॥ નવમઃ સર્ગઃ ॥
॥ મન્દમુકુન્દઃ ॥
તામથ મન્મથખિન્નાં રતિરસભિન્નાં વિષાદસમ્પન્નામ્ ।
અનુચિન્તિતહરિચરિતાં કલહાન્તરિતમુવાચ સખી ॥ 51 ॥
અનુચિન્તિતહરિચરિતાં કલહાન્તરિતમુવાચ સખી ॥ 51 ॥
॥ ગીતં 18 ॥
હરિરભિસરતિ વહતિ મધુપવને ।
કિમપરમધિકસુખં સખિ ભુવને ॥
માધવે મા કુરુ માનિનિ માનમયે ॥ 1 ॥
કિમપરમધિકસુખં સખિ ભુવને ॥
માધવે મા કુરુ માનિનિ માનમયે ॥ 1 ॥
તાલફલાદપિ ગુરુમતિસરસમ્ ।
કિં વિફલીકુરુષે કુચકલશમ્ ॥ 2 ॥
કિં વિફલીકુરુષે કુચકલશમ્ ॥ 2 ॥
કતિ ન કથિતમિદમનુપદમચિરમ્ ।
મા પરિહર હરિમતિશયરુચિરમ્ ॥ 3 ॥
મા પરિહર હરિમતિશયરુચિરમ્ ॥ 3 ॥
કિમિતિ વિષીદસિ રોદિષિ વિકલા ।
વિહસતિ યુવતિસભા તવ સકલા ॥ 4 ॥
વિહસતિ યુવતિસભા તવ સકલા ॥ 4 ॥
સજલનલિનીદલશીતલશયને ।
હરિમવલોક્ય સફલય્ નયને ॥ 5 ॥
હરિમવલોક્ય સફલય્ નયને ॥ 5 ॥
જનયસિ મનસિ કિમિતિ ગુરુખેદમ્ ।
શૃણુ મમ વચનમનીહિતભેદમ્ ॥ 6 ॥
શૃણુ મમ વચનમનીહિતભેદમ્ ॥ 6 ॥
હરિરુપયાતુ વદતુ બહુમધુરમ્ ।
કિમિતિ કરોષિ હૃદયમતિવિધુરમ્ ॥ 7 ॥
કિમિતિ કરોષિ હૃદયમતિવિધુરમ્ ॥ 7 ॥
શ્રીજયદેવભણિતમતિલલિતમ્ ।
સુખયતુ રસિકજનં હરિચરિતમ્ ॥ 8 ॥
સુખયતુ રસિકજનં હરિચરિતમ્ ॥ 8 ॥
સ્નિગ્ધે યત્પરુષાસિ યત્પ્રણમતિ સ્તબ્ધાસિ યદ્રાગિણિ દ્વેષસ્થાસિ યદુન્મુખે વિમુખતાં યાતાસિ તસ્મિન્પ્રિયે ।
યુક્તં તદ્વિપરીતકારિણિ તવ શ્રીખણ્ડચર્ચા વિષં શીતાંશુસ્તપનો હિમં હુતવહઃ ક્રીડામુદો યાતનાઃ ॥ 52 ॥
યુક્તં તદ્વિપરીતકારિણિ તવ શ્રીખણ્ડચર્ચા વિષં શીતાંશુસ્તપનો હિમં હુતવહઃ ક્રીડામુદો યાતનાઃ ॥ 52 ॥
॥ ઇતિ ગીતગોવિન્દે કલહાન્તરિતાવર્ણને મન્દમુકુન્દો નામ નવમઃ સર્ગઃ ॥