Goddess Kali

আদ্য কালিকা অষ্টোত্তৰ শত নামাৱলিঃ

(Adya Kalika Ashtottara Shatanavali in Assamese)

From Tantrasara

Also known as srnu devi jagadvandye stotrametadanuttamam

Language:Sanskrit
Translation:English

This sacred hymn, derived from the Tantrasara, offers one hundred and eight auspicious names of Adya Kali, the primordial feminine energy. Chanting these names is considered a powerful spiritual practice to invoke the Goddess's grace, which dispels misfortune, eliminates untimely death, and removes all worldly obstacles. It is believed that the devotee who recites or listens to these divine appellations attains mastery over all accomplishments, known as sarvasiddhi. The stotra acts as a protective shield, fostering spiritual growth while granting the seeker lasting prosperity, happiness, and ultimate liberation under the benevolent guidance of the Divine Mother.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

শ্ৰীসদাশিৱ উৱাচ

শৃণু দেৱি জগদ্ৱন্দ্যে স্তোত্ৰমেতদনুত্তমম্ ।
পঠনাচ্ছ্ৰৱণাদ্যস্য সৰ্ৱসিদ্ধীশ্ৱৰো ভৱেত্ ॥ 1 ॥
অসৌভাগ্যপ্ৰশমনং সুখসম্পদ্ৱিৱৰ্ধনম্ ।
অকালমৃত্যুহৰণং সৰ্ৱাপদ্ৱিনিৱাৰণম্ ॥ 2 ॥
শ্ৰীমদাদ্যাকালিকাযাঃ সুখসান্নিধ্যকাৰণম্ ।
স্তৱস্যাস্য প্ৰসীদেন ত্ৰিপুৰাৰিৰহং প্ৰিযে ॥ 3 ॥
স্তোত্ৰস্যাস্য ঋষিৰ্দেৱি সদাশিৱ উদাহৃতঃ ।
ছন্দোঽনুষ্টুব্দেৱতাদ্যা কালিকা পৰিকীৰ্তিতা ।
ধৰ্মকামাৰ্থমোক্ষেষু ৱিনিযোগঃ প্ৰকীৰ্তিতঃ ॥ 4 ॥
অথ স্তোত্ৰম্

হ্ৰীং কালী শ্ৰীং কৰালী চ ক্ৰীং কল্যাণী কলাৱতী ।
কমলা কলিদৰ্পঘ্নী কপৰ্দীশকৃপান্ৱিতা ॥ 5 ॥
কালিকা কালমাতা চ কালানলসমদ্যুতিঃ ।
কপৰ্দিনী কৰালাস্যা কৰুণামৃতসাগৰা ॥ 6 ॥
কৃপামযী কৃপাধাৰা কৃপাপাৰা কৃপাগমা ।
কৃশানুঃ কপিলা কৃষ্ণা কৃষ্ণানন্দৱিৱৰ্ধিনী ॥ 7 ॥
কালৰাত্ৰিঃ কামৰূপা কামপাশৱিমোচিনী ।
কাদম্বিনী কলাধাৰা কলিকল্মষনাশিনী ॥ 8 ॥
কুমাৰীপূজনপ্ৰীতা কুমাৰীপূজকালযা ।
কুমাৰীভোজনানন্দা কুমাৰীৰূপধাৰিণী ॥ 9 ॥
কদম্বৱনসঞ্চাৰা কদম্বৱনৱাসিনী ।
কদম্বপুষ্পসন্তোষা কদম্বপুষ্পমালিনী ॥ 10 ॥
কিশোৰী কলকণ্ঠা চ কলনাদনিনাদিনী ।
কাদম্বৰীপানৰতা তথা কাদম্বৰীপ্ৰিযা ॥ 11 ॥
কপালপাত্ৰনিৰতা কঙ্কালমাল্যধাৰিণী ।
কমলাসনসন্তুষ্টা কমলাসনৱাসিনী ॥ 12 ॥
কমলালযমধ্যস্থা কমলামোদমোদিনী ।
কলহংসগতিঃ ক্লৈব্যনাশিনী কামৰূপিণী ॥ 13 ॥
কামৰূপকৃতাৱাসা কামপীঠৱিলাসিনী ।
কমনীযা কল্পলতা কমনীযৱিভূষণা ॥ 14 ॥
কমনীযগুণাৰাধ্যা কোমলাঙ্গী কৃশোদৰী ।
কাৰণামৃতসন্তোষা কাৰণানন্দসিদ্ধিদা ॥ 15 ॥
কাৰণানন্দজাপেষ্টা কাৰণাৰ্চনহৰ্ষিতা ।
কাৰণাৰ্ণৱসম্মগ্না কাৰণৱ্ৰতপালিনী ॥ 16 ॥
কস্তূৰীসৌৰভামোদা কস্তূৰীতিলকোজ্জ্ৱলা ।
কস্তূৰীপূজনৰতা কস্তূৰীপূজকপ্ৰিযা ॥ 17 ॥
কস্তূৰীদাহজননী কস্তূৰীমৃগতোষিণী ।
কস্তূৰীভোজনপ্ৰীতা কৰ্পূৰামোদমোদিতা ॥ 18 ॥
কৰ্পূৰমালাভৰণা কৰ্পূৰচন্দনোক্ষিতা ।
কৰ্পূৰকাৰণাহ্লাদা কৰ্পূৰামৃতপাযিনী ॥ 19 ॥
কৰ্পূৰসাগৰস্নাতা কৰ্পূৰসাগৰালযা ।
কূৰ্চবীজজপপ্ৰীতা কূৰ্চজাপপৰাযণা ॥ 20 ॥
কুলীনা কৌলিকাৰাধ্যা কৌলিকপ্ৰিযকাৰিণী ।
কুলাচাৰা কৌতুকিনী কুলমাৰ্গপ্ৰদৰ্শিনী ॥ 21 ॥
কাশীশ্ৱৰী কষ্টহৰ্ত্ৰী কাশীশৱৰদাযিনী ।
কাশীশ্ৱৰকৃতামোদা কাশীশ্ৱৰমনোৰমা ॥ 22 ॥
কলমঞ্জীৰচৰণা ক্ৱণত্কাঞ্চীৱিভূষণা ।
কাঞ্চনাদ্ৰিকৃতাগাৰা কাঞ্চনাচলকৌমুদী ॥ 23 ॥
কামবীজজপানন্দা কামবীজস্ৱৰূপিণী ।
কুমতিঘ্নী কুলীনাৰ্তিনাশিনী কুলকামিনী ॥ 24 ॥
ক্ৰীং হ্ৰীং শ্ৰীং মন্ত্ৰৱৰ্ণেন কালকণ্টকঘাতিনী ।
ইত্যাদ্যাকালিকাদেৱ্যাঃ শতনাম প্ৰকীৰ্তিতম্ ॥ 25 ॥
ককাৰকূটঘটিতং কালীৰূপস্ৱৰূপকম্ ।
পূজাকালে পঠেদ্যস্তু কালিকাকৃতমানসঃ ॥ 26 ॥
মন্ত্ৰসিদ্ধিৰ্ভৱেদাশু তস্য কালী প্ৰসীদতি ।
বুদ্ধিং ৱিদ্যাং চ লভতে গুৰোৰাদেশমাত্ৰতঃ ॥ 27 ॥
ধনৱান্ কীৰ্তিমান্ ভূযাদ্দানশীলো দযান্ৱিতঃ ।
পুত্ৰপৌত্ৰসুখৈশ্ৱৰ্যৈৰ্মোদতে সাধকো ভুৱি ॥ 28 ॥
ভৌমাৱাস্যানিশাভাগে মপঞ্চকসমন্ৱিতঃ ।
পূজযিত্ৱা মহাকালীমাদ্যাং ত্ৰিভুৱনেশ্ৱৰীম্ ॥ 29 ॥
পঠিত্ৱা শতনামানি সাক্ষাত্কালীমযো ভৱেত্ ।
নাসাধ্যং ৱিদ্যতে তস্য ত্ৰিষু লোকেষু কিঞ্চন ॥ 30 ॥
ৱিদ্যাযাং ৱাক্পতিঃ সাক্ষাত্ ধনে ধনপতিৰ্ভৱেত্ ।
সমুদ্ৰ ইৱ গাম্ভীৰ্যে বলে চ পৱনোপমঃ ॥ 31 ॥
তিগ্মাংশুৰিৱ দুষ্প্ৰেক্ষ্যঃ শশিৱচ্ছুভদৰ্শনঃ ।
ৰূপে মূৰ্তিধৰঃ কামো যোষিতাং হৃদযঙ্গমঃ ॥ 32 ॥
সৰ্ৱত্ৰ জযমাপ্নোতি স্তৱস্যাস্য প্ৰসাদতঃ ।
যং যং কামং পুৰস্কৃত্য স্তোত্ৰমেতদুদীৰযেত্ ॥ 33 ॥
তং তং কামমৱাপ্নোতি শ্ৰীমদাদ্যাপ্ৰসাদতঃ ।
ৰণে ৰাজকুলে দ্যূতে ৱিৱাদে প্ৰাণসঙ্কটে ॥ 34 ॥
দস্যুগ্ৰস্তে গ্ৰামদাহে সিংহৱ্যাঘ্ৰাৱৃতে তথা ।
অৰণ্যে প্ৰান্তৰে দুৰ্গে গ্ৰহৰাজভযেঽপি ৱা ॥ 35 ॥
জ্ৱৰদাহে চিৰৱ্যাধৌ মহাৰোগাদিসঙ্কুলে ।
বালগ্ৰহাদি ৰোগে চ তথা দুঃস্ৱপ্নদৰ্শনে ॥ 36 ॥
দুস্তৰে সলিলে ৱাপি পোতে ৱাতৱিপদ্গতে ।
ৱিচিন্ত্য পৰমাং মাযামাদ্যাং কালীং পৰাত্পৰাম্ ॥ 37 ॥
যঃ পঠেচ্ছতনামানি দৃঢভক্তিসমন্ৱিতঃ ।
সৰ্ৱাপদ্ভ্যো ৱিমুচ্যেত দেৱি সত্যং ন সংশযঃ ॥ 38 ॥
ন পাপেভ্যো ভযং তস্য ন ৰোগোভ্যো ভযং ক্ৱচিত্ ।
সৰ্ৱত্ৰ ৱিজযস্তস্য ন কুত্ৰাপি পৰাভৱঃ ॥ 39 ॥
তস্য দৰ্শনমাত্ৰেণ পলাযন্তে ৱিপদ্গণাঃ ।
স ৱক্তা সৰ্ৱশাস্ত্ৰাণাং স ভোক্তা সৰ্ৱসম্পদাম্ ॥ 40 ॥
স কৰ্তা জাতিধৰ্মাণাং জ্ঞাতীনাং প্ৰভুৰেৱ সঃ ।
ৱাণী তস্য ৱসেদ্ৱক্ত্ৰে কমলা নিশ্চলা গৃহে ॥ 41 ॥
তন্নাম্না মানৱাঃ সৰ্ৱে প্ৰণমন্তি সসম্ভ্ৰমাঃ ।
দৃষ্ট্যা তস্য তৃণাযন্তে হ্যণিমাদ্যষ্টসিদ্ধযঃ ॥ 42 ॥
আদ্যাকালীস্ৱৰূপাখ্যং শতনাম প্ৰকীৰ্তিতম্ ।
অষ্টোত্তৰশতাৱৃত্যা পুৰশ্চৰ্যাঽস্য গীযতে ॥ 43 ॥
পুৰস্ক্ৰিযান্ৱিতং স্তোত্ৰং সৰ্ৱাভীষ্টফলপ্ৰদম্ ।
শতনামস্তুতিমিমামাদ্যাকালীস্ৱৰূপিণীম্ ॥ 44 ॥
পঠেদ্ৱা পাঠযেদ্ৱাপি শৃণুযাচ্ছ্ৰাৱযেদপি ।
সৰ্ৱপাপৱিনিৰ্মুক্তো ব্ৰহ্মসাযুজ্যমাপ্নুযাত্ ॥ 45 ॥
ইতি মহানিৰ্ৱাণতন্ত্ৰে সপ্তমোল্লাসান্তৰ্গতং শ্ৰী আদ্যা কালিকা শতনাম স্তোত্ৰম্ ॥

More Kali Stotras

ब्रह्मप्रोक्ता कालीस्तुतिः
Brahma Prokta Kali Stuti (Kalika Purana)
दक्षप्रोक्ता कालीस्तुतिः
Daksha Prokta Kali Stuti (Kalika Purana)
दक्षप्रोक्ता कालीस्तुतिः
Daksha Prokta Kali Stuti (Markandeya Uvacha — Kalika Purana)
श्री काली जगन्मङ्गल कवचम्
Jaganmangala Kali Kavacham
ककारादि काली सहस्र नाम स्तोत्रम्
Kakaradi Kali Sahasranama Stotram
ककारादि काली सहस्र नामावलि
Kakaradi Kali Sahasranamavali
श्री काली माता की आरती
Kali Mata Ki Aarti (Mangal Ki Seva)
देवी काली सहस्रनामावली
Kali Sahasra Namavali
View All Kali Collection →

Explore More

Kali CollectionWealthObstaclesHealthProtectionWisdomHome