What is Adya Kalika Ashtottara Shatanavali?

Read Adya Kalika Ashtottara Shatanavali in Malayalam script — full lyrics with English meaning and transliteration. This sacred hymn, derived from the Tantrasara, offers one hundred and eight auspicious names of Adya Kali, the primordial feminine energy. Chanting these names is considered a powerful spiritual practice to invoke the Goddess's grace, which dispels misfortune, eliminates untimely death, and removes all worldly obstacles. It is believed that the devotee who recites or listens to these divine appellations attains mastery over all accomplishments, known as sarvasiddhi. The stotra acts as a protective shield, fostering spiritual growth while granting the seeker lasting prosperity, happiness, and ultimate liberation under the benevolent guidance of the Divine Mother.

Which deity is Adya Kalika Ashtottara Shatanavali dedicated to?

Adya Kalika Ashtottara Shatanavali is a Sanskrit hymn dedicated to Goddess Kali.

Who composed Adya Kalika Ashtottara Shatanavali?

Adya Kalika Ashtottara Shatanavali is traditionally attributed to From Tantrasara.

Adya Kalika Ashtottara Shatanavali in Malayalam – Meaning

ശൃണു ദേവി ജഗദ്വന്ദ്യേ സ്തോത്രമേതദനുത്തമമ് ।
പഠനാച്ഛ്രവണാദ്യസ്യ സര്വസിദ്ധീശ്വരോ ഭവേത് ॥ 1 ॥

അസൌഭാഗ്യപ്രശമനം സുഖസമ്പദ്വിവര്ധനമ് ।
അകാലമൃത്യുഹരണം സര്വാപദ്വിനിവാരണമ് ॥ 2 ॥

ശ്രീമദാദ്യാകാലികായാഃ സുഖസാന്നിധ്യകാരണമ് ।
സ്തവസ്യാസ്യ പ്രസീദേന ത്രിപുരാരിരഹം പ്രിയേ ॥ 3 ॥

സ്തോത്രസ്യാസ്യ ഋഷിര്ദേവി സദാശിവ ഉദാഹൃതഃ ।
ഛന്ദോഽനുഷ്ടുബ്ദേവതാദ്യാ കാലികാ പരികീര്തിതാ ।
ധര്മകാമാര്ഥമോക്ഷേഷു വിനിയോഗഃ പ്രകീര്തിതഃ ॥ 4 ॥

അഥ സ്തോത്രമ്

ഹ്രീം കാലീ ശ്രീം കരാലീ ച ക്രീം കല്യാണീ കലാവതീ ।
കമലാ കലിദര്പഘ്നീ കപര്ദീശകൃപാന്വിതാ ॥ 5 ॥

കാലികാ കാലമാതാ ച കാലാനലസമദ്യുതിഃ ।
കപര്ദിനീ കരാലാസ്യാ കരുണാമൃതസാഗരാ ॥ 6 ॥

കൃപാമയീ കൃപാധാരാ കൃപാപാരാ കൃപാഗമാ ।
കൃശാനുഃ കപിലാ കൃഷ്ണാ കൃഷ്ണാനന്ദവിവര്ധിനീ ॥ 7 ॥

കാലരാത്രിഃ കാമരൂപാ കാമപാശവിമോചിനീ ।
കാദമ്ബിനീ കലാധാരാ കലികല്മഷനാശിനീ ॥ 8 ॥

കുമാരീപൂജനപ്രീതാ കുമാരീപൂജകാലയാ ।
കുമാരീഭോജനാനന്ദാ കുമാരീരൂപധാരിണീ ॥ 9 ॥

കദമ്ബവനസഞ്ചാരാ കദമ്ബവനവാസിനീ ।
കദമ്ബപുഷ്പസന്തോഷാ കദമ്ബപുഷ്പമാലിനീ ॥ 10 ॥

കിശോരീ കലകണ്ഠാ ച കലനാദനിനാദിനീ ।
കാദമ്ബരീപാനരതാ തഥാ കാദമ്ബരീപ്രിയാ ॥ 11 ॥

കപാലപാത്രനിരതാ കങ്കാലമാല്യധാരിണീ ।
കമലാസനസന്തുഷ്ടാ കമലാസനവാസിനീ ॥ 12 ॥

കമലാലയമധ്യസ്ഥാ കമലാമോദമോദിനീ ।
കലഹംസഗതിഃ ക്ലൈബ്യനാശിനീ കാമരൂപിണീ ॥ 13 ॥

കാമരൂപകൃതാവാസാ കാമപീഠവിലാസിനീ ।
കമനീയാ കല്പലതാ കമനീയവിഭൂഷണാ ॥ 14 ॥

കമനീയഗുണാരാധ്യാ കോമലാങ്ഗീ കൃശോദരീ ।
കാരണാമൃതസന്തോഷാ കാരണാനന്ദസിദ്ധിദാ ॥ 15 ॥

കാരണാനന്ദജാപേഷ്ടാ കാരണാര്ചനഹര്ഷിതാ ।
കാരണാര്ണവസമ്മഗ്നാ കാരണവ്രതപാലിനീ ॥ 16 ॥

കസ്തൂരീസൌരഭാമോദാ കസ്തൂരീതിലകോജ്ജ്വലാ ।
കസ്തൂരീപൂജനരതാ കസ്തൂരീപൂജകപ്രിയാ ॥ 17 ॥

കസ്തൂരീദാഹജനനീ കസ്തൂരീമൃഗതോഷിണീ ।
കസ്തൂരീഭോജനപ്രീതാ കര്പൂരാമോദമോദിതാ ॥ 18 ॥

കര്പൂരമാലാഭരണാ കര്പൂരചന്ദനോക്ഷിതാ ।
കര്പൂരകാരണാഹ്ലാദാ കര്പൂരാമൃതപായിനീ ॥ 19 ॥

കര്പൂരസാഗരസ്നാതാ കര്പൂരസാഗരാലയാ ।
കൂര്ചബീജജപപ്രീതാ കൂര്ചജാപപരായണാ ॥ 20 ॥

കുലീനാ കൌലികാരാധ്യാ കൌലികപ്രിയകാരിണീ ।
കുലാചാരാ കൌതുകിനീ കുലമാര്ഗപ്രദര്ശിനീ ॥ 21 ॥

കാശീശ്വരീ കഷ്ടഹര്ത്രീ കാശീശവരദായിനീ ।
കാശീശ്വരകൃതാമോദാ കാശീശ്വരമനോരമാ ॥ 22 ॥

കലമഞ്ജീരചരണാ ക്വണത്കാഞ്ചീവിഭൂഷണാ ।
കാഞ്ചനാദ്രികൃതാഗാരാ കാഞ്ചനാചലകൌമുദീ ॥ 23 ॥

കാമബീജജപാനന്ദാ കാമബീജസ്വരൂപിണീ ।
കുമതിഘ്നീ കുലീനാര്തിനാശിനീ കുലകാമിനീ ॥ 24 ॥

ക്രീം ഹ്രീം ശ്രീം മന്ത്രവര്ണേന കാലകണ്ടകഘാതിനീ ।
ഇത്യാദ്യാകാലികാദേവ്യാഃ ശതനാമ പ്രകീര്തിതമ് ॥ 25 ॥

കകാരകൂടഘടിതം കാലീരൂപസ്വരൂപകമ് ।
പൂജാകാലേ പഠേദ്യസ്തു കാലികാകൃതമാനസഃ ॥ 26 ॥

മന്ത്രസിദ്ധിര്ഭവേദാശു തസ്യ കാലീ പ്രസീദതി ।
ബുദ്ധിം വിദ്യാം ച ലഭതേ ഗുരോരാദേശമാത്രതഃ ॥ 27 ॥

ധനവാന് കീര്തിമാന് ഭൂയാദ്ദാനശീലോ ദയാന്വിതഃ ।
പുത്രപൌത്രസുഖൈശ്വര്യൈര്മോദതേ സാധകോ ഭുവി ॥ 28 ॥

ഭൌമാവാസ്യാനിശാഭാഗേ മപഞ്ചകസമന്വിതഃ ।
പൂജയിത്വാ മഹാകാലീമാദ്യാം ത്രിഭുവനേശ്വരീമ് ॥ 29 ॥

പഠിത്വാ ശതനാമാനി സാക്ഷാത്കാലീമയോ ഭവേത് ।
നാസാധ്യം വിദ്യതേ തസ്യ ത്രിഷു ലോകേഷു കിഞ്ചന ॥ 30 ॥

വിദ്യായാം വാക്പതിഃ സാക്ഷാത് ധനേ ധനപതിര്ഭവേത് ।
സമുദ്ര ഇവ ഗാമ്ഭീര്യേ ബലേ ച പവനോപമഃ ॥ 31 ॥

തിഗ്മാംശുരിവ ദുഷ്പ്രേക്ഷ്യഃ ശശിവച്ഛുഭദര്ശനഃ ।
രൂപേ മൂര്തിധരഃ കാമോ യോഷിതാം ഹൃദയങ്ഗമഃ ॥ 32 ॥

സര്വത്ര ജയമാപ്നോതി സ്തവസ്യാസ്യ പ്രസാദതഃ ।
യം യം കാമം പുരസ്കൃത്യ സ്തോത്രമേതദുദീരയേത് ॥ 33 ॥

തം തം കാമമവാപ്നോതി ശ്രീമദാദ്യാപ്രസാദതഃ ।
രണേ രാജകുലേ ദ്യൂതേ വിവാദേ പ്രാണസങ്കടേ ॥ 34 ॥

ദസ്യുഗ്രസ്തേ ഗ്രാമദാഹേ സിംഹവ്യാഘ്രാവൃതേ തഥാ ।
അരണ്യേ പ്രാന്തരേ ദുര്ഗേ ഗ്രഹരാജഭയേഽപി വാ ॥ 35 ॥

ജ്വരദാഹേ ചിരവ്യാധൌ മഹാരോഗാദിസങ്കുലേ ।
ബാലഗ്രഹാദി രോഗേ ച തഥാ ദുഃസ്വപ്നദര്ശനേ ॥ 36 ॥

ദുസ്തരേ സലിലേ വാപി പോതേ വാതവിപദ്ഗതേ ।
വിചിന്ത്യ പരമാം മായാമാദ്യാം കാലീം പരാത്പരാമ് ॥ 37 ॥

യഃ പഠേച്ഛതനാമാനി ദൃഢഭക്തിസമന്വിതഃ ।
സര്വാപദ്ഭ്യോ വിമുച്യേത ദേവി സത്യം ന സംശയഃ ॥ 38 ॥

ന പാപേഭ്യോ ഭയം തസ്യ ന രോഗോഭ്യോ ഭയം ക്വചിത് ।
സര്വത്ര വിജയസ്തസ്യ ന കുത്രാപി പരാഭവഃ ॥ 39 ॥

തസ്യ ദര്ശനമാത്രേണ പലായന്തേ വിപദ്ഗണാഃ ।
സ വക്താ സര്വശാസ്ത്രാണാം സ ഭോക്താ സര്വസമ്പദാമ് ॥ 40 ॥

സ കര്താ ജാതിധര്മാണാം ജ്ഞാതീനാം പ്രഭുരേവ സഃ ।
വാണീ തസ്യ വസേദ്വക്ത്രേ കമലാ നിശ്ചലാ ഗൃഹേ ॥ 41 ॥

തന്നാമ്നാ മാനവാഃ സര്വേ പ്രണമന്തി സസമ്ഭ്രമാഃ ।
ദൃഷ്ട്യാ തസ്യ തൃണായന്തേ ഹ്യണിമാദ്യഷ്ടസിദ്ധയഃ ॥ 42 ॥

ആദ്യാകാലീസ്വരൂപാഖ്യം ശതനാമ പ്രകീര്തിതമ് ।
അഷ്ടോത്തരശതാവൃത്യാ പുരശ്ചര്യാഽസ്യ ഗീയതേ ॥ 43 ॥

പുരസ്ക്രിയാന്വിതം സ്തോത്രം സര്വാഭീഷ്ടഫലപ്രദമ് ।
ശതനാമസ്തുതിമിമാമാദ്യാകാലീസ്വരൂപിണീമ് ॥ 44 ॥

പഠേദ്വാ പാഠയേദ്വാപി ശൃണുയാച്ഛ്രാവയേദപി ।
സര്വപാപവിനിര്മുക്തോ ബ്രഹ്മസായുജ്യമാപ്നുയാത് ॥ 45 ॥

ആദ്യ കാലികാ അഷ്ടോത്തര ശത നാമാവലിഃ

ശ്രീസദാശിവ ഉവാച

Explore More

ശ്രീസദാശിവ ഉവാച

More Kali Stotras

Explore More