Lord Ganesha

ഗണപതി നിത്യ പൂജാ വിധാനമ്

(Ganapati Nitya Puja Vidhanam in Malayalam)

Traditional

Language:Sanskrit
Translation:English

Ganapati Nitya Puja Vidhanam is a structured liturgical manual detailing the daily worship of Lord Ganesha, the remover of obstacles and the god of auspicious beginnings. Rooted in ancient Vedic and Tantric traditions, this text provides a step-by-step guide for performing the Shodashopachara puja, including invocation, offerings, and meditative prayers. Regular recitation and adherence to this vidhi instill spiritual discipline, purify the practitioner's consciousness, and invoke divine grace. By dedicating daily worship to Ganapati, devotees seek to clear path-blocking hurdles, attain intellectual clarity, and secure prosperity, peace, and harmony in their professional and domestic lives.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 248
ആവശ്യകാനി വസ്തൂനി
- ആസനം
- ദീപഃ
- ഗന്ധഃ
- കുങ്കുമം
- അക്ഷതാഃ
- പുഷ്പാണി
- ധൂപഃ
- നൈവേദ്യം
- താമ്ബൂലം
- ആചമനീയം
- പൂജാ പാത്രം
- കലശഃ
- ശങ്ഖഃ [optional]
- ഗണപതി പ്രതിമാ വാ ചിത്രപടഃ വാ
പൂര്വാങ്ഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।
ശുചിഃ
അപവിത്രഃ പവിത്രോ വാ സര്വാവസ്ഥാം ഗതോഽപി വാ ।
യഃ സ്മരേത് പുണ്ഡരീകാക്ഷം സ ബാഹ്യാഭ്യന്തരഃ ശുചിഃ ॥
പുണ്ഡരീകാക്ഷ പുണ്ഡരീകാക്ഷ പുണ്ഡരീകാക്ഷായ നമഃ ॥
പ്രാര്ഥനാ
ശുക്ലാമ്ബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സര്വവിഘ്നോപശാന്തയേ ॥
അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദന്തമുപാസ്മഹേ ॥
തദേവ ലഗ്നം സുദിനം തദേവ
താരാബലം ചന്ദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽങ്ഘ്രിയുഗം സ്മരാമി ॥
ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥
സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
ശരണ്യേ ത്ര്യമ്ബകേ ഗൌരീ നാരായണി നമോഽസ്തു തേ ॥
ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരന്ദരാഭ്യാം നമഃ ।
അരുന്ധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സര്വേഭ്യോ മഹാജനേഭ്യോ നമഃ ।
ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിന്ദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സങ്കര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേന്ദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।
ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സര്വാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥
ഭൂതോച്ചാടനമ്
ഉത്തിഷ്ഠന്തു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പന്തു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛന്തു ശിവാഽജ്ഞയാ ॥
പ്രാണായാമഃ
ഓ-മ്ഭൂഃ । ഓ-മ്ഭുവഃ । ഓഗ്ം സുവഃ । ഓ-മ്മഹഃ । ഓ-ഞ്ജനഃ । ഓ-ന്തപഃ । ഓഗ്ം സത്യമ് ।
ഓ-ന്തത്സവിതുര്വരേണ്യ-മ്ഭര്ഗോ ദേവസ്യ ധീമഹി ।
ധിയോ യോ നഃ പ്രചോദയാത് ॥
ഓമാപോ ജ്യോതീ രസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ॥
സങ്കല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുമ്ബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, ധര്മാര്ഥ-കാമ-മോക്ഷ-ചതുര്വിധ-പുരുഷാര്ഥ-ഫല-സിദ്ധ്യര്ഥം, സര്വാഭീഷ്ട-സിദ്ധ്യര്ഥം, ശ്രീമഹാഗണപതി-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥
തദങ്ഗ കലശാരാധനം കരിഷ്യേ ॥
കലശാരാധനമ്
കലശേ ഗന്ധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സര്വേ സപ്തദ്വീപാ വസുന്ധരാ ।
ഋഗ്വേദോഽഥ യജുര്വേദോ സാമവേദോ ഹ്യഥര്വണഃ ॥
അങ്ഗൈശ്ച സഹിതാഃ സര്വേ കലശാമ്ബു സമാശ്രിതാഃ ॥
ഗങ്ഗേ ച യമുനേ ചൈവ ഗോദാവരീ സരസ്വതീ ।
നര്മദേ സിന്ധു കാവേരീ ജലേഽസ്മിന് സന്നിധിം കുരു ॥
കാവേരീ തുങ്ഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പഞ്ചഗങ്ഗാഃ പ്രകീര്തിതാഃ ॥
ആയാന്തു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സമ്പ്രോക്ഷ്യ, ദേവം സമ്പ്രോക്ഷ്യ, ആത്മാനം ച സമ്പ്രോക്ഷ്യ ॥
ശങ്ഖപൂജാ
ശങ്ഖം ചന്ദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിന്ദ്യാദഗ്രേ ഗങ്ഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശങ്ഖേ തിഷ്ഠന്തു വിപ്രേന്ദ്രാഃ തസ്മാത് ശങ്ഖം പ്രപൂജയേത് ॥
ഓം ശങ്ഖായ നമഃ ।
ഓം ധവലായ നമഃ ।
ഓം പാഞ്ചജന്യായ നമഃ ।
ഓം ശങ്ഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥
ഘണ്ടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘണ്ടാരവം കരോമ്യാദൌ ദേവതാഹ്വാന ലാഞ്ഛനമ് ॥
ഓം ഘണ്ടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥
ശ്രീ മഹാഗണപതി പൂജാ
ഓ-ങ്ഗണാനാ-ന്ത്വാ ഗണപതിഗ്ം ഹവാമഹേ കവി-ങ്കവീനാം ഉപമശ്രവസ്തവമ് ।
ജ്യേഷ്ഠരാജ-മ്ബ്രഹ്മണാ-മ്ബ്രഹ്മണസ്പത ആ നഃ ശൃണ്വന്നൂതിഭിസ്സീദ സാദനമ് ॥
സുമുഖശ്ചൈകദന്തശ്ച കപിലോ ഗജകര്ണകഃ ।
ലമ്ബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചന്ദ്രോ ഗജാനനഃ ।
വക്രതുണ്ഡഃ ശൂര്പകര്ണോ ഹേരമ്ബഃ സ്കന്ദപൂര്വജഃ ॥
ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗന്ധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താമ്ബൂലം സമര്പയാമി ।
നീരാജനം സമര്പയാമി । മന്ത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥
ഷോഡശോപചാര പൂജാ
ഗണപതി ധ്യാനമ്
ഓ-ങ്ഗണാനാ-ന്ത്വാ ഗണപതിഗ്ം ഹവാമഹേ കവി-ങ്കവീനാം ഉപമശ്രവസ്തവമ് ।
ജ്യേഷ്ഠരാജ-മ്ബ്രഹ്മണാ-മ്ബ്രഹ്മണസ്പത ആ നഃ ശൃണ്വന്നൂതിഭിസ്സീദ സാദനമ് ॥
ഏകദന്തായ വിദ്മഹേ വക്രതുണ്ഡായ ധീമഹി ।
തന്നോ ദന്തിഃ പ്രചോദയാത് ॥
ഏകദന്തം ചതുര്ഹസ്തം പാശമങ്കുശധാരിണമ് ।
രദം ച വരദം ഹസ്തൈര്ബിഭ്രാണം മൂഷകധ്വജമ് ॥
രക്തം ലമ്ബോദരം ശൂര്പകര്ണകം രക്തവാസസമ് ।
രക്തഗന്ധാനുലിപ്താങ്ഗം രക്തപുഷ്പൈഃ സുപൂജിതമ് ॥
ഭക്താനുകമ്പിനം ദേവം ജഗത്കാരണമച്യുതമ് ।
ആവിര്ഭൂതം ച സൃഷ്ട്യാദൌ പ്രകൃതേഃ പുരുഷാത്പരമ് ॥
ഏവം ധ്യായതി യോ നിത്യം സ യോഗീ യോഗിനാം വരഃ ॥
ചതുര്ബാഹും ത്രിനേത്രം ച ഗജാസ്യം രക്തവര്ണകമ് ।
പാശാങ്കുശാദി സംയുക്തം മായായുക്തം പ്രചിന്തയേത് ॥
ഓം ശ്രീമഹാഗണപതയേ നമഃ ।
ധ്യായാമി । ധ്യാനം സമര്പയാമി ॥
ആവാഹനമ്
ആഗച്ഛ ബ്രഹ്മണാം നാഥ സുരാസുരവരാര്ചിത ।
സിദ്ധിബുദ്ധ്യാദി സംയുക്ത ഭക്തിഗ്രഹണ ലാലസ ॥
ഓം ശ്രീമഹാഗണപതയേ നമഃ ।
ആവാഹയാമി । സ്ഥാപയാമി । പൂജയാമി ॥
ആസനമ്
രത്നസിംഹാസനം സ്വാമിന് ഗൃഹാണ ഗണനായക ।
തത്രോപവിശ്യ വിഘ്നേശ രക്ഷ ഭക്താന്വിശേഷതഃ ॥
ഓം ശ്രീമഹാഗണപതയേ നമഃ ।
ആസനം സമര്പയാമി ॥
പാദ്യമ്
സുവാസിതാഭിരദ്ഭിശ്ച പാദപ്രക്ഷാലനം പ്രഭോ ।
ശീതോഷ്ണാമ്ഭഃ കരോമി തേ ഗൃഹാണ പാദ്യമുത്തമമ് ॥
ഓം ശ്രീമഹാഗണപതയേ നമഃ ।
പാദയോഃ പാദ്യം സമര്പയാമി ॥
അര്ഘ്യമ്
രത്നപ്രവാലമുക്താദ്യൈരനര്ഘ്യൈഃ സംസ്കൃതം പ്രഭോ ।
അര്ഘ്യം ഗൃഹാണ ഹേരമ്ബ ദ്വിരദാനന തോഷകമ് ॥
ഓം ശ്രീമഹാഗണപതയേ നമഃ ।
ഹസ്തയോഃ അര്ഘ്യം സമര്പയാമി ॥
ആചമനീയമ്
സര്വതീര്ഥാഹൃതം തോയം സുവാസിതം സുവസ്തുഭിഃ ।
ആചമനം ച തേനൈവ കുരുഷ്വ ഗണനായക ॥
ഓം ശ്രീമഹാഗണപതയേ നമഃ ।
മുഖേ ആചമനീയം സമര്പയാമി ॥
സ്നാനമ്
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേ രണായ ചക്ഷസേ ॥
യോ വഃ ശിവതമോ രസസ്തസ്യ ഭാജയതേഹ നഃ ।
ഉശതീരിവ മാതരഃ ॥
തസ്മാ അര-ങ്ഗമാമ വോ യസ്യ ക്ഷയായ ജിന്വഥ ।
ആപോ ജനയഥാ ച നഃ ॥
ഓം ശ്രീമഹാഗണപതയേ നമഃ ।
ശുദ്ധോദക സ്നാനം സമര്പയാമി ॥
സ്നാനാനന്തരം ആചമനീയം സമര്പയാമി ॥
വസ്ത്രമ്
വസ്ത്രയുഗ്മം ഗൃഹാണ ത്വമനര്ഘം രക്തവര്ണകമ് ।
ലോകലജ്ജാഹരം ചൈവ വിഘ്നനാഥ നമോഽസ്തു തേ ॥
ഓം ശ്രീമഹാഗണപതയേ നമഃ ।
വസ്ത്രം സമര്പയാമി ॥
യജ്ഞോപവീതമ്
യജ്ഞോപവീതം പരമം പവിത്രം പ്രജാപതേര്യത്സഹജം പുരസ്താത് ।
ആയുഷ്യമഗ്ര്യം പ്രതിമുഞ്ച ശുഭ്രം യജ്ഞോപവീതം ബലമസ്തു തേജഃ ॥
ഓം ശ്രീമഹാഗണപതയേ നമഃ ।
യജ്ഞോപവീതം സമര്പയാമി ॥
ഗന്ധമ്
രക്ത ചന്ദന സംയുക്തം ഗന്ധം ഗണേസ ഗൃഹ്യതാമ് ।
ഭക്ത്യാ സമര്പിതം തുഭ്യം സര്വസമ്പത്തിപ്രദായകമ് ॥
ഓം ശ്രീമഹാഗണപതയേ നമഃ ।
ഗന്ധം സമര്പയാമി ॥
അര്ചന
അക്ഷതാന് ധവലാന് ദിവ്യാന് പുഷ്പാണി ച സുഗന്ധീനി ।
ഭക്ത്യാ ദത്താനി ഗൃഹ്യന്താം സര്വദേവാഃ പ്രസീദത ॥
അങ്ഗ പൂജാ
ഓം സുമുഖായ നമഃ - പാദൌ പൂജയാമി ।
ഓം ഏകദന്തായ നമഃ - ഗുല്ഫൌ പൂജയാമി ।
ഓം കപിലായ നമഃ - ജാനുനീ പൂജയാമി ।
ഓം ഗജകര്ണകായ നമഃ - ഊരൂ പൂജയാമി ।
ഓം ലമ്ബോദരായ നമഃ - ഉദരം പൂജയാമി ।
ഓം വികടായ നമഃ - ഹൃദയം പൂജയാമി ।
ഓം വിഘ്നരാജായ നമഃ - കണ്ഠം പൂജയാമി ।
ഓം ഗണാധിപായ നമഃ - സ്കന്ധൌ പൂജയാമി ।
ഓം ധൂമകേതവേ നമഃ - മുഖം പൂജയാമി ।
ഓം ഗണാധ്യക്ഷായ നമഃ - നേത്രേ പൂജയാമി ।
ഓം ഫാലചന്ദ്രായ നമഃ - ലലാടം പൂജയാമി ।
ഓം ഗജാനനായ നമഃ - ശിരഃ പൂജയാമി ।
ഓം വക്രതുണ്ഡായ നമഃ - സര്വാണ്യങ്ഗാനി പൂജയാമി ॥
[Recite the gaNESa aShTOttara Sata nAmAvaLI, or at least a few known names of Ganapati. Offer flowers or akshatas with each name.]
ഗണേശ അഷ്ടോത്തര ശത നാമാവലീ>
അഥവാ ഗണപതി നാമാവലീ പഠനമ് ॥
ഓം ശ്രീമഹാഗണപതയേ നമഃ ।
അഷ്ടോത്തര ശത നാമാവലീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥
ധൂപമ്
ദശാങ്ഗം ഗുഗ്ഗുലൂപേതം സുഗന്ധം സുമനോഹരമ് ।
ഉമാസുത നമസ്തുഭ്യം ധൂപോഽയം പ്രതിഗൃഹ്യതാമ് ॥
ഓം ശ്രീമഹാഗണപതയേ നമഃ ।
ധൂപമാഘ്രാപയാമി ॥
ദീപമ്
സാജ്യം ത്രിവര്തി സംയുക്തം വഹ്നിനാ യോജിതം പ്രിയമ് ।
ഗൃഹാണ മങ്ഗലം ദീപം വിഘ്നരാജ നമോഽസ്തു തേ ॥
ഓം ശ്രീമഹാഗണപതയേ നമഃ ।
ദീപം ദര്ശയാമി ॥
നൈവേദ്യമ്
നൈവേദ്യം ഗൃഹ്യതാം ദേവ ഭക്ത്യാ സമ്പാദിതം മയാ ।
ഇദം ഫലം ച പാനീയം സര്വോപചാര സംയുതമ് ॥
ഓ-മ്ഭൂര്ഭുവസ്സുവഃ । തത്സവിതുര്വരേണ്യ-മ്ഭര്ഗോ ദേവസ്യ ധീമഹി ।
ധിയോ യോ നഃ പ്രചോദയാത് ॥
സത്യം ത്വാ ഋതേന പരിഷിഞ്ചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാലയാമി । പാദൌ പ്രക്ഷാലയാമി ।
ശുദ്ധാചമനീയം സമര്പയാമി ॥
ഓം ശ്രീമഹാഗണപതയേ നമഃ ।
നൈവേദ്യം സമര്പയാമി ॥
താമ്ബൂലമ്
അഷ്ടാങ്ഗം ദേവ താമ്ബൂലം ഗൃഹാണ മുഖവാസനമ് ।
അസകൃദ്വിഘ്നരാജ ത്വം മയാ ദത്തം വിശേഷതഃ ॥
ഓം ശ്രീമഹാഗണപതയേ നമഃ ।
താമ്ബൂലം സമര്പയാമി ॥
നീരാജനമ്
നാനാദീപസമായുക്തം നീരാജനം ഗജാനന ।
ഗൃഹാണ ഭാവ സംയുക്തം സര്വാജ്ഞാനവിനാശന ॥
ഓം ശ്രീമഹാഗണപതയേ നമഃ ।
നീരാജനം സമര്പയാമി ॥
മന്ത്രപുഷ്പമ്
ഓ-ങ്ഗണാനാ-ന്ത്വാ ഗണപതിഗ്ം ഹവാമഹേ കവി-ങ്കവീനാം ഉപമശ്രവസ്തവമ് ।
ജ്യേഷ്ഠരാജ-മ്ബ്രഹ്മണാ-മ്ബ്രഹ്മണസ്പത ആ നഃ ശൃണ്വന്നൂതിഭിസ്സീദ സാദനമ് ॥
ചതുര്വേദഭവൈര്മന്ത്രൈര്ഗാണപത്യൈര്ഗജാനന ।
മന്ത്രിതാനി ഗൃഹാണ ത്വം പുഷ്പപത്രാണി വിഘ്നപ ॥
ഓം ശ്രീമഹാഗണപതയേ നമഃ ।
മന്ത്രപുഷ്പം സമര്പയാമി ॥
പ്രദക്ഷിണമ്
ഏകവിംശതിസങ്ഖ്യം വാ ത്രിസങ്ഖ്യം വാ ഗജാനന ।
പ്രാദക്ഷിണ്യം ഗൃഹാണ ത്വം ബ്രഹ്മന് ബ്രഹ്മേശഭാവന ॥
ഓം ശ്രീമഹാഗണപതയേ നമഃ ।
പ്രദക്ഷിണ നമസ്കാരാന് സമര്പയാമി ॥
നമസ്കാരഃ
ഉരസാ ശിരസാ ദൃഷ്ട്യാ മനസാ വചസാ തഥാ ।
പദ്ഭ്യാം കരാഭ്യാം കര്ണാഭ്യാം പ്രണാമോഽഷ്ടാങ്ഗ ഉച്യതേ ॥
ഓം ശ്രീമഹാഗണപതയേ നമഃ ।
നമസ്കാരാന് സമര്പയാമി ॥
സര്വോപചാരാഃ
ഓം ശ്രീമഹാഗണപതയേ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥
സ്തോത്ര/സൂക്ത പഠനമ്
ഗണപതി അഥര്വ ശീര്ഷമ്>
ശ്രീ മഹാഗണേശ പഞ്ചരത്നമ്>
ക്ഷമാപ്രാര്ഥനാ
അപരാധാനസങ്ഖ്യാതാന് ക്ഷമസ്വ ഗണനായക ।
ഭക്തം കുരു ച മാം ഢുണ്ഢേ തവ പാദപ്രിയം സദാ ॥
കായേന വാചാ മനസേന്ദ്രിയൈര്വാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥
അനയാ ധ്യാന-ആവാഹനാദി-ഷോഡശോപചാര പൂജയാ ശ്രീമഹാഗണപതിഃ സുപ്രീതഃ സുപ്രസന്നഃ വരദോ ഭവതു ॥
ഉദ്വാസനമ്
ഓം ശ്രീമഹാഗണപതയേ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥
പ്രസാദ ഗ്രഹണമ്
അകാലമൃത്യുഹരണം സര്വവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥
ശ്രീമഹാഗണപതി പ്രസാദം ശിരസാ ഗൃഹ്ണാമി ॥
ഓം ശാന്തിഃ ശാന്തിഃ ശാന്തിഃ ॥
ഓം തത്സത് ബ്രഹ്മാര്പണമസ്തു ॥

More Ganesha Stotras

गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
श्री गणेश मंत्रपुष्पांजली मंत्र
Ganesh Mantra Pushpanjali
गणेश अष्टकम्
Ganesha Ashtakam
गणेश अष्टोत्तर शत नामावलि
Ganesha Ashtottara Shatanavali
यम कृत गणेशाष्टोत्तरशतनाम स्तोत्र
Yama Krta Ganesastottarasatanama Stotra
View All Ganesha Collection →

Explore More

Ganesha CollectionWealthObstaclesHealthProtectionWisdomHome