6.6 - ସୁଵର୍ଗାଯ ଵା ଏତାନି ଲୋକାଯ - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ଷଷ୍ଠକାଣ୍ଡେ ଷଷ୍ଠଃ ପ୍ରଶ୍ନଃ - ସୋମମନ୍ତ୍ରବ୍ରାହ୍ମଣନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ସୁଵର୍ଗାଯ ଵା ଏତାନି ଲୋକାଯ ହୂଯନ୍ତେ ଯ-ଦ୍ଦାକ୍ଷିଣାନି ଦ୍ଵାଭ୍ଯା-ଙ୍ଗାର୍ହପତ୍ଯେ ଜୁହୋତି ଦ୍ଵିପା-ଦ୍ଯଜମାନଃ ପ୍ରତିଷ୍ଠିତ୍ଯା ଆଗ୍ନୀଦ୍ଧ୍ରେ ଜୁହୋତ୍ଯନ୍ତରିକ୍ଷ ଏଵା-ଽଽକ୍ରମତେ ସଦୋ-ଽଭ୍ଯୈତି ସୁଵର୍ଗମେଵୈନଂ-ଲୋଁକ-ଙ୍ଗମଯତି ସୌରୀଭ୍ଯାମୃଗ୍ଭ୍ଯା-ଙ୍ଗାର୍ହପତ୍ଯେ ଜୁହୋତ୍ଯମୁମେଵୈନଂ-ଲୋଁକଗ୍ଂ ସମାରୋହଯତି ନଯଵତ୍ଯର୍ଚା-ଽଽଗ୍ନୀଦ୍ଧ୍ରେ ଜୁହୋତି ସୁଵର୍ଗସ୍ଯ ଲୋକସ୍ଯାଭିନୀତ୍ଯୈ ଦିଵ-ଙ୍ଗଚ୍ଛ ସୁଵଃ ପତେତି ହିରଣ୍ଯଗ୍ଂ [ହିରଣ୍ଯମ୍, ହୁତ୍ଵୋ-ଦ୍ଗୃହ୍ଣାତି] 1
ହୁତ୍ଵୋ-ଦ୍ଗୃହ୍ଣାତି ସୁଵର୍ଗମେଵୈନଂ-ଲୋଁକ-ଙ୍ଗମଯତି ରୂପେଣ ଵୋ ରୂପମଭ୍ଯୈମୀତ୍ଯାହ ରୂପେଣ ହ୍ଯାସାଗ୍ଂ ରୂପମଭ୍ଯୈତି ଯଦ୍ଧିରଣ୍ଯେନ ତୁଥୋ ଵୋ ଵିଶ୍ଵଵେଦା ଵି ଭଜତ୍ଵିତ୍ଯାହ ତୁଥୋ ହ ସ୍ମ ଵୈ ଵିଶ୍ଵଵେଦା ଦେଵାନା-ନ୍ଦକ୍ଷିଣା ଵି ଭଜତି ତେନୈଵୈନା ଵି ଭଜତ୍ଯେ ତ-ତ୍ତେ ଅଗ୍ନେ ରାଧ [ଅଗ୍ନେ ରାଧଃ, ଐତି ସୋମଚ୍ଯୁତ-] 2
ଐତି ସୋମଚ୍ଯୁତ-ମିତ୍ଯାହ ସୋମଚ୍ଯୁତଗ୍ଗ୍ ହ୍ଯସ୍ଯ ରାଧ ଐତି ତନ୍ମିତ୍ରସ୍ଯ ପଥା ନଯେତ୍ଯାହ ଶାନ୍ତ୍ଯା ଋତସ୍ଯ ପଥା ପ୍ରେତ ଚନ୍ଦ୍ର ଦକ୍ଷିଣା ଇତ୍ଯାହ ସତ୍ଯଂ-ଵାଁ ଋତଗ୍ଂ ସତ୍ଯେନୈଵୈନା ଋତେନ ଵି ଭଜତି ଯଜ୍ଞସ୍ଯ ପଥା ସୁଵିତା ନଯନ୍ତୀରିତ୍ଯାହ ଯଜ୍ଞସ୍ଯ ହ୍ଯେତାଃ ପଥା ଯନ୍ତି ଯ-ଦ୍ଦକ୍ଷିଣା ବ୍ରାହ୍ମଣମଦ୍ଯ ରାଦ୍ଧ୍ଯାସ- [ରାଦ୍ଧ୍ଯାସମ୍, ଋଷିମାର୍ଷେଯ-] 3
-ମୃଷିମାର୍ଷେଯ-ମିତ୍ଯାହୈଷ ଵୈ ବ୍ରାହ୍ମଣ ଋଷିରାର୍ଷେଯୋ ଯ-ଶ୍ଶୁଶ୍ରୁଵା-ନ୍ତସ୍ମାଦେଵମାହ ଵି ସୁଵଃ ପଶ୍ଯ ଵ୍ଯନ୍ତରିକ୍ଷମିତ୍ଯାହ ସୁଵର୍ଗମେଵୈନଂ-ଲୋଁକ-ଙ୍ଗମଯତି ଯତସ୍ଵ ସଦସ୍ଯୈରିତ୍ଯାହ ମିତ୍ରତ୍ଵାଯାସ୍ମଦ୍ଦାତ୍ରା ଦେଵତ୍ରା ଗଚ୍ଛତ ମଧୁମତୀଃ ପ୍ରଦାତାରମା ଵିଶତେତ୍ଯାହ ଵଯମିହ ପ୍ରଦାତାର-ସ୍ସ୍ମୋ-ଽସ୍ମାନମୁତ୍ର ମଧୁମତୀରା ଵିଶତେତି [ଵିଶତେତି, ଵାଵୈତଦାହ] 4
ଵାଵୈତଦାହ ହିରଣ୍ଯ-ନ୍ଦଦାତି ଜ୍ଯୋତିର୍ଵୈ ହିରଣ୍ଯ-ଞ୍ଜ୍ଯୋତିରେଵ ପୁରସ୍ତାଦ୍ଧତ୍ତେ ସୁଵର୍ଗସ୍ଯ ଲୋକସ୍ଯାନୁଖ୍ଯାତ୍ଯା ଅଗ୍ନୀଧେ ଦଦାତ୍ଯଗ୍ନିମୁଖାନେଵର୍ତୂ-ନ୍ପ୍ରୀଣାତି ବ୍ରହ୍ମଣେ ଦଦାତି ପ୍ରସୂତ୍ଯୈ ହୋତ୍ରେ ଦଦାତ୍ଯାତ୍ମା ଵା ଏଷ ଯଜ୍ଞସ୍ଯ ଯଦ୍ଧୋତା-ଽଽତ୍ମାନମେଵ ଯଜ୍ଞସ୍ଯ ଦକ୍ଷିଣାଭି-ସ୍ସମର୍ଧଯତି ॥ 5 ॥

(ହିରଣ୍ଯଗ୍ଂ - ରାଧୋ - ରାଧ୍ଯାସ - ମମୁତ୍ର ମଧୁମତୀରା ଵିଶତେତ୍ଯ - ଷ୍ଟାତ୍ରିଗ୍ଂଶଚ୍ଚ) (ଅ. 1)
ସମିଷ୍ଟ ଯଜୂଗ୍ଂଷି ଜୁହୋତି ଯଜ୍ଞସ୍ଯ ସମିଷ୍ଟ୍ଯୈ ଯଦ୍ଵୈ ଯଜ୍ଞସ୍ଯ କ୍ରୂରଂ-ଯଁ-ଦ୍ଵିଲିଷ୍ଟଂ-ଯଁଦତ୍ଯେତି ଯନ୍ନାତ୍ଯେତି ଯଦତିକରୋତି ଯନ୍ନାପି କରୋତି ତଦେଵ ତୈଃ ପ୍ରୀଣାତି ନଵ ଜୁହୋତି ନଵ ଵୈ ପୁରୁଷେ ପ୍ରାଣାଃ ପୁରୁଷେଣ ଯଜ୍ଞ-ସ୍ସମ୍ମିତୋ ଯାଵାନେଵ ଯଜ୍ଞସ୍ତ-ମ୍ପ୍ରୀଣାତି ଷ-ଡୃଗ୍ମିଯାଣି ଜୁହୋତି ଷଡ୍ଵା ଋତଵ ଋତୂନେଵ ପ୍ରୀଣାତି ତ୍ରୀଣି ଯଜୂଗ୍ଂଷି [ଯଜୂଗ୍ଂଷି, ତ୍ରଯ ଇମେ ଲୋକା] 6
ତ୍ରଯ ଇମେ ଲୋକା ଇମାନେଵ ଲୋକା-ନ୍ପ୍ରୀଣାତି ଯଜ୍ଞ ଯଜ୍ଞ-ଙ୍ଗଚ୍ଛ ଯଜ୍ଞପତି-ଙ୍ଗଚ୍ଛେତ୍ଯାହ ଯଜ୍ଞପତିମେଵୈନ-ଙ୍ଗମଯତି ସ୍ଵାଂ-ଯୋଁନି-ଙ୍ଗଚ୍ଛେତ୍ଯାହ ସ୍ଵାମେଵୈନଂ-ଯୋଁନି-ଙ୍ଗମଯତ୍ଯେଷ ତେ ଯଜ୍ଞୋ ଯଜ୍ଞପତେ ସହସୂକ୍ତଵାକ-ସ୍ସୁଵୀର ଇତ୍ଯାହ ଯଜମାନ ଏଵ ଵୀର୍ଯ-ନ୍ଦଧାତି ଵାସିଷ୍ଠୋ ହ ସାତ୍ଯହଵ୍ଯୋ ଦେଵଭାଗ-ମ୍ପପ୍ରଚ୍ଛ ଯ-ଥ୍ସୃଞ୍ଜଯା-ନ୍ବହୁଯାଜିନୋ-ଽଯୀଯଜୋ ଯଜ୍ଞେ [ ] 7
ଯଜ୍ଞ-ମ୍ପ୍ରତ୍ଯତିଷ୍ଠିପା(3) ଯଜ୍ଞପତା(3)ଵିତି ସ ହୋଵାଚ ଯଜ୍ଞପତାଵିତି ସତ୍ଯାଦ୍ଵୈ ସୃଞ୍ଜଯାଃ ପରା ବଭୂଵୁରିତି ହୋଵାଚ ଯଜ୍ଞେ ଵାଵ ଯଜ୍ଞଃ ପ୍ରତିଷ୍ଠାପ୍ଯ ଆସୀ-ଦ୍ଯଜମାନସ୍ଯା-ଽପରାଭାଵାଯେତି ଦେଵା ଗାତୁଵିଦୋ ଗାତୁଂ-ଵିଁତ୍ତ୍ଵା ଗାତୁ -ମିତେତ୍ଯାହ ଯଜ୍ଞ ଏଵ ଯଜ୍ଞ-ମ୍ପ୍ରତି ଷ୍ଠାପଯତି ଯଜମାନସ୍ଯା-ଽପରାଭାଵାଯ ॥ 8 ॥

(ଯଜୂଗ୍ଂଷି - ଯଜ୍ଞ - ଏକଚତ୍ଵାରିଗ୍ଂଶଚ୍ଚ) (ଅ. 2)
ଅଵଭୃଥ-ଯଜୂଗ୍ଂଷି ଜୁହୋତି ଯଦେଵାର୍ଵାଚୀନ-ମେକହାଯନାଦେନଃ କରୋତି ତଦେଵ ତୈରଵ ଯଜତେ ଽପୋ-ଽଵଭୃଥ-ମଵୈତ୍ଯଫ୍ସୁ ଵୈ ଵରୁଣ-ସ୍ସାକ୍ଷାଦେଵ ଵରୁଣମଵ ଯଜତେ ଵର୍ତ୍ମନା ଵା ଅନ୍ଵିତ୍ଯ ଯଜ୍ଞଗ୍ଂ ରକ୍ଷାଗ୍ଂସି ଜିଘାଗ୍ଂସନ୍ତି ସାମ୍ନା ପ୍ରସ୍ତୋତା-ଽନ୍ଵଵୈତି ସାମ ଵୈ ରକ୍ଷୋହା ରକ୍ଷସାମପହତ୍ଯୈ ତ୍ରିର୍ନିଧନମୁପୈତି ତ୍ରଯ ଇମେ ଲୋକା ଏଭ୍ଯ ଏଵ ଲୋକେଭ୍ଯୋ ରକ୍ଷାଗ୍- [ଲୋକେଭ୍ଯୋ ରକ୍ଷାଗ୍ଂସି, ଅପ ହନ୍ତି] 9
-ସ୍ଯପ ହନ୍ତି ପୁରୁଷଃପୁରୁଷୋ ନିଧନମୁପୈତି ପୁରୁଷଃପୁରୁଷୋ ହି ରକ୍ଷସ୍ଵୀ ରକ୍ଷସାମପହତ୍ଯା ଉରୁଗ୍ଂ ହି ରାଜା ଵରୁଣଶ୍ଚକାରେତ୍ଯାହ ପ୍ରତିଷ୍ଠିତ୍ଯୈ ଶତ-ନ୍ତେ ରାଜ-ନ୍ଭିଷଜଃ ସହସ୍ରମିତ୍ଯାହ ଭେଷଜମେଵାସ୍ମୈ କରୋତ୍ଯଭିଷ୍ଠିତୋ ଵରୁଣସ୍ଯ ପାଶ ଇତ୍ଯାହ ଵରୁଣପାଶମେଵାଭି ତିଷ୍ଠତି ବର୍ହିରଭି ଜୁହୋତ୍ଯାହୁତୀନା-ମ୍ପ୍ରତିଷ୍ଠିତ୍ଯା ଅଥୋ ଅଗ୍ନିଵତ୍ଯେଵ ଜୁହୋତ୍ଯପ ବର୍ହିଷଃ ପ୍ରଯାଜାନ୍ [ପ୍ରଯାଜାନ୍, ଯଜତି ପ୍ରଜା ଵୈ] 10
ଯଜତି ପ୍ରଜା ଵୈ ବର୍ହିଃ ପ୍ରଜା ଏଵ ଵରୁଣପାଶା-ନ୍ମୁଞ୍ଚତ୍ଯାଜ୍ଯଭାଗୌ ଯଜତି ଯଜ୍ଞସ୍ଯୈଵ ଚକ୍ଷୁଷୀ ନାନ୍ତରେତି ଵରୁଣଂ-ଯଁଜତି ଵରୁଣପାଶାଦେଵୈନ-ମ୍ମୁଞ୍ଚତ୍ଯଗ୍ନୀଵରୁଣୌ ଯଜତି ସାକ୍ଷାଦେଵୈନଂ-ଵଁରୁଣପାଶା-ନ୍ମୁଞ୍ଚତ୍ଯ-ପବର୍ହିଷାଵନୂଯାଜୌ ଯଜତି ପ୍ରଜା ଵୈ ବର୍ହିଃ ପ୍ରଜା ଏଵ ଵରୁଣପାଶା-ନ୍ମୁଞ୍ଚତି ଚତୁରଃ ପ୍ରଯାଜାନ୍. ଯଜତି ଦ୍ଵାଵନୂଯାଜୌ ଷଟ୍-ଥ୍ସମ୍ପଦ୍ଯନ୍ତେ ଷଡ୍ଵା ଋତଵ [ଷଡ୍ଵା ଋତଵଃ, ଋତୁଷ୍ଵେଵ ପ୍ରତି] 11
ଋତୁଷ୍ଵେଵ ପ୍ରତି ତିଷ୍ଠ-ତ୍ଯଵଭୃଥ-ନିଚଙ୍କୁଣେତ୍ଯାହ ଯଥୋଦିତମେଵ ଵରୁଣମଵ ଯଜତେ ସମୁଦ୍ରେ ତେ ହୃଦଯ-ମଫ୍ସ୍ଵନ୍ତରିତ୍ଯାହ ସମୁଦ୍ରେ ହ୍ଯନ୍ତର୍ଵରୁଣ-ସ୍ସ-ନ୍ତ୍ଵା ଵିଶ-ନ୍ତ୍ଵୋଷଧୀ-ରୁତା-ଽଽପ ଇତ୍ଯାହାଦ୍ଭି-ରେଵୈନମୋଷଧୀଭି-ସ୍ସମ୍ଯଞ୍ଚ-ନ୍ଦଧାତି ଦେଵୀରାପ ଏଷ ଵୋ ଗର୍ଭ ଇତ୍ଯାହ ଯଥାଯଜୁରେଵୈତ-ତ୍ପଶଵୋ ଵୈ [ ] 12
ସୋମୋ ଯ-ଦ୍ଭିନ୍ଦୂନା-ମ୍ଭକ୍ଷଯେ-ତ୍ପଶୁମାନ୍-ଥ୍ସ୍ଯା-ଦ୍ଵରୁଣ-ସ୍ତ୍ଵେନ-ଙ୍ଗୃହ୍ଣୀଯାଦ୍ଯନ୍ନ ଭକ୍ଷଯେଦପଶୁ-ସ୍ସ୍ଯାନ୍ନୈନଂ-ଵଁରୁଣୋ ଗୃହ୍ଣୀଯା-ଦୁପସ୍ପୃଶ୍ଯମେଵ ପଶୁମା-ନ୍ଭଵତି ନୈନଂ-ଵଁରୁଣୋ ଗୃହ୍ଣାତି ପ୍ରତିଯୁତୋ ଵରୁଣସ୍ଯ ପାଶ ଇତ୍ଯାହ ଵରୁଣପାଶାଦେଵ ନିର୍ମୁଚ୍ଯତେ ଽପ୍ରତୀକ୍ଷମା ଯନ୍ତି ଵରୁଣସ୍ଯାନ୍ତର୍ହିତ୍ଯା ଏଧୋ-ଽସ୍ଯେଧିଷୀମହୀ-ତ୍ଯାହ ସମିଧୈଵାଗ୍ନି-ନ୍ନମସ୍ଯନ୍ତ ଉପାଯନ୍ତି ତେଜୋ-ଽସି ତେଜୋ ମଯି ଧେହୀତ୍ଯାହ ତେଜ ଏଵା-ଽଽତ୍ମ-ନ୍ଧତ୍ତେ ॥ 13 ॥

(ରକ୍ଷାଗ୍ଂସି - ପ୍ରଯାଜା - ନୃତଵୋ - ଵୈ - ନମସ୍ଯନ୍ତୋ - ଦ୍ଵାଦଶ ଚ) (ଅ. 3)
ସ୍ଫ୍ଯେନ ଵେଦିମୁଦ୍ଧନ୍ତି ରଥାକ୍ଷେଣ ଵି ମିମୀତେ ଯୂପ-ମ୍ମିନୋତି ତ୍ରିଵୃତମେଵ ଵଜ୍ରଗ୍ଂ ସଭୃନ୍ତ୍ଯ ଭ୍ରାତୃଵ୍ଯାଯ ପ୍ର ହରତି ସ୍ତୃତ୍ଯୈ ଯଦନ୍ତର୍ଵେଦି ମିନୁଯା-ଦ୍ଦେଵଲୋକମଭି ଜଯେ-ଦ୍ଯ-ଦ୍ବହିର୍ଵେଦି ମନୁଷ୍ଯ ଲୋକଂ ଁଵେଦ୍ଯନ୍ତସ୍ଯ ସନ୍ଧୌ ମିନୋତ୍ଯୁଭଯୋ-ର୍ଲୋକଯୋ-ରଭିଜିତ୍ଯା ଉପରସମ୍ମିତା-ମ୍ମିନୁଯା-ତ୍ପିତୃଲୋକକାମସ୍ଯ ରଶନସମିନ୍ତା-ମ୍ମନୁଷ୍ଯଲୋକକାମସ୍ଯ ଚଷାଲ-ସମ୍ମିତାମିନ୍ଦ୍ରିଯ କାମସ୍ଯ ସର୍ଵାନ୍-ଥ୍ସମା-ନ୍ପ୍ରତିଷ୍ଠାକାମସ୍ଯ ଯେ ତ୍ରଯୋ ମଦ୍ଧ୍ଯମାସ୍ତାନ୍-ଥ୍ସମା-ନ୍ପଶୁକାମସ୍ଯୈତାନ୍. ଵା [ଵୈ, ଅନୁ] 14
ଅନୁ ପଶଵ ଉପ ତିଷ୍ଠନ୍ତେ ପଶୁମାନେଵ ଭଵତି ଵ୍ଯତିଷଜେଦିତରା-ନ୍ପ୍ରଜଯୈଵୈନ-ମ୍ପଶୁଭିର୍ଵ୍ଯତିଷଜତି ଯ-ଙ୍କାମଯେତ ପ୍ରମାଯୁକ-ସ୍ସ୍ଯାଦିତି ଗର୍ତମିତ-ନ୍ତସ୍ଯ ମିନୁଯାଦୁତ୍ତରାର୍ଧ୍ଯଂ-ଵଁର୍ଷିଷ୍ଠମଥ ହ୍ରସୀଯାଗ୍ଂସମେଷା ଵୈ ଗର୍ତମିଦ୍ଯସ୍ଯୈଵ-ମ୍ମିନୋତି ତାଜ-କ୍ପ୍ର ମୀଯତେ ଦକ୍ଷିଣାର୍ଧ୍ଯଂ-ଵଁର୍ଷିଷ୍ଠ-ମ୍ମିନୁଯା-ଥ୍ସୁଵର୍ଗକାମସ୍ଯାଥ ହ୍ରସୀଯାଗ୍ଂସ-ମାକ୍ରମଣମେଵ ତ-ଥ୍ସେତୁଂ-ଯଁଜମାନଃ କୁରୁତେ ସୁଵର୍ଗସ୍ଯ ଲୋକସ୍ଯ ସମଷ୍ଟ୍ଯୈ [ସମଷ୍ଟ୍ଯୈ, ଯଦେକସ୍ମିନ୍.] 15
ଯଦେକସ୍ମିନ୍. ଯୂପେ ଦ୍ଵେ ରଶନେ ପରିଵ୍ଯଯତି ତସ୍ମାଦେକୋ ଦ୍ଵେ ଜାଯେ ଵିନ୍ଦତେ ଯନ୍ନୈକାଗ୍ଂ ରଶନା-ନ୍ଦ୍ଵଯୋର୍ଯୂପଯୋଃ ପରିଵ୍ଯଯତି ତସ୍ମାନ୍ନୈକା ଦ୍ଵୌ ପତୀ ଵିନ୍ଦତେ ଯ-ଙ୍କାମଯେତ ସ୍ତ୍ର୍ଯସ୍ଯ ଜାଯେତେତ୍ଯୁପାନ୍ତେ ତସ୍ଯ ଵ୍ଯତିଷଜେ-ଥ୍ସ୍ତ୍ର୍ଯେଵାସ୍ଯ ଜାଯତେ ଯ-ଙ୍କାମଯେତ ପୁମାନସ୍ଯ ଜାଯେତେତ୍ଯାନ୍ତ-ନ୍ତସ୍ଯ ପ୍ର ଵେଷ୍ଟଯେ-ତ୍ପୁମାନେଵାସ୍ଯ [ଵେଷ୍ଟଯେ-ତ୍ପୁମାନେଵାସ୍ଯ, ଜାଯତେ ଽସୁରା] 16
ଜାଯତେ ଽସୁରା ଵୈ ଦେଵା-ନ୍ଦକ୍ଷିଣତ ଉପାନଯ-ନ୍ତା-ନ୍ଦେଵା ଉପଶଯେନୈଵାପା-ନୁଦନ୍ତ ତ-ଦୁପଶଯସ୍ଯୋ-ପଶଯତ୍ଵଂ-ଯଁ-ଦ୍ଦକ୍ଷିଣତ ଉପଶଯ ଉପଶଯେ ଭ୍ରାତୃଵ୍ଯାପନୁତ୍ତ୍ଯୈ ସର୍ଵେ ଵା ଅନ୍ଯେ ଯୂପାଃ ପଶୁମନ୍ତୋ-ଽଥୋପଶଯ ଏଵାପଶୁସ୍ତସ୍ଯ ଯଜମାନଃ ପଶୁର୍ଯନ୍ନ ନିର୍ଦିଶେଦାର୍ତି-ମାର୍ଚ୍ଛେ-ଦ୍ଯଜମାନୋ-ଽସୌ ତେ ପଶୁରିତି ନିର୍ଦିଶେଦ୍ଯ-ନ୍ଦ୍ଵିଷ୍ଯା-ଦ୍ଯମେଵ [ ] 17
ଦ୍ଵେଷ୍ଟି ତମସ୍ମୈ ପଶୁ-ନ୍ନିର୍ଦିଶତି ଯଦି ନ ଦ୍ଵିଷ୍ଯାଦାଖୁସ୍ତେ ପଶୁରିତି ବ୍ରୂଯାନ୍ନ ଗ୍ରାମ୍ଯା-ନ୍ପଶୂନ୍. ହିନସ୍ତି ନା-ଽଽରଣ୍ଯା-ନ୍ପ୍ରଜାପତିଃ ପ୍ରଜା ଅସୃଜତ ସୋ-ଽନ୍ନାଦ୍ଯେନ ଵ୍ଯାର୍ଧ୍ଯତ ସ ଏତାମେକାଦଶିନୀ-ମପଶ୍ଯ-ତ୍ତଯା ଵୈ ସୋ-ଽନ୍ନାଦ୍ଯମଵାରୁନ୍ଧ ଯଦ୍ଦଶ ଯୂପା ଭଵନ୍ତି ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵା-ନ୍ନାଦ୍ଯମଵ ରୁନ୍ଧେ [ରୁନ୍ଧେ, ଯ] 18
ଯ ଏକାଦଶ-ସ୍ସ୍ତନ ଏଵାସ୍ଯୈ ସ ଦୁହ ଏଵୈନା-ନ୍ତେନ ଵଜ୍ରୋ ଵା ଏଷା ସ-ମ୍ମୀଯତେ ଯଦେକାଦଶିନୀ ସେଶ୍ଵରା ପୁରସ୍ତା-ତ୍ପ୍ରତ୍ଯଞ୍ଚଂ-ଯଁଜ୍ଞଗ୍ଂ ସମ୍ମର୍ଦିତୋର୍ଯ-ତ୍ପାତ୍ନୀଵତ-ମ୍ମିନୋତି ଯଜ୍ଞସ୍ଯ ପ୍ରତ୍ଯୁତ୍ତବ୍ଧ୍ଯୈ ସଯତ୍ଵାଯ ॥ 19 ॥

(ଵୈ - ସମଷ୍ଟ୍ଯୈ - ପୁମାନେଵାସ୍ଯ - ଯମେଵ - ରୁନ୍ଧେ - ତ୍ରିଗ୍ଂଶଚ୍ଚ) (ଅ. 4)
ସ ପ୍ରଜାପତିଃ ପ୍ରଜା ଅସୃଜତ ସ ରିରିଚାନୋ-ଽମନ୍ଯତ ସ ଏତାମେକାଦଶିନୀ-ମପଶ୍ଯ-ତ୍ତଯା ଵୈ ସ ଆଯୁରିନ୍ଦ୍ରିଯଂ-ଵୀଁର୍ଯମାତ୍ମନ୍ନଧତ୍ତ ପ୍ରଜା ଇଵ ଖଲୁ ଵା ଏଷ ସୃଜତେ ଯୋ ଯଜତେ ସ ଏତର୍ହି ରିରିଚାନ ଇଵ ଯଦେଷୈକାଦଶିନୀ ଭଵତ୍ଯାଯୁରେଵ ତଯେନ୍ଦ୍ରିଯଂ-ଵୀଁର୍ଯଂ-ଯଁଜମାନ ଆତ୍ମ-ନ୍ଧତ୍ତେ ପ୍ରୈଵା-ଽଽଗ୍ନେଯେନ ଵାପଯତି ମିଥୁନଗ୍ଂ ସାରସ୍ଵତ୍ଯା କରୋତି ରେତ- [ରେତଃ, ସୌମ୍ଯେନ ଦଧାତି] 20
-ସ୍ସୌମ୍ଯେନ ଦଧାତି ପ୍ର ଜନଯତି ପୌଷ୍ଣେନ ବାର୍ହସ୍ପତ୍ଯୋ ଭଵତି ବ୍ରହ୍ମ ଵୈ ଦେଵାନା-ମ୍ବୃହସ୍ପତିର୍ବ୍ରହ୍ମଣୈଵାସ୍ମୈ ପ୍ରଜାଃ ପ୍ରଜନଯତି ଵୈଶ୍ଵଦେଵୋ ଭଵତି ଵୈଶ୍ଵଦେଵ୍ଯୋ ଵୈ ପ୍ରଜାଃ ପ୍ରଜା ଏଵାସ୍ମୈ ପ୍ରଜନଯତୀ-ନ୍ଦ୍ରିଯମେଵୈନ୍ଦ୍ରେଣାଵ ରୁନ୍ଧେ ଵିଶ-ମ୍ମାରୁତେନୌଜୋ ବଲମୈନ୍ଦ୍ରାଗ୍ନେନ ପ୍ରସଵାଯ ସାଵିତ୍ରୋ ନିର୍ଵରୁଣତ୍ଵାଯ ଵାରୁଣୋ ମଦ୍ଧ୍ଯତ ଐନ୍ଦ୍ରମା ଲଭତେ ମଦ୍ଧ୍ଯତ ଏଵେନ୍ଦ୍ରିଯଂ-ଯଁଜମାନେ ଦଧାତି [ ] 21
ପୁରସ୍ତାଦୈନ୍ଦ୍ରସ୍ଯ ଵୈଶ୍ଵଦେଵମା ଲଭତେ ଵୈଶ୍ଵଦେଵଂ-ଵାଁ ଅନ୍ନମନ୍ନମେଵ ପୁରସ୍ତାଦ୍ଧତ୍ତେ ତସ୍ମା-ତ୍ପୁରସ୍ତାଦନ୍ନମଦ୍ଯତ ଐନ୍ଦ୍ରମାଲଭ୍ଯ ମାରୁତମା ଲଭତେ ଵି-ଡ୍ଵୈ ମରୁତୋ ଵିଶମେଵାସ୍ମା ଅନୁ ବଦ୍ଧ୍ନାତି ଯଦି କାମଯେତ ଯୋ-ଽଵଗତ-ସ୍ସୋ-ଽପ ରୁଦ୍ଧ୍ଯତାଂ-ଯୋଁ-ଽପରୁଦ୍ଧ-ସ୍ସୋ-ଽଵ ଗଚ୍ଛତ୍ଵିତ୍ଯୈନ୍ଦ୍ରସ୍ଯ ଲୋକେ ଵାରୁଣମା ଲଭେତ ଵାରୁଣସ୍ଯ ଲୋକ ଐନ୍ଦ୍ରଂ- [ଲୋକ ଐନ୍ଦ୍ରମ୍, ଯ ଏଵାଵଗତ-ସ୍ସୋ-ଽପ] 22
-ଁଯ ଏଵାଵଗତ-ସ୍ସୋ-ଽପ ରୁଦ୍ଧ୍ଯତେ ଯୋ-ଽପରୁଦ୍ଧ-ସ୍ସୋ-ଽଵ ଗଚ୍ଛତି ଯଦି କାମଯେତ ପ୍ରଜା ମୁହ୍ଯେଯୁରିତି ପଶୂନ୍ ଵ୍ଯତିଷଜେ-ତ୍ପ୍ରଜା ଏଵ ମୋହଯତି ଯଦଭିଵାହତୋ-ଽପାଂ-ଵାଁରୁଣମାଲଭେତ ପ୍ରଜା ଵରୁଣୋ ଗୃହ୍ଣୀଯା-ଦ୍ଦକ୍ଷିଣତ ଉଦଞ୍ଚମା ଲଭତେ-ଽପଵାହତୋ-ଽପା-ମ୍ପ୍ରଜାନା-ମଵରୁଣ ଗ୍ରାହାଯ ॥ 23 ॥

(ରେତୋ - ଯଜମାନେ ଦଧାତି - ଲୋକ ଐନ୍ଦ୍ରଗ୍ଂ - ସପ୍ତତ୍ରିଗ୍ଂଶଚ୍ଚ) (ଅ. 5)
ଇନ୍ଦ୍ରଃ ପତ୍ନିଯା ମନୁମଯାଜଯ-ତ୍ତା-ମ୍ପର୍ଯଗ୍ନିକୃତା-ମୁଦସୃଜ-ତ୍ତଯା ମନୁରାର୍ଧ୍ନୋଦ୍ଯ-ତ୍ପର୍ଯଗ୍ନିକୃତ-ମ୍ପାତ୍ନୀଵତମୁ-ଥ୍ସୃଜତି ଯାମେଵ ମନୁର୍. ଋଦ୍ଧିମାର୍ଧ୍ନୋ-ତ୍ତାମେଵ ଯଜମାନ ଋଧ୍ନୋତି ଯଜ୍ଞସ୍ଯ ଵା ଅପ୍ରତିଷ୍ଠିତା-ଦ୍ଯଜ୍ଞଃ ପରା ଭଵତି ଯଜ୍ଞ-ମ୍ପରାଭଵନ୍ତଂ-ଯଁଜମାନୋ-ଽନୁ ପରା ଭଵତି ଯଦାଜ୍ଯେନ ପାତ୍ନୀଵତଗ୍ଂ ସଗ୍ଗ୍ସ୍ଥାପଯତି ଯଜ୍ଞସ୍ଯ ପ୍ରତିଷ୍ଠିତ୍ଯୈ ଯଜ୍ଞ-ମ୍ପ୍ରତିତିଷ୍ଠନ୍ତଂ-ଯଁଜମାନୋ-ଽନୁ ପ୍ରତି ତିଷ୍ଠତୀଷ୍ଟଂ-ଵଁପଯା [-ଁଵପଯା, ଭଵତ୍ଯନିଷ୍ଟଂ-ଵଁଶଯା-ଽଥ] 24
ଭଵତ୍ଯନିଷ୍ଟଂ-ଵଁଶଯା-ଽଥ ପାତ୍ନୀଵତେନ ପ୍ର ଚରତି ତୀର୍ଥ ଏଵ ପ୍ର ଚରତ୍ଯଥୋ ଏତର୍ହ୍ଯେଵାସ୍ଯ ଯାମସ୍ତ୍ଵାଷ୍ଟ୍ରୋ ଭଵତି ତ୍ଵଷ୍ଟା ଵୈ ରେତସ-ସ୍ସିକ୍ତସ୍ଯ ରୂପାଣି ଵି କରୋତି ତମେଵ ଵୃଷାଣ-ମ୍ପତ୍ନୀଷ୍ଵପି ସୃଜତି ସୋ-ଽସ୍ମୈ ରୂପାଣି ଵି କରୋତି ॥ 25 ॥

(ଵପଯା - ଷଟ୍ତ୍ରିଗ୍ଂଶଚ୍ଚ) (ଅ. 6)
ଘ୍ନନ୍ତି ଵା ଏତ-ଥ୍ସୋମଂ-ଯଁଦଭିଷୁଣ୍ଵନ୍ତି ଯ-ଥ୍ସୌମ୍ଯୋ ଭଵତି ଯଥା ମୃତାଯାନୁସ୍ତରଣୀ-ଙ୍ଘ୍ନନ୍ତି ତାଦୃଗେଵ ତ-ଦ୍ଯଦୁତ୍ତରାର୍ଧେ ଵା ମଦ୍ଧ୍ଯେ ଵା ଜୁହୁଯା-ଦ୍ଦେଵତାଭ୍ଯ-ସ୍ସମଦ-ନ୍ଦଦ୍ଧ୍ଯା-ଦ୍ଦକ୍ଷିଣାର୍ଧେ ଜୁହୋତ୍ଯେଷା ଵୈ ପିତୃଣା-ନ୍ଦି-ଖ୍ସ୍ଵାଯାମେଵ ଦିଶି ପିତୄ-ନ୍ନିରଵଦଯତ ଉଦ୍ଗାତୃଭ୍ଯୋ ହରନ୍ତି ସାମଦେଵତ୍ଯୋ ଵୈ ସୌମ୍ଯୋ ଯଦେଵ ସାମ୍ନଃ ଛମ୍ବଟ୍କୁର୍ଵନ୍ତି ତସ୍ଯୈଵ ସ ଶାନ୍ତିରଵେ- [ଶାନ୍ତିରଵ, ଈକ୍ଷନ୍ତେ ପଵିତ୍ରଂ-ଵୈଁ] 26
-କ୍ଷନ୍ତେ ପଵିତ୍ରଂ-ଵୈଁ ସୌମ୍ଯ ଆତ୍ମାନମେଵ ପଵଯନ୍ତେ ଯ ଆତ୍ମାନ-ନ୍ନ ପରିପଶ୍ଯେଦିତାସୁଃ ସ୍ଯାଦଭିଦଦି-ଙ୍କୃତ୍ଵା-ଽଵେକ୍ଷେତ ତସ୍ମିନ୍. ହ୍ଯାତ୍ମାନ-ମ୍ପରିପଶ୍ଯତ୍ଯଥୋ ଆତ୍ମାନମେଵ ପଵଯତେ ଯୋ ଗତମନା-ସ୍ସ୍ଯା-ଥ୍ସୋ-ଽଵେକ୍ଷେତ ଯନ୍ମେ ମନଃ ପରାଗତଂ-ଯଁଦ୍ଵା ମେ ଅପରାଗତମ୍ । ରାଜ୍ଞା ସୋମେନ ତଦ୍ଵଯମସ୍ମାସୁ ଧାରଯାମସୀତି ମନ ଏଵାତ୍ମ-ନ୍ଦାଧାର- [ଏଵାତ୍ମ-ନ୍ଦାଧାର, ନ ଗତମନା] 27
ନ ଗତମନା ଭଵତ୍ଯପ ଵୈ ତୃତୀଯସଵନେ ଯଜ୍ଞଃ କ୍ରାମତୀଜାନା-ଦନୀଜାନମଭ୍ଯା-ଗ୍ନାଵୈଷ୍ଣଵ୍ଯର୍ଚା ଘୃତସ୍ଯ ଯଜତ୍ଯଗ୍ନି-ସ୍ସର୍ଵା ଦେଵତା ଵିଷ୍ଣୁର୍ଯଜ୍ଞୋ ଦେଵତାଶ୍ଚୈଵ ଯଜ୍ଞ-ଞ୍ଚ ଦାଧାରୋପାଗ୍ଂଶୁ ଯଜତି ମିଥୁନତ୍ଵାଯ ବ୍ରହ୍ମଵାଦିନୋ ଵଦନ୍ତି ମିତ୍ରୋ ଯଜ୍ଞସ୍ଯ ସ୍ଵିଷ୍ଟଂ-ଯୁଁଵତେ ଵରୁଣୋ ଦୁରିଷ୍ଟ-ଙ୍କ୍ଵ ତର୍ହି ଯଜ୍ଞଃ କ୍ଵ ଯଜମାନୋ ଭଵତୀତି ଯନ୍ମୈତ୍ରାଵରୁଣୀଂ-ଵଁଶାମାଲଭତେ ମିତ୍ରେଣୈଵ [ ] 28
ଯଜ୍ଞସ୍ଯ ସ୍ଵିଷ୍ଟଗ୍ଂ ଶମଯତି ଵରୁଣେନ ଦୁରିଷ୍ଟ-ନ୍ନା-ଽଽର୍ତିମାର୍ଚ୍ଛତି ଯଜମାନୋ ଯଥା ଵୈ ଲାଙ୍ଗଲେନୋର୍ଵରା-ମ୍ପ୍ରଭିନ୍ଦନ୍-ତ୍ଯେଵମୃଖ୍ସାମେ ଯଜ୍ଞ-ମ୍ପ୍ର ଭିନ୍ତୋ ଯନ୍ମୈତ୍ରାଵରୁଣୀଂ-ଵଁଶାମାଲଭତେ ଯଜ୍ଞାଯୈଵ ପ୍ରଭିନ୍ନାଯ ମତ୍ଯମନ୍ଵଵାସ୍ଯତି ଶାନ୍ତ୍ଯୈ ଯାତଯାମାନି ଵା ଏତସ୍ଯ ଛନ୍ଦାଗ୍ଂସି ଯ ଈଜାନ-ଶ୍ଛନ୍ଦସାମେଷ ରସୋ ଯ-ଦ୍ଵଶା ଯନ୍ମୈତ୍ରାଵରୁଣୀଂ-ଵଁଶାମାଲଭତେ ଛନ୍ଦାଗ୍ସ୍ଯେଵ ପୁନରା ପ୍ରୀଣାତ୍ଯ ଯାତଯାମତ୍ଵାଯାଥୋ ଛନ୍ଦସ୍ସ୍ଵେଵ ରସ-ନ୍ଦଧାତି ॥ 29 ॥

(ଅଵ - ଦାଧାର - ମିତ୍ରେଣୈଵ - ପ୍ରୀଣାତି - ଷଟ୍ଚ) (ଅ. 7)
ଦେଵା ଵା ଇନ୍ଦ୍ରିଯଂ-ଵୀଁର୍ଯାଂ(1) ଁଵ୍ଯଭଜନ୍ତ ତତୋ ଯଦତ୍ଯଶିଷ୍ଯତ ତଦତିଗ୍ରାହ୍ଯା ଅଭଵ-ନ୍ତଦତିଗ୍ରାହ୍ଯାଣା-ମତିଗ୍ରାହ୍ଯତ୍ଵଂ-ଯଁଦତିଗ୍ରାହ୍ଯା ଗୃହ୍ଯନ୍ତ ଇନ୍ଦ୍ରିଯମେଵ ତ-ଦ୍ଵୀର୍ଯଂ-ଯଁଜମାନ ଆତ୍ମ-ନ୍ଧତ୍ତେ ତେଜ ଆଗ୍ନେଯେନେନ୍ଦ୍ରିଯ-ମୈନ୍ଦ୍ରେଣ ବ୍ରହ୍ମଵର୍ଚସଗ୍ଂ ସୌର୍ଯେଣୋପସ୍ତମ୍ଭନଂ-ଵାଁ ଏତ-ଦ୍ଯଜ୍ଞସ୍ଯ ଯଦତିଗ୍ରାହ୍ଯାଶ୍ଚକ୍ରେ ପୃଷ୍ଠାନି ଯ-ତ୍ପୃଷ୍ଠ୍ଯେ ନ ଗୃହ୍ଣୀଯା-ତ୍ପ୍ରାଞ୍ଚଂ-ଯଁଜ୍ଞ-ମ୍ପୃଷ୍ଠାନି ସଗ୍ଂ ଶୃଣୀଯୁର୍ଯ-ଦୁକ୍ଥ୍ଯେ [-ଦୁକ୍ଥ୍ଯେ, ଗୃହ୍ଣୀଯା-ତ୍ପ୍ରତ୍ଯଞ୍ଚଂ-] 30
ଗୃହ୍ଣୀଯା-ତ୍ପ୍ରତ୍ଯଞ୍ଚଂ-ଯଁଜ୍ଞମତିଗ୍ରାହ୍ଯା-ସ୍ସଗ୍ଂ ଶୃଣୀଯୁର୍ଵିଶ୍ଵଜିତି ସର୍ଵପୃଷ୍ଠେ ଗ୍ରହୀତଵ୍ଯା ଯଜ୍ଞସ୍ଯ ସଵୀର୍ଯତ୍ଵାଯ ପ୍ରଜାପତିର୍ଦେଵେଭ୍ଯୋ ଯଜ୍ଞାନ୍ ଵ୍ଯାଦିଶ-ଥ୍ସ ପ୍ରିଯାସ୍ତନୂରପ ନ୍ଯଧତ୍ତ ତଦତିଗ୍ରାହ୍ଯା ଅଭଵନ୍ ଵିତନୁସ୍ତସ୍ଯ ଯଜ୍ଞ ଇତ୍ଯାହୁର୍ଯ-ସ୍ଯାତିଗ୍ରାହ୍ଯା ନ ଗୃହ୍ଯନ୍ତ ଇତ୍ଯପ୍ଯଗ୍ନିଷ୍ଟୋମେ ଗ୍ରହୀତଵ୍ଯା ଯଜ୍ଞସ୍ଯ ସତନୁତ୍ଵାଯ ଦେଵତା ଵୈ ସର୍ଵା-ସ୍ସଦୃଶୀରାସ-ନ୍ତା ନ ଵ୍ଯାଵୃତ-ମଗଚ୍ଛ-ନ୍ତେ ଦେଵା [ଦେଵାଃ, ଏତ ଏତା-ନ୍ଗ୍ରହା-] 31
ଏତ ଏତା-ନ୍ଗ୍ରହା-ନପଶ୍ଯ-ନ୍ତାନଗୃହ୍ଣତା-ଽଽଗ୍ନେ ଯମଗ୍ନିରୈନ୍ଦ୍ରମିନ୍ଦ୍ରଃ ସୌର୍ଯଗ୍ଂ ସୂର୍ଯସ୍ତତୋ ଵୈ ତେ-ଽନ୍ଯାଭି-ର୍ଦେଵତାଭି-ର୍ଵ୍ଯାଵୃତମଗଚ୍ଛନ୍. ଯସ୍ଯୈଵଂ-ଵିଁଦୁଷ ଏତେ ଗ୍ରହା ଗୃହ୍ଯନ୍ତେ ଵ୍ଯାଵୃତମେଵ ପାପ୍ମନା ଭ୍ରାତୃଵ୍ଯେଣ ଗଚ୍ଛତୀମେ ଲୋକା ଜ୍ଯୋତିଷ୍ମନ୍ତ-ସ୍ସମାଵ-ଦ୍ଵୀର୍ଯାଃ କାର୍ଯା ଇତ୍ଯାହୁରାଗ୍ନେଯେନାସ୍ମିନ୍ ଁଲୋକେ ଜ୍ଯୋତିର୍ଧତ୍ତ ଐନ୍ଦ୍ରେଣାନ୍ତରିକ୍ଷ ଇନ୍ଦ୍ରଵାଯୂ ହି ସଯୁଜୌ ସୌର୍ଯେଣାମୁଷ୍ମିନ୍ ଁଲୋକେ [ ] 32
ଜ୍ଯୋତିର୍ଧତ୍ତେ ଜ୍ଯୋତିଷ୍ମନ୍ତୋ-ଽସ୍ମା ଇମେ ଲୋକା ଭଵନ୍ତି ସମାଵ-ଦ୍ଵୀର୍ଯାନେନାନ୍ କୁରୁତ ଏତାନ୍. ଵୈ ଗ୍ରହା-ନ୍ବବାଂ-ଵିଶ୍ଵଵଯସା-ଵଵିତ୍ତା-ନ୍ତାଭ୍ଯାମିମେ ଲୋକାଃ ପରାଞ୍ଚଶ୍ଚାର୍ଵାଞ୍ଚଶ୍ଚ ପ୍ରାଭୁର୍ଯସ୍ଯୈଵଂ-ଵିଁଦୁଷ ଏତେ ଗ୍ରହା ଗୃହ୍ଯନ୍ତେ ପ୍ରାସ୍ମା ଇମେ ଲୋକାଃ ପରାଞ୍ଚଶ୍ଚାର୍ଵାଞ୍ଚଶ୍ଚ ଭାନ୍ତି ॥ 33 ॥

(ଉକ୍ଥ୍ଯେ - ଦେଵା - ଅମୁଷ୍ମିନ୍ ଁଲୋକ - ଏକାନ୍ନଚତ୍ଵାରିଗ୍ଂଶଚ୍ଚ) (ଅ. 8)
ଦେଵା ଵୈ ଯ-ଦ୍ଯଜ୍ଞେ-ଽକୁର୍ଵତ ତଦସୁରା ଅକୁର୍ଵତ ତେ ଦେଵା ଅଦାଭ୍ଯେ ଛନ୍ଦାଗ୍ଂସି ସଵନାନି ସମସ୍ଥାପଯ-ନ୍ତତୋ ଦେଵା ଅଭଵ-ନ୍ପରା-ଽସୁରା ଯସ୍ଯୈଵଂ-ଵିଁଦୁଷୋ-ଽଦାଭ୍ଯୋ ଗୃହ୍ଯତେ ଭଵତ୍ଯାତ୍ମନା ପରା-ଽସ୍ଯ ଭ୍ରାତୃଵ୍ଯୋ ଭଵତି ଯଦ୍ଵୈ ଦେଵା ଅସୁରା-ନଦାଭ୍ଯେ-ନାଦଭ୍ନୁଵ-ନ୍ତଦଦାଭ୍ଯସ୍ଯା-ଦାଭ୍ଯ ତ୍ଵଂ-ଯଁ ଏଵଂ-ଵେଁଦ ଦଭ୍ନୋତ୍ଯେଵ ଭ୍ରାତୃଵ୍ଯ-ନ୍ନୈନ-ମ୍ଭ୍ରାତୃଵ୍ଯୋ ଦଭ୍ନୋ- [ଦଭ୍ନୋତି, ଏଷା ଵୈ] 34
-ତ୍ଯେଷା ଵୈ ପ୍ରଜାପତେ-ରତିମୋକ୍ଷିଣୀ ନାମ ତନୂର୍ଯଦଦାଭ୍ଯ ଉପନଦ୍ଧସ୍ଯ ଗୃହ୍ଣାତ୍ଯତିମୁକ୍ତ୍ଯା ଅତି ପାପ୍ମାନ-ମ୍ଭ୍ରାତୃଵ୍ଯ-ମ୍ମୁଚ୍ଯତେ ଯ ଏଵଂ-ଵେଁଦ ଘ୍ନନ୍ତି ଵା ଏତ-ଥ୍ସୋମଂ-ଯଁଦଭିଷୁଣ୍ଵନ୍ତି ସୋମେ ହନ୍ଯମାନେ ଯଜ୍ଞୋ ହନ୍ଯତେ ଯଜ୍ଞେ ଯଜମାନୋ ବ୍ରହ୍ମଵାଦିନୋ ଵଦନ୍ତି କି-ନ୍ତ-ଦ୍ଯଜ୍ଞେ ଯଜମାନଃ କୁରୁତେ ଯେନ ଜୀଵନ୍-ଥ୍ସୁଵର୍ଗଂ-ଲୋଁକମେତୀତି ଜୀଵଗ୍ରହୋ ଵା ଏଷ ଯଦଦାଭ୍ଯୋ ଽନଭିଷୁତସ୍ଯ ଗୃହ୍ଣାତି ଜୀଵନ୍ତମେଵୈନଗ୍ଂ ସୁଵର୍ଗଂ ଁଲୋକ-ଙ୍ଗମଯତି ଵି ଵା ଏତ-ଦ୍ଯଜ୍ଞ-ଞ୍ଛିନ୍ଦନ୍ତି ଯଦଦାଭ୍ଯେ ସଗ୍ଗ୍-ସ୍ଥାପଯ-ନ୍ତ୍ଯଗ୍ଂଶୂନପି ସୃଜତି ଯଜ୍ଞସ୍ଯ ସନ୍ତତ୍ଯୈ ॥ 35 ॥

(ଦଭ୍ନୋତ୍ଯ - ନଭିଷୁତସ୍ଯ ଗୃହ୍ଣାତ୍ଯେ - କାନ୍ନଵିଗ୍ଂଶତିଶ୍ଚ) (ଅ. 9)
ଦେଵା ଵୈ ପ୍ରବାହୁଗ୍ଗ୍ରହା-ନଗୃହ୍ଣତ ସ ଏତ-ମ୍ପ୍ରଜାପତି-ରଗ୍ଂଶୁ-ମପଶ୍ଯ-ତ୍ତମଗୃହ୍ଣୀତ ତେନ ଵୈ ସ ଆର୍ଧ୍ନୋ-ଦ୍ଯସ୍ଯୈଵଂ-ଵିଁଦୁଷୋ-ଽଗ୍ଂଶୁ-ର୍ଗୃହ୍ଯତ ଋଦ୍ଧ୍ନୋତ୍ଯେଵ ସକୃଦଭିଷୁତସ୍ଯ ଗୃହ୍ଣାତି ସକୃଦ୍ଧି ସ ତେନା-ଽଽର୍ଧ୍ନୋନ୍ମନସା ଗୃହ୍ଣାତି ମନ ଇଵ ହି ପ୍ରଜାପତିଃ ପ୍ରଜାପତେରାପ୍ତ୍ଯା ଔଦୁମ୍ବରେଣ ଗୃହ୍ଣାତ୍ଯୂର୍ଗ୍ଵା ଉଦୁମ୍ବର ଊର୍ଜମେଵାଵ ରୁନ୍ଧେ ଚତୁଃସ୍ରକ୍ତି ଭଵତି ଦି- [ଭଵତି ଦିକ୍ଷୁ, ଏଵ ପ୍ରତି ତିଷ୍ଠତି] 36
-କ୍ଷ୍ଵେଵ ପ୍ରତି ତିଷ୍ଠତି ଯୋ ଵା ଅଗ୍ଂଶୋରାଯତନଂ-ଵେଁଦା-ଽଽଯତନଵା-ନ୍ଭଵତି ଵାମଦେଵ୍ଯମିତି ସାମ ତଦ୍ଵା ଅସ୍ଯା-ଽଽଯତନ-ମ୍ମନସା ଗାଯମାନୋ ଗୃହ୍ଣାତ୍ଯାଯତନଵାନେଵ ଭଵତି ଯଦଦ୍ଧ୍ଵର୍ଯୁରଗ୍ଂଶୁ-ଙ୍ଗୃହ୍ଣ-ନ୍ନାର୍ଧଯେଦୁଭାଭ୍ଯା-ନ୍ନର୍ଧ୍ଯେତାଦ୍ଧ୍ଵର୍ଯଵେ ଚ ଯଜମାନାଯ ଚ ଯଦର୍ଧଯେ-ଦୁଭାଭ୍ଯା-ମୃଦ୍ଧ୍ଯେତାନଵାନ-ଙ୍ଗୃହ୍ଣାତି ସୈଵାସ୍ଯର୍ଧିର୍. ହିରଣ୍ଯମଭି ଵ୍ଯନିତ୍ଯମୃତଂ-ଵୈଁ ହିରଣ୍ଯମାଯୁଃ ପ୍ରାଣ ଆଯୁଷୈଵାମୃତମଭି ଧିନୋତି ଶତମାନ-ମ୍ଭଵତି ଶତାଯୁଃ ପୁରୁଷ-ଶ୍ଶତେନ୍ଦ୍ରିଯ ଆଯୁଷ୍ଯେଵେନ୍ଦ୍ରିଯେ ପ୍ରତି ତିଷ୍ଠତି ॥ 37 ॥

(ଦିକ୍ଷ୍ଵ - ନିତି - ଵିଗ୍ଂଶତିଶ୍ଚ) (ଅ. 10)
ପ୍ରଜାପତି-ର୍ଦେଵେଭ୍ଯୋ ଯଜ୍ଞାନ୍ ଵ୍ଯାଦିଶ-ଥ୍ସ ରିରିଚାନୋ-ଽମନ୍ଯତ ସ ଯଜ୍ଞାନାଗ୍ଂ ଷୋଡଶଧେନ୍ଦ୍ରିଯଂ-ଵୀଁର୍ଯମାତ୍ମାନମଭି ସମକ୍ଖିଦ-ତ୍ତ-ଥ୍ଷୋଡଶ୍ଯଭଵନ୍ନ ଵୈ ଷୋଡଶୀ ନାମ ଯଜ୍ଞୋ-ଽସ୍ତି ଯଦ୍ଵାଵ ଷୋଡଶଗ୍ଗ୍ ସ୍ତୋତ୍ରଗ୍ଂ ଷୋଡଶଗ୍ଂ ଶସ୍ତ୍ର-ନ୍ତେନ ଷୋଡଶୀ ତ-ଥ୍ଷୋଡଶିନଃ ଷୋଡଶିତ୍ଵଂ-ଯଁ-ଥ୍ଷୋଡଶୀ ଗୃହ୍ଯତ ଇନ୍ଦ୍ରିଯମେଵ ତ-ଦ୍ଵୀର୍ଯଂ-ଯଁଜମାନ ଆତ୍ମ-ନ୍ଧତ୍ତେ ଦେଵେଭ୍ଯୋ ଵୈ ସୁଵର୍ଗୋ ଲୋକୋ [ଲୋକଃ, ନ ପ୍ରାଭଵ-ତ୍ତ] 38
ନ ପ୍ରାଭଵ-ତ୍ତ ଏତଗ୍ଂ ଷୋଡଶିନମପଶ୍ଯ-ନ୍ତମଗୃହ୍ଣତ ତତୋ ଵୈ ତେଭ୍ଯଃ ସୁଵର୍ଗୋ ଲୋକଃ ପ୍ରାଭଵଦ୍ଯ-ଥ୍ଷୋଡଶୀ ଗୃହ୍ଯତେ ସୁଵର୍ଗସ୍ଯ ଲୋକସ୍ଯାଭିଜିତ୍ଯା ଇନ୍ଦ୍ରୋ ଵୈ ଦେଵାନାମାନୁଜାଵର ଆସୀ-ଥ୍ସ ପ୍ରଜାପତିମୁପାଧାଵ-ତ୍ତସ୍ମା ଏତଗ୍ଂ ଷୋଡଶିନ-ମ୍ପ୍ରାଯଚ୍ଛ-ତ୍ତମଗୃହ୍ଣୀତ ତତୋ ଵୈ ସୋ-ଽଗ୍ର-ନ୍ଦେଵତାନା-ମ୍ପର୍ଯୈ-ଦ୍ଯସ୍ଯୈଵଂ-ଵିଁଦୁଷଃ ଷୋଡଶୀ ଗୃହ୍ଯତେ- [ଗୃହ୍ଯତେ, ଅଗ୍ରମେଵ] 39
-ଽଗ୍ରମେଵ ସମାନାନା-ମ୍ପର୍ଯେତି ପ୍ରାତସ୍ସଵନେ ଗୃହ୍ଣାତି ଵଜ୍ରୋ ଵୈ ଷୋଡଶୀ ଵଜ୍ରଃ ପ୍ରାତସ୍ସଵନଗ୍ଗ୍ ସ୍ଵାଦେଵୈନଂ-ଯୋଁନେର୍ନିଗୃହ୍ଣାତି ସଵନେସଵନେ-ଽଭି ଗୃହ୍ଣାତି ସଵନାଥ୍ସଵନାଦେଵୈନ-ମ୍ପ୍ର ଜନଯତି ତୃତୀଯସଵନେ ପଶୁକାମସ୍ଯ ଗୃହ୍ଣୀଯା-ଦ୍ଵଜ୍ରୋ ଵୈ ଷୋଡଶୀ ପଶଵସ୍ତୃତୀଯସଵନଂ-ଵଁଜ୍ରେଣୈଵାସ୍ମୈ ତୃତୀଯସଵନା-ତ୍ପଶୂନଵ ରୁନ୍ଧେ ନୋକ୍ଥ୍ଯେ ଗୃହ୍ଣୀଯା-ତ୍ପ୍ରଜା ଵୈ ପଶଵ ଉକ୍ଥାନି ଯଦୁକ୍ଥ୍ଯେ- [ଯଦୁକ୍ଥ୍ଯେ, ଗୃହ୍ଣୀଯା-ତ୍ପ୍ରଜା-] 40
ଗୃହ୍ଣୀଯା-ତ୍ପ୍ରଜା-ମ୍ପଶୂନସ୍ଯ ନିର୍ଦହେଦତିରାତ୍ରେ ପଶୁକାମସ୍ଯ ଗୃହ୍ଣୀଯା-ଦ୍ଵଜ୍ରୋ ଵୈ ଷୋଡଶୀ ଵଜ୍ରେଣୈଵାସ୍ମୈ ପଶୂନଵରୁଦ୍ଧ୍ଯ ରାତ୍ରି-ଯୋପରିଷ୍ଟା-ଚ୍ଛମଯତ୍ଯପ୍ଯଗ୍ନିଷ୍ଟୋମେ ରାଜନ୍ଯସ୍ଯ ଗୃହ୍ଣୀଯା-ଦ୍ଵ୍ଯାଵୃତ୍କାମୋ ହି ରାଜନ୍ଯୋ ଯଜତେ ସାହ୍ନ ଏଵାସ୍ମୈ ଵଜ୍ର-ଙ୍ଗୃହ୍ଣାତି ସ ଏନଂ-ଵଁଜ୍ରୋ ଭୂତ୍ଯା ଇନ୍ଧେ ନିର୍ଵା ଦହ-ତ୍ଯେକଵିଗ୍ଂଶଗ୍ଗ୍ ସ୍ତୋତ୍ର-ମ୍ଭଵତି ପ୍ରତିଷ୍ଠିତ୍ଯୈ ହରିଵଚ୍ଛସ୍ଯତ ଇନ୍ଦ୍ରସ୍ଯ ପ୍ରିଯ-ନ୍ଧାମୋ- [ପ୍ରିଯ-ନ୍ଧାମ, ଉପା-ଽଽପ୍ନୋତି] 41
-ପା-ଽଽପ୍ନୋତି କନୀଯାଗ୍ଂସି ଵୈ ଦେଵେଷୁ ଛନ୍ଦାଗ୍ସ୍ଯାସନ୍-ଜ୍ଯାଯାଗ୍-ସ୍ଯସୁରେଷୁ ତେ ଦେଵାଃ କନୀଯସା ଛନ୍ଦସା ଜ୍ଯାଯ-ଶ୍ଛନ୍ଦୋ-ଽଭି ଵ୍ଯଶଗ୍ଂସ-ନ୍ତତୋ ଵୈ ତେ-ଽସୁରାଣାଂ-ଲୋଁକମଵୃଞ୍ଜତ ଯ-ତ୍କନୀଯସା ଛନ୍ଦସା ଜ୍ଯାଯ-ଶ୍ଛନ୍ଦୋ-ଽଭିଵିଶଗ୍ଂସତି ଭ୍ରାତୃଵ୍ଯସ୍ଯୈଵ ତଲ୍ଲୋକଂ-ଵୃଁଙ୍କ୍ତେ ଷଡକ୍ଷରାଣ୍ଯତି ରେଚଯନ୍ତି ଷ-ଡ୍ଵା ଋତଵ ଋତୂନେଵ ପ୍ରୀଣାତି ଚତ୍ଵାରି ପୂର୍ଵାଣ୍ଯଵ କଲ୍ପଯନ୍ତି [କଲ୍ପଯନ୍ତି, ଚତୁଷ୍ପଦ ଏଵ] 42
ଚତୁଷ୍ପଦ ଏଵ ପଶୂନଵ ରୁନ୍ଧେ ଦ୍ଵେ ଉତ୍ତରେ ଦ୍ଵିପଦ ଏଵାଵ ରୁନ୍ଧେ ଽନୁଷ୍ଟୁଭମଭି ସ-ମ୍ପାଦଯନ୍ତି ଵାଗ୍ଵା ଅନୁଷ୍ଟୁ-ପ୍ତସ୍ମା-ତ୍ପ୍ରାଣାନାଂ-ଵାଁଗୁତ୍ତମା ସମଯାଵିଷିତେ ସୂର୍ଯେ ଷୋଡଶିନଃ ସ୍ତୋତ୍ର-ମୁପାକରୋତ୍ଯେତସ୍ମିନ୍ ଵୈ ଲୋକ ଇନ୍ଦ୍ରୋ ଵୃତ୍ରମହନ୍-ଥ୍ସାକ୍ଷାଦେଵ ଵଜ୍ର-ମ୍ଭ୍ରାତୃଵ୍ଯାଯ ପ୍ର ହର-ତ୍ଯରୁଣପିଶଙ୍ଗୋ-ଽଶ୍ଵୋ ଦକ୍ଷିଣୈତଦ୍ଵୈ ଵଜ୍ରସ୍ଯ ରୂପଗ୍ଂ ସମୃଦ୍ଧ୍ଯୈ ॥ 43 ॥