Lord Ganesha

గణేశ అష్టకమ్

(Ganesha Ashtakam in Telugu)

Traditional

Also known as sriganesa prarthana

Language:Sanskrit
Translation:English

Ganesha Ashtakam is an eight-verse Sanskrit hymn glorifying Lord Ganesha, the elephant-headed deity who is the lord of all beginnings and the remover of obstacles. Each verse describes a distinct aspect of his divine form and powers, including his large ears, broken tusk, pot-belly, and his vehicle the mouse. Recitation of this hymn is believed to bring success in all endeavors, remove impediments, and bestow divine blessings.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
గణేశాష్టకమ్
॥ శ్రీగణేశాయ నమః ॥
శ్రీగణేశ ప్రార్థనా -
లమ్బోదరాయ శివపుత్రగణేశ్వరాయ బుద్ధిప్రదాయ భవదుఃఖవినాశకాయ ।
త్రైలోక్యపూజ్యపరమాద్భుతకారణాయ విఘ్నాన్తకాయ సుఖదాయ నమో నమస్తే ॥
శ్రీసరస్వతీ ప్రార్థనా -
వన్దే శ్రీజగదమ్బికాం సరస్వతీం వన్దే జగద్వ్యాపినీం వన్దే పుస్తకధారిణీం చ పరమాం వేదాన్తసారాంశకామ్ ।
వన్దే బ్రహ్మస్వరూపిణీం చ విమలాం వన్దే జగన్మాతరం వన్దే దుఃఖ వినాశినీం భగవతీం చైతన్యరూపాం పరామ్ ॥
అథ శ్రీగణేశాష్టకమ్ -
అజం నిర్మలం నిర్గుణం జ్ఞానరూపం నిరాకారసంసారసారం పరేశమ్ ।
జగన్మఙ్గలం విశ్వవన్ద్యం పవిత్రం ప్రభుం సిద్ధిదం తం గణేశం నమామి ॥ ౧॥
ప్రసన్నం సదా బ్రహ్మరూపం తురీయం సదైకాశ్రయం ప్రాణినామేకమాత్రమ్ ।
పరం నిత్యమానన్దకన్దం నిరీహం ప్రభుం సిద్ధిదం తం గణేశం నమామి ॥ ౨॥
గురుం జ్ఞానినాం యోగినాం తత్త్వరూపం తథా ప్రాణినాం విఘ్ననాశం గణేశమ్ ।
సదా మఙ్గలం పార్వతీపుత్రమేకం ప్రభుం సిద్ధిదం తం గణేశం నమామి ॥ ౩॥
సదూర్వాదలం కుఙ్కుమం రక్తపుష్పం తథా చన్దనం సున్దరం రక్తవస్త్రమ్ ।
సదా ధారకం జ్ఞానమూర్తిం హ్యఖణ్డం ప్రభుం సిద్ధిదం తం గణేశం నమామి ॥ ౪॥
సుసౌమ్యం నిజం నిర్వికల్పం వరేణ్యం సుజ్ఞానం సుఖం సత్స్వరూపం సుగమ్యమ్ ।
సుసిద్ధం మునీశం మహేశస్య పుత్రం ప్రభుం సిద్ధిదం తం గణేశం నమామి ॥ ౫॥
సదా ధ్యాయమానా గణేశఞ్చ దేవాః తథా ప్రార్థయన్తశ్చ వేదాః గణేశమ్ ।
గణేశాశ్రయే సన్తి జీవాః సమస్తాః ప్రభుం సిద్ధిదం తం గణేశం నమామి ॥ ౬॥
ప్రభుం ధర్మకామార్థం మోక్షప్రదం తం పునః పుత్రదం జ్ఞానదం సర్వదం చ ।
తథా సాధకం సర్వకామప్రదఞ్చ ప్రభుం సిద్ధిదం తం గణేశం నమామి ॥ ౭॥
అహం త్వాం సదా ప్రార్థయే భో గణేశ ప్రసన్నో భవన్ సర్వదా బుద్ధినాథ ।
పరం దర్శనం మాం దదాతు హ్యనన్త ప్రభుం సిద్ధిదం తం గణేశం నమామి ॥ ౮॥
ప్రాతఃకాలే శుచిర్భూత్వా యే పఠన్తి నరాః సదా ।
శ్రీగణేశాష్టకం స్తోత్రం సుఖదం మోక్షదం భవేత్ ॥ ౯॥
ఇతి గాయత్రీస్వరూప బ్రహ్మచారీవిరచితం శ్రీగణేశాష్టకం సమ్పూర్ణమ్ ॥

More Ganesha Stotras

गणेश अष्टोत्तर शत नामावलि
Ganesha Ashtottara Shatanavali
यम कृत गणेशाष्टोत्तरशतनाम स्तोत्र
Yama Krta Ganesastottarasatanama Stotra
गणेश भुजंग स्तोत्रम्
Ganesha Bhujangam
श्री गणेश भुजङ्ग स्तुतिः
Sri Ganesa Bhujanga Stutih
गणेश चतुर्थि पूजा विधानम्, व्रत कल्पं
Ganesha Chaturthi Puja Vidhanam, Vrata Kalpam
गणेश दिव्यदुर्ग स्तोत्र
Ganesa Divyadurga Stotra
गणेश द्वादश नाम स्तोत्रम्
Ganesha Dwadasa Nama Stotram
श्री गणेश गायत्री मन्त्रः
Ganesha Gayatri Mantra
View All Ganesha Collection →

Also Chanted For

Removing Obstacles

Explore More

Ganesha CollectionWealthObstaclesHealthProtectionWisdomHome