Lord Ganesha

ગણપતિ નિત્ય પૂજા વિધાનમ્

(Ganapati Nitya Puja Vidhanam in Gujarati)

Traditional

Language:Sanskrit
Translation:English

Ganapati Nitya Puja Vidhanam is a structured liturgical manual detailing the daily worship of Lord Ganesha, the remover of obstacles and the god of auspicious beginnings. Rooted in ancient Vedic and Tantric traditions, this text provides a step-by-step guide for performing the Shodashopachara puja, including invocation, offerings, and meditative prayers. Regular recitation and adherence to this vidhi instill spiritual discipline, purify the practitioner's consciousness, and invoke divine grace. By dedicating daily worship to Ganapati, devotees seek to clear path-blocking hurdles, attain intellectual clarity, and secure prosperity, peace, and harmony in their professional and domestic lives.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 248
આવશ્યકાનિ વસ્તૂનિ
- આસનં
- દીપઃ
- ગન્ધઃ
- કુઙ્કુમં
- અક્ષતાઃ
- પુષ્પાણિ
- ધૂપઃ
- નૈવેદ્યં
- તામ્બૂલં
- આચમનીયં
- પૂજા પાત્રં
- કલશઃ
- શઙ્ખઃ [optional]
- ગણપતિ પ્રતિમા વા ચિત્રપટઃ વા
પૂર્વાઙ્ગ પૂજા
શ્રીમહાગણાધિપતયે નમઃ ।
શ્રી ગુરુભ્યો નમઃ ।
હરિઃ ઓમ્ ।
શુચિઃ
અપવિત્રઃ પવિત્રો વા સર્વાવસ્થાં ગતોઽપિ વા ।
યઃ સ્મરેત્ પુણ્ડરીકાક્ષં સ બાહ્યાભ્યન્તરઃ શુચિઃ ॥
પુણ્ડરીકાક્ષ પુણ્ડરીકાક્ષ પુણ્ડરીકાક્ષાય નમઃ ॥
પ્રાર્થના
શુક્લામ્બરધરં વિષ્ણું શશિવર્ણં ચતુર્ભુજમ્ ।
પ્રસન્નવદનં ધ્યાયેત્ સર્વવિઘ્નોપશાન્તયે ॥
અગજાનન પદ્માર્કં ગજાનનમહર્નિશમ્ ।
અનેકદં તં ભક્તાનાં એકદન્તમુપાસ્મહે ॥
તદેવ લગ્નં સુદિનં તદેવ
તારાબલં ચન્દ્રબલં તદેવ ।
વિદ્યાબલં દૈવબલં તદેવ
લક્ષ્મીપતે તેઽઙ્ઘ્રિયુગં સ્મરામિ ॥
ગુરુર્બ્રહ્મા ગુરુર્વિષ્ણુઃ ગુરુર્દેવો મહેશ્વરઃ ।
ગુરુઃ સાક્ષાત્ પરબ્રહ્મ તસ્મૈ શ્રીગુરવે નમઃ ॥
સર્વમઙ્ગલ માઙ્ગલ્યે શિવે સર્વાર્થસાધિકે ।
શરણ્યે ત્ર્યમ્બકે ગૌરી નારાયણિ નમોઽસ્તુ તે ॥
શ્રીલક્ષ્મીનારાયણાભ્યાં નમઃ ।
ઉમામહેશ્વરાભ્યાં નમઃ ।
વાણીહિરણ્યગર્ભાભ્યાં નમઃ ।
શચીપુરન્દરાભ્યાં નમઃ ।
અરુન્ધતીવસિષ્ઠાભ્યાં નમઃ ।
શ્રીસીતારામાભ્યાં નમઃ ।
માતાપિતૃભ્યો નમઃ ।
સર્વેભ્યો મહાજનેભ્યો નમઃ ।
આચમનં
ૐ કેશવાય સ્વાહા ।
ૐ નારાયણાય સ્વાહા ।
ૐ માધવાય સ્વાહા ।
ૐ ગોવિન્દાય નમઃ ।
ૐ વિષ્ણવે નમઃ ।
ૐ મધુસૂદનાય નમઃ ।
ૐ ત્રિવિક્રમાય નમઃ ।
ૐ વામનાય નમઃ ।
ૐ શ્રીધરાય નમઃ ।
ૐ હૃષીકેશાય નમઃ ।
ૐ પદ્મનાભાય નમઃ ।
ૐ દામોદરાય નમઃ ।
ૐ સઙ્કર્ષણાય નમઃ ।
ૐ વાસુદેવાય નમઃ ।
ૐ પ્રદ્યુમ્નાય નમઃ ।
ૐ અનિરુદ્ધાય નમઃ ।
ૐ પુરુષોત્તમાય નમઃ ।
ૐ અધોક્ષજાય નમઃ ।
ૐ નારસિંહાય નમઃ ।
ૐ અચ્યુતાય નમઃ ।
ૐ જનાર્દનાય નમઃ ।
ૐ ઉપેન્દ્રાય નમઃ ।
ૐ હરયે નમઃ ।
ૐ શ્રીકૃષ્ણાય નમઃ ।
દીપારાધનમ્
દીપસ્ત્વં બ્રહ્મરૂપોઽસિ જ્યોતિષાં પ્રભુરવ્યયઃ ।
સૌભાગ્યં દેહિ પુત્રાંશ્ચ સર્વાન્કામાંશ્ચ દેહિ મે ॥
ભો દીપ દેવિ રૂપસ્ત્વં કર્મસાક્ષી હ્યવિઘ્નકૃત્ ।
યાવત્પૂજાં કરિષ્યામિ તાવત્ત્વં સુસ્થિરો ભવ ॥
દીપારાધન મુહૂર્તઃ સુમુહૂર્તોઽસ્તુ ॥
ભૂતોચ્ચાટનમ્
ઉત્તિષ્ઠન્તુ ભૂતપિશાચાઃ ય એતે ભૂમિભારકાઃ ।
એતેષામવિરોધેન બ્રહ્મકર્મ સમારભે ॥
અપસર્પન્તુ તે ભૂતા યે ભૂતા ભૂમિસંસ્થિતાઃ ।
યે ભૂતા વિઘ્નકર્તારસ્તે ગચ્છન્તુ શિવાઽજ્ઞયા ॥
પ્રાણાયામઃ
ઓ-મ્ભૂઃ । ઓ-મ્ભુવઃ । ઓગ્ં સુવઃ । ઓ-મ્મહઃ । ઓ-ઞ્જનઃ । ઓ-ન્તપઃ । ઓગ્ં સત્યમ્ ।
ઓ-ન્તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥
ઓમાપો જ્યોતી રસો-ઽમૃત-મ્બ્રહ્મ ભૂર્ભુવસ્સુવરોમ્ ॥
સઙ્કલ્પઃ
મમ ઉપાત્ત સમસ્ત દુરિતક્ષય દ્વારા શ્રીપરમેશ્વર પ્રીત્યર્થં, મમ/અસ્માકં સહકુટુમ્બસ્ય ક્ષેમ-સ્થૈર્ય-ધૈર્ય-વીર્ય-વિજય-અભય-આયુઃ-આરોગ્ય-ઐશ્વર્ય-અભિવૃદ્ધ્યર્થં, ધર્માર્થ-કામ-મોક્ષ-ચતુર્વિધ-પુરુષાર્થ-ફલ-સિદ્ધ્યર્થં, સર્વાભીષ્ટ-સિદ્ધ્યર્થં, શ્રીમહાગણપતિ-પ્રીત્યર્થં, યાવચ્છક્તિ ધ્યાન-આવાહનાદિ-ષોડશોપચાર-પૂજાં કરિષ્યે ॥
તદઙ્ગ કલશારાધનં કરિષ્યે ॥
કલશારાધનમ્
કલશે ગન્ધ પુષ્પાક્ષતૈરભ્યર્ચ્ય ।
કલશે ઉદકં પૂરયિત્વા ।
કલશસ્યોપરિ હસ્તં નિધાય ।
કલશસ્ય મુખે વિષ્ણુઃ કણ્ઠે રુદ્રઃ સમાશ્રિતઃ ।
મૂલે ત્વસ્ય સ્થિતો બ્રહ્મા મધ્યે માતૃગણાઃ સ્મૃતાઃ ॥
કુક્ષૌ તુ સાગરાઃ સર્વે સપ્તદ્વીપા વસુન્ધરા ।
ઋગ્વેદોઽથ યજુર્વેદો સામવેદો હ્યથર્વણઃ ॥
અઙ્ગૈશ્ચ સહિતાઃ સર્વે કલશામ્બુ સમાશ્રિતાઃ ॥
ગઙ્ગે ચ યમુને ચૈવ ગોદાવરી સરસ્વતી ।
નર્મદે સિન્ધુ કાવેરી જલેઽસ્મિન્ સન્નિધિં કુરુ ॥
કાવેરી તુઙ્ગભદ્રા ચ કૃષ્ણવેણી ચ ગૌતમી ।
ભાગીરથીતિ વિખ્યાતાઃ પઞ્ચગઙ્ગાઃ પ્રકીર્તિતાઃ ॥
આયાન્તુ દેવપૂજાર્થં મમ દુરિતક્ષયકારકાઃ ।
કલશોદકેન પૂજા દ્રવ્યાણિ સમ્પ્રોક્ષ્ય, દેવં સમ્પ્રોક્ષ્ય, આત્માનં ચ સમ્પ્રોક્ષ્ય ॥
શઙ્ખપૂજા
શઙ્ખં ચન્દ્રાર્ક દૈવતં મધ્યે વરુણ દેવતામ્ ।
પૃષ્ઠે પ્રજાપતિં વિન્દ્યાદગ્રે ગઙ્ગા સરસ્વતીમ્ ॥
ત્રૈલોક્યે યાનિ તીર્થાનિ વાસુદેવસ્ય આજ્ઞયા ।
શઙ્ખે તિષ્ઠન્તુ વિપ્રેન્દ્રાઃ તસ્માત્ શઙ્ખં પ્રપૂજયેત્ ॥
ૐ શઙ્ખાય નમઃ ।
ૐ ધવલાય નમઃ ।
ૐ પાઞ્ચજન્યાય નમઃ ।
ૐ શઙ્ખદેવતાભ્યો નમઃ ।
સકલપૂજાર્થે અક્ષતાન્ સમર્પયામિ ॥
ઘણ્ટાનાદઃ
આગમાર્થં તુ દેવાનાં ગમનાર્થં તુ રાક્ષસામ્ ।
ઘણ્ટારવં કરોમ્યાદૌ દેવતાહ્વાન લાઞ્છનમ્ ॥
ૐ ઘણ્ટાદેવતાભ્યો નમઃ ।
સકલોપચાર પૂજાર્થે અક્ષતાન્ સમર્પયામિ ॥
શ્રી મહાગણપતિ પૂજા
ઓ-ઙ્ગણાના-ન્ત્વા ગણપતિગ્ં હવામહે કવિ-ઙ્કવીનાં ઉપમશ્રવસ્તવમ્ ।
જ્યેષ્ઠરાજ-મ્બ્રહ્મણા-મ્બ્રહ્મણસ્પત આ નઃ શૃણ્વન્નૂતિભિસ્સીદ સાદનમ્ ॥
સુમુખશ્ચૈકદન્તશ્ચ કપિલો ગજકર્ણકઃ ।
લમ્બોદરશ્ચ વિકટો વિઘ્નરાજો ગણાધિપઃ ॥
ધૂમકેતુર્ગણાધ્યક્ષઃ ફાલચન્દ્રો ગજાનનઃ ।
વક્રતુણ્ડઃ શૂર્પકર્ણો હેરમ્બઃ સ્કન્દપૂર્વજઃ ॥
ૐ શ્રીમહાગણપતયે નમઃ ।
ધ્યાયામિ । આવાહયામિ । આસનં સમર્પયામિ ।
પાદ્યં સમર્પયામિ । અર્ઘ્યં સમર્પયામિ । આચમનીયં સમર્પયામિ ।
સ્નાનં સમર્પયામિ । વસ્ત્રં સમર્પયામિ । યજ્ઞોપવીતં સમર્પયામિ ।
ગન્ધં સમર્પયામિ । પુષ્પાણિ સમર્પયામિ ।
ધૂપમાઘ્રાપયામિ । દીપં દર્શયામિ ।
નૈવેદ્યં સમર્પયામિ । તામ્બૂલં સમર્પયામિ ।
નીરાજનં સમર્પયામિ । મન્ત્રપુષ્પં સમર્પયામિ ।
પ્રદક્ષિણ નમસ્કારાન્ સમર્પયામિ ॥
ષોડશોપચાર પૂજા
ગણપતિ ધ્યાનમ્
ઓ-ઙ્ગણાના-ન્ત્વા ગણપતિગ્ં હવામહે કવિ-ઙ્કવીનાં ઉપમશ્રવસ્તવમ્ ।
જ્યેષ્ઠરાજ-મ્બ્રહ્મણા-મ્બ્રહ્મણસ્પત આ નઃ શૃણ્વન્નૂતિભિસ્સીદ સાદનમ્ ॥
એકદન્તાય વિદ્મહે વક્રતુણ્ડાય ધીમહિ ।
તન્નો દન્તિઃ પ્રચોદયાત્ ॥
એકદન્તં ચતુર્હસ્તં પાશમઙ્કુશધારિણમ્ ।
રદં ચ વરદં હસ્તૈર્બિભ્રાણં મૂષકધ્વજમ્ ॥
રક્તં લમ્બોદરં શૂર્પકર્ણકં રક્તવાસસમ્ ।
રક્તગન્ધાનુલિપ્તાઙ્ગં રક્તપુષ્પૈઃ સુપૂજિતમ્ ॥
ભક્તાનુકમ્પિનં દેવં જગત્કારણમચ્યુતમ્ ।
આવિર્ભૂતં ચ સૃષ્ટ્યાદૌ પ્રકૃતેઃ પુરુષાત્પરમ્ ॥
એવં ધ્યાયતિ યો નિત્યં સ યોગી યોગિનાં વરઃ ॥
ચતુર્બાહું ત્રિનેત્રં ચ ગજાસ્યં રક્તવર્ણકમ્ ।
પાશાઙ્કુશાદિ સંયુક્તં માયાયુક્તં પ્રચિન્તયેત્ ॥
ૐ શ્રીમહાગણપતયે નમઃ ।
ધ્યાયામિ । ધ્યાનં સમર્પયામિ ॥
આવાહનમ્
આગચ્છ બ્રહ્મણાં નાથ સુરાસુરવરાર્ચિત ।
સિદ્ધિબુદ્ધ્યાદિ સંયુક્ત ભક્તિગ્રહણ લાલસ ॥
ૐ શ્રીમહાગણપતયે નમઃ ।
આવાહયામિ । સ્થાપયામિ । પૂજયામિ ॥
આસનમ્
રત્નસિંહાસનં સ્વામિન્ ગૃહાણ ગણનાયક ।
તત્રોપવિશ્ય વિઘ્નેશ રક્ષ ભક્તાન્વિશેષતઃ ॥
ૐ શ્રીમહાગણપતયે નમઃ ।
આસનં સમર્પયામિ ॥
પાદ્યમ્
સુવાસિતાભિરદ્ભિશ્ચ પાદપ્રક્ષાલનં પ્રભો ।
શીતોષ્ણામ્ભઃ કરોમિ તે ગૃહાણ પાદ્યમુત્તમમ્ ॥
ૐ શ્રીમહાગણપતયે નમઃ ।
પાદયોઃ પાદ્યં સમર્પયામિ ॥
અર્ઘ્યમ્
રત્નપ્રવાલમુક્તાદ્યૈરનર્ઘ્યૈઃ સંસ્કૃતં પ્રભો ।
અર્ઘ્યં ગૃહાણ હેરમ્બ દ્વિરદાનન તોષકમ્ ॥
ૐ શ્રીમહાગણપતયે નમઃ ।
હસ્તયોઃ અર્ઘ્યં સમર્પયામિ ॥
આચમનીયમ્
સર્વતીર્થાહૃતં તોયં સુવાસિતં સુવસ્તુભિઃ ।
આચમનં ચ તેનૈવ કુરુષ્વ ગણનાયક ॥
ૐ શ્રીમહાગણપતયે નમઃ ।
મુખે આચમનીયં સમર્પયામિ ॥
સ્નાનમ્
આપો હિષ્ઠા મયોભુવસ્તા ન ઊર્જે દધાતન ।
મહે રણાય ચક્ષસે ॥
યો વઃ શિવતમો રસસ્તસ્ય ભાજયતેહ નઃ ।
ઉશતીરિવ માતરઃ ॥
તસ્મા અર-ઙ્ગમામ વો યસ્ય ક્ષયાય જિન્વથ ।
આપો જનયથા ચ નઃ ॥
ૐ શ્રીમહાગણપતયે નમઃ ।
શુદ્ધોદક સ્નાનં સમર્પયામિ ॥
સ્નાનાનન્તરં આચમનીયં સમર્પયામિ ॥
વસ્ત્રમ્
વસ્ત્રયુગ્મં ગૃહાણ ત્વમનર્ઘં રક્તવર્ણકમ્ ।
લોકલજ્જાહરં ચૈવ વિઘ્નનાથ નમોઽસ્તુ તે ॥
ૐ શ્રીમહાગણપતયે નમઃ ।
વસ્ત્રં સમર્પયામિ ॥
યજ્ઞોપવીતમ્
યજ્ઞોપવીતં પરમં પવિત્રં પ્રજાપતેર્યત્સહજં પુરસ્તાત્ ।
આયુષ્યમગ્ર્યં પ્રતિમુઞ્ચ શુભ્રં યજ્ઞોપવીતં બલમસ્તુ તેજઃ ॥
ૐ શ્રીમહાગણપતયે નમઃ ।
યજ્ઞોપવીતં સમર્પયામિ ॥
ગન્ધમ્
રક્ત ચન્દન સંયુક્તં ગન્ધં ગણેસ ગૃહ્યતામ્ ।
ભક્ત્યા સમર્પિતં તુભ્યં સર્વસમ્પત્તિપ્રદાયકમ્ ॥
ૐ શ્રીમહાગણપતયે નમઃ ।
ગન્ધં સમર્પયામિ ॥
અર્ચન
અક્ષતાન્ ધવલાન્ દિવ્યાન્ પુષ્પાણિ ચ સુગન્ધીનિ ।
ભક્ત્યા દત્તાનિ ગૃહ્યન્તાં સર્વદેવાઃ પ્રસીદત ॥
અઙ્ગ પૂજા
ૐ સુમુખાય નમઃ - પાદૌ પૂજયામિ ।
ૐ એકદન્તાય નમઃ - ગુલ્ફૌ પૂજયામિ ।
ૐ કપિલાય નમઃ - જાનુની પૂજયામિ ।
ૐ ગજકર્ણકાય નમઃ - ઊરૂ પૂજયામિ ।
ૐ લમ્બોદરાય નમઃ - ઉદરં પૂજયામિ ।
ૐ વિકટાય નમઃ - હૃદયં પૂજયામિ ।
ૐ વિઘ્નરાજાય નમઃ - કણ્ઠં પૂજયામિ ।
ૐ ગણાધિપાય નમઃ - સ્કન્ધૌ પૂજયામિ ।
ૐ ધૂમકેતવે નમઃ - મુખં પૂજયામિ ।
ૐ ગણાધ્યક્ષાય નમઃ - નેત્રે પૂજયામિ ।
ૐ ફાલચન્દ્રાય નમઃ - લલાટં પૂજયામિ ।
ૐ ગજાનનાય નમઃ - શિરઃ પૂજયામિ ।
ૐ વક્રતુણ્ડાય નમઃ - સર્વાણ્યઙ્ગાનિ પૂજયામિ ॥
[Recite the gaNESa aShTOttara Sata nAmAvaLI, or at least a few known names of Ganapati. Offer flowers or akshatas with each name.]
ગણેશ અષ્ટોત્તર શત નામાવલી>
અથવા ગણપતિ નામાવલી પઠનમ્ ॥
ૐ શ્રીમહાગણપતયે નમઃ ।
અષ્ટોત્તર શત નામાવલી પૂજાં સમર્પયામિ ।
અક્ષતાન્ પુષ્પાણિ ચ સમર્પયામિ ॥
ધૂપમ્
દશાઙ્ગં ગુગ્ગુલૂપેતં સુગન્ધં સુમનોહરમ્ ।
ઉમાસુત નમસ્તુભ્યં ધૂપોઽયં પ્રતિગૃહ્યતામ્ ॥
ૐ શ્રીમહાગણપતયે નમઃ ।
ધૂપમાઘ્રાપયામિ ॥
દીપમ્
સાજ્યં ત્રિવર્તિ સંયુક્તં વહ્નિના યોજિતં પ્રિયમ્ ।
ગૃહાણ મઙ્ગલં દીપં વિઘ્નરાજ નમોઽસ્તુ તે ॥
ૐ શ્રીમહાગણપતયે નમઃ ।
દીપં દર્શયામિ ॥
નૈવેદ્યમ્
નૈવેદ્યં ગૃહ્યતાં દેવ ભક્ત્યા સમ્પાદિતં મયા ।
ઇદં ફલં ચ પાનીયં સર્વોપચાર સંયુતમ્ ॥
ઓ-મ્ભૂર્ભુવસ્સુવઃ । તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥
સત્યં ત્વા ઋતેન પરિષિઞ્ચામિ ।
અમૃતમસ્તુ । અમૃતોપસ્તરણમસિ ।
ૐ પ્રાણાય સ્વાહા । ૐ અપાનાય સ્વાહા । ૐ વ્યાનાય સ્વાહા ।
ૐ ઉદાનાય સ્વાહા । ૐ સમાનાય સ્વાહા ।
મધ્યે મધ્યે પાનીયં સમર્પયામિ ।
અમૃતાપિધાનમસિ ।
ઉત્તરાપોશનં સમર્પયામિ ।
હસ્તૌ પ્રક્ષાલયામિ । પાદૌ પ્રક્ષાલયામિ ।
શુદ્ધાચમનીયં સમર્પયામિ ॥
ૐ શ્રીમહાગણપતયે નમઃ ।
નૈવેદ્યં સમર્પયામિ ॥
તામ્બૂલમ્
અષ્ટાઙ્ગં દેવ તામ્બૂલં ગૃહાણ મુખવાસનમ્ ।
અસકૃદ્વિઘ્નરાજ ત્વં મયા દત્તં વિશેષતઃ ॥
ૐ શ્રીમહાગણપતયે નમઃ ।
તામ્બૂલં સમર્પયામિ ॥
નીરાજનમ્
નાનાદીપસમાયુક્તં નીરાજનં ગજાનન ।
ગૃહાણ ભાવ સંયુક્તં સર્વાજ્ઞાનવિનાશન ॥
ૐ શ્રીમહાગણપતયે નમઃ ।
નીરાજનં સમર્પયામિ ॥
મન્ત્રપુષ્પમ્
ઓ-ઙ્ગણાના-ન્ત્વા ગણપતિગ્ં હવામહે કવિ-ઙ્કવીનાં ઉપમશ્રવસ્તવમ્ ।
જ્યેષ્ઠરાજ-મ્બ્રહ્મણા-મ્બ્રહ્મણસ્પત આ નઃ શૃણ્વન્નૂતિભિસ્સીદ સાદનમ્ ॥
ચતુર્વેદભવૈર્મન્ત્રૈર્ગાણપત્યૈર્ગજાનન ।
મન્ત્રિતાનિ ગૃહાણ ત્વં પુષ્પપત્રાણિ વિઘ્નપ ॥
ૐ શ્રીમહાગણપતયે નમઃ ।
મન્ત્રપુષ્પં સમર્પયામિ ॥
પ્રદક્ષિણમ્
એકવિંશતિસઙ્ખ્યં વા ત્રિસઙ્ખ્યં વા ગજાનન ।
પ્રાદક્ષિણ્યં ગૃહાણ ત્વં બ્રહ્મન્ બ્રહ્મેશભાવન ॥
ૐ શ્રીમહાગણપતયે નમઃ ।
પ્રદક્ષિણ નમસ્કારાન્ સમર્પયામિ ॥
નમસ્કારઃ
ઉરસા શિરસા દૃષ્ટ્યા મનસા વચસા તથા ।
પદ્ભ્યાં કરાભ્યાં કર્ણાભ્યાં પ્રણામોઽષ્ટાઙ્ગ ઉચ્યતે ॥
ૐ શ્રીમહાગણપતયે નમઃ ।
નમસ્કારાન્ સમર્પયામિ ॥
સર્વોપચારાઃ
ૐ શ્રીમહાગણપતયે નમઃ ।
છત્રં સમર્પયામિ ।
ચામરં સમર્પયામિ ।
ગીતં શ્રાવયામિ ।
નૃત્યં દર્શયામિ ।
સમસ્ત રાજોપચારાન્ દેવોપચારાન્ સમર્પયામિ ॥
સ્તોત્ર/સૂક્ત પઠનમ્
ગણપતિ અથર્વ શીર્ષમ્>
શ્રી મહાગણેશ પઞ્ચરત્નમ્>
ક્ષમાપ્રાર્થના
અપરાધાનસઙ્ખ્યાતાન્ ક્ષમસ્વ ગણનાયક ।
ભક્તં કુરુ ચ માં ઢુણ્ઢે તવ પાદપ્રિયં સદા ॥
કાયેન વાચા મનસેન્દ્રિયૈર્વા
બુદ્ધ્યાત્મના વા પ્રકૃતેઃ સ્વભાવાત્ ।
કરોમિ યદ્યત્ સકલં પરસ્મૈ
નારાયણાયેતિ સમર્પયામિ ॥
અનયા ધ્યાન-આવાહનાદિ-ષોડશોપચાર પૂજયા શ્રીમહાગણપતિઃ સુપ્રીતઃ સુપ્રસન્નઃ વરદો ભવતુ ॥
ઉદ્વાસનમ્
ૐ શ્રીમહાગણપતયે નમઃ ।
યથાસ્થાનં ઉદ્વાસયામિ ।
શોભનાર્થે ક્ષેમાય પુનરાગમનાય ચ ॥
પ્રસાદ ગ્રહણમ્
અકાલમૃત્યુહરણં સર્વવ્યાધિનિવારણમ્ ।
સમસ્તપાપક્ષયકરં દેવતા પાદોદકં શુભમ્ ॥
શ્રીમહાગણપતિ પ્રસાદં શિરસા ગૃહ્ણામિ ॥
ૐ શાન્તિઃ શાન્તિઃ શાન્તિઃ ॥
ૐ તત્સત્ બ્રહ્માર્પણમસ્તુ ॥

More Ganesha Stotras

गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
श्री गणेश मंत्रपुष्पांजली मंत्र
Ganesh Mantra Pushpanjali
गणेश अष्टकम्
Ganesha Ashtakam
गणेश अष्टोत्तर शत नामावलि
Ganesha Ashtottara Shatanavali
यम कृत गणेशाष्टोत्तरशतनाम स्तोत्र
Yama Krta Ganesastottarasatanama Stotra
View All Ganesha Collection →

Explore More

Ganesha CollectionWealthObstaclesHealthProtectionWisdomHome