କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକେ ଚତୁର୍ଥଃ ପ୍ରପାଠକଃ - ସୋମାଦିବ୍ରାହ୍ମଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 - ଗ୍ରହଣା ଗ୍ରହଣମ୍
ଉ॒ଭଯେ॒ ଵା ଏ॒ତେ ପ୍ର॒ଜାପ॑ତେ॒ରଦ୍ଧ୍ଯ॑-ସୃଜ୍ଯନ୍ତ । ଦେ॒ଵାଶ୍ଚାସୁ॑ରାଶ୍ଚ । ତାନ୍ନ ଵ୍ଯ॑ଜାନାତ୍ । ଇ॒ମେ᳚-ଽନ୍ଯ ଇ॒ମେ᳚-ଽନ୍ଯ ଇତି॑ । ସ ଦେ॒ଵାନ॒ଗ୍ଂ॒ ଶୂନ॑କରୋତ୍ । ତାନ॒ଭ୍ଯ॑ଷୁଣୋତ୍ । ତା-ନ୍ପ॒ଵିତ୍ରେ॑ଣା-ପୁନାତ୍ । ତାନ୍-ପ॒ରସ୍ତା᳚ତ୍-ପ॒ଵିତ୍ର॑ସ୍ଯ॒-ଵ୍ଯ॑ଗୃହ୍ଣାତ୍ । ତେ ଗ୍ରହା॑ ଅଭଵନ୍ନ୍ । ତଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ ॥ 1 ॥
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 - ଗ୍ରହଣା ଗ୍ରହଣମ୍
ଉ॒ଭଯେ॒ ଵା ଏ॒ତେ ପ୍ର॒ଜାପ॑ତେ॒ରଦ୍ଧ୍ଯ॑-ସୃଜ୍ଯନ୍ତ । ଦେ॒ଵାଶ୍ଚାସୁ॑ରାଶ୍ଚ । ତାନ୍ନ ଵ୍ଯ॑ଜାନାତ୍ । ଇ॒ମେ᳚-ଽନ୍ଯ ଇ॒ମେ᳚-ଽନ୍ଯ ଇତି॑ । ସ ଦେ॒ଵାନ॒ଗ୍ଂ॒ ଶୂନ॑କରୋତ୍ । ତାନ॒ଭ୍ଯ॑ଷୁଣୋତ୍ । ତା-ନ୍ପ॒ଵିତ୍ରେ॑ଣା-ପୁନାତ୍ । ତାନ୍-ପ॒ରସ୍ତା᳚ତ୍-ପ॒ଵିତ୍ର॑ସ୍ଯ॒-ଵ୍ଯ॑ଗୃହ୍ଣାତ୍ । ତେ ଗ୍ରହା॑ ଅଭଵନ୍ନ୍ । ତଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ ॥ 1 ॥
ଦେ॒ଵତା॒ ଵା ଏ॒ତା ଯଜ॑ମାନସ୍ଯ ଗୃ॒ହେ ଗୃ॑ହ୍ଯନ୍ତେ । ଯ-ଦ୍ଗ୍ରହାଃ᳚ । ଵି॒ଦୁରେ॑ନ-ନ୍ଦେ॒ଵାଃ । ଯସ୍ଯୈ॒ଵଂ-ଵିଁ॒ଦୁଷ॑ ଏ॒ତେ ଗ୍ରହା॑ ଗୃ॒ହ୍ଯନ୍ତେ᳚ ॥ ଏ॒ଷା ଵୈ ସୋମ॒ସ୍ଯାହୁ॑ତିଃ । ଯଦୁ॑ପା॒ଗ୍ଂ॒ଶୁଃ । ସୋମେ॑ନ ଦେ॒ଵାଗ୍ ସ୍ତ॑ର୍ପଯା॒ଣୀତି॒ ଖଲୁ॒ ଵୈ ସୋମେ॑ନ ଯଜତେ । ଯଦୁ॑ପା॒ଗ୍ଂ॒ଶୁ-ଞ୍ଜୁ॒ହୋତି॑ । ସୋମେ॑ନୈ॒ଵ ତ-ଦ୍ଦେ॒ଵାଗ୍ ସ୍ତ॑ର୍ପଯତି ॥ ଯଦ୍ଗ୍ରହା᳚ଞ୍ଜୁ॒ହୋତି॑ ॥ 2 ॥
ଦେ॒ଵା ଏ॒ଵ ତ-ଦ୍ଦେ॒ଵାନ୍-ଗ॑ଚ୍ଛନ୍ତି ॥ ଯଚ୍ଚ॑ମ॒ସାଞ୍ଜୁ॒ହୋତି॑ । ତେନୈ॒ଵାନୁ॑ରୂପେଣ॒ ଯଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି ॥ କି-ନ୍ନ୍ଵେ॑ତଦଗ୍ର॑ ଆସୀ॒ଦିତ୍ଯା॑ହୁଃ । ଯ-ତ୍ପାତ୍ରା॒ଣୀତି॑ । ଇ॒ଯଂ-ଵାଁ ଏ॒ତଦଗ୍ର॑ ଆସୀତ୍ । ମୃ॒ନ୍ମଯା॑ନି॒ ଵା ଏ॒ତାନ୍ଯା॑ସନ୍ନ୍ । ତୈର୍ଦେ॒ଵା ନ ଵ୍ଯା॒ଵୃତ॑-ମଗଚ୍ଛନ୍ନ୍ । ତ ଏ॒ତାନି॑ ଦାରୁ॒ମଯା॑ଣି॒ ପାତ୍ରା᳚ଣ୍ଯ-ପଶ୍ଯନ୍ନ୍ । ତାନ୍ଯ॑କୁର୍ଵତ ॥ 3 ॥
ତୈର୍ଵୈ ତେ ଵ୍ଯା॒ଵୃତ॑-ମଗଚ୍ଛନ୍ନ୍ । ଯ-ଦ୍ଦା॑ରୁ॒ମଯା॑ଣି॒ ପାତ୍ରା॑ଣି॒ ଭଵ॑ନ୍ତି । ଵ୍ଯା॒ଵୃତ॑ମେ॒ଵ ତୈ-ର୍ଯଜ॑ମାନୋ ଗଚ୍ଛତି ॥ ଯାନି॑ ଦାରୁ॒ମଯା॑ଣି॒ ପାତ୍ରା॑ଣି॒ ଭଵ॑ନ୍ତି । ଅ॒ମୁମେ॒ଵ ତୈ-ର୍ଲୋ॒କ-ମ॒ଭିଜ॑ଯତି । ଯାନି॑ ମୃ॒ନ୍ମଯା॑ନି । ଇ॒ମମେ॒ଵ ତୈ-ର୍ଲୋ॒କ-ମ॒ଭିଜ॑ଯତି ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । କାଶ୍ଚତ॑ସ୍ର-ସ୍ସ୍ଥା॒ଲୀର୍ଵା॑ଯ॒ଵ୍ଯା᳚-ସ୍ସୋମ॒ଗ୍ରହ॑ଣୀ॒ରିତି॑ । ଦେ॒ଵା ଵୈ ପୃଶ୍ଞି॑ମଦୁହ୍ରନ୍ନ୍ ॥ 4 ॥
ତସ୍ଯା॑ ଏ॒ତେ ସ୍ତନା॑ ଆସନ୍ନ୍ । ଇ॒ଯଂ-ଵୈଁ ପୃଶ୍ଞିଃ॑ । ତାମା॑ଦି॒ତ୍ଯା ଆ॑ଦିତ୍ଯସ୍ଥା॒ଲ୍ଯା ଚତୁ॑ଷ୍ପଦଃ ପ॒ଶୂନ॑ଦୁହ୍ରନ୍ନ୍ । ଯଦା॑ଦିତ୍ଯସ୍ଥା॒ଲୀ ଭଵ॑ତି । ଚତୁ॑ଷ୍ପଦ ଏ॒ଵ ତଯା॑ ପ॒ଶୂନ୍. ଯଜ॑ମାନ ଇ॒ମା-ନ୍ଦୁ॑ହେ । ତାମିନ୍ଦ୍ର॑ ଉକ୍ଥ୍ଯସ୍ଥା॒ଲ୍ଯେନ୍ଦ୍ରି॒ଯ-ମ॑ଦୁହତ୍ । ଯଦୁ॑କ୍ଥ୍ଯସ୍ଥା॒ଲୀ ଭଵ॑ତି । ଇ॒ନ୍ଦ୍ରି॒ଯମେ॒ଵ ତଯା॒ ଯଜ॑ମାନ ଇ॒ମା-ନ୍ଦୁ॑ହେ । ତାଂ-ଵିଁଶ୍ଵେ॑ ଦେ॒ଵା ଆ᳚ଗ୍ରଯଣସ୍ଥା॒ଲ୍ଯୋର୍ଜ॑-ମଦୁହ୍ରନ୍ନ୍ । ଯଦା᳚ଗ୍ରଯଣସ୍ଥା॒ଲୀ ଭଵ॑ତି ॥ 5 ॥
ଊର୍ଜ॑ମେ॒ଵ ତଯା॒ ଯଜ॑ମାନ ଇ॒ମା-ନ୍ଦୁ॑ହେ । ତା-ମ୍ମ॑ନୁ॒ଷ୍ଯା᳚ ଧ୍ରୁଵସ୍ଥା॒ଲ୍ଯା ଽଽଯୁ॑ରଦୁହ୍ରନ୍ନ୍ । ଯଦ୍ଧ୍ରୁ॑ଵସ୍ଥା॒ଲୀ ଭଵ॑ତି । ଆଯୁ॑ରେ॒ଵ ତଯା॒ ଯଜ॑ମାନ ଇ॒ମା-ନ୍ଦୁ॑ହେ । ସ୍ଥା॒ଲ୍ଯା ଗୃ॒ହ୍ଣାତି॑ । ଵା॒ଯ॒ଵ୍ଯେ॑ନ ଜୁହୋତି । ତସ୍ମା॑ଦ॒ନ୍ଯେନ॒ ପାତ୍ରେ॑ଣ ପ॒ଶୂ-ନ୍ଦୁ॒ହନ୍ତି॑ । ଅ॒ନ୍ଯେନ॒ ପ୍ରତି॑ଗୃହ୍ଣନ୍ତି । ଅଥୋ᳚ ଵ୍ଯା॒ଵୃତ॑ମେ॒ଵ ତ-ଦ୍ଯଜ॑ମାନୋ ଗଚ୍ଛତି ॥ 6 ॥
(ଗ୍ର॒ହ॒ତ୍ଵଂ - ଗ୍ରହା᳚ନ୍ ଜୁ॒ହୋତ୍ଯ॑-କୁର୍ଵ-ତାଦୁହ୍ର-ନ୍ନାଗ୍ରଯଣସ୍ଥା॒ଲୀ ଭଵ॑ତି॒-+ନଵ॑ ଚ) (ଅ. 1)
ଅନୁଵାକଂ 2 - ସୋତ୍ରାମଣୀଶେଷା ମନ୍ତ୍ରାଃ
ଯୁ॒ଵଗ୍ଂ ସୁ॒ରାମ॑ମଶ୍ଵିନା । ନମୁ॑ଚାଵା-ଽସୁ॒ରେ ସଚା᳚ । ଵି॒ପି॒ପା॒ନା ଶୁ॑ଭସ୍ପତୀ । ଇନ୍ଦ୍ର॒-ଙ୍କର୍ମ॑ସ୍ଵାଵତମ୍ ॥ ପୁ॒ତ୍ରମି॑ଵ ପି॒ତରା॑ଵ॒ଶ୍ଵିନୋ॒ଭା । ଇନ୍ଦ୍ରାଵ॑ତ॒-ଙ୍କର୍ମ॑ଣା ଦ॒ଗ୍ଂ॒ସନା॑ଭିଃ । ଯ-ଥ୍ସୁ॒ରାମଂ॒-ଵ୍ଯଁପି॑ବ॒-ଶ୍ଶଚୀ॑ଭିଃ । ସର॑ସ୍ଵତୀ ତ୍ଵା ମଘଵନ୍ନଭୀଷ୍ଣାତ୍ ॥ ଅହା᳚ଵ୍ଯଗ୍ନେ ହ॒ଵିରା॒ସ୍ଯେ॑ ତେ । ସ୍ରୁ॒ଚୀଵ॑ ଘୃ॒ତ-ଞ୍ଚ॒ମୂ ଇ॑ଵ॒ ସୋମଃ॑ ॥ 7 ॥
ଅନୁଵାକଂ 2 - ସୋତ୍ରାମଣୀଶେଷା ମନ୍ତ୍ରାଃ
ଯୁ॒ଵଗ୍ଂ ସୁ॒ରାମ॑ମଶ୍ଵିନା । ନମୁ॑ଚାଵା-ଽସୁ॒ରେ ସଚା᳚ । ଵି॒ପି॒ପା॒ନା ଶୁ॑ଭସ୍ପତୀ । ଇନ୍ଦ୍ର॒-ଙ୍କର୍ମ॑ସ୍ଵାଵତମ୍ ॥ ପୁ॒ତ୍ରମି॑ଵ ପି॒ତରା॑ଵ॒ଶ୍ଵିନୋ॒ଭା । ଇନ୍ଦ୍ରାଵ॑ତ॒-ଙ୍କର୍ମ॑ଣା ଦ॒ଗ୍ଂ॒ସନା॑ଭିଃ । ଯ-ଥ୍ସୁ॒ରାମଂ॒-ଵ୍ଯଁପି॑ବ॒-ଶ୍ଶଚୀ॑ଭିଃ । ସର॑ସ୍ଵତୀ ତ୍ଵା ମଘଵନ୍ନଭୀଷ୍ଣାତ୍ ॥ ଅହା᳚ଵ୍ଯଗ୍ନେ ହ॒ଵିରା॒ସ୍ଯେ॑ ତେ । ସ୍ରୁ॒ଚୀଵ॑ ଘୃ॒ତ-ଞ୍ଚ॒ମୂ ଇ॑ଵ॒ ସୋମଃ॑ ॥ 7 ॥
ଵା॒ଜ॒ସନିଗ୍ଂ॑ ର॒ଯିମ॒ସ୍ମେ ସୁ॒ଵୀର᳚ମ୍ । ପ୍ର॒ଶ॒ସ୍ତ-ନ୍ଧେ॑ହି ଯ॒ଶସ॑-ମ୍ବୃ॒ହନ୍ତ᳚ମ୍ ॥ ଯସ୍ମି॒ନ୍ନଶ୍ଵା॑ସ ଋଷ॒ଭାସ॑ ଉ॒କ୍ଷଣଃ॑ । ଵ॒ଶା ମେ॒ଷା ଅ॑ଵସୃ॒ଷ୍ଟାସ॒ ଆହୁ॑ତାଃ । କୀ॒ଲା॒ଲ॒ପେ ସୋମ॑ପୃଷ୍ଠାଯ ଵେ॒ଧସେ᳚ । ହୃ॒ଦାମ॒ତି-ଞ୍ଜ॑ନଯ॒ ଚାରୁ॑ମ॒ଗ୍ନଯେ᳚ ॥ ନାନା॒ ହି ଵା᳚-ନ୍ଦେ॒ଵହି॑ତ॒ଗ୍ଂ॒ ସଦୋ॑ ମି॒ତମ୍ । ମା ସଗ୍ଂସୃ॑କ୍ଷାଥା-ମ୍ପର॒ମେ ଵ୍ଯୋ॑ମନ୍ନ୍ । ସୁରା॒ ତ୍ଵମସି॑ ଶୁ॒ଷ୍ମିଣୀ॒ ସୋମ॑ ଏ॒ଷଃ । ମା ମା॑ ହିଗ୍ଂସୀ॒-ସ୍ସ୍ଵାଂ-ଯୋଁନି॑ମାଵି॒ଶନ୍ନ୍ ॥ 8 ॥
ଯଦତ୍ର॑ ଶି॒ଷ୍ଟଗ୍ଂ ର॒ସିନଃ॑ ସୁ॒ତସ୍ଯ॑ । ଯଦିନ୍ଦ୍ରୋ॒ ଅପି॑ବ॒ଚ୍ଛଚୀ॑ଭିଃ । ଅ॒ହ-ନ୍ତଦ॑ସ୍ଯ॒ ମନ॑ସା ଶି॒ଵେନ॑ । ସୋମ॒ଗ୍ଂ॒ ରାଜା॑ନମି॒ହ ଭ॑କ୍ଷଯାମି ॥ ଦ୍ଵେ ସ୍ରୁ॒ତୀ ଅ॑ଶୃଣଵ-ମ୍ପିତୃ॒ଣାମ୍ । ଅ॒ହ-ନ୍ଦେ॒ଵାନା॑ମୁ॒ତ ମର୍ତ୍ଯା॑ନାମ୍ । ତାଭ୍ଯା॑ମି॒ଦଂ-ଵିଁଶ୍ଵ॒-ମ୍ଭୁଵ॑ନ॒ଗ୍ଂ॒ ସମେ॑ତି । ଅ॒ନ୍ତ॒ରା ପୂର୍ଵ॒ମପ॑ର-ଞ୍ଚ କେ॒ତୁମ୍ ॥ ଯସ୍ତେ॑ ଦେଵ ଵରୁଣ ଗାଯ॒ତ୍ରଛ॑ନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ଯଜେ ॥ 9 ॥
ଯସ୍ତେ॑ ଦେଵ ଵରୁଣ ତ୍ରି॒ଷ୍ଟୁପ୍ଛ॑ନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ଯଜେ । ଯସ୍ତେ॑ ଦେଵ ଵରୁଣ॒ ଜଗ॑ତୀଛନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ଯଜେ ॥ ସୋମୋ॒ ଵା ଏ॒ତସ୍ଯ॑ ରା॒ଜ୍ଯମାଦ॑ତ୍ତେ । ଯୋ ରାଜା॒ ସ-ନ୍ରା॒ଜ୍ଯୋ ଵା॒ ସୋମେ॑ନ॒ ଯଜ॑ତେ । ଦେ॒ଵ॒ସୁ॒ଵାମେ॒ତାନି॑ ହ॒ଵୀଗ୍ଂଷି॑ ଭଵନ୍ତି । ଏ॒ତାଵ॑ନ୍ତୋ॒ ଵୈ ଦେ॒ଵାନାଗ୍ଂ॑ ସ॒ଵାଃ । ତ ଏ॒ଵାସ୍ମୈ॑ ସ॒ଵା-ନ୍ପ୍ରଯ॑ଚ୍ଛନ୍ତି । ତ ଏ॑ନ॒-ମ୍ପୁନଃ॑ ସୁଵନ୍ତେ ରା॒ଜ୍ଯାଯ॑ । ଦେ॒ଵ॒ସୂ ରାଜା॑ ଭଵତି ॥ 10 ॥
(ସୋମ॑ - ଆଵି॒ଶନ୍. - ଯ॑ଜେ - ରା॒ଜ୍ଯାଯୈକଂ॑ ଚ) (ଅ. 2)
ଅନୁଵାକଂ 3 - ଦୋହପ୍ରାଯଶ୍ଚିତ୍ତମ୍, ଅଗ୍ନିହୋତ୍ରେ
ଉଦ॑ସ୍ଥା-ଦ୍ଦେ॒ଵ୍ଯଦି॑ତି-ର୍ଵିଶ୍ଵରୂ॒ପୀ । ଆଯୁ॑ର୍ଯ॒ଜ୍ଞପ॑ତାଵଧାତ୍ । ଇନ୍ଦ୍ରା॑ଯ କୃଣ୍ଵ॒ତୀ ଭା॒ଗମ୍ । ମି॒ତ୍ରାଯ॒ ଵରୁ॑ଣାଯ ଚ ॥ ଇ॒ଯଂ-ଵାଁ ଅ॑ଗ୍ନିହୋ॒ତ୍ରୀ । ଇ॒ଯଂ-ଵାଁ ଏ॒ତସ୍ଯ॒ ନିଷୀ॑ଦତି । ଯସ୍ଯା᳚ଗ୍ନିହୋ॒ତ୍ରୀ ନି॒ଷୀଦ॑ତି । ତାମୁତ୍ଥା॑ପଯେତ୍ । ଉଦ॑ସ୍ଥା-ଦ୍ଦେ॒ଵ୍ଯଦି॑ତି॒ରିତି॑ । ଇ॒ଯଂ-ଵୈଁ ଦେ॒ଵ୍ଯଦି॑ତିଃ ॥ 11 ॥
ଅନୁଵାକଂ 3 - ଦୋହପ୍ରାଯଶ୍ଚିତ୍ତମ୍, ଅଗ୍ନିହୋତ୍ରେ
ଉଦ॑ସ୍ଥା-ଦ୍ଦେ॒ଵ୍ଯଦି॑ତି-ର୍ଵିଶ୍ଵରୂ॒ପୀ । ଆଯୁ॑ର୍ଯ॒ଜ୍ଞପ॑ତାଵଧାତ୍ । ଇନ୍ଦ୍ରା॑ଯ କୃଣ୍ଵ॒ତୀ ଭା॒ଗମ୍ । ମି॒ତ୍ରାଯ॒ ଵରୁ॑ଣାଯ ଚ ॥ ଇ॒ଯଂ-ଵାଁ ଅ॑ଗ୍ନିହୋ॒ତ୍ରୀ । ଇ॒ଯଂ-ଵାଁ ଏ॒ତସ୍ଯ॒ ନିଷୀ॑ଦତି । ଯସ୍ଯା᳚ଗ୍ନିହୋ॒ତ୍ରୀ ନି॒ଷୀଦ॑ତି । ତାମୁତ୍ଥା॑ପଯେତ୍ । ଉଦ॑ସ୍ଥା-ଦ୍ଦେ॒ଵ୍ଯଦି॑ତି॒ରିତି॑ । ଇ॒ଯଂ-ଵୈଁ ଦେ॒ଵ୍ଯଦି॑ତିଃ ॥ 11 ॥
ଇ॒ମାମେ॒ଵାସ୍ମା॒ ଉତ୍ଥା॑ପଯତି ॥ ଆଯୁ॑ର୍ଯ॒ଜ୍ଞପ॑ତାଵଧା॒ଦିତ୍ଯା॑ହ । ଆଯୁ॑ରେ॒ଵାସ୍ମି॑-ନ୍ଦଧାତି ॥ ଇନ୍ଦ୍ରା॑ଯ କୃଣ୍ଵ॒ତୀ ଭା॒ଗ-ମ୍ମି॒ତ୍ରାଯ॒ ଵରୁ॑ଣାଯ॒ ଚେତ୍ଯା॑ହ । ଯ॒ଥା॒ ଯ॒ଜୁରେ॒ଵୈତତ୍ ॥ ଅଵ॑ର୍ତିଂ॒-ଵାଁ ଏ॒ଷୈତସ୍ଯ॑ ପା॒ପ୍ମାନ॑-ମ୍ପ୍ରତି॒ଖ୍ଯାଯ॒ ନିଷୀ॑ଦତି । ଯସ୍ଯା᳚-ଗ୍ନିହୋ॒ତ୍ର୍ଯୁପ॑ସୃଷ୍ଟା ନି॒ଷୀଦ॑ତି । ତା-ନ୍ଦୁ॒ଗ୍ଧ୍ଵା ବ୍ରା᳚ହ୍ମ॒ଣାଯ॑ ଦଦ୍ଯାତ୍ । ଯସ୍ଯାନ୍ନ॒-ନ୍ନାଦ୍ଯାତ୍ । ଅଵ॑ର୍ତିମେ॒ଵାସ୍ମି॑-ନ୍ପା॒ପ୍ମାନ॒-ମ୍ପ୍ରତି॑ମୁଞ୍ଚତି ॥ 12 ॥
ଦୁ॒ଗ୍ଧ୍ଵା ଦ॑ଦାତି । ନ ହ୍ଯଦୃ॑ଷ୍ଟା॒ ଦକ୍ଷି॑ଣା ଦୀ॒ଯତେ᳚ ॥ ପୃ॒ଥି॒ଵୀଂ-ଵାଁ ଏ॒ତସ୍ଯ॒ ପଯଃ॒ ପ୍ରଵି॑ଶତି । ଯସ୍ଯା᳚ଗ୍ନିହୋ॒ତ୍ର-ନ୍ଦୁ॒ହ୍ଯମା॑ନ॒ଗ୍ଗ୍॒ ସ୍କନ୍ଦ॑ତି ॥ ଯଦ॒ଦ୍ଯ ଦୁ॒ଗ୍ଧ-ମ୍ପୃ॑ଥି॒ଵୀମସ॑କ୍ତ । ଯଦୋଷ॑ଧୀ-ର॒ପ୍ଯସ॑ର॒-ଦ୍ଯଦାପଃ॑ । ପଯୋ॑ ଗୃ॒ହେଷୁ॒ ପଯୋ॑ ଅଘ୍ନି॒ଯାସୁ॑ । ପଯୋ॑ ଵ॒ଥ୍ସେଷୁ॒ ପଯୋ॑ ଅସ୍ତୁ॒ ତନ୍ମଯୀତ୍ଯା॑ହ । ପଯ॑ ଏ॒ଵାତ୍ମ-ନ୍ଗୃ॒ହେଷୁ॑ ପ॒ଶୁଷୁ॑ ଧତ୍ତେ ॥ ଅ॒ପ ଉପ॑ସୃଜତି ॥ 13 ॥
ଅ॒ଦ୍ଭିରେ॒ଵୈନ॑ଦାପ୍ନୋତି ॥ ଯୋ ଵୈ ଯ॒ଜ୍ଞସ୍ଯାର୍ତେ॒ନାନା᳚ର୍ତଗ୍ଂ ସଗ୍ଂ ସୃ॒ଜତି॑ । ଉ॒ଭେ ଵୈ ତେ ତର୍ହ୍ଯାର୍ଚ୍ଛ॑ତଃ । ଆର୍ଚ୍ଛ॑ତି॒ ଖଲୁ॒ ଵା ଏ॒ତଦ॑ଗ୍ନିହୋ॒ତ୍ରମ୍ । ଯ-ଦ୍ଦୁ॒ହ୍ଯମା॑ନ॒ଗ୍ଗ୍॒ ସ୍କନ୍ଦ॑ତି । ଯଦ॑ଭିଦୁ॒ହ୍ଯାତ୍ । ଆର୍ତେ॒ନାନା᳚ର୍ତଂ-ଯଁ॒ଜ୍ଞସ୍ଯ॒ ସଗ୍ଂସୃ॑ଜେତ୍ । ତଦେ॒ଵ ଯା॒ଦୃକ୍କୀ॒ଦୃକ୍ଚ॑ ହୋତ॒ଵ୍ଯ᳚ମ୍ । ଅଥା॒ନ୍ଯା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ଯ᳚ମ୍ । ଅନା᳚ର୍ତେନୈ॒ଵାର୍ତଂ॑-ଯଁ॒ଜ୍ଞସ୍ଯ॒ ନିଷ୍କ॑ରୋତି ॥ 14 ॥
ଯ-ଦ୍ଯୁଦ୍ଦ୍ରୁ॑ତସ୍ଯ॒ ସ୍କନ୍ଦେ᳚ତ୍ । ଯ-ତ୍ତତୋ-ଽହୁ॑ତ୍ଵା॒ ପୁନ॑ରେ॒ଯାତ୍ । ଯ॒ଜ୍ଞଂ-ଵିଁଚ୍ଛି॑ନ୍ଦ୍ଯାତ୍ । ଯତ୍ର॒ ସ୍କନ୍ଦେ᳚ତ୍ । ତନ୍ନି॒ଷଦ୍ଯ॒ ପୁନ॑ର୍ଗୃହ୍ଣୀଯାତ୍ । ଯତ୍ରୈ॒ଵ ସ୍କନ୍ଦ॑ତି । ତତ॑ ଏ॒ଵୈନ॒ତ୍-ପୁନ॑ର୍ଗୃହ୍ଣାତି । ତଦେ॒ଵ ଯା॒ଦୃକ୍-କୀ॒ଦୃକ୍ଚ॑ ହୋତ॒ଵ୍ଯ᳚ମ୍ । ଅଥା॒ନ୍ଯା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ଯ᳚ମ୍ । ଅନା᳚ର୍ତେନୈ॒ଵାର୍ତଂ॑-ଯଁ॒ଜ୍ଞସ୍ଯ॒ ନିଷ୍କ॑ରୋତି ॥ 15 ॥
ଵି ଵା ଏ॒ତସ୍ଯ॑ ଯ॒ଜ୍ଞଶ୍ଛି॑ଦ୍ଯତେ । ଯସ୍ଯା᳚ଗ୍ନିହୋ॒ତ୍ରେ॑-ଽଧିଶ୍ରି॑ତେ॒ ଶ୍ଵା-ଽନ୍ତ॒ରା ଧାଵ॑ତି । ରୁ॒ଦ୍ରଃ ଖଲୁ॒ ଵା ଏ॒ଷଃ । ଯଦ॒ଗ୍ନିଃ । ଯ-ଦ୍ଗାମ॑ନ୍ଵତ୍ଯାଵ॒ର୍ତଯେ᳚ତ୍ । ରୁ॒ଦ୍ରାଯ॑ ପ॒ଶୂ-ନପି॑ଦଦ୍ଧ୍ଯାତ୍ । ଅ॒ପ॒ଶୁ-ର୍ଯଜ॑ମାନ-ସ୍ସ୍ଯାତ୍ । ଯଦ॒ପୋ᳚ ଽନ୍ଵତିଷି॒ଞ୍ଚେତ୍ । ଅ॒ନା॒ଦ୍ଯ-ମ॒ଗ୍ନେରାପଃ॑ । ଅ॒ନା॒ଦ୍ଯମା᳚ଭ୍ଯା॒-ମପି॑ଦଦ୍ଧ୍ଯାତ୍ । ଗାର୍ହ॑ପତ୍ଯା॒-ଦ୍ଭସ୍ମା॒ଦାଯ॑ । ଇ॒ଦଂ-ଵିଁଷ୍ଣୁ॒-ର୍ଵିଚ॑କ୍ରମ॒ ଇତି॑ ଵୈଷ୍ଣ॒ଵ୍ଯର୍ଚା ଽଽହ॑ଵ॒ନୀଯା᳚ଦ୍ଧ୍ଵ॒ଗ୍ଂ॒ ସଯ॒ନ୍ନୁଦ୍ର॑ଵେତ୍ । ଯ॒ଜ୍ଞୋ ଵୈ ଵିଷ୍ଣୁଃ॑ । ଯ॒ଜ୍ଞେନୈ॒ଵ ଯ॒ଜ୍ଞଗ୍ଂ ସନ୍ତ॑ନୋତି । ଭସ୍ମ॑ନା ପ॒ଦମପି॑ଵପତି॒ ଶାନ୍ତ୍ଯୈ᳚ ॥ 16 ॥
(ଵୈ ଦେ॒ଵ୍ଯଦି॑ତି--ର୍ ମୁଞ୍ଚତି - ସୃଜତି - କରୋତି - କରୋତ୍ଯା - ଭ୍ଯା॒ମପି॑ଦଦ୍ଧ୍ଯା॒-ତ୍ପଞ୍ଚ॑ ଚ) (ଅ. 3)
ଅନୁଵାକଂ 4 - ଅଗ୍ନିପ୍ରାଯଶ୍ଚିତ୍ତଂ ଅଗ୍ନିହୋତ୍ରେ
ନି ଵା ଏ॒ତସ୍ଯା॑ହଵ॒ନୀଯୋ॒ ଗାର୍ହ॑ପତ୍ଯ-ଙ୍କାମଯତେ । ନି ଗାର୍ହ॑ପତ୍ଯ ଆହଵ॒ନୀଯ᳚ମ୍ । ଯସ୍ଯା॒ଗ୍ନିମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭିନି॒ମ୍ରୋଚ॑ତି । ଦ॒ର୍ଭେଣ॒ ହିର॑ଣ୍ଯ-ମ୍ପ୍ର॒ବଦ୍ଧ୍ଯ॑ ପୁ॒ରସ୍ତା᳚ଦ୍ଧରେତ୍ । ଅଥା॒ଗ୍ନିମ୍ । ଅଥା᳚ଗ୍ନିହୋ॒ତ୍ରମ୍ । ଯଦ୍ଧିର॑ଣ୍ଯ-ମ୍ପୁ॒ରସ୍ତା॒ଦ୍ଧର॑ତି । ଜ୍ଯୋତି॒ର୍ଵୈ ହିର॑ଣ୍ଯମ୍ । ଜ୍ଯୋତି॑ରେ॒ଵୈନ॒-ମ୍ପଶ୍ଯ॒-ନ୍ନୁଦ୍ଧ॑ରତି । ଯଦ॒ଗ୍ନି-ମ୍ପୂର୍ଵ॒ଗ୍ଂ॒ ହର॒ତ୍ଯଥା᳚-ଗ୍ନିହୋ॒ତ୍ରମ୍ ॥ 17 ॥
ଅନୁଵାକଂ 4 - ଅଗ୍ନିପ୍ରାଯଶ୍ଚିତ୍ତଂ ଅଗ୍ନିହୋତ୍ରେ
ନି ଵା ଏ॒ତସ୍ଯା॑ହଵ॒ନୀଯୋ॒ ଗାର୍ହ॑ପତ୍ଯ-ଙ୍କାମଯତେ । ନି ଗାର୍ହ॑ପତ୍ଯ ଆହଵ॒ନୀଯ᳚ମ୍ । ଯସ୍ଯା॒ଗ୍ନିମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭିନି॒ମ୍ରୋଚ॑ତି । ଦ॒ର୍ଭେଣ॒ ହିର॑ଣ୍ଯ-ମ୍ପ୍ର॒ବଦ୍ଧ୍ଯ॑ ପୁ॒ରସ୍ତା᳚ଦ୍ଧରେତ୍ । ଅଥା॒ଗ୍ନିମ୍ । ଅଥା᳚ଗ୍ନିହୋ॒ତ୍ରମ୍ । ଯଦ୍ଧିର॑ଣ୍ଯ-ମ୍ପୁ॒ରସ୍ତା॒ଦ୍ଧର॑ତି । ଜ୍ଯୋତି॒ର୍ଵୈ ହିର॑ଣ୍ଯମ୍ । ଜ୍ଯୋତି॑ରେ॒ଵୈନ॒-ମ୍ପଶ୍ଯ॒-ନ୍ନୁଦ୍ଧ॑ରତି । ଯଦ॒ଗ୍ନି-ମ୍ପୂର୍ଵ॒ଗ୍ଂ॒ ହର॒ତ୍ଯଥା᳚-ଗ୍ନିହୋ॒ତ୍ରମ୍ ॥ 17 ॥
ଭା॒ଗ॒ଧେଯେ॑ନୈ॒ଵୈନ॒-ମ୍ପ୍ରଣ॑ଯତି ॥ ବ୍ରା॒ହ୍ମ॒ଣ ଆ॑ର୍ଷେ॒ଯ ଉଦ୍ଧ॑ରେତ୍ । ବ୍ରା॒ହ୍ମ॒ଣୋ ଵୈ ସର୍ଵା॑ ଦେ॒ଵତାଃ᳚ । ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒ରୁଦ୍ଧ॑ରତି ॥ ଅ॒ଗ୍ନି॒ହୋ॒ତ୍ର-ମୁ॑ପ॒ସା-ଦ୍ଯାତମି॑ତୋ-ରାସୀତ । ଵ୍ର॒ତମେ॒ଵ ହ॒ତମନୁ॑ ମ୍ରିଯତେ ॥ ଅନ୍ତଂ॒-ଵାଁ ଏ॒ଷ ଆ॒ତ୍ମନୋ॑ ଗଚ୍ଛତି । ଯସ୍ତାମ୍ଯ॑ତି । ଅନ୍ତ॑ମେ॒ଷ ଯ॒ଜ୍ଞସ୍ଯ॑ ଗଚ୍ଛତି । ଯସ୍ଯା॒ଗ୍ନିମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭିନି॒ମ୍ରୋଚ॑ତି ॥ 18 ॥
ପୁନଃ॑ ସ॒ମନ୍ଯ॑ ଜୁହୋତି । ଅନ୍ତେ॑ନୈ॒ଵାନ୍ତଂ॑-ଯଁ॒ଜ୍ଞସ୍ଯ॒ ନିଷ୍କ॑ରୋତି ॥ ଵରୁ॑ଣୋ॒ ଵା ଏ॒ତସ୍ଯ॑ ଯ॒ଜ୍ଞ-ଙ୍ଗୃ॑ହ୍ଣାତି । ଯସ୍ଯା॒ଗ୍ନି-ମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭିନି॒ମ୍ରୋଚ॑ତି । ଵା॒ରୁ॒ଣ-ଞ୍ଚ॒ରୁ-ନ୍ନିର୍ଵ॑ପେତ୍ । ତେନୈ॒ଵ ଯ॒ଜ୍ଞ-ନ୍ନିଷ୍କ୍ରୀ॑ଣୀତେ ॥ ନି ଵା ଏ॒ତସ୍ଯା॑ହଵ॒ନୀଯୋ॒ ଗାର୍ହ॑ପତ୍ଯ-ଙ୍କାମଯତେ । ନି ଗାର୍ହ॑ପତ୍ଯ ଆହଵ॒ନୀଯ᳚ମ୍ । ଯସ୍ଯା॒ଗ୍ନି-ମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭ୍ଯୁ॑ଦେତି॑ । ଚ॒ତୁ॒ର୍ଗୃ॒ହୀ॒ତ-ମାଜ୍ଯ॑-ମ୍ପୁ॒ରସ୍ତା᳚ଦ୍ଧରେତ୍ ॥ 19 ॥
ଅଥା॒ଗ୍ନିମ୍ । ଅଥା᳚ଗ୍ନିହୋ॒ତ୍ରମ୍ । ଯଦାଜ୍ଯ॑-ମ୍ପୁ॒ରସ୍ତା॒ଦ୍ଧର॑ତି । ଏ॒ତଦ୍ଵା ଅ॒ଗ୍ନେଃ ପ୍ରି॒ଯ-ନ୍ଧାମ॑ । ଯଦାଜ୍ଯ᳚ମ୍ । ପ୍ରି॒ଯେଣୈ॒ଵୈନ॒-ନ୍ଧାମ୍ନା॒ ସମ॑ର୍ଧଯତି । ଯଦ॒ଗ୍ନି-ମ୍ପୂର୍ଵ॒ଗ୍ଂ॒ ହର॒ତ୍ଯଥା᳚-ଗ୍ନିହୋ॒ତ୍ରମ୍ । ଭା॒ଗ॒ଧେଯେ॑ନୈ॒ଵୈନ॒-ମ୍ପ୍ରଣ॑ଯତି । ବ୍ରା॒ହ୍ମ॒ଣ ଆ॑ର୍ଷେ॒ଯ ଉଦ୍ଧ॑ରେତ୍ । ବ୍ରା॒ହ୍ମ॒ଣୋ ଵୈ ସର୍ଵା॑ ଦେ॒ଵତାଃ᳚ ॥ 20 ॥
ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒ରୁଦ୍ଧ॑ରତି ॥ ପରା॑ଚୀ॒ ଵା ଏ॒ତସ୍ମୈ᳚ ଵ୍ଯୁ॒ଚ୍ଛନ୍ତୀ॒ ଵ୍ଯୁ॑ଚ୍ଛତି । ଯସ୍ଯା॒ଗ୍ନି-ମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭ୍ଯୁ॑ଦେତି॑ । ଉ॒ଷାଃ କେ॒ତୁନା॑ ଜୁଷତାମ୍ । ଯ॒ଜ୍ଞ-ନ୍ଦେ॒ଵେଭି॑ରିନ୍ଵି॒ତମ୍ । ଦେ॒ଵେଭ୍ଯୋ॒ ମଧୁ॑ମତ୍ତମ॒ଗ୍ଗ୍॒ ସ୍ଵାହେତି॑ ପ୍ର॒ତ୍ଯଂ-ନି॒ଷଦ୍ଯାଜ୍ଯେ॑ନ ଜୁହୁଯାତ୍ । ପ୍ର॒ତୀଚୀ॑ମେ॒ଵାସ୍ମୈ॒ ଵିଵା॑ସଯତି ॥ ଅ॒ଗ୍ନି॒ହୋ॒ତ୍ର-ମୁ॑ପ॒ସାଦ୍ଯାତମି॑ତୋ-ରାସୀତ । ଵ୍ର॒ତମେ॒ଵ ହ॒ତମନୁ॑ ମ୍ରିଯତେ । ଅନ୍ତଂ॒-ଵାଁ ଏ॒ଷ ଆ॒ତ୍ମନୋ॑ ଗଚ୍ଛତି ॥ 21 ॥
ଯସ୍ତାମ୍ଯ॑ତି । ଅନ୍ତ॑ମେ॒ଷ ଯ॒ଜ୍ଞସ୍ଯ॑ ଗଚ୍ଛତି । ଯସ୍ଯା॒ଗ୍ନି-ମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭ୍ଯୁ॑ଦେତି॑ । ପୁନଃ॑ ସ॒ମନ୍ଯ॑ ଜୁହୋତି । ଅନ୍ତେ॑ନୈ॒ଵାନ୍ତଂ॑-ଯଁ॒ଜ୍ଞସ୍ଯ॒ ନିଷ୍କ॑ରୋତି । ମି॒ତ୍ରୋ ଵା ଏ॒ତସ୍ଯ॑ ଯ॒ଜ୍ଞ-ଙ୍ଗୃ॑ହ୍ଣାତି । ଯସ୍ଯା॒ଗ୍ନି-ମନୁ॑ଦ୍ଧୃତ॒ଗ୍ଂ॒ ସୂର୍ଯୋ॒-ଽଭ୍ଯୁ॑ଦେତି॑ । ମୈ॒ତ୍ର-ଞ୍ଚ॒ରୁ-ନ୍ନିର୍ଵ॑ପେତ୍ । ତେନୈ॒ଵ ଯ॒ଜ୍ଞ-ନ୍ନିଷ୍କ୍ରୀ॑ଣୀତେ ॥ ଯସ୍ଯା॑-ହଵ॒ନୀଯେ-ଽନୁ॑ଦ୍ଵାତେ॒ ଗାର୍ହ॑ପତ୍ଯ ଉ॒ଦ୍ଵାଯେ᳚ତ୍ ॥ 22 ॥
ଯଦା॑ହଵ॒ନୀଯ॒-ମନୁ॑ଦ୍ଵାପ୍ଯ॒ ଗାର୍ହ॑ପତ୍ଯ॒-ମ୍ମନ୍ଥେ᳚ତ୍ । ଵିଚ୍ଛି॑ନ୍ଦ୍ଯାତ୍ । ଭ୍ରାତୃ॑ଵ୍ଯମସ୍ମୈ ଜନଯେତ୍ । ଯଦ୍ଵୈ ଯ॒ଜ୍ଞସ୍ଯ॑ ଵାସ୍ତ॒ଵ୍ଯ॑-ଙ୍କ୍ରି॒ଯତେ᳚ । ତଦନୁ॑ ରୁ॒ଦ୍ରୋ-ଽଵ॑ଚରତି । ଯ-ତ୍ପୂର୍ଵ॑-ମନ୍ଵଵ॒ସ୍ଯେତ୍ । ଵା॒ସ୍ତ॒ଵ୍ଯ॑-ମ॒ଗ୍ନିମୁପା॑ସୀତ । ରୁ॒ଦ୍ରୋ᳚-ଽସ୍ଯ ପ॒ଶୂ-ନ୍ଘାତୁ॑କ-ସ୍ସ୍ଯାତ୍ । ଆ॒ହ॒ଵ॒ନୀଯ॑-ମୁ॒ଦ୍ଵାପ୍ଯ॑ । ଗାର୍ହ॑ପତ୍ଯ-ମ୍ମନ୍ଥେତ୍ ॥ 23 ॥
ଇ॒ତଃ ପ୍ର॑ଥ॒ମ-ଞ୍ଜ॑ଜ୍ଞେ ଅ॒ଗ୍ନିଃ । ସ୍ଵାଦ୍ଯୋନେ॒ରଧି॑ ଜା॒ତଵେ॑ଦାଃ । ସ ଗା॑ଯତ୍ରି॒ଯା ତ୍ରି॒ଷ୍ଟୁଭା॒ ଜଗ॑ତ୍ଯା । ଦେ॒ଵେଭ୍ଯୋ॑ ହ॒ଵ୍ଯଂ-ଵଁ॑ହତୁ ପ୍ରଜା॒ନନ୍ନିତି॑ । ଛନ୍ଦୋ॑ଭିରେ॒ଵୈନ॒ଗ୍ଗ୍॒ ସ୍ଵାଦ୍ଯୋନେଃ॒ ପ୍ରଜ॑ନଯତି ॥ ଗାର୍ହ॑ପତ୍ଯ-ମ୍ମନ୍ଥତି । ଗାର୍ହ॑ପତ୍ଯଂ॒-ଵାଁ ଅନ୍ଵାହି॑ତାଗ୍ନେଃ ପ॒ଶଵ॒ ଉପ॑ ତିଷ୍ଠନ୍ତେ । ସ ଯଦୁ॒ଦ୍ଵାଯ॑ତି । ତଦନୁ॑ ପ॒ଶଵୋ-ଽପ॑କ୍ରାମନ୍ତି । ଇ॒ଷେ ର॒ଯ୍ଯୈ ର॑ମସ୍ଵ ॥ 24 ॥
ସହ॑ସେ ଦ୍ଯୁ॒ମ୍ନାଯ॑ । ଊ॒ର୍ଜେ ପତ୍ଯା॒ଯେତ୍ଯା॑ହ । ପ॒ଶଵୋ॒ ଵୈ ର॒ଯିଃ । ପ॒ଶୂନେ॒ଵାସ୍ମୈ॑ ରମଯତି ॥ ସା॒ର॒ସ୍ଵ॒ତୌ ତ୍ଵୋଥ୍ସୌ॒ ସମି॑ନ୍ଧାତା॒ମିତ୍ଯା॑ହ । ଋ॒-ଖ୍ସା॒ମେ ଵୈ ସା॑ରସ୍ଵ॒ତାଵୁଥ୍ସୌ᳚ । ଋ॒ଖ୍-ସା॒ମାଭ୍ଯା॑ମେ॒ଵୈନ॒ଗ୍ଂ॒ ସମି॑ନ୍ଧେ ॥ ସ॒ମ୍ରାଡ॑ସି ଵି॒ରାଡ॒ସୀତ୍ଯା॑ହ । ର॒ଥ॒ନ୍ତ॒ରଂ-ଵୈଁ ସ॒ମ୍ରାଟ୍ । ବୃ॒ହ-ଦ୍ଵି॒ରାଟ୍ ॥ 25 ॥
ତାଭ୍ଯା॑ମେ॒ଵୈନ॒ଗ୍ଂ॒ ସମି॑ନ୍ଧେ ॥ ଵଜ୍ରୋ॒ ଵୈ ଚ॒କ୍ରମ୍ । ଵଜ୍ରୋ॒ ଵା ଏ॒ତସ୍ଯ॑ ଯ॒ଜ୍ଞଂ-ଵିଁଚ୍ଛି॑ନତ୍ତି । ଯସ୍ଯାନୋ॑ ଵା॒ ରଥୋ॑ ଵା-ଽନ୍ତ॒ରା-ଽଗ୍ନୀ ଯାତି॑ । ଆ॒ହ॒ଵ॒ନୀଯ॑-ମୁ॒ଦ୍ଵାପ୍ଯ॑ । ଗାର୍ହ॑ପତ୍ଯା॒-ଦୁଦ୍ଧ॑ରେତ୍ । ଯଦ॑ଗ୍ନେ॒ ପୂର୍ଵ॒-ମ୍ପ୍ରଭୃ॑ତ-ମ୍ପ॒ଦଗ୍ଂ ହି ତେ᳚ । ସୂର୍ଯ॑ସ୍ଯ ର॒ଶ୍ମୀନ-ନ୍ଵା॑ତ॒ତାନ॑ । ତତ୍ର॑ ରଯି॒ଷ୍ଠାମନୁ॒ ସମ୍ଭ॑ରୈ॒ତମ୍ । ସ-ନ୍ନଃ॑ ସୃଜ ସୁମ॒ତ୍ଯା ଵାଜ॑ଵ॒ତ୍ଯେତି॑ ॥ 26 ॥
ପୂର୍ଵେ॑ଣୈ॒ଵାସ୍ଯ॑ ଯ॒ଜ୍ଞେନ॑ ଯ॒ଜ୍ଞମନୁ॒ ସ-ନ୍ତ॑ନୋତି ॥ ତ୍ଵମ॑ଗ୍ନେ ସ॒ପ୍ରଥା॑ ଅ॒ସୀତ୍ଯା॑ହ । ଅ॒ଗ୍ନି-ସ୍ସର୍ଵା॑ ଦେ॒ଵତାଃ᳚ । ଦେ॒ଵତା॑ଭିରେ॒ଵ ଯ॒ଜ୍ଞଗ୍ଂ ସ-ନ୍ତ॑ନୋତି ॥ ଅ॒ଗ୍ନଯେ॑ ପଥି॒କୃତେ॑ ପୁରୋ॒ଡାଶ॑ମ॒ଷ୍ଟାକ॑ପାଲ॒-ନ୍ନିର୍ଵ॑ପେତ୍ । ଅ॒ଗ୍ନିମେ॒ଵ ପ॑ଥି॒କୃତ॒ଗ୍ଗ୍॒ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି । ସ ଏ॒ଵୈନଂ॑-ଯଁ॒ଜ୍ଞିଯ॒-ମ୍ପନ୍ଥା॒ମପି॑-ନଯତି । ଅ॒ନ॒ଡ୍ଵାନ୍-ଦକ୍ଷି॑ଣା । ଵ॒ହୀ ହ୍ଯେ॑ଷ ସମୃ॑ଦ୍ଧ୍ଯୈ ॥ 27 ॥
(ହର॒ତ୍ଯଥା᳚ଗ୍ନିହୋ॒ତ୍ରଂ - ନି॒ମ୍ରୋଚ॑ତି - ହରେ-ଦ୍- ଦେ॒ଵତା॑ - ଗଚ୍ଛ - ତ୍ଯୁ॒ଦ୍ଵାଯେ᳚-ନ୍ମନ୍ଥେ-ଦ୍ରମସ୍ଵ-ବୃ॒ହ-ଦ୍ଵି॒ରାଡ୍-ଇତି॒-ନଵ॑ ଚ) (ଅ. 4)
(ନି ଵୈ ପୂର୍ଵ॒-ନ୍ତ୍ରୀଣି॑ ନି॒ମ୍ରୋଚ॑ତି ଦ॒ର୍ଭେଣ॒ ଯଦ୍ଧିର॑ଣ୍ଯମଗ୍ନିହୋ॒ତ୍ର-ମ୍ପୁନ॒ର୍ଵରୁ॑ଣୋ
ଵାରୁ॒ଣ-ନ୍ନି ଵା ଏ॒ତସ୍ଯା॒ଭ୍ଯୁ॑ଦେତି॑ ଚତୁର୍ଗୃହୀ॒ତମାଜ୍ଯଂ॒ ଯଦାଜ୍ଯଂ॒ ପରା᳚ଚ୍ଯୁ॒ଷାଃ ପୁନ॑ର୍ମି॒ତ୍ରୋ ମେ॒ତ୍ରଂ-ଯଁସ୍ଯା॑ହଵ॒ନୀଯେ-ଽନୁ॑ଦ୍ଵାତେ॒ ଗାର୍ହ॑ପତ୍ଯୋ॒ ଯଦ୍ଵୈ ମ॑ନ୍ଥେ॒ଦୁଦ୍ଧ॑ରେତ୍)
ଅନୁଵାକଂ 5 - ସୋମାତିରେକପ୍ରାଯଶ୍ଚିତ୍ତମ୍
ଯସ୍ଯ॑ ପ୍ରାତସ୍ସଵ॒ନେ ସୋମୋ॑-ଽତି॒ରିଚ୍ଯ॑ତେ । ମାଦ୍ଧ୍ଯ॑ନ୍ଦିନ॒ଗ୍ଂ॒ ସଵ॑ନ-ଙ୍କା॒ମଯ॑ମାନୋ॒-ଽଭ୍ଯତି॑ରିଚ୍ଯତେ । ଗୌର୍ଧ॑ଯତି ମ॒ରୁତା॒ମିତି॒ ଧଯ॑ଦ୍ଵତୀଷୁ କୁର୍ଵନ୍ତି । ହି॒ନସ୍ତି॒ ଵୈ ସ॒ନ୍ଧ୍ଯଧୀ॑ତମ୍ । ସ॒ନ୍ଧୀଵ॒ ଖଲୁ॒ ଵା ଏ॒ତତ୍ । ଯ-ଥ୍ସଵ॑ନ ସ୍ଯାତି॒ରିଚ୍ଯ॑ତେ । ଯଦ୍ଧଯ॑ଦ୍ଵତୀଷୁ କୁ॒ର୍ଵନ୍ତି॑ । ସ॒ନ୍ଧେ-ଶ୍ଶାନ୍ତ୍ଯୈ᳚ ॥ ଗା॒ଯ॒ତ୍ରଗ୍ଂ ସାମ॑ ଭଵତି ପଞ୍ଚଦ॒ଶ-ସ୍ସ୍ତୋମଃ॑ । ତେନୈ॒ଵ ପ୍ରା॑ତସ୍ସଵ॒ନାନ୍ନଯ॑ନ୍ତି ॥ 28 ॥
(ନି ଵୈ ପୂର୍ଵ॒-ନ୍ତ୍ରୀଣି॑ ନି॒ମ୍ରୋଚ॑ତି ଦ॒ର୍ଭେଣ॒ ଯଦ୍ଧିର॑ଣ୍ଯମଗ୍ନିହୋ॒ତ୍ର-ମ୍ପୁନ॒ର୍ଵରୁ॑ଣୋ
ଵାରୁ॒ଣ-ନ୍ନି ଵା ଏ॒ତସ୍ଯା॒ଭ୍ଯୁ॑ଦେତି॑ ଚତୁର୍ଗୃହୀ॒ତମାଜ୍ଯଂ॒ ଯଦାଜ୍ଯଂ॒ ପରା᳚ଚ୍ଯୁ॒ଷାଃ ପୁନ॑ର୍ମି॒ତ୍ରୋ ମେ॒ତ୍ରଂ-ଯଁସ୍ଯା॑ହଵ॒ନୀଯେ-ଽନୁ॑ଦ୍ଵାତେ॒ ଗାର୍ହ॑ପତ୍ଯୋ॒ ଯଦ୍ଵୈ ମ॑ନ୍ଥେ॒ଦୁଦ୍ଧ॑ରେତ୍)
ଅନୁଵାକଂ 5 - ସୋମାତିରେକପ୍ରାଯଶ୍ଚିତ୍ତମ୍
ଯସ୍ଯ॑ ପ୍ରାତସ୍ସଵ॒ନେ ସୋମୋ॑-ଽତି॒ରିଚ୍ଯ॑ତେ । ମାଦ୍ଧ୍ଯ॑ନ୍ଦିନ॒ଗ୍ଂ॒ ସଵ॑ନ-ଙ୍କା॒ମଯ॑ମାନୋ॒-ଽଭ୍ଯତି॑ରିଚ୍ଯତେ । ଗୌର୍ଧ॑ଯତି ମ॒ରୁତା॒ମିତି॒ ଧଯ॑ଦ୍ଵତୀଷୁ କୁର୍ଵନ୍ତି । ହି॒ନସ୍ତି॒ ଵୈ ସ॒ନ୍ଧ୍ଯଧୀ॑ତମ୍ । ସ॒ନ୍ଧୀଵ॒ ଖଲୁ॒ ଵା ଏ॒ତତ୍ । ଯ-ଥ୍ସଵ॑ନ ସ୍ଯାତି॒ରିଚ୍ଯ॑ତେ । ଯଦ୍ଧଯ॑ଦ୍ଵତୀଷୁ କୁ॒ର୍ଵନ୍ତି॑ । ସ॒ନ୍ଧେ-ଶ୍ଶାନ୍ତ୍ଯୈ᳚ ॥ ଗା॒ଯ॒ତ୍ରଗ୍ଂ ସାମ॑ ଭଵତି ପଞ୍ଚଦ॒ଶ-ସ୍ସ୍ତୋମଃ॑ । ତେନୈ॒ଵ ପ୍ରା॑ତସ୍ସଵ॒ନାନ୍ନଯ॑ନ୍ତି ॥ 28 ॥
ମ॒ରୁତ୍ଵ॑ତୀଷୁ କୁର୍ଵନ୍ତି । ତେନୈ॒ଵ ମାଦ୍ଧ୍ଯ॑ନ୍ଦିନା॒-ଥ୍ସଵ॑ନା॒ନ୍ନଯ॑ନ୍ତି ॥ ହୋତୁ॑ଶ୍ଚ ମ॒ସମନୂନ୍ନ॑ଯନ୍ତେ । ହୋତା-ଽନୁ॑ଶଗ୍ଂସତି । ମ॒ଦ୍ଧ୍ଯ॒ତ ଏ॒ଵ ଯ॒ଜ୍ଞଗ୍ଂ ସ॒ମାଦ॑ଧାତି ॥ ଯସ୍ଯ॒ ମାଦ୍ଧ୍ଯ॑ନ୍ଦିନେ॒ ସଵ॑ନେ॒ ସୋମୋ॑-ଽତି॒ରିଚ୍ଯ॑ତେ । ଆ॒ଦି॒ତ୍ଯ-ନ୍ତୃ॑ତୀଯସଵ॒ନ-ଙ୍କା॒ମଯ॑ମାନୋ॒-ଽଭ୍ଯତି॑ରିଚ୍ଯତେ । ଗୌ॒ରି॒ଵୀ॒ତଗ୍ଂ ସାମ॑ ଭଵତି । ଅତି॑ରିକ୍ତଂ॒-ଵୈଁ ଗୌ॑ରିଵୀ॒ତମ୍ । ଅତି॑ରିକ୍ତଂ॒-ଯଁ-ଥ୍ସଵ॑ନସ୍ଯା-ତି॒ରିଚ୍ଯ॑ତେ ॥ 29 ॥
ଅତି॑ରିକ୍ତସ୍ଯ॒ ଶାନ୍ତ୍ଯୈ᳚ ॥ ବଣ୍ମ॒ହାଗ୍ଂ ଅ॑ସି ସୂ॒ର୍ଯେତି॑ କୁର୍ଵନ୍ତି । ଯସ୍ଯୈ॒ଵାଦି॒ତ୍ଯସ୍ଯ॒ ସଵ॑ନସ୍ଯ॒ କାମେ॑ନାତି॒ରିଚ୍ଯ॑ତେ । ତେନୈ॒ଵୈନ॒-ଙ୍କାମେ॑ନ॒ ସମ॑ର୍ଧଯନ୍ତି ॥ ଗୌ॒ରି॒ଵୀ॒ତଗ୍ଂ ସାମ॑ ଭଵତି । ତେନୈ॒ଵ ମାଦ୍ଧ୍ଯ॑ନ୍ଦିନା॒-ଥ୍ସଵ॑ନା॒ନ୍ନଯ॑ନ୍ତି ॥ ସ॒ପ୍ତ॒ଦ॒ଶ-ସ୍ସ୍ତୋମଃ॑ । ତେନୈ॒ଵ ତୃ॑ତୀଯସଵ॒ନାନ୍ନଯ॑ନ୍ତି ॥ ହୋତୁ॑ଶ୍ଚମ॒ସମନୂନ୍ନ॑ଯନ୍ତେ । ହୋତା-ଽନୁ॑ଶଗ୍ଂ ସତି ॥ 30 ॥
ମ॒ଦ୍ଧ୍ଯ॒ତ ଏ॒ଵ ଯ॒ଜ୍ଞଗ୍ଂ ସ॒ମାଦ॑ଧାତି ॥ ଯସ୍ଯ॑ ତୃତୀଯସଵ॒ନେ ସୋମୋ॑-ଽତି॒ରିଚ୍ଯେ॑ତ । ଉ॒କ୍ଥ୍ଯ॑-ଙ୍କୁର୍ଵୀତ । ଯସ୍ଯୋ॒କ୍ଥ୍ଯେ॑-ଽତି॒ରିଚ୍ଯେ॑ତ । ଅ॒ତି॒ରା॒ତ୍ର-ଙ୍କୁ॑ର୍ଵୀତ । ଯସ୍ଯା॑-ତିରା॒ତ୍ରେ॑-ଽତି॒ରିଚ୍ଯ॑ତେ। ତତ୍ତ୍ଵୈ ଦୁ॑ଷ୍ପ୍ରଜ୍ଞା॒ନମ୍ । ଯଜ॑ମାନଂ॒-ଵାଁ ଏ॒ତ-ତ୍ପ॒ଶଵ॑ ଆ॒ସାହ୍ଯ॑ ଯନ୍ତି । ବୃ॒ହ-ଥ୍ସାମ॑ ଭଵତି । ବୃ॒ହଦ୍ଵା ଇ॒ମାଂ-ଲୋଁ॒କା-ନ୍ଦା॑ଧାର । ବାର୍ହ॑ତାଃ ପ॒ଶଵଃ॑ । ବୃ॒ହ॒ତୈଵାସ୍ମୈ॑ ପ॒ଶୂ-ନ୍ଦା॑ଧାର ॥ ଶି॒ପି॒ଵି॒ଷ୍ଟଵ॑ତୀଷୁ କୁର୍ଵନ୍ତି । ଶି॒ପି॒ଵି॒ଷ୍ଟୋ ଵୈ ଦେ॒ଵାନା᳚-ମ୍ପୁ॒ଷ୍ଟମ୍ । ପୁଷ୍ଟ୍ଯୈ॒ଵୈନ॒ଗ୍ଂ॒ ସମ॑ର୍ଧଯନ୍ତି ॥ ହୋତୁ॑ଶ୍ଚମ॒ସମନୂନ୍ନ॑ଯନ୍ତେ । ହୋତା-ଽନୁ॑ଶଗ୍ଂସତି । ମ॒ଦ୍ଧ୍ଯ॒ତ ଏ॒ଵ ଯ॒ଜ୍ଞଗ୍ଂ ସ॒ମାଦ॑ଧାତି ॥ 31 ॥
(ଯ॒ନ୍ତି॒ - ସଵ॑ନସ୍ଯାତି॒ରିଚ୍ଯ॑ତେ - ଶଗ୍ଂସତି - ଦାଧାରା॒ଷ୍ଟୌ ଚ॑) (ଅ. 5)
ଅନୁଵାକଂ 6 - ସଵନନିମିତ୍ତ-ମ୍ପ୍ରାଯଶ୍ଚିତ୍ତମ୍
ଏକୈ॑କୋ॒ ଵୈ ଜ॒ନତା॑ଯା॒-ମିନ୍ଦ୍ରଃ॑ । ଏକଂ॒-ଵାଁ ଏ॒ତାଵିନ୍ଦ୍ର॑ମ॒ଭି ସଗ୍ଂସୁ॑ନୁତଃ । ଯୌ ଦ୍ଵୌ ସଗ୍ଂ॑ସୁନୁ॒ତଃ । ପ୍ର॒ଜାପ॑ତି॒ର୍ଵା ଏ॒ଷ ଵିତା॑ଯତେ । ଯ-ଦ୍ଯ॒ଜ୍ଞଃ । ତସ୍ଯ॒ ଗ୍ରାଵା॑ଣୋ॒ ଦନ୍ତାଃ᳚ । ଅ॒ନ୍ଯ॒ତ॒ରଂ-ଵାଁ ଏ॒ତେ ସଗ୍ଂ॑ସୁନ୍ଵ॒ତୋ-ର୍ନିର୍ବ॑ଫ୍ସତି । ପୂର୍ଵେ॑ଣୋପ॒ସୃତ୍ଯା॑ ଦେ॒ଵତା॒ ଇତ୍ଯା॑ହୁଃ । ପୂ॒ର୍ଵୋ॒ପ॒ସୃ॒ତସ୍ଯ॒ ଵୈ ଶ୍ରେଯା᳚-ନ୍ଭଵତି । ଏତି॑ଵ॒ନ୍ତ୍ଯାଜ୍ଯା॑ନି ଭଵନ୍ତ୍ଯ॒-ଭିଜି॑ତ୍ଯୈ ॥ 32 ॥
ଅନୁଵାକଂ 6 - ସଵନନିମିତ୍ତ-ମ୍ପ୍ରାଯଶ୍ଚିତ୍ତମ୍
ଏକୈ॑କୋ॒ ଵୈ ଜ॒ନତା॑ଯା॒-ମିନ୍ଦ୍ରଃ॑ । ଏକଂ॒-ଵାଁ ଏ॒ତାଵିନ୍ଦ୍ର॑ମ॒ଭି ସଗ୍ଂସୁ॑ନୁତଃ । ଯୌ ଦ୍ଵୌ ସଗ୍ଂ॑ସୁନୁ॒ତଃ । ପ୍ର॒ଜାପ॑ତି॒ର୍ଵା ଏ॒ଷ ଵିତା॑ଯତେ । ଯ-ଦ୍ଯ॒ଜ୍ଞଃ । ତସ୍ଯ॒ ଗ୍ରାଵା॑ଣୋ॒ ଦନ୍ତାଃ᳚ । ଅ॒ନ୍ଯ॒ତ॒ରଂ-ଵାଁ ଏ॒ତେ ସଗ୍ଂ॑ସୁନ୍ଵ॒ତୋ-ର୍ନିର୍ବ॑ଫ୍ସତି । ପୂର୍ଵେ॑ଣୋପ॒ସୃତ୍ଯା॑ ଦେ॒ଵତା॒ ଇତ୍ଯା॑ହୁଃ । ପୂ॒ର୍ଵୋ॒ପ॒ସୃ॒ତସ୍ଯ॒ ଵୈ ଶ୍ରେଯା᳚-ନ୍ଭଵତି । ଏତି॑ଵ॒ନ୍ତ୍ଯାଜ୍ଯା॑ନି ଭଵନ୍ତ୍ଯ॒-ଭିଜି॑ତ୍ଯୈ ॥ 32 ॥
ମ॒ରୁତ୍ଵ॑ତୀଃ ପ୍ରତି॒ପଦଃ॑ । ମ॒ରୁତୋ॒ ଵୈ ଦେ॒ଵାନା॒-ମପ॑ରାଜିତ-ମା॒ଯତ॑ନମ୍ । ଦେ॒ଵାନା॑-ମେ॒ଵାପ॑ରାଜିତ ଆ॒ଯତ॑ନେ ଯତତେ ॥ଉ॒ଭେ ବୃ॑ହଦ୍ରଥନ୍ତ॒ରେ ଭ॑ଵତଃ । ଇ॒ଯଂ-ଵାଁଵ ର॑ଥନ୍ତ॒ରମ୍ । ଅ॒ସୌ ବୃ॒ହତ୍ । ଆ॒ଭ୍ଯାମେ॒ଵୈନ॑-ମ॒ନ୍ତରେ॑ତି । ଵା॒ଚଶ୍ଚ॒ ମନ॑ସଶ୍ଚ । ପ୍ରା॒ଣାଚ୍ଚା॑-ପା॒ନାଚ୍ଚ॑ । ଦି॒ଵଶ୍ଚ॑ ପୃଥି॒ଵ୍ଯାଶ୍ଚ॑ ॥ 33 ॥
ସର୍ଵ॑ସ୍ମା-ଦ୍ଵି॒ତ୍ତା-ଦ୍ଵେଦ୍ଯା᳚ତ୍ ॥ ଅ॒ଭି॒ଵ॒ର୍ତୋ ବ୍ର॑ହ୍ମସା॒ମ-ମ୍ଭ॑ଵତି । ସୁ॒ଵ॒ର୍ଗସ୍ଯ॑ ଲୋ॒କସ୍ଯା॒-ଭିଵୃ॑ତ୍ତ୍ଯୈ ॥ ଅ॒ଭି॒ଜି-ଦ୍ଭ॑ଵତି । ସୁ॒ଵ॒ର୍ଗସ୍ଯ॑ ଲୋ॒କସ୍ଯା॒-ଭିଜି॑ତ୍ଯୈ । ଵି॒ଶ୍ଵ॒ଜି-ଦ୍ଭ॑ଵତି । ଵିଶ୍ଵ॑ସ୍ଯ॒ ଜିତ୍ଯୈ᳚ ॥ ଯସ୍ଯ॒ ଭୂଯାଗ୍ଂ॑ସୋ ଯଜ୍ଞକ୍ର॒ତଵ॒ ଇତ୍ଯା॑ହୁଃ । ସ ଦେ॒ଵତା॑ ଵୃଙ୍କ୍ତ॒ ଇତି॑ । ଯଦ୍ଯ॑ଗ୍ନିଷ୍ଟୋ॒ମ-ସ୍ସୋମଃ॑ ପ॒ରସ୍ତା॒-ଥ୍ସ୍ଯାତ୍ ॥ 34 ॥
ଉ॒କ୍ଥ୍ଯ॑-ଙ୍କୁର୍ଵୀତ । ଯଦ୍ଯୁ॒କ୍ଥ୍ଯଃ॑ ସ୍ଯାତ୍ । ଅ॒ତି॒ରା॒ତ୍ର-ଙ୍କୁ॑ର୍ଵୀତ । ଯ॒ଜ୍ଞ॒କ୍ର॒ତୁଭି॑-ରେ॒ଵାସ୍ଯ॑ ଦେ॒ଵତା॑ ଵୃଙ୍କ୍ତେ ॥ ଯୋ ଵୈ ଛନ୍ଦୋ॑ଭି-ରଭି॒ଭଵ॑ତି । ସ ସଗ୍ଂ॑ ସୁନ୍ଵ॒ତୋ-ର॒ଭିଭ॑ଵତି । ସଂ॒ଵେଁ॒ଶାଯ॑ ତ୍ଵୋପଵେ॒ଶାଯ॒-ତ୍ଵେତ୍ଯା॑ହ । ଛନ୍ଦାଗ୍ଂ॑ସି॒ ଵୈ ସଂ॑ଵେଁ॒ଶ ଉ॑ପଵେ॒ଶଃ । ଛନ୍ଦୋ॑ଭିରେ॒ଵାସ୍ଯ॒ ଛନ୍ଦାଗ୍॑ସ୍ଯ॒-ଭିଭ॑ଵତି ॥ ଇ॒ଷ୍ଟର୍ଗୋ॒ ଵା ଋ॒ତ୍ଵିଜା॑-ମଦ୍ଧ୍ଵ॒ର୍ଯୁଃ ॥ 35 ॥
ଇ॒ଷ୍ଟର୍ଗଃ॒ ଖଲୁ॒ ଵୈ ପୂର୍ଵୋ॒-ଽର୍ଷ୍ଟୁଃ, କ୍ଷୀ॑ଯତେ । ପ୍ରାଣା॑ପାନୌ ମୃ॒ତ୍ଯୋର୍ମା॑ ପାତ॒ମିତ୍ଯା॑ହ । ପ୍ରା॒ଣା॒ପା॒ନଯୋ॑ରେ॒ଵ ଶ୍ର॑ଯତେ । ପ୍ରାଣା॑ପାନୌ॒ ମା ମା॑ ହାସିଷ୍ଟ॒ମିତ୍ଯା॑ହ । ନୈନ॑-ମ୍ପୁ॒ରା-ଽଽଯୁ॑ଷଃ ପ୍ରାଣାପା॒ନୌ ଜ॑ହିତଃ ॥ ଆର୍ତିଂ॒-ଵାଁ ଏ॒ତେ ନିଯ॑ନ୍ତି । ଯେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀଯ॑ତେ । ତଂ-ଯଁଦ॑ଵ॒ଵର୍ଜେ॑ଯୁଃ । କ୍ରୂ॒ର॒କୃତା॑ମିଵୈଷାଂ-ଲୋଁ॒କ-ସ୍ସ୍ଯା᳚ତ୍ । ଆହ॑ର ଦ॒ହେତି॑ ବ୍ରୂଯାତ୍ ॥ 36 ॥
ତ-ନ୍ଦ॑କ୍ଷିଣ॒ତୋ ଵେଦ୍ଯୈ॑ ନି॒ଧାଯ॑ । ସ॒ର୍ପ॒ରା॒ଜ୍ଞିଯା॑ ଋ॒ଗ୍ଭି-ସ୍ସ୍ତୁ॑ଯୁଃ । ଇ॒ଯଂ-ଵୈଁ ସର୍ପ॑ତୋ॒ ରାଜ୍ଞୀ᳚ । ଅ॒ସ୍ଯା ଏ॒ଵୈନ॒-ମ୍ପରି॑ଦଦତି ॥ ଵ୍ଯୃ॑ଦ୍ଧ॒-ନ୍ତଦିତ୍ଯା॑ହୁଃ । ଯ-ଥ୍ସ୍ତୁ॒ତ-ମନ॑ନୁଶସ୍ତ॒-ମିତି॑ । ହୋତା᳚ ପ୍ରଥ॒ମଃ ପ୍ରା॑ଚୀନାଵୀ॒ତୀ ମା᳚ର୍ଜା॒ଲୀଯ॒-ମ୍ପରୀ॑ଯାତ୍ । ଯା॒ମୀର॑ନୁ-ବ୍ରୁ॒ଵନ୍ନ୍ । ସ॒ର୍ପ॒ରା॒ଜ୍ଞୀନା᳚-ଙ୍କୀର୍ତଯେତ୍ । ଉ॒ଭଯୋ॑ରେ॒ଵୈନଂ॑-ଲୋଁ॒କଯୋଃ॒ ପରି॑ଦଦତି ॥ 37 ॥
ଅଥୋ॑ ଧୁ॒ଵନ୍ତ୍ଯେ॒ଵୈନ᳚ମ୍ । ଅଥୋ॒ ନ୍ଯେ॑ଵାସ୍ମୈ᳚ ହ୍ନୁଵତେ ॥ ତ୍ରିଃ ପରି॑ଯନ୍ତି । ତ୍ରଯ॑ ଇ॒ମେ ଲୋ॒କାଃ । ଏ॒ଭ୍ଯ ଏ॒ଵୈନଂ॑-ଲୋଁ॒କେଭ୍ଯୋ॑ ଧୁଵତେ । ତ୍ରିଃ ପୁନଃ॒ ପରି॑ଯନ୍ତି । ଷଟ୍-ଥ୍ସମ୍ପ॑ଦ୍ଯନ୍ତେ । ଷଡ୍ଵା ଋ॒ତଵଃ॑ । ଋ॒ତୁଭି॑ରେ॒ଵୈନ॑-ନ୍ଧୁଵତେ ॥ ଅଗ୍ନ॒ ଆଯୂଗ୍ଂ॑ଷି ପଵସ॒ ଇତି॑ ପ୍ରତି॒ପଦ॑-ଙ୍କୁର୍ଵୀରନ୍ନ୍ । ର॒ଥ॒ନ୍ତ॒ରସା॑ମୈଷା॒ଗ୍ଂ॒ ସୋମଃ॑ ସ୍ଯାତ୍ । ଆଯୁ॑ରେ॒ଵାତ୍ମନ୍-ଦ॑ଧତେ । ଅଥୋ॑ ପା॒ପ୍ମାନ॑ମେ॒ଵ ଵି॒ଜହ॑ତୋ ଯନ୍ତି ॥ 38 ॥
(ଅ॒ଭିଜି॑ତ୍ଯୈ - ପୃଥି॒ଵ୍ଯାଶ୍ଚ॒ - ସ୍ଯା - ଦ॑ଦ୍ଧ୍ଵ॒ର୍ଯୁ--ର୍ ବ୍ରୁ॑ଯାଲ୍ - ଲୋ॒କଯୋଃ॒ ପରି॑ଦଦତି - କୁର୍ଵର॒ଗ୍ଗ୍॒ ସ୍ତ୍ରୀଣି॑ ଚ) (ଅ. 6)
ଅନୁଵାକଂ 7 - ଯୂପଵିରୋହଣାଦିପ୍ରାଯଶ୍ଚିତ୍ତମ୍
ଅ॒ସୁ॒ର୍ଯଂ॑-ଵାଁ ଏ॒ତସ୍ମା॒-ଦ୍ଵର୍ଣ॑-ଙ୍କୃ॒ତ୍ଵା । ପ॒ଶଵୋ॑ ଵୀ॒ର୍ଯ॑-ମପ॑କ୍ରାମନ୍ତି । ଯସ୍ଯ॒ ଯୂପୋ॑ ଵି॒ରୋହ॑ତି । ତ୍ଵା॒ଷ୍ଟ୍ର-ମ୍ବ॑ହୁରୂ॒ପ-ମାଲ॑ଭେତ । ତ୍ଵଷ୍ଟା॒ ଵୈ ରୂ॒ପାଣା॑ମୀଶେ । ଯ ଏ॒ଵ ରୂ॒ପାଣା॒ମୀଶେ᳚ । ସୋ᳚-ଽସ୍ମି-ନ୍ପ॒ଶୂନ୍. ଵୀ॒ର୍ଯଂ॑-ଯଁଚ୍ଛତି । ନାସ୍ମା᳚ତ୍-ପ॒ଶଵୋ॑ ଵୀ॒ର୍ଯ॑-ମପ॑କ୍ରାମନ୍ତି ॥ ଆର୍ତିଂ॒-ଵାଁ ଏ॒ତେ ନିଯ॑ନ୍ତି । ଯେଷା᳚-ନ୍ଦୀକ୍ଷି॒ତାନା॑-ମ॒ଗ୍ନି-ରୁ॒ଦ୍ଵାଯ॑ତି ॥ 39 ॥
ଅନୁଵାକଂ 7 - ଯୂପଵିରୋହଣାଦିପ୍ରାଯଶ୍ଚିତ୍ତମ୍
ଅ॒ସୁ॒ର୍ଯଂ॑-ଵାଁ ଏ॒ତସ୍ମା॒-ଦ୍ଵର୍ଣ॑-ଙ୍କୃ॒ତ୍ଵା । ପ॒ଶଵୋ॑ ଵୀ॒ର୍ଯ॑-ମପ॑କ୍ରାମନ୍ତି । ଯସ୍ଯ॒ ଯୂପୋ॑ ଵି॒ରୋହ॑ତି । ତ୍ଵା॒ଷ୍ଟ୍ର-ମ୍ବ॑ହୁରୂ॒ପ-ମାଲ॑ଭେତ । ତ୍ଵଷ୍ଟା॒ ଵୈ ରୂ॒ପାଣା॑ମୀଶେ । ଯ ଏ॒ଵ ରୂ॒ପାଣା॒ମୀଶେ᳚ । ସୋ᳚-ଽସ୍ମି-ନ୍ପ॒ଶୂନ୍. ଵୀ॒ର୍ଯଂ॑-ଯଁଚ୍ଛତି । ନାସ୍ମା᳚ତ୍-ପ॒ଶଵୋ॑ ଵୀ॒ର୍ଯ॑-ମପ॑କ୍ରାମନ୍ତି ॥ ଆର୍ତିଂ॒-ଵାଁ ଏ॒ତେ ନିଯ॑ନ୍ତି । ଯେଷା᳚-ନ୍ଦୀକ୍ଷି॒ତାନା॑-ମ॒ଗ୍ନି-ରୁ॒ଦ୍ଵାଯ॑ତି ॥ 39 ॥
ଯଦା॑ହଵ॒ନୀଯ॑ ଉ॒ଦ୍ଵାଯେ᳚ତ୍ । ଯତ୍ତ-ମ୍ମନ୍ଥେ᳚ତ୍ । ଵିଚ୍ଛି॑ନ୍ଦ୍ଯାତ୍ । ଭ୍ରାତୃ॑ଵ୍ଯମସ୍ମୈ ଜନଯେତ୍ । ଯଦା॑ହଵ॒ନୀଯ॑ ଉ॒ଦ୍ଵାଯେ᳚ତ୍ । ଆଗ୍ନୀ᳚ଦ୍ଧ୍ରା॒-ଦୁଦ୍ଧ॑ରେତ୍ । ଯଦାଗ୍ନୀ᳚ଦ୍ଧ୍ର ଉ॒ଦ୍ଵାଯେ᳚ତ୍ । ଗାର୍ହ॑ପତ୍ଯା॒-ଦୁଦ୍ଧ॑ରେତ୍ । ଯ-ଦ୍ଗାର୍ହ॑ପତ୍ଯ ଉ॒ଦ୍ଵାଯେ᳚ତ୍ । ଅତ॑ ଏ॒ଵ ପୁନ॑-ର୍ମନ୍ଥେତ୍ ॥ 40 ॥
ଅତ୍ର॒ ଵାଵ ସ ନିଲ॑ଯତେ । ଯତ୍ର॒ ଖଲୁ॒ ଵୈ ନିଲୀ॑ନ-ମୁତ୍ତ॒ମ-ମ୍ପଶ୍ଯ॑ନ୍ତି । ତଦେ॑ନ-ମିଚ୍ଛନ୍ତି ॥ ଯସ୍ମା॒-ଦ୍ଦାରୋ॑ରୁ॒ଦ୍ଵାଯେ᳚ତ୍ । ତସ୍ଯା॒ରଣୀ॑ କୁର୍ଯାତ୍ । କ୍ରୁ॒ମୁ॒କମପି॑ କୁର୍ଯାତ୍ । ଏ॒ଷା ଵା ଅ॒ଗ୍ନେଃ ପ୍ରି॒ଯା ତ॒ନୂଃ । ଯତ୍-କ୍ରୁ॑ମୁ॒କଃ । ପ୍ରି॒ଯଯୈ॒ଵୈନ॑-ନ୍ତ॒ନୁଵା॒ ସମ॑ର୍ଧଯତି ॥ ଗାର୍ହ॑ପତ୍ଯ-ମ୍ମନ୍ଥତି ॥ 41 ॥
ଗାର୍ହ॑ପତ୍ଯୋ॒ ଵା ଅ॒ଗ୍ନେର୍ଯୋନିଃ॑ । ସ୍ଵାଦେ॒ଵୈନଂ॒-ଯୋଁନେ᳚-ର୍ଜନଯତି । ନାସ୍ମୈ॒ ଭ୍ରାତୃ॑ଵ୍ଯ-ଞ୍ଜନଯତି ॥ ଯସ୍ଯ॒ ସୋମ॑ ଉପ॒ଦସ୍ଯେ᳚ତ୍ । ସୁ॒ଵର୍ଣ॒ଗ୍ଂ॒ ହିର॑ଣ୍ଯ-ନ୍ଦ୍ଵେ॒ଧା ଵି॒ଚ୍ଛିଦ୍ଯ॑ । ଋ॒ଜୀ॒ଷେ᳚-ଽନ୍ଯଦା॑ଧୂନୁ॒ଯାତ୍ । ଜୁ॒ହୁ॒ଯାଦ॒ନ୍ଯତ୍ । ସୋମ॑ମେ॒ଵା-ଭି॑ଷୁ॒ଣୋତି॑ । ସୋମ॑-ଞ୍ଜୁହୋତି ॥ ସୋମ॑ସ୍ଯ॒ ଵା ଅ॑ଭିଷୂ॒ଯମା॑ଣସ୍ଯ ପ୍ରି॒ଯା ତ॒ନୂ-ରୁଦ॑କ୍ରାମତ୍ ॥ 42 ॥
ତ-ଥ୍ସୁ॒ଵର୍ଣ॒ଗ୍ଂ॒ ହିର॑ଣ୍ଯ-ମଭଵତ୍ । ଯ-ଥ୍ସୁ॒ଵର୍ଣ॒ଗ୍ଂ॒ ହିର॑ଣ୍ଯ-ଙ୍କୁ॒ର୍ଵନ୍ତି॑ । ପ୍ରି॒ଯଯୈ॒ଵୈନ॑-ନ୍ତ॒ନୁଵା॒ ସମ॑ର୍ଧଯନ୍ତି ॥ ଯସ୍ଯାକ୍ରୀ॑ତ॒ଗ୍ଂ॒ ସୋମ॑-ମପ॒ହରେ॑ଯୁଃ । କ୍ରୀ॒ଣୀ॒ଯାଦେ॒ଵ । ସୈଵ ତତଃ॒ ପ୍ରାଯ॑ଶ୍ଚିତ୍ତିଃ ॥ ଯସ୍ଯ॑ କ୍ରୀ॒ତମ॑ପ॒ହରେ॑ଯୁଃ । ଆ॒ଦା॒ରାଗ୍ଶ୍ଚ॑ ଫାଲ୍ଗୁ॒ନାନି॑ ଚା॒ଭିଷୁ॑ଣୁଯାତ୍ । ଗା॒ଯ॒ତ୍ରୀ ଯଗ୍ଂ ସୋମ॒ମାହ॑ରତ୍ । ତସ୍ଯ॒ ଯୋ-ଽଗ୍ଂ॑ଶୁଃ ପ॒ରା-ଽପ॑ତତ୍ ॥ 43 ॥
ତ ଆ॑ଦା॒ରା ଅ॑ଭଵନ୍ନ୍ । ଇନ୍ଦ୍ରୋ॑ ଵୃ॒ତ୍ରମ॑ହନ୍ନ୍ । ତସ୍ଯ॑ ଵ॒ଲ୍କଃ ପରା॑-ଽପତତ୍ । ତାନି॑ ଫାଲ୍ଗୁ॒ନାନ୍ଯ॑ଭଵନ୍ନ୍ । ପ॒ଶଵୋ॒ ଵୈ ଫା᳚ଲ୍ଗୁ॒ନାନି॑ । ପ॒ଶଵ॒-ସ୍ସୋମୋ॒ ରାଜା᳚ । ଯଦା॑ଦା॒ରାଗ୍ଶ୍ଚ॑ ଫାଲ୍ଗୁ॒ନାନି॑ ଚାଭିଷୁ॒ଣୋତି॑ । ସୋମ॑ମେ॒ଵ ରାଜା॑ନମ॒ଭିଷୁ॑ଣୋତି ॥ ଶୃ॒ତେନ॑ ପ୍ରାତସ୍ସଵ॒ନେ ଶ୍ରୀ॑ଣୀଯାତ୍ । ଦ॒ଦ୍ଧ୍ନା ମ॒ଦ୍ଧ୍ଯନ୍ଦି॑ନେ ॥ 44 ॥
ନୀ॒ତ॒ମି॒ଶ୍ରେଣ॑ ତୃତୀଯସଵ॒ନେ । ଅ॒ଗ୍ନି॒ଷ୍ଟୋ॒ମ-ସ୍ସୋମଃ॑ ସ୍ଯା-ଦ୍ରଥନ୍ତ॒ରସା॑ମା । ଯ ଏ॒ଵର୍ତ୍ଵିଜୋ॑ ଵୃ॒ତା-ସ୍ସ୍ଯୁଃ । ତ ଏ॑ନଂ-ଯାଁଜଯେଯୁଃ । ଏକା॒-ଙ୍ଗା-ନ୍ଦକ୍ଷି॑ଣା-ନ୍ଦଦ୍ଯା॒ତ୍ତେଭ୍ଯ॑ ଏ॒ଵ । ପୁନ॒-ସ୍ସୋମ॑-ଙ୍କ୍ରୀଣୀଯାତ୍ । ଯ॒ଜ୍ଞେନୈ॒ଵ ତ-ଦ୍ଯ॒ଜ୍ଞ-ମି॑ଚ୍ଛତି । ସୈଵ ତତଃ॒ ପ୍ରାଯ॑ଶ୍ଚିତ୍ତିଃ ॥ ସର୍ଵା᳚ଭ୍ଯୋ॒ ଵା ଏ॒ଷ ଦେ॒ଵତା᳚ଭ୍ଯ॒-ସ୍ସର୍ଵେ᳚ଭ୍ଯଃ ପୃ॒ଷ୍ଠେଭ୍ଯ॑ ଆ॒ତ୍ମାନ॒-ମାଗୁ॑ରତେ । ଯ-ସ୍ସ॒ତ୍ରାଯା॑ଗୁ॒ରତେ᳚ । ଏ॒ତାଵା॒ନ୍-ଖଲୁ॒ ଵୈ ପୁରୁ॑ଷଃ । ଯାଵ॑ଦସ୍ଯ ଵି॒ତ୍ତମ୍ । ସ॒ର୍ଵ॒ଵେ॒ଦ॒ସେନ॑ ଯଜେତ । ସର୍ଵ॑ପୃଷ୍ଠୋ-ଽସ୍ଯ॒ ସୋମଃ॑ ସ୍ଯାତ୍ । ସର୍ଵା᳚ଭ୍ଯ ଏ॒ଵ ଦେ॒ଵତା᳚ଭ୍ଯ॒-ସ୍ସର୍ଵେ᳚ଭ୍ଯଃ ପୃ॒ଷ୍ଠେଭ୍ଯ॑ ଆ॒ତ୍ମାନ॒-ନ୍ନିଷ୍କ୍ରୀ॑ଣୀତେ ॥ 45 ॥
(ଉ॒ଦ୍ଵାଯ॑ତି - ମନ୍ଥେନ୍ - ମନ୍ଥ - ତ୍ଯକ୍ରାମତ୍ - ପ॒ରା-ଽପ॑ତନ୍ - ମ॒ଦ୍ଧ୍ଯନ୍ଦି॑ନ - ଆଗୁ॒ରତେ॒ ପଞ୍ଚ॑ ଚ) (ଅ. 7)
ଅନୁଵାକଂ 8 - ପାଵମାନୀମନ୍ତ୍ରାଃ (ସ୍ମାର୍ତେ ଶ୍ଞାନାଦୌ ମାର୍ଜନାର୍ଥାଶ୍ଚ)
ପଵ॑ମାନ॒-ସ୍ସୁଵ॒ର୍ଜନଃ॑ । ପ॒ଵିତ୍ରେ॑ଣ॒ ଵିଚ॑ର୍ଷଣିଃ । ଯଃ ପୋତା॒ ସ ପୁ॑ନାତୁ ମା ॥ ପୁ॒ନନ୍ତୁ॑ ମା ଦେଵଜ॒ନାଃ । ପୁ॒ନନ୍ତୁ॒ ମନ॑ ଵୋ ଧି॒ଯା । ପୁ॒ନନ୍ତୁ॒ ଵିଶ୍ଵ॑ ଆ॒ଯଵଃ॑ ॥ ଜାତ॑ଵେଦଃ ପ॒ଵିତ୍ର॑ଵତ୍ । ପ॒ଵିତ୍ରେ॑ଣ ପୁନାହି ମା । ଶୁ॒କ୍ରେଣ॑ ଦେଵ॒ ଦୀଦ୍ଯ॑ତ୍ । ଅଗ୍ନେ॒ କ୍ରତ୍ଵା॒ କ୍ରତୂ॒ଗ୍ଂ॒ ରନୁ॑ ॥ 46 ॥
ଅନୁଵାକଂ 8 - ପାଵମାନୀମନ୍ତ୍ରାଃ (ସ୍ମାର୍ତେ ଶ୍ଞାନାଦୌ ମାର୍ଜନାର୍ଥାଶ୍ଚ)
ପଵ॑ମାନ॒-ସ୍ସୁଵ॒ର୍ଜନଃ॑ । ପ॒ଵିତ୍ରେ॑ଣ॒ ଵିଚ॑ର୍ଷଣିଃ । ଯଃ ପୋତା॒ ସ ପୁ॑ନାତୁ ମା ॥ ପୁ॒ନନ୍ତୁ॑ ମା ଦେଵଜ॒ନାଃ । ପୁ॒ନନ୍ତୁ॒ ମନ॑ ଵୋ ଧି॒ଯା । ପୁ॒ନନ୍ତୁ॒ ଵିଶ୍ଵ॑ ଆ॒ଯଵଃ॑ ॥ ଜାତ॑ଵେଦଃ ପ॒ଵିତ୍ର॑ଵତ୍ । ପ॒ଵିତ୍ରେ॑ଣ ପୁନାହି ମା । ଶୁ॒କ୍ରେଣ॑ ଦେଵ॒ ଦୀଦ୍ଯ॑ତ୍ । ଅଗ୍ନେ॒ କ୍ରତ୍ଵା॒ କ୍ରତୂ॒ଗ୍ଂ॒ ରନୁ॑ ॥ 46 ॥
ଯତ୍ତେ॑ ପ॒ଵିତ୍ର॑-ମ॒ର୍ଚିଷି॑ । ଅଗ୍ନେ॒ ଵିତ॑ତମନ୍ତ॒ରା । ବ୍ରହ୍ମ॒ ତେନ॑ ପୁନୀମହେ ॥ ଉ॒ଭାଭ୍ଯା᳚-ନ୍ଦେଵ ସଵିତଃ ।ପ॒ଵିତ୍ରେ॑ଣ ସ॒ଵେନ॑ ଚ । ଇ॒ଦ-ମ୍ବ୍ରହ୍ମ॑ ପୁନୀମହେ ॥ ଵୈ॒ଶ୍ଵ॒ଦେ॒ଵୀ ପୁ॑ନ॒ତୀ ଦେ॒ଵ୍ଯାଗା᳚ତ୍ । ଯସ୍ଯୈ॑ ବ॒ହ୍ଵୀ-ସ୍ତ॒ନୁଵୋ॑ ଵୀ॒ତପୃ॑ଷ୍ଠାଃ । ତଯା॒ ମଦ॑ନ୍ତ-ସ୍ସଧ॒ମାଦ୍ଯେ॑ଷୁ । ଵ॒ଯଗ୍ଗ୍ ସ୍ଯା॑ମ॒ ପତ॑ଯୋ ରଯୀ॒ଣାମ୍ ॥ 47 ॥
ଵୈ॒ଶ୍ଵା॒ନ॒ରୋ ର॒ଶ୍ମିଭି॑ର୍ମା ପୁନାତୁ । ଵାତଃ॑ ପ୍ରା॒ଣେନେ॑ଷି॒ରୋ ମ॑ଯୋ॒ଭୂଃ । ଦ୍ଯାଵା॑ପୃଥି॒ଵୀ ପଯ॑ସା॒ ପଯୋ॑ଭିଃ । ଋ॒ତାଵ॑ରୀ ଯ॒ଜ୍ଞିଯେ॑ ମା ପୁନୀତାମ୍ ॥ ବୃ॒ହଦ୍ଭିଃ॑ ସଵିତ॒ସ୍ତୃଭିଃ॑ । ଵର୍ଷି॑ଷ୍ଠୈ-ର୍ଦେଵ॒ ମନ୍ମ॑ଭିଃ । ଅଗ୍ନେ॒ ଦକ୍ଷୈଃ᳚ ପୁନାହି ମା ॥ ଯେନ॑ ଦେ॒ଵା ଅପୁ॑ନତ । ଯେନାପୋ॑ ଦି॒ଵ୍ଯ-ଙ୍କଶଃ॑ । ତେନ॑ ଦି॒ଵ୍ଯେନ॒ ବ୍ରହ୍ମ॑ଣା ॥ 48 ॥
ଇ॒ଦ-ମ୍ବ୍ରହ୍ମ॑ ପୁନୀମହେ ॥ ଯଃ ପା॑ଵମା॒ନୀର॒ଦ୍ଧ୍ଯେତି॑ । ଋଷି॑ଭି॒-ସ୍ସମ୍ଭୃ॑ତ॒ଗ୍ଂ॒ ରସ᳚ମ୍ । ସର୍ଵ॒ଗ୍ଂ॒ ସ ପୂ॒ତମ॑ଶ୍ଞାତି । ସ୍ଵ॒ଦି॒ତ-ମ୍ମା॑ତ॒ରିଶ୍ଵ॑ନା ॥ ପା॒ଵ॒ମା॒ନୀର୍ଯୋ ଅ॒ଦ୍ଧ୍ଯେତି॑ । ଋଷି॑ଭି॒-ସ୍ସମ୍ଭୃ॑ତ॒ଗ୍ଂ॒ ରସ᳚ମ୍ । ତସ୍ମୈ॒ ସର॑ସ୍ଵତୀ ଦୁହେ । କ୍ଷୀ॒ରଗ୍ଂ ସ॒ର୍ପି-ର୍ମଧୂ॑ଦ॒କମ୍ ॥ ପା॒ଵ॒ମା॒ନୀ-ସ୍ସ୍ଵ॒ସ୍ତ୍ଯଯ॑ନୀଃ ॥ 49 ॥
ସୁ॒ଦୁଘା॒ ହି ପଯ॑ସ୍ଵତୀଃ । ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ । ବ୍ରା॒ହ୍ମ॒ଣେଷ୍ଵ॒ମୃତଗ୍ଂ॑ ହି॒ତମ୍ ॥ ପା॒ଵ॒ମା॒ନୀ-ର୍ଦି॑ଶନ୍ତୁ ନଃ । ଇ॒ମଂ-ଲୋଁ॒କମଥୋ॑ ଅ॒ମୁମ୍ । କାମା॒ନ୍-ଥ୍ସମ॑ର୍ଧଯନ୍ତୁ ନଃ । ଦେ॒ଵୀ-ର୍ଦେ॒ଵୈ-ସ୍ସ॒ମାଭୃ॑ତାଃ ॥ ପା॒ଵ॒ମା॒ନୀ-ସ୍ସ୍ଵ॒ସ୍ତ୍ଯଯ॑ନୀଃ । ସୁ॒ଦୁଘା॒ହି ଘୃ॑ତ॒ଶ୍ଚୁତଃ॑ । ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ ॥ 50 ॥
ବ୍ରା॒ହ୍ମ॒ଣେଷ୍ଵ॒ମୃତଗ୍ଂ॑ ହି॒ତମ୍ ॥ ଯେନ॑ ଦେ॒ଵାଃ ପ॒ଵିତ୍ରେ॑ଣ । ଆ॒ତ୍ମାନ॑-ମ୍ପୁ॒ନତେ॒ ସଦା᳚ । ତେନ॑ ସ॒ହସ୍ର॑ଧାରେଣ । ପା॒ଵ॒ମା॒ନ୍ଯଃ ପୁ॑ନନ୍ତୁ ମା ॥ ପ୍ରା॒ଜା॒ପ॒ତ୍ଯ-ମ୍ପ॒ଵିତ୍ର᳚ମ୍ । ଶ॒ତୋଦ୍ଯା॑ମଗ୍ଂ ହିର॒ଣ୍ମଯ᳚ମ୍ । ତେନ॑ ବ୍ରହ୍ମ॒ ଵିଦୋ॑ ଵ॒ଯମ୍ । ପୂ॒ତ-ମ୍ବ୍ରହ୍ମ॑ ପୁନୀମହେ ॥ ଇନ୍ଦ୍ରଃ॑ ସୁନୀ॒ତୀ ସ॒ହ ମା॑ ପୁନାତୁ । ସୋମଃ॑ ସ୍ଵ॒ସ୍ତ୍ଯା ଵରୁ॑ଣ-ସ୍ସ॒ମୀଚ୍ଯା᳚ । ଯ॒ମୋ ରାଜା᳚ ପ୍ରମୃ॒ଣାଭିଃ॑ ପୁନାତୁ ମା । ଜା॒ତଵେ॑ଦା ମୋ॒ର୍ଜଯ॑ନ୍ତ୍ଯା ପୁନାତୁ ॥ 51 ॥
(ଅନୁ॑ - ରଯୀ॒ଣାଂ - ବ୍ରହ୍ମ॑ଣା - ସ୍ଵ॒ସ୍ତ୍ଯଯ॑ନୀଃ - ସୁ॒ଦୁଘା॒ ହି ଘୃ॑ତ॒ଶ୍ଚୁତ॒ ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ - ପୁନାତୁ॒ ତ୍ରୀଣି॑ ଚ ) (ଅ. 8)
ଅନୁଵାକଂ 9 - ରାଜସୂଯଗତଚାତୁର୍ମାସ୍ଯଶେଷଃ
ପ୍ର॒ଜା ଵୈ ସ॒ତ୍ରମା॑ସତ॒ ତପ॒ସ୍ତପ୍ଯ॑ମାନା॒ ଅଜୁ॑ହ୍ଵତୀଃ । ଦେ॒ଵା ଅ॑ପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନା᳚ର୍ଧମା॒ସ ଊର୍ଜ॒ମଵା॑ରୁନ୍ଧତ । ତସ୍ମା॑ଦର୍ଧମା॒ସେ ଦେ॒ଵା ଇ॑ଜ୍ଯନ୍ତେ ॥ ପି॒ତରୋ॑-ଽପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ- ମ॑ଜୁହଵୁଃ । ତେନ॑ ମା॒ସ୍ଯୂର୍ଜ॒ମଵା॑ରୁନ୍ଧତ । ତସ୍ମା᳚-ନ୍ମା॒ସି ପି॒ତୃଭ୍ଯଃ॑ କ୍ରିଯତେ । ମ॒ନୁ॒ଷ୍ଯା॑ ଅପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ ॥ 52 ॥
ଅନୁଵାକଂ 9 - ରାଜସୂଯଗତଚାତୁର୍ମାସ୍ଯଶେଷଃ
ପ୍ର॒ଜା ଵୈ ସ॒ତ୍ରମା॑ସତ॒ ତପ॒ସ୍ତପ୍ଯ॑ମାନା॒ ଅଜୁ॑ହ୍ଵତୀଃ । ଦେ॒ଵା ଅ॑ପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନା᳚ର୍ଧମା॒ସ ଊର୍ଜ॒ମଵା॑ରୁନ୍ଧତ । ତସ୍ମା॑ଦର୍ଧମା॒ସେ ଦେ॒ଵା ଇ॑ଜ୍ଯନ୍ତେ ॥ ପି॒ତରୋ॑-ଽପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ- ମ॑ଜୁହଵୁଃ । ତେନ॑ ମା॒ସ୍ଯୂର୍ଜ॒ମଵା॑ରୁନ୍ଧତ । ତସ୍ମା᳚-ନ୍ମା॒ସି ପି॒ତୃଭ୍ଯଃ॑ କ୍ରିଯତେ । ମ॒ନୁ॒ଷ୍ଯା॑ ଅପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ ॥ 52 ॥
ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑-ଦ୍ଵ॒ଯୀମୂର୍ଜ॒ମଵା॑ରୁନ୍ଧତ । ତସ୍ମା॒-ଦ୍ଦ୍ଵିରହ୍ନୋ॑-ମନୁ॒ଷ୍ଯେ᳚ଭ୍ଯ॒ ଉପ॑ହ୍ରିଯତେ । ପ୍ରା॒ତଶ୍ଚ॑ ସା॒ଯ-ଞ୍ଚ॑ । ପ॒ଶଵୋ॑-ଽପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑-ତ୍ର॒ଯୀମୂର୍ଜ॒ମଵା॑-ରୁନ୍ଧତ । ତସ୍ମା॒-ତ୍ତ୍ରିରହ୍ନଃ॑ ପ॒ଶଵଃ॒ ପ୍ରେର॑ତେ । ପ୍ରା॒ତସ୍ସ॑ଗଂ॒ଵେ ସା॒ଯମ୍ । ଅସୁ॑ରା ଅପଶ୍ଯ-ଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ ॥ 53 ॥
ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑ ସଂଵଁଥ୍ସ॒ର ଊର୍ଜ॒ମଵା॑-ରୁନ୍ଧତ ॥ ତେ ଦେ॒ଵା ଅ॑ମନ୍ଯନ୍ତ । ଅ॒ମୀ ଵା ଇ॒ଦମ॑ଭୂଵନ୍ନ୍ । ଯଦ୍ଵ॒ଯଗ୍ଗ୍ସ୍ମ ଇତି॑ । ତ ଏ॒ତାନି॑ ଚାତୁର୍ମା॒ସ୍ଯାନ୍ଯ॑ପଶ୍ଯନ୍ନ୍ । ତାନି॒ ନିର॑ଵପନ୍ନ୍ । ତୈରେ॒ଵୈଷା॒-ନ୍ତାମୂର୍ଜ॑ମଵୃଞ୍ଜତ । ତତୋ॑ ଦେ॒ଵା ଅଭ॑ଵନ୍ନ୍ । ପରା-ଽସୁ॑ରାଃ ॥ 54 ॥
ଯ-ଦ୍ଯଜ॑ତେ । ଯାମେ॒ଵ ଦେ॒ଵା ଊର୍ଜ॑ମ॒ଵାରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଯ-ତ୍ପି॒ତୃଭ୍ଯଃ॑ କ॒ରୋତି॑ । ଯାମେ॒ଵ ପି॒ତର॒ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଯଦା॑ଵସ॒ଥେ-ଽନ୍ନ॒ଗ୍ଂ॒ ହର॑ନ୍ତି । ଯାମେ॒ଵ ମ॑ନୁ॒ଷ୍ଯା॑ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଯ-ଦ୍ଦକ୍ଷି॑ଣା॒-ନ୍ଦଦା॑ତି ॥ 55 ॥
ଯାମେ॒ଵ ପ॒ଶଵ॒ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଯଚ୍ଚା॑ତୁ-ର୍ମା॒ସ୍ଯୈ-ର୍ଯଜ॑ତେ । ଯାମେ॒ଵାସୁ॑ରା॒ ଊର୍ଜ॑ମ॒-ଵାରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଭଵ॑ତ୍ଯା॒ତ୍ମନା᳚ । ପରା᳚-ଽସ୍ଯ॒ ଭ୍ରାତୃ॑ଵ୍ଯୋ ଭଵତି ॥ ଵି॒ରାଜୋ॒ ଵା ଏ॒ଷା ଵିକ୍ରା᳚ନ୍ତିଃ । ଯଚ୍ଚା॑ତୁ-ର୍ମା॒ସ୍ଯାନି॑ । ଵୈ॒ଶ୍ଵ॒ଦେ॒ଵେନା॒ସ୍ମିଁଲ୍ଲୋ॒କେ ପ୍ରତ୍ଯ॑ତିଷ୍ଠତ୍ । ଵ॒ରୁ॒ଣ॒ ପ୍ର॒ଘା॒ସୈ-ର॒ନ୍ତରି॑କ୍ଷେ । ସା॒କ॒ମେ॒ଧୈ-ର॒ମୁଷ୍ମି॑ଁଲ୍ଲୋ॒କେ । ଏ॒ଷ ହ॒ ତ୍ଵାଵୈତ-ଥ୍ସର୍ଵ॑-ମ୍ଭଵତି । ଯ ଏ॒ଵଂ-ଵିଁ॒ଦ୍ଵାଗ୍ଶ୍ଚା॑ତୁର୍ମା॒ସ୍ଯୈ-ର୍ଯଜ॑ତେ ॥ 56 ॥
(ମ॒ନୁ॒ଷ୍ଯା॑ ଅପଶ୍ଯଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧା-ମସୁ॑ରା ଅପଶ୍ଯଞ୍ଚମ॒ସ-ଙ୍ଘୃ॒ତସ୍ଯ॑ ପୂ॒ର୍ଣଗ୍ଗ୍ ସ୍ଵ॒ଧା-ମସୁ॑ରା॒-ଦଦା᳚-ତ୍ଯତିଷ୍ଠ ଚ୍ଚ॒ତ୍ଵାରି॑ ଚ) (ଅ. 9)
ଅନୁଵାକଂ 10 - ଚାତୁର୍ମାସ୍ଯପ୍ରଶଂସନମ୍
ଅ॒ଗ୍ନିର୍ଵାଵ ସଂ॑ଵଁଥ୍ସ॒ରଃ । ଆ॒ଦି॒ତ୍ଯଃ ପ॑ରିଵଥ୍ସ॒ରଃ । ଚ॒ନ୍ଦ୍ରମା॑ ଇଦାଵଥ୍ସ॒ରଃ । ଵା॒ଯୁ-ର॑ନୁଵଥ୍ସ॒ରଃ ॥ ଯ-ଦ୍ଵୈ᳚ଶ୍ଵଦେ॒ଵେନ॒ ଯଜ॑ତେ । ଅ॒ଗ୍ନିମେ॒ଵ ତ-ଥ୍ସଂ॑ଵଁଥ୍ସ॒ର-ମା᳚ପ୍ନୋତି । ତସ୍ମା᳚-ଦ୍ଵୈଶ୍ଵଦେ॒ଵେନ॒ ଯଜ॑ମାନଃ । ସଂ॒ଵଁ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ଯାଶା॑ସୀତ ॥ ଯ-ଦ୍ଵ॑ରୁଣ ପ୍ରଘା॒ସୈ-ର୍ଯଜ॑ତେ । ଆ॒ଦି॒ତ୍ଯମେ॒ଵ ତ-ତ୍ପ॑ରିଵଥ୍ସ॒ର-ମା᳚ପ୍ନୋତି ॥ 57 ॥
ଅନୁଵାକଂ 10 - ଚାତୁର୍ମାସ୍ଯପ୍ରଶଂସନମ୍
ଅ॒ଗ୍ନିର୍ଵାଵ ସଂ॑ଵଁଥ୍ସ॒ରଃ । ଆ॒ଦି॒ତ୍ଯଃ ପ॑ରିଵଥ୍ସ॒ରଃ । ଚ॒ନ୍ଦ୍ରମା॑ ଇଦାଵଥ୍ସ॒ରଃ । ଵା॒ଯୁ-ର॑ନୁଵଥ୍ସ॒ରଃ ॥ ଯ-ଦ୍ଵୈ᳚ଶ୍ଵଦେ॒ଵେନ॒ ଯଜ॑ତେ । ଅ॒ଗ୍ନିମେ॒ଵ ତ-ଥ୍ସଂ॑ଵଁଥ୍ସ॒ର-ମା᳚ପ୍ନୋତି । ତସ୍ମା᳚-ଦ୍ଵୈଶ୍ଵଦେ॒ଵେନ॒ ଯଜ॑ମାନଃ । ସଂ॒ଵଁ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ଯାଶା॑ସୀତ ॥ ଯ-ଦ୍ଵ॑ରୁଣ ପ୍ରଘା॒ସୈ-ର୍ଯଜ॑ତେ । ଆ॒ଦି॒ତ୍ଯମେ॒ଵ ତ-ତ୍ପ॑ରିଵଥ୍ସ॒ର-ମା᳚ପ୍ନୋତି ॥ 57 ॥
ତସ୍ମା᳚-ଦ୍ଵରୁଣ-ପ୍ରଘା॒ସୈ-ର୍ଯଜ॑ମାନଃ । ପ॒ରି॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ଯାଶା॑ସୀତ । ଯ-ଥ୍ସା॑କମେ॒ଧୈ-ର୍ଯଜ॑ତେ । ଚ॒ନ୍ଦ୍ରମ॑ସମେ॒ଵ ତଦି॑ଦାଵଥ୍ସ॒ର-ମା᳚ପ୍ନୋତି । ତସ୍ମା᳚-ଥ୍ସାକମେ॒ଧୈ-ର୍ଯଜ॑ମାନଃ । ଇ॒ଦା॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ଯାଶା॑ସୀତ ॥ ଯ-ତ୍ପି॑ତୃ ଯ॒ଜ୍ଞେନ॒ ଯଜ॑ତେ । ଦେ॒ଵାନେ॒ଵ ତଦ॒ନ୍ଵଵ॑ସ୍ଯତି ॥ ଅଥ॒ ଵା ଅ॑ସ୍ଯ ଵା॒ଯୁଶ୍ଚା॑-ନୁଵଥ୍ସ॒ରଶ୍ଚା ପ୍ରୀ॑ତା॒ଵୁଚ୍ଛି॑ଷ୍ଯେତେ । ଯଚ୍ଛୁ॑ନାସୀ॒ରୀଯେ॑ଣ॒ ଯଜ॑ତେ ॥ 58 ॥
ଵା॒ଯୁମେ॒ଵ ତଦ॑ନୁଵଥ୍ସ॒ର-ମା᳚ପ୍ନୋତି । ତସ୍ମା᳚-ଚ୍ଛୁନାସୀ॒ରୀଯେ॑ଣ॒ ଯଜ॑ମାନଃ । ଅ॒ନୁ॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ଯାଶା॑ସୀତ ॥ ସଂ॒ଵଁ॒ଥ୍ସ॒ରଂ-ଵାଁ ଏ॒ଷ ଈ᳚ଫ୍ସ॒ତୀତ୍ଯା॑ହୁଃ । ଯଶ୍ଚା॑ତୁ-ର୍ମା॒ସ୍ଯୈ-ର୍ଯଜ॑ତ॒ ଇତି॑ । ଏ॒ଷ ହ॒ ତ୍ଵୈ ସ॑ଵନ୍ଥ୍ସ॒ର-ମା᳚ପ୍ନୋତି । ଯ ଏ॒ଵଂ-ଵିଁ॒ଦ୍ଵାଗ୍ ଶ୍ଚା॑ତୁର୍ମା॒ସ୍ଯୈ-ର୍ଯଜ॑ତେ ॥ ଵିଶ୍ଵେ॑ ଦେ॒ଵା-ସ୍ସମ॑ଯଜନ୍ତ । ତେ᳚-ଽଗ୍ନିମେ॒ଵାଯ॑ଜନ୍ତ । ତ ଏ॒ତଂ-ଲୋଁ॒କମ॑ଜଯନ୍ନ୍ ॥ 59 ॥
ଯସ୍ମି॑ନ୍ନ॒ଗ୍ନିଃ । ଯ-ଦ୍ଵୈ᳚ଶ୍ଵଦେ॒ଵେନ॒ ଯଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ଯତି । ଯସ୍ମି॑ନ୍ନ॒ଗ୍ନିଃ । ଅ॒ଗ୍ନେରେ॒ଵ ସାଯୁ॑ଜ୍ଯ॒ମୁପୈ॑ତି ॥ ଯ॒ଦା ଵୈ᳚ଶ୍ଵଦେ॒ଵେନ॒ ଯଜ॑ତେ । ଅଥ॑ ସଂଵଁଥ୍ସ॒ରସ୍ଯ॑ ଗୃ॒ହପ॑ତି-ମାପ୍ନୋତି । ଯ॒ଦା ସଂ॑ଵଁଥ୍ସ॒ରସ୍ଯ॑ ଗୃ॒ହପ॑ତି-ମା॒ପ୍ନୋତି॑ । ଅଥ॑ ସହସ୍ରଯା॒ଜିନ॑-ମାପ୍ନୋତି । ଯ॒ଦା ସ॑ହସ୍ରଯା॒ଜିନ॑-ମା॒ପ୍ନୋତି॑ ॥ 60 ॥
ଅଥ॑ ଗୃହମେ॒ଧିନ॑-ମାପ୍ନୋତି । ଯ॒ଦା ଗୃ॑ହମେ॒ଧିନ॑-ମା॒ପ୍ନୋତି॑ । ଅଥା॒ଗ୍ନି-ର୍ଭ॑ଵତି । ଯ॒ଦା-ଽଗ୍ନି-ର୍ଭଵ॑ତି । ଅଥ॒ ଗୌର୍ଭ॑ଵତି । ଏ॒ଷା ଵୈ ଵୈ᳚ଶ୍ଵଦେ॒ଵସ୍ଯ॒ ମାତ୍ରା᳚ । ଏ॒ତ-ଦ୍ଵା ଏ॒ତେଷା॑ମଵ॒ମମ୍ । ଅତୋ॑-ଽତୋ॒ ଵା ଉତ୍ତ॑ରାଣି॒ ଶ୍ରେଯାଗ୍ଂ॑ସି ଭଵନ୍ତି । ଯ-ଦ୍ଵିଶ୍ଵେ॑ ଦେ॒ଵା-ସ୍ସ॒ମଯ॑ଜନ୍ତ । ତ-ଦ୍ଵୈ᳚ଶ୍ଵଦେ॒ଵସ୍ଯ॑ ଵୈଶ୍ଵଦେଵ॒ତ୍ଵମ୍ ॥ 61 ॥
ଅଥା॑ଦି॒ତ୍ଯୋ ଵରୁ॑ଣ॒ଗ୍ଂ॒ ରାଜା॑ନଂ-ଵଁରୁଣ ପ୍ରଘା॒ସୈର॑ଯଜତ । ସ ଏ॒ତଂ-ଲୋଁ॒କମ॑ଜଯତ୍ । ଯସ୍ମି॑ନ୍ନାଦି॒ତ୍ଯଃ । ଯ-ଦ୍ଵ॑ରୁଣ-ପ୍ରଘା॒ସୈ-ର୍ଯଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ଯତି । ଯସ୍ମି॑ନ୍ନାଦି॒ତ୍ଯଃ । ଆ॒ଦି॒ତ୍ଯସ୍ଯୈ॒ଵ-ସାଯୁ॑ଜ୍ଯ॒-ମୁପୈ॑ତି । ଯଦା॑ଦି॒ତ୍ଯୋ ଵରୁ॑ଣ॒ଗ୍ଂ॒ ରାଜା॑ନଂ-ଵଁରୁଣ ପ୍ରଘା॒ସୈରଯ॑ଜତ । ତ-ଦ୍ଵ॑ରୁଣ ପ୍ରଘା॒ସାନାଂ᳚-ଵଁରୁଣ ପ୍ରଘାସ॒ତ୍ଵମ୍ ॥ ଅଥ॒ ସୋମୋ॒ ରାଜା॒ ଛନ୍ଦାଗ୍ଂ॑ସି ସାକମେ॒ଧୈର॑ଯଜତ ॥ 62 ॥
ସ ଏ॒ତଂ-ଲୋଁ॒କମ॑ଜଯତ୍ । ଯସ୍ମିଗ୍ଗ୍॑ ଶ୍ଚ॒ନ୍ଦ୍ରମା॑ ଵି॒ଭାତି॑ । ଯ-ଥ୍ସା॑କମେ॒ଧୈ-ର୍ଯଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ଯତି । ଯସ୍ମିଗ୍ଗ୍॑ ଶ୍ଚ॒ନ୍ଦ୍ରମା॑ ଵି॒ଭାତି॑ । ଚ॒ନ୍ଦ୍ରମ॑ସ ଏ॒ଵ ସାଯୁ॑ଜ୍ଯ॒-ମୁପୈ॑ତି । ସୋମୋ॒ ଵୈ ଚ॒ନ୍ଦ୍ରମାଃ᳚ । ଏ॒ଷ ହ॒ ତ୍ଵୈ ସା॒କ୍ଷା-ଥ୍ସୋମ॑-ମ୍ଭକ୍ଷଯତି । ଯ ଏ॒ଵଂ-ଵିଁ॒ଦ୍ଵାନ୍-ଥ୍ସା॑କମେ॒ଧୈ-ର୍ଯଜ॑ତେ । ଯ-ଥ୍ସୋମ॑ଶ୍ଚ॒ ରାଜା॒ ଛନ୍ଦାଗ୍ଂ॑ସି ଚ ସ॒ମୈଧ॑ନ୍ତ ॥ 63 ॥
ତ-ଥ୍ସା॑କମେ॒ଧାନାଗ୍ଂ॑ ସାକମେଧ॒ତ୍ଵମ୍ ॥ ଅଥ॒ର୍ତଵଃ॑ ପି॒ତରଃ॑ ପ୍ର॒ଜାପ॑ତି-ମ୍ପି॒ତର॑-ମ୍ପିତୃଯ॒ଜ୍ଞେ-ନା॑ଯଜନ୍ତ । ତ ଏ॒ତଂ-ଲୋଁ॒କମ॑ଜଯନ୍ନ୍ । ଯସ୍ମି॑ନ୍ନୃ॒ତଵଃ॑ । ଯ-ତ୍ପି॑ତୃଯ॒ଜ୍ଞେନ॒ ଯଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ଯତି । ଯସ୍ମି॑ନ୍ନୃ॒ତଵଃ॑ । ଋ॒ତୂ॒ନାମେ॒ଵ ସାଯୁ॑ଜ୍ଯ॒-ମୁପୈ॑ତି । ଯଦ୍-ଋ॒ତଵଃ॑ ପି॒ତରଃ॑ ପ୍ର॒ଜାପ॑ତି-ମ୍ପି॒ତର॑-ମ୍ପିତୃଯ॒ଜ୍ଞେନାଯ॑ଜନ୍ତ । ତ-ତ୍ପି॑ତୃଯ॒ଜ୍ଞସ୍ଯ॑ ପିତୃଯଜ୍ଞ॒ତ୍ଵମ୍ ॥ 64 ॥
ଅଥୌଷ॑ଧଯ ଇ॒ମ-ନ୍ଦେ॒ଵ-ନ୍ତ୍ର୍ଯ॑ମ୍ବକୈ-ରଯଜନ୍ତ॒ ପ୍ରଥେ॑ମ॒ହୀତି॑ । ତତୋ॒ ଵୈ ତା ଅ॑ପ୍ରଥନ୍ତ । ଯ ଏ॒ଵଂ-ଵିଁ॒ଦ୍ଵାଗ୍ ସ୍ତ୍ର୍ଯ॑ମ୍ବକୈ॒-ର୍ଯଜ॑ତେ । ପ୍ରଥ॑ତେ ପ୍ର॒ଜଯା॑ ପ॒ଶୁଭିଃ॑ ॥ ଅଥ॑ ଵା॒ଯୁଃ ପ॑ରମେ॒ଷ୍ଠିନଗ୍ଂ॑ ଶୁନାସୀ॒ରୀଯେ॑ଣାଯଜତ । ସ ଏ॒ତଂ-ଲୋଁ॒କମ॑ଜଯତ୍ । ଯସ୍ମି॑ନ୍-ଵା॒ଯୁଃ । ଯଚ୍ଛୁ॑ନାସୀ॒ରୀଯେ॑ଣ॒ ଯଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ଯତି । ଯସ୍ମି॑ନ୍-ଵା॒ଯୁଃ ॥ 65 ॥
ଵା॒ଯୋରେ॒ଵ ସାଯୁ॑ଜ୍ଯ॒-ମୁପୈ॑ତି ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ପ୍ର ଚା॑ତୁର୍ମାସ୍ଯଯା॒ଜୀ-ମୀ॑ଯ॒ତା(3) ନ ପ୍ରମୀ॑ଯ॒ତା(3) ଇତି॑ । ଜୀଵ॒ନ୍ଵା ଏ॒ଷ ଋ॒ତୂନପ୍ଯେ॑ତି । ଯଦି॑ ଵ॒ସନ୍ତା᳚ ପ୍ର॒ମୀଯ॑ତେ । ଵ॒ସ॒ନ୍ତୋ ଭ॑ଵତି । ଯଦି॑ ଗ୍ରୀ॒ଷ୍ମେ ଗ୍ରୀ॒ଷ୍ମଃ । ଯଦି॑ ଵ॒ର୍॒ଷାସୁ॑ ଵ॒ର୍॒ଷାଃ । ଯଦି॑ ଶ॒ରଦି॑ ଶ॒ରତ୍ । ଯଦି॒ ହେମ॑ନ୍. ହେମ॒ନ୍ତଃ । ଋ॒ତୁର୍ଭୂ॒ତ୍ଵା ସଂ॑ଵଁଥ୍ସ॒ରମପ୍ଯେ॑ତି । ସଂ॒ଵଁ॒ଥ୍ସ॒ରଃ ପ୍ର॒ଜାପ॑ତିଃ । ପ୍ର॒ଜାପ॑ତି॒ର୍ଵା ଵୈଷଃ ॥ 66 ॥
(ପ॒ରି॒ଵ॒ଥ୍ସ॒ରମା᳚ପ୍ନୋତି - ଶୁନାସୀ॒ରୀଯେ॑ଣ॒ ଯଜ॑ତେ - ଽଜଯନ୍ଥ୍ - ସହସ୍ରଯା॒ଜିନ॑ମା॒ପ୍ନୋତି॑ - ଵୈଶ୍ଵଦେଵ॒ତ୍ଵଗ୍ଂ - ସା॑କମେ॒ଧୈର॑ଯଜତ - ସ॒ମୈଧ॑ନ୍ତ - ପିତୃଯଜ୍ଞ॒ତ୍ଵଂ - ଜ॑ଯତି॒ ଯସ୍ମି॑ନ୍ ଵା॒ଯୁ--ର୍ ହେ॑ମ॒ନ୍ତ ସ୍ତ୍ରୀଣୀ॑ ଚ) (ଅ. 10)
(ଉ॒ଭଯେ॑ - ଯୁ॒ଵଗ୍ଂ ସୁ॒ରାମ॒ - ମୁଦ॑ସ୍ଥା॒ନ୍ - ନି ଵୈ - ଯସ୍ଯ॑ ପ୍ରାତସ୍ସଵ॒ନ - ଏକୈ॑କୋ - ଽସୁ॒ର୍ଯମ୍ - ପଵ॑ମାନଃ - ପ୍ର॒ଜା ଵୈ ସ॒ତ୍ରମା॑ସ - ତା॒ଗ୍ନିର୍ଵାଵ ସଂ॑ଵଁଥ୍ସ॒ରୋ ଦଶ॑ )
(ଉ॒ଭଯେ॒ ଵା - ଉଦ॑ସ୍ଥା॒ଥ୍ - ସର୍ଵା॑ଭି--ର୍ ମଦ୍ଧ୍ଯ॒ତୋ - ଽତ୍ର॒ ଵାଵ - ବ୍ରା᳚ହ୍ମ॒ଣେଷ୍ଵ - ଥ॑ ଗୃହମେ॒ଧିନ॒ଗ୍ଂ॒ ଷଟ୍-ଥ୍ଷ॑ଷ୍ଟିଃ)
(ଉ॒ଭଯେ॒ - ଵାଵୈଷଃ)
॥ ହରିଃ॑ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକେ ଚତୁର୍ଥଃ ପ୍ରପାଠକ-ସ୍ସମାପ୍ତଃ ॥
1 କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକଂ
(ପ॒ରି॒ଵ॒ଥ୍ସ॒ରମା᳚ପ୍ନୋତି - ଶୁନାସୀ॒ରୀଯେ॑ଣ॒ ଯଜ॑ତେ - ଽଜଯନ୍ଥ୍ - ସହସ୍ରଯା॒ଜିନ॑ମା॒ପ୍ନୋତି॑ - ଵୈଶ୍ଵଦେଵ॒ତ୍ଵଗ୍ଂ - ସା॑କମେ॒ଧୈର॑ଯଜତ - ସ॒ମୈଧ॑ନ୍ତ - ପିତୃଯଜ୍ଞ॒ତ୍ଵଂ - ଜ॑ଯତି॒ ଯସ୍ମି॑ନ୍ ଵା॒ଯୁ--ର୍ ହେ॑ମ॒ନ୍ତ ସ୍ତ୍ରୀଣୀ॑ ଚ) (ଅ. 10)
(ଉ॒ଭଯେ॑ - ଯୁ॒ଵଗ୍ଂ ସୁ॒ରାମ॒ - ମୁଦ॑ସ୍ଥା॒ନ୍ - ନି ଵୈ - ଯସ୍ଯ॑ ପ୍ରାତସ୍ସଵ॒ନ - ଏକୈ॑କୋ - ଽସୁ॒ର୍ଯମ୍ - ପଵ॑ମାନଃ - ପ୍ର॒ଜା ଵୈ ସ॒ତ୍ରମା॑ସ - ତା॒ଗ୍ନିର୍ଵାଵ ସଂ॑ଵଁଥ୍ସ॒ରୋ ଦଶ॑ )
(ଉ॒ଭଯେ॒ ଵା - ଉଦ॑ସ୍ଥା॒ଥ୍ - ସର୍ଵା॑ଭି--ର୍ ମଦ୍ଧ୍ଯ॒ତୋ - ଽତ୍ର॒ ଵାଵ - ବ୍ରା᳚ହ୍ମ॒ଣେଷ୍ଵ - ଥ॑ ଗୃହମେ॒ଧିନ॒ଗ୍ଂ॒ ଷଟ୍-ଥ୍ଷ॑ଷ୍ଟିଃ)
(ଉ॒ଭଯେ॒ - ଵାଵୈଷଃ)
॥ ହରିଃ॑ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକେ ଚତୁର୍ଥଃ ପ୍ରପାଠକ-ସ୍ସମାପ୍ତଃ ॥
1 କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକଂ