ್ಟಮ್ ॥
ಹವ್ಯವಾಹಮಭಿ-ಮಾತಿಷಾಹಮ್ । ರಕ್ಷೋಹಣಂ ಪೃತನಾಸು ಜಿಷ್ಣುಮ್ ।
ಜ್ಯೋತಿಷ್ಮನ್ತಂ ದೀದ್ಯತಂ ಪುರನ್ಧಿಮ್ । ಅಗ್ನಿಗ್ಗ್ ಸ್ವಿಷ್ಟ ಕೃತಮಾ ಹುವೇಮ ।
ಸ್ವಿಷ್ಟ ಮಗ್ನೇ ಅಭಿತ-ತ್ಪೃಣಾಹಿ । ವಿಶ್ವಾ ದೇವ ಪೃತನಾ ಅಭಿಷ್ಯ ।
ಉರುನ್ನಃ ಪನ್ಥಾ-ಮ್ಪ್ರದಿಶನ್ ವಿಭಾಹಿ । ಜ್ಯೋತಿಷ್ಮದ್ಧೇಹ್ಯ ಜರನ್ನ ಆಯುಃ ॥ 112/28 ॥
38 ನಕ್ಷತ್ರ ಉಪಹೋಮ ಮನ್ತ್ರಾಃ
(ತೈ. ಬ್ರಾ. 3.1.4.1-3.1.6.7)
38.1 ಕೃತ್ತಿಕಾ
ಅಗ್ನಯೇ ಸ್ವಾಹಾ ಕೃತ್ತಿಕಾಭ್ಯ ಸ್ಸ್ವಾಹಾ । ಅಮ್ಬಾಯೈ ಸ್ವಾಹಾ ದುಲಾಯೈ ಸ್ವಾಹಾ । ನಿತತ್ನ್ಯೈ ಸ್ವಾಹಾ ಽಭ್ರಯನ್ತ್ಯೈ ಸ್ವಾಹಾ । ಮೇಘಯನ್ತ್ಯೈ ಸ್ವಾಹಾ ವರ್ಷಯನ್ತ್ಯೈ ಸ್ವಾಹಾ । ಚುಪುಣೀಕಾಯೈ ಸ್ವಾಹಾ ॥
38.2 ರೋಹಿಣೀ
ಪ್ರಜಾಪತಯೇ ಸ್ವಾಹಾ ರೋಹಿಣ್ಯೈ ಸ್ವಾಹಾ । ರೋಚಮಾನಾಯೈ ಸ್ವಾಹಾ ಪ್ರಜಾಭ್ಯ ಸ್ವಾಹಾ ॥
38.3 ಮೃಗಶೀ.ರ್ಷಃ
ಸೋಮಾಯ ಸ್ವಾಹಾ ಮೃಗಶೀರ್ಷಾಯ ಸ್ವಾಹಾ । ಇನ್ವಕಾಭ್ಯ ಸ್ಸ್ವಾಹೌಷಧೀಭ್ಯ ಸ್ಸ್ವಾಹಾ । ರಾಜ್ಯಾಯ ಸ್ವಾಹಾ-ಽಭಿಜಿತ್ಯೈ ಸ್ವಾಹಾ ॥ 113 ॥
38.4 ಆರ್ದ್ರಾ
ರುದ್ರಾಯ ಸ್ವಾಹಾ-ಽಽರ್ದ್ರಾಯೈ ಸ್ವಾಹಾ । ಪಿನ್ವಮಾನಾಯೈ ಸ್ವಾಹಾ ಪಶುಭ್ಯ ಸ್ಸ್ವಾಹಾ ॥
38.5 ಪುನರ್ವಸು
ಅದಿತ್ಯೈ ಸ್ವಾಹಾ ಪುನರ್ವಸುಭ್ಯಾಮ್ । ಸ್ವಾಹಾ-ಽಽಭೂತ್ಯೈ ಸ್ವಾಹಾ ಪ್ರಜಾತ್ಯೈ ಸ್ವಾಹಾ ॥
38.6 ಪುಷ್ಯಃ
ಬೃಹಸ್ಪತಯೇ ಸ್ವಾಹಾ ತಿಷ್ಯಾಯ ಸ್ವಾಹಾ । ಬ್ರಹ್ಮವರ್ಚಸಾಯ ಸ್ವಾಹಾ ॥
38.7 ಆಶ್ರೇಷ
ಸರ್ಪೇಭ್ಯ ಸ್ಸ್ವಾಹಾ ಽಽಶ್ರೇಷಾಭ್ಯ ಸ್ಸ್ವಾಹಾ । ದನ್ದಶೂಕೇಭ್ಯ ಸ್ಸ್ವಾಹಾ ॥
38.8 ಮಘಾ
ಪಿತೃಭ್ಯ ಸ್ಸ್ವಾಹಾ ಮಘಾಭ್ಯಃ । ಸ್ವಾಹಾ ಽನಘಾಭ್ಯ ಸ್ಸ್ವಾಹಾ ಽಗದಾಭ್ಯಃ । ಸ್ವಾಹಾರುನ್ಧತೀಭ್ಯ ಸ್ಸ್ವಾಹಾ ॥ 114 ॥
38.9 ಪೂರ್ವ ಫಲ್ಗುನೀ
ಅರ್ಯಮ್ಣೇ ಸ್ವಾಹಾ ಫಲ್ಗುನೀಭ್ಯಾಗ್ ಸ್ವಾಹಾ । ಪಶುಭ್ಯ ಸ್ಸ್ವಾಹಾ ॥
38.10 ಉತ್ತರ ಫಲ್ಗುನೀ
ಭಗಾಯ ಸ್ವಾಹಾ ಫಲ್ಗುನೀಭ್ಯಾಗ್ ಸ್ವಾಹಾ । ಶ್ರೈಷ್ಠ್ಯಾಯ ಸ್ವಾಹಾ ॥
38.11 ಹಸ್ತಃ
ಸವಿತ್ರೇ ಸ್ವಾಹಾ ಹಸ್ತಾಯ । ಸ್ವಾಹಾ ದದತೇ ಸ್ವಾಹಾ ಪೃಣತೇ । ಸ್ವಾಹಾ ಪ್ರಯಚ್ಛತೇ ಸ್ವಾಹಾ ಪ್ರತಿಗೃಭ್ಣತೇ ಸ್ವಾಹಾ ॥
38.12 ಚಿತ್ರಾ
ತ್ವಷ್ಟ್ರೇ ಸ್ವಾಹಾ ಚಿತ್ರಾಯೈ ಸ್ವಾಹಾ । ಚೈತ್ರಾಯ ಸ್ವಾಹಾ ಪ್ರಜಾಯೈ ಸ್ವಾಹಾ ॥
38.13 ಸ್ವಾತಿ
ವಾಯವೇ ಸ್ವಾಹಾ ನಿಷ್ಟ್ಯಾಯೈ ಸ್ವಾಹಾ । ಕಾಮಚಾರಾಯ ಸ್ವಾಹಾ ಽಭಿಜಿತ್ಯೈ ಸ್ವಾಹಾ ॥
38.14 ವಿಶಾಖಾ
ಇನ್ದ್ರಾಗ್ನಿಭ್ಯಾಗ್ ಸ್ವಾಹಾ ವಿಶಾಖಾಭ್ಯಾಗ್ ಸ್ವಾಹಾ । ಶ್ರೈಷ್ಠ್ಯಾಯ ಸ್ವಾಹಾ ಽಭಿಜಿತ್ಯೈ ಸ್ವಾಹಾ ॥
38.15 ಪೌರ್ಣಮಾಸಿ
ಪೌರ್ಣಮಾಸ್ಯೈ ಸ್ವಾಹಾ ಕಾಮಾಯ ಸ್ವಾಹಾ-ಽಽಗತ್ಯೈ ಸ್ವಾಹಾ ॥ 115 (29) ॥
38.16 ಅನೂರಾಧಾ
ಮಿತ್ರಾಯ ಸ್ವಾಹಾ-ಽನೂರಾಧೇಭ್ಯ ಸ್ಸ್ವಾಹಾ । ಮಿತ್ರಧೇಯಾಯ ಸ್ವಾಹಾ-ಽಭಿಜಿತ್ಯೈ ಸ್ವಾಹಾ ॥
38.17 ಜ್ಯೇಷ್ಠಾ
ಇನ್ದ್ರಾಯ ಸ್ವಾಹಾ ಜ್ಯೇಷ್ಠಾಯೈ ಸ್ವಾಹಾ । ಜ್ಯೈಷ್ಠ್ಯಾಯ ಸ್ವಾಹಾ-ಽಭಿಜಿತ್ಯೈ ಸ್ವಾಹಾ ॥
38.18 ಮೂಲಂ
ಪ್ರಜಾಪತಯೇ ಸ್ವಾಹಾ ಮೂಲಾಯ ಸ್ವಾಹಾ । ಪ್ರಜಾಯೈ ಸ್ವಾಹಾ ॥
38.19 ಪೂರ್ವಾಷಾಢಾ
ಅದ್ಭ್ಯ ಸ್ಸ್ವಾಹಾ ಽಷಾಢಾಭ್ಯ ಸ್ಸ್ವಾಹಾ । ಸಮುದ್ರಾಯ ಸ್ವಾಹಾ ಕಾಮಾಯ ಸ್ವಾಹಾ । ಅಭಿಜಿತ್ಯೈ ಸ್ವಾಹಾ ॥
38.20 ಉತ್ತರಾಷಾಢಾ
ವಿಶ್ವೇಭ್ಯೋ ದೇವೇಭ್ಯ ಸ್ಸ್ವಾಹಾ ಽಷಾಢಾಭ್ಯ ಸ್ಸ್ವಾಹಾ । ಅನಪಜಯ್ಯಾಯ ಸ್ವಾಹಾ ಜಿತ್ಯೈ ಸ್ವಾಹಾ ॥ 116 ॥
38.21 ಅಭಿಜಿತ್
ಬ್ರಹ್ಮಣೇ ಸ್ವಾಹಾ ಽಭಿಜಿತೇ ಸ್ವಾಹಾ । ಬ್ರಹ್ಮಲೋಕಾಯ ಸ್ವಾಹಾ ಽಭಿಜಿತ್ಯೈ ಸ್ವಾಹಾ ॥
38.22 ಶ್ರವಣಂ
ವಿಷ್ಣವೇ ಸ್ವಾಹಾ ಶ್ರೋಣಾಯೈ ಸ್ವಾಹಾ । ಶ್ಲೋಕಾಯ ಸ್ವಾಹಾ ಶ್ರುತಾಯ ಸ್ವಾಹಾ ॥
38.23 ಶ್ರವಿಷ್ಠಾ
ವಸುಭ್ಯ ಸ್ಸ್ವಾಹಾ ಶ್ರವಿಷ್ಠಾಭ್ಯ ಸ್ಸ್ವಾಹಾ । ಅಗ್ರಾಯ ಸ್ವಾಹಾ ಪರೀತ್ಯೈ ಸ್ವಾಹಾ ॥
38.24 ಶತಭಿಷಕ್
ವರುಣಾಯ ಸ್ವಾಹಾ ಶತಭಿಷಜೇ ಸ್ವಾಹಾ । ಭೇಷಜೇಭ್ಯ ಸ್ಸ್ವಾಹಾ ॥
38.25 ಪೂರ್ವ ಪ್ರೋಷ್ಠಪದಾ
ಅಜಾಯೈಕಪದೇ ಸ್ವಾಹಾ ಪ್ರೋಷ್ಠಪದೇಭ್ಯ ಸ್ಸ್ವಾಹಾ ॥ 117 ॥
ತೇಜಸೇ ಸ್ವಾಹಾ ಬ್ರಹ್ಮವರ್ಚಸಾಯ ಸ್ವಾಹಾ ॥
38.26 ಉತ್ತರ ಪ್ರೋಷ್ಠಪದಾ
ಅಹಯೇ ಬುಧ್ನಿಯಾಯ ಸ್ವಾಹಾ ಪ್ರೋಷ್ಠಪದೇಭ್ಯ ಸ್ಸ್ವಾಹಾ । ಪ್ರತಿಷ್ಠಾಯೈ ಸ್ವಾಹಾ ॥
38.27 ರೇವತಿ
ಪೂಷ್ಣೇ ಸ್ವಾಹಾ ರೇವತ್ಯೈ ಸ್ವಾಹಾ । ಪಶುಭ್ಯ ಸ್ಸ್ವಾಹಾ ॥
38.28 ಅಶ್ವಿನೀ
ಅಶ್ವಿಭ್ಯಾಗ್ ಸ್ವಾಹಾ ಽಶ್ವಯುಗ್ಭ್ಯಾಗ್ ಸ್ವಾಹಾ । ಶ್ರೋತ್ರಾಯ ಸ್ವಾಹಾ ಶ್ರುತ್ಯೈ ಸ್ವಾಹಾ ॥
38.29 ಅಪಭರಣಿ
ಯಮಾಯ ಸ್ವಾಹಾ ಽಪಭರಣೀಭ್ಯ ಸ್ಸ್ವಾಹಾ । ರಾಜ್ಯಾಯ ಸ್ವಾಹಾ ಽಭಿಜಿತ್ಯೈ ಸ್ವಾಹಾ ॥
38.30 ಅಮಾವಾಸಿ
ಅಮವಾಸ್ಯಾಯೈ ಸ್ವಾಹಾ ಕಾಮಾಯ ಸ್ವಾಹಾ ಽಽಗತ್ಯೈ ಸ್ವಾಹಾ ॥ 118 (30) ॥
38.31 ಚನ್ದ್ರಮಾ
ಚನ್ದ್ರಮಸೇ ಸ್ವಾಹಾ ಪ್ರತೀದೃಶ್ಯಾಯೈ ಸ್ವಾಹಾ । ಅಹೋರಾತ್ರೇಭ್ಯ ಸ್ಸ್ವಾಹಾ-ಽರ್ಧಮಾಸೇಭ್ಯ ಸ್ಸ್ವಾಹಾ । ಮಾಸೇಭ್ಯ ಸ್ಸ್ವಾಹರ್ತುಭ್ಯ ಸ್ಸ್ವಾಹಾ । ಸಂವಁಥ್ಸರಾಯ ಸ್ವಾಹಾ ॥
38.32 ಅಹೋ ರಾತ್ರೀ
ಅಹ್ನೇ ಸ್ವಾಹಾ ರಾತ್ರಿಯೈ ಸ್ವಾಹಾ । ಅತಿಮುಕ್ತ್ಯೈ ಸ್ವಾಹಾ ॥
38.33 ಉಷಾ
ಉಷಸೇ ಸ್ವಾಹಾ ವ್ಯುಷ್ಟ್ಯೈ ಸ್ವಾಹಾ । ವ್ಯೂಷುಷ್ಯೈ ಸ್ವಾಹಾ ವ್ಯುಚ್ಛನ್ತ್ಯೈ ಸ್ವಾಹಾ । ವ್ಯುಷ್ಟಾಯೈ ಸ್ವಾಹಾ ॥
38.34 ನಕ್ಷತ್ರಃ
ನಕ್ಷತ್ರಾಯ ಸ್ವಾಹೋದೇಷ್ಯತೇ ಸ್ವಾಹಾ ॥ 119 ॥
ಉದ್ಯತೇ ಸ್ವಾಹೋ-ದಿತಾಯ ಸ್ವಾಹಾ । ಹರಸೇ ಸ್ವಾಹಾ ಭರಸೇ ಸ್ವಾಹಾ ।
ಭ್ರಾಜಸೇ ಸ್ವಾಹಾ ತೇಜಸೇ ಸ್ವಾಹಾ । ತಪಸೇ ಸ್ವಾಹಾ ಬ್ರಹ್ಮವರ್ಚಸಾಯ ಸ್ವಾಹಾ ॥
38.35 ಸೂರ್ಯಃ
ಸೂರ್ಯಾಯ ಸ್ವಾಹಾ ನಕ್ಷತ್ರೇಭ್ಯ ಸ್ಸ್ವಾಹಾ । ಪ್ರತಿಷ್ಠಾಯೈ ಸ್ವಾಹಾ ॥
38.36 ಅದಿತಿಃ
ಅದಿತ್ಯೈ ಸ್ವಾಹಾ ಪ್ರತಿಷ್ಠಾಯೈ ಸ್ವಾಹಾ ॥
38.37 ವಿಷ್ಣುಃ
ವಿಷ್ಣವೇ ಸ್ವಾಹಾ ಯಜ್ಞಾಯ ಸ್ವಾಹಾ । ಪ್ರತಿಷ್ಠಾಯೈ ಸ್ವಾಹಾ ॥ 120 ॥
ದಧಿಕ್ರಾವ್ಣ್ಣೋ ಅಕಾರಿಷಂ
ದಧಿಕ್ರಾವ್ಣ್ಣೋ ಅಕಾರಿಷಮ್ । ಜಿಷ್ಣೋ ರಶ್ವಸ್ಯ ವಾಜಿನಃ । ಸುರಭಿ ನೋ ಮುಖಾ ಕರತ್ । ಪ್ರಣ ಆಯೂಗ್ಂಷಿ ತಾರಿಷತ್ । ಆಪೋಹಿಷ್ಠಾ ಮಯೋಭುವಸ್ತಾ ನ ಊರ್ಜೇ ದಧಾತನ । ಮಹೇ ರಣಾಯ ಚಕ್ಷಸೇ ।
ಯೋ ವಶ್ಶಿವತಮೋ ರಸಸ್ತಸ್ಯ ಭಾಜಯ-ತೇಹ ನಃ । ಉಶತೀರಿವ ಮಾತರಃ । ತಸ್ಮಾ ಅರಙ್ಗಮಾಮ ವೋ ಯಸ್ಯ ಕ್ಷಯಾಯ ಜಿನ್ವಥ । ಆಪೋ ಜನಯಥಾ ಚ ನಃ ॥ 121 (32) ॥
39 ವರುಣ ಸೂಕ್ತಂ
(ತೈ. ಸಂ. 1.5.11.3)
ಉದುತ್ತಮಂ-ವಁರುಣ ಪಾಶಮಸ್ಮ-ದವಾಧಮಂ-ವಿಁಮಧ್ಯಮಗ್ಗ್ ಶ್ರಥಾಯ ।
ಅಥಾ ವಯಮಾದಿತ್ಯ ವ್ರತೇ ತವಾನಾಗಸೋ ಅದಿತಯೇ ಸ್ಯಾಮ ॥ (ತೈ. ಸಂ. 1.2.8.1 )
ಅಸ್ತಭ್ನಾದ್ಧ್ಯಾ-ಮೃಷಭೋ ಅನ್ತರಿಕ್ಷ-ಮಮಿಮೀತ-ವರಿಮಾಣ-ಮ್ಪೃಥಿವ್ಯಾ
ಆ-ಽಸೀದದ್ವಿಶ್ವಾ ಭುವನಾನಿ ಸಮ್ರಾ-ಡ್ವಿಶ್ವೇತ್ತಾನಿ ವರುಣಸ್ಯ ವ್ರತಾನಿ ॥ (ತೈ. ಸಂ. 3.4.11.6)
ಯತ್ಕಿಞ್ಚೇದಂ-ವಁರುಣ ದೈವ್ಯೇ ಜನೇ-ಽಭಿದ್ರೋಹ-ಮ್ಮನುಷ್ಯಾ-ಶ್ಚರಾಮಸಿ ।
ಅಚಿತ್ತೀ-ಯತ್ತವ-ಧರ್ಮಾ ಯುಯೋಪಿಮ-ಮಾನಸ್ತಸ್ಮಾ ದೇನಸೋ ದೇವ ರೀರಿಷಃ ॥ (ತೈ. ಸಂ. 3.4.11.6)
ಕಿತವಾಸೋ ಯದ್ರಿರಿಪುರ್ನ ದೀವಿ ಯದ್ವಾ ಘಾ ಸತ್ಯ-ಮುತಯನ್ನ ವಿದ್ಮ ।
ಸರ್ವಾತಾವಿಷ್ಯ ಶಿಥಿರೇವ ದೇವಾಥಾತೇ-ಸ್ಯಾಮ ವರುಣ ಪ್ರಿಯಾಸಃ ॥ (ತೈ. ಸಂ. 1.5.11.3)
ಅವತೇಹೇಡೋ ವರುಣ ನಮೋಭಿರವ ಯಜ್ಞೇ-ಭಿರೀಮಹೇ ಹವಿರ್ಭಿಃ ।
ಕ್ಷಯನ್ನ ಸ್ಮಭ್ಯ ಮಸುರ-ಪ್ರಚೇತೋ ರಾಜನ್ನೇನಾಗ್ಂಸಿ ಶಿಶ್ರಥಃ ಕೃತಾನಿ ॥ (ತೈ. ಸಂ. 2.1.11.6)
ತತ್ವಾಯಾಮಿ ಬ್ರಹ್ಮಣಾ ವನ್ದಮಾನ ಸ್ತದಾಶಾಸ್ತೇ ಯಜಮಾನೋ ಹವಿರ್ಭಿಃ । ಅಹೇಡಮಾನೋ ವರುಣೇಹ ಬೋದ್ಧ್ಯುರುಶಗ್ಂ ಸ ಮಾ ನ ಆಯುಃ ಪ್ರಮೋಷೀಃ ॥ 122 (33) ॥
40 ಪವಮಾನ ಸೂಕ್ತಂ
ಹಿರಣ್ಯವರ್ಣಾ-ಶ್ಶುಚಯಃ ಪಾವಕಾ ಯಾಸುಜಾತಃ ಕಶ್ಯಪೋ ಯಾಸ್ವಿನ್ದ್ರಃ ।
ಅಗ್ನಿಂಯಾಁ ಗರ್ಭಂದಧಿರೇ ವಿರೂಪಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥ ಯಾಸಾಗ್ಂ ರಾಜಾ ವರುಣೋ ಯಾತಿ ಮಧ್ಯೇ ಸತ್ಯಾನೃತೇ ಅವಪಶ್ಯನ್ ಜನಾನಾಮ್ ।
ಮಧುಶ್ಚುತ-ಶ್ಶುಚಯೋಯಾಃ ಪಾವಕಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥ ಯಾಸಾಂ ದೇವಾದಿವಿ ಕೃಣ್ವನ್ತಿ ಭಕ್ಷಂಯಾಁ ಅನ್ತರಿಕ್ಷೇ ಬಹುಧಾ ಭವನ್ತಿ ।
ಯಾಃ ಪೃಥಿವೀ-ಮ್ಪಯಸೋನ್ದನ್ತಿ ಶುಕ್ರಾಸ್ತಾ ನ ಆಪಶ್ಶಗ್ಗ್ ಸ್ಯೋನಾ ಭವನ್ತು ॥ ಶಿವೇನ ಮಾ ಚಕ್ಷುಷಾ ಪಶ್ಯತಾಪ ಶ್ಶಿವಯಾ ತನುವೋ-ಪಸ್ಪೃಶತ ತ್ವಚ-ಮ್ಮೇ ।
ಸರ್ವಾಗ್ಂ ಅಗ್ನೀಗ್ಂ ರಫ್ಸುಷದೋ ಹುವೇ ವೋ ಮಯಿ ವರ್ಚೋ ಬಲಮೋಜೋ ನಿಧತ್ತ ॥ 123 (34) ॥
(ತೈ. ಬ್ರಾ. 1.4.8.1)
ಪವಮಾನ-ಸ್ಸುವರ್ಜನಃ । ಪವಿತ್ರೇಣ ವಿಚರ್ಷಣಿಃ । ಯಃ ಪೋತಾ ಸ ಪುನಾತು ಮಾ । ಪುನನ್ತು ಮಾ ದೇವಜನಾಃ । ಪುನನ್ತು ಮನ
ವೋಧಿಯಾ । ಪುನನ್ತು ವಿಶ್ವ ಆಯವಃ । ಜಾತವೇದಃ ಪವಿತ್ರವತ್ । ಪವಿತ್ರೇಣ ಪುನಾಹಿ ಮಾ । ಶುಕ್ರೇಣ ದೇವ ದೀದ್ಯತ್ । ಅಗ್ನೇ ಕ್ರತ್ವಾ-ಕ್ರತೂಗ್ಂ ರನು ॥ 124 ॥
ಯತ್ತೇ ಪವಿತ್ರ-ಮರ್ಚಿಷಿ । ಅಗ್ನೇ ವಿತತ-ಮನ್ತರಾ । ಬ್ರಹ್ಮ ತೇನ ಪುನೀಮಹೇ । ಉಭಾಭ್ಯಾಂ ದೇವ ಸವಿತಃ । ಪವಿತ್ರೇಣ ಸವೇನ ಚ । ಇದ-ಮ್ಬ್ರಹ್ಮ ಪುನೀಮಹೇ ।
ವೈಶ್ವದೇವೀ ಪುನತೀ ದೇವ್ಯಾಗಾತ್ । ಯಸ್ಯೈ ಬಹ್ವೀ-ಸ್ತನುವೋ ವೀತಪೃಷ್ಠಾಃ । ತಯಾ ಮದನ್ತ-ಸ್ಸಧಮಾದ್ಯೇಷು । ವಯಗ್ಗ್ ಸ್ಯಾಮ ಪತಯೋರಯೀಣಾಮ್ ॥ 125 ॥
ವೈಶ್ವಾನರೋ ರಶ್ಮಿಭಿರ್ಮಾ ಪುನಾತು । ವಾತಃ ಪ್ರಾಣೇನೇ ಷಿರೋ ಮಯೋ ಭೂಃ ।
ದ್ಯಾವಾಪೃಥಿವೀ ಪಯಸಾ ಪಯೋಭಿಃ । ಋತಾವರೀ ಯಜ್ಞಿಯೇ ಮಾ ಪುನೀತಾಮ್ । ಬೃಹದ್ಭಿಃ ಸವಿತಸ್ತೃಭಿಃ । ವರ್ಷಿಷ್ಠೈ-ರ್ದೇವ ಮನ್ಮಭಿಃ । ಅಗ್ನೇ ದಕ್ಷೈಃ ಪುನಾಹಿ ಮಾ । ಯೇನ ದೇವಾ ಅಪುನತ । ಯೇ-ನಾಪೋ ದಿವ್ಯ-ಙ್ಕಶಃ । ತೇನ ದಿವ್ಯೇನ ಬ್ರಹ್ಮಣಾ ॥ 126 ॥
ಇದ-ಮ್ಬ್ರಹ್ಮ ಪುನೀಮಹೇ । ಯಃ ಪಾವಮಾನೀ-ರದ್ಧ್ಯೇತಿ । ಋಷಿಭಿ-ಸ್ಸಮ್ಭೃತಗ್ಂ ರಸಮ್ । ಸರ್ವಗ್ಂ ಸ ಪೂತಮಶ್ನಾತಿ । ಸ್ವದಿತ-ಮ್ಮಾತರಿಶ್ವನಾ । ಪಾವಮಾನೀರ್ಯೋ ಅದ್ಧ್ಯೇತಿ ।
ಋಷಿಭಿ-ಸ್ಸಮ್ಭೃತಗ್ಂ ರಸಮ್ । ತಸ್ಮೈ ಸರಸ್ವತೀ ದುಹೇ । ಕ್ಷೀರಗ್ಂ ಸರ್ಪಿ-ರ್ಮಧೂದಕಮ್ । ಪಾವಮಾನೀ-ಸ್ಸ್ವಸ್ತ್ಯಯನೀಃ ॥ 127 ॥
ಸುದುಘಾಹಿ ಪಯಸ್ವತೀಃ । ಋಷಿಭಿ-ಸ್ಸಮ್ಭೃತೋ ರಸಃ । ಬ್ರಾಹ್ಮಣೇಷ್ವ-ಮೃತಗ್ಂ ಹಿತಮ್ । ಪಾವಮಾನೀ-ರ್ದಿಶನ್ತು ನಃ । ಇಮಂ-ಲೋಁಕಮಥೋ ಅಮುಮ್ । ಕಾಮಾನ್-ಥ್ಸಮರ್ಧಯನ್ತು ನಃ । ದೇವೀರ್ದೇವೈ-ಸ್ಸಮಾಭೃತಾಃ । ಪಾವಮಾನೀ-ಸ್ಸ್ವಸ್ತ್ಯಯನೀಃ । ಸುದುಘಾಹಿ ಘೃತಶ್ಚುತಃ । ಋಷಿಭಿ-ಸ್ಸಮ್ಭೃತೋ ರಸಃ ॥ 128 ॥
ಬ್ರಾಹ್ಮಣೇಷ್ವ-ಮೃತಗ್ಂ ಹಿತಮ್ । ಯೇನ ದೇವಾಃ ಪವಿತ್ರೇಣ । ಆತ್ಮಾನಂ ಪುನತೇ ಸದಾ । ತೇನ ಸಹಸ್ರ ಧಾರೇಣ । ಪಾವಮಾನ್ಯಃ ಪುನನ್ತು ಮಾ । ಪ್ರಾಜಾಪತ್ಯ-ಮ್ಪವಿತ್ರಮ್ । ಶತೋದ್ಯಾಮಗ್ಂ ಹಿರಣ್ಮಯಮ್ । ತೇನ ಬ್ರಹ್ಮ ವಿದೋ ವಯಮ್ । ಪೂತ-ಮ್ಬ್ರಹ್ಮ ಪುನೀಮಹೇ । ಇನ್ದ್ರ-ಸ್ಸುನೀತೀ ಸಹ ಮಾ ಪುನಾತು । ಸೋಮ-ಸ್ಸ್ವಸ್ತ್ಯಾ ವರುಣ-ಸ್ಸಮೀಚ್ಯಾ । ಯಮೋ ರಾಜಾ ಪ್ರಮೃಣಾಭಿಃ ಪುನಾತುಮಾ । ಜಾತವೇದಾ ಮೋರ್ಜಯನ್ತ್ಯಾ ಪುನಾತು । ಓ-ಮ್ಭೂರ್ಭುವಸ್ಸುವಃ ॥ 129 ॥
(ತೈ. ಬ್ರಾ. 3.5.11.1)
ತಚ್ಛಂಁಯೋರಾ ವೃಣೀಮಹೇ । ಗಾತುಂ-ಯಁಜ್ಞಾಯ । ಗಾತುಂ-ಯಁಜ್ಞಪತಯೇ । ದೈವೀಸ್ವಸ್ತಿ-ರಸ್ತುನಃ । ಸ್ವಸ್ತಿ-ರ್ಮಾನುಷೇಭ್ಯಃ । ಊರ್ಧ್ವ-ಞ್ಜಿಗಾತು ಭೇಷಜಮ್ । ಶನ್ನೋ ಅಸ್ತು ದ್ವಿಪದೇ । ಶಞ್ಚತುಷ್ಪದೇ ॥ 130 (36) ॥
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥
41 ಆಯುಷ್ಯ ಸೂಕ್ತಂ
ಯೋ ಬ್ರಹ್ಮಾಬ್ರಹ್ಮಣ ಉಜ್ಜಭಾರ ಪ್ರಾಣೇಶ್ವರಃ (ಯೋ ಬ್ರಹ್ಮಾ ಬ್ರಹ್ಮಣ ಉಜ್ಜಹಾರ ಪ್ರಾಣೈ-ಶ್ಶಿರಃ) ಕೃತ್ತಿವಾಸಾಃ ಪಿನಾಕೀ ।
ಈಶಾನೋ ದೇವಸ್ಸನ ಆಯುರ್ದಧಾತು ತಸ್ಮೈ ಜುಹೋಮಿ ಹವಿಷಾ ಘೃತೇನ ॥ 1 ॥
ವಿಭ್ರಾಜಮಾನ-ಸ್ಸರಿರಸ್ಯ ಮಧ್ಯಾದ್ ರೋಚಮಾನೋ ಘರ್ಮರುಚಿರ್ಯ ಆಗಾತ್ ।
ಸ ಮೃತ್ಯುಪಾಶಾ-ನಪನುದ್ಯ ಘೋರಾ-ನಿಹಾಯುಷೇಣೋ ಘೃತಮತ್ತು ದೇವಃ ॥ 2 ॥
ಬ್ರಹ್ಮಜ್ಯೋತಿರ್ ಬ್ರಹ್ಮಪತ್ನೀಷು ಗರ್ಭಂ-ಯಁಮಾದಧಾ-ತ್ಪುರುರೂಪ-ಞ್ಜಯನ್ತಮ್ ।
ಸುವರ್ಣರಮ್ಭ-ಗ್ರಹ-ಮರ್ಕಮರ್ಚ್ಯ-ನ್ತಮಾಯುಷೇ ವರ್ಧಯಾಮೋ ಘೃತೇನ ॥ 3 ॥
ಶ್ರಿಯಂ-ಲಁಕ್ಷ್ಮೀ-ಮೌಪಲಾಂ ಅಮ್ಬಿಕಾ-ಙ್ಗಾಂ ಷಷ್ಟೀಞ್ಚ ಯಾಮಿನ್ದ್ರಸೇನೇತ್ಯುದಾಹುಃ ।
ತಾಂ-ವಿಁದ್ಯಾ-ಮ್ಬ್ರಹ್ಮಯೋನಿಗ್ಂ ಸರೂಪಾ-ಮಿಹಾಯುಷೇ ತರ್ಪಯಾಮೋ ಘೃತೇನ ॥ 4 ॥
ದಾಕ್ಷಾಯಣ್ಯ-ಸ್ಸರ್ವಯೋನ್ಯ ಸ್ಸುಯೋನ್ಯ-ಸ್ಸಹಸ್ರಶೋ ವಿಶ್ವ ರೂಪಾ ವಿರೂಪಾಃ ।
ಸಸೂನವ-ಸ್ಸಪತಯ-ಸ್ಸಯೂಥ್ಯಾ ಆಯುಷೇಣೋ ಘೃತಮಿದ-ಞ್ಜುಷನ್ತಾಮ್ ॥ 5 ॥
ದಿವ್ಯಾ ಗಣಾ ಬಹುರೂಪಾಃ ಪುರಾಣಾ ಆಯುಶ್ಛಿದೋ ನಃ ಪ್ರಮಥ್ನನ್ತು ವೀರಾನ್ ।
ತೇಭ್ಯೋ ಜುಹೋಮಿ ಬಹುಧಾ ಘೃತೇನ ಮಾ ನಃ ಪ್ರಜಾಗ್ಂ ರೀರಿಷೋ ಮೋತ ವೀರಾನ್ ॥ 6 ॥
ಏಕಃ ಪುರಸ್ತಾತ್ ಯ ಇದ-ಮ್ಬಭೂವ ಯತೋ ಬಭೂವ ಭುವನಸ್ಯ ಗೋಪಾಃ ।
ಯಮಪ್ಯೇತಿ ಭುವನಗ್ಂ ಸಾಮ್ಪರಾಯೇ ಸ ನೋ ಹವಿರ್ ಘೃತ-ಮಿಹಾಯುಷೇ'ತ್ತು ದೇವಃ ॥ 7 ॥
ವಸೂ-ನ್ರುದ್ರಾನಾ-ದಿತ್ಯಾ-ನ್ಮರುತೋ'ಥ ಸಾದ್ಧ್ಯಾನ್ ಋಭೂನ್ ಯಕ್ಷಾ-ನ್ಗನ್ಧರ್ವಾಗ್ಂಶ್ಚ ಪಿತೃಗ್ಂಶ್ಚ ವಿಶ್ವಾನ್ ।
ಭೃಗೂನ್-ಥ್ಸರ್ಪಾಗ್ಂಶ್ಚಾ-ಙ್ಗಿಗರಸೋ'ಥ ಸರ್ವಾ-ನ್ಘೃತಗ್ಂ ಹುತ್ವಾ ಸ್ವಾಯುಷ್ಯಾ ಮಹಯಾಮ ಶಶ್ವತ್ ॥ 8 ॥
ವಿಷ್ಣೋ ತ್ವನ್ನೋ ಅನ್ತಮ-ಶ್ಶರ್ಮಯಚ್ಛ ಸಹನ್ತ್ಯ ।
ಪ್ರತೇ ಧಾರಾ ಮಧುಶ್ಚುತ ಉಥ್ಸನ್ದುಹ್ರತೇ ಅಕ್ಷಿತಮ್ ॥ (ತೈ. ಸಂ. 3.1.10.3) ॥
ನಮೋ ಬ್ರಹ್ಮಣೇ ನಮೋ ಅಸ್ತ್ವಗ್ನಯೇ ನಮಃ ಪೃಥಿವ್ಯೈ ನಮ ಓಷಧೀಭ್ಯಃ ।
ನಮೋ ವಾಚೇ ನಮೋ ವಾಚಸ್ಪತಯೇ ನಮೋ ವಿಷ್ಣವೇ ಬೃಹತೇ ಕರೋಮಿ ॥ (ತೈ. ಅರ. 2.12.1) ॥
(ಏವ-ನ್ತ್ರಿಃ)
ಯದಕ್ಷರಪದಭ್ರಷ್ಟ-ಮ್ಮಾತ್ರಾಹೀನ-ನ್ತು ಯದ್ಭವೇತ್ ।
ತತ್ಸರ್ವ-ಙ್ಕ್ಷಮ್ಯತಾ-ನ್ದೇವ ನಾರಾಯಣ ನಮೋ'ಸ್ತುತೇ ॥
ವಿಸರ್ಗ ಬಿನ್ದು ಮಾತ್ರಾಣಿ ಪದಪಾದಾಕ್ಷರಾಣಿ ಚ ।
ನ್ಯೂನಾತಿರಿಕ್ತಂ-ಯಁತ್ಕಿಞ್ಚಿದಭಿಗೀರ್ಭಿರುದೀರ್ಯತೇ ॥
ಆಭಿರ್ ಗೀರ್ಭಿರ್ ಯದತೋನ ಊನಮಾಪ್ಯಾಯಯ ಹರಿವೋ ವರ್ಧಮಾನಃ ।
ಯದಾ ಸ್ತೋತೃಭ್ಯೋ ಮಹಿ ಗೋತ್ರಾ ರುಜಾಸಿ ಭೂಯಿಷ್ಠಭಾಜೋ ಅಧತೇ ಶ್ಯಾಮ ।
ಬ್ರಹ್ಮ ಪ್ರಾವಾದಿಷ್ಮ ತನ್ನೋ ಮಾಹಾಸೀತ್ ।
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ (ತೈ. ಅರ. 4.42.5)
ಹರಿಃ ಓಮ್ । ಶ್ರೀಕೃಷ್ಣಾರ್ಪಣಮಸ್ತು ॥
ಓ-ನ್ತತ್ಸತ್ ಬ್ರಹ್ಮಾರ್ಪಣಮಸ್ತು ॥
ಇತ್ಯುದಕಶಾನ್ತಿಮನ್ತ್ರಾಃ ॥