॥ ನವಮಃ ಸರ್ಗಃ ॥
॥ ಮನ್ದಮುಕುನ್ದಃ ॥
ತಾಮಥ ಮನ್ಮಥಖಿನ್ನಾಂ ರತಿರಸಭಿನ್ನಾಂ ವಿಷಾದಸಮ್ಪನ್ನಾಮ್ ।
ಅನುಚಿನ್ತಿತಹರಿಚರಿತಾಂ ಕಲಹಾನ್ತರಿತಮುವಾಚ ಸಖೀ ॥ 51 ॥
ಅನುಚಿನ್ತಿತಹರಿಚರಿತಾಂ ಕಲಹಾನ್ತರಿತಮುವಾಚ ಸಖೀ ॥ 51 ॥
॥ ಗೀತಂ 18 ॥
ಹರಿರಭಿಸರತಿ ವಹತಿ ಮಧುಪವನೇ ।
ಕಿಮಪರಮಧಿಕಸುಖಂ ಸಖಿ ಭುವನೇ ॥
ಮಾಧವೇ ಮಾ ಕುರು ಮಾನಿನಿ ಮಾನಮಯೇ ॥ 1 ॥
ಕಿಮಪರಮಧಿಕಸುಖಂ ಸಖಿ ಭುವನೇ ॥
ಮಾಧವೇ ಮಾ ಕುರು ಮಾನಿನಿ ಮಾನಮಯೇ ॥ 1 ॥
ತಾಲಫಲಾದಪಿ ಗುರುಮತಿಸರಸಮ್ ।
ಕಿಂ ವಿಫಲೀಕುರುಷೇ ಕುಚಕಲಶಮ್ ॥ 2 ॥
ಕಿಂ ವಿಫಲೀಕುರುಷೇ ಕುಚಕಲಶಮ್ ॥ 2 ॥
ಕತಿ ನ ಕಥಿತಮಿದಮನುಪದಮಚಿರಮ್ ।
ಮಾ ಪರಿಹರ ಹರಿಮತಿಶಯರುಚಿರಮ್ ॥ 3 ॥
ಮಾ ಪರಿಹರ ಹರಿಮತಿಶಯರುಚಿರಮ್ ॥ 3 ॥
ಕಿಮಿತಿ ವಿಷೀದಸಿ ರೋದಿಷಿ ವಿಕಲಾ ।
ವಿಹಸತಿ ಯುವತಿಸಭಾ ತವ ಸಕಲಾ ॥ 4 ॥
ವಿಹಸತಿ ಯುವತಿಸಭಾ ತವ ಸಕಲಾ ॥ 4 ॥
ಸಜಲನಲಿನೀದಲಶೀತಲಶಯನೇ ।
ಹರಿಮವಲೋಕ್ಯ ಸಫಲಯ್ ನಯನೇ ॥ 5 ॥
ಹರಿಮವಲೋಕ್ಯ ಸಫಲಯ್ ನಯನೇ ॥ 5 ॥
ಜನಯಸಿ ಮನಸಿ ಕಿಮಿತಿ ಗುರುಖೇದಮ್ ।
ಶೃಣು ಮಮ ವಚನಮನೀಹಿತಭೇದಮ್ ॥ 6 ॥
ಶೃಣು ಮಮ ವಚನಮನೀಹಿತಭೇದಮ್ ॥ 6 ॥
ಹರಿರುಪಯಾತು ವದತು ಬಹುಮಧುರಮ್ ।
ಕಿಮಿತಿ ಕರೋಷಿ ಹೃದಯಮತಿವಿಧುರಮ್ ॥ 7 ॥
ಕಿಮಿತಿ ಕರೋಷಿ ಹೃದಯಮತಿವಿಧುರಮ್ ॥ 7 ॥
ಶ್ರೀಜಯದೇವಭಣಿತಮತಿಲಲಿತಮ್ ।
ಸುಖಯತು ರಸಿಕಜನಂ ಹರಿಚರಿತಮ್ ॥ 8 ॥
ಸುಖಯತು ರಸಿಕಜನಂ ಹರಿಚರಿತಮ್ ॥ 8 ॥
ಸ್ನಿಗ್ಧೇ ಯತ್ಪರುಷಾಸಿ ಯತ್ಪ್ರಣಮತಿ ಸ್ತಬ್ಧಾಸಿ ಯದ್ರಾಗಿಣಿ ದ್ವೇಷಸ್ಥಾಸಿ ಯದುನ್ಮುಖೇ ವಿಮುಖತಾಂ ಯಾತಾಸಿ ತಸ್ಮಿನ್ಪ್ರಿಯೇ ।
ಯುಕ್ತಂ ತದ್ವಿಪರೀತಕಾರಿಣಿ ತವ ಶ್ರೀಖಣ್ಡಚರ್ಚಾ ವಿಷಂ ಶೀತಾಂಶುಸ್ತಪನೋ ಹಿಮಂ ಹುತವಹಃ ಕ್ರೀಡಾಮುದೋ ಯಾತನಾಃ ॥ 52 ॥
ಯುಕ್ತಂ ತದ್ವಿಪರೀತಕಾರಿಣಿ ತವ ಶ್ರೀಖಣ್ಡಚರ್ಚಾ ವಿಷಂ ಶೀತಾಂಶುಸ್ತಪನೋ ಹಿಮಂ ಹುತವಹಃ ಕ್ರೀಡಾಮುದೋ ಯಾತನಾಃ ॥ 52 ॥
॥ ಇತಿ ಗೀತಗೋವಿನ್ದೇ ಕಲಹಾನ್ತರಿತಾವರ್ಣನೇ ಮನ್ದಮುಕುನ್ದೋ ನಾಮ ನವಮಃ ಸರ್ಗಃ ॥