1.3 - দেৱস্য ত্ৱা সৱিতুঃ প্ৰসৱে - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযা-ম্প্ৰথমকাণ্ডে তৃতীযঃ প্ৰশ্নঃ - অগ্নিষ্টোমে পশুঃ
ও-ন্নমঃ পৰমাত্মনে, শ্ৰী মহাগণপতযে নমঃ,
শ্ৰী গুৰুভ্যো নমঃ । হৰিঃ ওম্ ॥
দেৱস্য ত্ৱা সৱিতুঃ প্ৰসৱে-ঽশ্ৱিনো-ৰ্বাহুভ্যা-ম্পূষ্ণো হস্তাভ্যামা দদে-ঽভ্ৰিৰসি নাৰিৰসি পৰিলিখিতগ্ং ৰক্ষঃ পৰিলিখিতা অৰাতয ইদমহগ্ং ৰক্ষসো গ্ৰীৱা অপি কৃন্তামি যো-ঽস্মা-ন্দ্ৱেষ্টি য-ঞ্চ ৱয-ন্দ্ৱিষ্ম ইদমস্য গ্ৰীৱা অপি কৃন্তামি দিৱে ত্ৱা-ঽন্তৰিক্ষায ত্ৱা পৃথিৱ্যৈ ত্ৱা শুন্ধতাং-লোঁকঃ পিতৃষদনো যৱো-ঽসি যৱযাস্ম-দ্দ্ৱেষো [যৱযাস্ম-দ্দ্ৱেষঃ, যৱযাৰাতীঃ] 1
যৱযাৰাতীঃ পিতৃণাগ্ং সদনমস্যুদ্দিৱগ্গ্ স্তভানা-ঽন্তৰিক্ষ-ম্পৃণ পৃথিৱী-ন্দৃগ্ংহ দ্যুতানস্ত্ৱা মাৰুতো মিনোতু মিত্ৰাৱৰুণযো-ৰ্ধ্ৰুৱেণ ধৰ্মণা ব্ৰহ্মৱনি-ন্ত্ৱা ক্ষত্ৰৱনিগ্ং সুপ্ৰজাৱনিগ্ং ৰাযস্পোষৱনি-ম্পৰ্যূহামি ব্ৰহ্ম দৃগ্ংহ ক্ষত্ৰ-ন্দৃগ্ংহ প্ৰজা-ন্দৃগ্ংহ ৰাযস্পোষ-ন্দৃগ্ংহ ঘৃতেন দ্যাৱাপৃথিৱী আ পৃণেথামিন্দ্ৰস্য সদো-ঽসি ৱিশ্ৱজনস্য ছাযা পৰি ত্ৱা গিৰ্ৱণো গিৰ ইমা ভৱন্তু ৱিশ্ৱতো ৱৃদ্ধাযুমনু ৱৃদ্ধযো জুষ্টা ভৱন্তু জুষ্টয ইন্দ্ৰস্য স্যূৰসীন্দ্ৰস্য ধ্ৰুৱমস্যৈন্দ্ৰমসীন্দ্ৰায ত্ৱা ॥ 2 ॥

(দ্ৱেষ - ইমা - অষ্টাদশ চ ) (অ. 1)
ৰক্ষোহণো ৱলগহনো ৱৈষ্ণৱা-ন্খনামীদমহ-ন্তং-ৱঁলগমুদ্ৱপামি য-ন্নঃ সমানো যমসমানো নিচখানেদমেনমধৰ-ঙ্কৰোমি যো নঃ সমানো যো-ঽসমানো-ঽৰাতীযতি গাযত্ৰেণ ছন্দসা-ঽৱবাঢো ৱলগঃ কিমত্ৰ ভদ্ৰ-ন্তন্নৌ সহ ৱিৰাডসি সপত্নহা সম্ৰাডসি ভ্ৰাতৃৱ্যহা স্ৱৰাডস্যভিমাতিহা ৱিশ্ৱাৰাডসি ৱিশ্ৱাসা-ন্নাষ্ট্ৰাণাগ্ং হন্তা [হন্তা, ৰক্ষোহণো] 3
ৰক্ষোহণো ৱলগহনঃ প্ৰোক্ষামি ৱৈষ্ণৱা-ন্ৰক্ষোহণো ৱলগহনো-ঽৱ নযামি ৱৈষ্ণৱান্ যৱো-ঽসি যৱযাস্ম-দ্দ্ৱেষো যৱযাৰাতী ৰক্ষোহণো ৱলগহনো-ঽৱ স্তৃণামি ৱৈষ্ণৱা-ন্ৰক্ষোহণো ৱলগহনো-ঽভি জুহোমি ৱৈষ্ণৱা-ন্ৰক্ষোহণৌ ৱলগহনাৱুপ দধামি ৱৈষ্ণৱী ৰক্ষোহণৌ ৱলগহনৌ পৰ্যূহামি ৱৈষ্ণৱী ৰক্ষোহণৌ ৱলগহনৌ পৰি স্তৃণামি ৱৈষ্ণৱী ৰক্ষোহণৌ ৱলগহনৌ ৱৈষ্ণৱী বৃহন্নসি বৃহদ্গ্ৰাৱা বৃহতীমিন্দ্ৰায ৱাচং-ৱঁদ ॥ 4 ॥

( হন্তে-ন্দ্ৰায দ্ৱে চ ) (অ. 2)
ৱিভূৰসি প্ৰৱাহণো ৱহ্নিৰসি হৱ্যৱাহন-শ্শ্ৱাত্ৰো-ঽসি প্ৰচেতাস্তুথো-ঽসি ৱিশ্ৱৱেদা উশিগসি কৱিৰঙ্ঘাৰিৰসি বম্ভাৰিৰৱস্যুৰসি দুৱস্ৱাঞ্ছুন্ধ্যূৰসি মাৰ্জালীযঃ সম্ৰাডসি কৃশানুঃ পৰিষদ্যো-ঽসি পৱমানঃ প্ৰতক্ৱা-ঽসি নভস্ৱানসম্মৃষ্টো-ঽসি হৱ্যসূদ ঋতধামা-ঽসি সুৱৰ্জ্যোতি-ৰ্ব্ৰহ্মজ্যোতিৰসি সুৱৰ্ধামা-ঽজো ঽস্যেকপাদহিৰসি বুদ্ধ্নিযো ৰৌদ্ৰেণানীকেন পাহি মা-ঽগ্নে পিপৃহি মা মা মা হিগ্ংসীঃ ॥ 5 ॥

(অনীকেনা-ষ্টৌ চ) (অ. 3)
ত্ৱগ্ং সোম তনূকৃদ্ভ্যো দ্ৱেষোভ্যো-ঽন্যকৃতেভ্য উৰু যন্তা-ঽসি ৱৰূথগ্গ্ স্ৱাহা জুষাণো অপ্তুৰাজ্যস্য ৱেতু স্ৱাহা-ঽযন্নো অগ্নিৰ্ৱৰিৱঃ কৃণোত্ৱয-ম্মৃধঃ পুৰ এতু প্ৰভিন্দন্ন্ । অযগ্ং শত্ৰূঞ্জযতু জৰ্হৃষাণো-ঽযং-ৱাঁজ-ঞ্জযতু ৱাজসাতৌ । উৰু ৱিষ্ণো ৱি ক্ৰমস্ৱোৰু ক্ষযায নঃ কৃধি । ঘৃত-ঙ্ঘৃতযোনে পিব প্ৰপ্ৰ যজ্ঞপতি-ন্তিৰ । সোমো জিগাতি গাতুৱি- [গাতুৱিত্, দেৱানামেতি] 6
দ্দেৱানামেতি নিষ্কৃতমৃতস্য যোনিমাসদমদিত্যা-স্সদো-ঽস্যদিত্যা-স্সদ আ সীদৈষ ৱো দেৱ সৱিত-স্সোমস্তগ্ং ৰক্ষদ্ধ্ৱ-ম্মা ৱো দভদেতত্ত্ৱগ্ং সোম দেৱো দেৱানুপাগা ইদমহ-ম্মনুষ্যো মনুষ্যান্-থ্সহ প্ৰজযা সহ ৰাযস্পোষেণ নমো দেৱেভ্যঃ স্ৱধা পিতৃভ্য ইদমহ-ন্নিৰ্ৱৰুণস্য পাশা-থ্সুৱৰভি [ ] 7
ৱি খ্যেষং-ৱৈঁশ্ৱানৰ-ঞ্জ্যোতিৰগ্নে ৱ্ৰতপতে ত্ৱং-ৱ্ৰঁতানাং-ৱ্ৰঁতপতিৰসি যা মম তনূস্ত্ৱয্যভূদিযগ্ং সা মযি যা তৱ তনূ-ৰ্ময্যভূদেষা সা ত্ৱযি যথাযথ-ন্নৌ ৱ্ৰতপতে ৱ্ৰতিনো-ৰ্ৱ্ৰতানি ॥ 8 ॥

(গাতুৱিদ-ভ্যে-কত্ৰিগ্ংশচ্চ) (অ. 4)
অত্যন্যানগা-ন্নান্যানুপাগামৰ্ৱাক্ত্ৱা পৰৈৰৱিদ-ম্পৰো-ঽৱৰৈস্ত-ন্ত্ৱা জুষে ৱৈষ্ণৱ-ন্দেৱযজ্যাযৈ দেৱস্ত্ৱা সৱিতা মদ্ধ্ৱা-ঽনক্ত্ৱোষধে ত্ৰাযস্ৱৈনগ্গ্ স্ৱধিতে মৈনগ্ং হিগ্ংসী-ৰ্দিৱমগ্ৰেণ মা লেখীৰন্তৰিক্ষ-ম্মদ্ধ্যেন মা হিগ্ংসীঃ পৃথিৱ্যা স-ম্ভৱ ৱনস্পতে শতৱল্শো ৱি ৰোহ সহস্ৰৱল্শা ৱি ৱযগ্ং ৰুহেম য-ন্ত্ৱা-ঽযগ্গ্ স্ৱধিতিস্তেতিজানঃ প্ৰণিনায মহতে সৌভগাযাচ্ছিন্নো ৰাযঃ সুৱীৰঃ ॥ 9 ॥

(যং-দশ চ) (অ. 5)
পৃথিৱ্যৈ ত্ৱান্তৰিক্ষায ত্ৱা দিৱে ত্ৱা শুন্ধতাং-লোঁকঃ পিতৃষদনো যৱো-ঽসি যৱযাস্ম-দ্দ্ৱেষো যৱযাৰাতীঃ পিতৃণাগ্ং সদনমসি স্ৱাৱেশো-ঽস্যগ্ৰেগা নেতৃণাং-ৱঁনস্পতিৰধি ত্ৱা স্থাস্যতি তস্য ৱিত্তা-দ্দেৱস্ত্ৱা সৱিতা মদ্ধ্ৱা-ঽনক্তু সুপিপ্পলাভ্য-স্ত্ৱৌষধীভ্য উদ্দিৱগ্গ্ স্তভানা-ঽন্তৰিক্ষ-ম্পৃণ পৃথিৱীমুপৰেণ দৃগ্ংহ তে তে ধামান্যুশ্মসী [ধামান্যুশ্মসি, গমদ্ধ্যে গাৱো] 10
গমদ্ধ্যে গাৱো যত্ৰ ভূৰিশৃঙ্গা অযাসঃ । অত্ৰাহ তদুৰুগাযস্য ৱিষ্ণোঃ পৰম-ম্পদমৱ ভাতি ভূৰেঃ ॥ ৱিষ্ণোঃ কৰ্মাণি পশ্যত যতো ৱ্ৰতানি পস্পশে । ইন্দ্ৰস্য যুজ্য-স্সখা ॥ ত-দ্ৱিষ্ণোঃ পৰম-ম্পদগ্ং সদা পশ্যন্তি সূৰযঃ । দিৱীৱ চক্ষুৰাততম্ ॥ ব্ৰহ্মৱনি-ন্ত্ৱা ক্ষত্ৰৱনিগ্ং সুপ্ৰজাৱনিগ্ং ৰাযস্পোষৱনি-ম্পৰ্যূহামি ব্ৰহ্ম দৃগ্ংহ ক্ষত্ৰ-ন্দৃগ্ংহ প্ৰজা-ন্দৃগ্ংহ ৰাযস্পোষ-ন্দৃগ্ংহ পৰিৱীৰসি পৰি ত্ৱা দৈৱীৰ্ৱিশো ৱ্যযন্তা-ম্পৰীমগ্ং ৰাযস্পোষো যজমান-ম্মনুষ্যা অন্তৰিক্ষস্য ত্ৱা সানাৱৱ গূহামি ॥ 11 ॥

(উশ্মসী-পোষমে-কান্নৱিগ্ংশতিশ্চ) (অ. 6)
ইষে ত্ৱোপৱীৰস্যুপো দেৱা-ন্দৈৱী-ৰ্ৱিশঃ প্ৰাগু-ৰ্ৱহ্নীৰুশিজো বৃহস্পতে ধাৰযা ৱসূনি হৱ্যা তে স্ৱদন্তা-ন্দেৱ ত্ৱষ্টৰ্ৱসু ৰণ্ৱ ৰেৱতী ৰমদ্ধ্ৱ-মগ্নে-ৰ্জনিত্ৰমসি ৱৃষণৌ স্থ উৰ্ৱশ্যস্যাযুৰসি পুৰূৰৱা ঘৃতেনাক্তে ৱৃষণ-ন্দধাথা-ঙ্গাযত্ৰ-ঞ্ছন্দো-ঽনু প্ৰ জাযস্ৱ ত্ৰৈষ্টুভ-ঞ্জাগত-ঞ্ছন্দো-ঽনু প্ৰ জাযস্ৱ ভৱত- [ভৱতম্, ন-স্সমনসৌ] 12
ন্ন-স্সমনসৌ সমোকসাৱৰেপসৌ । মা যজ্ঞগ্ং হিগ্ংসিষ্ট-ম্মা যজ্ঞপতি-ঞ্জাতৱেদসৌ শিৱৌ ভৱতমদ্য নঃ ॥ অগ্নাৱগ্নিশ্চৰতি প্ৰৱিষ্ট ঋষীণা-ম্পুত্ৰো অধিৰাজ এষঃ । স্ৱাহাকৃত্য ব্ৰহ্মণা তে জুহোমি মা দেৱানা-ম্মিথুযা কৰ্ভাগধেযম্ ॥ 13 ॥

(ভৱত-মেকত্ৰিগ্ংশচ্চ) (অ. 7)
আ দদ ঋতস্য ত্ৱা দেৱহৱিঃ পাশেনা-ঽঽৰভে ধৰ্ষা মানুষানদ্ভ্যস্ত্ৱৌষধীভ্যঃ প্ৰোক্ষাম্যপা-ম্পেৰুৰসি স্ৱাত্ত-ঞ্চি-থ্সদেৱগ্ং হৱ্যমাপো দেৱী-স্স্ৱদতৈনগ্ং স-ন্তে প্ৰাণো ৱাযুনা গচ্ছতাগ্ং সং-যঁজত্ৰৈৰঙ্গানি সং-যঁজ্ঞপতিৰাশিষা ঘৃতেনাক্তৌ পশু-ন্ত্ৰাযেথাগ্ং ৰেৱতী-ৰ্যজ্ঞপতি-ম্প্ৰিযধা-ঽঽ ৱিশতোৰো অন্তৰিক্ষ সজূ-ৰ্দেৱেন [সজূ-ৰ্দেৱেন, ৱাতেনা-ঽস্য] 14
ৱাতেনা-ঽস্য হৱিষস্ত্মনা যজ সমস্য তনুৱা ভৱ ৱৰ্ষীযো ৱৰ্ষীযসি যজ্ঞে যজ্ঞপতি-ন্ধাঃ পৃথিৱ্যা-স্সম্পৃচঃ পাহি নমস্ত আতানা-ঽনৰ্ৱা প্ৰেহি ঘৃতস্য কুল্যামনু সহ প্ৰজযা সহ ৰাযস্পোষেণা ঽঽপো দেৱী-শ্শুদ্ধাযুৱ-শ্শুদ্ধা যূয-ন্দেৱাগ্ং ঊঢ্ৱগ্ং শুদ্ধা ৱয-ম্পৰিৱিষ্টাঃ পৰিৱেষ্টাৰো ৱো ভূযাস্ম ॥ 15 ॥

(দেৱন-চতুশ্চত্ৱাৰিগ্ংশচ্চ) (অ. 8)
ৱাক্ত আ প্যাযতা-ম্প্ৰাণস্ত আ প্যাযতা-ঞ্চক্ষুস্ত আ প্যাযতাগ্ শ্ৰোত্ৰ-ন্ত আ প্যাযতাং-যাঁ তে প্ৰাণাঞ্ছুগ্জগাম যা চক্ষুৰ্যা শ্ৰোত্ৰং-যঁত্তে ক্ৰূৰং-যঁদাস্থিত-ন্তত্ত আ প্যাযতা-ন্তত্ত এতেন শুন্ধতা-ন্নাভিস্ত আ প্যাযতা-ম্পাযুস্ত আ প্যাযতাগ্ং শুদ্ধাশ্চৰিত্ৰা-শ্শমদ্ভ্য- [মধ্ভ্যঃ, শমোষধীভ্য-শ্শং] 16
শ্শমোষধীভ্য-শ্শ-ম্পৃথিৱ্যৈ শমহোভ্যা-মোষধে ত্ৰাযস্ৱৈনগ্গ্ স্ৱধিতে মৈনগ্ং হিগ্ংসী ৰক্ষসা-ম্ভাগো-ঽসীদমহগ্ং ৰক্ষো-ঽধম-ন্তমো নযামি যো-ঽস্মা-ন্দ্ৱেষ্টি য-ঞ্চ ৱয-ন্দ্ৱিষ্ম ইদমেনমধম-ন্তমো নযামীষে ত্ৱা ঘৃতেন দ্যাৱাপৃথিৱী প্ৰোৰ্ণ্ৱাথা-মচ্ছিন্নো ৰাযঃ সুৱীৰ উৰ্ৱন্তৰিক্ষমন্ৱিহি ৱাযো ৱীহি স্তোকানাগ্ স্ৱাহোৰ্ধ্ৱনভস-ম্মাৰুত-ঙ্গচ্ছতম্ ॥ 17 ॥

(অদ্ভ্যো-ৱীহি-পঞ্চ চ) (অ. 9)
স-ন্তে মনসা মনঃ স-ম্প্ৰাণেন প্ৰাণো জুষ্ট-ন্দেৱেভ্যো হৱ্য-ঙ্ঘৃতৱ-থ্স্ৱাহৈন্দ্ৰঃ প্ৰাণো অঙ্গেঅঙ্গে নি দেদ্ধ্যদৈন্দ্ৰো ঽপানো অঙ্গেঅঙ্গে ৱি বোভুৱদ্দেৱ ত্ৱষ্টৰ্ভূৰি তে সগ্ংসমেতু ৱিষুৰূপা য-থ্সলক্ষ্মাণো ভৱথ দেৱত্ৰা যন্তমৱসে সখাযো-ঽনু ত্ৱা মাতা পিতৰো মদন্তু শ্ৰীৰস্যগ্নিস্ত্ৱা শ্ৰীণাত্ৱাপ-স্সমৰিণন্ ৱাতস্য [ ] 18
ত্ৱা ধ্ৰজ্যৈ পূষ্ণো ৰগ্গ্হ্যা অপামোষধীনাগ্ং ৰোহিষ্যৈ ঘৃত-ঙ্ঘৃতপাৱানঃ পিবত ৱসাং-ৱঁসাপাৱানঃ পিবতা-ঽন্তৰিক্ষস্য হৱিৰসি স্ৱাহা ত্ৱা-ঽন্তৰিক্ষায দিশঃ প্ৰদিশ আদিশো ৱিদিশ উদ্দিশ-স্স্ৱাহা দিগ্ভ্যো নমো দিগ্ভ্যঃ ॥ 19 ॥

(ৱাতস্যা-ষ্টাৱিগ্ংশতিশ্চ) (অ. 10)
সমুদ্ৰ-ঙ্গচ্ছ স্ৱাহা-ঽন্তৰিক্ষ-ঙ্গচ্ছ স্ৱাহা দেৱগ্ং সৱিতাৰ-ঙ্গচ্ছ স্ৱাহা-ঽহোৰাত্ৰে গচ্ছ স্ৱাহা মিত্ৰাৱৰুণৌ গচ্ছ স্ৱাহা সোম-ঙ্গচ্ছ স্ৱাহা যজ্ঞ-ঙ্গচ্ছ স্ৱাহা ছন্দাগ্ংসি গচ্ছ স্ৱাহা দ্যাৱাপৃথিৱী গচ্ছ স্ৱাহা নভো দিৱ্য-ঙ্গচ্ছ স্ৱাহা-ঽগ্নিং-ৱৈঁশ্ৱানৰ-ঙ্গচ্ছ স্ৱাহা-ঽদ্ভ্যস্ত্ৱৌষধীভ্যো মনো মে হাৰ্দি যচ্ছ তনূ-ন্ত্ৱচ-ম্পুত্ৰ-ন্নপ্তাৰমশীয শুগসি তমভি শোচ যো-ঽস্মা-ন্দ্ৱেষ্টি য-ঞ্চ ৱয-ন্দ্ৱিষ্মো ধাম্নোধাম্নো ৰাজন্নিতো ৱৰুণ নো মুঞ্চ যদাপো অঘ্নিযা ৱৰুণেতি শপামহে ততো ৱৰুণ নো মুঞ্চ ॥ 20

(অসি-ষড্ৱিগ্ংশতিশ্চ ) (অ. 11)
হৱিষ্মতীৰিমা আপো হৱিষ্মা-ন্দেৱো অদ্ধ্ৱৰো হৱিষ্মাগ্ং আ ৱিৱাসতি হৱিষ্মাগ্ং অস্তু সূৰ্যঃ ॥ অগ্নেৰ্ৱো ঽপন্নগৃহস্য সদসি সাদযামি সুম্নায সুম্নিনী-স্সুম্নে মা ধত্তেন্দ্ৰাগ্নিযো-ৰ্ভাগধেযী-স্স্থ মিত্ৰাৱৰুণযো-ৰ্ভাগধেযী-স্স্থ ৱিশ্ৱেষা-ন্দেৱানা-ম্ভাগধেযী-স্স্থ যজ্ঞে জাগৃত ॥ 21 ॥

(হৱিষ্মতী-শ্চতুস্ত্ৰিগ্ংশত্) (অ. 12)
হৃদে ত্ৱা মনসে ত্ৱা দিৱে ত্ৱা সূৰ্যায ত্ৱোৰ্ধ্ৱমিমমদ্ধ্ৱৰ-ঙ্কৃধি দিৱি দেৱেষু হোত্ৰা যচ্ছ সোম ৰাজন্নেহ্যৱ ৰোহ মা ভেৰ্মা সং-ৱিঁক্থা মা ত্ৱা হিগ্ংসিষ-ম্প্ৰজাস্ত্ৱমুপাৱৰোহ প্ৰজাস্ত্ৱামুপাৱৰোহন্তু শৃণোত্ৱগ্নি-স্সমিধা হৱ-ম্মে শৃণ্ৱন্ত্ৱাপো ধিষণাশ্চ দেৱীঃ । শৃণোত গ্ৰাৱাণো ৱিদুষো নু [ ] 22
যজ্ঞগ্ং শৃণোতু দেৱ-স্সৱিতা হৱ-ম্মে । দেৱীৰাপো অপা-ন্নপাদ্য ঊৰ্মিৰ্হৱিষ্য ইন্দ্ৰিযাৱা-ন্মদিন্তমস্ত-ন্দেৱেভ্যো দেৱত্ৰা ধত্ত শুক্ৰগ্ং শুক্ৰপেভ্যো যেষা-ম্ভাগ-স্স্থ স্ৱাহা কাৰ্ষিৰস্যপা-ঽপা-ম্মৃদ্ধ্ৰগ্ং সমুদ্ৰস্য ৱো-ঽক্ষিত্যা উন্নযে । যমগ্নে পৃথ্সু মৰ্ত্যমাৱো ৱাজেষু য-ঞ্জুনাঃ । স যন্তা শশ্ৱতীৰিষঃ ॥ 23 ॥

( নু-সপ্তচত্ৱাৰিগ্ংশচ্চ) (অ. 13)
ত্ৱমগ্নে ৰুদ্ৰো অসুৰো মহো দিৱস্ত্ৱগ্ং শৰ্ধো মাৰুত-ম্পৃক্ষ ঈশিষে । ত্ৱং-ৱাঁতৈৰৰুণৈৰ্যাসি শঙ্গযস্ত্ৱ-ম্পূষা ৱিধতঃ পাসি নুত্মনা ॥ আ ৱো ৰাজানমদ্ধ্ৱৰস্য ৰুদ্ৰগ্ং হোতাৰগ্ং সত্যযজগ্ং ৰোদস্যোঃ । অগ্নি-ম্পুৰা তনযিত্নো ৰচিত্তাদ্ধিৰণ্যৰূপমৱসে কৃণুদ্ধ্ৱম্ ॥ অগ্নিৰ্হোতা নি ষসাদা যজীযানুপস্থে মাতু-স্সুৰভাৱু লোকে । যুৱা কৱিঃ পুৰুনিষ্ঠ [পুৰুনিষ্ঠঃ, ঋতাৱা ধৰ্তা] 24
ঋতাৱা ধৰ্তা কৃষ্টীনামুত মদ্ধ্য ইদ্ধঃ ॥সাদ্ধ্ৱীমক-ৰ্দেৱৱীতি-ন্নো অদ্য যজ্ঞস্য জিহ্ৱামৱিদাম গুহ্যাম্ । স আযুৰা-ঽগা-থ্সুৰভিৰ্ৱসানো ভদ্ৰামক-ৰ্দেৱহূতি-ন্নো অদ্য ॥ অক্ৰন্দদগ্নি-স্স্তনযন্নিৱ দ্যৌঃ, ক্ষামা ৰেৰিহদ্ৱীৰুধঃ সমঞ্জন্ন্ । সদ্যো জজ্ঞানো ৱি হীমিদ্ধো অখ্যদা ৰোদসী ভানুনা ভাত্যন্তঃ ॥ ত্ৱে ৱসূনি পুৰ্ৱণীক [পুৰ্ৱণীক, হোতৰ্দোষা] 25
হোতৰ্দোষা ৱস্তোৰেৰিৰে যজ্ঞিযাসঃ । ক্ষামেৱ ৱিশ্ৱা ভুৱনানি যস্মিন্-থ্সগ্ং সৌভগানি দধিৰে পাৱকে ॥ তুভ্য-ন্তা অঙ্গিৰস্তম ৱিশ্ৱা-স্সুক্ষিতযঃ পৃথক্ । অগ্নে কামায যেমিৰে ॥ অশ্যাম ত-ঙ্কামমগ্নে তৱোত্যশ্যাম ৰযিগ্ং ৰযিৱ-স্সুৱীৰম্ । অশ্যাম ৱাজমভি ৱাজযন্তো ঽশ্যাম দ্যুম্নমজৰাজৰ-ন্তে ॥শ্ৰেষ্ঠং-যঁৱিষ্ঠ ভাৰতাগ্নে দ্যুমন্তমা ভৰ ॥ 26 ॥
ৱসো পুৰুস্পৃহগ্ং ৰযিম্ ॥ স শ্ৱিতানস্তন্যতূ ৰোচনস্থা অজৰেভি-ৰ্নানদদ্ভিৰ্যৱিষ্ঠঃ । যঃ পাৱকঃ পুৰুতমঃ পুৰূণি পৃথূন্যগ্নিৰনুযাতি ভৰ্ৱন্ন্ ॥ আযুষ্টে ৱিশ্ৱতো দধদযমগ্নি-ৰ্ৱৰেণ্যঃ । পুনস্তে প্ৰাণ আ-ঽযতি পৰা যক্ষ্মগ্ং সুৱামি তে ॥ আযুৰ্দা অগ্নে হৱিষো জুষাণো ঘৃতপ্ৰতীকো ঘৃতযোনিৰেধি । ঘৃত-ম্পীত্ৱা মধু চাৰু গৱ্য-ম্পিতেৱ পুত্ৰমভি [পুত্ৰমভি, ৰক্ষতাদিমম্] 27
ৰক্ষতাদিমম্ । তস্মৈ তে প্ৰতিহৰ্যতে জাতৱেদো ৱিচৰ্ষণে । অগ্নে জনামি সুষ্টুতিম্ ॥ দিৱস্পৰি প্ৰথম-ঞ্জজ্ঞে অগ্নিৰস্ম-দ্দ্ৱিতীয-ম্পৰি জাতৱেদাঃ । তৃতীযমফ্সু নৃমণা অজস্ৰমিন্ধান এন-ঞ্জৰতে স্ৱাধীঃ ॥ শুচিঃ পাৱক ৱন্দ্যো-ঽগ্নে বৃহদ্ৱি ৰোচসে । ত্ৱ-ঙ্ঘৃতেভিৰাহুতঃ ॥ দৃশানো ৰুক্ম উৰ্ৱ্যা ৱ্যদ্যৌ-দ্দুৰ্মৰ্ষমাযুঃ শ্ৰিযে ৰুচানঃ । অগ্নিৰমৃতো অভৱদ্ৱযোভি- [অভৱদ্ৱযোভিঃ, যদেনং] 28
-ৰ্যদেন-ন্দ্যৌৰজনয-থ্সুৰেতাঃ ॥ আ যদিষে নৃপতি-ন্তেজ আনট্ছুচি ৰেতো নিষিক্ত-ন্দ্যৌৰভীকে । অগ্নি-শ্শৰ্ধমনৱদ্যং-যুঁৱানগ্গ্ স্ৱাধিয-ঞ্জনয-থ্সূদযচ্চ ॥ স তেজীযসা মনসা ত্ৱোত উত শিক্ষ স্ৱপত্যস্য শিক্ষোঃ । অগ্নে ৰাযো নৃতমস্য প্ৰভূতৌ ভূযাম তে সুষ্টুতযশ্চ ৱস্ৱঃ ॥ অগ্নে সহন্তমা ভৰ দ্যুম্নস্য প্ৰাসহা ৰযিম্ । ৱিশ্ৱা য- [ৱিশ্ৱা যঃ, চৰ্ষণীৰভ্যাসা ৱাজেষু] 29
শ্চৰ্ষণীৰভ্যাসা ৱাজেষু সাসহত্ ॥ তমগ্নে পৃতনাসহগ্ং ৰযিগ্ং সহস্ৱ আ ভৰ । ত্ৱগ্ং হি সত্যো অদ্ভুতো দাতা ৱাজস্য গোমতঃ ॥ উক্ষান্নায ৱশান্নায সোমপৃষ্ঠায ৱেধসে । স্তোমৈ-ৰ্ৱিধেমা-ঽগ্নযে ॥ ৱদ্মা হি সূনো অস্যদ্মসদ্ৱা চক্ৰে অগ্নি-ৰ্জনুষা ঽজ্মা-ঽন্নম্ । স ত্ৱ-ন্ন ঊৰ্জসন ঊৰ্জ-ন্ধা ৰাজেৱ জেৰৱৃকে ক্ষেষ্যন্তঃ ॥ অগ্ন আযূগ্ংষি [অগ্ন আযূগ্ংষি, পৱস আ] 30
পৱস আ সুৱোৰ্জমিষ-ঞ্চ নঃ । আৰে বাধস্ৱ দুচ্ছুনাম্ ॥ অগ্নে পৱস্ৱ স্ৱপা অস্মে ৱৰ্চঃ সুৱীৰ্যম্ । দধত্পোষগ্ং ৰযি-ম্মযি ॥ অগ্নে পাৱক ৰোচিষা মন্দ্ৰযা দেৱ জিহ্ৱযা । আ দেৱান্. ৱক্ষি যক্ষি চ ॥ স নঃ পাৱক দীদিৱো-ঽগ্নে দেৱাগ্ং ইহা ৱহ । উপ যজ্ঞগ্ং হৱিশ্চ নঃ ॥ অগ্নি-শ্শুচিৱ্ৰততম-শ্শুচি-ৰ্ৱিপ্ৰ-শ্শুচিঃ কৱিঃ । শুচী ৰোচত আহুতঃ ॥ উদগ্নে শুচযস্তৱ শুক্ৰা ভ্ৰাজন্ত ঈৰতে । তৱ জ্যোতীগ্ষ্যৰ্চযঃ ॥ 31 ॥
(পুৰুনিষ্ঠঃ-পুৰ্ৱণীক-ভৰা-ঽভি-ৱযোভি-ৰ্য-আযূগ্ংষি -ৱিপ্ৰ-শ্শুচি-শ্চতুৰ্দশ চ) (অ. 14)
(দেৱস্য - ৰক্ষোহণো - ৱিভূ-স্ত্ৱগ্ং সোমা - ঽত্যন্যানগাং - পৃথিৱ্যা - ইষে ত্ৱা - ঽঽদদে - ৱাক্ত-সন্তে - সমুদ্ৰগ্ং - হৱিষ্মতীৰ্-হৃদে - ত্ৱমগ্নে ৰুদ্ৰ - শ্চতুৰ্দশ)
(দেৱস্য - গমধ্যে - হৱিষ্মতীঃ - পৱস - একত্ৰিগ্ংশত্)
(দেৱস্যা, ৰ্চযঃ)
॥ হৰিঃ ওম্ ॥
॥ কৃষ্ণ যজুৰ্ৱেদীয তৈত্তিৰীয সংহিতাযা-ম্প্ৰথমকাণ্ডে তৃতীযঃ প্ৰশ্ন-স্সমাপ্তঃ ॥