Lord Ganesha

গণপতি নিত্য পূজা ৱিধানম্

(Ganapati Nitya Puja Vidhanam in Assamese)

Traditional

Language:Sanskrit
Translation:English

Ganapati Nitya Puja Vidhanam is a structured liturgical manual detailing the daily worship of Lord Ganesha, the remover of obstacles and the god of auspicious beginnings. Rooted in ancient Vedic and Tantric traditions, this text provides a step-by-step guide for performing the Shodashopachara puja, including invocation, offerings, and meditative prayers. Regular recitation and adherence to this vidhi instill spiritual discipline, purify the practitioner's consciousness, and invoke divine grace. By dedicating daily worship to Ganapati, devotees seek to clear path-blocking hurdles, attain intellectual clarity, and secure prosperity, peace, and harmony in their professional and domestic lives.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 248
আৱশ্যকানি ৱস্তূনি
- আসনং
- দীপঃ
- গন্ধঃ
- কুঙ্কুমং
- অক্ষতাঃ
- পুষ্পাণি
- ধূপঃ
- নৈৱেদ্যং
- তাম্বূলং
- আচমনীযং
- পূজা পাত্ৰং
- কলশঃ
- শঙ্খঃ [optional]
- গণপতি প্ৰতিমা ৱা চিত্ৰপটঃ ৱা
পূৰ্ৱাঙ্গ পূজা
শ্ৰীমহাগণাধিপতযে নমঃ ।
শ্ৰী গুৰুভ্যো নমঃ ।
হৰিঃ ওম্ ।
শুচিঃ
অপৱিত্ৰঃ পৱিত্ৰো ৱা সৰ্ৱাৱস্থাং গতোঽপি ৱা ।
যঃ স্মৰেত্ পুণ্ডৰীকাক্ষং স বাহ্যাভ্যন্তৰঃ শুচিঃ ॥
পুণ্ডৰীকাক্ষ পুণ্ডৰীকাক্ষ পুণ্ডৰীকাক্ষায নমঃ ॥
প্ৰাৰ্থনা
শুক্লাম্বৰধৰং ৱিষ্ণুং শশিৱৰ্ণং চতুৰ্ভুজম্ ।
প্ৰসন্নৱদনং ধ্যাযেত্ সৰ্ৱৱিঘ্নোপশান্তযে ॥
অগজানন পদ্মাৰ্কং গজাননমহৰ্নিশম্ ।
অনেকদং তং ভক্তানাং একদন্তমুপাস্মহে ॥
তদেৱ লগ্নং সুদিনং তদেৱ
তাৰাবলং চন্দ্ৰবলং তদেৱ ।
ৱিদ্যাবলং দৈৱবলং তদেৱ
লক্ষ্মীপতে তেঽঙ্ঘ্ৰিযুগং স্মৰামি ॥
গুৰুৰ্ব্ৰহ্মা গুৰুৰ্ৱিষ্ণুঃ গুৰুৰ্দেৱো মহেশ্ৱৰঃ ।
গুৰুঃ সাক্ষাত্ পৰব্ৰহ্ম তস্মৈ শ্ৰীগুৰৱে নমঃ ॥
সৰ্ৱমঙ্গল মাঙ্গল্যে শিৱে সৰ্ৱাৰ্থসাধিকে ।
শৰণ্যে ত্ৰ্যম্বকে গৌৰী নাৰাযণি নমোঽস্তু তে ॥
শ্ৰীলক্ষ্মীনাৰাযণাভ্যাং নমঃ ।
উমামহেশ্ৱৰাভ্যাং নমঃ ।
ৱাণীহিৰণ্যগৰ্ভাভ্যাং নমঃ ।
শচীপুৰন্দৰাভ্যাং নমঃ ।
অৰুন্ধতীৱসিষ্ঠাভ্যাং নমঃ ।
শ্ৰীসীতাৰামাভ্যাং নমঃ ।
মাতাপিতৃভ্যো নমঃ ।
সৰ্ৱেভ্যো মহাজনেভ্যো নমঃ ।
আচমনং
ওঁ কেশৱায স্ৱাহা ।
ওঁ নাৰাযণায স্ৱাহা ।
ওঁ মাধৱায স্ৱাহা ।
ওঁ গোৱিন্দায নমঃ ।
ওঁ ৱিষ্ণৱে নমঃ ।
ওঁ মধুসূদনায নমঃ ।
ওঁ ত্ৰিৱিক্ৰমায নমঃ ।
ওঁ ৱামনায নমঃ ।
ওঁ শ্ৰীধৰায নমঃ ।
ওঁ হৃষীকেশায নমঃ ।
ওঁ পদ্মনাভায নমঃ ।
ওঁ দামোদৰায নমঃ ।
ওঁ সঙ্কৰ্ষণায নমঃ ।
ওঁ ৱাসুদেৱায নমঃ ।
ওঁ প্ৰদ্যুম্নায নমঃ ।
ওঁ অনিৰুদ্ধায নমঃ ।
ওঁ পুৰুষোত্তমায নমঃ ।
ওঁ অধোক্ষজায নমঃ ।
ওঁ নাৰসিংহায নমঃ ।
ওঁ অচ্যুতায নমঃ ।
ওঁ জনাৰ্দনায নমঃ ।
ওঁ উপেন্দ্ৰায নমঃ ।
ওঁ হৰযে নমঃ ।
ওঁ শ্ৰীকৃষ্ণায নমঃ ।
দীপাৰাধনম্
দীপস্ত্ৱং ব্ৰহ্মৰূপোঽসি জ্যোতিষাং প্ৰভুৰৱ্যযঃ ।
সৌভাগ্যং দেহি পুত্ৰাংশ্চ সৰ্ৱান্কামাংশ্চ দেহি মে ॥
ভো দীপ দেৱি ৰূপস্ত্ৱং কৰ্মসাক্ষী হ্যৱিঘ্নকৃত্ ।
যাৱত্পূজাং কৰিষ্যামি তাৱত্ত্ৱং সুস্থিৰো ভৱ ॥
দীপাৰাধন মুহূৰ্তঃ সুমুহূৰ্তোঽস্তু ॥
ভূতোচ্চাটনম্
উত্তিষ্ঠন্তু ভূতপিশাচাঃ য এতে ভূমিভাৰকাঃ ।
এতেষামৱিৰোধেন ব্ৰহ্মকৰ্ম সমাৰভে ॥
অপসৰ্পন্তু তে ভূতা যে ভূতা ভূমিসংস্থিতাঃ ।
যে ভূতা ৱিঘ্নকৰ্তাৰস্তে গচ্ছন্তু শিৱাঽজ্ঞযা ॥
প্ৰাণাযামঃ
ও-ম্ভূঃ । ও-ম্ভুৱঃ । ওগ্ং সুৱঃ । ও-ম্মহঃ । ও-ঞ্জনঃ । ও-ন্তপঃ । ওগ্ং সত্যম্ ।
ও-ন্তত্সৱিতুৰ্ৱৰেণ্য-ম্ভৰ্গো দেৱস্য ধীমহি ।
ধিযো যো নঃ প্ৰচোদযাত্ ॥
ওমাপো জ্যোতী ৰসো-ঽমৃত-ম্ব্ৰহ্ম ভূৰ্ভুৱস্সুৱৰোম্ ॥
সঙ্কল্পঃ
মম উপাত্ত সমস্ত দুৰিতক্ষয দ্ৱাৰা শ্ৰীপৰমেশ্ৱৰ প্ৰীত্যৰ্থং, মম/অস্মাকং সহকুটুম্বস্য ক্ষেম-স্থৈৰ্য-ধৈৰ্য-ৱীৰ্য-ৱিজয-অভয-আযুঃ-আৰোগ্য-ঐশ্ৱৰ্য-অভিৱৃদ্ধ্যৰ্থং, ধৰ্মাৰ্থ-কাম-মোক্ষ-চতুৰ্ৱিধ-পুৰুষাৰ্থ-ফল-সিদ্ধ্যৰ্থং, সৰ্ৱাভীষ্ট-সিদ্ধ্যৰ্থং, শ্ৰীমহাগণপতি-প্ৰীত্যৰ্থং, যাৱচ্ছক্তি ধ্যান-আৱাহনাদি-ষোডশোপচাৰ-পূজাং কৰিষ্যে ॥
তদঙ্গ কলশাৰাধনং কৰিষ্যে ॥
কলশাৰাধনম্
কলশে গন্ধ পুষ্পাক্ষতৈৰভ্যৰ্চ্য ।
কলশে উদকং পূৰযিত্ৱা ।
কলশস্যোপৰি হস্তং নিধায ।
কলশস্য মুখে ৱিষ্ণুঃ কণ্ঠে ৰুদ্ৰঃ সমাশ্ৰিতঃ ।
মূলে ত্ৱস্য স্থিতো ব্ৰহ্মা মধ্যে মাতৃগণাঃ স্মৃতাঃ ॥
কুক্ষৌ তু সাগৰাঃ সৰ্ৱে সপ্তদ্ৱীপা ৱসুন্ধৰা ।
ঋগ্ৱেদোঽথ যজুৰ্ৱেদো সামৱেদো হ্যথৰ্ৱণঃ ॥
অঙ্গৈশ্চ সহিতাঃ সৰ্ৱে কলশাম্বু সমাশ্ৰিতাঃ ॥
গঙ্গে চ যমুনে চৈৱ গোদাৱৰী সৰস্ৱতী ।
নৰ্মদে সিন্ধু কাৱেৰী জলেঽস্মিন্ সন্নিধিং কুৰু ॥
কাৱেৰী তুঙ্গভদ্ৰা চ কৃষ্ণৱেণী চ গৌতমী ।
ভাগীৰথীতি ৱিখ্যাতাঃ পঞ্চগঙ্গাঃ প্ৰকীৰ্তিতাঃ ॥
আযান্তু দেৱপূজাৰ্থং মম দুৰিতক্ষযকাৰকাঃ ।
কলশোদকেন পূজা দ্ৰৱ্যাণি সম্প্ৰোক্ষ্য, দেৱং সম্প্ৰোক্ষ্য, আত্মানং চ সম্প্ৰোক্ষ্য ॥
শঙ্খপূজা
শঙ্খং চন্দ্ৰাৰ্ক দৈৱতং মধ্যে ৱৰুণ দেৱতাম্ ।
পৃষ্ঠে প্ৰজাপতিং ৱিন্দ্যাদগ্ৰে গঙ্গা সৰস্ৱতীম্ ॥
ত্ৰৈলোক্যে যানি তীৰ্থানি ৱাসুদেৱস্য আজ্ঞযা ।
শঙ্খে তিষ্ঠন্তু ৱিপ্ৰেন্দ্ৰাঃ তস্মাত্ শঙ্খং প্ৰপূজযেত্ ॥
ওঁ শঙ্খায নমঃ ।
ওঁ ধৱলায নমঃ ।
ওঁ পাঞ্চজন্যায নমঃ ।
ওঁ শঙ্খদেৱতাভ্যো নমঃ ।
সকলপূজাৰ্থে অক্ষতান্ সমৰ্পযামি ॥
ঘণ্টানাদঃ
আগমাৰ্থং তু দেৱানাং গমনাৰ্থং তু ৰাক্ষসাম্ ।
ঘণ্টাৰৱং কৰোম্যাদৌ দেৱতাহ্ৱান লাঞ্ছনম্ ॥
ওঁ ঘণ্টাদেৱতাভ্যো নমঃ ।
সকলোপচাৰ পূজাৰ্থে অক্ষতান্ সমৰ্পযামি ॥
শ্ৰী মহাগণপতি পূজা
ও-ঙ্গণানা-ন্ত্ৱা গণপতিগ্ং হৱামহে কৱি-ঙ্কৱীনাং উপমশ্ৰৱস্তৱম্ ।
জ্যেষ্ঠৰাজ-ম্ব্ৰহ্মণা-ম্ব্ৰহ্মণস্পত আ নঃ শৃণ্ৱন্নূতিভিস্সীদ সাদনম্ ॥
সুমুখশ্চৈকদন্তশ্চ কপিলো গজকৰ্ণকঃ ।
লম্বোদৰশ্চ ৱিকটো ৱিঘ্নৰাজো গণাধিপঃ ॥
ধূমকেতুৰ্গণাধ্যক্ষঃ ফালচন্দ্ৰো গজাননঃ ।
ৱক্ৰতুণ্ডঃ শূৰ্পকৰ্ণো হেৰম্বঃ স্কন্দপূৰ্ৱজঃ ॥
ওঁ শ্ৰীমহাগণপতযে নমঃ ।
ধ্যাযামি । আৱাহযামি । আসনং সমৰ্পযামি ।
পাদ্যং সমৰ্পযামি । অৰ্ঘ্যং সমৰ্পযামি । আচমনীযং সমৰ্পযামি ।
স্নানং সমৰ্পযামি । ৱস্ত্ৰং সমৰ্পযামি । যজ্ঞোপৱীতং সমৰ্পযামি ।
গন্ধং সমৰ্পযামি । পুষ্পাণি সমৰ্পযামি ।
ধূপমাঘ্ৰাপযামি । দীপং দৰ্শযামি ।
নৈৱেদ্যং সমৰ্পযামি । তাম্বূলং সমৰ্পযামি ।
নীৰাজনং সমৰ্পযামি । মন্ত্ৰপুষ্পং সমৰ্পযামি ।
প্ৰদক্ষিণ নমস্কাৰান্ সমৰ্পযামি ॥
ষোডশোপচাৰ পূজা
গণপতি ধ্যানম্
ও-ঙ্গণানা-ন্ত্ৱা গণপতিগ্ং হৱামহে কৱি-ঙ্কৱীনাং উপমশ্ৰৱস্তৱম্ ।
জ্যেষ্ঠৰাজ-ম্ব্ৰহ্মণা-ম্ব্ৰহ্মণস্পত আ নঃ শৃণ্ৱন্নূতিভিস্সীদ সাদনম্ ॥
একদন্তায ৱিদ্মহে ৱক্ৰতুণ্ডায ধীমহি ।
তন্নো দন্তিঃ প্ৰচোদযাত্ ॥
একদন্তং চতুৰ্হস্তং পাশমঙ্কুশধাৰিণম্ ।
ৰদং চ ৱৰদং হস্তৈৰ্বিভ্ৰাণং মূষকধ্ৱজম্ ॥
ৰক্তং লম্বোদৰং শূৰ্পকৰ্ণকং ৰক্তৱাসসম্ ।
ৰক্তগন্ধানুলিপ্তাঙ্গং ৰক্তপুষ্পৈঃ সুপূজিতম্ ॥
ভক্তানুকম্পিনং দেৱং জগত্কাৰণমচ্যুতম্ ।
আৱিৰ্ভূতং চ সৃষ্ট্যাদৌ প্ৰকৃতেঃ পুৰুষাত্পৰম্ ॥
এৱং ধ্যাযতি যো নিত্যং স যোগী যোগিনাং ৱৰঃ ॥
চতুৰ্বাহুং ত্ৰিনেত্ৰং চ গজাস্যং ৰক্তৱৰ্ণকম্ ।
পাশাঙ্কুশাদি সংযুক্তং মাযাযুক্তং প্ৰচিন্তযেত্ ॥
ওঁ শ্ৰীমহাগণপতযে নমঃ ।
ধ্যাযামি । ধ্যানং সমৰ্পযামি ॥
আৱাহনম্
আগচ্ছ ব্ৰহ্মণাং নাথ সুৰাসুৰৱৰাৰ্চিত ।
সিদ্ধিবুদ্ধ্যাদি সংযুক্ত ভক্তিগ্ৰহণ লালস ॥
ওঁ শ্ৰীমহাগণপতযে নমঃ ।
আৱাহযামি । স্থাপযামি । পূজযামি ॥
আসনম্
ৰত্নসিংহাসনং স্ৱামিন্ গৃহাণ গণনাযক ।
তত্ৰোপৱিশ্য ৱিঘ্নেশ ৰক্ষ ভক্তান্ৱিশেষতঃ ॥
ওঁ শ্ৰীমহাগণপতযে নমঃ ।
আসনং সমৰ্পযামি ॥
পাদ্যম্
সুৱাসিতাভিৰদ্ভিশ্চ পাদপ্ৰক্ষালনং প্ৰভো ।
শীতোষ্ণাম্ভঃ কৰোমি তে গৃহাণ পাদ্যমুত্তমম্ ॥
ওঁ শ্ৰীমহাগণপতযে নমঃ ।
পাদযোঃ পাদ্যং সমৰ্পযামি ॥
অৰ্ঘ্যম্
ৰত্নপ্ৰৱালমুক্তাদ্যৈৰনৰ্ঘ্যৈঃ সংস্কৃতং প্ৰভো ।
অৰ্ঘ্যং গৃহাণ হেৰম্ব দ্ৱিৰদানন তোষকম্ ॥
ওঁ শ্ৰীমহাগণপতযে নমঃ ।
হস্তযোঃ অৰ্ঘ্যং সমৰ্পযামি ॥
আচমনীযম্
সৰ্ৱতীৰ্থাহৃতং তোযং সুৱাসিতং সুৱস্তুভিঃ ।
আচমনং চ তেনৈৱ কুৰুষ্ৱ গণনাযক ॥
ওঁ শ্ৰীমহাগণপতযে নমঃ ।
মুখে আচমনীযং সমৰ্পযামি ॥
স্নানম্
আপো হিষ্ঠা মযোভুৱস্তা ন ঊৰ্জে দধাতন ।
মহে ৰণায চক্ষসে ॥
যো ৱঃ শিৱতমো ৰসস্তস্য ভাজযতেহ নঃ ।
উশতীৰিৱ মাতৰঃ ॥
তস্মা অৰ-ঙ্গমাম ৱো যস্য ক্ষযায জিন্ৱথ ।
আপো জনযথা চ নঃ ॥
ওঁ শ্ৰীমহাগণপতযে নমঃ ।
শুদ্ধোদক স্নানং সমৰ্পযামি ॥
স্নানানন্তৰং আচমনীযং সমৰ্পযামি ॥
ৱস্ত্ৰম্
ৱস্ত্ৰযুগ্মং গৃহাণ ত্ৱমনৰ্ঘং ৰক্তৱৰ্ণকম্ ।
লোকলজ্জাহৰং চৈৱ ৱিঘ্ননাথ নমোঽস্তু তে ॥
ওঁ শ্ৰীমহাগণপতযে নমঃ ।
ৱস্ত্ৰং সমৰ্পযামি ॥
যজ্ঞোপৱীতম্
যজ্ঞোপৱীতং পৰমং পৱিত্ৰং প্ৰজাপতেৰ্যত্সহজং পুৰস্তাত্ ।
আযুষ্যমগ্ৰ্যং প্ৰতিমুঞ্চ শুভ্ৰং যজ্ঞোপৱীতং বলমস্তু তেজঃ ॥
ওঁ শ্ৰীমহাগণপতযে নমঃ ।
যজ্ঞোপৱীতং সমৰ্পযামি ॥
গন্ধম্
ৰক্ত চন্দন সংযুক্তং গন্ধং গণেস গৃহ্যতাম্ ।
ভক্ত্যা সমৰ্পিতং তুভ্যং সৰ্ৱসম্পত্তিপ্ৰদাযকম্ ॥
ওঁ শ্ৰীমহাগণপতযে নমঃ ।
গন্ধং সমৰ্পযামি ॥
অৰ্চন
অক্ষতান্ ধৱলান্ দিৱ্যান্ পুষ্পাণি চ সুগন্ধীনি ।
ভক্ত্যা দত্তানি গৃহ্যন্তাং সৰ্ৱদেৱাঃ প্ৰসীদত ॥
অঙ্গ পূজা
ওঁ সুমুখায নমঃ - পাদৌ পূজযামি ।
ওঁ একদন্তায নমঃ - গুল্ফৌ পূজযামি ।
ওঁ কপিলায নমঃ - জানুনী পূজযামি ।
ওঁ গজকৰ্ণকায নমঃ - ঊৰূ পূজযামি ।
ওঁ লম্বোদৰায নমঃ - উদৰং পূজযামি ।
ওঁ ৱিকটায নমঃ - হৃদযং পূজযামি ।
ওঁ ৱিঘ্নৰাজায নমঃ - কণ্ঠং পূজযামি ।
ওঁ গণাধিপায নমঃ - স্কন্ধৌ পূজযামি ।
ওঁ ধূমকেতৱে নমঃ - মুখং পূজযামি ।
ওঁ গণাধ্যক্ষায নমঃ - নেত্ৰে পূজযামি ।
ওঁ ফালচন্দ্ৰায নমঃ - ললাটং পূজযামি ।
ওঁ গজাননায নমঃ - শিৰঃ পূজযামি ।
ওঁ ৱক্ৰতুণ্ডায নমঃ - সৰ্ৱাণ্যঙ্গানি পূজযামি ॥
[Recite the gaNESa aShTOttara Sata nAmAvaLI, or at least a few known names of Ganapati. Offer flowers or akshatas with each name.]
গণেশ অষ্টোত্তৰ শত নামাৱলী>
অথৱা গণপতি নামাৱলী পঠনম্ ॥
ওঁ শ্ৰীমহাগণপতযে নমঃ ।
অষ্টোত্তৰ শত নামাৱলী পূজাং সমৰ্পযামি ।
অক্ষতান্ পুষ্পাণি চ সমৰ্পযামি ॥
ধূপম্
দশাঙ্গং গুগ্গুলূপেতং সুগন্ধং সুমনোহৰম্ ।
উমাসুত নমস্তুভ্যং ধূপোঽযং প্ৰতিগৃহ্যতাম্ ॥
ওঁ শ্ৰীমহাগণপতযে নমঃ ।
ধূপমাঘ্ৰাপযামি ॥
দীপম্
সাজ্যং ত্ৰিৱৰ্তি সংযুক্তং ৱহ্নিনা যোজিতং প্ৰিযম্ ।
গৃহাণ মঙ্গলং দীপং ৱিঘ্নৰাজ নমোঽস্তু তে ॥
ওঁ শ্ৰীমহাগণপতযে নমঃ ।
দীপং দৰ্শযামি ॥
নৈৱেদ্যম্
নৈৱেদ্যং গৃহ্যতাং দেৱ ভক্ত্যা সম্পাদিতং মযা ।
ইদং ফলং চ পানীযং সৰ্ৱোপচাৰ সংযুতম্ ॥
ও-ম্ভূৰ্ভুৱস্সুৱঃ । তত্সৱিতুৰ্ৱৰেণ্য-ম্ভৰ্গো দেৱস্য ধীমহি ।
ধিযো যো নঃ প্ৰচোদযাত্ ॥
সত্যং ত্ৱা ঋতেন পৰিষিঞ্চামি ।
অমৃতমস্তু । অমৃতোপস্তৰণমসি ।
ওঁ প্ৰাণায স্ৱাহা । ওঁ অপানায স্ৱাহা । ওঁ ৱ্যানায স্ৱাহা ।
ওঁ উদানায স্ৱাহা । ওঁ সমানায স্ৱাহা ।
মধ্যে মধ্যে পানীযং সমৰ্পযামি ।
অমৃতাপিধানমসি ।
উত্তৰাপোশনং সমৰ্পযামি ।
হস্তৌ প্ৰক্ষালযামি । পাদৌ প্ৰক্ষালযামি ।
শুদ্ধাচমনীযং সমৰ্পযামি ॥
ওঁ শ্ৰীমহাগণপতযে নমঃ ।
নৈৱেদ্যং সমৰ্পযামি ॥
তাম্বূলম্
অষ্টাঙ্গং দেৱ তাম্বূলং গৃহাণ মুখৱাসনম্ ।
অসকৃদ্ৱিঘ্নৰাজ ত্ৱং মযা দত্তং ৱিশেষতঃ ॥
ওঁ শ্ৰীমহাগণপতযে নমঃ ।
তাম্বূলং সমৰ্পযামি ॥
নীৰাজনম্
নানাদীপসমাযুক্তং নীৰাজনং গজানন ।
গৃহাণ ভাৱ সংযুক্তং সৰ্ৱাজ্ঞানৱিনাশন ॥
ওঁ শ্ৰীমহাগণপতযে নমঃ ।
নীৰাজনং সমৰ্পযামি ॥
মন্ত্ৰপুষ্পম্
ও-ঙ্গণানা-ন্ত্ৱা গণপতিগ্ং হৱামহে কৱি-ঙ্কৱীনাং উপমশ্ৰৱস্তৱম্ ।
জ্যেষ্ঠৰাজ-ম্ব্ৰহ্মণা-ম্ব্ৰহ্মণস্পত আ নঃ শৃণ্ৱন্নূতিভিস্সীদ সাদনম্ ॥
চতুৰ্ৱেদভৱৈৰ্মন্ত্ৰৈৰ্গাণপত্যৈৰ্গজানন ।
মন্ত্ৰিতানি গৃহাণ ত্ৱং পুষ্পপত্ৰাণি ৱিঘ্নপ ॥
ওঁ শ্ৰীমহাগণপতযে নমঃ ।
মন্ত্ৰপুষ্পং সমৰ্পযামি ॥
প্ৰদক্ষিণম্
একৱিংশতিসঙ্খ্যং ৱা ত্ৰিসঙ্খ্যং ৱা গজানন ।
প্ৰাদক্ষিণ্যং গৃহাণ ত্ৱং ব্ৰহ্মন্ ব্ৰহ্মেশভাৱন ॥
ওঁ শ্ৰীমহাগণপতযে নমঃ ।
প্ৰদক্ষিণ নমস্কাৰান্ সমৰ্পযামি ॥
নমস্কাৰঃ
উৰসা শিৰসা দৃষ্ট্যা মনসা ৱচসা তথা ।
পদ্ভ্যাং কৰাভ্যাং কৰ্ণাভ্যাং প্ৰণামোঽষ্টাঙ্গ উচ্যতে ॥
ওঁ শ্ৰীমহাগণপতযে নমঃ ।
নমস্কাৰান্ সমৰ্পযামি ॥
সৰ্ৱোপচাৰাঃ
ওঁ শ্ৰীমহাগণপতযে নমঃ ।
ছত্ৰং সমৰ্পযামি ।
চামৰং সমৰ্পযামি ।
গীতং শ্ৰাৱযামি ।
নৃত্যং দৰ্শযামি ।
সমস্ত ৰাজোপচাৰান্ দেৱোপচাৰান্ সমৰ্পযামি ॥
স্তোত্ৰ/সূক্ত পঠনম্
গণপতি অথৰ্ৱ শীৰ্ষম্>
শ্ৰী মহাগণেশ পঞ্চৰত্নম্>
ক্ষমাপ্ৰাৰ্থনা
অপৰাধানসঙ্খ্যাতান্ ক্ষমস্ৱ গণনাযক ।
ভক্তং কুৰু চ মাং ঢুণ্ঢে তৱ পাদপ্ৰিযং সদা ॥
কাযেন ৱাচা মনসেন্দ্ৰিযৈৰ্ৱা
বুদ্ধ্যাত্মনা ৱা প্ৰকৃতেঃ স্ৱভাৱাত্ ।
কৰোমি যদ্যত্ সকলং পৰস্মৈ
নাৰাযণাযেতি সমৰ্পযামি ॥
অনযা ধ্যান-আৱাহনাদি-ষোডশোপচাৰ পূজযা শ্ৰীমহাগণপতিঃ সুপ্ৰীতঃ সুপ্ৰসন্নঃ ৱৰদো ভৱতু ॥
উদ্ৱাসনম্
ওঁ শ্ৰীমহাগণপতযে নমঃ ।
যথাস্থানং উদ্ৱাসযামি ।
শোভনাৰ্থে ক্ষেমায পুনৰাগমনায চ ॥
প্ৰসাদ গ্ৰহণম্
অকালমৃত্যুহৰণং সৰ্ৱৱ্যাধিনিৱাৰণম্ ।
সমস্তপাপক্ষযকৰং দেৱতা পাদোদকং শুভম্ ॥
শ্ৰীমহাগণপতি প্ৰসাদং শিৰসা গৃহ্ণামি ॥
ওঁ শান্তিঃ শান্তিঃ শান্তিঃ ॥
ওঁ তত্সত্ ব্ৰহ্মাৰ্পণমস্তু ॥

More Ganesha Stotras

गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
श्री गणेश मंत्रपुष्पांजली मंत्र
Ganesh Mantra Pushpanjali
गणेश अष्टकम्
Ganesha Ashtakam
गणेश अष्टोत्तर शत नामावलि
Ganesha Ashtottara Shatanavali
यम कृत गणेशाष्टोत्तरशतनाम स्तोत्र
Yama Krta Ganesastottarasatanama Stotra
View All Ganesha Collection →

Explore More

Ganesha CollectionWealthObstaclesHealthProtectionWisdomHome