॥ દ્વિતીયઃ સર્ગઃ ॥
॥ અક્લેશકેશવઃ ॥
વિહરતિ વને રાધા સાધારણપ્રણયે હરૌ વિગલિતનિજોત્કર્ષાદીર્ષ્યાવશેન ગતાન્યતઃ ।
ક્વચિદપિ લતાકુઞ્જે ગુઞ્જન્મધુવ્રતમણ્ડલી-મુખરશિખરે લીના દીનાપ્યુવાચરહઃ સખીમ્ ॥ 14 ॥
વિહરતિ વને રાધા સાધારણપ્રણયે હરૌ વિગલિતનિજોત્કર્ષાદીર્ષ્યાવશેન ગતાન્યતઃ ।
ક્વચિદપિ લતાકુઞ્જે ગુઞ્જન્મધુવ્રતમણ્ડલી-મુખરશિખરે લીના દીનાપ્યુવાચરહઃ સખીમ્ ॥ 14 ॥
॥ ગીતં 5 ॥
સઞ્ચરદધરસુધામધુરધ્વનિમુખરિતમોહનવંશમ્ ।
ચલિતદૃગઞ્ચલચઞ્ચલમૌલિકપોલવિલોલવતંસમ્ ॥
રાસે હરિમિહ વિહિતવિલાસં સ્મરતિ મનો મમ કૃતપરિહાસમ્ ॥ 1 ॥
ચલિતદૃગઞ્ચલચઞ્ચલમૌલિકપોલવિલોલવતંસમ્ ॥
રાસે હરિમિહ વિહિતવિલાસં સ્મરતિ મનો મમ કૃતપરિહાસમ્ ॥ 1 ॥
ચન્દ્રકચારુમયૂરશિખણ્ડકમણ્ડલવલયિતકેશમ્ ।
પ્રચુરપુરન્દરધનુરનુરઞ્જિતમેદુરમુદિરસુવેશમ્ ॥ 2 ॥
પ્રચુરપુરન્દરધનુરનુરઞ્જિતમેદુરમુદિરસુવેશમ્ ॥ 2 ॥
ગોપકદમ્બનિતમ્બવતીમુખચુમ્બનલમ્ભિતલોભમ્ ।
બન્ધુજીવમધુરાધરપલ્લવમુલ્લસિતસ્મિતશોભમ્ ॥ 3 ॥
બન્ધુજીવમધુરાધરપલ્લવમુલ્લસિતસ્મિતશોભમ્ ॥ 3 ॥
વિપુલપુલકભુજપલ્લવવલયિતવલ્લવયુવતિસહસ્રમ્ ।
કરચરણોરસિ મણિગણભૂષણકિરણવિભિન્નતમિસ્રમ્ ॥ 4 ॥
કરચરણોરસિ મણિગણભૂષણકિરણવિભિન્નતમિસ્રમ્ ॥ 4 ॥
જલદપટલવલદિન્દુવિનન્દકચન્દનતિલકલલાટમ્ ।
પીનપયોધરપરિસરમર્દનનિર્દયહૃદયકવાટમ્ ॥ 5 ॥
પીનપયોધરપરિસરમર્દનનિર્દયહૃદયકવાટમ્ ॥ 5 ॥
મણિમયમકરમનોહરકુણ્ડલમણ્ડિતગણ્ડમુદારમ્ ।
પીતવસનમનુગતમુનિમનુજસુરાસુરવરપરિવારમ્ ॥ 6 ॥
પીતવસનમનુગતમુનિમનુજસુરાસુરવરપરિવારમ્ ॥ 6 ॥
વિશદકદમ્બતલે મિલિતં કલિકલુષભયં શમયન્તમ્ ।
મામપિ કિમપિ તરઙ્ગદનઙ્ગદૃશા મનસા રમયન્તમ્ ॥ 7 ॥
મામપિ કિમપિ તરઙ્ગદનઙ્ગદૃશા મનસા રમયન્તમ્ ॥ 7 ॥
શ્રીજયદેવભણિતમતિસુન્દરમોહનમધુરિપુરૂપમ્ ।
હરિચરણસ્મરણં પ્રતિ સમ્પ્રતિ પુણ્યવતામનુરૂપમ્ ॥ 8 ॥
હરિચરણસ્મરણં પ્રતિ સમ્પ્રતિ પુણ્યવતામનુરૂપમ્ ॥ 8 ॥
ગણયતિ ગુણગ્રામં ભામં ભ્રમાદપિ નેહતે વહતિ ચ પરિતોષં દોષં વિમુઞ્ચતિ દૂરતઃ ।
યુવતિષુ વલસ્તૃષ્ણે કૃષ્ણે વિહારિણિ માં વિના પુનરપિ મનો વામં કામં કરોતિ કરોમિ કિમ્ ॥ 15 ॥
યુવતિષુ વલસ્તૃષ્ણે કૃષ્ણે વિહારિણિ માં વિના પુનરપિ મનો વામં કામં કરોતિ કરોમિ કિમ્ ॥ 15 ॥
॥ ગીતં 6 ॥
નિભૃતનિકુઞ્જગૃહં ગતયા નિશિ રહસિ નિલીય વસન્તમ્ ।
ચકિતવિલોકિતસકલદિશા રતિરભસરસેન હસન્તમ્ ॥
સખિ હે કેશિમથનમુદારં રમય મયા સહ મદનમનોરથભાવિતયા સવિકારમ્ ॥ 1 ॥
ચકિતવિલોકિતસકલદિશા રતિરભસરસેન હસન્તમ્ ॥
સખિ હે કેશિમથનમુદારં રમય મયા સહ મદનમનોરથભાવિતયા સવિકારમ્ ॥ 1 ॥
પ્રથમસમાગમલજ્જિતયા પટુચાટુશતૈરનુકૂલમ્ ।
મૃદુમધુરસ્મિતભાષિતયા શિથિલીકૃતજઘનદુકૂલમ્ ॥ 2 ॥
મૃદુમધુરસ્મિતભાષિતયા શિથિલીકૃતજઘનદુકૂલમ્ ॥ 2 ॥
કિસલયશયનનિવેશિતયા ચિરમુરસિ મમૈવ શયાનમ્ ।
કૃતપરિરમ્ભણચુમ્બનયા પરિરભ્ય કૃતાધરપાનમ્ ॥ 3 ॥
કૃતપરિરમ્ભણચુમ્બનયા પરિરભ્ય કૃતાધરપાનમ્ ॥ 3 ॥
અલસનિમીલિતલોચનયા પુલકાવલિલલિતકપોલમ્ ।
શ્રમજલસકલકલેવરયા વરમદનમદાદતિલોલમ્ ॥ 4 ॥
શ્રમજલસકલકલેવરયા વરમદનમદાદતિલોલમ્ ॥ 4 ॥
કોકિલકલરવકૂજિતયા જિતમનસિજતન્ત્રવિચારમ્ ।
શ્લથકુસુમાકુલકુન્તલયા નખલિખિતઘનસ્તનભારમ્ ॥ 5 ॥
શ્લથકુસુમાકુલકુન્તલયા નખલિખિતઘનસ્તનભારમ્ ॥ 5 ॥
ચરણરણિતમનિનૂપુરયા પરિપૂરિતસુરતવિતાનમ્ ।
મુખરવિશૃઙ્ખલમેખલયા સકચગ્રહચુમ્બનદાનમ્ ॥ 6 ॥
મુખરવિશૃઙ્ખલમેખલયા સકચગ્રહચુમ્બનદાનમ્ ॥ 6 ॥
રતિસુખસમયરસાલસયા દરમુકુલિતનયનસરોજમ્ ।
નિઃસહનિપતિતતનુલતયા મધુસૂદનમુદિતમનોજમ્ ॥ 7 ॥
નિઃસહનિપતિતતનુલતયા મધુસૂદનમુદિતમનોજમ્ ॥ 7 ॥
શ્રીજયદેવભણિતમિદમતિશયમધુરિપુનિધુવનશીલમ્ ।
સુખમુત્કણ્ઠિતગોપવધૂકથિતં વિતનોતુ સલીલમ્ ॥ 8 ॥
સુખમુત્કણ્ઠિતગોપવધૂકથિતં વિતનોતુ સલીલમ્ ॥ 8 ॥
હસ્તસ્રસ્તવિલાસવંશમનૃજુભ્રૂવલ્લિમદ્બલ્લવી-વૃન્દોત્સારિદૃગન્તવીક્ષિતમતિસ્વેદાર્દ્રગણ્ડસ્થલમ્ ।
મામુદ્વીક્ષ્ય વિલક્ષિતં સ્મિતસુધામુગ્ધાનનં કાનને ગોવિન્દં વ્રજસુન્દરીગણવૃતં પશ્યામિ હૃષ્યામિ ચ ॥ 16 ॥
મામુદ્વીક્ષ્ય વિલક્ષિતં સ્મિતસુધામુગ્ધાનનં કાનને ગોવિન્દં વ્રજસુન્દરીગણવૃતં પશ્યામિ હૃષ્યામિ ચ ॥ 16 ॥
દુરાલોકસ્તોકસ્તબકનવકાશોકલતિકા-વિકાસઃ કાસારોપવનપવનોઽપિ વ્યથયતિ ।
અપિ ભ્રામ્યદ્ભૃઙ્ગીરણિતરમણીયા ન મુકુલ-પ્રસૂતિશ્ચૂતાનાં સખિ શિખરિણીયં સુખયતિ ॥ 17 ॥
અપિ ભ્રામ્યદ્ભૃઙ્ગીરણિતરમણીયા ન મુકુલ-પ્રસૂતિશ્ચૂતાનાં સખિ શિખરિણીયં સુખયતિ ॥ 17 ॥
॥ ઇતિ ગીતગોવિન્દે અક્લેશકેશવો નામ દ્વિતીયઃ સર્ગઃ ॥