3.9 - অষ্টাদশিনাং পশূনাং প্রযোগঃ - কৃষ্ণ যজুর্বেদ তৈত্তিরীয ব্রাহ্মণ পাঠঃ - প্রজাপতিঃ অশ্বমেধম্

কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে নবমঃ প্রপাঠকঃ - অষ্টাদশিনা-ম্পশূনা-ম্প্রযোগঃ
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
(অশ্বমেধস্য দ্বিতীয-তৃতীযা হর্বিধানম্)
অনুবাকং 1 - অষ্টাদশিনা-ঙ্গ্রাভ্যাণাং আরণ্যানা-ঞ্চ পশূনা-ম্প্রযোগঃ
প্রজাপতি-রশ্বমেধমসৃজত । সো-ঽস্মাথ্সৃষ্টো-ঽপাক্রামত্ ।
তমষ্টাদশিভিরনু প্রাযুঙ্ক্ত । তমাপ্নোত্ । তমাপ্ত্বা ঽষ্টাদশিভিরবারুন্ধ ।
যদষ্টাদশিন আলভ্যন্তে । যজ্ঞমেব তৈরাপ্ত্বা যজমানো-ঽবরুন্ধে ॥
সংবঁথ্সরস্য বা এষা প্রতিমা । যদষ্টাদশিনঃ ।
দ্বাদশ মাসাঃ পঞ্চর্তবঃ ॥ 1 ॥

সংবঁথ্সরো-ঽষ্টাদশঃ । যদষ্টাদশিন আলভ্যন্তে ।
সংবঁথ্সরমেব তৈরাপ্ত্বা
যজমানো-ঽবরুন্ধে ॥
অগ্নিষ্ঠে ঽন্যা-ন্পশূনুপা-করোতি ।
ইতরেষু যূপেষ্বষ্টাদশিনো-ঽজামিত্বায ॥
নব নবালভ্যন্তে সবীর্যত্বায ॥ যদারণ্যৈ-স্সগ্গ্ স্থাপযেত্ । ব্যবস্যেতা-ম্পিতা পুত্রৌ । ব্যদ্ধ্বানঃ ক্রামেযুঃ ।
বিদূর-ঙ্গ্রামযো র্গ্রামান্তৌ স্যাতাম্ ॥ 2 ॥

ঋক্ষীকাঃ পুরুষব্যাঘ্রাঃ পরিমোষিণ আব্যাধিনী-স্তস্করা অরণ্যেষ্বা-জাযেরন্ন্ ॥
তদাহুঃ । অপশবো বা এতে । যদারণ্যাঃ ।
যদারণ্যৈ-স্সগ্গ্স্থাপযেত । ক্ষিপ্রে যজমান-মরণ্য-ম্মৃতগ্ং হরেযুঃ ।
অরণ্যাযতনা হ্যারণ্যাঃ পশব ইতি । যত্পশূন্নালভেত । অনবরুদ্ধা অস্য পশবঃ স্যুঃ । যত্পর্যগ্নি-কৃতানুথ্সৃজেত্ ॥ 3 ॥

যজ্ঞবেশস-ঙ্কুর্যাত্ ॥ যত্পশূনালভতে । তেনৈব পশূনবরুন্ধে ।
যত্পর্যগ্নি-কৃতানুথ্সৃজত্য-যজ্ঞবেশসায ।
অবরুদ্ধা অস্য পশবো ভবন্তি ।
ন যজ্ঞবেশ সম্ভবতি ।
ন যজমান-মরণ্য-ম্মৃতগ্ং হরন্তি ॥
গ্রাম্যৈ-স্সগ্গ্স্থাপযতি । এতে বৈ পশবঃ, ক্ষেমো নাম । স-ম্পিতা পুত্রাব বস্যতঃ । সমদ্ধ্বানঃ ক্রামন্তি ।
সমন্তিক-ঙ্গ্রামযো-র্গ্রামান্তৌ ভবতঃ ।
নর্ক্ষীকাঃ পুরুষব্যাঘ্রাঃ পরিমোষিণ আব্যাধিনী-স্তস্করা অরণ্যেষ্বা জাযন্তে ॥ 4 ॥

(ঋতবঃ - স্যাতা - মুথ্সৃজেথ্ - স্যতস্ত্রীণি চ)(আ1)
অনুবাকং 2 - চাতুর্মাস্যপশূনা-ম্প্রযোগঃ
প্রজাপতির-কামযতোভৌ লোকাব-বরুন্ধীযেতি ।
স এতানুভযা-ন্পশূন পশ্যত্ । গ্রাম্যাগ্শ্চা-রণ্যাগ্শ্চ । তানালভত ।
তৈর্বৈ স উভৌ লোকাব বারুন্ধ । গ্রাম্যৈরেব পশুভিরিমং-লোঁকম বারুন্ধ ।
আরণ্যৈরমুম্ । যদ্গ্রাম্যা-ন্পশূনালভতে ।
ইমমেব তৈর্লোকমবরুন্ধে । যদারণ্যান্ ॥ 5 ॥

অমু-ন্তৈঃ ॥ অনবরুদ্ধো বা এতস্য সংবঁথ্সর ইত্যাহুঃ । য ইত ইতশ্চাতুর্মাস্যানি সংবঁথ্সর-ম্প্রযুঙ্ক্ত ইতি ।
এতাবান্. বৈ সংবঁথ্সরঃ । যচ্চাতুর্মাস্যানি । যদেতে চাতুর্মাস্যাঃ পশব আলভ্যন্তে । প্রত্যক্ষমেব তৈ-স্সংবঁথ্সরং-যঁজমানো-ঽবরুন্ধে । ॥
বি বা এষ প্রজযা পশুভির্-ঋদ্ধ্যতে ।
য-স্সংবঁথ্সর-ম্প্রযুঙ্ক্তে । সংবঁথ্সর-স্সুবর্গো লোকঃ ॥ 6 ॥

সুবর্গ-ন্তু লোক-ন্নাপরাদ্ধ্নোতি ।
প্রজা বৈ পশব একাদশিনী ।
যদেত ঐকাদশিনাঃ পশব আলভ্যন্তে ।
সাক্ষাদেব প্রজা-ম্পশূন্. যজমানো-ঽবরুন্ধে ॥ প্রজাপতি-র্বিরাজমসৃজত ।
সা সৃষ্টা-ঽশ্বমেধ-ম্প্রাবিশত্ ।
তা-ন্দশিভিরনু প্রাযুঙ্ক্ত । তামাপ্নোত্ ।
তামাপ্ত্বা দশিভিরবারুন্ধ । যদ্দশিন আলভ্যন্তে ॥ 7 ॥

বিরাজমেব তৈরাপ্ত্বা যজমানো-ঽবরুন্ধে ॥
একাদশ দশত আলভ্যন্তে । একাদশাক্ষরা ত্রিষ্টুপ্ । ত্রৈষ্টুভাঃ পশবঃ । পশূনেবাবরুন্ধে ॥ বৈশ্বদেবো বা অশ্বঃ। নানাদেবত্যাঃ পশবো ভবন্তি ।
অশ্বস্য সর্বত্বায । নানারূপা ভবন্তি । তস্মান্নানারূপাঃ পশবঃ( ) ।
বহুরূপা ভবন্তি । তস্মা-দ্বহুরূপাঃ পশব-স্সমৃদ্ধ্যৈ ॥ 8 ॥

(আরণ্যান্-ঁলোকো-দশিন আলভ্যন্তে-নানারূপাঃ পশবো দ্বে চ) (অ. 2)
অনুবাকং 3 - রোহিতাদীনা-ম্পশূনাং-বঁপাহোমসাহিত্যম্
অস্মৈ বৈ লোকায গ্রাম্যাঃ পশব আলভ্যন্তে । অমুষ্মা আরণ্যাঃ । যদ্গ্রাম্যা-ন্পশূনালভতে । ইমমেব তৈর্লোকমবরুন্ধে । যদারণ্যান্ । অমু-ন্তৈঃ । উভযা-ন্পশূনালভতে । গ্রাম্যাগ্শ্চা-রণ্যাগ্শ্চ ।
উভযো-র্লোকযোর বরুদ্ধ্যৈ । উভযা-ন্পশূনালভতে ॥ 9 ॥

গ্রাম্যাগ্শ্চা-রণ্যাগ্শ্চ । উভযস্যা-ন্নাদ্যস্যা-বরুদ্ধ্যৈ । উভযা-ন্পশূনালভতে । গ্রাম্যাগ্শ্চারণ্যাগ্শ্চ ।
উভযেষা-ম্পশূনামবরুদ্ধ্যৈ ॥
ত্রযস্ত্রযো ভবন্তি । ত্রয ইমে লোকাঃ ।
এষাং-লোঁকানামাপ্ত্যৈ ॥ ব্রহ্মবাদিনো বদন্তি । কস্মাথ্সত্যাত্ ॥ 10 ॥

অস্মিন্ ঁলোকে বহবঃ কামা ইতি ।
যথ্সমানীভ্যো দেবতাভ্যো-ঽন্যে-ঽন্যে পশব আলভ্যন্তে । অস্মিন্নেব তল্লোকে কামান্দধাতি । তস্মাদস্মিন্-ঁলোকে বহবঃ কামাঃ ॥ ত্রযাণা-ন্ত্রযাণাগ্ং সহ বপা জুহোতি । ত্র্যাবৃতো বৈ দেবাঃ ।
ত্র্যাবৃত ইমে লোকাঃ । এষাং-লোঁকানামাপ্ত্যৈ । এষাং-লোঁকানা-ঙ্ক্লৃপ্ত্যৈ ॥ পর্যগ্নি-কৃতা-নারণ্যা-নুথ্সৃজন্ত্যহিগ্ংসাযৈ ॥ 11 ॥

(অবরুদ্ধ্যা উভযা-ন্পশূনালভতে - সত্যা - দহিগ্ংসাযৈ)(আ3)
অনুবাকং 4 - অশ্বস্য রথযোজনালঙ্কারাদযঃ
যুঞ্জন্তি ব্রদ্ধ্নমিত্যাহ । অসৌ বা আদিত্যো ব্রদ্ধ্নঃ । আদিত্য-মেবাস্মৈ যুনক্তি । অরুষমিত্যাহ । অগ্নির্বা অরুষঃ ।
অগ্নিমেবাস্মৈ যুনক্তি । চরন্তমিত্যাহ । বাযুর্বৈ চরন্ন্ । বাযুমেবাস্মৈ যুনক্তি । পরিতস্থুষ ইত্যাহ ॥ 12 ॥

ইমে বৈ লোকাঃ পরিতস্থুষঃ । ইমনেবাস্মৈ লোকান্. যুনক্তি ॥ রোচন্তে রোচনা দিবীত্যাহ । নক্ষত্রাণি বৈ রোচনা দিবি ।
নক্ষত্রাণ্যেবাস্মৈ রোচযতি ॥ যুঞ্জন্ত্যস্য কাম্যেত্যাহ । কামানেবাস্মৈ যুনক্তি ॥ হরী বিপক্ষসেত্যাহ ।
ইমে বৈ হরী বিপক্ষসা । ইমে এবাস্মৈ যুনক্তি ॥ 13 ॥

শোণা ধৃষ্ণূ নৃবাহসেত্যাহ । অহোরাত্রে বৈ নৃবাহসা । অহোরাত্রে এবাস্মৈ যুনক্তি ॥ এতা এবাস্মৈ দেবতা যুনক্তি ।
সুবর্গস্য লোকস্য সমষ্ট্যৈ ॥
কেতু-ঙ্কৃণ্বন্ন-কেতব ইতি দ্ধ্বজ-ম্প্রতিমুঞ্চতি । যশ এবৈনগ্ং রাজ্ঞা-ঙ্গমযতি ॥ জীমূতস্যেব ভবতি প্রতীকমিত্যাহ । যথা যজুরেবৈতত্ ॥ যে তে পন্থান-স্সবিতঃ পূর্ব্যাস ইত্যদ্ধ্বর্যু-র্যজমানং
ঁবাচযত্যভিজিত্যৈ ॥ 14 ॥

পরা বা এতস্য যজ্ঞ এতি । যস্য পশুরুপা-কৃতো-ঽন্যত্র বেদ্যা এতি । এতগ্গ্ স্তোতরেতেন পথা পুনরশ্ব-মাবর্তযাসি ন ইত্যাহ ।
বাযুর্বৈ স্তোতা । বাযুমেবাস্য পরস্তা-দ্দধাত্যাবৃত্ত্যৈ ॥ যথা বৈ হবিষো গৃহীতস্য স্কন্দতি । এবং-বাঁ এতদশ্বস্য স্কন্দতি । যদস্যোপাকৃতস্য লোমানি শীযন্তে । যদ্বালেষু কাচানাবযন্তি ।
লোমান্যেবাস্য তথ্সম্ভরন্তি ॥ 15 ॥

ভূর্ভুবস্সুবরিতি প্রাজাপত্যা-ভিরাবযন্তি । প্রাজাপত্যো বা অশ্বঃ ।
স্বযৈবৈন-ন্দেবতযা সমদ্র্ধযন্তি ॥ ভূরিতি মহিষী । ভুব ইতি বাবাতা ।
সুবরিতি পরিবৃক্তী । এষাং-লোঁকানা-মভিজিত্যৈ ॥ হিরণ্যযাঃ কাচা ভবন্তি । জ্যোতির্বৈ হিরণ্যম্ । রাষ্ট্রমশ্বমেধঃ ॥ 16 ॥

জ্যোতিশ্চৈবাস্মৈ রাষ্ট্র-ঞ্চ সমীচী দধাতি ॥ সহস্র-ম্ভবন্তি । সহস্র সম্মিত-স্সুবর্গো লোকঃ । সুবর্গস্য লোকস্যা-ভিজিত্যৈ ॥
অপ বা এতস্মাত্তেজ ইন্দ্রিয-ম্পশব-শ্শ্রীঃ ক্রামন্তি । যো-ঽশ্বমেধেন যজতে ।
বসবস্ত্বা-ঽঞ্জন্তু গাযত্রেণ ছন্দসেতি মহিষ্যভ্যনক্তি । তেজো বা আজ্যম্ । তেজো গাযত্রী । তেজসৈবাস্মৈ তেজো-ঽবরুন্ধে ॥ 17 ॥

রুদ্রাস্ত্বা-ঽঞ্জন্তু ত্রৈষ্টুভেন ছন্দসেতি বাবাতা । তেজো বা আজ্যম্ । ইন্দ্রিয-ন্ত্রিষ্টুপ্ । তেজসৈবাস্মা ইন্দ্রিযমবরুন্ধে ।
আদিত্যা-স্ত্বা-ঽঞ্জন্তু জাগতেন ছন্দসেতি পরিবৃক্তী । তেজো বা আজ্যম্ । পশবো জগতী ।
তেজসৈবাস্মৈ পশূনবরুন্ধে ॥
পত্নযো-ঽভ্যঞ্জন্তি । শ্রিযা বা এত-দ্রূপম্ ॥ 18 ॥

যত্পত্নযঃ । শ্রিয-মেবাস্মি-ন্তদ্দধতি ।
নাস্মাত্তেজ ইন্দ্রিয-ম্পশব-শ্শ্রীরপক্রামন্তি ॥
লাজী(3)ঞ্ছাচী(3)ন্. যশো মমাঁ(4) ইত্যতিরিক্ত-মন্নমশ্বাযো পাহরন্তি ।
প্রজামেবান্নাদী-ঙ্কুর্বতে ॥
এতদ্দেবা অন্নমত্তৈত-দন্নমদ্ধি প্রজাপত ইত্যাহ । প্রজাযামেবান্নাদ্য-ন্দধতে ॥
যদি নাবজিঘ্রত্ । অগ্নিঃ পশুরাসীদিত্যব-ঘ্রাপযেত্ । অব হৈব জিঘ্রতি ॥
আক্রান. বাজী ক্রমৈরত্য-ক্রমীদ্বাজী দ্যৌস্তে পৃষ্ঠ-ম্পৃথিবী
সধস্থমিত্যশ্ব-মনুমন্ত্রযতে ।
এষাং-লোঁকানা-মভিজিত্যৈ ॥
সমিদ্ধো অঞ্জন্কৃদর-ম্মতীনা-মিত্যশ্বস্যা প্রিযো ভবন্তি সরূপত্বায ॥ 19 ॥

(পরিতস্থুষ ইত্যাহে - মে এবাস্মৈ যুনক্ত্য - ভিজিত্যৈ-ভর-ন্ত্যশ্বমেধো - রুন্ধে - রূপম্ - জিঘ্রতি ত্রীণি চ) (অ. 4)
অনুবাকং 5 - ব্রহ্মোদ্যনামকঃ হোতৃব্রাহ্মণোস্সংবাঁদঃ
তেজসা বা এষ ব্রহ্মবর্চসেন ব্যৃদ্ধ্যতে । যো-ঽশ্বমেধেন যজতে ।
হোতা চ ব্রহ্মা চ ব্রহ্মোদ্যং-বঁদতঃ ।
তেজসা চৈবৈন-ম্ব্রহ্মবর্চসেন চ সমদ্র্ধযতঃ ॥ দক্ষিণতো ব্রহ্মা ভবতি ।
দক্ষিণত আযতনো বৈ ব্রহ্মা । বার্হস্পত্যো বৈ ব্রহ্মা ।
ব্রহ্মবর্চসমেবাস্য দক্ষিণতো (দক্ষিণতো) দধাতি ।
তস্মা-দ্দক্ষিণো-ঽদ্র্ধো ব্রহ্মবর্চসিতরঃ ॥
উত্তরতো হোতা ভবতি ॥ 20 ॥

উত্তরত আযতনো বৈ হোতা । আগ্নেযো বৈ হোতা । তেজো বা অগ্নিঃ । তেজ এবাস্যোত্তরতো দধাতি । তস্মাদুত্তরো-ঽদ্র্ধ-স্তেজস্বিতরঃ ॥
যূপমভিতো বদতঃ । যজমানদেবত্যো বৈ যূপঃ । যজমানমেব তেজসা চ ব্রহ্মবর্চসেন চ সমদ্র্ধযতঃ ॥
কিগ্গ্ স্বিদাসীত্-পূর্বচিত্তি-রিত্যাহ ।
দ্যৌর্বৈ বৃষ্টিঃ পূর্বচিত্তিঃ ॥ 21 ॥

দিবমেব বৃষ্টিমবরুন্ধে ॥ কিগ্গ্ স্বিদাসী-দ্বৃহদ্বয ইত্যাহ । অশ্বো বৈ বৃহদ্বযঃ । অশ্বমেবাবরুন্ধে ॥ কিগ্গ্ স্বিদাসীত্-পিশঙ্গিলেত্যাহ । রাত্রির্বৈ পিশঙ্গিলা ।
রাত্রিমেবাবরুন্ধে ॥ কিগ্গ্ স্বিদাসীত্-পিলিপ্পিলেত্যাহ । শ্রীর্বৈ পিলিপ্পিলা । অন্নাদ্যমেবাবরুন্ধে ॥ 22 ॥

ক-স্স্বিদেকাকী চরতীত্যাহ । অসৌ বা আদিত্য একাকী চরতি । তেজ এবাবরুন্ধে ॥
ক উ স্বিজ্জাযতে পুনরিত্যাহ ।
চন্দ্রমা বৈ জাযতে পুনঃ ।
আযুরেবাবরুন্ধে ॥
কিগ্গ্ স্বিদ্ধিমস্য ভেষজমিত্যাহ ।
অগ্নির্বৈ হিমস্য ভেষজম্ । ব্রহ্মবর্চসমেবাবরুন্ধে ॥
কিগ্গ্ স্বিদা-বপন-ম্মহদিত্যাহ ॥ 23 ॥

অযং-বৈঁ লোক আবপন-ম্মহত্ ।
অস্মিন্নেব লোকে প্রতিতিষ্ঠতি ॥
পৃচ্ছামি ত্বা পরমন্ত-ম্পৃথিব্যা ইত্যাহ । বেদির্বৈ পরো-ঽন্তঃ পৃথিব্যাঃ ।
বেদিমেবাবরুন্ধে ॥ পৃচ্ছামি ত্বা ভুবনস্য নাভিমিত্যাহ ।
যজ্ঞো বৈ ভুবনস্য নাভিঃ । যজ্ঞমেবাবরুন্ধে ॥
পৃচ্ছামি ত্বা বৃষ্ণো অশ্বস্য রেত ইত্যাহ ।
সোমো বৈ বৃষ্ণো অশ্বস্য রেতঃ । সোমপীথ-মেবাবরুন্ধে ॥
পৃচ্ছামি বাচঃ পরমং-ব্যোঁমেত্যাহ । ব্রহ্ম বৈ বাচঃ পরমং-ব্যোঁম ।
ব্রহ্মবর্চস-মেবাবরুন্ধে ॥ 24 ॥

(হোতা ভবতি - বৈ বৃষ্টিঃ পূর্বচিত্তি - রন্নাদ্যমেবাবরুন্ধে - মহদিত্যাহ - সোমো বৈ বৃষ্ণো অশ্বস্য রেতশ্চত্বারি চ) (অ. 5)
অনুবাকং 6 - অশ্বস্য মৃতোপচার-স্সঞ্জ্ঞপনপ্রকারঃ
অপ বা এতস্মা-ত্প্রাণাঃ ক্রামন্তি । যো-ঽশ্বমেধেন যজতে ।
প্রাণায স্বাহা ব্যানায স্বাহেতি সঞ্জ্ঞপ্যমান আহুতী-র্জুহোতি ।
প্রাণানেবাস্মিন্দধাতি । নাস্মাত্প্রাণা অপক্রামন্তি ॥ অবন্তীঃ-স্থাবন্তী-স্ত্বা-ঽবন্তু । প্রিয-ন্ত্বা প্রিযাণাম্ । বর্ষিষ্ঠমাপ্যানাম্ । নিধীনা-ন্ত্বা নিধিপতিগ্ং হবামহে
বসোম-মেত্যাহ ।
অপৈবাস্মৈ তদ্ধ্নুবতে ॥ 25 ॥

অথো ধুবন্ত্যেবৈনম্ । অথো ন্যেবাস্মৈ হ্নুবতে ॥ ত্রিঃ পরিযন্তি । ত্রয ইমে লোকাঃ । এভ্য এবৈনং-লোঁকেভ্যো ধুবতে ॥ ত্রিঃ পুনঃ পরিযন্তি । ষট্-থ্সম্পদ্যন্তে । ষড্বা ঋতবঃ ।
ঋতুভিরেবৈন-ন্ধুবতে ॥ অপ বা এতেভ্যঃ প্রাণাঃ ক্রামন্তি ॥ 26 ॥

যে যজ্ঞে ধুবন-ন্তন্বতে । নবকৃত্বঃ পরিযন্তি । নব বৈ পুরুষে প্রাণাঃ ।
প্রাণানেবাত্মন্দধতে । নৈভ্যঃ প্রাণা অপক্রামন্তি ॥ অম্বে অম্বাল্যম্বিক ইতি পত্নীমুদানযতি । অহ্বতৈবৈনাম্ ॥
সুভগে কাম্পীল-বাসিনীত্যাহ । তপ এবৈনা-মুপনযতি ॥ সুবর্গে লোকে সম্প্রোর্ণ্বাথা-মিত্যাহ ॥ 27 ॥

সুবর্গমেবৈনাং-লোঁক-ঙ্গমযতি ॥
আ-ঽহমজানি গর্ভধমা ত্বমজাসি গর্ভধমিত্যাহ । প্রজা বৈ পশবো গর্ভঃ । প্রজামেব পশূনাত্মন্ধত্তে ॥
দেবা বা অশ্বমেধে পবমানে । সুবর্গং-লোঁক-ন্ন প্রাজানন্ন্ । তমশ্বঃ প্রাজানাত্ । যথ্সূচীভি-রসিপথা-ন্কল্পযন্তি ।
সুবর্গস্য লোকস্য প্রজ্ঞাত্যৈ ॥ গাযত্রী ত্রিষ্টুব্জগতীত্যাহ ॥ 28 ॥

যথা যজুরেবৈতত্ ॥ ত্রয্য-স্সূচ্যো ভবন্তি ।
অযস্ময্যো রজতা হরিণ্যঃ । অস্য বৈ লোকস্য রূপমযস্ময্যঃ । অন্তরিক্ষস্য রজতাঃ । দিবো হরিণ্যঃ । দিশো বা অযস্ময্যঃ ।
অবান্তরদিশা রজতাঃ । ঊদ্র্ধ্বা হরিণ্যঃ ।
দিশ এবাস্মৈ কল্পযতি ॥
কস্ত্বা-ছ্যতি কস্ত্বা বিশাস্তী-ত্যাহা হিগ্ংসাযৈ ॥ 29 ॥

(হ্নুবতে-ক্রাম-ন্ত্যূর্ণ্বাথামিত্যাহ-জগতীত্যাহ-কল্পযত্যেক-ঞ্চ) (অ. 6)
অনুবাকং 7 - তত্র মন্ত্রাঃ
অপ বা এতস্মাচ্ছ্রী রাষ্ট্র-ঙ্ক্রামতি । যো-ঽশ্বমেধেন যজতে ।
ঊদ্র্ধ্বামেনা-মুচ্ছ্রযতা-দিত্যাহ ।
শ্রীর্বৈ রাষ্ট্রমশ্বমেধঃ ।
শ্রিযমেবাস্ম রাষ্ট্রমূদ্র্ধ্ব-মুচ্ছ্রযতি ॥ বেণুভার-ঙ্গিরাবি-বেত্যাহ ।
রাষ্ট্রং-বৈঁ ভারঃ । রাষ্ট্রমেবাস্মৈ পর্যূহতি ॥ অথাস্যা মদ্ধ্যমেধতা-মিত্যাহ । শ্রীর্বৈ রাষ্ট্রস্য মদ্ধ্যম্ ॥ 30 ॥

শ্রিযমেবা-বরুন্ধে ॥ শীতে বাতে পুনন্নি-বেত্যাহ । ক্ষেমো বৈ রাষ্ট্রস্য শীতো বাতঃ । ক্ষেমমেবা-বরুন্ধে ॥ যদ্ধরিণী যবমত্তীত্যাহ । বিড্বৈ হরিণী । রাষ্ট্রং-যঁবঃ । বিশ-ঞ্চৈবাস্মৈ রাষ্ট্র-ঞ্চ সমীচী দধাতি ॥
ন পুষ্ট-ম্পশু মন্যত ইত্যাহ ।
তস্মা-দ্রাজা পশূন্ন পুষ্যতি ॥ 31 ॥

শূদ্রা যদর্যজারা ন পোষায ধনাযতীত্যাহ ।
তস্মা-দ্বৈশীপুত্র-ন্নাভিষিঞ্চন্তে ॥ ইযং-যঁকা শকুন্তিকেত্যাহ । বিড্বৈ শকুন্তিকা । রাষ্ট্রমশ্বমেধঃ । বিশ-ঞ্চৈবাস্মৈ রাষ্ট্র-ঞ্চ সমীচী দধাতি ॥
আহলমিতি সর্পতীত্যাহ । তস্মা-দ্রাষ্ট্রায বিশঃ সর্পন্তি ॥ আহত-ঙ্গভে পস ইত্যাহ । বিড্বৈ গভঃ ॥ 32 ॥

রাষ্ট্র-ম্পসঃ । রাষ্ট্রমব বিশ্যাহন্তি । তস্মা-দ্রাষ্ট্রং-বিঁশ-ঙ্ঘাতুকম্ ॥
মাতা চ তে পিতা চ ত ইত্যাহ । ইযং-বৈঁ মাতা । অসৌ পিতা । আভ্যামেবৈন-ম্পরিদদাতি ॥
অগ্রং-বৃঁক্ষস্য রোহত ইত্যাহ ।
শ্রীর্বৈ বক্ষস্যাগ্রম্ । শ্রিযমেবাবরুন্ধে ॥ 33 ॥

প্রসুলামীতি তে পিতা গভে মুষ্টিমতগ্ংসয-দিত্যাহ । বিড্বৈ গভঃ । রাষ্ট্র-ম্মুষ্টিঃ । রাষ্ট্রমেব বিশ্যাহন্তি । তস্মা-দ্রাষ্ট্রং-বিঁশ-ঙ্ঘাতুকম্ ॥ অপ বা এতেভ্যঃ প্রাণাঃ ক্রামন্তি । যে যজ্ঞে-ঽপূতং-বঁদন্তি ।
দধিক্রাব্.ণ্ণো অকারিষমিতি সুরভি-মতীমৃচং-বঁদন্তি ।
প্রাণা বৈ সুরভযঃ । প্রাণানেবাত্মন্দধতে । নৈভ্যঃ প্রাণা অপক্রামন্তি ॥
আপো হিষ্ঠা মযোভুব ইত্যদ্ভির্মার্জযন্তে । আপো বৈ সর্বা দেবতাঃ ।
দেবতাভিরে-বাত্মান-ম্পবযন্তে ॥ 34 ॥

(রাষ্ট্রস্য মদ্ধ্যম্ - পুষ্যতি - গভো - রুন্ধে - দধতে চত্বারি চ) (অ. 7)
অনুবাকং 8 - অশ্বমেধস্য তত্পশূনা-ঞ্চ প্রশংসা
প্রজাপতিঃ প্রজা-স্সৃষ্ট্বা প্রেণা-ঽনু প্রাবিশত্ । তাভ্যঃ পুন-স্সম্ভবিতু-ন্নাশক্নোত্ । সো-ঽব্রবীত্ । ঋদ্ধ্নবদিথ্সঃ । যো মেতঃ পুনঃ সভংরদিতি । ত-ন্দেবা অশ্বমেধেনৈব সমভরন্ন্ । ততো বৈ ত আদ্র্ধ্নুবন্ন । যো-ঽশ্বমেধেন যজতে ।
প্রজাপতিমেব সম্ভরত্যৃদ্ধ্নোতি ॥ পুরুষমালভতে ॥ 35 ॥

বৈরাজো বৈ পুরুষঃ । বিরাজ-মেবালভতে । অথো অন্নং-বৈঁ বিরাট্ । অন্নমেবাবরুন্ধে ॥ অশ্বমালভতে । প্রাজাপত্যো বা অশ্বঃ ।
প্রজাপতি-মেবালভতে । অথো শ্রীর্বা একশফম্ ।
শ্রিয-মেবাবরুন্ধে ॥ গামালভতে ॥ 36 ॥

যজ্ঞো বৈ গৌঃ । যজ্ঞমেবালভতে ।
অথো অন্নং-বৈঁ গৌঃ । অন্নমেবাবরুন্ধে ॥
অজাবী আলভতে ভূম্নে । অথো পুষ্টির্বৈ ভূমা ।
পুষ্টিমেবাবরুন্ধে ॥
পর্যগ্নিকৃত-ম্পুরুষ-ঞ্চারণ্যাগ্-শ্চো-থ্সৃজন্ত্যহিগ্ংসাযৈ ॥ উভৌ বা এতৌ পশূ আলভ্যেতে । যশ্চাবমো যশ্চ পরমঃ ।
তে-ঽস্যোভযে যজ্ঞে বদ্ধাঃ । অভীষ্টা অভিপ্রীতাঃ । অভিজিতা অভিহুতা ভবন্তি ॥ নৈন-ন্দঙ্ক্ষ্ণবঃ পশবো যজ্ঞে বদ্ধাঃ ।
অভীষ্টা অভিপ্রীতাঃ । অভিজিতা অভিহুতা হিগ্ংসন্তি । যো-ঽশ্বমেধেন যজতে । য উ চৈনমেবং-বেঁদ ॥ 37 ॥

(লভতে - গামালভতে - পরমো-ঽষ্টৌ চ) (অ. 8)
অনুবাকং 9 - উত্তমে-ঽহনি প্রশবঃ
প্রথমেন বা এষ স্তোমন রাদ্ধ্বা ।
চতুষ্টোমেন কৃতেনাযানা-মুত্তরে-ঽহন্ন্ ।
একবিগ্ংশে প্রতিষ্ঠাযা-ম্প্রতিতিষ্ঠতি ॥
একবিগ্ংশা-ত্প্রতিষ্ঠাযা ঋতূনন্বারোহতি । ঋতবো বৈ পৃষ্ঠানি । ঋতবঃ সংবঁথ্সরঃ । ঋতুষ্বেব সংবঁথ্সরে প্রতিষ্ঠায । দেবতা অভ্যারোহতি । শক্বরযঃ পৃষ্ঠ-ম্ভবন্ত্য-ন্যদন্য-চ্ছন্দঃ । অন্যে-ঽন্যে বা এতে পশব আলভ্যন্তে ॥ 38 ॥

উতেব গ্রাম্যাঃ । উতেবারণ্যাঃ । অহরেব রূপেণ সমদ্র্ধযতি । অথো অহ্ন এবৈষ বলির্হ্রিযতে ॥ তদাহুঃ । অপশবো বা এতে ।
যদজা-বযশ্চারণ্যাশ্চ । এতে বৈ সর্বে পশবঃ । যদ্গব্যা ইতি ।
গব্যা-ন্পশূনুত্তমে-ঽহন্নালভতে ॥ 39 ॥

তেনৈবোভযা-ন্পশূনবরুন্ধে ॥ প্রাজাপত্যা ভবন্তি । অনভিজিতস্যা-ভিজিত্যৈ ॥ সৌরীর্নব শ্বেতাবশা অনূবন্ধ্যা ভবন্তি ।
অন্তত এব বহ্মবর্চসমবরুন্ধে ॥
সোমায স্বরাজ্ঞে-ঽনোবাহা-বনড্বাহাবিতি দ্বন্দ্বিনঃ পশূনালভতে ।
অহোরাত্রাণা-মভিজিত্যৈ ॥ পশুভির্বা এষ ব্যৃদ্ধ্যতে । যো-ঽশ্বমেধেন যজতে ।
ছগল-ঙ্কল্মাষ-ঙ্কিকিদীবিং-বিঁদীগযমিতি ত্বাষ্ট্রা-ন্পশূনালভতে ।
পশুভিরেবাত্মানগ্ং সমদ্র্ধযতি ॥
ঋতুভির্বা এষ ব্যৃদ্ধ্যতে । যো-ঽশ্বমেধেন যজতে ।
পিশঙ্গা-স্ত্রযো বাসন্তা ইত্যৃতু-পশূনালভতে । ঋতুভিরে-বাত্মানগ্ং সমদ্র্ধযতি ॥
আ বা এষ পশুভ্যো বৃশ্চ্যতে ।
যো-ঽশ্বমেধেন যজতে । পর্যগ্নিকৃতা উথ্সৃজন্ত্যনাব্রস্কায ॥ 40 ॥

(লভ্যন্তে - লভতে - ত্বাষ্ট্রা-ন্পশূনালভতে-ঽষ্টৌ চ) (অ. 9)
অনুবাকং 10 - মহিমাভিধানৌ প্রহৌ
প্রজাপতি-রকামযত মহানন্নাদ-স্স্যামিতি ।
স এতাবশ্বমেধে মহিমানাবপশ্যত্ । তাবগৃহ্ণীত । ততো বৈ স মহানন্নাদো-ঽভবত্ । যঃ কামযেত মহানন্নাদ-স্স্যামিতি । স এতাবশ্বমেধে মহিমানৌ গৃহ্ণীত ।
মহানেবান্নাদো ভবতি ॥ যজমানদেবত্যা বৈ বপা । রাজা মহিমা ।
যদ্বপা-ম্মহিম্নোভযতঃ পরিযজতি ।
যজমানমেব রাজ্যেনোভযতঃ পরিগৃহ্ণাতি ॥
পুরস্তা-থ্স্বাহাকারা বা অন্যে দেবাঃ ।
উপরিষ্টা-থ্স্বাহাকারা অন্যে । তে বা এতে-ঽশ্ব এব মেদ্ধ্য উভযে-ঽবরুদ্ধ্যন্তে ।
যদ্বপা-ম্মহিম্নোভযতঃ পরিযজতি । তানেবোভযা-ন্প্রীণাতি ॥ 41 ॥

(পরিযজতি ষট্চ) (অ. 10)
অনুবাকং 11 - শরীরহোমা-স্স্বিষ্টকৃদাদযশ্চ
বৈশ্বদেবো বা অশ্বঃ । তং-যঁত্প্রাজাপত্য-ঙ্কুর্যাত্ । যা দেবতা অপিভাগাঃ ।
তা ভাগধেযেন ব্যদ্র্ধযেত্ । দেবতাভ্য-স্সমদ-ন্দদ্ধ্যাত্ । স্তেগান্-দগ্গ্ষ্ট্রাভ্যা-ম্মণ্ডূকা-ঞ্জম্ভ্যে-ভিরিতি ।
আজ্য-মবদান-ঙ্কৃত্বা প্রতিসঙ্খ্যায-মাহুতী-র্জুহোতি । যা এব দেবতা অপিভাগাঃ । তা ভাগধেযেন সমদ্র্ধযতি ।
ন দেবতাভ্য-স্সমদ-ন্দধাতি ॥ 42 ॥

চতুর্দশৈতা-ননুবাকাঞ্জুহোত্য-নন্তরিত্যৈ ॥
প্রযাসায স্বাহেতি পঞ্চদশম্ । পঞ্চদশ বা অদ্র্ধমাসস্য রাত্রযঃ ।
অদ্র্ধমাসশ-স্সংবঁথ্সর আপ্যতে ॥ দেবাসুরা-স্সংযঁন্ত্তা আসন্ন্ ।
তে-ঽব্রুবন্নগ্নযঃ স্বিষ্টকৃতঃ । অশ্বস্য মেদ্ধ্যস্য বযমুদ্ধার-মুদ্ধরামহৈ ।
অথৈতানভি-ভবামেতি । তে লোহিত-মুদহরন্ত ।
ততো দেবা অভবন্ন্ ॥ 43 ॥

পরা-ঽসুরাঃ । যথ্স্বিষ্টকৃদ্ভ্যো লোহিত-ঞ্জুহোতি ভ্রাতৃব্যাভিভূত্যৈ । ভবত্যাত্মনা । পরা-ঽস্য ভ্রাতৃব্যো ভবতি ॥
গোমৃগকণ্ঠেন প্রথমা-মাহুতি-ঞ্জুহোতি ।
পশবো বৈ গোমৃগঃ । রুদ্রো-ঽগ্নি-স্স্বিষ্টকৃত্ । রুদ্রাদেব পশূনন্তর্দধাতি । অথো যত্রৈষা-ঽঽহুতির্-হূযতে ।
ন তত্র রুদ্রঃ পশূনভিমন্যতে ॥ 44 ॥

অশ্বশফেন দ্বিতীযা-মাহুতি-ঞ্জুহোতি । পশবো বা একশফম্ । রুদ্রো-ঽগ্নি-স্স্বিষ্টকৃত্ । রুদ্রাদেব পশূনন্তর্দধাতি ।
অথো যত্রৈষা-ঽঽহুতিরঃঅযতে ।
ন তত্র রুদ্রঃ পশূনভিমন্যতে ॥
অযস্মযেন কমণ্ডলুনা তৃতীযাম্ ।
আহুতি-ঞ্জুহোত্যা-যস্যো বৈ প্রজাঃ । রুদ্রো-ঽগ্নি-স্স্বিষ্টকৃত্ । রুদ্রাদেব প্রজা অন্তর্দধাতি । অথো যত্রৈষা-ঽঽহুতির্-হূযতে ।
ন তত্র রুদ্রঃ প্রজা অভিমন্যতে ॥ 45 ॥

(দধা - ত্যভবন্ - মন্যতে - প্রজা অন্ত-র্দধাতি দ্বে চ) (অ. 11)
অনুবাকং 12 - তদুভযহোমমধ্যবর্ত্যশ্চস্তোমীযহোমঃ
অশ্বস্য বা আলব্ধস্য মেধ উদক্রামত্ । তদশ্বস্তোমীয-মভবত্ ।
যদশ্বস্তোমীয-ঞ্জুহোতি । সমেধমেবৈন-মালভতে ॥ আজ্যেন জুহোতি । মেধো বা আজ্যম্ । মেধো-ঽশ্বস্তোমীযম্ । মেধেনৈবাস্মি-ন্মেধ-ন্দধাতি ॥ ষটত্রগ্ংশত-ঞ্জুহোতি ।
ষটত্রগ্ংশদক্ষরা বৃহতী ॥ 46 ॥

বার্হতাঃ পশবঃ । সা পশূনা-ম্মাত্রা । পশূনেব মাত্রযা সমদ্র্ধযতি ॥
তা যদ্ভূযসীর্বা কনীযসীর্বা জুহুযাত্ । পশূন্মাত্রযা ব্যদ্র্ধযেত্ ।
ষটত্রগ্ংশত-ঞ্জুহোতি । ষটত্রগ্ংশদক্ষরা বৃহতী । বার্হতাঃ পশবঃ ।
সা পশূনা-ম্মাত্রা । পশূনেব মাত্রযা সমদ্র্ধযতি ॥ 47 ॥

অশ্বস্তোমীযগ্ং হুত্বা দ্বিপদা জুহোতি । দ্বিপাদ্বৈ পুরুষো দ্বিপ্রতিষ্ঠঃ ।
তদেন-ম্প্রতিষ্ঠযা সমদ্র্ধযতি ॥ তদাহুঃ । অশ্বস্তোমীয-ম্পূর্বগ্ং হোতব্যা(3)-ন্দ্বিপদা(3) ইতি । অশ্বো বা অশ্বস্তোমীযম্ । পুরুষো দ্বিপদাঃ । অশ্বস্তোমীযগ্ং হুত্বা দ্বিপদা জুহোতি । তস্মা-দ্দ্বিপাচ্চতুষ্পাদমত্তি ।
অথো দ্বিপদ্যেব চতুষ্পদঃ প্রতিষ্ঠাপযতি ॥ দ্বিপদা হুত্বা । নান্যামুত্তরা-মাহুতি-ঞ্জুহুযাত্ । যদন্যামুত্তরা-মাহুতি-ঞ্জুহুযাত্ ।
প্র প্রতিষ্ঠাযাশ্চ্যবেত । দ্বিপদা অন্ততো জহোতি প্রতিষ্ঠিত্যৈ ॥ 48 ॥

(বৃহ - ত্যদ্র্ধযতি - স্থাপযতি পঞ্চ চ) (অ. 12)
অনুবাকং 13 - সংবঁথ্সরানুষ্ঠানমিষ্টীনাম্
প্রজাপতি-রশ্বমেধ-মসৃজত ।
সো-ঽস্মাথ্সৃষ্টো-ঽপাক্রামত্ ।
তং-যঁজ্ঞ-ক্রতুভি-রন্বৈচ্ছত্ । তং-যঁজ্ঞ-ক্রতুভি-র্নান্ববিন্দত্ । তমিষ্টিভি-রন্বৈচ্ছত্ । তমিষ্টিভি-রন্ববিন্দত্ । তদিষ্টীনা-মিষ্টিত্বম্ ।
যথ্সংবঁথ্সর-মিষ্টিভি-র্যজতে । অশ্বমেব তদন্বিচ্ছতি ॥
সাবিত্রিযো ভবন্তি ॥ 49 ॥

ইযং-বৈঁ সবিতা । যো বা অস্যা-ন্নশ্যতি যো নিলযতে । অস্যাং-বাঁব তং-বিঁন্দন্তি । ন বা ইমা-ঙ্কশ্চনেত্যাহুঃ । তির্যন্নোদ্র্ধ্বো-ঽত্যেতুমর্হতীতি । যথ্সাবিত্রিযো ভবন্তি ।
সবিতৃ-প্রসূত এবৈনমিচ্ছতি ॥
ঈশ্বরো বা অশ্বঃ প্রমুক্তঃ পরা-ম্পরাবত-ঙ্গন্তোঃ । যথ্সায-ন্ধৃতীর্জুহোতি । অশ্বস্য যত্যৈ ধৃত্যৈ ॥ 50 ॥

যত্প্রাতরিষ্টিভি-র্যজতে । অশ্বমেব তদন্বিচ্ছতি । যথ্সায-ন্ধৃতীর্জুহোতি । অশ্বস্যৈব যত্যৈ ধৃত্যৈ । তস্মাথ্সায-ম্প্রজাঃ, ক্ষেম্যা
ভবন্তি ॥ যত্প্রাত-রিষ্টিভি-র্যজতে ।
অশ্বমেব তদন্বিচ্ছতি । তস্মাদ্দিবা নষ্টৈষ এতি ॥ যত্প্রাতরিষ্টিভি-র্যজতে সায-ন্ধৃতীর্জুহোতি । অহোরাত্রাভ্যা-মেবৈন-মন্বিচ্ছতি । অথো অহোরাত্রাভ্যা-মেবাস্মৈ যোগক্ষেম-ঙ্কল্পযতি ॥ 51 ॥

(ভবন্তি - ধৃত্যা - এন মন্বিচ্ছত্যেক-ঞ্চ) (অ. 13)
অনুবাকং 14 - তাস্বিষ্টিষু ব্রাহ্মণরাজন্যযোর্গানম্
অপ বা এতস্মাচ্ছ্রী রাষ্ট্র-ঙ্ক্রামতি । যো-ঽশ্বমেধেন যজতে । ব্রাহ্মণৌ বীণাগাথিনৌ গাযতঃ । শ্রিযা বা এত-দ্রূপম্ । যদ্বীণা । শ্রিয-মেবাস্মি-ন্তদ্ধত্তঃ । যদা খলু বৈ পুরুষ-শ্শ্রিযমশ্নুতে ।
বীণা-ঽস্মৈ বাদ্যতে ॥ তদাহুঃ ।
যদুভৌ ব্রাহ্মণৌ গাযেতাম্ ॥ 52 ॥

প্রভ্রগ্ংশুকা-ঽস্মাচ্ছ্রী-স্স্যাত্ ।
ন বৈ ব্রাহ্মণে শ্রী রমত ইতি ।
ব্রাহ্মণো-ঽন্যো গাযেত্ । রাজন্যো-ঽন্যঃ ।
ব্রহ্ম বৈ ব্রাহ্মণঃ । ক্ষত্রগ্ং রাজন্যঃ ।
তথা হাস্য ব্রহ্মণা চ ক্ষত্রেণ চোভযত-শ্শ্রীঃ পরিগৃহীতা ভবতি ॥
তদাহুঃ । যদুভৌ দিবা গাযেতাম্ ।
অপাস্মা-দ্রাষ্ট্র-ঙ্ক্রামেত্ ॥ 53 ॥

ন বৈ ব্রাহ্মণে রাষ্ট্রগ্ং রমত ইতি । যদা খলু বৈ রাজা কামযতে । অথ ব্রাহ্মণ-ঞ্জিনাতি । দিবা ব্রাহ্মণো গাযেত্ । নক্তগ্ং রাজন্যঃ ।
ব্রহ্মণো বৈ রূপমহঃ । ক্ষত্রস্য রাত্রিঃ ।
তথা হাস্য ব্রহ্মণা চ ক্ষত্রেণ চোভযতো রাষ্ট্র-ম্পরিগৃহীত-ম্ভবতি ॥ ইত্যদদা ইত্যযজথা ইত্যপচ ইতি ব্রাহ্মণো গাযেত্ ।
ইষ্টাপূর্তং-বৈঁ ব্রাহ্মণস্য ॥ 54 ॥

ইষ্টাপূর্তে-নৈবৈনগ্ং স সমদ্র্ধযতি ॥
ইত্যজিনা ইত্যযুদ্ধ্যথা ইত্যমুগ্ং সগ্রাম্ম-মহন্নিতি রাজন্যঃ । যুদ্ধং-বৈঁ রাজন্যস্য । যুদ্ধেনৈবৈনগ্ং স সমদ্র্ধযতি ॥ অক্লৃপ্তা বা এতস্যর্তব ইত্যাহুঃ । যো-ঽশ্বমেধেন যজত ইতি ।
তিস্রো-ঽন্যো গাযতি তিস্রো-ঽন্যঃ । ষট্থ্সম্পদ্যন্তে । ষড্বা ঋতবঃ ।
ঋতূনেবাস্মৈ কল্পযতঃ ॥ তাভ্যাগ্ং সগ্গ্স্থাযাম্ । অনোযুক্তে চ শতে চ দদাতি । শতাযুঃ পুরুষ-শ্শতেন্দ্রিযঃ ।
আযুষ্যেবেন্দ্রিযে প্রতিতিষ্ঠতি ॥ 55 ॥

(গাযেতাম্ - ক্রামে-দ্- ব্রাহ্মণস্য - কল্পযতশ্চত্বারি চ) (অ. 14)
অনুবাকং 15 - অবভৃথহোমবিশেষাঃ
সর্বেষু বা এষু লোকেষু মৃত্যবো-ঽন্বাযত্তাঃ । তেভ্যো যদাহুতীর্ন জুহুযাত্ । লোকে লোক এন-ম্মৃত্যুর্বিন্দেত্ ।
মৃত্যবে স্বাহা মৃত্যবে স্বাহেত্যভি পূর্বমাহুতী-র্জুহোতি ।
লোকাল্লোকাদেব মৃত্যুমবযজতে ।
নৈনং-লোঁকে লাকে মৃত্যুর্বিন্দতি ॥
যদমুষ্মৈ স্বাহা-ঽমুষ্মৈ স্বাহেতি জুহ্বথ্স-ঞ্চক্ষীত । বহু-ম্মৃত্যুমমিত্র-ঙ্কুর্বীত । মৃত্যবে স্বাহেত্যেকস্মা এবৈকা-ঞ্জুহুযাত্ । একো বা অমুষ্মিন্ ঁলাকে মৃত্যুঃ ॥ 56 ॥

অশনযা মৃত্যুরেব । তমেবামুষ্মিন্ ঁলোকে-ঽবযজতে ॥ ভ্রূণহত্যাযৈ স্বাহেত্যবভৃথ আহুতি-ঞ্জুহোতি ।
ভ্রূণহত্যামে বা বযজতে ॥ তদাহুঃ । যদ্ভ্রূণহত্যা ঽপাত্র্যা-ঽথ ।
কস্মা-দ্যজ্ঞে-ঽপি ক্রিযত ইতি ॥
অমৃত্যুর্বা অন্যো ভ্রূণহত্যাযা ইত্যাহুঃ ।
ভ্রূণহত্যা বাব মৃত্যুরিতি ।
যদ্ভ্রূণহত্যাযৈ স্বাহেত্যবভৃথ আহুতি-ঞ্জুহোতি ॥ 57 ॥

মৃত্যুমে বা হুত্যা তর্পযিত্বা পরিপাণ-ঙ্কৃত্বা ।
ভ্রূণঘ্নে ভেষজ-ঙ্করোতি ॥ এতাগ্ং হ বৈ মুণ্ডিভ ঔদন্যবঃ ।
ভ্রূণহত্যাযৈ প্রাযশ্চিত্তিং-বিঁদাঞ্চকার ।
যো হাস্যাপি প্রজাযা-ম্ব্রাহ্মণগ্ং হন্তি । সর্বস্মৈ তস্মৈ ভেষজ-ঙ্করোতি ॥
জুম্বকায স্বাহেত্যবভৃথ উত্তমামাহুতি-ঞ্জুহোতি । বরুণো বৈ জুম্বকঃ । অন্তত এব বরুণ-মবযজতে ॥ খলতের্বিক্লিধস্য শুক্লস্য পিঙ্গাক্ষস্য মূদ্র্ধঞ্জুহোতি ।
এতদ্বৈ বরুণস্য রূপম্ । রূপেণৈব বরুণমবযজতে ॥ 58 ॥

(লোকে মৃত্যু--র্ জুহোতি - মূদ্র্ধঞ্জুহোতি দ্বে চ) (অ. 15)
অনুবাকং 16 - উপাকরণমন্ত্রব্যাখ্যানাদিঃ
বারুণো বা অশ্বঃ । ত-ন্দেবতযা ব্যদ্র্ধযতি । যত্প্রাজাপত্য-ঙ্করোতি ।
নমো রাজ্ঞে নমো বরুণাযেত্যাহ । বারুণো বা অশ্বঃ । স্বযৈবৈন-ন্দেবতযা সমদ্র্ধযতি ॥ নমো-ঽশ্বায নমঃ প্রজাপতয ইত্যাহ । প্রাজাপত্যো বা অশ্বঃ । স্বযৈবৈন-ন্দেবতযা সমদ্র্ধযতি ॥
নমো-ঽধিপতয ইত্যাহ ॥ 59 ॥

ধর্মো বা অধিপতিঃ । ধর্মমেবা-বরুন্ধে ॥
অধিপতি-রস্যধিপতি-ম্মা কুর্বধিপতিরহ-ম্প্রজানা-ম্ভূযাস-মিত্যাহ ।
অধিপতি-মবৈনগ্ং সমানানা-ঙ্করোতি ॥
মা-ন্ধহি মযি ধহীত্যাহ ।
আশিষমেবৈতামাশাস্তে ॥
উপাকৃতায স্বাহেত্যুপাকৃতে জুহোতি ।
আলব্ধায স্বাহেতি নিযুক্তে জুহোতি ।
হুতায স্বাহেতি হুতে জুহোতি ।
এষাং-লোঁকানা-মভিজিত্যৈ ॥ 60 ॥

প্র বা এষ এভ্যো লোকেভ্যশ্চ্যবতে । যো-ঽশ্বমেধেন যজতে ।
আগ্নেয-মৈন্দ্রাগ্ন-মাশ্বিনম্ ।
তা-ন্পশূনালভতে প্রতিষ্ঠিত্যৈ ॥
যদা-ঽগ্নেযো ভবতি । অগ্নি-স্সর্বা দেবতাঃ । দেবতা এবাবরুন্ধে ॥
ব্রহ্ম বা অগ্নিঃ । ক্ষত্রমিন্দ্রঃ । যদৈন্দ্রাগ্নো ভবতি ॥ 61 ॥

ব্রহ্মক্ষত্রে এবাবরুন্ধে ॥
যদা-ঽশ্বিনো ভবতি । আশিষামবরুদ্ধ্যৈ ॥
ত্রযো ভবন্তি । ত্রয ইমে লোকাঃ ।
এষ্বেব লোকেষু প্রতিতিষ্ঠতি ॥
অগ্নযে-ঽগ্ংহোমুচে-ঽষ্টাকপাল ইতি দশহবিষমিষ্টি-ন্নির্বপতি ।
দশাক্ষরা বিরাট্ । অন্নং-বিঁরাট্ ।
বিরাজৈ-বান্নাদ্য-মবরুন্ধে ॥
অগ্নের্মন্বে প্রথমস্য প্রচেতস ইতি যাজ্যানুবাক্যা ভবন্তি সর্বত্বায ॥ 62 ॥

(অধিপতয ইত্যা - হাভিজিত্যা - ঐন্দ্রাগ্নো ভবতি - রুন্ধ এক-ঞ্চ) (অ. 16)
অনুবাকং 17 - অশ্বস্য রোগাদিনিমিত্ত-ম্প্রাযশ্চিত্তম্
যদ্যশ্বমুপতপদ্বিন্দেত্ ।
আগ্নেয-মষ্টাকপাল-ন্নির্বপেত্ ।
সৌম্য-ঞ্চরুম্ । সাবিত্র-মষ্টাকপালম্ ॥ যদাগ্নেযো ভবতি ।
অগ্নি-স্সর্বা দেবতাঃ । দেবতা-ভিরেবৈন-ম্ভিষজ্যতি ॥ যথ্সৌম্যো ভবতি ।
সোমো বা ওষধীনাগ্ং রাজা ।
যাভ্য এবৈনং-বিঁন্দতি ॥ 63 ॥

তাভিরেবৈন-ম্ভিষজ্যতি ॥ যথ্সাবিত্রো ভবতি ।
সবিতৃপ্রসূত এবৈন-ম্ভিষজ্যতি ॥ এতাভিরেবৈন-ন্দেবতাভি-র্ভিষজ্যতি ।
অগদো হৈব ভবতি ॥ পৌষ্ণ-ঞ্চরু-ন্নির্বপেত্ । যদি শ্লোণ-স্স্যাত্ । পূষা বৈ শ্লৌণ্যস্য ভিষক্ । স এবৈন-ম্ভিষজ্যতি । অশ্লোণো হৈব ভবতি ॥ 64 ॥

রৌদ্র-ঞ্চরু-ন্নির্বপেত্ । যদি মহতী দেবতা-ঽভিমন্যেত । এতদ্দেবত্যো বা অশ্বঃ । স্বযৈবৈন-ন্দেবতযা ভিষজ্যতি ।
অগদো হৈব ভবতি ॥ বৈশ্বানর-ন্দ্বাদশ-কপাল-ন্নির্বপেন্মৃগাখরে যদি নাগচ্ছেত্ ।
ইযং-বাঁ অগ্নির্বৈশ্বানরঃ । ইযমেবৈন-মর্চিভ্যা-ম্পরিরোধমানযতি ।
আ হৈব সুত্যমহ-র্গচ্ছতি ॥ যদ্যধীযাত্ ॥ 65 ॥

অগ্নযে-ঽগ্ংহোমুচে-ঽষ্টাকপালঃ । সৌর্য-ম্পযঃ । বাযব্য আজ্যভাগঃ ॥ যজমানো বা অশ্বঃ । অগ্ংহসা বা এষ গৃহীতঃ ।
যস্যাশ্বো মেধায প্রোক্ষিতো-ঽদ্ধ্যেতি । যদগ্ংহোমুচে নির্বপতি ।
অগ্ংহস এব তেন মুচ্যতে ॥ যজমানো বা অশ্বঃ । রেতসা বা এষ ব্যৃদ্ধ্যতে ॥ 66 ॥

যস্যাশ্বো মেধায প্রোক্ষিতো-ঽদ্ধ্যেতি । সৌর্যগ্ং রেতঃ । যথ্সৌর্য-ম্পযো ভবতি । রেতসৈবৈনগ্ং স সমদ্র্ধযতি ॥
যজমানো বা অশ্বঃ । গর্ভৈর্বা এষ ব্যৃদ্ধ্যতে । যস্যাশ্বো মেধায প্রোক্ষিতো-ঽদ্ধ্যেতি । বাযব্যা গর্ভাঃ ।
যদ্বাযব্য আজ্যভাগো ভবতি । গর্ভৈরেবৈনগ্ং স সমদ্র্ধযতি ॥
অথো যস্যৈষা-ঽশ্বমেধে প্রাযশ্চিত্তঃ ক্রিযতে । ইষ্ট্বা বসীযা-ন্ভবতি ॥ 67 ॥

(বিন্দ - ত্যশ্লোণো হৈব ভব - ত্যধীযা - দৃদ্ধ্যতে - গর্ভৈরেবৈনগ্ং স সমদ্র্ধযতি দ্বে চ) (অ. 17)
অনুবাকং 18 - ব্রহ্মৌদনা উচ্যন্তে
তদাহুঃ । দ্বাদশ ব্রহ্মৌদনা-ন্থ্সগ্গ্স্থিত নির্বপেত্ । দ্বাদশভির্বেষ্টিভি-র্যজেতেতি ॥ যদিষ্টি-ভির্যজেত । উপনামুক এনং-যঁজ্ঞ-স্স্যাত্ । পাপীযাগ্স্তু স্যাত্ ।
আপ্তানি বা এতস্য ছন্দাগ্ংসি । য ঈজানঃ ।
তানি ক এতাবদাশু পুনঃ প্রযুঞ্জীতেতি ।
সর্বা বৈ সগ্গ্স্থিতে যজ্ঞে বাগাপ্যতে ॥ 68 ॥

সা-ঽঽপ্তা ভবতি যাতযাম্নী । ক্রূরীকৃতেব হি ভবত্যরুষ্কৃতা । সা ন পুনঃ প্রযুজ্যেত্যাহুঃ ॥ দ্বাদশৈব ব্রহ্মৌদনা-ন্থ্সগ্গ্স্থিতে নির্বপেত্ । প্রজাপতির্বা ওদনঃ । যজ্ঞঃ প্রজাপতিঃ । উপনামুক এনং-যঁজ্ঞো ভবতি ।
ন পাপীযা-ন্ভবতি ॥ দ্বাদশ ভবন্তি ।
দ্বাদশ মাসা-স্সংবঁথ্সরঃ ।
সংবঁথ্সর এব প্রতিতিষ্ঠতি ॥ 69 ॥

(আপ্যতে - সংবঁথ্সর এক-ঞ্চ) (অ. 18)
অনুবাকং 19 - বিভুত্বাদিভিঃ দ্বাদশভির্গুণৌরশ্বমেধপ্রশংসা
এষ বৈ বিভূর্নাম যজ্ঞঃ । সর্বগ্ং হ বৈ তত্র বিভু ভবতি । যত্রৈতেন যজ্ঞেন যজন্তে ॥ এষ বৈ প্রভূর্নাম যজ্ঞঃ । সর্বগ্ং হ বৈ তত্র প্রভু ভবতি । যত্রৈতেন যজ্ঞেন যজন্তে ॥ এষ বা ঊর্জস্বান্নাম যজ্ঞঃ । সর্বগ্ং হ বৈ তত্রোর্জস্ব-দ্ভবতি । যত্রৈতেন যজ্ঞেন যজন্তে ॥ এষ বৈ পযস্বান্নাম যজ্ঞঃ ॥ 70 ॥

সর্বগ্ং হ বৈ তত্র পযস্ব-দ্ভবতি । যত্রৈতেন যজ্ঞেন যজন্তে ॥
এষ বৈ বিধৃতো নাম যজ্ঞঃ ।
সর্বগ্ং হ বৈ তত্র বিধৃত-ম্ভবতি ।
যত্রৈতেন যজ্ঞেন যজন্তে ॥ এষ বৈ ব্যাবৃত্তো নাম যজ্ঞঃ ।
সর্বগ্ং হ বৈ তত্র ব্যাবৃত্ত-ম্ভবতি । যত্রৈতেন যজ্ঞেন যজন্তে ॥
এষ বৈ প্রতিষ্ঠিতো নাম যজ্ঞঃ ।
সর্বগ্ং হ বৈ তত্র প্রতিষ্ঠিত-ম্ভবতি ॥ 71 ॥

যত্রৈতেন যজ্ঞেন যজন্তে ॥ এষ বৈ তেজস্বী নাম যজ্ঞঃ । সর্বগ্ং হ বৈ তত্র তেজস্বি ভবতি । যত্রৈতেন যজ্ঞেন যজন্তে ॥
এষ বৈ ব্রহ্মবর্চসী নাম যজ্ঞঃ ।
আ হ বৈ তত্র ব্রাহ্মণো ব্রহ্মবর্চসী জাযতে । যত্রৈতেন যজ্ঞেন যজন্তে ॥
এষ বা অতিব্যাধী নাম যজ্ঞঃ ।
আ হ বৈ তত্র রাজন্যো-ঽতিব্যাধী জাযতে । যত্রৈতেন যজ্ঞেন যজন্তে ॥
এষ বৈ দীর্ঘো নাম যজ্ঞঃ ।
দীর্ঘাযুষো হ বৈ তত্র মনুষ্যা ভবন্তি ।
যত্রৈতেন যজ্ঞেন যজন্তে ॥
এষ বৈ ক্লৃপ্তো নাম যজ্ঞঃ ।
কল্পতে হ বৈ তত্র প্রজাভ্যো যোগক্ষেমঃ ।
যত্রৈতেন যজ্ঞেন যজন্তে ॥ 72 ॥

(পযস্বান্নাম যজ্ঞঃ - প্রতিষ্ঠিত-ম্ভবতি - যত্রৈতেন যজ্ঞেন যজন্তে ষট্চ) (অ. 19)
(এষ বৈ বিভূঃ প্রভূরূর্জস্বা-ন্পযস্বান্. বিধৃতো ব্যাবৃত্তঃ প্রতিষ্ঠিতস্তেজস্বী ব্রহ্মবর্চস্যতিব্যাধী দীর্ঘঃ ক্লুপ্তো দ্বাদশ)
অনুবাকং 20 - অশ্বসঞ্জ্ঞপনপ্রকারঃ
তার্প্যেণাশ্বগ্ং সঞ্জ্ঞপযন্তি । যজ্ঞো বৈ তার্প্যম্ । যজ্ঞেনৈবৈনগ্ং সমদ্র্ধযন্তি ॥ যামেন সাম্না প্রস্তোতা-ঽনূপতিষ্ঠতে ।
যমলোক-মেবৈন-ঙ্গমযতি ॥
তার্প্যে চ কৃত্ত্যধীবাসে চাশ্বগ্ং সঞ্জ্ঞপযন্তি । এতদ্বৈ পশূনাগ্ং রূপম্ । রূপেণৈব পশূনবরুন্ধে ॥
হিরণ্যকশিপু ভবতি । তেজসো-ঽবরুদ্ধ্যৈ ॥ 73 ॥

রুক্মো ভবতি । সুবর্গস্য লোকস্যা-নুখ্যাত্যৈ ॥ অশ্বো ভবতি । প্রজাপতে-রাপ্ত্যৈ ॥ অস্য বৈ লোকস্য রূপ-ন্তার্প্যম্ । অন্তরিক্ষস্য কৃত্ত্যধীবাসঃ । দিবো হিরণ্যকশিপু ।
আদিত্যস্য রুক্মঃ । প্রজাপতেরশ্বঃ ।
ইমমেব লোক-ন্তার্প্যেণাপ্নোতি ॥ 74 ॥

অন্তরিক্ষ-ঙ্কৃত্যধীবাসেন । দিবগ্ং হিরণ্যকশিপুনা । আদিত্যগ্ং রুক্মেণ ।
অশ্বেনৈব মেদ্ধ্যেন প্রজাপতে-স্সাযুজ্যগ্ং সলোকতা-মাপ্নোতি ॥ এতাসামেব দেবতানাগ্ং সাযুজ্যম্ ।
সার্ষ্টিতাগ্ং সমান লোকতামাপ্নোতি ।
যো-ঽশ্বমেধেন যজতে । য উ চৈনমেবং-বেঁদ ॥ 75 ॥

(অবরুদ্ধ্যা - আপ্নোত্য -+ষ্টৌ চ) (অ. 20)
অনুবাকং 21 - উত্তরবেদ্যুপবাপঃ
আদিত্যাশ্চাঙ্গিরসশ্চ সুবর্গে লোকে-ঽস্পদ্র্ধন্ত । তে-ঽঙ্গিরস আদিত্যেভ্যঃ ।
অমুমাদিত্য-মশ্বগ্গ্ শ্বেত-ম্ভূত-ন্দক্ষিণা-মনযন্ন্ । তে-ঽব্রুবন্ন্ ।
য-ন্নো-ঽনষ্ট । স বর্যো-ঽভূদিতি । তস্মাদশ্বগ্ং সবর্যেত্যা-হ্বযন্তি ।
তস্মাদ্যজ্ঞে বরো দীযতে ॥ যত্প্রজাপতি-রালব্ধো-ঽশ্বো-ঽভবত্ ।
তস্মাদশ্বো নাম ॥ 76 ॥

যচ্ছ্বযদরুরাসীত্ । তস্মাদর্বা নাম ॥
যথ্সদ্যো বাজা-ন্থ্সমজযত্ । তস্মাদ্বাজী নাম ॥ যদসুরাণাং-লোঁকানাদত্ত । তস্মাদাদিত্যো নাম ॥ অগ্নির্বা অশ্বমেধস্য যোনিরাযতনম্ । সূর্যো-ঽগ্নের্যোনি-রাযতনম্ ।
যদশ্বমেধে-ঽগ্নৌ চিত্য উত্তরবেদি-মুপবপতি । যোনি-মন্তমেবৈন-মাযতনবন্ত-ঙ্করোতি ॥ 77 ॥

যোনি-মানাযতনবা-ন্ভবতি । স এবং-বেঁদ ॥
প্রাণাপানৌ বা এতৌ দেবানাম্ । যদর্কাশ্বমেধৌ । প্রাণাপানাবেবাবরুন্ধে ॥ ওজো বলং-বাঁ এতৌ দেবানাম্ ।
যদর্কাশ্বমেধৌ । ওজো বলমেবাবরুন্ধে ॥
অগ্নির্বা অশ্বমেধস্য যোনি-রাযতনম্ ।
সূর্যো-ঽগ্নের্যোনি-রাযতনম্ ।
যদশ্বমেধে-ঽগ্নৌ চিত্য উত্তরবেদি-ঞ্চিনোতি ।
তাবর্কাশ্বমেধৌ । অর্কাশ্বমেধাবেবা বরুন্ধে । অথো অর্কাশ্ব-মেধযোরেব প্রতিতিষ্ঠতি ॥ 78 ॥

(নাম - করোতি - সূর্যো-ঽগ্নের্যোনিরাযতন-ঞ্চত্বারি চ) (অ. 21)
অনুবাকং 22 - ঋষভালম্ভঃ
প্রজাপতিং-বৈঁ দেবাঃ পিতরম্ ।
পশু-ম্ভূত-ম্মেধাযালভন্ত ।
তমালভ্যোপাবসন্ন্ । প্রাতর্যষ্টাস্মহ ইতি ।
একং-বাঁ এতদ্দেবানামহঃ । যথ্সংবঁথ্সরঃ । তস্মাদশ্বঃ পুরস্তা-থ্সংবঁথ্সর আলভ্যতে ॥
যত্প্রজাপতি-রালব্ধো-ঽশ্বো-ঽভবত্ । তস্মাদশ্বঃ । যথ্সদ্যো মেধো-ঽভবত্ ॥ 79 ॥

তস্মাদশ্বমেধঃ ॥ বেদুকো-ঽশ্বমাশু-ম্ভবতি । য এবং-বেঁদ ॥ যদ্বৈ তত্প্রজাপতি-রালব্ধো-ঽশ্বো-ঽভবত্ । তস্মাদশ্বঃ প্রজাপতেঃ পশূনা-মনুরূপতমঃ ॥
আ-ঽস্য পুত্রঃ প্রতিরূপো জাযতে । য এবং-বেঁদ ॥ সর্বাণি ভূতানি সভৃন্ত্যালভতে ।
সমেন-ন্দেবা-স্তেজসে ব্রহ্মবর্চসায ভরন্তি ।
যো-ঽশ্বমেধেন যজতে ॥ 80 ॥

য উ চৈনমেবং-বেঁদ ॥ এতদ্বৈ তদ্দেবা এতা-ন্দেবতাম্ । পশু-ম্ভূত-ম্মেধাযালভন্ত । যজ্ঞমব । যজ্ঞেন যজ্ঞমযজন্ত দেবাঃ । কামপ্রং-যঁজ্ঞম কুর্বত । তে-ঽমৃতত্বমকামযন্ত ।
ত-ঽমৃতত্ব-মগচ্ছন্ন্ ॥ যো-ঽশ্বমেধেন যজতে । দেবানামেবা-যনেনৈতি ॥ 81 ॥

প্রাজাপত্যেনৈব যজ্ঞেন যজতে কামপ্রেণ । অপুনর্মারমেব গচ্ছতি ॥ এতস্য বৈ রূপেণ পুরস্তা-ত্প্রাজাপত্য-মৃষভ-ন্তূপরং
বহুরূপ-মালভতে । সর্বেভ্যঃ কামেভ্যঃ । সর্বস্যাপ্ত্যৈ । সর্বস্য জিত্যৈ ॥ সর্বমেব তেনাপ্নোতি । সর্ব-ঞ্জযতি ।
যো-ঽশ্বমেধেন যজতে । য উ চৈনমেবং-বেঁদ ॥ 82 ॥

(মেধো-ঽভব--দ্যজত - এতি - বেদ) (অ. 22)
অনুবাকং 23 - অশ্বাবযবেষূপাসনম্
যো বা অশ্বস্য মেদ্ধ্যস্য লোমনী বেদ ।
অশ্বস্যৈব মেদ্ধ্যস্য লোমং-লোঁমঞ্জুহোতি ।
অহোরাত্রে বা অশ্বস্য মেদ্ধ্যস্য লোমনী । যথ্সায-ম্প্রাতর্জুহোতি । অশ্বস্যৈব মেদ্ধ্যস্য লোমং-লোঁমঞ্জুহোতি ।
এতদনুকৃতি হস্ম বৈ পুরা । অশ্বস্য মেদ্ধ্যস্য লোমং-লোঁমঞ্জুহ্বতি ॥
যো বা অশ্বস্য মেদ্ধ্যস্য পদে বেদ ।
অশ্বস্যৈব মেদ্ধ্যস্য পদে পদে জুহোতি ।
দর্শপূর্ণমাসৌ বা অশ্বস্য মেদ্ধ্যস্য পদে ॥ 83 ॥

যদ্দর্শপূর্ণমাসৌ যজতে ।
অশ্বস্যৈব মেদ্ধ্যস্য পদে পদে জুহোতি ।
এতদনুকৃতি হ স্ম বৈ পুরা ।
অশ্বস্য মেদ্ধ্যস্য পদে পদে জুহ্বতি ॥
যো বা অশ্বস্য মেদ্ধ্যস্য বিবর্তনং-বেঁদ । অশ্বস্যৈব মেদ্ধ্যস্য বিবর্তনে বিবর্তনে জুহোতি । অসৌ বা আদিত্যো-ঽশ্বঃ । স আহবনীয-মাগচ্ছতি । তদ্বিবর্ততে ।
যদগ্নিহোত্র-ঞ্জুহোতি ।
অশ্বস্যৈব মেদ্ধ্যস্য বিবর্তনে বিবর্তনে জুহোতি । এতদনুকৃতি হ স্ম বৈ পুরা ।
অশ্বস্য মেদ্ধ্যস্য বিবর্তনে বিবর্তনে জুহ্বতি ॥ 84 ॥
(পদে - অগ্নিহোত্র-ঞ্জুহোতি ত্রীণি চ) (অ. 23)
(প্রজাপতিস্তমষ্টাদশিভিঃ - প্রজাপতিরকামযতোভা - বস্মৈ - যুঞ্জন্তি-তেজসা - ঽপ প্রাণা - অপ শ্রীরূদ্র্ধ্বম্ - প্রজাপতিঃ প্রেণা-ঽনু - প্রথমেন - প্রজাপতিরকামযত মহান্. - বৈশ্বদেবো বা অশ্বো - ঽশ্বস্য - প্রজাপতিস্তং-যঁজ্ঞক্রতুভি - রপ শ্রীর্ব্রাহ্মণৌ - সর্বেষু- বারুণো - যদ্যশ্বম্ - তদাহু- রেষ বৈ বিভূ - স্তার্প্যেণা- দিত্যাঃ - প্রজাপতি-ম্পিতরং - ঁযো বা অশ্বস্য মেদ্ধ্যস্য লোমনী ত্রযোবিগ্ংশতিঃ)
(প্রজাপতির - স্মিন্ ঁলোকে - উত্তরতঃ - শ্রিযমেব - প্রজাপতিরকামযত মহান্.-য-ত্প্রাত - প্র বা এষ এভ্যো
লোকেভ্যঃ- সর্বগ্ং হ বৈ তত্র পযস্বদ্য -উ চৈনমেবং-বেঁদ চত্বার্যশীতিঃ)
(প্রজাপতিরশ্বমেধং - জুহ্বতি)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে নবমঃ প্রপাঠক-স্সমাপ্তঃ ॥
++++++++++++++++++++