ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕೇ ಚತುರ್ಥಃ ಪ್ರಪಾಠಕಃ - ಸೋಮಾದಿಬ್ರಾಹ್ಮಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಅನುವಾಕಂ 1 - ಗ್ರಹಣಾ ಗ್ರಹಣಮ್
ಉಭಯೇ ವಾ ಏತೇ ಪ್ರಜಾಪತೇರದ್ಧ್ಯ-ಸೃಜ್ಯನ್ತ । ದೇವಾಶ್ಚಾಸುರಾಶ್ಚ । ತಾನ್ನ ವ್ಯಜಾನಾತ್ । ಇಮೇ-ಽನ್ಯ ಇಮೇ-ಽನ್ಯ ಇತಿ । ಸ ದೇವಾನಗ್ಂ ಶೂನಕರೋತ್ । ತಾನಭ್ಯಷುಣೋತ್ । ತಾ-ನ್ಪವಿತ್ರೇಣಾ-ಪುನಾತ್ । ತಾನ್-ಪರಸ್ತಾತ್-ಪವಿತ್ರಸ್ಯ-ವ್ಯಗೃಹ್ಣಾತ್ । ತೇ ಗ್ರಹಾ ಅಭವನ್ನ್ । ತದ್ಗ್ರಹಾಣಾ-ಙ್ಗ್ರಹತ್ವಮ್ ॥ 1 ॥
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಅನುವಾಕಂ 1 - ಗ್ರಹಣಾ ಗ್ರಹಣಮ್
ಉಭಯೇ ವಾ ಏತೇ ಪ್ರಜಾಪತೇರದ್ಧ್ಯ-ಸೃಜ್ಯನ್ತ । ದೇವಾಶ್ಚಾಸುರಾಶ್ಚ । ತಾನ್ನ ವ್ಯಜಾನಾತ್ । ಇಮೇ-ಽನ್ಯ ಇಮೇ-ಽನ್ಯ ಇತಿ । ಸ ದೇವಾನಗ್ಂ ಶೂನಕರೋತ್ । ತಾನಭ್ಯಷುಣೋತ್ । ತಾ-ನ್ಪವಿತ್ರೇಣಾ-ಪುನಾತ್ । ತಾನ್-ಪರಸ್ತಾತ್-ಪವಿತ್ರಸ್ಯ-ವ್ಯಗೃಹ್ಣಾತ್ । ತೇ ಗ್ರಹಾ ಅಭವನ್ನ್ । ತದ್ಗ್ರಹಾಣಾ-ಙ್ಗ್ರಹತ್ವಮ್ ॥ 1 ॥
ದೇವತಾ ವಾ ಏತಾ ಯಜಮಾನಸ್ಯ ಗೃಹೇ ಗೃಹ್ಯನ್ತೇ । ಯ-ದ್ಗ್ರಹಾಃ । ವಿದುರೇನ-ನ್ದೇವಾಃ । ಯಸ್ಯೈವಂ-ವಿಁದುಷ ಏತೇ ಗ್ರಹಾ ಗೃಹ್ಯನ್ತೇ ॥ ಏಷಾ ವೈ ಸೋಮಸ್ಯಾಹುತಿಃ । ಯದುಪಾಗ್ಂಶುಃ । ಸೋಮೇನ ದೇವಾಗ್ ಸ್ತರ್ಪಯಾಣೀತಿ ಖಲು ವೈ ಸೋಮೇನ ಯಜತೇ । ಯದುಪಾಗ್ಂಶು-ಞ್ಜುಹೋತಿ । ಸೋಮೇನೈವ ತ-ದ್ದೇವಾಗ್ ಸ್ತರ್ಪಯತಿ ॥ ಯದ್ಗ್ರಹಾಞ್ಜುಹೋತಿ ॥ 2 ॥
ದೇವಾ ಏವ ತ-ದ್ದೇವಾನ್-ಗಚ್ಛನ್ತಿ ॥ ಯಚ್ಚಮಸಾಞ್ಜುಹೋತಿ । ತೇನೈವಾನುರೂಪೇಣ ಯಜಮಾನ-ಸ್ಸುವರ್ಗಂ-ಲೋಁಕಮೇತಿ ॥ ಕಿ-ನ್ನ್ವೇತದಗ್ರ ಆಸೀದಿತ್ಯಾಹುಃ । ಯ-ತ್ಪಾತ್ರಾಣೀತಿ । ಇಯಂ-ವಾಁ ಏತದಗ್ರ ಆಸೀತ್ । ಮೃನ್ಮಯಾನಿ ವಾ ಏತಾನ್ಯಾಸನ್ನ್ । ತೈರ್ದೇವಾ ನ ವ್ಯಾವೃತ-ಮಗಚ್ಛನ್ನ್ । ತ ಏತಾನಿ ದಾರುಮಯಾಣಿ ಪಾತ್ರಾಣ್ಯ-ಪಶ್ಯನ್ನ್ । ತಾನ್ಯಕುರ್ವತ ॥ 3 ॥
ತೈರ್ವೈ ತೇ ವ್ಯಾವೃತ-ಮಗಚ್ಛನ್ನ್ । ಯ-ದ್ದಾರುಮಯಾಣಿ ಪಾತ್ರಾಣಿ ಭವನ್ತಿ । ವ್ಯಾವೃತಮೇವ ತೈ-ರ್ಯಜಮಾನೋ ಗಚ್ಛತಿ ॥ ಯಾನಿ ದಾರುಮಯಾಣಿ ಪಾತ್ರಾಣಿ ಭವನ್ತಿ । ಅಮುಮೇವ ತೈ-ರ್ಲೋಕ-ಮಭಿಜಯತಿ । ಯಾನಿ ಮೃನ್ಮಯಾನಿ । ಇಮಮೇವ ತೈ-ರ್ಲೋಕ-ಮಭಿಜಯತಿ ॥ ಬ್ರಹ್ಮವಾದಿನೋ ವದನ್ತಿ । ಕಾಶ್ಚತಸ್ರ-ಸ್ಸ್ಥಾಲೀರ್ವಾಯವ್ಯಾ-ಸ್ಸೋಮಗ್ರಹಣೀರಿತಿ । ದೇವಾ ವೈ ಪೃಶ್ಞಿಮದುಹ್ರನ್ನ್ ॥ 4 ॥
ತಸ್ಯಾ ಏತೇ ಸ್ತನಾ ಆಸನ್ನ್ । ಇಯಂ-ವೈಁ ಪೃಶ್ಞಿಃ । ತಾಮಾದಿತ್ಯಾ ಆದಿತ್ಯಸ್ಥಾಲ್ಯಾ ಚತುಷ್ಪದಃ ಪಶೂನದುಹ್ರನ್ನ್ । ಯದಾದಿತ್ಯಸ್ಥಾಲೀ ಭವತಿ । ಚತುಷ್ಪದ ಏವ ತಯಾ ಪಶೂನ್. ಯಜಮಾನ ಇಮಾ-ನ್ದುಹೇ । ತಾಮಿನ್ದ್ರ ಉಕ್ಥ್ಯಸ್ಥಾಲ್ಯೇನ್ದ್ರಿಯ-ಮದುಹತ್ । ಯದುಕ್ಥ್ಯಸ್ಥಾಲೀ ಭವತಿ । ಇನ್ದ್ರಿಯಮೇವ ತಯಾ ಯಜಮಾನ ಇಮಾ-ನ್ದುಹೇ । ತಾಂ-ವಿಁಶ್ವೇ ದೇವಾ ಆಗ್ರಯಣಸ್ಥಾಲ್ಯೋರ್ಜ-ಮದುಹ್ರನ್ನ್ । ಯದಾಗ್ರಯಣಸ್ಥಾಲೀ ಭವತಿ ॥ 5 ॥
ಊರ್ಜಮೇವ ತಯಾ ಯಜಮಾನ ಇಮಾ-ನ್ದುಹೇ । ತಾ-ಮ್ಮನುಷ್ಯಾ ಧ್ರುವಸ್ಥಾಲ್ಯಾ ಽಽಯುರದುಹ್ರನ್ನ್ । ಯದ್ಧ್ರುವಸ್ಥಾಲೀ ಭವತಿ । ಆಯುರೇವ ತಯಾ ಯಜಮಾನ ಇಮಾ-ನ್ದುಹೇ । ಸ್ಥಾಲ್ಯಾ ಗೃಹ್ಣಾತಿ । ವಾಯವ್ಯೇನ ಜುಹೋತಿ । ತಸ್ಮಾದನ್ಯೇನ ಪಾತ್ರೇಣ ಪಶೂ-ನ್ದುಹನ್ತಿ । ಅನ್ಯೇನ ಪ್ರತಿಗೃಹ್ಣನ್ತಿ । ಅಥೋ ವ್ಯಾವೃತಮೇವ ತ-ದ್ಯಜಮಾನೋ ಗಚ್ಛತಿ ॥ 6 ॥
(ಗ್ರಹತ್ವಂ - ಗ್ರಹಾನ್ ಜುಹೋತ್ಯ-ಕುರ್ವ-ತಾದುಹ್ರ-ನ್ನಾಗ್ರಯಣಸ್ಥಾಲೀ ಭವತಿ-+ನವ ಚ) (ಅ. 1)
ಅನುವಾಕಂ 2 - ಸೋತ್ರಾಮಣೀಶೇಷಾ ಮನ್ತ್ರಾಃ
ಯುವಗ್ಂ ಸುರಾಮಮಶ್ವಿನಾ । ನಮುಚಾವಾ-ಽಸುರೇ ಸಚಾ । ವಿಪಿಪಾನಾ ಶುಭಸ್ಪತೀ । ಇನ್ದ್ರ-ಙ್ಕರ್ಮಸ್ವಾವತಮ್ ॥ ಪುತ್ರಮಿವ ಪಿತರಾವಶ್ವಿನೋಭಾ । ಇನ್ದ್ರಾವತ-ಙ್ಕರ್ಮಣಾ ದಗ್ಂಸನಾಭಿಃ । ಯ-ಥ್ಸುರಾಮಂ-ವ್ಯಁಪಿಬ-ಶ್ಶಚೀಭಿಃ । ಸರಸ್ವತೀ ತ್ವಾ ಮಘವನ್ನಭೀಷ್ಣಾತ್ ॥ ಅಹಾವ್ಯಗ್ನೇ ಹವಿರಾಸ್ಯೇ ತೇ । ಸ್ರುಚೀವ ಘೃತ-ಞ್ಚಮೂ ಇವ ಸೋಮಃ ॥ 7 ॥
ಅನುವಾಕಂ 2 - ಸೋತ್ರಾಮಣೀಶೇಷಾ ಮನ್ತ್ರಾಃ
ಯುವಗ್ಂ ಸುರಾಮಮಶ್ವಿನಾ । ನಮುಚಾವಾ-ಽಸುರೇ ಸಚಾ । ವಿಪಿಪಾನಾ ಶುಭಸ್ಪತೀ । ಇನ್ದ್ರ-ಙ್ಕರ್ಮಸ್ವಾವತಮ್ ॥ ಪುತ್ರಮಿವ ಪಿತರಾವಶ್ವಿನೋಭಾ । ಇನ್ದ್ರಾವತ-ಙ್ಕರ್ಮಣಾ ದಗ್ಂಸನಾಭಿಃ । ಯ-ಥ್ಸುರಾಮಂ-ವ್ಯಁಪಿಬ-ಶ್ಶಚೀಭಿಃ । ಸರಸ್ವತೀ ತ್ವಾ ಮಘವನ್ನಭೀಷ್ಣಾತ್ ॥ ಅಹಾವ್ಯಗ್ನೇ ಹವಿರಾಸ್ಯೇ ತೇ । ಸ್ರುಚೀವ ಘೃತ-ಞ್ಚಮೂ ಇವ ಸೋಮಃ ॥ 7 ॥
ವಾಜಸನಿಗ್ಂ ರಯಿಮಸ್ಮೇ ಸುವೀರಮ್ । ಪ್ರಶಸ್ತ-ನ್ಧೇಹಿ ಯಶಸ-ಮ್ಬೃಹನ್ತಮ್ ॥ ಯಸ್ಮಿನ್ನಶ್ವಾಸ ಋಷಭಾಸ ಉಕ್ಷಣಃ । ವಶಾ ಮೇಷಾ ಅವಸೃಷ್ಟಾಸ ಆಹುತಾಃ । ಕೀಲಾಲಪೇ ಸೋಮಪೃಷ್ಠಾಯ ವೇಧಸೇ । ಹೃದಾಮತಿ-ಞ್ಜನಯ ಚಾರುಮಗ್ನಯೇ ॥ ನಾನಾ ಹಿ ವಾ-ನ್ದೇವಹಿತಗ್ಂ ಸದೋ ಮಿತಮ್ । ಮಾ ಸಗ್ಂಸೃಕ್ಷಾಥಾ-ಮ್ಪರಮೇ ವ್ಯೋಮನ್ನ್ । ಸುರಾ ತ್ವಮಸಿ ಶುಷ್ಮಿಣೀ ಸೋಮ ಏಷಃ । ಮಾ ಮಾ ಹಿಗ್ಂಸೀ-ಸ್ಸ್ವಾಂ-ಯೋಁನಿಮಾವಿಶನ್ನ್ ॥ 8 ॥
ಯದತ್ರ ಶಿಷ್ಟಗ್ಂ ರಸಿನಃ ಸುತಸ್ಯ । ಯದಿನ್ದ್ರೋ ಅಪಿಬಚ್ಛಚೀಭಿಃ । ಅಹ-ನ್ತದಸ್ಯ ಮನಸಾ ಶಿವೇನ । ಸೋಮಗ್ಂ ರಾಜಾನಮಿಹ ಭಕ್ಷಯಾಮಿ ॥ ದ್ವೇ ಸ್ರುತೀ ಅಶೃಣವ-ಮ್ಪಿತೃಣಾಮ್ । ಅಹ-ನ್ದೇವಾನಾಮುತ ಮರ್ತ್ಯಾನಾಮ್ । ತಾಭ್ಯಾಮಿದಂ-ವಿಁಶ್ವ-ಮ್ಭುವನಗ್ಂ ಸಮೇತಿ । ಅನ್ತರಾ ಪೂರ್ವಮಪರ-ಞ್ಚ ಕೇತುಮ್ ॥ ಯಸ್ತೇ ದೇವ ವರುಣ ಗಾಯತ್ರಛನ್ದಾಃ ಪಾಶಃ । ತ-ನ್ತ ಏತೇನಾವಯಜೇ ॥ 9 ॥
ಯಸ್ತೇ ದೇವ ವರುಣ ತ್ರಿಷ್ಟುಪ್ಛನ್ದಾಃ ಪಾಶಃ । ತ-ನ್ತ ಏತೇನಾವಯಜೇ । ಯಸ್ತೇ ದೇವ ವರುಣ ಜಗತೀಛನ್ದಾಃ ಪಾಶಃ । ತ-ನ್ತ ಏತೇನಾವಯಜೇ ॥ ಸೋಮೋ ವಾ ಏತಸ್ಯ ರಾಜ್ಯಮಾದತ್ತೇ । ಯೋ ರಾಜಾ ಸ-ನ್ರಾಜ್ಯೋ ವಾ ಸೋಮೇನ ಯಜತೇ । ದೇವಸುವಾಮೇತಾನಿ ಹವೀಗ್ಂಷಿ ಭವನ್ತಿ । ಏತಾವನ್ತೋ ವೈ ದೇವಾನಾಗ್ಂ ಸವಾಃ । ತ ಏವಾಸ್ಮೈ ಸವಾ-ನ್ಪ್ರಯಚ್ಛನ್ತಿ । ತ ಏನ-ಮ್ಪುನಃ ಸುವನ್ತೇ ರಾಜ್ಯಾಯ । ದೇವಸೂ ರಾಜಾ ಭವತಿ ॥ 10 ॥
(ಸೋಮ - ಆವಿಶನ್. - ಯಜೇ - ರಾಜ್ಯಾಯೈಕಂ ಚ) (ಅ. 2)
ಅನುವಾಕಂ 3 - ದೋಹಪ್ರಾಯಶ್ಚಿತ್ತಮ್, ಅಗ್ನಿಹೋತ್ರೇ
ಉದಸ್ಥಾ-ದ್ದೇವ್ಯದಿತಿ-ರ್ವಿಶ್ವರೂಪೀ । ಆಯುರ್ಯಜ್ಞಪತಾವಧಾತ್ । ಇನ್ದ್ರಾಯ ಕೃಣ್ವತೀ ಭಾಗಮ್ । ಮಿತ್ರಾಯ ವರುಣಾಯ ಚ ॥ ಇಯಂ-ವಾಁ ಅಗ್ನಿಹೋತ್ರೀ । ಇಯಂ-ವಾಁ ಏತಸ್ಯ ನಿಷೀದತಿ । ಯಸ್ಯಾಗ್ನಿಹೋತ್ರೀ ನಿಷೀದತಿ । ತಾಮುತ್ಥಾಪಯೇತ್ । ಉದಸ್ಥಾ-ದ್ದೇವ್ಯದಿತಿರಿತಿ । ಇಯಂ-ವೈಁ ದೇವ್ಯದಿತಿಃ ॥ 11 ॥
ಅನುವಾಕಂ 3 - ದೋಹಪ್ರಾಯಶ್ಚಿತ್ತಮ್, ಅಗ್ನಿಹೋತ್ರೇ
ಉದಸ್ಥಾ-ದ್ದೇವ್ಯದಿತಿ-ರ್ವಿಶ್ವರೂಪೀ । ಆಯುರ್ಯಜ್ಞಪತಾವಧಾತ್ । ಇನ್ದ್ರಾಯ ಕೃಣ್ವತೀ ಭಾಗಮ್ । ಮಿತ್ರಾಯ ವರುಣಾಯ ಚ ॥ ಇಯಂ-ವಾಁ ಅಗ್ನಿಹೋತ್ರೀ । ಇಯಂ-ವಾಁ ಏತಸ್ಯ ನಿಷೀದತಿ । ಯಸ್ಯಾಗ್ನಿಹೋತ್ರೀ ನಿಷೀದತಿ । ತಾಮುತ್ಥಾಪಯೇತ್ । ಉದಸ್ಥಾ-ದ್ದೇವ್ಯದಿತಿರಿತಿ । ಇಯಂ-ವೈಁ ದೇವ್ಯದಿತಿಃ ॥ 11 ॥
ಇಮಾಮೇವಾಸ್ಮಾ ಉತ್ಥಾಪಯತಿ ॥ ಆಯುರ್ಯಜ್ಞಪತಾವಧಾದಿತ್ಯಾಹ । ಆಯುರೇವಾಸ್ಮಿ-ನ್ದಧಾತಿ ॥ ಇನ್ದ್ರಾಯ ಕೃಣ್ವತೀ ಭಾಗ-ಮ್ಮಿತ್ರಾಯ ವರುಣಾಯ ಚೇತ್ಯಾಹ । ಯಥಾ ಯಜುರೇವೈತತ್ ॥ ಅವರ್ತಿಂ-ವಾಁ ಏಷೈತಸ್ಯ ಪಾಪ್ಮಾನ-ಮ್ಪ್ರತಿಖ್ಯಾಯ ನಿಷೀದತಿ । ಯಸ್ಯಾ-ಗ್ನಿಹೋತ್ರ್ಯುಪಸೃಷ್ಟಾ ನಿಷೀದತಿ । ತಾ-ನ್ದುಗ್ಧ್ವಾ ಬ್ರಾಹ್ಮಣಾಯ ದದ್ಯಾತ್ । ಯಸ್ಯಾನ್ನ-ನ್ನಾದ್ಯಾತ್ । ಅವರ್ತಿಮೇವಾಸ್ಮಿ-ನ್ಪಾಪ್ಮಾನ-ಮ್ಪ್ರತಿಮುಞ್ಚತಿ ॥ 12 ॥
ದುಗ್ಧ್ವಾ ದದಾತಿ । ನ ಹ್ಯದೃಷ್ಟಾ ದಕ್ಷಿಣಾ ದೀಯತೇ ॥ ಪೃಥಿವೀಂ-ವಾಁ ಏತಸ್ಯ ಪಯಃ ಪ್ರವಿಶತಿ । ಯಸ್ಯಾಗ್ನಿಹೋತ್ರ-ನ್ದುಹ್ಯಮಾನಗ್ಗ್ ಸ್ಕನ್ದತಿ ॥ ಯದದ್ಯ ದುಗ್ಧ-ಮ್ಪೃಥಿವೀಮಸಕ್ತ । ಯದೋಷಧೀ-ರಪ್ಯಸರ-ದ್ಯದಾಪಃ । ಪಯೋ ಗೃಹೇಷು ಪಯೋ ಅಘ್ನಿಯಾಸು । ಪಯೋ ವಥ್ಸೇಷು ಪಯೋ ಅಸ್ತು ತನ್ಮಯೀತ್ಯಾಹ । ಪಯ ಏವಾತ್ಮ-ನ್ಗೃಹೇಷು ಪಶುಷು ಧತ್ತೇ ॥ ಅಪ ಉಪಸೃಜತಿ ॥ 13 ॥
ಅದ್ಭಿರೇವೈನದಾಪ್ನೋತಿ ॥ ಯೋ ವೈ ಯಜ್ಞಸ್ಯಾರ್ತೇನಾನಾರ್ತಗ್ಂ ಸಗ್ಂ ಸೃಜತಿ । ಉಭೇ ವೈ ತೇ ತರ್ಹ್ಯಾರ್ಚ್ಛತಃ । ಆರ್ಚ್ಛತಿ ಖಲು ವಾ ಏತದಗ್ನಿಹೋತ್ರಮ್ । ಯ-ದ್ದುಹ್ಯಮಾನಗ್ಗ್ ಸ್ಕನ್ದತಿ । ಯದಭಿದುಹ್ಯಾತ್ । ಆರ್ತೇನಾನಾರ್ತಂ-ಯಁಜ್ಞಸ್ಯ ಸಗ್ಂಸೃಜೇತ್ । ತದೇವ ಯಾದೃಕ್ಕೀದೃಕ್ಚ ಹೋತವ್ಯಮ್ । ಅಥಾನ್ಯಾ-ನ್ದುಗ್ಧ್ವಾ ಪುನರ್-ಹೋತವ್ಯಮ್ । ಅನಾರ್ತೇನೈವಾರ್ತಂ-ಯಁಜ್ಞಸ್ಯ ನಿಷ್ಕರೋತಿ ॥ 14 ॥
ಯ-ದ್ಯುದ್ದ್ರುತಸ್ಯ ಸ್ಕನ್ದೇತ್ । ಯ-ತ್ತತೋ-ಽಹುತ್ವಾ ಪುನರೇಯಾತ್ । ಯಜ್ಞಂ-ವಿಁಚ್ಛಿನ್ದ್ಯಾತ್ । ಯತ್ರ ಸ್ಕನ್ದೇತ್ । ತನ್ನಿಷದ್ಯ ಪುನರ್ಗೃಹ್ಣೀಯಾತ್ । ಯತ್ರೈವ ಸ್ಕನ್ದತಿ । ತತ ಏವೈನತ್-ಪುನರ್ಗೃಹ್ಣಾತಿ । ತದೇವ ಯಾದೃಕ್-ಕೀದೃಕ್ಚ ಹೋತವ್ಯಮ್ । ಅಥಾನ್ಯಾ-ನ್ದುಗ್ಧ್ವಾ ಪುನರ್-ಹೋತವ್ಯಮ್ । ಅನಾರ್ತೇನೈವಾರ್ತಂ-ಯಁಜ್ಞಸ್ಯ ನಿಷ್ಕರೋತಿ ॥ 15 ॥
ವಿ ವಾ ಏತಸ್ಯ ಯಜ್ಞಶ್ಛಿದ್ಯತೇ । ಯಸ್ಯಾಗ್ನಿಹೋತ್ರೇ-ಽಧಿಶ್ರಿತೇ ಶ್ವಾ-ಽನ್ತರಾ ಧಾವತಿ । ರುದ್ರಃ ಖಲು ವಾ ಏಷಃ । ಯದಗ್ನಿಃ । ಯ-ದ್ಗಾಮನ್ವತ್ಯಾವರ್ತಯೇತ್ । ರುದ್ರಾಯ ಪಶೂ-ನಪಿದದ್ಧ್ಯಾತ್ । ಅಪಶು-ರ್ಯಜಮಾನ-ಸ್ಸ್ಯಾತ್ । ಯದಪೋ ಽನ್ವತಿಷಿಞ್ಚೇತ್ । ಅನಾದ್ಯ-ಮಗ್ನೇರಾಪಃ । ಅನಾದ್ಯಮಾಭ್ಯಾ-ಮಪಿದದ್ಧ್ಯಾತ್ । ಗಾರ್ಹಪತ್ಯಾ-ದ್ಭಸ್ಮಾದಾಯ । ಇದಂ-ವಿಁಷ್ಣು-ರ್ವಿಚಕ್ರಮ ಇತಿ ವೈಷ್ಣವ್ಯರ್ಚಾ ಽಽಹವನೀಯಾದ್ಧ್ವಗ್ಂ ಸಯನ್ನುದ್ರವೇತ್ । ಯಜ್ಞೋ ವೈ ವಿಷ್ಣುಃ । ಯಜ್ಞೇನೈವ ಯಜ್ಞಗ್ಂ ಸನ್ತನೋತಿ । ಭಸ್ಮನಾ ಪದಮಪಿವಪತಿ ಶಾನ್ತ್ಯೈ ॥ 16 ॥
(ವೈ ದೇವ್ಯದಿತಿ--ರ್ ಮುಞ್ಚತಿ - ಸೃಜತಿ - ಕರೋತಿ - ಕರೋತ್ಯಾ - ಭ್ಯಾಮಪಿದದ್ಧ್ಯಾ-ತ್ಪಞ್ಚ ಚ) (ಅ. 3)
ಅನುವಾಕಂ 4 - ಅಗ್ನಿಪ್ರಾಯಶ್ಚಿತ್ತಂ ಅಗ್ನಿಹೋತ್ರೇ
ನಿ ವಾ ಏತಸ್ಯಾಹವನೀಯೋ ಗಾರ್ಹಪತ್ಯ-ಙ್ಕಾಮಯತೇ । ನಿ ಗಾರ್ಹಪತ್ಯ ಆಹವನೀಯಮ್ । ಯಸ್ಯಾಗ್ನಿಮನುದ್ಧೃತಗ್ಂ ಸೂರ್ಯೋ-ಽಭಿನಿಮ್ರೋಚತಿ । ದರ್ಭೇಣ ಹಿರಣ್ಯ-ಮ್ಪ್ರಬದ್ಧ್ಯ ಪುರಸ್ತಾದ್ಧರೇತ್ । ಅಥಾಗ್ನಿಮ್ । ಅಥಾಗ್ನಿಹೋತ್ರಮ್ । ಯದ್ಧಿರಣ್ಯ-ಮ್ಪುರಸ್ತಾದ್ಧರತಿ । ಜ್ಯೋತಿರ್ವೈ ಹಿರಣ್ಯಮ್ । ಜ್ಯೋತಿರೇವೈನ-ಮ್ಪಶ್ಯ-ನ್ನುದ್ಧರತಿ । ಯದಗ್ನಿ-ಮ್ಪೂರ್ವಗ್ಂ ಹರತ್ಯಥಾ-ಗ್ನಿಹೋತ್ರಮ್ ॥ 17 ॥
ಅನುವಾಕಂ 4 - ಅಗ್ನಿಪ್ರಾಯಶ್ಚಿತ್ತಂ ಅಗ್ನಿಹೋತ್ರೇ
ನಿ ವಾ ಏತಸ್ಯಾಹವನೀಯೋ ಗಾರ್ಹಪತ್ಯ-ಙ್ಕಾಮಯತೇ । ನಿ ಗಾರ್ಹಪತ್ಯ ಆಹವನೀಯಮ್ । ಯಸ್ಯಾಗ್ನಿಮನುದ್ಧೃತಗ್ಂ ಸೂರ್ಯೋ-ಽಭಿನಿಮ್ರೋಚತಿ । ದರ್ಭೇಣ ಹಿರಣ್ಯ-ಮ್ಪ್ರಬದ್ಧ್ಯ ಪುರಸ್ತಾದ್ಧರೇತ್ । ಅಥಾಗ್ನಿಮ್ । ಅಥಾಗ್ನಿಹೋತ್ರಮ್ । ಯದ್ಧಿರಣ್ಯ-ಮ್ಪುರಸ್ತಾದ್ಧರತಿ । ಜ್ಯೋತಿರ್ವೈ ಹಿರಣ್ಯಮ್ । ಜ್ಯೋತಿರೇವೈನ-ಮ್ಪಶ್ಯ-ನ್ನುದ್ಧರತಿ । ಯದಗ್ನಿ-ಮ್ಪೂರ್ವಗ್ಂ ಹರತ್ಯಥಾ-ಗ್ನಿಹೋತ್ರಮ್ ॥ 17 ॥
ಭಾಗಧೇಯೇನೈವೈನ-ಮ್ಪ್ರಣಯತಿ ॥ ಬ್ರಾಹ್ಮಣ ಆರ್ಷೇಯ ಉದ್ಧರೇತ್ । ಬ್ರಾಹ್ಮಣೋ ವೈ ಸರ್ವಾ ದೇವತಾಃ । ಸರ್ವಾಭಿರೇವೈನ-ನ್ದೇವತಾಭಿರುದ್ಧರತಿ ॥ ಅಗ್ನಿಹೋತ್ರ-ಮುಪಸಾ-ದ್ಯಾತಮಿತೋ-ರಾಸೀತ । ವ್ರತಮೇವ ಹತಮನು ಮ್ರಿಯತೇ ॥ ಅನ್ತಂ-ವಾಁ ಏಷ ಆತ್ಮನೋ ಗಚ್ಛತಿ । ಯಸ್ತಾಮ್ಯತಿ । ಅನ್ತಮೇಷ ಯಜ್ಞಸ್ಯ ಗಚ್ಛತಿ । ಯಸ್ಯಾಗ್ನಿಮನುದ್ಧೃತಗ್ಂ ಸೂರ್ಯೋ-ಽಭಿನಿಮ್ರೋಚತಿ ॥ 18 ॥
ಪುನಃ ಸಮನ್ಯ ಜುಹೋತಿ । ಅನ್ತೇನೈವಾನ್ತಂ-ಯಁಜ್ಞಸ್ಯ ನಿಷ್ಕರೋತಿ ॥ ವರುಣೋ ವಾ ಏತಸ್ಯ ಯಜ್ಞ-ಙ್ಗೃಹ್ಣಾತಿ । ಯಸ್ಯಾಗ್ನಿ-ಮನುದ್ಧೃತಗ್ಂ ಸೂರ್ಯೋ-ಽಭಿನಿಮ್ರೋಚತಿ । ವಾರುಣ-ಞ್ಚರು-ನ್ನಿರ್ವಪೇತ್ । ತೇನೈವ ಯಜ್ಞ-ನ್ನಿಷ್ಕ್ರೀಣೀತೇ ॥ ನಿ ವಾ ಏತಸ್ಯಾಹವನೀಯೋ ಗಾರ್ಹಪತ್ಯ-ಙ್ಕಾಮಯತೇ । ನಿ ಗಾರ್ಹಪತ್ಯ ಆಹವನೀಯಮ್ । ಯಸ್ಯಾಗ್ನಿ-ಮನುದ್ಧೃತಗ್ಂ ಸೂರ್ಯೋ-ಽಭ್ಯುದೇತಿ । ಚತುರ್ಗೃಹೀತ-ಮಾಜ್ಯ-ಮ್ಪುರಸ್ತಾದ್ಧರೇತ್ ॥ 19 ॥
ಅಥಾಗ್ನಿಮ್ । ಅಥಾಗ್ನಿಹೋತ್ರಮ್ । ಯದಾಜ್ಯ-ಮ್ಪುರಸ್ತಾದ್ಧರತಿ । ಏತದ್ವಾ ಅಗ್ನೇಃ ಪ್ರಿಯ-ನ್ಧಾಮ । ಯದಾಜ್ಯಮ್ । ಪ್ರಿಯೇಣೈವೈನ-ನ್ಧಾಮ್ನಾ ಸಮರ್ಧಯತಿ । ಯದಗ್ನಿ-ಮ್ಪೂರ್ವಗ್ಂ ಹರತ್ಯಥಾ-ಗ್ನಿಹೋತ್ರಮ್ । ಭಾಗಧೇಯೇನೈವೈನ-ಮ್ಪ್ರಣಯತಿ । ಬ್ರಾಹ್ಮಣ ಆರ್ಷೇಯ ಉದ್ಧರೇತ್ । ಬ್ರಾಹ್ಮಣೋ ವೈ ಸರ್ವಾ ದೇವತಾಃ ॥ 20 ॥
ಸರ್ವಾಭಿರೇವೈನ-ನ್ದೇವತಾಭಿರುದ್ಧರತಿ ॥ ಪರಾಚೀ ವಾ ಏತಸ್ಮೈ ವ್ಯುಚ್ಛನ್ತೀ ವ್ಯುಚ್ಛತಿ । ಯಸ್ಯಾಗ್ನಿ-ಮನುದ್ಧೃತಗ್ಂ ಸೂರ್ಯೋ-ಽಭ್ಯುದೇತಿ । ಉಷಾಃ ಕೇತುನಾ ಜುಷತಾಮ್ । ಯಜ್ಞ-ನ್ದೇವೇಭಿರಿನ್ವಿತಮ್ । ದೇವೇಭ್ಯೋ ಮಧುಮತ್ತಮಗ್ಗ್ ಸ್ವಾಹೇತಿ ಪ್ರತ್ಯಂ-ನಿಷದ್ಯಾಜ್ಯೇನ ಜುಹುಯಾತ್ । ಪ್ರತೀಚೀಮೇವಾಸ್ಮೈ ವಿವಾಸಯತಿ ॥ ಅಗ್ನಿಹೋತ್ರ-ಮುಪಸಾದ್ಯಾತಮಿತೋ-ರಾಸೀತ । ವ್ರತಮೇವ ಹತಮನು ಮ್ರಿಯತೇ । ಅನ್ತಂ-ವಾಁ ಏಷ ಆತ್ಮನೋ ಗಚ್ಛತಿ ॥ 21 ॥
ಯಸ್ತಾಮ್ಯತಿ । ಅನ್ತಮೇಷ ಯಜ್ಞಸ್ಯ ಗಚ್ಛತಿ । ಯಸ್ಯಾಗ್ನಿ-ಮನುದ್ಧೃತಗ್ಂ ಸೂರ್ಯೋ-ಽಭ್ಯುದೇತಿ । ಪುನಃ ಸಮನ್ಯ ಜುಹೋತಿ । ಅನ್ತೇನೈವಾನ್ತಂ-ಯಁಜ್ಞಸ್ಯ ನಿಷ್ಕರೋತಿ । ಮಿತ್ರೋ ವಾ ಏತಸ್ಯ ಯಜ್ಞ-ಙ್ಗೃಹ್ಣಾತಿ । ಯಸ್ಯಾಗ್ನಿ-ಮನುದ್ಧೃತಗ್ಂ ಸೂರ್ಯೋ-ಽಭ್ಯುದೇತಿ । ಮೈತ್ರ-ಞ್ಚರು-ನ್ನಿರ್ವಪೇತ್ । ತೇನೈವ ಯಜ್ಞ-ನ್ನಿಷ್ಕ್ರೀಣೀತೇ ॥ ಯಸ್ಯಾ-ಹವನೀಯೇ-ಽನುದ್ವಾತೇ ಗಾರ್ಹಪತ್ಯ ಉದ್ವಾಯೇತ್ ॥ 22 ॥
ಯದಾಹವನೀಯ-ಮನುದ್ವಾಪ್ಯ ಗಾರ್ಹಪತ್ಯ-ಮ್ಮನ್ಥೇತ್ । ವಿಚ್ಛಿನ್ದ್ಯಾತ್ । ಭ್ರಾತೃವ್ಯಮಸ್ಮೈ ಜನಯೇತ್ । ಯದ್ವೈ ಯಜ್ಞಸ್ಯ ವಾಸ್ತವ್ಯ-ಙ್ಕ್ರಿಯತೇ । ತದನು ರುದ್ರೋ-ಽವಚರತಿ । ಯ-ತ್ಪೂರ್ವ-ಮನ್ವವಸ್ಯೇತ್ । ವಾಸ್ತವ್ಯ-ಮಗ್ನಿಮುಪಾಸೀತ । ರುದ್ರೋ-ಽಸ್ಯ ಪಶೂ-ನ್ಘಾತುಕ-ಸ್ಸ್ಯಾತ್ । ಆಹವನೀಯ-ಮುದ್ವಾಪ್ಯ । ಗಾರ್ಹಪತ್ಯ-ಮ್ಮನ್ಥೇತ್ ॥ 23 ॥
ಇತಃ ಪ್ರಥಮ-ಞ್ಜಜ್ಞೇ ಅಗ್ನಿಃ । ಸ್ವಾದ್ಯೋನೇರಧಿ ಜಾತವೇದಾಃ । ಸ ಗಾಯತ್ರಿಯಾ ತ್ರಿಷ್ಟುಭಾ ಜಗತ್ಯಾ । ದೇವೇಭ್ಯೋ ಹವ್ಯಂ-ವಁಹತು ಪ್ರಜಾನನ್ನಿತಿ । ಛನ್ದೋಭಿರೇವೈನಗ್ಗ್ ಸ್ವಾದ್ಯೋನೇಃ ಪ್ರಜನಯತಿ ॥ ಗಾರ್ಹಪತ್ಯ-ಮ್ಮನ್ಥತಿ । ಗಾರ್ಹಪತ್ಯಂ-ವಾಁ ಅನ್ವಾಹಿತಾಗ್ನೇಃ ಪಶವ ಉಪ ತಿಷ್ಠನ್ತೇ । ಸ ಯದುದ್ವಾಯತಿ । ತದನು ಪಶವೋ-ಽಪಕ್ರಾಮನ್ತಿ । ಇಷೇ ರಯ್ಯೈ ರಮಸ್ವ ॥ 24 ॥
ಸಹಸೇ ದ್ಯುಮ್ನಾಯ । ಊರ್ಜೇ ಪತ್ಯಾಯೇತ್ಯಾಹ । ಪಶವೋ ವೈ ರಯಿಃ । ಪಶೂನೇವಾಸ್ಮೈ ರಮಯತಿ ॥ ಸಾರಸ್ವತೌ ತ್ವೋಥ್ಸೌ ಸಮಿನ್ಧಾತಾಮಿತ್ಯಾಹ । ಋ-ಖ್ಸಾಮೇ ವೈ ಸಾರಸ್ವತಾವುಥ್ಸೌ । ಋಖ್-ಸಾಮಾಭ್ಯಾಮೇವೈನಗ್ಂ ಸಮಿನ್ಧೇ ॥ ಸಮ್ರಾಡಸಿ ವಿರಾಡಸೀತ್ಯಾಹ । ರಥನ್ತರಂ-ವೈಁ ಸಮ್ರಾಟ್ । ಬೃಹ-ದ್ವಿರಾಟ್ ॥ 25 ॥
ತಾಭ್ಯಾಮೇವೈನಗ್ಂ ಸಮಿನ್ಧೇ ॥ ವಜ್ರೋ ವೈ ಚಕ್ರಮ್ । ವಜ್ರೋ ವಾ ಏತಸ್ಯ ಯಜ್ಞಂ-ವಿಁಚ್ಛಿನತ್ತಿ । ಯಸ್ಯಾನೋ ವಾ ರಥೋ ವಾ-ಽನ್ತರಾ-ಽಗ್ನೀ ಯಾತಿ । ಆಹವನೀಯ-ಮುದ್ವಾಪ್ಯ । ಗಾರ್ಹಪತ್ಯಾ-ದುದ್ಧರೇತ್ । ಯದಗ್ನೇ ಪೂರ್ವ-ಮ್ಪ್ರಭೃತ-ಮ್ಪದಗ್ಂ ಹಿ ತೇ । ಸೂರ್ಯಸ್ಯ ರಶ್ಮೀನ-ನ್ವಾತತಾನ । ತತ್ರ ರಯಿಷ್ಠಾಮನು ಸಮ್ಭರೈತಮ್ । ಸ-ನ್ನಃ ಸೃಜ ಸುಮತ್ಯಾ ವಾಜವತ್ಯೇತಿ ॥ 26 ॥
ಪೂರ್ವೇಣೈವಾಸ್ಯ ಯಜ್ಞೇನ ಯಜ್ಞಮನು ಸ-ನ್ತನೋತಿ ॥ ತ್ವಮಗ್ನೇ ಸಪ್ರಥಾ ಅಸೀತ್ಯಾಹ । ಅಗ್ನಿ-ಸ್ಸರ್ವಾ ದೇವತಾಃ । ದೇವತಾಭಿರೇವ ಯಜ್ಞಗ್ಂ ಸ-ನ್ತನೋತಿ ॥ ಅಗ್ನಯೇ ಪಥಿಕೃತೇ ಪುರೋಡಾಶಮಷ್ಟಾಕಪಾಲ-ನ್ನಿರ್ವಪೇತ್ । ಅಗ್ನಿಮೇವ ಪಥಿಕೃತಗ್ಗ್ ಸ್ವೇನ ಭಾಗಧೇಯೇನೋಪ ಧಾವತಿ । ಸ ಏವೈನಂ-ಯಁಜ್ಞಿಯ-ಮ್ಪನ್ಥಾಮಪಿ-ನಯತಿ । ಅನಡ್ವಾನ್-ದಕ್ಷಿಣಾ । ವಹೀ ಹ್ಯೇಷ ಸಮೃದ್ಧ್ಯೈ ॥ 27 ॥
(ಹರತ್ಯಥಾಗ್ನಿಹೋತ್ರಂ - ನಿಮ್ರೋಚತಿ - ಹರೇ-ದ್- ದೇವತಾ - ಗಚ್ಛ - ತ್ಯುದ್ವಾಯೇ-ನ್ಮನ್ಥೇ-ದ್ರಮಸ್ವ-ಬೃಹ-ದ್ವಿರಾಡ್-ಇತಿ-ನವ ಚ) (ಅ. 4)
(ನಿ ವೈ ಪೂರ್ವ-ನ್ತ್ರೀಣಿ ನಿಮ್ರೋಚತಿ ದರ್ಭೇಣ ಯದ್ಧಿರಣ್ಯಮಗ್ನಿಹೋತ್ರ-ಮ್ಪುನರ್ವರುಣೋ
ವಾರುಣ-ನ್ನಿ ವಾ ಏತಸ್ಯಾಭ್ಯುದೇತಿ ಚತುರ್ಗೃಹೀತಮಾಜ್ಯಂ ಯದಾಜ್ಯಂ ಪರಾಚ್ಯುಷಾಃ ಪುನರ್ಮಿತ್ರೋ ಮೇತ್ರಂ-ಯಁಸ್ಯಾಹವನೀಯೇ-ಽನುದ್ವಾತೇ ಗಾರ್ಹಪತ್ಯೋ ಯದ್ವೈ ಮನ್ಥೇದುದ್ಧರೇತ್)
ಅನುವಾಕಂ 5 - ಸೋಮಾತಿರೇಕಪ್ರಾಯಶ್ಚಿತ್ತಮ್
ಯಸ್ಯ ಪ್ರಾತಸ್ಸವನೇ ಸೋಮೋ-ಽತಿರಿಚ್ಯತೇ । ಮಾದ್ಧ್ಯನ್ದಿನಗ್ಂ ಸವನ-ಙ್ಕಾಮಯಮಾನೋ-ಽಭ್ಯತಿರಿಚ್ಯತೇ । ಗೌರ್ಧಯತಿ ಮರುತಾಮಿತಿ ಧಯದ್ವತೀಷು ಕುರ್ವನ್ತಿ । ಹಿನಸ್ತಿ ವೈ ಸನ್ಧ್ಯಧೀತಮ್ । ಸನ್ಧೀವ ಖಲು ವಾ ಏತತ್ । ಯ-ಥ್ಸವನ ಸ್ಯಾತಿರಿಚ್ಯತೇ । ಯದ್ಧಯದ್ವತೀಷು ಕುರ್ವನ್ತಿ । ಸನ್ಧೇ-ಶ್ಶಾನ್ತ್ಯೈ ॥ ಗಾಯತ್ರಗ್ಂ ಸಾಮ ಭವತಿ ಪಞ್ಚದಶ-ಸ್ಸ್ತೋಮಃ । ತೇನೈವ ಪ್ರಾತಸ್ಸವನಾನ್ನಯನ್ತಿ ॥ 28 ॥
(ನಿ ವೈ ಪೂರ್ವ-ನ್ತ್ರೀಣಿ ನಿಮ್ರೋಚತಿ ದರ್ಭೇಣ ಯದ್ಧಿರಣ್ಯಮಗ್ನಿಹೋತ್ರ-ಮ್ಪುನರ್ವರುಣೋ
ವಾರುಣ-ನ್ನಿ ವಾ ಏತಸ್ಯಾಭ್ಯುದೇತಿ ಚತುರ್ಗೃಹೀತಮಾಜ್ಯಂ ಯದಾಜ್ಯಂ ಪರಾಚ್ಯುಷಾಃ ಪುನರ್ಮಿತ್ರೋ ಮೇತ್ರಂ-ಯಁಸ್ಯಾಹವನೀಯೇ-ಽನುದ್ವಾತೇ ಗಾರ್ಹಪತ್ಯೋ ಯದ್ವೈ ಮನ್ಥೇದುದ್ಧರೇತ್)
ಅನುವಾಕಂ 5 - ಸೋಮಾತಿರೇಕಪ್ರಾಯಶ್ಚಿತ್ತಮ್
ಯಸ್ಯ ಪ್ರಾತಸ್ಸವನೇ ಸೋಮೋ-ಽತಿರಿಚ್ಯತೇ । ಮಾದ್ಧ್ಯನ್ದಿನಗ್ಂ ಸವನ-ಙ್ಕಾಮಯಮಾನೋ-ಽಭ್ಯತಿರಿಚ್ಯತೇ । ಗೌರ್ಧಯತಿ ಮರುತಾಮಿತಿ ಧಯದ್ವತೀಷು ಕುರ್ವನ್ತಿ । ಹಿನಸ್ತಿ ವೈ ಸನ್ಧ್ಯಧೀತಮ್ । ಸನ್ಧೀವ ಖಲು ವಾ ಏತತ್ । ಯ-ಥ್ಸವನ ಸ್ಯಾತಿರಿಚ್ಯತೇ । ಯದ್ಧಯದ್ವತೀಷು ಕುರ್ವನ್ತಿ । ಸನ್ಧೇ-ಶ್ಶಾನ್ತ್ಯೈ ॥ ಗಾಯತ್ರಗ್ಂ ಸಾಮ ಭವತಿ ಪಞ್ಚದಶ-ಸ್ಸ್ತೋಮಃ । ತೇನೈವ ಪ್ರಾತಸ್ಸವನಾನ್ನಯನ್ತಿ ॥ 28 ॥
ಮರುತ್ವತೀಷು ಕುರ್ವನ್ತಿ । ತೇನೈವ ಮಾದ್ಧ್ಯನ್ದಿನಾ-ಥ್ಸವನಾನ್ನಯನ್ತಿ ॥ ಹೋತುಶ್ಚ ಮಸಮನೂನ್ನಯನ್ತೇ । ಹೋತಾ-ಽನುಶಗ್ಂಸತಿ । ಮದ್ಧ್ಯತ ಏವ ಯಜ್ಞಗ್ಂ ಸಮಾದಧಾತಿ ॥ ಯಸ್ಯ ಮಾದ್ಧ್ಯನ್ದಿನೇ ಸವನೇ ಸೋಮೋ-ಽತಿರಿಚ್ಯತೇ । ಆದಿತ್ಯ-ನ್ತೃತೀಯಸವನ-ಙ್ಕಾಮಯಮಾನೋ-ಽಭ್ಯತಿರಿಚ್ಯತೇ । ಗೌರಿವೀತಗ್ಂ ಸಾಮ ಭವತಿ । ಅತಿರಿಕ್ತಂ-ವೈಁ ಗೌರಿವೀತಮ್ । ಅತಿರಿಕ್ತಂ-ಯಁ-ಥ್ಸವನಸ್ಯಾ-ತಿರಿಚ್ಯತೇ ॥ 29 ॥
ಅತಿರಿಕ್ತಸ್ಯ ಶಾನ್ತ್ಯೈ ॥ ಬಣ್ಮಹಾಗ್ಂ ಅಸಿ ಸೂರ್ಯೇತಿ ಕುರ್ವನ್ತಿ । ಯಸ್ಯೈವಾದಿತ್ಯಸ್ಯ ಸವನಸ್ಯ ಕಾಮೇನಾತಿರಿಚ್ಯತೇ । ತೇನೈವೈನ-ಙ್ಕಾಮೇನ ಸಮರ್ಧಯನ್ತಿ ॥ ಗೌರಿವೀತಗ್ಂ ಸಾಮ ಭವತಿ । ತೇನೈವ ಮಾದ್ಧ್ಯನ್ದಿನಾ-ಥ್ಸವನಾನ್ನಯನ್ತಿ ॥ ಸಪ್ತದಶ-ಸ್ಸ್ತೋಮಃ । ತೇನೈವ ತೃತೀಯಸವನಾನ್ನಯನ್ತಿ ॥ ಹೋತುಶ್ಚಮಸಮನೂನ್ನಯನ್ತೇ । ಹೋತಾ-ಽನುಶಗ್ಂ ಸತಿ ॥ 30 ॥
ಮದ್ಧ್ಯತ ಏವ ಯಜ್ಞಗ್ಂ ಸಮಾದಧಾತಿ ॥ ಯಸ್ಯ ತೃತೀಯಸವನೇ ಸೋಮೋ-ಽತಿರಿಚ್ಯೇತ । ಉಕ್ಥ್ಯ-ಙ್ಕುರ್ವೀತ । ಯಸ್ಯೋಕ್ಥ್ಯೇ-ಽತಿರಿಚ್ಯೇತ । ಅತಿರಾತ್ರ-ಙ್ಕುರ್ವೀತ । ಯಸ್ಯಾ-ತಿರಾತ್ರೇ-ಽತಿರಿಚ್ಯತೇ। ತತ್ತ್ವೈ ದುಷ್ಪ್ರಜ್ಞಾನಮ್ । ಯಜಮಾನಂ-ವಾಁ ಏತ-ತ್ಪಶವ ಆಸಾಹ್ಯ ಯನ್ತಿ । ಬೃಹ-ಥ್ಸಾಮ ಭವತಿ । ಬೃಹದ್ವಾ ಇಮಾಂ-ಲೋಁಕಾ-ನ್ದಾಧಾರ । ಬಾರ್ಹತಾಃ ಪಶವಃ । ಬೃಹತೈವಾಸ್ಮೈ ಪಶೂ-ನ್ದಾಧಾರ ॥ ಶಿಪಿವಿಷ್ಟವತೀಷು ಕುರ್ವನ್ತಿ । ಶಿಪಿವಿಷ್ಟೋ ವೈ ದೇವಾನಾ-ಮ್ಪುಷ್ಟಮ್ । ಪುಷ್ಟ್ಯೈವೈನಗ್ಂ ಸಮರ್ಧಯನ್ತಿ ॥ ಹೋತುಶ್ಚಮಸಮನೂನ್ನಯನ್ತೇ । ಹೋತಾ-ಽನುಶಗ್ಂಸತಿ । ಮದ್ಧ್ಯತ ಏವ ಯಜ್ಞಗ್ಂ ಸಮಾದಧಾತಿ ॥ 31 ॥
(ಯನ್ತಿ - ಸವನಸ್ಯಾತಿರಿಚ್ಯತೇ - ಶಗ್ಂಸತಿ - ದಾಧಾರಾಷ್ಟೌ ಚ) (ಅ. 5)
ಅನುವಾಕಂ 6 - ಸವನನಿಮಿತ್ತ-ಮ್ಪ್ರಾಯಶ್ಚಿತ್ತಮ್
ಏಕೈಕೋ ವೈ ಜನತಾಯಾ-ಮಿನ್ದ್ರಃ । ಏಕಂ-ವಾಁ ಏತಾವಿನ್ದ್ರಮಭಿ ಸಗ್ಂಸುನುತಃ । ಯೌ ದ್ವೌ ಸಗ್ಂಸುನುತಃ । ಪ್ರಜಾಪತಿರ್ವಾ ಏಷ ವಿತಾಯತೇ । ಯ-ದ್ಯಜ್ಞಃ । ತಸ್ಯ ಗ್ರಾವಾಣೋ ದನ್ತಾಃ । ಅನ್ಯತರಂ-ವಾಁ ಏತೇ ಸಗ್ಂಸುನ್ವತೋ-ರ್ನಿರ್ಬಫ್ಸತಿ । ಪೂರ್ವೇಣೋಪಸೃತ್ಯಾ ದೇವತಾ ಇತ್ಯಾಹುಃ । ಪೂರ್ವೋಪಸೃತಸ್ಯ ವೈ ಶ್ರೇಯಾ-ನ್ಭವತಿ । ಏತಿವನ್ತ್ಯಾಜ್ಯಾನಿ ಭವನ್ತ್ಯ-ಭಿಜಿತ್ಯೈ ॥ 32 ॥
ಅನುವಾಕಂ 6 - ಸವನನಿಮಿತ್ತ-ಮ್ಪ್ರಾಯಶ್ಚಿತ್ತಮ್
ಏಕೈಕೋ ವೈ ಜನತಾಯಾ-ಮಿನ್ದ್ರಃ । ಏಕಂ-ವಾಁ ಏತಾವಿನ್ದ್ರಮಭಿ ಸಗ್ಂಸುನುತಃ । ಯೌ ದ್ವೌ ಸಗ್ಂಸುನುತಃ । ಪ್ರಜಾಪತಿರ್ವಾ ಏಷ ವಿತಾಯತೇ । ಯ-ದ್ಯಜ್ಞಃ । ತಸ್ಯ ಗ್ರಾವಾಣೋ ದನ್ತಾಃ । ಅನ್ಯತರಂ-ವಾಁ ಏತೇ ಸಗ್ಂಸುನ್ವತೋ-ರ್ನಿರ್ಬಫ್ಸತಿ । ಪೂರ್ವೇಣೋಪಸೃತ್ಯಾ ದೇವತಾ ಇತ್ಯಾಹುಃ । ಪೂರ್ವೋಪಸೃತಸ್ಯ ವೈ ಶ್ರೇಯಾ-ನ್ಭವತಿ । ಏತಿವನ್ತ್ಯಾಜ್ಯಾನಿ ಭವನ್ತ್ಯ-ಭಿಜಿತ್ಯೈ ॥ 32 ॥
ಮರುತ್ವತೀಃ ಪ್ರತಿಪದಃ । ಮರುತೋ ವೈ ದೇವಾನಾ-ಮಪರಾಜಿತ-ಮಾಯತನಮ್ । ದೇವಾನಾ-ಮೇವಾಪರಾಜಿತ ಆಯತನೇ ಯತತೇ ॥ಉಭೇ ಬೃಹದ್ರಥನ್ತರೇ ಭವತಃ । ಇಯಂ-ವಾಁವ ರಥನ್ತರಮ್ । ಅಸೌ ಬೃಹತ್ । ಆಭ್ಯಾಮೇವೈನ-ಮನ್ತರೇತಿ । ವಾಚಶ್ಚ ಮನಸಶ್ಚ । ಪ್ರಾಣಾಚ್ಚಾ-ಪಾನಾಚ್ಚ । ದಿವಶ್ಚ ಪೃಥಿವ್ಯಾಶ್ಚ ॥ 33 ॥
ಸರ್ವಸ್ಮಾ-ದ್ವಿತ್ತಾ-ದ್ವೇದ್ಯಾತ್ ॥ ಅಭಿವರ್ತೋ ಬ್ರಹ್ಮಸಾಮ-ಮ್ಭವತಿ । ಸುವರ್ಗಸ್ಯ ಲೋಕಸ್ಯಾ-ಭಿವೃತ್ತ್ಯೈ ॥ ಅಭಿಜಿ-ದ್ಭವತಿ । ಸುವರ್ಗಸ್ಯ ಲೋಕಸ್ಯಾ-ಭಿಜಿತ್ಯೈ । ವಿಶ್ವಜಿ-ದ್ಭವತಿ । ವಿಶ್ವಸ್ಯ ಜಿತ್ಯೈ ॥ ಯಸ್ಯ ಭೂಯಾಗ್ಂಸೋ ಯಜ್ಞಕ್ರತವ ಇತ್ಯಾಹುಃ । ಸ ದೇವತಾ ವೃಙ್ಕ್ತ ಇತಿ । ಯದ್ಯಗ್ನಿಷ್ಟೋಮ-ಸ್ಸೋಮಃ ಪರಸ್ತಾ-ಥ್ಸ್ಯಾತ್ ॥ 34 ॥
ಉಕ್ಥ್ಯ-ಙ್ಕುರ್ವೀತ । ಯದ್ಯುಕ್ಥ್ಯಃ ಸ್ಯಾತ್ । ಅತಿರಾತ್ರ-ಙ್ಕುರ್ವೀತ । ಯಜ್ಞಕ್ರತುಭಿ-ರೇವಾಸ್ಯ ದೇವತಾ ವೃಙ್ಕ್ತೇ ॥ ಯೋ ವೈ ಛನ್ದೋಭಿ-ರಭಿಭವತಿ । ಸ ಸಗ್ಂ ಸುನ್ವತೋ-ರಭಿಭವತಿ । ಸಂವೇಁಶಾಯ ತ್ವೋಪವೇಶಾಯ-ತ್ವೇತ್ಯಾಹ । ಛನ್ದಾಗ್ಂಸಿ ವೈ ಸಂವೇಁಶ ಉಪವೇಶಃ । ಛನ್ದೋಭಿರೇವಾಸ್ಯ ಛನ್ದಾಗ್ಸ್ಯ-ಭಿಭವತಿ ॥ ಇಷ್ಟರ್ಗೋ ವಾ ಋತ್ವಿಜಾ-ಮದ್ಧ್ವರ್ಯುಃ ॥ 35 ॥
ಇಷ್ಟರ್ಗಃ ಖಲು ವೈ ಪೂರ್ವೋ-ಽರ್ಷ್ಟುಃ, ಕ್ಷೀಯತೇ । ಪ್ರಾಣಾಪಾನೌ ಮೃತ್ಯೋರ್ಮಾ ಪಾತಮಿತ್ಯಾಹ । ಪ್ರಾಣಾಪಾನಯೋರೇವ ಶ್ರಯತೇ । ಪ್ರಾಣಾಪಾನೌ ಮಾ ಮಾ ಹಾಸಿಷ್ಟಮಿತ್ಯಾಹ । ನೈನ-ಮ್ಪುರಾ-ಽಽಯುಷಃ ಪ್ರಾಣಾಪಾನೌ ಜಹಿತಃ ॥ ಆರ್ತಿಂ-ವಾಁ ಏತೇ ನಿಯನ್ತಿ । ಯೇಷಾ-ನ್ದೀಕ್ಷಿತಾನಾ-ಮ್ಪ್ರಮೀಯತೇ । ತಂ-ಯಁದವವರ್ಜೇಯುಃ । ಕ್ರೂರಕೃತಾಮಿವೈಷಾಂ-ಲೋಁಕ-ಸ್ಸ್ಯಾತ್ । ಆಹರ ದಹೇತಿ ಬ್ರೂಯಾತ್ ॥ 36 ॥
ತ-ನ್ದಕ್ಷಿಣತೋ ವೇದ್ಯೈ ನಿಧಾಯ । ಸರ್ಪರಾಜ್ಞಿಯಾ ಋಗ್ಭಿ-ಸ್ಸ್ತುಯುಃ । ಇಯಂ-ವೈಁ ಸರ್ಪತೋ ರಾಜ್ಞೀ । ಅಸ್ಯಾ ಏವೈನ-ಮ್ಪರಿದದತಿ ॥ ವ್ಯೃದ್ಧ-ನ್ತದಿತ್ಯಾಹುಃ । ಯ-ಥ್ಸ್ತುತ-ಮನನುಶಸ್ತ-ಮಿತಿ । ಹೋತಾ ಪ್ರಥಮಃ ಪ್ರಾಚೀನಾವೀತೀ ಮಾರ್ಜಾಲೀಯ-ಮ್ಪರೀಯಾತ್ । ಯಾಮೀರನು-ಬ್ರುವನ್ನ್ । ಸರ್ಪರಾಜ್ಞೀನಾ-ಙ್ಕೀರ್ತಯೇತ್ । ಉಭಯೋರೇವೈನಂ-ಲೋಁಕಯೋಃ ಪರಿದದತಿ ॥ 37 ॥
ಅಥೋ ಧುವನ್ತ್ಯೇವೈನಮ್ । ಅಥೋ ನ್ಯೇವಾಸ್ಮೈ ಹ್ನುವತೇ ॥ ತ್ರಿಃ ಪರಿಯನ್ತಿ । ತ್ರಯ ಇಮೇ ಲೋಕಾಃ । ಏಭ್ಯ ಏವೈನಂ-ಲೋಁಕೇಭ್ಯೋ ಧುವತೇ । ತ್ರಿಃ ಪುನಃ ಪರಿಯನ್ತಿ । ಷಟ್-ಥ್ಸಮ್ಪದ್ಯನ್ತೇ । ಷಡ್ವಾ ಋತವಃ । ಋತುಭಿರೇವೈನ-ನ್ಧುವತೇ ॥ ಅಗ್ನ ಆಯೂಗ್ಂಷಿ ಪವಸ ಇತಿ ಪ್ರತಿಪದ-ಙ್ಕುರ್ವೀರನ್ನ್ । ರಥನ್ತರಸಾಮೈಷಾಗ್ಂ ಸೋಮಃ ಸ್ಯಾತ್ । ಆಯುರೇವಾತ್ಮನ್-ದಧತೇ । ಅಥೋ ಪಾಪ್ಮಾನಮೇವ ವಿಜಹತೋ ಯನ್ತಿ ॥ 38 ॥
(ಅಭಿಜಿತ್ಯೈ - ಪೃಥಿವ್ಯಾಶ್ಚ - ಸ್ಯಾ - ದದ್ಧ್ವರ್ಯು--ರ್ ಬ್ರುಯಾಲ್ - ಲೋಕಯೋಃ ಪರಿದದತಿ - ಕುರ್ವರಗ್ಗ್ ಸ್ತ್ರೀಣಿ ಚ) (ಅ. 6)
ಅನುವಾಕಂ 7 - ಯೂಪವಿರೋಹಣಾದಿಪ್ರಾಯಶ್ಚಿತ್ತಮ್
ಅಸುರ್ಯಂ-ವಾಁ ಏತಸ್ಮಾ-ದ್ವರ್ಣ-ಙ್ಕೃತ್ವಾ । ಪಶವೋ ವೀರ್ಯ-ಮಪಕ್ರಾಮನ್ತಿ । ಯಸ್ಯ ಯೂಪೋ ವಿರೋಹತಿ । ತ್ವಾಷ್ಟ್ರ-ಮ್ಬಹುರೂಪ-ಮಾಲಭೇತ । ತ್ವಷ್ಟಾ ವೈ ರೂಪಾಣಾಮೀಶೇ । ಯ ಏವ ರೂಪಾಣಾಮೀಶೇ । ಸೋ-ಽಸ್ಮಿ-ನ್ಪಶೂನ್. ವೀರ್ಯಂ-ಯಁಚ್ಛತಿ । ನಾಸ್ಮಾತ್-ಪಶವೋ ವೀರ್ಯ-ಮಪಕ್ರಾಮನ್ತಿ ॥ ಆರ್ತಿಂ-ವಾಁ ಏತೇ ನಿಯನ್ತಿ । ಯೇಷಾ-ನ್ದೀಕ್ಷಿತಾನಾ-ಮಗ್ನಿ-ರುದ್ವಾಯತಿ ॥ 39 ॥
ಅನುವಾಕಂ 7 - ಯೂಪವಿರೋಹಣಾದಿಪ್ರಾಯಶ್ಚಿತ್ತಮ್
ಅಸುರ್ಯಂ-ವಾಁ ಏತಸ್ಮಾ-ದ್ವರ್ಣ-ಙ್ಕೃತ್ವಾ । ಪಶವೋ ವೀರ್ಯ-ಮಪಕ್ರಾಮನ್ತಿ । ಯಸ್ಯ ಯೂಪೋ ವಿರೋಹತಿ । ತ್ವಾಷ್ಟ್ರ-ಮ್ಬಹುರೂಪ-ಮಾಲಭೇತ । ತ್ವಷ್ಟಾ ವೈ ರೂಪಾಣಾಮೀಶೇ । ಯ ಏವ ರೂಪಾಣಾಮೀಶೇ । ಸೋ-ಽಸ್ಮಿ-ನ್ಪಶೂನ್. ವೀರ್ಯಂ-ಯಁಚ್ಛತಿ । ನಾಸ್ಮಾತ್-ಪಶವೋ ವೀರ್ಯ-ಮಪಕ್ರಾಮನ್ತಿ ॥ ಆರ್ತಿಂ-ವಾಁ ಏತೇ ನಿಯನ್ತಿ । ಯೇಷಾ-ನ್ದೀಕ್ಷಿತಾನಾ-ಮಗ್ನಿ-ರುದ್ವಾಯತಿ ॥ 39 ॥
ಯದಾಹವನೀಯ ಉದ್ವಾಯೇತ್ । ಯತ್ತ-ಮ್ಮನ್ಥೇತ್ । ವಿಚ್ಛಿನ್ದ್ಯಾತ್ । ಭ್ರಾತೃವ್ಯಮಸ್ಮೈ ಜನಯೇತ್ । ಯದಾಹವನೀಯ ಉದ್ವಾಯೇತ್ । ಆಗ್ನೀದ್ಧ್ರಾ-ದುದ್ಧರೇತ್ । ಯದಾಗ್ನೀದ್ಧ್ರ ಉದ್ವಾಯೇತ್ । ಗಾರ್ಹಪತ್ಯಾ-ದುದ್ಧರೇತ್ । ಯ-ದ್ಗಾರ್ಹಪತ್ಯ ಉದ್ವಾಯೇತ್ । ಅತ ಏವ ಪುನ-ರ್ಮನ್ಥೇತ್ ॥ 40 ॥
ಅತ್ರ ವಾವ ಸ ನಿಲಯತೇ । ಯತ್ರ ಖಲು ವೈ ನಿಲೀನ-ಮುತ್ತಮ-ಮ್ಪಶ್ಯನ್ತಿ । ತದೇನ-ಮಿಚ್ಛನ್ತಿ ॥ ಯಸ್ಮಾ-ದ್ದಾರೋರುದ್ವಾಯೇತ್ । ತಸ್ಯಾರಣೀ ಕುರ್ಯಾತ್ । ಕ್ರುಮುಕಮಪಿ ಕುರ್ಯಾತ್ । ಏಷಾ ವಾ ಅಗ್ನೇಃ ಪ್ರಿಯಾ ತನೂಃ । ಯತ್-ಕ್ರುಮುಕಃ । ಪ್ರಿಯಯೈವೈನ-ನ್ತನುವಾ ಸಮರ್ಧಯತಿ ॥ ಗಾರ್ಹಪತ್ಯ-ಮ್ಮನ್ಥತಿ ॥ 41 ॥
ಗಾರ್ಹಪತ್ಯೋ ವಾ ಅಗ್ನೇರ್ಯೋನಿಃ । ಸ್ವಾದೇವೈನಂ-ಯೋಁನೇ-ರ್ಜನಯತಿ । ನಾಸ್ಮೈ ಭ್ರಾತೃವ್ಯ-ಞ್ಜನಯತಿ ॥ ಯಸ್ಯ ಸೋಮ ಉಪದಸ್ಯೇತ್ । ಸುವರ್ಣಗ್ಂ ಹಿರಣ್ಯ-ನ್ದ್ವೇಧಾ ವಿಚ್ಛಿದ್ಯ । ಋಜೀಷೇ-ಽನ್ಯದಾಧೂನುಯಾತ್ । ಜುಹುಯಾದನ್ಯತ್ । ಸೋಮಮೇವಾ-ಭಿಷುಣೋತಿ । ಸೋಮ-ಞ್ಜುಹೋತಿ ॥ ಸೋಮಸ್ಯ ವಾ ಅಭಿಷೂಯಮಾಣಸ್ಯ ಪ್ರಿಯಾ ತನೂ-ರುದಕ್ರಾಮತ್ ॥ 42 ॥
ತ-ಥ್ಸುವರ್ಣಗ್ಂ ಹಿರಣ್ಯ-ಮಭವತ್ । ಯ-ಥ್ಸುವರ್ಣಗ್ಂ ಹಿರಣ್ಯ-ಙ್ಕುರ್ವನ್ತಿ । ಪ್ರಿಯಯೈವೈನ-ನ್ತನುವಾ ಸಮರ್ಧಯನ್ತಿ ॥ ಯಸ್ಯಾಕ್ರೀತಗ್ಂ ಸೋಮ-ಮಪಹರೇಯುಃ । ಕ್ರೀಣೀಯಾದೇವ । ಸೈವ ತತಃ ಪ್ರಾಯಶ್ಚಿತ್ತಿಃ ॥ ಯಸ್ಯ ಕ್ರೀತಮಪಹರೇಯುಃ । ಆದಾರಾಗ್ಶ್ಚ ಫಾಲ್ಗುನಾನಿ ಚಾಭಿಷುಣುಯಾತ್ । ಗಾಯತ್ರೀ ಯಗ್ಂ ಸೋಮಮಾಹರತ್ । ತಸ್ಯ ಯೋ-ಽಗ್ಂಶುಃ ಪರಾ-ಽಪತತ್ ॥ 43 ॥
ತ ಆದಾರಾ ಅಭವನ್ನ್ । ಇನ್ದ್ರೋ ವೃತ್ರಮಹನ್ನ್ । ತಸ್ಯ ವಲ್ಕಃ ಪರಾ-ಽಪತತ್ । ತಾನಿ ಫಾಲ್ಗುನಾನ್ಯಭವನ್ನ್ । ಪಶವೋ ವೈ ಫಾಲ್ಗುನಾನಿ । ಪಶವ-ಸ್ಸೋಮೋ ರಾಜಾ । ಯದಾದಾರಾಗ್ಶ್ಚ ಫಾಲ್ಗುನಾನಿ ಚಾಭಿಷುಣೋತಿ । ಸೋಮಮೇವ ರಾಜಾನಮಭಿಷುಣೋತಿ ॥ ಶೃತೇನ ಪ್ರಾತಸ್ಸವನೇ ಶ್ರೀಣೀಯಾತ್ । ದದ್ಧ್ನಾ ಮದ್ಧ್ಯನ್ದಿನೇ ॥ 44 ॥
ನೀತಮಿಶ್ರೇಣ ತೃತೀಯಸವನೇ । ಅಗ್ನಿಷ್ಟೋಮ-ಸ್ಸೋಮಃ ಸ್ಯಾ-ದ್ರಥನ್ತರಸಾಮಾ । ಯ ಏವರ್ತ್ವಿಜೋ ವೃತಾ-ಸ್ಸ್ಯುಃ । ತ ಏನಂ-ಯಾಁಜಯೇಯುಃ । ಏಕಾ-ಙ್ಗಾ-ನ್ದಕ್ಷಿಣಾ-ನ್ದದ್ಯಾತ್ತೇಭ್ಯ ಏವ । ಪುನ-ಸ್ಸೋಮ-ಙ್ಕ್ರೀಣೀಯಾತ್ । ಯಜ್ಞೇನೈವ ತ-ದ್ಯಜ್ಞ-ಮಿಚ್ಛತಿ । ಸೈವ ತತಃ ಪ್ರಾಯಶ್ಚಿತ್ತಿಃ ॥ ಸರ್ವಾಭ್ಯೋ ವಾ ಏಷ ದೇವತಾಭ್ಯ-ಸ್ಸರ್ವೇಭ್ಯಃ ಪೃಷ್ಠೇಭ್ಯ ಆತ್ಮಾನ-ಮಾಗುರತೇ । ಯ-ಸ್ಸತ್ರಾಯಾಗುರತೇ । ಏತಾವಾನ್-ಖಲು ವೈ ಪುರುಷಃ । ಯಾವದಸ್ಯ ವಿತ್ತಮ್ । ಸರ್ವವೇದಸೇನ ಯಜೇತ । ಸರ್ವಪೃಷ್ಠೋ-ಽಸ್ಯ ಸೋಮಃ ಸ್ಯಾತ್ । ಸರ್ವಾಭ್ಯ ಏವ ದೇವತಾಭ್ಯ-ಸ್ಸರ್ವೇಭ್ಯಃ ಪೃಷ್ಠೇಭ್ಯ ಆತ್ಮಾನ-ನ್ನಿಷ್ಕ್ರೀಣೀತೇ ॥ 45 ॥
(ಉದ್ವಾಯತಿ - ಮನ್ಥೇನ್ - ಮನ್ಥ - ತ್ಯಕ್ರಾಮತ್ - ಪರಾ-ಽಪತನ್ - ಮದ್ಧ್ಯನ್ದಿನ - ಆಗುರತೇ ಪಞ್ಚ ಚ) (ಅ. 7)
ಅನುವಾಕಂ 8 - ಪಾವಮಾನೀಮನ್ತ್ರಾಃ (ಸ್ಮಾರ್ತೇ ಶ್ಞಾನಾದೌ ಮಾರ್ಜನಾರ್ಥಾಶ್ಚ)
ಪವಮಾನ-ಸ್ಸುವರ್ಜನಃ । ಪವಿತ್ರೇಣ ವಿಚರ್ಷಣಿಃ । ಯಃ ಪೋತಾ ಸ ಪುನಾತು ಮಾ ॥ ಪುನನ್ತು ಮಾ ದೇವಜನಾಃ । ಪುನನ್ತು ಮನ ವೋ ಧಿಯಾ । ಪುನನ್ತು ವಿಶ್ವ ಆಯವಃ ॥ ಜಾತವೇದಃ ಪವಿತ್ರವತ್ । ಪವಿತ್ರೇಣ ಪುನಾಹಿ ಮಾ । ಶುಕ್ರೇಣ ದೇವ ದೀದ್ಯತ್ । ಅಗ್ನೇ ಕ್ರತ್ವಾ ಕ್ರತೂಗ್ಂ ರನು ॥ 46 ॥
ಅನುವಾಕಂ 8 - ಪಾವಮಾನೀಮನ್ತ್ರಾಃ (ಸ್ಮಾರ್ತೇ ಶ್ಞಾನಾದೌ ಮಾರ್ಜನಾರ್ಥಾಶ್ಚ)
ಪವಮಾನ-ಸ್ಸುವರ್ಜನಃ । ಪವಿತ್ರೇಣ ವಿಚರ್ಷಣಿಃ । ಯಃ ಪೋತಾ ಸ ಪುನಾತು ಮಾ ॥ ಪುನನ್ತು ಮಾ ದೇವಜನಾಃ । ಪುನನ್ತು ಮನ ವೋ ಧಿಯಾ । ಪುನನ್ತು ವಿಶ್ವ ಆಯವಃ ॥ ಜಾತವೇದಃ ಪವಿತ್ರವತ್ । ಪವಿತ್ರೇಣ ಪುನಾಹಿ ಮಾ । ಶುಕ್ರೇಣ ದೇವ ದೀದ್ಯತ್ । ಅಗ್ನೇ ಕ್ರತ್ವಾ ಕ್ರತೂಗ್ಂ ರನು ॥ 46 ॥
ಯತ್ತೇ ಪವಿತ್ರ-ಮರ್ಚಿಷಿ । ಅಗ್ನೇ ವಿತತಮನ್ತರಾ । ಬ್ರಹ್ಮ ತೇನ ಪುನೀಮಹೇ ॥ ಉಭಾಭ್ಯಾ-ನ್ದೇವ ಸವಿತಃ ।ಪವಿತ್ರೇಣ ಸವೇನ ಚ । ಇದ-ಮ್ಬ್ರಹ್ಮ ಪುನೀಮಹೇ ॥ ವೈಶ್ವದೇವೀ ಪುನತೀ ದೇವ್ಯಾಗಾತ್ । ಯಸ್ಯೈ ಬಹ್ವೀ-ಸ್ತನುವೋ ವೀತಪೃಷ್ಠಾಃ । ತಯಾ ಮದನ್ತ-ಸ್ಸಧಮಾದ್ಯೇಷು । ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ॥ 47 ॥
ವೈಶ್ವಾನರೋ ರಶ್ಮಿಭಿರ್ಮಾ ಪುನಾತು । ವಾತಃ ಪ್ರಾಣೇನೇಷಿರೋ ಮಯೋಭೂಃ । ದ್ಯಾವಾಪೃಥಿವೀ ಪಯಸಾ ಪಯೋಭಿಃ । ಋತಾವರೀ ಯಜ್ಞಿಯೇ ಮಾ ಪುನೀತಾಮ್ ॥ ಬೃಹದ್ಭಿಃ ಸವಿತಸ್ತೃಭಿಃ । ವರ್ಷಿಷ್ಠೈ-ರ್ದೇವ ಮನ್ಮಭಿಃ । ಅಗ್ನೇ ದಕ್ಷೈಃ ಪುನಾಹಿ ಮಾ ॥ ಯೇನ ದೇವಾ ಅಪುನತ । ಯೇನಾಪೋ ದಿವ್ಯ-ಙ್ಕಶಃ । ತೇನ ದಿವ್ಯೇನ ಬ್ರಹ್ಮಣಾ ॥ 48 ॥
ಇದ-ಮ್ಬ್ರಹ್ಮ ಪುನೀಮಹೇ ॥ ಯಃ ಪಾವಮಾನೀರದ್ಧ್ಯೇತಿ । ಋಷಿಭಿ-ಸ್ಸಮ್ಭೃತಗ್ಂ ರಸಮ್ । ಸರ್ವಗ್ಂ ಸ ಪೂತಮಶ್ಞಾತಿ । ಸ್ವದಿತ-ಮ್ಮಾತರಿಶ್ವನಾ ॥ ಪಾವಮಾನೀರ್ಯೋ ಅದ್ಧ್ಯೇತಿ । ಋಷಿಭಿ-ಸ್ಸಮ್ಭೃತಗ್ಂ ರಸಮ್ । ತಸ್ಮೈ ಸರಸ್ವತೀ ದುಹೇ । ಕ್ಷೀರಗ್ಂ ಸರ್ಪಿ-ರ್ಮಧೂದಕಮ್ ॥ ಪಾವಮಾನೀ-ಸ್ಸ್ವಸ್ತ್ಯಯನೀಃ ॥ 49 ॥
ಸುದುಘಾ ಹಿ ಪಯಸ್ವತೀಃ । ಋಷಿಭಿ-ಸ್ಸಮ್ಭೃತೋ ರಸಃ । ಬ್ರಾಹ್ಮಣೇಷ್ವಮೃತಗ್ಂ ಹಿತಮ್ ॥ ಪಾವಮಾನೀ-ರ್ದಿಶನ್ತು ನಃ । ಇಮಂ-ಲೋಁಕಮಥೋ ಅಮುಮ್ । ಕಾಮಾನ್-ಥ್ಸಮರ್ಧಯನ್ತು ನಃ । ದೇವೀ-ರ್ದೇವೈ-ಸ್ಸಮಾಭೃತಾಃ ॥ ಪಾವಮಾನೀ-ಸ್ಸ್ವಸ್ತ್ಯಯನೀಃ । ಸುದುಘಾಹಿ ಘೃತಶ್ಚುತಃ । ಋಷಿಭಿ-ಸ್ಸಮ್ಭೃತೋ ರಸಃ ॥ 50 ॥
ಬ್ರಾಹ್ಮಣೇಷ್ವಮೃತಗ್ಂ ಹಿತಮ್ ॥ ಯೇನ ದೇವಾಃ ಪವಿತ್ರೇಣ । ಆತ್ಮಾನ-ಮ್ಪುನತೇ ಸದಾ । ತೇನ ಸಹಸ್ರಧಾರೇಣ । ಪಾವಮಾನ್ಯಃ ಪುನನ್ತು ಮಾ ॥ ಪ್ರಾಜಾಪತ್ಯ-ಮ್ಪವಿತ್ರಮ್ । ಶತೋದ್ಯಾಮಗ್ಂ ಹಿರಣ್ಮಯಮ್ । ತೇನ ಬ್ರಹ್ಮ ವಿದೋ ವಯಮ್ । ಪೂತ-ಮ್ಬ್ರಹ್ಮ ಪುನೀಮಹೇ ॥ ಇನ್ದ್ರಃ ಸುನೀತೀ ಸಹ ಮಾ ಪುನಾತು । ಸೋಮಃ ಸ್ವಸ್ತ್ಯಾ ವರುಣ-ಸ್ಸಮೀಚ್ಯಾ । ಯಮೋ ರಾಜಾ ಪ್ರಮೃಣಾಭಿಃ ಪುನಾತು ಮಾ । ಜಾತವೇದಾ ಮೋರ್ಜಯನ್ತ್ಯಾ ಪುನಾತು ॥ 51 ॥
(ಅನು - ರಯೀಣಾಂ - ಬ್ರಹ್ಮಣಾ - ಸ್ವಸ್ತ್ಯಯನೀಃ - ಸುದುಘಾ ಹಿ ಘೃತಶ್ಚುತ ಋಷಿಭಿ-ಸ್ಸಮ್ಭೃತೋ ರಸಃ - ಪುನಾತು ತ್ರೀಣಿ ಚ ) (ಅ. 8)
ಅನುವಾಕಂ 9 - ರಾಜಸೂಯಗತಚಾತುರ್ಮಾಸ್ಯಶೇಷಃ
ಪ್ರಜಾ ವೈ ಸತ್ರಮಾಸತ ತಪಸ್ತಪ್ಯಮಾನಾ ಅಜುಹ್ವತೀಃ । ದೇವಾ ಅಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ । ತಮುಪೋದತಿಷ್ಠನ್ತ-ಮಜುಹವುಃ । ತೇನಾರ್ಧಮಾಸ ಊರ್ಜಮವಾರುನ್ಧತ । ತಸ್ಮಾದರ್ಧಮಾಸೇ ದೇವಾ ಇಜ್ಯನ್ತೇ ॥ ಪಿತರೋ-ಽಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ । ತಮುಪೋದತಿಷ್ಠನ್ತ- ಮಜುಹವುಃ । ತೇನ ಮಾಸ್ಯೂರ್ಜಮವಾರುನ್ಧತ । ತಸ್ಮಾ-ನ್ಮಾಸಿ ಪಿತೃಭ್ಯಃ ಕ್ರಿಯತೇ । ಮನುಷ್ಯಾ ಅಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ ॥ 52 ॥
ಅನುವಾಕಂ 9 - ರಾಜಸೂಯಗತಚಾತುರ್ಮಾಸ್ಯಶೇಷಃ
ಪ್ರಜಾ ವೈ ಸತ್ರಮಾಸತ ತಪಸ್ತಪ್ಯಮಾನಾ ಅಜುಹ್ವತೀಃ । ದೇವಾ ಅಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ । ತಮುಪೋದತಿಷ್ಠನ್ತ-ಮಜುಹವುಃ । ತೇನಾರ್ಧಮಾಸ ಊರ್ಜಮವಾರುನ್ಧತ । ತಸ್ಮಾದರ್ಧಮಾಸೇ ದೇವಾ ಇಜ್ಯನ್ತೇ ॥ ಪಿತರೋ-ಽಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ । ತಮುಪೋದತಿಷ್ಠನ್ತ- ಮಜುಹವುಃ । ತೇನ ಮಾಸ್ಯೂರ್ಜಮವಾರುನ್ಧತ । ತಸ್ಮಾ-ನ್ಮಾಸಿ ಪಿತೃಭ್ಯಃ ಕ್ರಿಯತೇ । ಮನುಷ್ಯಾ ಅಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ ॥ 52 ॥
ತಮುಪೋದತಿಷ್ಠನ್ತ-ಮಜುಹವುಃ । ತೇನ-ದ್ವಯೀಮೂರ್ಜಮವಾರುನ್ಧತ । ತಸ್ಮಾ-ದ್ದ್ವಿರಹ್ನೋ-ಮನುಷ್ಯೇಭ್ಯ ಉಪಹ್ರಿಯತೇ । ಪ್ರಾತಶ್ಚ ಸಾಯ-ಞ್ಚ । ಪಶವೋ-ಽಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ । ತಮುಪೋದತಿಷ್ಠನ್ತ-ಮಜುಹವುಃ । ತೇನ-ತ್ರಯೀಮೂರ್ಜಮವಾ-ರುನ್ಧತ । ತಸ್ಮಾ-ತ್ತ್ರಿರಹ್ನಃ ಪಶವಃ ಪ್ರೇರತೇ । ಪ್ರಾತಸ್ಸಗಂವೇ ಸಾಯಮ್ । ಅಸುರಾ ಅಪಶ್ಯ-ಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾಮ್ ॥ 53 ॥
ತಮುಪೋದತಿಷ್ಠನ್ತ-ಮಜುಹವುಃ । ತೇನ ಸಂವಁಥ್ಸರ ಊರ್ಜಮವಾ-ರುನ್ಧತ ॥ ತೇ ದೇವಾ ಅಮನ್ಯನ್ತ । ಅಮೀ ವಾ ಇದಮಭೂವನ್ನ್ । ಯದ್ವಯಗ್ಗ್ಸ್ಮ ಇತಿ । ತ ಏತಾನಿ ಚಾತುರ್ಮಾಸ್ಯಾನ್ಯಪಶ್ಯನ್ನ್ । ತಾನಿ ನಿರವಪನ್ನ್ । ತೈರೇವೈಷಾ-ನ್ತಾಮೂರ್ಜಮವೃಞ್ಜತ । ತತೋ ದೇವಾ ಅಭವನ್ನ್ । ಪರಾ-ಽಸುರಾಃ ॥ 54 ॥
ಯ-ದ್ಯಜತೇ । ಯಾಮೇವ ದೇವಾ ಊರ್ಜಮವಾರುನ್ಧತ । ತಾ-ನ್ತೇನಾ-ವರುನ್ಧೇ । ಯ-ತ್ಪಿತೃಭ್ಯಃ ಕರೋತಿ । ಯಾಮೇವ ಪಿತರ ಊರ್ಜಮವಾ-ರುನ್ಧತ । ತಾ-ನ್ತೇನಾ-ವರುನ್ಧೇ । ಯದಾವಸಥೇ-ಽನ್ನಗ್ಂ ಹರನ್ತಿ । ಯಾಮೇವ ಮನುಷ್ಯಾ ಊರ್ಜಮವಾ-ರುನ್ಧತ । ತಾ-ನ್ತೇನಾ-ವರುನ್ಧೇ । ಯ-ದ್ದಕ್ಷಿಣಾ-ನ್ದದಾತಿ ॥ 55 ॥
ಯಾಮೇವ ಪಶವ ಊರ್ಜಮವಾ-ರುನ್ಧತ । ತಾ-ನ್ತೇನಾ-ವರುನ್ಧೇ । ಯಚ್ಚಾತು-ರ್ಮಾಸ್ಯೈ-ರ್ಯಜತೇ । ಯಾಮೇವಾಸುರಾ ಊರ್ಜಮ-ವಾರುನ್ಧತ । ತಾ-ನ್ತೇನಾ-ವರುನ್ಧೇ । ಭವತ್ಯಾತ್ಮನಾ । ಪರಾ-ಽಸ್ಯ ಭ್ರಾತೃವ್ಯೋ ಭವತಿ ॥ ವಿರಾಜೋ ವಾ ಏಷಾ ವಿಕ್ರಾನ್ತಿಃ । ಯಚ್ಚಾತು-ರ್ಮಾಸ್ಯಾನಿ । ವೈಶ್ವದೇವೇನಾಸ್ಮಿಁಲ್ಲೋಕೇ ಪ್ರತ್ಯತಿಷ್ಠತ್ । ವರುಣ ಪ್ರಘಾಸೈ-ರನ್ತರಿಕ್ಷೇ । ಸಾಕಮೇಧೈ-ರಮುಷ್ಮಿಁಲ್ಲೋಕೇ । ಏಷ ಹ ತ್ವಾವೈತ-ಥ್ಸರ್ವ-ಮ್ಭವತಿ । ಯ ಏವಂ-ವಿಁದ್ವಾಗ್ಶ್ಚಾತುರ್ಮಾಸ್ಯೈ-ರ್ಯಜತೇ ॥ 56 ॥
(ಮನುಷ್ಯಾ ಅಪಶ್ಯಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾ-ಮಸುರಾ ಅಪಶ್ಯಞ್ಚಮಸ-ಙ್ಘೃತಸ್ಯ ಪೂರ್ಣಗ್ಗ್ ಸ್ವಧಾ-ಮಸುರಾ-ದದಾ-ತ್ಯತಿಷ್ಠ ಚ್ಚತ್ವಾರಿ ಚ) (ಅ. 9)
ಅನುವಾಕಂ 10 - ಚಾತುರ್ಮಾಸ್ಯಪ್ರಶಂಸನಮ್
ಅಗ್ನಿರ್ವಾವ ಸಂವಁಥ್ಸರಃ । ಆದಿತ್ಯಃ ಪರಿವಥ್ಸರಃ । ಚನ್ದ್ರಮಾ ಇದಾವಥ್ಸರಃ । ವಾಯು-ರನುವಥ್ಸರಃ ॥ ಯ-ದ್ವೈಶ್ವದೇವೇನ ಯಜತೇ । ಅಗ್ನಿಮೇವ ತ-ಥ್ಸಂವಁಥ್ಸರ-ಮಾಪ್ನೋತಿ । ತಸ್ಮಾ-ದ್ವೈಶ್ವದೇವೇನ ಯಜಮಾನಃ । ಸಂವಁಥ್ಸರೀಣಾಗ್ ಸ್ವಸ್ತಿ-ಮಾಶಾಸ್ತ ಇತ್ಯಾಶಾಸೀತ ॥ ಯ-ದ್ವರುಣ ಪ್ರಘಾಸೈ-ರ್ಯಜತೇ । ಆದಿತ್ಯಮೇವ ತ-ತ್ಪರಿವಥ್ಸರ-ಮಾಪ್ನೋತಿ ॥ 57 ॥
ಅನುವಾಕಂ 10 - ಚಾತುರ್ಮಾಸ್ಯಪ್ರಶಂಸನಮ್
ಅಗ್ನಿರ್ವಾವ ಸಂವಁಥ್ಸರಃ । ಆದಿತ್ಯಃ ಪರಿವಥ್ಸರಃ । ಚನ್ದ್ರಮಾ ಇದಾವಥ್ಸರಃ । ವಾಯು-ರನುವಥ್ಸರಃ ॥ ಯ-ದ್ವೈಶ್ವದೇವೇನ ಯಜತೇ । ಅಗ್ನಿಮೇವ ತ-ಥ್ಸಂವಁಥ್ಸರ-ಮಾಪ್ನೋತಿ । ತಸ್ಮಾ-ದ್ವೈಶ್ವದೇವೇನ ಯಜಮಾನಃ । ಸಂವಁಥ್ಸರೀಣಾಗ್ ಸ್ವಸ್ತಿ-ಮಾಶಾಸ್ತ ಇತ್ಯಾಶಾಸೀತ ॥ ಯ-ದ್ವರುಣ ಪ್ರಘಾಸೈ-ರ್ಯಜತೇ । ಆದಿತ್ಯಮೇವ ತ-ತ್ಪರಿವಥ್ಸರ-ಮಾಪ್ನೋತಿ ॥ 57 ॥
ತಸ್ಮಾ-ದ್ವರುಣ-ಪ್ರಘಾಸೈ-ರ್ಯಜಮಾನಃ । ಪರಿವಥ್ಸರೀಣಾಗ್ ಸ್ವಸ್ತಿ-ಮಾಶಾಸ್ತ ಇತ್ಯಾಶಾಸೀತ । ಯ-ಥ್ಸಾಕಮೇಧೈ-ರ್ಯಜತೇ । ಚನ್ದ್ರಮಸಮೇವ ತದಿದಾವಥ್ಸರ-ಮಾಪ್ನೋತಿ । ತಸ್ಮಾ-ಥ್ಸಾಕಮೇಧೈ-ರ್ಯಜಮಾನಃ । ಇದಾವಥ್ಸರೀಣಾಗ್ ಸ್ವಸ್ತಿ-ಮಾಶಾಸ್ತ ಇತ್ಯಾಶಾಸೀತ ॥ ಯ-ತ್ಪಿತೃ ಯಜ್ಞೇನ ಯಜತೇ । ದೇವಾನೇವ ತದನ್ವವಸ್ಯತಿ ॥ ಅಥ ವಾ ಅಸ್ಯ ವಾಯುಶ್ಚಾ-ನುವಥ್ಸರಶ್ಚಾ ಪ್ರೀತಾವುಚ್ಛಿಷ್ಯೇತೇ । ಯಚ್ಛುನಾಸೀರೀಯೇಣ ಯಜತೇ ॥ 58 ॥
ವಾಯುಮೇವ ತದನುವಥ್ಸರ-ಮಾಪ್ನೋತಿ । ತಸ್ಮಾ-ಚ್ಛುನಾಸೀರೀಯೇಣ ಯಜಮಾನಃ । ಅನುವಥ್ಸರೀಣಾಗ್ ಸ್ವಸ್ತಿ-ಮಾಶಾಸ್ತ ಇತ್ಯಾಶಾಸೀತ ॥ ಸಂವಁಥ್ಸರಂ-ವಾಁ ಏಷ ಈಫ್ಸತೀತ್ಯಾಹುಃ । ಯಶ್ಚಾತು-ರ್ಮಾಸ್ಯೈ-ರ್ಯಜತ ಇತಿ । ಏಷ ಹ ತ್ವೈ ಸವನ್ಥ್ಸರ-ಮಾಪ್ನೋತಿ । ಯ ಏವಂ-ವಿಁದ್ವಾಗ್ ಶ್ಚಾತುರ್ಮಾಸ್ಯೈ-ರ್ಯಜತೇ ॥ ವಿಶ್ವೇ ದೇವಾ-ಸ್ಸಮಯಜನ್ತ । ತೇ-ಽಗ್ನಿಮೇವಾಯಜನ್ತ । ತ ಏತಂ-ಲೋಁಕಮಜಯನ್ನ್ ॥ 59 ॥
ಯಸ್ಮಿನ್ನಗ್ನಿಃ । ಯ-ದ್ವೈಶ್ವದೇವೇನ ಯಜತೇ । ಏತಮೇವ ಲೋಕ-ಞ್ಜಯತಿ । ಯಸ್ಮಿನ್ನಗ್ನಿಃ । ಅಗ್ನೇರೇವ ಸಾಯುಜ್ಯಮುಪೈತಿ ॥ ಯದಾ ವೈಶ್ವದೇವೇನ ಯಜತೇ । ಅಥ ಸಂವಁಥ್ಸರಸ್ಯ ಗೃಹಪತಿ-ಮಾಪ್ನೋತಿ । ಯದಾ ಸಂವಁಥ್ಸರಸ್ಯ ಗೃಹಪತಿ-ಮಾಪ್ನೋತಿ । ಅಥ ಸಹಸ್ರಯಾಜಿನ-ಮಾಪ್ನೋತಿ । ಯದಾ ಸಹಸ್ರಯಾಜಿನ-ಮಾಪ್ನೋತಿ ॥ 60 ॥
ಅಥ ಗೃಹಮೇಧಿನ-ಮಾಪ್ನೋತಿ । ಯದಾ ಗೃಹಮೇಧಿನ-ಮಾಪ್ನೋತಿ । ಅಥಾಗ್ನಿ-ರ್ಭವತಿ । ಯದಾ-ಽಗ್ನಿ-ರ್ಭವತಿ । ಅಥ ಗೌರ್ಭವತಿ । ಏಷಾ ವೈ ವೈಶ್ವದೇವಸ್ಯ ಮಾತ್ರಾ । ಏತ-ದ್ವಾ ಏತೇಷಾಮವಮಮ್ । ಅತೋ-ಽತೋ ವಾ ಉತ್ತರಾಣಿ ಶ್ರೇಯಾಗ್ಂಸಿ ಭವನ್ತಿ । ಯ-ದ್ವಿಶ್ವೇ ದೇವಾ-ಸ್ಸಮಯಜನ್ತ । ತ-ದ್ವೈಶ್ವದೇವಸ್ಯ ವೈಶ್ವದೇವತ್ವಮ್ ॥ 61 ॥
ಅಥಾದಿತ್ಯೋ ವರುಣಗ್ಂ ರಾಜಾನಂ-ವಁರುಣ ಪ್ರಘಾಸೈರಯಜತ । ಸ ಏತಂ-ಲೋಁಕಮಜಯತ್ । ಯಸ್ಮಿನ್ನಾದಿತ್ಯಃ । ಯ-ದ್ವರುಣ-ಪ್ರಘಾಸೈ-ರ್ಯಜತೇ । ಏತಮೇವ ಲೋಕ-ಞ್ಜಯತಿ । ಯಸ್ಮಿನ್ನಾದಿತ್ಯಃ । ಆದಿತ್ಯಸ್ಯೈವ-ಸಾಯುಜ್ಯ-ಮುಪೈತಿ । ಯದಾದಿತ್ಯೋ ವರುಣಗ್ಂ ರಾಜಾನಂ-ವಁರುಣ ಪ್ರಘಾಸೈರಯಜತ । ತ-ದ್ವರುಣ ಪ್ರಘಾಸಾನಾಂ-ವಁರುಣ ಪ್ರಘಾಸತ್ವಮ್ ॥ ಅಥ ಸೋಮೋ ರಾಜಾ ಛನ್ದಾಗ್ಂಸಿ ಸಾಕಮೇಧೈರಯಜತ ॥ 62 ॥
ಸ ಏತಂ-ಲೋಁಕಮಜಯತ್ । ಯಸ್ಮಿಗ್ಗ್ ಶ್ಚನ್ದ್ರಮಾ ವಿಭಾತಿ । ಯ-ಥ್ಸಾಕಮೇಧೈ-ರ್ಯಜತೇ । ಏತಮೇವ ಲೋಕ-ಞ್ಜಯತಿ । ಯಸ್ಮಿಗ್ಗ್ ಶ್ಚನ್ದ್ರಮಾ ವಿಭಾತಿ । ಚನ್ದ್ರಮಸ ಏವ ಸಾಯುಜ್ಯ-ಮುಪೈತಿ । ಸೋಮೋ ವೈ ಚನ್ದ್ರಮಾಃ । ಏಷ ಹ ತ್ವೈ ಸಾಕ್ಷಾ-ಥ್ಸೋಮ-ಮ್ಭಕ್ಷಯತಿ । ಯ ಏವಂ-ವಿಁದ್ವಾನ್-ಥ್ಸಾಕಮೇಧೈ-ರ್ಯಜತೇ । ಯ-ಥ್ಸೋಮಶ್ಚ ರಾಜಾ ಛನ್ದಾಗ್ಂಸಿ ಚ ಸಮೈಧನ್ತ ॥ 63 ॥
ತ-ಥ್ಸಾಕಮೇಧಾನಾಗ್ಂ ಸಾಕಮೇಧತ್ವಮ್ ॥ ಅಥರ್ತವಃ ಪಿತರಃ ಪ್ರಜಾಪತಿ-ಮ್ಪಿತರ-ಮ್ಪಿತೃಯಜ್ಞೇ-ನಾಯಜನ್ತ । ತ ಏತಂ-ಲೋಁಕಮಜಯನ್ನ್ । ಯಸ್ಮಿನ್ನೃತವಃ । ಯ-ತ್ಪಿತೃಯಜ್ಞೇನ ಯಜತೇ । ಏತಮೇವ ಲೋಕ-ಞ್ಜಯತಿ । ಯಸ್ಮಿನ್ನೃತವಃ । ಋತೂನಾಮೇವ ಸಾಯುಜ್ಯ-ಮುಪೈತಿ । ಯದ್-ಋತವಃ ಪಿತರಃ ಪ್ರಜಾಪತಿ-ಮ್ಪಿತರ-ಮ್ಪಿತೃಯಜ್ಞೇನಾಯಜನ್ತ । ತ-ತ್ಪಿತೃಯಜ್ಞಸ್ಯ ಪಿತೃಯಜ್ಞತ್ವಮ್ ॥ 64 ॥
ಅಥೌಷಧಯ ಇಮ-ನ್ದೇವ-ನ್ತ್ರ್ಯಮ್ಬಕೈ-ರಯಜನ್ತ ಪ್ರಥೇಮಹೀತಿ । ತತೋ ವೈ ತಾ ಅಪ್ರಥನ್ತ । ಯ ಏವಂ-ವಿಁದ್ವಾಗ್ ಸ್ತ್ರ್ಯಮ್ಬಕೈ-ರ್ಯಜತೇ । ಪ್ರಥತೇ ಪ್ರಜಯಾ ಪಶುಭಿಃ ॥ ಅಥ ವಾಯುಃ ಪರಮೇಷ್ಠಿನಗ್ಂ ಶುನಾಸೀರೀಯೇಣಾಯಜತ । ಸ ಏತಂ-ಲೋಁಕಮಜಯತ್ । ಯಸ್ಮಿನ್-ವಾಯುಃ । ಯಚ್ಛುನಾಸೀರೀಯೇಣ ಯಜತೇ । ಏತಮೇವ ಲೋಕ-ಞ್ಜಯತಿ । ಯಸ್ಮಿನ್-ವಾಯುಃ ॥ 65 ॥
ವಾಯೋರೇವ ಸಾಯುಜ್ಯ-ಮುಪೈತಿ ॥ ಬ್ರಹ್ಮವಾದಿನೋ ವದನ್ತಿ । ಪ್ರ ಚಾತುರ್ಮಾಸ್ಯಯಾಜೀ-ಮೀಯತಾ(3) ನ ಪ್ರಮೀಯತಾ(3) ಇತಿ । ಜೀವನ್ವಾ ಏಷ ಋತೂನಪ್ಯೇತಿ । ಯದಿ ವಸನ್ತಾ ಪ್ರಮೀಯತೇ । ವಸನ್ತೋ ಭವತಿ । ಯದಿ ಗ್ರೀಷ್ಮೇ ಗ್ರೀಷ್ಮಃ । ಯದಿ ವರ್ಷಾಸು ವರ್ಷಾಃ । ಯದಿ ಶರದಿ ಶರತ್ । ಯದಿ ಹೇಮನ್. ಹೇಮನ್ತಃ । ಋತುರ್ಭೂತ್ವಾ ಸಂವಁಥ್ಸರಮಪ್ಯೇತಿ । ಸಂವಁಥ್ಸರಃ ಪ್ರಜಾಪತಿಃ । ಪ್ರಜಾಪತಿರ್ವಾ ವೈಷಃ ॥ 66 ॥
(ಪರಿವಥ್ಸರಮಾಪ್ನೋತಿ - ಶುನಾಸೀರೀಯೇಣ ಯಜತೇ - ಽಜಯನ್ಥ್ - ಸಹಸ್ರಯಾಜಿನಮಾಪ್ನೋತಿ - ವೈಶ್ವದೇವತ್ವಗ್ಂ - ಸಾಕಮೇಧೈರಯಜತ - ಸಮೈಧನ್ತ - ಪಿತೃಯಜ್ಞತ್ವಂ - ಜಯತಿ ಯಸ್ಮಿನ್ ವಾಯು--ರ್ ಹೇಮನ್ತ ಸ್ತ್ರೀಣೀ ಚ) (ಅ. 10)
(ಉಭಯೇ - ಯುವಗ್ಂ ಸುರಾಮ - ಮುದಸ್ಥಾನ್ - ನಿ ವೈ - ಯಸ್ಯ ಪ್ರಾತಸ್ಸವನ - ಏಕೈಕೋ - ಽಸುರ್ಯಮ್ - ಪವಮಾನಃ - ಪ್ರಜಾ ವೈ ಸತ್ರಮಾಸ - ತಾಗ್ನಿರ್ವಾವ ಸಂವಁಥ್ಸರೋ ದಶ )
(ಉಭಯೇ ವಾ - ಉದಸ್ಥಾಥ್ - ಸರ್ವಾಭಿ--ರ್ ಮದ್ಧ್ಯತೋ - ಽತ್ರ ವಾವ - ಬ್ರಾಹ್ಮಣೇಷ್ವ - ಥ ಗೃಹಮೇಧಿನಗ್ಂ ಷಟ್-ಥ್ಷಷ್ಟಿಃ)
(ಉಭಯೇ - ವಾವೈಷಃ)
॥ ಹರಿಃ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕೇ ಚತುರ್ಥಃ ಪ್ರಪಾಠಕ-ಸ್ಸಮಾಪ್ತಃ ॥
1 ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕಂ
(ಪರಿವಥ್ಸರಮಾಪ್ನೋತಿ - ಶುನಾಸೀರೀಯೇಣ ಯಜತೇ - ಽಜಯನ್ಥ್ - ಸಹಸ್ರಯಾಜಿನಮಾಪ್ನೋತಿ - ವೈಶ್ವದೇವತ್ವಗ್ಂ - ಸಾಕಮೇಧೈರಯಜತ - ಸಮೈಧನ್ತ - ಪಿತೃಯಜ್ಞತ್ವಂ - ಜಯತಿ ಯಸ್ಮಿನ್ ವಾಯು--ರ್ ಹೇಮನ್ತ ಸ್ತ್ರೀಣೀ ಚ) (ಅ. 10)
(ಉಭಯೇ - ಯುವಗ್ಂ ಸುರಾಮ - ಮುದಸ್ಥಾನ್ - ನಿ ವೈ - ಯಸ್ಯ ಪ್ರಾತಸ್ಸವನ - ಏಕೈಕೋ - ಽಸುರ್ಯಮ್ - ಪವಮಾನಃ - ಪ್ರಜಾ ವೈ ಸತ್ರಮಾಸ - ತಾಗ್ನಿರ್ವಾವ ಸಂವಁಥ್ಸರೋ ದಶ )
(ಉಭಯೇ ವಾ - ಉದಸ್ಥಾಥ್ - ಸರ್ವಾಭಿ--ರ್ ಮದ್ಧ್ಯತೋ - ಽತ್ರ ವಾವ - ಬ್ರಾಹ್ಮಣೇಷ್ವ - ಥ ಗೃಹಮೇಧಿನಗ್ಂ ಷಟ್-ಥ್ಷಷ್ಟಿಃ)
(ಉಭಯೇ - ವಾವೈಷಃ)
॥ ಹರಿಃ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕೇ ಚತುರ್ಥಃ ಪ್ರಪಾಠಕ-ಸ್ಸಮಾಪ್ತಃ ॥
1 ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕಂ