॥ നവമഃ സര്ഗഃ ॥
॥ മന്ദമുകുന്ദഃ ॥
താമഥ മന്മഥഖിന്നാം രതിരസഭിന്നാം വിഷാദസമ്പന്നാമ് ।
അനുചിന്തിതഹരിചരിതാം കലഹാന്തരിതമുവാച സഖീ ॥ 51 ॥
അനുചിന്തിതഹരിചരിതാം കലഹാന്തരിതമുവാച സഖീ ॥ 51 ॥
॥ ഗീതം 18 ॥
ഹരിരഭിസരതി വഹതി മധുപവനേ ।
കിമപരമധികസുഖം സഖി ഭുവനേ ॥
മാധവേ മാ കുരു മാനിനി മാനമയേ ॥ 1 ॥
കിമപരമധികസുഖം സഖി ഭുവനേ ॥
മാധവേ മാ കുരു മാനിനി മാനമയേ ॥ 1 ॥
താലഫലാദപി ഗുരുമതിസരസമ് ।
കിം വിഫലീകുരുഷേ കുചകലശമ് ॥ 2 ॥
കിം വിഫലീകുരുഷേ കുചകലശമ് ॥ 2 ॥
കതി ന കഥിതമിദമനുപദമചിരമ് ।
മാ പരിഹര ഹരിമതിശയരുചിരമ് ॥ 3 ॥
മാ പരിഹര ഹരിമതിശയരുചിരമ് ॥ 3 ॥
കിമിതി വിഷീദസി രോദിഷി വികലാ ।
വിഹസതി യുവതിസഭാ തവ സകലാ ॥ 4 ॥
വിഹസതി യുവതിസഭാ തവ സകലാ ॥ 4 ॥
സജലനലിനീദലശീതലശയനേ ।
ഹരിമവലോക്യ സഫലയ് നയനേ ॥ 5 ॥
ഹരിമവലോക്യ സഫലയ് നയനേ ॥ 5 ॥
ജനയസി മനസി കിമിതി ഗുരുഖേദമ് ।
ശൃണു മമ വചനമനീഹിതഭേദമ് ॥ 6 ॥
ശൃണു മമ വചനമനീഹിതഭേദമ് ॥ 6 ॥
ഹരിരുപയാതു വദതു ബഹുമധുരമ് ।
കിമിതി കരോഷി ഹൃദയമതിവിധുരമ് ॥ 7 ॥
കിമിതി കരോഷി ഹൃദയമതിവിധുരമ് ॥ 7 ॥
ശ്രീജയദേവഭണിതമതിലലിതമ് ।
സുഖയതു രസികജനം ഹരിചരിതമ് ॥ 8 ॥
സുഖയതു രസികജനം ഹരിചരിതമ് ॥ 8 ॥
സ്നിഗ്ധേ യത്പരുഷാസി യത്പ്രണമതി സ്തബ്ധാസി യദ്രാഗിണി ദ്വേഷസ്ഥാസി യദുന്മുഖേ വിമുഖതാം യാതാസി തസ്മിന്പ്രിയേ ।
യുക്തം തദ്വിപരീതകാരിണി തവ ശ്രീഖണ്ഡചര്ചാ വിഷം ശീതാംശുസ്തപനോ ഹിമം ഹുതവഹഃ ക്രീഡാമുദോ യാതനാഃ ॥ 52 ॥
യുക്തം തദ്വിപരീതകാരിണി തവ ശ്രീഖണ്ഡചര്ചാ വിഷം ശീതാംശുസ്തപനോ ഹിമം ഹുതവഹഃ ക്രീഡാമുദോ യാതനാഃ ॥ 52 ॥
॥ ഇതി ഗീതഗോവിന്ദേ കലഹാന്തരിതാവര്ണനേ മന്ദമുകുന്ദോ നാമ നവമഃ സര്ഗഃ ॥