সকৃচ্ছ্রবণমাত্রেণ ব্রহ্মজ্ঞানং যতো ভবেত্ ।
ব্রহ্মজ্ঞানাবলীমালা সর্বেষাং মোক্ষসিদ্ধযে ॥ 1॥
ব্রহ্মজ্ঞানাবলীমালা সর্বেষাং মোক্ষসিদ্ধযে ॥ 1॥
অসঙ্গোঽহমসঙ্গোঽহমসঙ্গোঽহং পুনঃ পুনঃ ।
সচ্চিদানন্দরূপোঽহমহমেবাহমব্যযঃ ॥ 2॥
সচ্চিদানন্দরূপোঽহমহমেবাহমব্যযঃ ॥ 2॥
নিত্যশুদ্ধবিমুক্তোঽহং নিরাকারোঽহমব্যযঃ ।
ভূমানন্দস্বরূপোঽহমহমেবাহমব্যযঃ ॥ 3॥
ভূমানন্দস্বরূপোঽহমহমেবাহমব্যযঃ ॥ 3॥
নিত্যোঽহং নিরবদ্যোঽহং নিরাকারোঽহমুচ্যতে ।
পরমানন্দরূপোঽহমহমেবাহমব্যযঃ ॥ 4॥
পরমানন্দরূপোঽহমহমেবাহমব্যযঃ ॥ 4॥
শুদ্ধচৈতন্যরূপোঽহমাত্মারামোঽহমেব চ ।
অখণ্ডানন্দরূপোঽহমহমেবাহমব্যযঃ ॥ 5॥
অখণ্ডানন্দরূপোঽহমহমেবাহমব্যযঃ ॥ 5॥
প্রত্যক্চৈতন্যরূপোঽহং শান্তোঽহং প্রকৃতেঃ পরঃ ।
শাশ্বতানন্দরূপোঽহমহমেবাহমব্যযঃ ॥ 6॥
শাশ্বতানন্দরূপোঽহমহমেবাহমব্যযঃ ॥ 6॥
তত্ত্বাতীতঃ পরাত্মাহং মধ্যাতীতঃ পরঃ শিবঃ ।
মাযাতীতঃ পরঞ্জ্যোতিরহমেবাহমব্যযঃ ॥ 7॥
মাযাতীতঃ পরঞ্জ্যোতিরহমেবাহমব্যযঃ ॥ 7॥
নানারূপব্যতীতোঽহং চিদাকারোঽহমচ্যুতঃ ।
সুখরূপস্বরূপোঽহমহমেবাহমব্যযঃ ॥ 8॥
সুখরূপস্বরূপোঽহমহমেবাহমব্যযঃ ॥ 8॥
মাযাতত্কার্যদেহাদি মম নাস্ত্যেব সর্বদা ।
স্বপ্রকাশৈকরূপোঽহমহমেবাহমব্যযঃ ॥ 9॥
স্বপ্রকাশৈকরূপোঽহমহমেবাহমব্যযঃ ॥ 9॥
গুণত্রযব্যতীতোঽহং ব্রহ্মাদীনাং চ সাক্ষ্যহম্ ।
অনন্তানন্তরূপোঽহমহমেবাহমব্যযঃ ॥ 10॥
অনন্তানন্তরূপোঽহমহমেবাহমব্যযঃ ॥ 10॥
অন্তর্যামিস্বরূপোঽহং কূটস্থঃ সর্বগোঽস্ম্যহম্ ।
পরমাত্মস্বরূপোঽহমহমেবাহমব্যযঃ ॥ 11॥
পরমাত্মস্বরূপোঽহমহমেবাহমব্যযঃ ॥ 11॥
নিষ্কলোঽহং নিষ্ক্রিযোঽহং সর্বাত্মাদ্যঃ সনাতনঃ ।
অপরোক্ষস্বরূপোঽহমহমেবাহমব্যযঃ ॥ 12॥
অপরোক্ষস্বরূপোঽহমহমেবাহমব্যযঃ ॥ 12॥
দ্বন্দ্বাদিসাক্ষিরূপোঽহমচলোঽহং সনাতনঃ ।
সর্বসাক্ষিস্বরূপোঽহমহমেবাহমব্যযঃ ॥ 13॥
সর্বসাক্ষিস্বরূপোঽহমহমেবাহমব্যযঃ ॥ 13॥
প্রজ্ঞানঘন এবাহং বিজ্ঞানঘন এব চ ।
অকর্তাহমভোক্তাহমহমেবাহমব্যযঃ ॥ 14॥
অকর্তাহমভোক্তাহমহমেবাহমব্যযঃ ॥ 14॥
নিরাধারস্বরূপোঽহং সর্বাধারোঽহমেব চ ।
আপ্তকামস্বরূপোঽহমহমেবাহমব্যযঃ ॥ 15॥
আপ্তকামস্বরূপোঽহমহমেবাহমব্যযঃ ॥ 15॥
তাপত্রযবিনির্মুক্তো দেহত্রযবিলক্ষণঃ ।
অবস্থাত্রযসাক্ষ্যস্মি চাহমেবাহমব্যযঃ ॥ 16॥
অবস্থাত্রযসাক্ষ্যস্মি চাহমেবাহমব্যযঃ ॥ 16॥
দৃগ্দৃশ্যৌ দ্বৌ পদার্থৌ স্তঃ পরস্পরবিলক্ষণৌ ।
দৃগ্ব্রহ্ম দৃশ্যং মাযেতি সর্ববেদান্তডিণ্ডিমঃ ॥ 17॥
দৃগ্ব্রহ্ম দৃশ্যং মাযেতি সর্ববেদান্তডিণ্ডিমঃ ॥ 17॥
অহং সাক্ষীতি যো বিদ্যাদ্বিবিচ্যৈবং পুনঃ পুনঃ ।
স এব মুক্তঃ সো বিদ্বানিতি বেদান্তডিণ্ডিমঃ ॥ 18॥
স এব মুক্তঃ সো বিদ্বানিতি বেদান্তডিণ্ডিমঃ ॥ 18॥
ঘটকুড্যাদিকং সর্বং মৃত্তিকামাত্রমেব চ ।
তদ্বদ্ব্রহ্ম জগত্সর্বমিতি বেদান্তডিণ্ডিমঃ ॥ 19॥
তদ্বদ্ব্রহ্ম জগত্সর্বমিতি বেদান্তডিণ্ডিমঃ ॥ 19॥
ব্রহ্ম সত্যং জগন্মিথ্যা জীবো ব্রহ্মৈব নাপরঃ ।
অনেন বেদ্যং সচ্ছাস্ত্রমিতি বেদান্তডিণ্ডিমঃ ॥ 20॥
অনেন বেদ্যং সচ্ছাস্ত্রমিতি বেদান্তডিণ্ডিমঃ ॥ 20॥
অন্তর্জ্যোতির্বহির্জ্যোতিঃ প্রত্যগ্জ্যোতিঃ পরাত্পরঃ ।
জ্যোতির্জ্যোতিঃ স্বযঞ্জ্যোতিরাত্মজ্যোতিঃ শিবোঽস্ম্যহম্ ॥ 21॥
জ্যোতির্জ্যোতিঃ স্বযঞ্জ্যোতিরাত্মজ্যোতিঃ শিবোঽস্ম্যহম্ ॥ 21॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
ব্রহ্মজ্ঞানাবলীমালা সম্পূর্ণা ॥