॥ నవమః సర్గః ॥
॥ మన్దముకున్దః ॥
తామథ మన్మథఖిన్నాం రతిరసభిన్నాం విషాదసమ్పన్నామ్ ।
అనుచిన్తితహరిచరితాం కలహాన్తరితమువాచ సఖీ ॥ 51 ॥
అనుచిన్తితహరిచరితాం కలహాన్తరితమువాచ సఖీ ॥ 51 ॥
॥ గీతం 18 ॥
హరిరభిసరతి వహతి మధుపవనే ।
కిమపరమధికసుఖం సఖి భువనే ॥
మాధవే మా కురు మానిని మానమయే ॥ 1 ॥
కిమపరమధికసుఖం సఖి భువనే ॥
మాధవే మా కురు మానిని మానమయే ॥ 1 ॥
తాలఫలాదపి గురుమతిసరసమ్ ।
కిం విఫలీకురుషే కుచకలశమ్ ॥ 2 ॥
కిం విఫలీకురుషే కుచకలశమ్ ॥ 2 ॥
కతి న కథితమిదమనుపదమచిరమ్ ।
మా పరిహర హరిమతిశయరుచిరమ్ ॥ 3 ॥
మా పరిహర హరిమతిశయరుచిరమ్ ॥ 3 ॥
కిమితి విషీదసి రోదిషి వికలా ।
విహసతి యువతిసభా తవ సకలా ॥ 4 ॥
విహసతి యువతిసభా తవ సకలా ॥ 4 ॥
సజలనలినీదలశీతలశయనే ।
హరిమవలోక్య సఫలయ్ నయనే ॥ 5 ॥
హరిమవలోక్య సఫలయ్ నయనే ॥ 5 ॥
జనయసి మనసి కిమితి గురుఖేదమ్ ।
శృణు మమ వచనమనీహితభేదమ్ ॥ 6 ॥
శృణు మమ వచనమనీహితభేదమ్ ॥ 6 ॥
హరిరుపయాతు వదతు బహుమధురమ్ ।
కిమితి కరోషి హృదయమతివిధురమ్ ॥ 7 ॥
కిమితి కరోషి హృదయమతివిధురమ్ ॥ 7 ॥
శ్రీజయదేవభణితమతిలలితమ్ ।
సుఖయతు రసికజనం హరిచరితమ్ ॥ 8 ॥
సుఖయతు రసికజనం హరిచరితమ్ ॥ 8 ॥
స్నిగ్ధే యత్పరుషాసి యత్ప్రణమతి స్తబ్ధాసి యద్రాగిణి ద్వేషస్థాసి యదున్ముఖే విముఖతాం యాతాసి తస్మిన్ప్రియే ।
యుక్తం తద్విపరీతకారిణి తవ శ్రీఖణ్డచర్చా విషం శీతాంశుస్తపనో హిమం హుతవహః క్రీడాముదో యాతనాః ॥ 52 ॥
యుక్తం తద్విపరీతకారిణి తవ శ్రీఖణ్డచర్చా విషం శీతాంశుస్తపనో హిమం హుతవహః క్రీడాముదో యాతనాః ॥ 52 ॥
॥ ఇతి గీతగోవిన్దే కలహాన్తరితావర్ణనే మన్దముకున్దో నామ నవమః సర్గః ॥